श्री दत्तच्या चेअरमनपदी रघुनाथ पाटील,व्हाईस चेअरमनपदी शरदचंद्र पाठक यांची एकमताने निवड

 

शिरोळ / शिवार न्यूज नेटवर्क :

      येथील श्री दत्त शेतकरी सहकारी साखर कारखान्याच्या चेअरमनपदी रघुनाथ देवगोंडा पाटील (चंदुर) यांची तर व्हाईस चेअरमनपदी शरदचंद्र विश्वनाथ पाठक (कुन्नूर) यांची एकमताने निवड झाली.

श्री दत्त शेतकरी सहकारी साखर कारखान्याच्या संचालक मंडळाची निवडणूक नुकतीच संपन्न झाली कारखान्याचे चेअरमन सहकारमहर्षी गणपतराव पाटील यांच्या नेतृत्वाखालील श्री दत्त शेतकरी विकास पॅनेलचे सर्व उमेदवार मोठ्या मताधिक्यांनी विजयी झाले.

 श्री दत्त साखर कारखान्याच्या चेअरमन व व्हाईस चेअरमन पदाच्या निवडीसाठी कोल्हापूर जिल्हाधिकारी कार्यालयात कारखान्याचे निवडणूक निर्णय अधिकारी तथा जिल्हाधिकारी अमोल येडगे यांच्या अध्यक्षतेखाली नूतन संचालक मंडळाची विशेष सभा पार पडली यावेळी कारखान्याचे चेअरमन उद्यानपंडित गणपतराव पाटील यांनी चेअरमन पदासाठी रघुनाथ पाटील यांचे नाव सुचविले त्यास ज्येष्ठ संचालक अनिलकुमार यादव यांनी अनुमोदन दिले चेअरमन पदासाठी रघुनाथ पाटील यांचे एकमेव नाव पुढे आल्याने त्यांची एकमताने निवड झाली व्हाईस चेअरमन पदासाठी कारखान्याचे व्हाईस चेअरमन अरुणकुमार देसाई यांनी शरदचंद्र पाठक यांचे नाव सुचवले त्यास ज्येष्ठ संचालक इंद्रजीत पाटील यांनी अनुमोदन दिले व्हाईस चेअरमन पदासाठी शरदचंद्र पाठक यांचे एकमेव नाव पुढे आल्याने त्यांचीही निवड एकमताने झाली जिल्हाधिकारी अमोल येडगे यांनी नूतन चेअरमन रघुनाथ पाटील व व्हाईस चेअरमन शरदचंद्र पाठक यांचा सत्कार केला तर कारखान्याची निवडणूक प्रक्रिया शांततेत पार पाडल्याबद्दल कारखान्याच्यावतीने सहकारमहर्षी गणपतराव पाटील यांनी जिल्हाधिकारी अमोल येडगे यांचा सत्कार केला उपस्थित संचालकांनी नूतन चेअरमन पाटील व व्हाईस चेअरमन पाठक यांचे अभिनंदन करून पुढील वाटचालीस शुभेच्छा दिल्या.

यावेळी बोलताना उद्यानपंडित गणपतराव पाटील म्हणाले की श्री दत्त शेतकरी सहकारी साखर कारखान्याच्या संचालक मंडळाच्या पंचवार्षिक निवडणुकीत कारखान्याच्या सभासदांचा विश्वस्त म्हणून आमच्यावर पूर्ण विश्वास होता त्यामुळे भर पावसातसुद्धा उत्साहाने सभासद मतदानासाठी आले होते कारखान्याच्या प्रगतीसाठी आणि सभासद व कामगारांच्या हितासाठी नेहमीच आम्ही विश्वस्त म्हणून पारदर्शक कारभार करणार आहोत कारखान्याच्या संचालक मंडळाची निवडणूक शांततेत पार पाडण्यासाठी सर्व शासकीय अधिकारी कर्मचारी कारखान्याचे कामगार यांनी विशेष परिश्रम घेतल्याबद्दल कारखाना विश्वस्त मंडळाच्यावतीने त्यांनी सर्वांचेच आभार मानले.

 यावेळी श्री दत्त शेतकरी सहकारी साखर कारखान्याचे सहाय्यक निवडणूक निर्णय अधिकारी तथा उपजिल्हाधिकारी डॉ संपत खिलारी जिल्हा उपनिबंधक सुनील धायगुडे यांच्यासह कारखान्याचे कार्यकारी संचालक एम व्ही पाटील सचिव अशोक शिंदे कारखान्याचे संचालक सहकारमहर्षी गणपतराव पाटील,अमर यादव, अनिलकुमार यादव, अरुणकुमार  देसाई, बाबासो पाटील, बसगोंडा पाटील, दरगू माने-गावडे, जोतीकुमार पाटील, निजामसो पाटील, प्रमोद पाटील,शेखर पाटील,सिद्धगोंडा पाटील,श्रीमती विनया घोरपडे, विश्वनाथ माने सौ अस्मिता पाटील,सौ संगीता पाटील (कोथळीकर), सुरेश कांबळे, इंद्रजीत पाटील,रणजीत कदम यांच्यासह मान्यवर उपस्थित होते.