नवे दानवाड मधे शिवजयंती उत्साहा निमित्त विविध कार्यक्रमांचे आयोजन

प्रल्हाद साळुंखे / शिवार न्यूज नेटवर्क :

नवे दानवाड मध्ये प्रतिवर्षाप्रमाणे शिवछत्रपती तरूण मंडळाच्या वतीने शिवजयंतीनिमित्त विविध कार्यक्रमांचे आयोजन करण्यात आले आहे.

     दि. २२ रोजी सकाळी ६ वाजता पन्हाळगडावरून वाजत गाजत ज्योत आगमन,व पालखी मिरवणूक काढण्यात येणार आहे. सकाळी ९ वाजता छत्रपती शिवाजी महाराज यांच्या मुर्तींचे पुजन. सकाळी १० वाजता शिवछत्रपती शिवाजी महाराज तरूण मंडळाच्या फलकाचे अनावरण व उद्घाटन सोहळा संपन्न होणार आहे. संध्याकाळी ४ वाजता शिवकालीन मर्दानी खेळांचे आयोजन करण्यात आले आहे. दि,२४ रोजी सायंकाळी ४ वाजता छत्रपती शिवरायांच्या मुर्तींचे वाद्यांचा गजरामधे भव्य मिरवणूक काढण्यात येणार आहे. या कार्यक्रमाचे आयोजन शिवछत्रपती तरूण मंडळ व ग्रामस्थ यांनी केले आहे.