लोककलाकार उषा हंकारे यांचे निधन

शिरोळ / शिवार न्यूज नेटवर्क 

महाराष्ट्रात कलापथकाच्या रंगमंचावर लावणी साम्राज्ञी म्हणून प्रसिद्ध असणाऱ्या उदगाव (ता शिरोळ) येथील उषा कुबेर हंकारे (वय वर्षे 57) यांचे अल्पशा आजाराने निधन झाले, त्यांच्या पश्चात पती , दोन मुले असा परिवार असून हंकारे परिवाराने कलापथक, नाट्य ,चित्रपट क्षेत्रात स्वतःची ओळख निर्माण केली आहे ,कोल्हापूर येथील हंकारे ऑर्केस्ट्रा कलापथकाचे निर्माते व प्रसिद्ध लोककलाकार कुबेर हंकारे यांच्या त्या पत्नी होत.

      उषा हंकारे यांनी आयुष्याच्या प्रवासात प्रतिकूल परिस्थितीवर मात करीत लोककलाकार म्हणून कला क्षेत्रात मोठे योगदान दिले, लोककलाकार, ऑर्केस्ट्रा , लावणी शो ते सिने अभिनेत्री असा प्रदीर्घ प्रवास त्यांनी केला, तालुक्यातील उदगाव गावच्या त्या सुनबाई होत्या, माळावरच फुल, ठिणगी, माहेरची पाहुणी , लेक चालली सासरला या चित्रपटात त्यांची विशेष भूमिका असून कलाकारांच्या जीवनावर आधारित 'कुबेर' मराठी चित्रपटाच्या निर्मात्या होत्या.