मुख्यमंत्री एकनाथराव शिंदे उद्या जयसिंगपुरात

आमदार यड्रावकर यांनी आयोजित केलेल्या जनसंवाद मेळाव्याला मार्गदर्शन करणार

जयसिंगपूर / शिवार न्यूज नेटवर्क :

महाराष्ट्र राज्याचे लोकप्रिय मुख्यमंत्री नामदार एकनाथरावजी शिंदे उद्या शुक्रवारी कोल्हापूर जिल्हा दौऱ्यावर येत असून या दौऱ्या दरम्यान सायंकाळी पाच वाजता माजी मंत्री आमदार राजेंद्र पाटील यड्रावकर यांच्या शरद सहकारी साखर कारखान्याने उभारलेल्या डिस्टिलरी प्रकल्पाचा शुभारंभ त्यांच्या शुभहस्ते होत आहे, या कार्यक्रमास वस्त्रोद्योग मंत्री नामदार चंद्रकांतदादा पाटील, कोल्हापूर जिल्ह्याचे पालकमंत्री दीपक केसरकर, उद्योग मंत्री उदय सामंत, उत्पादन शुल्क मंत्री शंभूराज देसाई, खासदार धैर्यशील माने, खासदार संजय मंडलिक, खासदार धनंजय उर्फ मुन्ना महाडिक यांच्यासह जिल्ह्यातील सर्व आमदार उपस्थित राहणार आहेत, या कार्यक्रमानंतर मुख्यमंत्री शरद सहकारी साखर कारखान्यावरुन जयसिंगपूर कडे रवाना होतील जयसिंगपूर येथे मुख्यमंत्री एकनाथरावजी शिंदे जयसिंगपूर नगरपरिषद व महाराष्ट्र शासनाच्या माध्यमातून झालेल्या विविध विकास कामांची पाहणी करतील तसेच जयसिंगपूर नगर 

परिषदेच्या माध्यमातून उभारण्यात येत असलेल्या छत्रपती शिवाजी महाराजांचा अश्वारूढ पुतळा व म्युझियमच्या ठिकाणी भेट देतील आणि त्यानंतर सायंकाळी साडेपाच वाजता जयसिंगपूर नगरपरिषदेसमोरील विक्रमसिंह क्रीडांगणावर माजी आरोग्य राज्यमंत्री व विद्यमान आमदार राजेंद्र पाटील यड्रावकर यांनी आयोजित केलेल्या जनसंवाद मेळाव्याला ते मार्गदर्शन करतील या कार्यक्रमाच्या अध्यक्षस्थानी कोल्हापूर जिल्ह्याचे पालकमंत्री दीपक केसरकर असतील तर या कार्यक्रमासाठी उत्पादन शुल्क मंत्री शंभूराज देसाई, उद्योग मंत्री उदय सामंत, राजेश क्षीरसागर, खासदार धैर्यशील माने, खासदार संजय मंडलिक, आमदार प्रकाश आबिटकर प्रमुख पाहुणे म्हणून उपस्थित राहणार आहेत या जनसंवाद मेळाव्यास शिरोळ हातकणंगले तालुक्यासह कोल्हापूर जिल्ह्यातून जनतेने मोठ्या संख्येने उपस्थित राहावे असे आवाहन जनसंवाद मेळाव्याचे संयोजक माजी आरोग्य राज्यमंत्री आणि विद्यमान आमदार राजेंद्र पाटील यड्रावकर यांनी केले आहे.