उदगावच्या हनुमान पाणीपुरवठा संस्थेवर यड्रावकर गटाची सत्ता

जयसिंगपूर / शिवार न्यूज नेटवर्क :

उदगाव येथील हनुमान पाणीपुरवठा संस्थेची निवडणूक रविवारी (दि. २७) शांततेत पार पडली. या निवडणुकीत आमदार राजेंद्र पाटील यड्रावकर गटाच्या 'संस्थापक चेअरमन बाबुराव कोरे शेतकरी विकास पॅनल'ने जोरदार विजयी कामगिरी केली. एकूण १३ जागांसाठी झालेल्या निवडणुकीत संस्थापक चेअरमन बाबुराव कोरे शेतकरी विकास पॅनलचे १० उमेदवार विजयी झाले, तर विरोधी गटाचे ३ उमेदवार निवडून आले. निवडणूक निर्णय अधिकारी संतोष कांबळे यांच्या मार्गदर्शनाखाली मतदान व मतमोजणी प्रक्रिया पार पडली.

याआधी संस्थेवर हनुमान विकास पॅनलची सत्ता होती. निवडणुकीची घोषणा झाल्यानंतर सभासद व शेतकरी बांधवांनी संस्थापक चेअरमन बाबुराव कोरे यांच्या शेतकरी विकास पॅनलवर विश्वास दाखवला होता. अखेर निकालात शेतकरी विकास पॅनलने सत्ता मिळवली. विजयानंतर कार्यकर्त्यांनी गुलाल उधळत जल्लोष केला.

दरम्यान, आमदार राजेंद्र पाटील यड्रावकर यांनी नूतन पदाधिकाऱ्यांचे अभिनंदन करून त्यांचा सत्कार केला. यावेळी नूतन संचालक सर्जेराव बापू कदम, राजकुमार देवाप्पा कोरे, बाळासो कल्लाप्पा चौगुले, सचिन सुरगोंडा पाटील, ओंकार प्रकाश फडतारे, संतोष अण्णासो मगदूम, श्रीपाल बाळू वराटे, निरुदीन गुलाब मुजावर, निलुबाई तुकाराम शिंदे आणि राजाराम संतु बंडगर यांची उपस्थित होते.