निपाणी येथे सासूच्या मदतीने जावयाच्या चोऱ्या; प्रकरणी तिघांना अटक जवळजवळ 7.50 लाखांचा मुद्देमाल जप्त


निरंजन कांबळे / शिवार न्यूज नेटवर्क

       सांगली येथील एका जावयाने निपाणीतील सासू आणि दोन सख्खे भाऊ असलेल्या मित्रांच्या मदतीने निपाणी शहरातील स्पेअर पार्ट्स दुकान व घरफोडी करून सुमारे 7.50 लाखांचा ऐवज मुद्देमाल लांबविला होता. या प्रकरणाचा छडा शुक्रवारी निपाणी शहर पोलिसांनी लावला असून जावई, सासू व दोघा भावांपैकी एक अशा तिघांना अटक करण्यात आली आहे. जावई निहाल असलम बालेखान (वय 27, रा. मगरमंच कॉलनी, सांगली) सासू रमिजा दस्तगीर मलोडी (वय 50, रा.जुने संभाजीनगर, निपाणी) या दोघांना निपाणी शहर पोलिसांनी अटक केली असून राजेसाब गुलाब नाईकवाडी (वय 38, रा. सोलापूर ता. हुक्केरी) याला बंबलवाड येथील चोरी प्रकरणी चिकोडी पोलिसांनी निपाणी पोलिसांचा तपास पूर्ण झाल्यानंतर अटक केली असून दादासाब गुलाब नाईकवाडी (वय 36) हा फरार आहे.

          त्या तिघांकडून 3.50 तोळे सोन्याचे दागिने, 3.75 लाखांचे स्पेअर पार्ट व 2 लाखांची कार असा एकूण 7.50 लाख रुपये किमतीचा मुद्देमाल जप्त करण्यात आला आहे. अवघ्या पंधरा दिवसांत या प्रकरणाचा छडा लावल्याने निपाणी पोलिसांचे जिल्हा पोलिस प्रमुख लक्ष्मण निंबरगी यांनी अभिनंदन केले आहे. 28 मे रोजी उजेब बागवान यांच्या दुचाकी स्पेअरपार्ट दुकानातील 3.75 लाखांचे स्पेअर पार्टस् व साहित्य लंपास करण्यात आले होते. याबाबत शहर पोलिसांत फिर्याद दाखल झाली होती. सीपीआय संगमेश शिवयोगी यांच्या मार्गदर्शनाखाली शहर पोलिस ठाण्याचा उपनिरीक्षक कृष्णवेणी गुर्लहोसूर यांनी याप्रकरणी तपासासाठी विशेष पथक तयार केले होते. या प्रकरणाचा तपास सुरू असताना शुक्रवारी सकाळी संशयित निहाल हा एका कारमधून दुचाकीचे स्पेअर पार्ट व किमती साहित्य विक्रीसाठी घेऊन जात असल्याचे तपास पथकाच्या निदर्शनास आले. त्यानुसार पथकाने निहालला थांबवून विचारणा केली.

       सुरूवातीला त्याने उडवाउडवीचे उत्तरे दिली. पण, पोलिसी खाक्या दाखवताच स्पेअर पार्टचे दुकान तसेच शिरगुप्पी येथील अंगणवाडी शिक्षिका सुनीता बुवा यांच्या घरी चोरी केल्याची कबुली दिली. त्यानुसार पथकाने निहाल राजेसाब व रमिजा यांच्याकडून मुद्देमाल व ऐवज जप्त केला. त्यांना सायंकाळी निपाणी न्यायालयापुढे हजर केले असता न्यायालयाने निहाल व रमिजा यांची हिंडलगा जेलमध्ये रवानगी केली. संशयित निहालने रमिजा यांच्या मदतीने चोरीसाठी राजेसाब दादासाब यांच्या मालकीच्या कारगाडीचा वापर केल्याचे दिसून आले. या कारवर समोरील बाजूस वधू-वर सूचक मंडळ असा कन्नडमध्ये लिहिलेला फलक लावला होता.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

हेरवाडमध्ये संशयित वस्तू आढळल्याने खळबळ..!

इमेज
हेरवाड / शिवार न्यूज नेटवर्क : हेरवाड येथील पाचवा मैल - बोरगाव मार्गावर नेर्ले मळ्याच्या पुढे असणार्‍या रस्त्याकडेला महिला तसेच पुरुषाचे संशयितरित्या वस्तू आढळून आल्याने खळबळ उडाली आहे. सकाळ पासून या ठिकाणी लेडीज चप्पल, पुरुषांचे दोन पॅन्ट, बरमोडा, पांढरे हॅडग्लोज, पायमोजे तसेच चाव्यांचा बंच व अभिषेक रमेश माने या नावाचे पॅन कार्ड आढळून आले असून दुपारच्या सुमारास गावातील काही वाहनधारकांनी या ठिकाणी रक्ताचे बोळे पाहिल्याचे सांगितल्याने मोठा संशय व्यक्त होत असून घटनास्थळाची पाहणी कुरुंदवाड पोलिसांनी केली आहे.  याबाबत मिळालेली अधिक माहिती अशी की, शनिवारी सकाळच्या सुमारास काही नागरिकांनी सदरच्या वस्तू पाहिल्या होत्या. यानंतर दुपारच्या सुमारास दोन शेतकऱ्यांना या ठिकाणी रक्ताचे बोळे तसेच चिप्स पॅकेट सह विविध वस्तू पाहिले होते. ही वार्ता गावात वाऱ्यासारखी पसरल्यानंतर नागरिकांनी घटनास्थळी पाहण्यासाठी गर्दी केली.  याबाबतची माहिती पोलिसांना दिल्यानंतर पोलीस घटनास्थळी दाखल झाले, संशीतरित्या वस्तू आढळून आल्याने परिसरातील शेती परिसरात पोलिसांनी पाहणी केली असता काहीही मिळून आले नाही, दरम्यान...
अधिक वाचा

तेरवाड बंधाऱ्याजवळ शिरढोण हद्दीत १२ फूटाची मगर जेरबंद

इमेज
  हैदरअली मुजावर / शिवार न्यूज नेटवर्क :  तेरवाड बंधाऱ्याजवळील शिरढोण हद्दीत सुमारे १० ते १२ फूट लांबीची मगर आढळून आल्याने परिसरात घबराट निर्माण झाली. वनविभागाच्या पथकाने स्थानिक नागरिकांच्या मदतीने मोठ्या प्रयत्नांनंतर मगर सुरक्षितपणे पकडून ताब्यात घेतली. मिळालेल्या माहितीनुसार, काल सायंकाळी काही नागरिकांना बंधाऱ्याजवळ मोठी मगर दिसली. याची माहिती त्यांनी वनविभागाला दिली. वन विभागाचे अधिकारी आणि रेस्क्यू टीम तत्काळ घटनास्थळी दाखल झाली. मोठ्या शिताफीने आणि सुरक्षिततेच्या नियमांचे पालन करत ही १२ फूट लांब मगर पकडण्यात यश आले. या मोहिमेत वनविभागाचे अधिकारी, कर्मचारी आणि स्थानिक नागरिकांचा मोठा सहभाग होता. मगर जेरबंद झाल्यानंतर तिला वनविभागाच्या अधिकाऱ्यांनी ताब्यात घेतले आणि सुरक्षित ठिकाणी हलवले. गेल्या काही दिवसांत या भागात मगर दिसल्याच्या अनेक तक्रारी स्थानिक नागरिकांनी केल्या होत्या. त्यामुळे नागरिकांमध्ये भीतीचे वातावरण होते. मात्र, वनविभागाच्या तत्परतेमुळे मोठा अनर्थ टळला. वनविभागाने नागरिकांना सतर्क राहण्याचे आणि अशा प्रकारे वन्यजीव दिसल्यास तात्काळ माहिती देण्याचे आवाहन के...
अधिक वाचा

श्री क्षेत्र नृसिंहवाडीत भेसळ खव्याचे वितरण ? ; भाविकांच्या आरोग्यास धोका, प्रशासनाचे दुर्लक्ष

इमेज
  नृसिंहवाडी / शिवार न्यूज नेटवर्क : श्रीक्षेत्र नृसिंहवाडी येथे श्री दत्त जयंतीच्या पार्श्वभूमीवर मोठ्या प्रमाणात भेसळयुक्त खवा आल्याची चर्चा सुरु आहे. या प्रकारामुळे हजारो भाविकांच्या आरोग्याचा प्रश्न गंभीर बनला आहे. विशेषतः अन्न व औषध प्रशासनाच्या दुर्लक्षामुळे या प्रकरणाला वेगळे वळण लागले आहे.   भाविकांची वाढती गर्दी लक्षात घेता मोठ्या प्रमाणावर खव्याचे वितरण केले जाते. मात्र, गेल्या काही दिवसांपासून वितरित होणाऱ्या खव्याच्या दर्जाबाबत चर्चा सुरू आहेत. अन्न व औषध प्रशासनाने वेळेवर कारवाई न केल्याने भाविकांचा संताप वाढत आहे.   गेल्या वर्षभरात अन्न व औषध प्रशासनातील अनेक अधिकारी लाचलुचपत प्रकरणात अडकले आहेत. त्यामुळे या भेसळ प्रकरणाकडे कोण लक्ष देणार ? असा प्रश्न उपस्थित होत आहे. प्रशासनाकडून कोणताही ठोस उपाययोजना केली जात नसल्याने नृसिंहवाडी येथील अनेकजण भेसळ खव्याच्या माध्यमातून तयार केलेली पदार्थ विक्री करण्यासाठी खुलेआम पुढे येत असल्याची चर्चा आहे.   पत्रकारांनी अन्न औषध प्रशासनाशी संपर्क साधण्याचा प्रयत्न केला असता, संबंधित अधिकाऱ्यांनी कॉल घेण्...
अधिक वाचा