इचलकरंजी येथे पत्रकार व कुटुंबियासाठी शनिवारी आरोग्य तपासणी शिबीर : डॉ दगडू माने

 

शिरोळ / शिवार न्यूज नेटवर्क :

पत्रकार व पत्रकारांच्या कुटुंबीयांच्या कल्याणासाठी राष्ट्रीय पातळीवर काम करणाऱ्या व्हाईस ऑफ मीडिया कोल्हापूर जिल्हा शाखेमार्फत आयुष्यमान भारत कार्ड वाटप व आरोग्य तपासणी शिबिर आयोजित करण्यात आले आहे . शनिवारी १६ मार्च रोजी सकाळी साडे नऊ वाजता इंचलकरंजी येथील रोटरी श्री दगडूलाल मर्दा मानव सेवा केंद्र नाकोडानगर येथे आरोग्य शिबीर होणार असून पत्रकार व त्यांच्या कुटुंबीयांनी शिबिराचा लाभ घ्यावा असे आवाहन व्हॉइस ऑफ मीडियाचे कोल्हापूर जिल्हा प्रवक्ते डॉ दगडू माने यांनी केले आहे.

          ते म्हणाले , व्हाईस ऑफ मीडियाचे कोल्हापूर जिल्हा अध्यक्ष राजेंद्र पाटील यांच्या नेतृत्वाखाली पत्रकारांचे संघटन चांगल्या पद्धतीने करण्यात आले असून जनसेवार्थ प्रिंट व इलेक्ट्रॉनिक मीडियामध्ये काम करणाऱ्या पत्रकार व त्यांच्या कुटुंबीयांचे आरोग्य सदृढ राहावे याकरिता इंचलकरंजी , शिरोळ ,कागल , हातकणंगले , करवीर यासह जिल्ह्यातील पत्रकारांच्या आरोग्य संपदेसाठी खास शिबिर होत आहे. या शिबिरामध्ये तज्ञ डॉक्टर व मार्गदर्शक उपस्थितीत राहणार असून आवश्यकता वाटल्यास आरोग्य तपासणीनंतर योग्य तो उपचार व आरोग्य सुविधा देण्याबाबत नियोजन केले जाणार आहे. तेव्हा इचलकरंजी येथे होणाऱ्या आरोग्य शिबिरास पत्रकार व त्यांच्या कुटुंबीयांनी मोठ्या संख्येने उपस्थित राहून आरोग्य सेवेचा लाभ घ्यावा असे आवाहन डॉ दगडू माने यांनी केले आहे.