टाकवडे येथे युवकाची गळफास घेऊन आत्महत्या

शिरोळ / शिवार न्यूज नेटवर्क :

शिरोळ तालुक्यातील टाकवडे येथील तनवीर शकील शेख (वय 25) याने आपल्या राहत्या घरी गळफास घेऊन आत्महत्या केली आहे. ही घटना २२ रोजी सकाळी घडली आहे.

 मयत तनवीर याने आपल्या घरातील लाकडाच्या तुळीला ओढणीने गळफास घेतल्याची माहिती मिळाली आहे. या घटनेची वर्दी वजीर दस्तगीर शेख (वय ४९) यांनी पोलीस ठाण्यात दिली आहे. वजीर दस्तगीर शेख यांनी दिलेल्या वर्दीनुसार, त्यांनी मयताला त्याच्या राहत्या घरात मृत अवस्थेत आढळले. लगेच त्यांनी शिरोळ पोलीस ठाण्यात जाऊन घटना कळवली. पोलिसांनी घटनास्थळी दाखल होऊन पंचनामा केला आणि पुढील तपास सुरू केला आहे. मयताचा आत्महत्येचा कारण अद्याप समजू शकलेले नाही. या घटनेने परिसरात हळहळ व्यक्त करण्यात येत आहे.