शिवार वार्ता न्यूज नेटवर्क

  जयसिंगपूर / शिवार न्यूज नेटवर्क : शिरोळ तालुक्यासह सर्वच ठिकाणी नदी काठावरील मळी भागात अथवा मळ्यातील वस्त्यांवर लोड शेडिंग मुळे सिंगल फेज होण्याचे प्रमाण वाढले होते, यामुळे वस्त्यांवर असलेल्या घराघरात रात्री अपरात्री वीज जाण्याचे प्रमाण वाढले होते, याचा फटका ज्येष्ठ नागरिक, शेतकरी,महिला भगिनी व शालेय विद्यार्थ्यांना मोठ्या प्रमाणात होत होता, या लोड शेडिंगबाबत अनेक भागातून तक्रारी येत होत्या,या संदर्भात महावितरण कोल्हापूर विभागाचे अधीक्षक अभियंता श्री. कावळे यांच्याशी व महावितरणच्या वरिष्ठ अधिकाऱ्यांशी आपण सातत्याने संपर्कात होतो, कोल्हापूर जिल्हा हा महावितरण कंपनीला सर्वाधिक उत्पन्न देणारा परिसर आहे,या भागात महावितरणच्या थकबाकीचे प्रमाण देखील अत्यल्प आहे त्यामुळे या भागातील ग्राहक व शेतकऱ्यांच्या शेती पंपाना नियमित वीज पुरवठा करावा अशा सूचना दिल्या होत्या,तांत्रिक अडचणी, महावितरण कडील जनरेटर रिपेरीची सुरू असलेली कामे, धरणे पूर्ण क्षमतेने भरली नसल्यामुळे वीज निर्मिती वर झालेला परिणाम, पावसाने ओढ दिल्यामुळे शिरोळ हातकणंगले तालुक्यात वाढलेली विजेची मागणी यामुळे लोड शेडिंग चा प्रश्न...

उर्दू विद्या मंदिर आलास मध्ये पार पडल्या निवडणूका  उर्दू विद्या मंदिर आलास येथे 26 ऑगस्ट 2023 रोजी देशातल्या सार्वत्रिक निवडणूकीमध्ये जसे मतदान यंत्राचा वापर करून निवडणूक घेतली जाते. तसा मोबाईल ॲप च्या माध्यमातून इलेक्ट्रॉनिक मतदान यंत्राद्वारे मतदान घेण्यात आले.निवडणूक निरीक्षक म्हणून शाळेच्या मुख्याध्यापिका सौ.जबीन मेहबूब मुजावर,यंत्र निरीक्षक व यंत्र व्यवस्थापनाचे सर्व कार्य प्रमुख श्री.इमरान खान जमादार यांनी काम पाहिले.सर्व नियोजन सोहेल पटेल सर व जहीर पटेल सर यांनी पाहिले.ज्येष्ठ शिक्षिका सौ.नसरीन करीमखाँ व तसनीम पटेल मॅडम यांनी मुलांना सर्व नियोजन व शिस्तबद्ध कार्य कसे होईल? हे पाहिले. तसेच फोटो व व्हिडिओची सर्व जबाबदारी तय्यबा साहेब वाले यांनी पाहिली. तसेच शाळा व्यवस्थापन समिती अध्यक्ष व सदस्यांचे सहभाग लाभले .                     निवडणूकीमध्ये मुख्यमंत्री पदासाठी उभी असलेली विद्यार्थिनी कुमारी सुफीया सादिक मुजावर व उपमुख्यमंत्री पदासाठी उभा असलेला विद्यार्थी कुमार अस्जत जावेद मकानदार दोन्हीही इयत्ता सातवीचे विद्यार्थी यांची य...

हेरवाड / शिवार न्यूज नेटवर्क : हेरवाड येथील जागृत देवस्थान श्री रेणुका मंदिराचा शिखर, कलशारोहण व वास्तुशांती सोहळा मंगळवार दिनांक 5 रोजी आयोजित करण्यात आला असल्याची माहिती श्री रेणुका भक्त मंडळ चॅरिटेबल ट्रस्टच्या वतीने देण्यात आली.  मंगळवारी सकाळी श्री रेणूका देवीची मूर्ती व तसेच कळस मिरवणूक गावातील प्रमुख मार्गावरून काढण्यात येणार आहे. त्यानंतर सकाळी ११ : ३० वाजता कलशारोहण कार्यक्रम होणार आहे. यानंतर राजेंद्र पोतदार यांच्या हस्ते कळस पूजा होणार आहे. तर रत्नकांत शिंदे काकाश्री महाराज यांच्या अमृत हस्ते कलशारोहणाचा कार्यक्रम संपन्न होणार आहे.  शुक्रवार दिनांक ८ रोजी महाप्रसादाचा कार्यक्रम आयोजित करण्यात आला असून शिखर, कलशारोहण व वास्तुशांती सोहळा कार्यक्रमाचा लाभ गावातील ग्रामस्थांनी घ्यावा, असे आवाहन श्री रेणुका भक्त मंडळ चॅरिटेबल ट्रस्टच्या वतीने करण्यात आले आहे.

शिरोळ / शिवार न्यूज नेटवर्क :        श्री दत्त पाॅलिटेक्निक काॅलेजमध्ये विद्यार्थीनींनी रक्षाबंधनाच्या निमित्ताने झाडांना राखी बांधून कृतज्ञता व्यक्त केली.   रक्षाबंधनाच्या निमित्ताने आज देशभरात विविध सामाजिक उपक्रम राबवून सण साजरा केला जात आहे. 'वृक्षवल्ली आम्हा सोयरे वनचरे' या संत तुकाराम महाराजांच्या अभंगात आपल्या जीवनातील वृक्षांचे महत्त्व वर्णन केले आहे. त्याप्रमाणे पर्यावरण रक्षण करणारे, मानवास अखंडित व मोफत ऑक्सिजन पुरवठा करणाऱ्या झाडांना सर्व शिक्षिका व विद्यार्थिनींनी राखी बांधून आपली कृतज्ञता व्यक्त केली तसेच सामाजिक बांधिलकी जपण्याचा प्रयत्न केला.      याप्रसंगी कॉलेजचे प्राचार्य पी. आर. पाटील, उपप्राचार्य एन. बी. भोळे, मिस पी. बी. पाटील, विभाग प्रमुख ए. ई. पाटील, एस. पी. चव्हाण प्रा. ए. टी. पाटील, शिक्षक, शिक्षकेतर कर्मचारी उपस्थित होते.

  जयसिंगपूर / शिवार न्यूज नेटवर्क : भारतरत्न डॉ. बाबासाहेब आंबेडकर सामाजिक विकास योजनेअंतर्गत शिरोळ तालुक्यासाठी ५ कोटी रुपयांचा निधी मंजूर झाला असल्याची माहिती माजी राज्यमंत्री आमदार राजेंद्र पाटील यड्रावकर यांनी प्रसिद्धी पत्रकाद्वारे दिली आहे, राज्यातील ग्रामीण क्षेत्रातील अनुसूचित जाती व नवबौद्ध घटकांच्या वस्त्यांचा अथवा गावांचा विकास करण्यासाठी या घटकांना मूलभूत सेवा सुविधा पुरवण्यासाठी लोकप्रतिनिधीनी सुचवलेल्या कामांना शासनस्तरावरून मान्यता देण्यासाठी भारतरत्न डॉ. बाबासाहेब आंबेडकर सामाजिक विकास सेवा योजना शासनाने सुरू केली आहे, या योजनेअंतर्गत हा निधी मंजूर झाला असल्याचे आमदार राजेंद्र पाटील यड्रावकर यांनी पत्रकात म्हंटले आहे. मंजूर झालेल्या या निधीमधून सांस्कृतिक व ऐतिहासिक दृष्ट्या महत्त्व असलेल्या स्थळांचा विकास करणे, स्मारके उभारणे, वाचनालय, अभ्यासिका, धम्म केंद्र, विपश्यना केंद्र, प्रशिक्षण केंद्र, वस्त्यांमधील अंतर्गत रस्ते, गटर्स करणे, सांस्कृतिक हॉल बांधणे, स्मशानभूमी सुशोभीकरण, संरक्षक भिंत, निवारा शेड उभारणे, पेविंग्ज ब्लॉक्स बसविणे, शॉपिंग सेंटर बांधणे इत्यादी काम...

दूधगंगा बचाव कृती समितीच्या शिष्टमंडळाबरोबर मुंबईत बैठक संपन्न मुंबई : दूधगंगा काठावरील राधानगरी, भुदरगड, कागल, करवीर, शिरोळ, चिकोडी व निपाणी तालुक्यांसह दूधगंगा काठावरील नागरिक व शेतकऱ्यांचे इचलकरंजी शहरासाठी मंजूर झालेल्या सुळकुड योजनेमुळे होणाऱ्या नुकसानीची सविस्तर माहिती दूधगंगा बचाव कृती समितीच्या सदस्यांनी मुख्यमंत्री एकनाथराव शिंदे यांना मंगळवारी मुंबईत पार पडलेल्या बैठकीत दिली यावर मुख्यमंत्री एकनाथराव शिंदे यांनी इचलकरंजी शहरासाठी उपलब्ध असणाऱ्या पाण्याचे स्त्रोत व एकूण पाण्याची गरज याचे लेखा परीक्षण करण्याचे आदेश संबंधित अधिकाऱ्यांना दिले, सुळकुड योजनेमुळे कोणावर अन्याय होणार नाही असेही मुख्यमंत्री एकनाथराव शिंदे यांनी शिष्टमंडळाला आश्वासित केले, शिष्टमंडळाने मांडलेल्या भावनांचा सकारात्मक विचार केला जाईल अशी ग्वाही शिष्टमंडळाला दिली, इचलकरंजी शहरासाठी मंजूर झालेल्या सुळकुड पाणी योजनेमुळे कोल्हापूर जिल्ह्यातील सहा तालुके आणि शेजारच्या कर्नाटक राज्यातील दूधगंगा काठावर असलेल्या गावांना जानेवारी ते मे महिन्या अखेर मोठ्या पाणीटंचाईला सामोरे जावे लागते, सद्यस्थितीत ही योजना अस्तित...

  अजित कांबळे / शिवार न्यूज नेटवर्क :      बचत गटाकडून घेतलेल्या कर्जाचे हप्ते न फिटल्याने मानसिक तणावातून सेंट्रींग कामगाराने आत्महत्या केल्याची घटना सोमवारी सकाळी उघडकीस आली. स्वप्निल मनोहर सुतार वय - ३३ रा. जत्राट वेस मातंग वसाहत असे आत्महत्या मृताचें नाव आहे.              याबाबत पोलिस. स्टेशनमधून मिळालेली अधिक माहिती अशी की, स्वप्निल हा गेल्या अनेक वर्षापासून सेंट्रींग कामगार म्हणून काम करतो. त्याने बचत गटाकडून घरगुती कामासाठी कर्ज घेतले होते. मात्र बचत गटाचे कर्ज फेडणे अशक्य झाल्यामुळे घरात कुटुंबीयांसोबत घेतलेल्या कर्जावरून सातत्याने वाद निर्माण होत होते. तसेच आठ दिवस तो आपल्या पत्नीसह सासरवाडीला राहण्यासाठी गेला होता. रविवारी सायंकाळी तो आपल्या घरी परतला होता. मात्र घरात कोणीच नसल्याचे पाहून दोरीने गळफास घेऊन आत्महत्या केल्याचे उघडकीस आले. घटनेची माहीती मिळताच घटनास्थळी बसवेश्वर चौक पोलिसांनी भेट देऊन पंचनामा केला. मृत स्वप्निल यांच्या पश्चात आई-वडील पत्नी, मुलगा, मुलगी भाऊ असा परिवार आहे.    दोन दिवसांपूर्वीच ...

  अजित कांबळे / शिवार न्यूज नेटवर्क :   माणकापूर ता.निपाणी येथे असलेल्या स्टार पान मसाला व्यवस्थापनाकडे कामगारांनी पगार वाढीची मागणी केली असुन ग्रामपंचायतीने यावर तोडगा काढुन कामगारांना वाढीव पगार मिळावा यासाठी कामगारानी ग्रामपंचायत व कारखाना व्यवस्थापनाला निवेदन दिले आहे.याबाबत स्टार कारखाना व्यवस्थापकाशी संपर्क साधला असता कामगारांच्या हितासाठी नेहमीच निर्णय घेतला असून आपण कामगारांच्या हितासाठी सदैव कार्यरत असल्याचे सांगितले . याबाबत ग्रामपंचायत कार्यालयात कामगार व सदस्यांच्या झालेल्या बैठकीत माणकापूर येथील कामगारांना न्याय मिळावा यासाठी श्रमिक कामगार कल्याण सेवा संघ, घोडावत पान मसाला व एलएलपी कामगार युनिट यांच्यावतीने माणकापूर ग्राम पंचायतीला दिलेल्या निवेदनात म्हंटले आहे की,घोडावत पान मसाला येथे काम करणाऱ्या कामगारांना वार्षिक ४० टक्के पगार वाढ मिळावी. वर्षातून चार वेळा मेडिकल चेकअप व्हावे. सर्व कामगारांना २० लाख रुपयांचे विमा संरक्षण मिळावे आदी मागण्या करण्यात आल्या आहेत. पण अजूनही कामगारांना न्याय मिळालेला नाही. त्यामुळे माणकापूर ग्रामपंचायतीच्या पुढाकाराने मा...

  "प्रारंभ-२०२३" या कार्यक्रमाचे उद्घाटन प्रसंगी विश्वस्त, श्री. विनायक भोसले, प्राचार्य, डॉ. विराट गिरी सर्व विभागाचे विभाग प्रमुख, ऍडमिशन सेलचे समन्वयक, प्रा. नितीन जाधव, कार्यक्रम समन्वयक, प्रा. मकानदार, विद्यार्थी,पालक. जयसिंगपूर / शिवार न्यूज नेटवर्क : संजय घोडावत इन्स्टिट्यूटमध्ये प्रथम वर्ष पदविका अभियांत्रिकी "प्रारंभ-२०२३" या कार्यक्रमाचे उद्घाटन संजय घोडावत शैक्षणिक संकुलनाच्या प्रांगणात संजय घोडावत विद्यापीठाचे विश्वस्त, श्री. विनायक भोसले यांच्या हस्ते दीप प्रज्वलित करून करण्यात आले. या वेळी इन्स्टिट्यूटचे प्राचार्य, डॉ. विराट गिरी सर्व विभागाचे विभाग प्रमुख, ऍडमिशन सेलचे समन्वयक, प्रा. नितीन जाधव, कार्यक्रम समन्वयक, प्रा. मकानदार, पालक आणि विद्यार्थी उपस्थित होते  या कार्यक्रमाचे प्रास्ताविक बेसिक सायन्स विभागाच्या विभाग प्रमुख, प्रा. सौ. शुभांगी महाडिक यांनी केले. त्यांनी आरंभ-२०१२ ते प्रारंभ-२०२३ पर्यंत प्रवास आणि सुरू झालेली संस्था लहानशा रोपट्यापासून ते आता वटवृक्षापर्यंत कशी बहरली संस्थेच्या या प्रवासातील महत्त्वाच्या वाटचाली अधोरेखित केल्या. सं...

जयसिंगपूर / शिवार न्यूज नेटवर्क :  नुकत्याच हॉटेल क्लार्क्स आमेर जयपूर या ठिकाणी झालेल्या 'वैश्विक शैक्षणिक कार्यक्रमात 2023' स्कु न्यूज यांच्यामार्फत संजय घोडावत इंटरनॅशनल बोर्डिंग स्कुलला सन 2023-24 चा 'प्रीमियर बोर्डिंग स्कूल' पुरस्कार पंजाबचे माजी राज्यपाल व्ही पी सिंग बदनोरे आणि थिंक ग्लोबल स्कूलचे एमडी श्री रसेल जॉन कैली यांच्या हस्ते प्राप्त झाला. यावेळी मेवाडचे राजा लक्ष सिंग, मेजर जनरल पुत्रार्जुनम, लेफ्टनंट जनरल सुरेंद्र कुलकर्णी, लेफ्टनंट कर्नल शेखर हे उपस्थित होते. हा अवॉर्ड शाळेच्या संचालिका प्राचार्या सस्मिता मोहंती व बोर्डिंग स्कुल प्राचार्य डॉ. एच एम नवीन यांनी स्वीकारला.  या अवॉर्ड प्रसंगी बोलताना संचालिका प्राचार्या सस्मिता मोहंती म्हणाल्या हा अवॉर्ड विद्यार्थी, शिक्षक व पालक यांच्या कष्टामुळे व प्रेमामुळेच शाळेला प्राप्त झाला आहे. बोर्डिंग स्कुलमध्ये दिल्या जाणाऱ्या अत्याधुनिक सुविधा, पौष्टिक आहार, व्यक्तिमत्त्व विकासासाठी संस्कार शिबिरे, दैनंदिन योगासन, प्राणायम, इयत्ता दहावी, बारावीचा शाळेचा सर्वोच्च निकाल, विविध स्पर्धांमधील विद्यार्थ्यांचे यश, रा...

हेरवाड / शिवार न्यूज नेटवर्क : हेरवाड येथील पाचवा मैल - बोरगाव मार्गावर नेर्ले मळ्याच्या पुढे असणार्‍या रस्त्याकडेला महिला तसेच पुरुषाचे संशयितरित्या वस्तू आढळून आल्याने खळबळ उडाली आहे. सकाळ पासून या ठिकाणी लेडीज चप्पल, पुरुषांचे दोन पॅन्ट, बरमोडा, पांढरे हॅडग्लोज, पायमोजे तसेच चाव्यांचा बंच व अभिषेक रमेश माने या नावाचे पॅन कार्ड आढळून आले असून दुपारच्या सुमारास गावातील काही वाहनधारकांनी या ठिकाणी रक्ताचे बोळे पाहिल्याचे सांगितल्याने मोठा संशय व्यक्त होत असून घटनास्थळाची पाहणी कुरुंदवाड पोलिसांनी केली आहे.  याबाबत मिळालेली अधिक माहिती अशी की, शनिवारी सकाळच्या सुमारास काही नागरिकांनी सदरच्या वस्तू पाहिल्या होत्या. यानंतर दुपारच्या सुमारास दोन शेतकऱ्यांना या ठिकाणी रक्ताचे बोळे तसेच चिप्स पॅकेट सह विविध वस्तू पाहिले होते. ही वार्ता गावात वाऱ्यासारखी पसरल्यानंतर नागरिकांनी घटनास्थळी पाहण्यासाठी गर्दी केली.  याबाबतची माहिती पोलिसांना दिल्यानंतर पोलीस घटनास्थळी दाखल झाले, संशीतरित्या वस्तू आढळून आल्याने परिसरातील शेती परिसरात पोलिसांनी पाहणी केली असता काहीही मिळून आले नाही, दरम्यान...

  जयसिंगपूर / शिवार न्यूज नेटवर्क : शिरोळ तालुक्यातील अकिवाट टाकळी परिसरात शासकीय औद्योगिक वसाहत व्हावी यासाठी मागील दोन वर्षापासून मी सातत्याने प्रयत्न केले आहेत, याचाच भाग म्हणून प्रस्तावित केलेल्या औद्योगिक वसाहतीस शासनाच्या उद्योग मंत्रालयाने मान्यता ही दिली आहे, त्या परिसरातील उपलब्ध जागेचे सर्वेक्षण देखील शासनाच्या वतीने झाले असून लवकरच या परिसरातील निवासी अतिक्रमणे कायम ठेवून उरलेल्या क्षेत्रांमध्ये शासकीय औद्योगिक वसाहत उभी राहणार आहे, ही वसाहत उभी करत असताना या वसाहतीमधून परिसरातील पाणी, हवा प्रदूषित होईल असा एकही उद्योग होऊ देणार नाही अशी माहिती शिरोळचे आमदार राजेंद्र पाटील यड्रावकर यांनी या परिसरातील नागरिकांच्या शिष्टमंडळांला दिली, औद्योगिक वसाहतीमध्ये प्रोसेसिंग युनिट होणार नसल्यामुळे दूषित पाण्याचा प्रश्न निर्माण होणार नाही, जवळपास 20 हजार युवक,युवती व महिला यांना रोजगार उपलब्ध व्हावा यासाठी गारमेंट पार्क व तत्सम उद्योगांना प्राधान्य दिले जाणार असून प्रदूषण निर्माण होणारे प्रकल्प येणार नाहीत याची काळजी घेतली जाईल. या परिसरातील शेतकऱ्यांची मुले उद्योजक व्हावीत, बेरोजग...

  कोल्हापूर / शिवार न्यूज नेटवर्क :  दिव्यांगांच्या अडचणी अधिक गतीने सोडवण्यासाठी स्वतंत्र दिव्यांग धोरण तयार करण्यासाठी प्रयत्नशील असल्याचे प्रतिपादन 'दिव्यांग कल्याण विभाग, दिव्यांगांच्या दारी' अभियानाचे अध्यक्ष व मुख्य मार्गदर्शक आमदार ओमप्रकाश उर्फ बच्चु कडू यांनी केले.   दिव्यांग बांधवांच्या अडचणी सोडवण्यासाठी राबविण्यात येणाऱ्या ‘दिव्यांग कल्याण विभाग, दिव्यांगाच्या दारी’अभियानांतर्गत महासैनिक दरबार सभागृहात एकदिवसीय शिबीर घेण्यात आले. यावेळी जिल्हाधिकारी राहुल रेखावार, महानगरपालिका आयुक्त के. मंजूलक्ष्मी, जिल्हा परिषदेचे मुख्य कार्यकारी अधिकारी संतोष पाटील, इचलकरंजी महानगरपालिका आयुक्त ओमप्रकाश दिवटे, ग्रामीण विकास यंत्रणेच्या प्रकल्प संचालक सुषमा देसाई, जिल्हा परिषदेचे जिल्हा समाज कल्याण अधिकारी दीपक घाटे, जिल्हा शल्य चिकित्सक डॉ. सुप्रिया देशमुख तसेच विविध विभागांचे अधिकारी व दिव्यांग बांधव मोठ्या संख्येने उपस्थित होते.   यावेळी विशेष प्राविण्यप्राप्त व्यक्तींचा मान्यवरांच्या हस्ते सत्कार करण्यात आला. यावेळी दिव्यांगांसाठी कार्य करणारे राष्ट्रीय पारितोषिक प्...

  जयसिंगपूर / शिवार न्यूज नेटवर्क : जागतिक छायाचित्र दिनानिमित्ताने संजय घोडावत विद्यापीठामध्ये आंतर-महाविद्यालयीन "फोकस फोटोग्राफी स्पर्धा व प्रदर्शन २०२३" चे आयोजन करण्यात आले आहे. विद्यार्थ्यांमधील कल्पनाशक्तीला वाव मिळावा म्हणुन विद्यापीठातील पत्रकारिता आणि जनसंवाद विभागाने याचे आयोजन केले आहे.         ही स्पर्धा मोबाईल फोटोग्राफी व डीएस्एल्आर कॅमेरा फोटोग्राफी आशा दोन विभागात घेण्यात येणार आहे. या स्पर्धेचे विषय क्लाउड फोटोग्राफी, पोर्ट्रेट फोटोग्राफी, स्ट्रीट फोटोग्राफी असे आहेत. स्पर्धेतील विजेत्यांसाठी एकूण रोख रक्कम २० हजार रुपये सन्मानचिन्ह व प्रशस्तीपत्र देण्यात येणार आहे. तसेच सहभागी विदयार्थ्यांना सहभाग प्रमाणपत्र दिले जाईल.       यासाठी स्पर्धकांनी नाव नोंदणी करणे गरजेचे आहे. ऑनलाईन व ऑफलाईन पद्धतीने स्पर्धक नाव नोंदणी करु शकतात. २७ ऑगस्ट पर्यंत पत्रकारिता आणि जनसंवाद विभागात हार्डकॉपी स्पर्धकांनी जमा करावी व सर्व विद्यार्थांनी या स्पर्धेत सहभागी व्हावे असे आवाहन विभागातर्फे करण्यात आले आहे.या सर्व छायाचित्रांचे २८ ऑगस्...

  शिरोळ / शिवार न्यूज नेटवर्क :      शिवसेना उध्दव बाळासाहेब ठाकरे पक्षाच्या युवासेना मार्फत युवासेनाप्रमुख आदित्य ठाकरे,युवासेना सचिव वरुण सरदेसाई यांच्या संकल्पनेतून राज्यस्तरीय वकृत्व स्पर्धा आयोजित केल्या आहेत.रविवार दि.२७ आॕगष्ट रोजी प्राथमिक फेरी जुनिअर कॉलेज अॉफ दि न्यू एज्यूकेशन सोसायटी डी.एड्.कॉलेज कोल्हापूर या ठिकाणी तर अंतिम फेरी रविवार दि.३ सप्टेंबर रोजी शिवसेना भवन मुंबई येथे होणार आहेत.यासाठी अनुक्रमे २५०००/- , १५०००/-, १००००/- व सन्मानचिन्ह असे पारितोषिक देण्यात येणार आहे.कोल्हापूर जिल्हा,हातकणंगले लोकसभा युवासेना विस्तारक डॉ.सतीश नरसिंग , जिल्हा युवाअधिकारी शिवाजी पाटील यांनी यासंबंधी पदाधिकारींना मार्गदर्शन केले तसेच शिरोळ तालुक्यातील जास्तीत जास्त युवक युवतींनी स्पर्धेत भाग घ्यावा असे आवाहन उप जिल्हा युवाअधिकारी प्रतिक धनवडे,तालुका युवाअधिकारी निलेश तवंदकर यांनी केले. यावेळी उप जिल्हा समन्वयक पिंटू पाटील,वैभव गुजरे,मंगेश पाटील,श्रेणिक माने,प्रतिक पाटील,निखिल शिंदे,असिफ विजापूरे,संकेत खराडे,दिग्वीजय चव्हाण,प्रविण खाडे,अनिल पवार व प्रमुख पदाधिकारी उ...

  अजित कांबळे / शिवार न्यूज नेटवर्क : सकल मानव जातीच्या कल्याणासाठी जैन मुनीनी मोठा त्याग केला आहे.जैन धर्मात अहिंसा व त्याग याला विशेष असे महत्त्व आहे.पाच महिने चालणाऱ्या या चातुर्मास काळात प्राणी पक्ष्यांची हिंसा टाळून लोककल्याणासाठी विविध विधिवत पूजा व शिबिराचे आयोजन करून जैन धर्माचे पवित्रता जपले जाते. समाधीसम्राट शांतीसागर मुनी महाराजांचा आदर्श,त्यांनी घालून दिलेल्या आचार विचार व दिगंबर परंपरेनुसार जैन मुनि आत्मकल्याण व लोककल्याणासाठी प्रयत्न करीत असल्याचे मत आचार्य श्री 108 कुलरत्नभूषण मुनी महाराज यांनी व्यक्त केले. आज बोरगाव येथे भगवान पार्श्वनाथ मोक्ष कल्याणक दिवस म्हणजे मुकुटसप्तमीचे औचित्य साधून सर्वोदय पावनवर्षा योगाचे ध्वजारोहण मंडप उद्घाटन तसेच प्रति सम्मेदशिखरजीच्या उभारण्यात आलेल्या भव्य प्रतिमेचे पूजन आचार्य श्री 108 कुलरत्नभूषण मुनी महाराज यांच्या दिव्य सानिध्यात करण्यात आले. प्रारंभी पहाटे धर्मानुरागी आण्णासाहेब हवले दाम्पत्यांच्या हस्ते धर्म ध्वजारोहण,तसेच नगरसेवक सर्व श्री धर्मानुरागी शरदराव जंगटे यांच्या हस्ते सभा मंडपाचे व सर्वश्री भरत पाटील यांच्या हस्ते प्रत...

शिरोळ / शिवार न्यूज नेटवर्क :  येथील राजर्षी शाहू नगर वाचनालयास श्री दत्त शेतकरी सहकारी कारखान्याचे संस्थापक अध्यक्ष व माजी खासदार स्व. दत्ताजीराव कदम (आण्णा) यांचे स्मरणार्थ युवा सामाजिक कार्यकर्ते उल्हास उत्तमराव पाटील यांनी ग्रंथ कपाट भेट दिली. तसेच वाचनालयाच्या अभ्यासिकेची विद्यार्थी गायञी अरुण माने हिची केंद्रीय पोलीस दलात निवड झालेबद्दल दत्त साखर कारखान्याचे संचालक रणजीत कदम यांच्या हस्ते करण्यात आला.अध्यक्षस्थानी नगराध्यक्ष अमरसिंह पाटील हे होते.  स्वागत वाचनालयाचे संचालक एम् एस् माने यांनी केले. श्री दत्त शेतकरी सहकारी साखर कारखान्याचे संचालक रणजीत कदम बोलताना म्हणाले की स्व. दत्ताजीराव कदमआण्णानी शिरोळच्या माळावर दत्त साखर कारखाना उभारून शिरोळवर असणारे प्रेम दाखवुन दिले.भविष्यात वाचनालयाच्या वाटचालीस लागणारी मदत देण्यास मी वचनबध्द आहे. आमचे स्नेही उत्तमराव पाटील समाज सेवेचा छंद असल्यामुळे कदमआण्णाच्या बरोबर राहण्याचे पसंत केले.उत्तमरावाचे आणि आमच्या कुटुंबियांचा संबंध अत्यंत जिव्हाळ्याचा आहे. जेष्ठ नागरिक संघटनेचे अध्यक्ष बजरंग काळे यांनी स्व. कदमआण्णांच्या स...

कुरूंदवाड / शिवार न्यूज नेटवर्क :  येथे अचानक लागलेल्या आगीत माळी कुटुंबीयांच्या घराचे मोठ्या प्रमाणात नुकसान झाल्याची घटना मंगळवारी घडली होती, याबाबतची माहिती मिळताच प्रहार जनशक्ती पक्षाचे जिल्हा उपाध्यक्ष डॉ. दगडू माने यांनी माळी कुटुंबीयांची भेट घेतली. तसेच शिरोळ चे तहसीलदार अनिलकुमार केळकर यांच्यासह तलाठी व सर्कल यांच्याशी संपर्क साधून माळी कुटुंबीयांना शासनाकडून जास्तीत जास्त मदत मिळावी अशी मागणी केली आहे . दरम्यान प्रहार संघटनेच्या वतीने तसेच शासकीय पातळीवर मदत मिळवून देण्यासाठी प्रयत्न करणार असल्याचे डॉ. माने यांनी सांगितले.      कुरुंदवाड येथील घारे गल्ली येथील श्रीमती महानंदा माळी याचे कुटूंब वास्तव्यास आहे. श्रीमती महानंदा माळी यांना बोलता येत नाही . त्या मूकबधीर आहेत त्यांना दोन मुले आहेत त्या दोघांची लग्ने झाली असून त्यामधील एक मुलगा आणि सून देखील मुकबधीर आहेत दोन्ही मुले पेंटींग काम करतात तर सुना देखील कामावर जातात त्यामुळे श्रीमती महानंदा घरी एकट्याच होत्या त्याच्या राहत्या घरावरील माळाला अचानक आग लागली आणि बघता बघता घर जळून खाक झाले.    ...

  सामाजिक कार्यकर्ते , समाज सुधारकांचे खून थांबविण्यासाठी कडक कायदा करण्याची मागणी शिरोळ / शिवार न्यूज नेटवर्क : महाराष्ट्र अंधश्रद्धा निर्मूलन समितीचे संस्थापक कार्याध्यक्ष डॉ नरेंद्र दाभोळकर यांच्या निर्घृण खुनाच्या तपासात दिरंगाई होत असल्याच्या निषेधार्थ महाराष्ट्र अंधश्रद्धा निर्मूलन समिती शिरोळ तालुक्याच्या वतीने शिरोळ तहसीलदार कार्यालयास निवेदन देण्यात आले. यावेळी आंदोलनाचे प्रमुख बाबासाहेब नदाफ यांनी तपास यंत्रणेतील निष्क्रियतेबद्दल संताप करून सामाजिक कार्यकर्ते व समाज सुधारक यांच्या सुरक्षेतेबाबत शासनाने कडक कायदा करावा अशी मागणी केली.              दरम्यान शिष्टमंडळाच्या वतीने नायब तहसीलदार योगेश जमदाडे यांना निवेदन देण्यात आले. या शिष्टमंडळाचे नेतृत्व अंधश्रद्धा निर्मूलन समितीचे कार्यकर्ते बाबासाहेब नदाफ , राजेंद्र प्रधान , खंडेराव हेरवाडे ,अशोक कांबळे , विलास कांबळे , सुरज भोसले , शशिकांत मुद्दापुरे ,विनायक माळी ,राजेंद्र चौगुले यांनी केले.          निवेदनात म्हटले आहे की , विवेकी विचारांचे लेखक, संपादक ...

शिरोळ / शिवार न्यूज नेटवर्क : येथील श्री दत्त सहकारी साखर कारखान्याशी संलग्न असलेल्या दत्ताजीराव कदम कामगार कल्याण मंडळाच्या रोलर स्केटिंग अकॅडमी च्या १४ मुलांनी तर जयसिंगपूर तेज रोलर स्केटिंग अकॅडमी च्या २१ मुलांनी सलग एक तास स्केटिंग करून चार विश्वविक्रम नोंद केले. यामध्ये शिरोळ दताजीराव कामगार कल्याण मंडळाचा विवांश किरण पाटील- कणंगलेकर यां खेळाडूचा विश्वविक्रम नोंदीमध्ये महत्वपूर्ण पुढाकार होता.        या स्केटींग विश्वविक्रम मध्ये ग्लोबल जीनियस रेकॉर्ड , दि मिरॅकल रेकॉर्ड , वज्र इंटरनॅशनल रेकॉर्ड , होप इंटरनॅशनल रेकॉर्ड अशी चार विश्व रेकॉर्ड त्या खेळाडूंच्या नावावर नोंद झाली आहेत . या 35 विद्यार्थ्यांमध्ये विवांश किरण पाटील- कणंगलेकर या विद्यार्थ्यांचा समावेश असून स्केटिंग खेळातील नैपुण्यामुळे विवांश यांचा सहभाग महत्वाचा होता. दरम्यान संपूर्ण भारतामध्ये साडेतीन हजार विद्यार्थ्यांनी हा उपक्रम एकाच वेळेला राबवला आहे . हा उपक्रम पाहण्यासाठी प्रेक्षकांनी चांगलीच गर्दी केली होती. स्केटींग खेळाडू विवांश यांना रेकॉर्डचे ऑर्गनायझर व स्केटिंग प्रशिक्षक सुभाष काळे व ...

शिरोळ/ शिवार न्यूज नेटवर्क :      श्री दत्त शेतकरी सहकारी साखर कारखान्याच्या वतीने ब्रह्मनाथ मंदिर आलास येथे शेतकरी मेळावा उत्साहात पार पडला.  या मेळाव्याच्या अध्यक्षस्थानी माजी उपसरपंच भूपाल उपाध्ये होते, तर कारखान्याचे चेअरमन, उद्यानपंडित गणपतराव पाटील यांची प्रमुख उपस्थिती होती.     व्ही.एस.आय. पुण्याच्या वरिष्ठ शास्त्रज्ञ डॉ. प्रिती देशमुख यांनी जमिनीची सुपीकता, उत्पादकता व ऊस उत्पादन वाढीसाठी एकात्मिक अन्नद्रव्य व्यवस्थापनाचे महत्त्व यावेळी विषद केले. रासायनिक, जैविक आणि सेंद्रिय खतांचा एकत्रित आणि योग्य वापर शेतकऱ्यांनी केल्यास उत्पादनामध्ये चांगली वाढ होऊ शकते. ऊस पिक वाढ अवस्थेच्या प्रमाणे सर्व खतांची निवड आणि वेळेप्रमाणे खत देणे आवश्यक असल्याचे सांगून सेंद्रिय कर्ब, पाचट, सूक्ष्म अन्नद्रव्ये, ठिबक सिंचन योजना, माती परीक्षण, तणनाशके आदींच्या बाबतीत विस्तृतपणे माहिती दिली.      तसेच वरिष्ठ शास्त्रज्ञ आर. जी. यादव यांनी ऊस पिकावरील रोग व कीड आणि त्यावरील उपाय या विषयावर बोलताना शेतीमधील तंत्रज्ञान हे वाईट नसून त्याचा चुकीचा वापर धोकादाय...

  हेरवाड / शिवार न्यूज नेटवर्क : हेरवाड मधील युवा वकील अनिरुध्द कांबळे हे सर्वसामान्य,गोरगरीबांना न्याय मिळवून देण्यासाठी सतत झटत असतात असे प्रतिपादन दत्तवाड केंद्राचे केंद्रीय प्रमुख रमेश शंकर कोळी यांनी केले.        कुरुंदवाड बार असोसिएशनच्या उपाध्यक्षपदी बिनविरोध निवड झालेबद्दल त्यांच्या सत्कारप्रसंगी बोलत होते.  सर्वसामान्यांना अभिप्रेत असलेल्या न्यायांसाठी अ‍ॅड. अनिरुध्द कांबळे सातत्याने प्रयत्नशील असतात.त्यांच्या कार्यासाठी उपाध्यक्षपदाचा निश्चितच उपयोग होईल असे मत दिलीप शिरढोणे यांनी व्यक्त केले. न्यायालयीन क्षेत्राबरोबरच सामाजिक कार्यातील योगदानही वाखाणण्याजोगे असल्याचे प्रतिपादन शिवारवार्ता न्यूज नेटवर्कचे संपादक संतोष तारळे यांनी केले. सत्काराला उत्तर देताना अ‍ॅड. अनिरुद्ध कांबळे म्हणाले की सर्वसामान्यांच्या व सामाजिक प्रश्नांसाठी यापुढेही योगदान देवू.

  हेरवाड / शिवार न्यूज नेटवर्क : हेरवाड येथे नागपंचमीनिमित्त शनिवार दि.19 रोजी रात्री 9 वाजता येथील तिरंगा चौक येथे भव्य धनगरी ढोल वादन स्पर्धेचे आयोजन करण्यात आले आहे. या स्पर्धेमध्ये महाराष्ट्रासह कर्नाटक राज्यातील स्पर्धक सहभागी होणार असून प्रथम क्रमांकास 11 हजार 1, व्दितीय क्रमांकास 7 हजार 1, तृतीय क्रमांकास 5 हजार 1, चतुर्थ क्रमांकास 3 हजार 1, पाचवा क्रमांकास 2 हजार 1 अशी बक्षीसे ठेवण्यात आली असून यासाठी 1101 रुपये प्रवेश फी ठेवण्यात आली असल्याची माहिती संयोजकांनी दिली. 

शिरढोण / शिवार न्यूज नेटवर्क : शिरोळ तालुक्यातील शिरढोण गावामध्ये सन 2015 मध्ये  झालेल्या महिलांच्या गावसभेत दारूबंदीचा ठराव करण्यात आला असल्याचे समजते, असे असताना सदरच्या ठरावाचे प्रोसिडिंग शोधण्यासाठी शिरढोण ग्रामपंचायतीला तब्बल ९ तास लागले, तरीही सदरचे प्रोसिडिंग सापडलेच नाही ? त्यामुळे हे प्रोसिडिंग गहाळ झाले की गहाळ केले ? असा सवाल उपस्थित केला जात आहे. दरम्यान या बार च्या परवान्यासाठी ज 'बार' चा हात असल्याचे अनेक सदस्य व ग्रामस्थांनी थेट ग्रामपंचायतीत बोलून दाखवले.  सन २०१२ साली झालेल्या गावसभेत दारुबंदीचा ठराव करण्यात आला होता, याला शह देण्यासाठी सन २०१५ मध्ये जानेवारी महिन्यात झालेल्या गांवसभेत पुन्हा सहा जणांच्या परमिट रूम बिअर बारला मंजूरी देण्यात आली आणि वादाला तोंड फुटले, गावातील महिला आक्रमक होवून उभी बाटली आडवी करण्यासाठी सन २०१५ मध्येच विशेष महिला गावसभा घेवून पुन्हा दारु बंदीचा ठराव करुन बाटली आडवी केल्याचे गावातील ग्रामस्थांनी सांगितले.  मात्र असे असताना गावांमध्ये परमिट रूम बिअर बारचा घाट घातलेल्या लोकांनी ग्राम पंचायत पदाधिकारी व ग्रामस्थांना अंधारात ठे...

अजित कांबळे / शिवार न्यूज नेटवर्क :    स्वतंत्र भारताचा ७६ वा स्वातंत्र्य दिन मानकापुरातील ग्रामपंचायत कार्यालय, सरकारी मराठी शाळा,मानकापूर पि के पी एस, संस्था, अरिहंत क्रेडिट सौहार्द सहकारी संघ मल्टीस्टेट,बिरेश्वर बँक,सिद्धेश्वर सोसायटी,ज्ञानेश्वर माऊली पतसंस्था तसेच मानकापूर अंतर्गत मानकापूर कसनाळ हायस्कूलमध्ये मोठ्या उत्साहात विविध सांस्कृतिक कार्यक्रमाने यावर्षीचा स्वतंत्र दिन अति उत्साहात संपन्न झाला. मानकापूर ग्रामपंचायत मध्ये ध्वजारोहण ग्राम पंचायत अध्यक्ष सुनील महाकाळे यांच्या हस्ते ध्वजारोहणाचा कार्यक्रम संपन्न झाला. यावेळी निपाणी शैक्षणिक विभाग अंतर्गत मानकापूर मधील सरकारी व खाजगी शाळेमध्ये एसडीएमसीचे अध्यक्ष व शिक्षक यांच्यावतीने ध्वजारोहण व सांस्कृतिक कार्यक्रम आयोजित करण्यात आला होता         यावेळी मानकापूर ग्रामपंचायत उपाध्यक्ष अश्विनी नरबळ, ग्राम विकास अधिकारी पप्पेसर, माझी ग्रामपंचायत अध्यक्ष अभय चौगुले, ग्रामपंचायत सदस्य कविता लोंढे , जयश्री पुजारी ,राजश्री चौगुले, माजी तालुका पंचायत सदस्य अनुराधा चौगुले, स्नेहल छत्रे, अलका चौगुले, र...

जयसिंगपूर / शिवार न्यूज नेटवर्क : गावांतर्गत मूलभूत सुविधांच्या कामांसाठी शासनाच्या ग्रामविकास विभागाच्या माध्यमातून शिरोळ तालुक्यातील ग्रामीण भागातील विकास कामांसाठी (२५१५-१२३८) या योजने अंतर्गत १० कोटी रुपयांचा निधी मंजूर झाला असल्याची माहिती माजी राज्यमंत्री आमदार राजेंद्र पाटील यड्रावकर यांनी प्रसिद्धी पत्रकाद्वारे दिली आहे, २०२३-२४ च्या आर्थिक वर्षातील तरतुदीतून लोकप्रतिनिधींनी सुचवलेल्या ग्रामीण भागातील मूलभूत सुविधांसाठी हा निधी मंजूर झाला असल्याचे त्यांनी म्हंटले आहे, अंतर्गत रस्ते, सभागृह बांधकाम, स्मशानभूमी सुधारणा, गटर्स करणे, व्यायामशाळा बांधणे, पथदिवे बसवणे, पेविंग ब्लॉक्स बसवणे, संरक्षक भिंत बांधणे, चौक सुशोभीकरण करणे गावांमधील या विविध विकास कामांसाठी मंजूर निधीचा विनियोग करण्याचा आहे, ज्या कामासाठी निधी मंजूर झाला आहे त्याच कामांसाठी निधी खर्च करणे बंधनकारक असते,मोठ्या प्रमाणात मंजूर झालेल्या या निधीमुळे शिरोळ तालुक्यातील गावांना भरीव निधी प्राप्त होणार असल्याने या निधीमुळे ग्रामीण भागातील अनेक विकास कामांना चालना मिळणार आहे, सध्या गावागावांमध्ये जलजीवन मिशन अंतर्गत पाण...

  पुणे / शिवार न्यूज नेटवर्क : आपल्या क्षेत्रात उत्तम ज्ञान घेतलं, कामात सातत्य ठेवलं तर कुठलाही उद्योजक यशस्वी होतो. यशस्वी होण्यासाठी उच्च शिक्षणाची गरजच आहे असं नाही. ग्रीन वर्ल्ड प्राईड ऑफ इंडिया पुरस्कार स्विकारलेल्या अनेक उद्योजकांपैकी जेमतेम दहावी-बारावी झालेल्या उद्योजकांनी आपापल्या क्षेत्रात भरघोस यश मिळवलेलं आहे, असे उद्गार राज्य उत्पादन शुल्क आयुक्त डॉ. विजय सुर्यवंशी यांनी ग्रीन वर्ल्ड प्राईड ऑफ इंडिया पुरस्कार सोहळयात प्रमुख अतिथी म्हणून बोलताना काढले.  याप्रसंगी प्रमुख अतिथी कॉसमॉस बॅकेचे चेअरमन मिलिद काळे म्हणाले, मराठी मुलांमध्ये उद्योजकतेचा विकास होण्यासाठी त्यांना शालेय जीवनापासूनच उद्योजकतेचे धडे द्यायला हवे. देशाच्या अमृतमहोत्सवी वर्षपुर्तीनिमित्त ग्रीन वर्ल्डने आयोजित केलेल्या या पुरस्कार सोहळयामुळे अनेक उद्योजकांना प्रोत्साहन मिळालं असून अनेक नवतरूण उद्योजक बनण्यासाठी यातून प्रेरणा घेतील.  ग्रीन वर्ल्डचे अध्यक्ष गौतम कोतवाल याप्रसंगी बोलताना म्हणाले, मराठी तरूणांमध्ये उद्योजकतेची आवड निर्माण व्हावी, आपल्या आजूबाजूला असणार्‍या उद्योजकांबद्दल त्यांना ...

  अजित कांबळे / शिवार न्यूज नेटवर्क : कारदगा, तालुका निपाणी गावचे सुपुत्र डॉ. श्री शितल महावीर पाटील यांनी वर्ल्ड फेमस “ बिर्ला इन्स्टिट्यूट ऑफ टेक्नॉलॉजी अँड सायन्स पिलाणी” (BITS Pilani) येथून मेकॅनिकल इंजीनियरिंग या विभागात कार्यरत असुन त्यांनी , कंडिशन मॉनिटरिंग ऑफ मिसअलाईड रोटर सिस्टिम्स अँड द प्रेडिक्शन ऑफ रिमेनिंग यूजफुल लाइफ ऑफ रोलिंग इलेमेंट बेअरींगस” यावर शोधप्रबंध सादर करून पीएचडी पदवी संपादन करुन कारदगा गावच्या शिरपेचात मानाचा तुरा रोवला आहे डॉ. शितल पाटील यांनी आपल्या संशोधन काळात विविध वर्ल्ड फेमस प्रकाशनामध्ये आपले संशोधन सादर केले आहे. त्यांच्या योगदानाची दखल जगमान्य संस्थांनी, अमेरिकन सोसायटी ऑफ मेकॅनिकल इंजिनियर्स (ASME), प्रायोगिक तंत्रे आणि जर्नल ऑफ व्हायब्रेशन इंजिनिअरिंग अँड टेक्नॉलॉजी यांनी घेतली आहे. ह्या भरीव कामगिरीमुळे डॉ. शितल पाटील हे एक उत्कृष्ट संशोधक म्हणून नावाजले जात आहेत. भारत सरकारने देखील “पंतप्रधान फेलोशिप ” म्हणून सन्मानित केले. राष्ट्रीय शिष्यवृत्ती मिळवणारे डॉ. शितल पाटील हे बिट्स पिलाणी मधले पहिले संशोधक ठरले. या पुरस्काराने बिट्स पिलाण...

  अकिवाट / शिवार न्यूज नेटवर्क : अकिवाट ता. शिरोळ येथे नव्या पर्वाला सुरुवात करून प्रभाग तीन मधील उच्चशिक्षित सदस्य शितल हळींगळे सर यांच्या कल्पनेतून अकिवाट ते मजरेवाडी मुख्य रस्त्यावर सुमारे २कि.मी.अंतर असून त्याच्या दोन्ही बाजूने २०० झाडे लावण्याचा संकल्प केला होता.  आज १५ऑगस्ट रोजी स्वातंत्र्यदिनानिमित्त झाडे लावण्यात आली.तसेच झाडे लावणे जितके महत्त्वाचे आहे तितकेच त्याचे संगोपन करणे महत्त्वाचे आहे.यासाठी वर्षभरासाठी स्वखर्चातून त्याला लागणारे खत व प्रत्येक रविवारी टँकरने पाणी सोडून किमान ९० टक्के झाडे जगवणार. असा मनोदय ठेवून कामाला सुरुवात केली.   त्यावेळी गावातील तरुण मंडळी, सेवाभावी संस्था यांनी आपल्या मनाने या कार्यक्रमांमध्ये सहभागी झाले. तसेच गेले आठवडाभर ही मोहीम चालू आहे. त्यामध्ये सदस्य आपल्या दारी स्वच्छता मोहीम आणि वृक्षारोपण चे काम आधी घेतल्याबद्दल सदस्यांचे कौतुक केले. तसेच गुरुदत्त शुगर लिमिटेड टाकळीवाडी यांनी झाडे उपलब्ध करून दिल्याबद्दल व गावांमधील अनेक युवा वर्ग,ज्येष्ठ महिला वर्ग उपस्थित राहिल्याबद्दल शिवसेनेचे नेते बाळसिंग रजपूत,माजी सरपंच विशाल चौग...

  राज्यातील प्रत्येक घटकाच्या विकासासाठी कटिबध्द - उपमुख्यमंत्री अजितदादा पवार यांची ग्वाही   कोल्हापूर / शिवार न्यूज नेटवर्क :  कोल्हापूर जिल्हा प्राचीन परंपरेच्या खुणा अभिमानानं मिरविणारा मात्र आधुनिक विचारांचा आदर्श जिल्हा आहे. राजर्षी छत्रपती शाहू महाराजांनी घडवलेल्या ऐतिहासिक, आध्यात्मिक, सामाजिक सुधारणांच्या कोल्हापूर जिल्ह्यासह राज्यातील शेतकरी, कष्टकरी, महिला, तरुणांसह प्रत्येक घटकाचा विकास साधण्यासाठी कटिबध्द असल्याची ग्वाही देूवन जिल्ह्यातील दुधगंगा धरणाच्या गळतीच्या दुरुस्तीसाठी आवश्यक तेवढा निधी देण्यात येईल, असे प्रतिपादन राज्याचे उपमुख्यमंत्री अजितदादा पवार यांनी केले.   भारतीय स्वातंत्र्याच्या 76 व्या वर्धापन दिनानिमित्त उपमुख्यमंत्री अजित पवार यांच्या हस्ते कोल्हापूर जिल्हाधिकारी कार्यालयाच्या प्रांगणात मुख्य शासकीय ध्वजारोहण झाले, त्याप्रसंगी ते बोलत होते. यावेळी श्रीमंत शाहू महाराज छत्रपती, राज्य नियोजन मंडळाचे कार्यकारी अध्यक्ष राजेश क्षीरसागर, खासदार धनंजय महाडिक, आमदार राजेंद्र पाटील-यड्रावकर, आमदार राजेश पाटील, जिल्हाधिकारी राहुल रेखावार, जिल्हा...

शिरोळ / शिवार न्यूज नेटवर्क :  भारतीय स्वातंत्र्य दिनाच्या निमित्ताने शिरोळ शहर व परिसरात मंगळवारी ध्वजारोहण सोहळा अमाप उत्साहात संपन्न झाला स्वातंत्र्याच्या अमृत महोत्सवानिमित्त मेरी माटी मेरा देश या उपक्रमांतर्गत गेली तीन दिवस विविध कार्यक्रम राबविण्यात आले हर घर तिरंगा या अभियानामुळे सर्वत्रच देशभक्तीपर वातावरण झाले होते स्वातंत्र्यदिनानिमित्त मंगळवारी शहरात सकाळपासूनच देशभक्तीपर गीतांची धून प्रसारित झाल्याने वातावरणात राष्ट्र अभिमानाचा माहुल निर्माण झाला होता. शिरोळ नगरपालिकेमध्ये आणि शिवाजी चौकातील सार्वजनिक ध्वजारोहण सोहळा नगराध्यक्ष अमरसिंह पाटील यांच्या हस्ते उपनगराध्यक्षा सौ करुणा कांबळे मुख्याधिकारी निशिकांत परचंडराव यांच्यासह सर्व नगरसेवक विविध क्षेत्रातील मान्यवर लोकप्रतिनिधी शाळेतील विद्यार्थी आणि नागरिकांच्या उपस्थितीत करण्यात आले यावेळी शपथ ग्रहण करण्यात आली संगमनगर येथील ध्वजारोहण नगरसेवक डॉ अरविंद माने यांच्या हस्ते करण्यात आले शिवाजी विविध कार्यकारी सहकारी विकास सेवा संस्थेत संस्थेचे सभासद सुभाष ताराप-माने यांनी ध्वजारोहण केले शिरोळ पालिकेच्या जल शुद्धीकरण केंद्र ...

अजित कांबळे / शिवार न्यूज नेटवर्क :          आज सर्वत्र वृक्षारोपण करण्यात येत आहे पण त्यांचे संगोपन करणे तितकेच गरजेचे आहे .आज वृक्ष लागवड व वृक्ष संवर्धन ही काळाची गरज बनली आहे असे मत युवा नेते उत्तम पाटील यांनी व्यक्त केले.  आज स्वतंत्र दिनाचे औचित्य साधून बोरगाव प्राथमिक आरोग्य केंद्रात युवा नेते उत्तम पाटील यांच्या शुभ हस्ते वृक्षारोपण करण्यात आले.  नगरपंचायत वतीने बोरगाव व उपनगरांमध्ये सुमारे 500 वृक्षांचे रोपण झाले असून यासाठी नागरिकांनीही याचे महत्त्व जाणून वृक्षारोपणावर अधिक भर द्यावे असे आवाहन यावेळी उत्तम पाटील यांनी केले. याप्रसंगी प्रभारी मुख्याधिकारी राहुल गुडयीनकर आरोग्य अधिकारी विलोल जोशी, महसूल निरीक्षक संदीप वाईंगडे, द्वितीय चर्चा सहाय्यक पोपट कुरळे, तलाठी विठ्ठल ढवळेश्वर, नगरसेवक अभय मगदूम , माणिक कुंभार, बाहुबली सोबने,प्रदीप माळी,पिंटू कांबळे ,रोहित पाटील,सौ शोभा हावले, गिरिजा वठारे, अश्विनी पवार, रोहिणी सोबाने, संगीता शिंगे,यांच्यासह सर्व नगरसेवक अंगणवाडी, आशा कार्यकर्ते ,आरोग्य पदाधिकारी व शहरवासीय उपस्थित होते.    

  राजापूर / शिवार न्यूज नेटवर्क : शिरोळ तालुक्यातील राजापूर गावच्या तंटामुक्त अध्यक्षपदी माजी सरपंच शंकर उर्फ दानू पाटील यांची निवड करण्यात आली आहे. या निवडीमुळे पाटील यांचे सर्वत्र अभिनंदन होत आहे. पाटील हे राजापूर गावचे सरपंच पाच वर्ष, पाच वर्ष उपसरपंच, शिरोळ तालुका काॅग्रेस सचिव तसेच २६ वर्ष गटसचिव काम केले आहे. त्यांच्या कार्यकाळात त्यांनी सर्वसामान्य जनतेच्या प्रश्नाबरोबर सामाजिक क्षेत्रात आपली मोठी ओळख निर्माण केली आहे. दत्त साखर कारखान्याचे चेअरमन उद्यान पंडित गणपतराव पाटील यांच्या मार्गदर्शनाखाली त्यांची राजकीय क्षेत्रात वाटचाल सुरू आहे. त्यांची नुकतीच राजापूर महात्मा गांधी तंटामुक्त अध्यक्षपदी निवड झाल्याबद्दल सर्वत्र अभिनंदन होत आहे.

  प्रल्हाद साळुंखे / शिवार न्यूज नेटवर्क : प्राथमिक व माध्यमिक आश्रम शाळा दानवाड येथे 15 ऑगस्ट स्वातंत्र्य दिन उत्साहाने साजरा करण्यात आला, यावेळी कार्यक्रमाचे प्रमुख पाहुणे संस्थेच्या अध्यक्षा श्रीमती महादेवी नाईक यांच्या हस्ते ध्वजारोहण करण्यात आले. यावेळी गावातील प्रतिष्ठीत नागरिक माजी सरपंच श्री चिदानंद कांबळे, रामचंद्र कांबळे , अमोल पाटील , भरत सिंग रजपूत , सुरेश परीट , संजीव नाईक व सौ. अश्विनी नाईक उपस्थित होते