हेरवाडमध्ये लाडक्या गणरायाचे घरोघरी आगमन

हेरवाड / शिवार न्यूज नेटवर्क :

ढोलताशांचा गजर, टाळ्यांचा नाद आणि मोरया... मोरयाच्या गजरात हेरवाडमध्ये आज सकाळपासूनच उत्साही वातावरणात श्री गणेशाचे आगमन झाले. भाविकांना प्रतीक्षा असलेला लाडक्या गणरायाचे आज घरोघरी वाजत गाजत आगमन झात्यामुळे या चैतन्यपर्वामुळे भाविकांमध्ये उत्साहात निर्माण झाला होता.

हेरवाड मधील भाविकांनी जोरदार उत्साहात धुमधडाक्यात सुरुवात झाली आहे. दरम्यान आठवडाभरापासूनच गणेश मूर्ती सजावट व पूजेसाठी लागणारे साहित्य खरेदीसाठी भाविकांची गर्दी होत होती. दरम्यान आज सकाळपासूनच गणपती बाप्पा मोरया मंगलमूर्ती मोरयाचा जयघोष करीत ढोल ताशांच्या गजरात भाविकांनी गणेश मूर्तीची खरेदी करत गणेशाचे घरोघरी आगमन तसेच मंडळांचे आगमन मोठ्या उत्साहात झाले.