शिरोळ येथे श्री संत रोहिदास जयंती उत्साहात

 

शिरोळ / शिवार न्यूज नेटवर्क :

येथील श्री संत रोहिदास मंडळ व समस्त चर्मकार समाजाच्या वतीने श्री संत शिरोमणी श्री रोहिदास महाराज यांची जयंती उत्साहात साजरी करण्यात आली. येथील वन - वे मार्गावरील श्री संत रोहिदासनगर येथे विविध कार्यक्रम संपन्न झाले.

         येथील पोलीस ठाण्याचे पोलीस निरीक्षक शिवाजीराव गायकवाड यांच्या हस्ते श्री संत रोहिदास महाराज यांच्या प्रतिमेचे पूजन करण्यात आले . शिरोळ नगरपरिषदेचे मुख्याधिकारी व प्रशासक निशिकांत प्रचंडराव कार्यक्रमाच्या अध्यक्षस्थानी होते. यावेळी डॉ दगडू माने यांनी स्वागत केले. शशिकांत राजमाने यांनी प्रास्ताविक केले .

     भारतीय जनता युवा मोर्चाचे कोल्हापूर जिल्हाध्यक्ष डॉ.अरविंद अशोकराव माने , शिरोळ नगर परिषदेचे मुख्याधिकारी निशिकांतराव प्रचंडराव , माजी नगराध्यक्ष अमरसिंह पाटील , शिरोळ पोलीस ठाण्याचे उपनिरीक्षक दत्तात्रय भोजने,माजी सरपंच गजानन संकपाळ ,गोरखनाथ माने , रावसाहेब पाटील -मलिकवाडे यांच्यासह मान्यवर तसेच चर्मकार समाज बांधव उपस्थित होते.

       जयंतीनिमित्त दुपारी माजी नगरसेवक डॉ अरविंद माने यांच्यासह मान्यवरांच्या हस्ते महाप्रसादाचे वाटप करण्यात आले . त्यानंतर सायंकाळी पाच वाजता महिलांचा हळदीकुंकू तसेच होम मिनिस्टर हा विशेष सांस्कृतिक कार्यक्रम संपन्न झाला . 

   यावेळी अनिता संकपाळ ,सारिका माने , इंद्रायणी पाटील , डॉ नीता माने , शुभांगी फल्ले यांच्यासह महिला पोलीस एस एस गायकवाड तसेच महिला मोठ्या संख्येने उपस्थित होत्या.