शिवार वार्ता न्यूज नेटवर्क

अजित कांबळे / शिवार न्यूज नेटवर्क :        पंचक्रोशीतील सहकार क्षेत्रासह सामाजिक क्षेत्रालाही प्राधान्य देऊन नफा कमविण्याचा उद्दिष्ट बाजूला ठेवून अरिहंत क्रेडिट सौहार्द संस्था कार्यरत आहे. संस्थेत ११०० कोटी इतक्या ठेवी असून उद्दिष्ट पूर्ण केले आहे. ९३८ कोटी इतके कर्ज वाटप करून आर्थिक वर्षात ९ कोटी ७२लाख ९३ हजार रुपयांचे निव्वळ नफा झाल्याची माहिती संस्थेचे संस्थापक, सहकाररत्न रावसाहेब पाटील (दादा) यांनी बोरगाव येथे आयोजित बैठकीत दिली.  रावसाहेब पाटील म्हणाले, सभासद ,ठेवीदार, कर्जदार,ग्राहकांचे सहकार्य व विश्वासामुळे आर्थिक टंचाईच्या काळातही घोडदौड सुरू ठेवली आहे. मध्यंतरीच्या कठीण परिस्थितीतही संस्थेने आर्थिक प्रगतीचा आलेख उंचावत नेला आहे. संस्थेत एकूण सभासद १३८७०,भाग भांडवल ५ कोटी ९१ लाख, गुंतवणूक १७९ कोटी, ठेवी ११०४ कोटी, कर्ज ९३८ कोटी, वार्षिक उलाढाल ९ हजार ५२ कोटी असून ९ कोटी ७२ लाख झाला आहे. सभासद व शेतकऱ्यांच्या कल्याण करिता विविध कर्ज योजना ,ठेव योजना हाती घेऊन गरजवंतांना वेळेत कर्ज पुरवठा केल्याने संस्थेचे ऑडिट वर्ग 'अ' मिळालेला आहे.संस्था प्र...

  प्रल्हाद साळुंखे / शिवार न्यूज नेटवर्क : सैनिक टाकळी येथील प्रीती विश्वजीत पाटील व रामचंद्र सखाराम पाटील यांच्या सुनबाई यांची ऑल इंडिया ह्यूमन रिसोर्स मॅनेजमेंट मध्ये निवड झाली. इमर्जिंग लीडर्स लीग यांच्यातर्फे त्यांना त्यांच्या अनुभवाच्या आधारे इमर्जिंग लीडर म्हणून निवड करण्यात आली आहे .खरोखर सैनिक टाकळी मध्ये अशा या सुनेची अभिमानाची गोष्ट आहे. टाकळीच्या सुना सुद्धा इथपर्यंत झेप घेऊ शकतात याचे टाकळीकरांना सार्थ अभिमान आहे. रामचंद्र सखाराम पाटील यांच्या या सुनेचे सैनिक टाकळी ग्रामस्थामधुन कौतुक होत आहे.

  प्रल्हाद साळुंखे / शिवार न्यूज नेटवर्क : सैनिक टाकळी येथील कन्या विद्या मंदिर शाळेचे छत दुरुस्ती करण्यासाठी बेटल फाउंडेशन इंडिया 50 बैच यांच्या अनमोल सहकार्यातून कन्या विद्या मंदिर सैनिक टाकळी शाळेचे छत दुरुस्ती करण्यात आले. त्यासाठी विशेष प्रयत्न श्रीमंत. भवानीसिंग मोलोजीराव घोरपडे यांच्या विशेष प्रयत्नातून हे काम पूर्ण करण्यात आले .तसेच श्री. छत्रपती शिवाजी हायस्कूल सैनिक टाकळी यांचे संगणक कक्ष उद्घाटन सोहळा संपन्न करण्यात आला. यावेळी उपस्थित सौ. कानन पटेल मॅडम .(क्रिएटिव्ह चेंज ग्रुप पुणे, )सौ .प्रणाली सर पोतदार मॅडम (समाजसेविका) पुणे.श्री .अभिषेक मोहिते (उद्योगपती )कोल्हापूर. वैशाली वर्णेकर. हेमंत पुराणिक. श्रीमंत. भवानी सिंग घोरपडे .श्री महेश नेताजी तांबेकर सर. सैनिक टाकळी माजी सरपंच. श्रीधर भोसले .संतोष गायकवाड. शेखर पाटील .तसेच कन्या विद्या मंदिर शाळा व्यवस्थापन समिती मुख्याध्यापक .शिक्षिका ,शिक्षक, व विद्यार्थी उपस्थित होते. तसेच श्री छत्रपती शिवाजी हायस्कूल मुख्याध्यापक. शिक्षक, शिक्षिका, व विद्यार्थी वर्ग सैनिक टाकळीतील नागरिक या कार्यक्रमाला उपस्थित होते.

  जयसिंगपूर / शिवार न्यूज नेटवर्क : दूधगंगा नदीवर असलेल्या काळमवाडी धरणातील पाण्याच्या विसर्गामुळे दूधगंगा नदी पात्रातील पाणी प्रवाहित झाले असून लवकरच शिरोळ तालुक्यातील घोसरवाड दत्तवाड व दानवाड परिसरात दूधगंगा नदी पात्रातील पाणी प्रवाहित होईल अशी माहिती आमदार राजेंद्र पाटील यड्रावकर यांनी दिली आहे, काळमवाडी धरणातून सुरू केलेल्या पाण्याच्या विसर्गामुळे सुळकुड पर्यंत प्रवाहित झालेले पाणी पुढे कारदगा बंधाऱ्याचे बर्गे काढल्यामुळे वेगाने प्रवाहित होत आहे, वाढता उन्हाळ्या मुळे सिंचनासाठी व ग्रामीण नळ पाणीपुरवठा योजनांसाठी मोठ्या प्रमाणात नदी पात्रातून पाण्याचा उपसा होत असल्यामुळे दूधगंगा नदीचे पात्र कोरडे पडले होते, या नदीकाठावरील शेतकरी व ग्रामस्थ यांची सातत्याने दूधगंगा नदी प्रवाहित करावी अशी मागणी होती, याचाच भाग म्हणून आपण पाटबंधारे अधिकाऱ्यांशी चर्चा करून दूधगंगा नदी प्रवाहित करण्यासंदर्भात काळमवाडी धरणांमधून विसर्ग सुरू करावा अशा सूचना संबंधित अधिकाऱ्यांना दिल्या होत्या शुक्रवारी याची अंमलबजावणी होताना काळमवाडी धरणा मधून विसर्ग मोठ्या प्रमाणात सुरू झाला असल्यामुळे दूधगंगा नदी का...

कुरुंदवाड / शिवार न्यूज नेटवर्क :          नवभारत शिक्षण मंडळ सांगली व श्री दत्त कनिष्ठ महाविद्यालयामध्ये गेली 39 वर्ष काम करून सेवानिवृत्त होत आहेत. यांच्या सेवानिवृत्तीचा व शुभेच्छा समारंभ कार्यक्रम मोठ्या उत्साहात पार पडला.        श्री दत्त कनिष्ठ महाविद्यालय कुरुंदवाड चे प्राचार्य आर्.जे .पाटील सर यांनी या कार्यक्रमाचे स्वागत व प्रास्ताविक केले. सत्कारमूर्ती आर.जी सावंत यांचा शालेय समिती पदाधिकारी, प्राचार्य, शिक्षक, शिक्षकेतर स्टाफ या सर्वांच्या वतीने मानपत्र देऊन सत्कार करण्यात आला. मानपत्राचे वाचन प्रा.आर.आर. टाकमारे यांनी केले.    नवभारत शिक्षण मंडळ सांगलीचे कार्यकारी सदस्य मा.श्री. शिवाजी पाटील दादा यांनी  श्री व सौ.आर जी सावंत यांचे संस्थेसाठी असणारे योगदान 39 वर्षांमध्ये प्रमाणिक व एकनिष्ठ पणे केलेली कामे, पी.बी. पाटील साहेब व माई यांच्या समवेत केलेलं काम अशा अनेक गोष्टींना उजाळा दिला.      या सत्कार प्रसंगी माजी प्राचार्य व शालेय समितीचे कार्याध्यक्ष मा.श्री.अण्णासाहेब गणपती माने-गावडे सर यांची शिरोळ ...

कुरुंदवाड / शिवार न्यूज नेटवर्क : कुमार विद्या मंदिर नं.३ कुरूंदवाडचे विषय शिक्षक संजय आण्णा कोळी व राजर्षि शाहू विद्या मंदिर नं. १ शिरोळ च्या प्रभारी मुख्याध्यापिका सौ. बेबी संजय कोळी यांच्या सेवानिवृत्ती सत्कार समारंभ संपन्न झाला.           राजर्षि शाहू विद्या मंदिर शिरोळ व कुमार विद्या मंदिर नं. ३ कुरुंदवाड तसेच मित्रमंडळी,नातेवाईक यांच्या वतीने सत्कार करणेत आला.कार्यक्रमाच्या अध्यक्षस्थानी माजी शिक्षण विस्तार अधिकारी अशोक कोळी होते.       सेवानिवृत्ती समारंभास माजी नगराध्यक्ष जयराम पाटील,शिक्षण विस्तार अधिकारी अनिल ओमासे, भगवान कोळी,रविकुमार पाटील,सुनिल एडके, विठ्ठल भाट,शिरोळच्या नगरसेविका सुरेखा पुजारी,स्नेहल पाटील, रमेश पाटील,रामा माने,संजय माने,विलास लोंढे,मोअज्जम चौगले, मेहबूब मुजावर,दिलीप शिरढोणे यांच्यासह शिक्षक वर्ग, मित्रमंडळी,नातेवाईक उपस्थित होते.        प्रास्ताविक बाळासो कोळी यांनी केले तर आभार किरण माने यांनी मानले. सूत्रसंचलन शंकर दिवटे यांनी केले.

कुरुंदवाड / शिवार न्यूज नेटवर्क : ग्रामपंचायत मौजे बस्तवाड यांच्यावतीने मराठी विद्या मंदिर व उर्दू विद्या मंदिर या शाळांतील गुरुजन व शिष्यवृत्ती,प्रज्ञाशोध परीक्षेतील कु.श्रावणी शशिधर जाधव( इयत्ता ७वी प्रज्ञाशोध परीक्षेत जिल्हयात २५वी ), स्कॉलरशिप प्राप्त -कु.नंदिनी आप्पासो जंगम, सौंदर्या संजय ऐनापूरे गुणवंत विद्यार्थ्यांचा सत्कार करण्यात आला.          सन २०२२-२०२३या शैक्षणिक वर्षांत शालेय उपक्रम, प्रज्ञाशोध परीक्षा,क्रीडा स्पर्धा, सांस्कृतिक स्पर्धा,स्पर्धा परीक्षा यामध्ये गुणवत्तापूर्ण कामगिरी केल्याबद्दल मुख्याध्यापक सुरेश बाबू कोळी,अल्लाबक्ष इमाम नदाफ,अंकुश ओलेकर,सरिता बंडगर,विनोद कदम,सुरेखा कोळी,नूरमहमंद मुल्ला,इरफान भेंडवाडे,मोअज्जम चौगले, मोहसीन जमादार,आरिफा जमादार,रेश्मा कवाळे,छबुताई कांबळे,फरहान देसाई यांचा सन्मान करण्यात आला.         सरपंच सौ.लाटकर, शिक्षण विस्तार अधिकारी अनिल ओमासे,ग्रामपंचायत सदस्य,शाळा व्यवस्थापन समितीचे अध्यक्ष,उपाध्यक्ष, सदस्य,शिक्षक,पालक व विद्यार्थी उपस्थित होते. प्रास्ताविक मुल्ला सर यांनी केले तर सूत्रसंचलन...

  जयसिंगपूर / शिवार न्यूज नेटवर्क : मुख्यमंत्री ग्रामसडक योजना टप्पा दोन अंतर्गत शिरोळ तालुक्यातील अतिशय वर्दळीच्या आणि महत्त्वाच्या दोन रस्त्यांसाठी जवळपास दहा कोटी रुपयांचा निधी मंजूर झाला आहे, या रस्त्यांच्या कामाला प्रशासकीय मान्यता देखील मिळाली आहे, या रस्त्यांच्या निविदा प्रक्रिया पूर्ण झाल्या असून लवकरच औरवाड ते आलास इजिमा ४६ व शिरोळ ते घालवाड वीज बोर्ड ग्रामा १५ ते शिरटी ग्रामा १६ या दोन्ही रस्त्यांच्या कामाला सुरुवात होत आहे अशी माहिती माजी आरोग्य राज्यमंत्री आमदार राजेंद्र पाटील यड्रावकर यांनी दिली आहे, तालुक्यातील राज्य मार्ग क्रमांक १५३ शिरोळ ते घालवाड वीज बोर्ड ते शिरटी पर्यंतचा जवळपास ६ किलोमीटर लांबीच्या रस्त्यासाठी ५ कोटी ३१ लाख ३७ हजार रुपये तर तालुक्यातील प्रजिमा २३ औरवाड बुबनाळ ते आलास पर्यंत जाणाऱ्या ६ किलोमीटर लांबीच्या रस्त्यासाठी ४ कोटी ४८ लाख २९ हजार रुपये इतका निधी मंजूर झाला आहे, आलास पासून पुढे जुगुळ राज्य हद्दीपर्यंतच्या रस्त्यासाठी बजेट मधून ६७ लाखाचा निधी मंजूर केला असून या कामाची निविदा प्रक्रिया पूर्ण झाली आहे, त्यामुळ औरवाड ते बुबनाळ आलास मार्गे जु...

कुरुंदवाड / शिवार न्यूज नेटवर्क  :  मुंबई येथे झालेल्या वर्ड पॉवर चॅम्पियनशिप या राज्यस्तरीय स्पर्धेत उर्दू विद्या मंदिर औरवाडचा विद्यार्थी व डीसीपीएससंघटनेचे कार्याध्यक्ष वसीम पटेल यांचे चिरंजीव- अब्दुर्रहमान वसीम पटेल हा उपविजेता बनला.LFW चे संस्थापक प्रणिल नाईक सर आणि इडेलजीव्ह फौंडेशन मुंबईच्या मुख्य कार्यकारी अधिकारी सौ. नगमा मॅडमनी अब्दुर्रहमानला खास भेटवस्तू देवून कौतुक केले.            औरवाडसारख्या ग्रामीण भागातील विशेष म्हणजे उर्दू माध्यमातील विद्यार्थ्यांने राज्यस्तरावरील स्पर्धेत उपविजेता ठरल्याबद्दल त्याचे सर्वत्र कौतुक होत आहे.यासाठी मार्गदर्शक शिक्षिका -बिस्मिल्लाह आयुब मुजावर मॅडम, त्याची आई -शाईस्ता मॅडम,वडिल- वसिम पटेल यांचे मोलाचे मार्गदर्शन लाभले.            मुख्याध्यापिका जकिया मोअज्जम चौगले,मोअज्जम बुखारी,नसरीन करीमखाँ,केंद्रप्रमुख रियाजअहमद चौगले, शिक्षण विस्तार अधिकारी मुसा सुतार,अनिल ओमासे,दिपक कामत व गटशिक्षणाधिकारी भारती कोळी यांचे प्रोत्साहन लाभले.

दानोळी / शिवार न्यूज नेटवर्क : शैक्षणिक, सामाजिक आणि सहकारातील कार्यरत असणारे अभ्यासू व जाणकार व्यक्तिमत्व, साने गुरुजी प्राथमिक शिक्षक पतसंस्थेचे चेअरमन, दक्षिण भारत जैन सभा,कर्मवीर पतसंस्था इत्यादी संस्थेचे आधारस्तंभ,कुमार विद्या मंदिर नं.2 शाळेचे मुख्याध्यापक श्री.अरविंद दादा मजलेकर यांच्या सेवानिवृत्तीनिमित्त आयोजित सदिच्छा सत्कार व सेवा गौरव विशेषांकाचे प्रकाशन आमदार डॉ.राजेंद्र पाटील यांचे शुभहस्ते कार्यक्रम संपन्न झाला.          स्वागत व प्रास्ताविक विजय भोसले यांनी केले. कार्यक्रमाच्या प्रारंभी मजलेकर सरांचे गुरू,पहिले मुख्याध्यापक या सर्वांचा आमदार डॉ. राजेंद्र पाटील यांचे हस्ते सत्कार करण्यात आला. मानपत्राचे वाचन महेश घोटणे यांनी केले.         बेस्ट स्टुडंट अवॉर्ड१००० रुपये रोख व सन्मानपत्र देण्याची घोषणा आजच्या प्रसंगी करण्यात आली. कु.मृणाल कुबेर गावडे,चि.राजवर्धन संपत चव्हाण हे या वर्षीचे मानकरी ठरले.           सत्कारमूर्ती अरविंद मजलेकर म्हणाले,-संपूर्ण सेवा शिरोळ तालुक्यात झाली. जांभळी,कोंडिग्रे,टाकवडे, ...

दानोळी / शिवार न्यूज नेटवर्क : कुमार विद्या मंदिर क्र. 2ची विद्यार्थिनी कु.मृणाल कुबेर गावडे ही १७८ गुण मिळवून इयत्ता ४थी मराठी विभागात प्रथम आली. त्याबद्दल शिरोळ तालुका प्राथमिक शिक्षक पतसंस्थेचे मा.चेअरमन दिलीप शिरढोणे यांचे हस्ते सत्कार करण्यात आला. यावेळी साने गुरुजी प्राथमिक शिक्षक पतसंस्था जयसिंगपूरचे व्हा.चेअरमन मेहबूब मुजावर, संचालक शरद सुतार,कुबेर गावडे उपस्थित होते.

  इचलकरंजी / शिवार न्यूज नेटवर्क : मैत्री फौंडेशनच्या माध्यमातून सामाजिक कार्यात अग्रेसर असणारे अध्यक्ष चंद्रप्रकाशजी छाजेड यांचा मारवाडी जिल्हा भूषण पुरस्काराने नुकतेच सन्मानित करण्यात आले. महाराष्ट्र प्रादेशिक मारवाडी युवा मंचच्या नवव्या प्रातींय अधिवेशनाच्या भव्य कार्यक्रमात चंद्रप्रकाश छाजेड यांचा सन्मान करणेत आला. तसेच इचलकरंजी तेरा पंथ सभा, तेरापंथ युवा परिषद मारवाडी युवामंच, मैत्री फौडेशन, पावरलुम क्लॉथ यार्न मर्चंट असोसिएशनच्या माध्यमातुन चंद्रप्रकाश जी सेवा कामात अग्रेसर असतात. पश्चिम महाराष्ट्रात आलेल्या पुरात सर्वांची काळजी घेऊन सर्वाना मदत, जेवण देणे, अशा कार्यात चंद्रप्रकाश यांचा मोठा हातभार सहकार्य होते. कोरोना महामारी वेळात सर्वाना खाद्यपाकीटे,, औषधे, डॉक्टर उपलब्धता, ऑक्सीजन मशीन साठी व्यवस्था, तसेच वृध्दाश्रम व अनाथाश्रमा मधे सर्व सोई पुरवणे, गोशाळेसाठी मदत, सेवाभारती दवाखान्यासाठी जेवण व नाष्टा सोय, गरिब विद्यार्थी च्या साठी शैक्षणिक मदत अशा अनेक समाजउपयोगी कार्यात चंद्रप्रकाश यांचा हातभार सहकार्य मोलाचे आहे. तसेच उन्हाळयात पाणी वाटप, पाणपोई देणे या कामात त्यांचे ...

  जयसिंगपूर / शिवार न्यूज नेटवर्क :  संजय घोडावत इंटरनॅशनल स्कूलच्या संचालिका, प्राचार्य सस्मिता मोहंती यांची 'ब्रेन फीड इनोव्हेटिव्ह एज्युकेटर्स 2023' पुरस्कारासाठी निवड झाली आहे.भारतातील शिक्षण क्षेत्रात नाविन्यपूर्ण योगदान देणाऱ्यांच्या यादीमध्ये ब्रेन फीड मासिकाच्या मुखपृष्ठावर त्या झळकल्या आहेत.      केवळ पाचशे विद्यार्थ्यांवर सुरू झालेले इंटरनॅशनल स्कूल मोहंती यांच्या समर्पक शैक्षणिक कार्यामुळे 5500 विद्यार्थी संख्येपर्यंत गेली आहे. त्यांच्या मार्गदर्शनाखाली सीबीएससी, सी एआ ई (केंब्रिज स्कूल),आय.बी स्कूल ची सुरुवात झाली. त्याचबरोबर बेळगाव येथे इंटरनॅशनल स्कूल सुरू करण्यामध्ये ही त्यांचा वाटा मोठा आहे. सध्या पुणे व इतर महत्त्वाच्या ठिकाणी संजय घोडावत इंटरनॅशनल स्कूल सुरू करण्याचा त्यांचा प्रयत्न आहे.         2012 मध्ये त्या प्राचार्य पदावर घोडावत इंटरनॅशनल स्कूलमध्ये रुजू झाल्या त्यांनी जिद्दीने या स्कूलची उभारणी केली. त्यांनी केलेल्या अथक परिश्रमामुळे हे स्कूल नावारूपाला आले. राष्ट्रीय आणि राज्यस्तरावर या स्कूलला अनेक पुरस्कार मिळाल...

  हेरवाड/शिवार न्यूज नेटवर्क : हेरवाड येथील एकता सार्वजनिक शिवजयंती उत्सव कमिटीच्या वतीने प्रसिध्द किर्तनकार हभप ज्ञानेश्‍वर माने महाराज यांच्या किर्तनाचा कार्यक्रम होणार असल्याची माहिती शिवजयंती उत्सव कमिटीच्या वतीने देण्यात आली. शनिवार दि. 22 रोजी सकाळी पन्हाळगडाहून ज्योत आणण्यात आली, यानंतर मंडळातील मुस्लीम समाजातील युवकांच्या हस्ते छत्रपती शिवाजी महाराज यांच्या पुतळ्याचे पूजन तसेच महात्मा बसवेश्‍वर महाराज यांच्या प्रतिमेचे पूजन करण्यात आले. यावेळी मुस्लीम बांधवांच्या हस्ते खिर वाटप करण्यात आले. आज रविवारी रात्री 8 वाजता प्रसिध्द किर्तनकार हभप ज्ञानेश्‍वर महाराज यांच्या किर्तनाचा कार्यक्रम आयोजित करण्यात आला असून या कार्यक्रमाचा लाभ गावातील ग्रामस्थांनी घ्यावा, असे आवाहन करण्यात आले आहे. दरम्यान मंगळवारी सायंकाळी 6 वाजता भव्य मिरवणूक होणार असून या मिरवणूकीत लेसर शो, डॉल्बी हे खास आकर्षण असणार आहेत.

प्रल्हाद साळुंखे / शिवार न्यूज नेटवर्क : नवे दानवाड मध्ये प्रतिवर्षाप्रमाणे शिवछत्रपती तरूण मंडळाच्या वतीने शिवजयंतीनिमित्त विविध कार्यक्रमांचे आयोजन करण्यात आले आहे.      दि. २२ रोजी सकाळी ६ वाजता पन्हाळगडावरून वाजत गाजत ज्योत आगमन,व पालखी मिरवणूक काढण्यात येणार आहे. सकाळी ९ वाजता छत्रपती शिवाजी महाराज यांच्या मुर्तींचे पुजन. सकाळी १० वाजता शिवछत्रपती शिवाजी महाराज तरूण मंडळाच्या फलकाचे अनावरण व उद्घाटन सोहळा संपन्न होणार आहे. संध्याकाळी ४ वाजता शिवकालीन मर्दानी खेळांचे आयोजन करण्यात आले आहे. दि,२४ रोजी सायंकाळी ४ वाजता छत्रपती शिवरायांच्या मुर्तींचे वाद्यांचा गजरामधे भव्य मिरवणूक काढण्यात येणार आहे. या कार्यक्रमाचे आयोजन शिवछत्रपती तरूण मंडळ व ग्रामस्थ यांनी केले आहे.

  प्रल्हाद साळुंखे / शिवार न्यूज नेटवर्क :  सैनिक टाकळी ग्राम पंचायतीच्या उपसरपंचपदी जय जवान जय किसान आघाडीच्या ग्रामपंचायत सदस्य निर्मला नेताजी पाटील यांची बिनविरोध निवड करण्यात आली. निवड सभेच्या अध्यक्षस्थानी लोकनियुक्त सरपंच हर्षदा पाटील होत्या.  यावेळी निवडणूक निर्णय अधिकारी म्हणून एन.पी .निर्मळे यांनी काम पाहिले. यावेळी माजी उपसरपंच सुदर्शन भोसले, संतोष गायकवाड, बाबासो बाबर, वाल्मीक कोळी, वंदना पाटील, वैशाली पाटील सर्व सदस्य व गावातील ग्रामस्थ मोठ्या संख्येने उपस्थित होते. निवडीनंतर उपसरपंच सौ निर्मला नेताजी पाटील यांचा सत्कार करण्यात आला. जय जवान जय किसान आघाडीच्या समर्थकाने निवडीची घोषणा होताच जल्लोष केला.

जयसिंगपूर / शिवार न्यूज नेटवर्क जयसिंगपूर कृषी उत्पन्न बाजार समितीच्या होऊ घातलेल्या निवडणुकीत सेवा सोसायटी गट व भटक्या विमुक्त जाती जमाती गटातून उमेदवारी अर्ज दाखल केलेले सुनील शिवराज देबाजे राहणार हेरवाड यांनी व्यक्तिगत कारणास्तव उमेदवारी अर्ज मागे घेण्याच्या शेवटच्या दिवशी वेळेत अर्ज माघार घेतला नाही या तांत्रिक कारणामुळे त्यांचा उमेदवारी अर्ज वरील दोन्ही गटात राहिला आहे, त्यांनी जयसिंगपूर कृषी उत्पन्न बाजार समितीसाठीच्या निवडणुकीमधुन दोन्ही गटातून आपली उमेदवारी मागे घेत आमदार राजेंद्र पाटील यड्रावकर, माजी खासदार राजू शेट्टी, माजी आमदार उल्हासदादा पाटील, उद्यानपंडित गणपतरावदादा पाटील, अनिलकुमार यादव यांच्या नेतृत्वाखालील राजर्षी शाहू शेतकरी विकास पॅनेलला आपला जाहीर पाठिंबा देताना राजर्षी शाहू शेतकरी विकास पॅनलच्या सर्व उमेदवारांना विजयी करा असे आवाहन केले आहे. त्यांनी घेतलेल्या या निर्णयाबद्दल आमदार राजेंद्र पाटील यड्रावकर यांनी त्यांचा यथोचित सन्मान केला यावेळी श्री देबाजे यांनी जाहीर पाठिंब्याचे पत्र आमदार राजेंद्र पाटील यड्रावकर यांच्याकडे सुपूर्द केले.

अजित कांबळे / शिवार न्यूज नेटवर्क :  बोरगाव (ता.निपाणी ) येथील ग्रामदैवत श्री कोडी सिध्देश्वर देवाच्या यात्रेस शुक्रवार 21 एप्रिल ते सोमवार 24 एप्रिल अखेर संपन्न होत आहे. तर शनिवार ता 22 एप्रिल श्री कोडी सिध्देश्वर देवाच्या यात्रेचा मुख्य दिवस असून या दिवशी अभिषेक घालून देवाला सर्व भक्तांकडून नैवेद्य वाहिला जातो.      सकाळी 8 वाजता श्री रेणूका देवीचा जग, अब्दुललाट श्री बिरदेव पालखी,श्री सिध्देश्वर पालखी,बोरगाव बिरोबा पालखी यांचे आगमन होते. दरम्यान या पालखी सोहळ्यात गावातील भक्तांच्या आंबील घागरी,विविध वाद्यांच्या गजरात भव्य मिरवणुकीने वाजत गाजत आणल्या जातात.तर दुपारी 1 वाजल्या पासून महाप्रसादाचे आयोजन करण्यात आले आहे.तर साय.7 ते 10 भव्य धनगरी ओव्या गायल्या जातात.तर रात्री 10 वाजता धनगरी ढोल स्पर्धेचे आयोजन करण्यात आले असून स्पर्धेसाठी आकर्षक बक्षिसे जाहीर करण्यात आली आहेत.     रविवार दिनांक 23 रोजी सकाळी महाप्रसाद व दुपारी श्री सिध्देश्वर देवाचा जन्मकाळ व नामकरण सोहळा आयोजित करण्यात आलेला आहे.तर रात्री 9 वाजता मनोरंजनासाठी कलापथकाचे आयोजन करण्यात आले आहे. ...

अजित कांबळे / शिवार न्यूज नेटवर्क :  निपाणी मतदार संघाच्या निवडूक पार्श्वभूमीवर मा.अरुण निकाडे यांच्या अध्यक्षतेखाली भिवाशीतून काही भाजप कार्यकर्त्यांसह अन्य शेकडो कार्यकर्त्यांनी जाहीर पाठिंबा दिला . आपण येणाऱ्या विधानसभा निवडणुकीमध्ये परस्परातील गट तट,मतभेद विसरून केवळ माझ्यासाठी आणि निपाणीच्या सर्वांगीण विकासासाठी एकत्र आला आहे ,त्यामुळे माझ्या प्रत्येक कार्यातुन तुम्हा सर्वांचे ऋण फेडण्यास मी सदैव कार्यरत राहीन, असे उत्तम पाटील यांनी सांगितले.

अजित कांबळे / शिवार न्यूज नेटवर्क :  निपाणी विधानसभा निवडणुकीच्या पार्श्वभूमीवर कोगनोळी येथील युवकांनी जाहीर पाठींबा दिला. यावेळी कोगनोळी गावातील युवा वर्ग मोठ्या प्रमाणात उपस्थित होता. कोगनोळी गावाच्या सर्वांगीण विकासासाठी आणि युवकांनी ठेवलेल्या या विश्वासाप्रति मी सदैव कार्यतत्पर राहीन असे युवा नेते उत्तम पाटील यावेळी बोलताना सांगितले.

  प्रल्हाद साळुंखे / शिवार न्यूज नेटवर्क : मुनी कुलपितामह चारित्र्य चक्रवती प्रथमाचार्य शांतीसागरजी महाराजांचा परंपरागत आचार्य रत्नभारत गौरव देशभूषण गुरुदेवांचे परमशिष्य विश्वधर्म प्रभाणत सिध्दांत चक्रवती श्वेतापिच्छाचार्य प.पू.१०८ विद्यानंद गुरुदेवांच्या पदस्पर्शाने पावण झालेल्या जुने दानवाड येथे श्रीमद्देवाधिदेव भगवान श्री १००८ मूलनायक, सातिशय सुंदर, प्रतिदिन तीन वेळा रंग बदलणारे, प्राचीन दक्षिण शैलित नवनिर्मित अतिशषयकारी चिंतामणी पार्श्वनाथ एवं आदिवीर जिनबिंबाचे ऐतिहासिक पंचकल्याण प्रतिष्ठा महामहोत्सव आचार्य रत्न श्री १०८ कुलरत्नभूषण महाराजजी यांच्या मार्गदर्शनाखाली आजपासून सुरुवात होत आहे. हे महामहोत्वव १९ ते २३ एप्रिल अखेर होणार असून या महामहोत्ववानिमित्त विविध कार्यक्रमांचे आयोजन करण्यात आले असल्याची माहिती महोत्सव समितीच्या वतीने देण्यात आली. बुधवार दि. १९ रोजी गर्भ कल्याणक महोत्सव : पहाटे मंगल घोष, सौधर्म इंद्र इंद्राणींचे आगमन, कंकणबंधन, आचार्य निमंत्रण, घट यात्रा, जलकुंभ आणणे, इंद्र प्रतिष्ठा, ध्वजारोहण,मंडप उद्घाटन, वेदी शुध्दी, मंडप शुध्दी. सकाळी- वेदी प्रतिष्ठा, अभिषे...

कोल्हापूर / शिवार न्यूज नेटवर्क : आजची ही सभा म्हणजे आमच्या विजयाची मुहूर्तमेढ आहे. उद्या याच विठ्ठल बिरदेवाच्या साक्षीने आम्ही विजयाचा भंडारा उधळू, असा विश्वास खासदार धनंजय महाडिक यांनी व्यक्त केला. करवीर तालुक्यातील वाशी गावामध्ये छत्रपती राजर्षी शाहू सहकार आघाडीची प्रचार सभा झाली. या सभेत खासदार महाडिक बोलत होते. यावेळी उपस्थित जनसमुदायाला संबोधित करताना खासदार महाडिक म्हणाले, आजवर कोल्हापूर जिल्ह्याने महाडिक कुटुंबाला भरभरून दिले आहे. महाडिक कुटुंबानेही कोल्हापूर जिल्ह्याच्या सेवेत तीन पिढ्या दिल्या आहेत. असे असताना काही जण महाडिक बाहेरचे अशी टीका करतात. ही टीका करणारी मंडळी आपत्तीच्या वेळी मात्र लपून बसलेली असतात. महाडिक प्रत्येक संकटात ठामपणे कोल्हापूरच्या मदतीसाठी उभे असतात. बंटी पाटील तुमचे एकेक कारनामे बाहेर काढले तर तुम्हाला पळता भुई थोडी होईल. राजाराम कारखान्याच्या पारदर्शक कारभारावर बोलण्याची तुमची पात्रता नाही, अशा शब्दात खा. धनंजय महाडिक यांनी विरोधकांचा समाचार घेतला. यावेळी माजी आमदार अमल महाडिक यांचेही भाषण झाले. सभेस नारायण पाटील, शिवाजी पाटील, शामराव तिबिले, महादेव बु...

कोल्हापूर / शिवार न्यूज नेटवर्क : 25 तारखेला विरोधकांची पोटदुखी कायमची थांबेल, असा टोला खा. धनंजय महाडिक यांनी लगावला. मनोरुग्ण पाटलांनी बिनबुडाचे आरोप थांबवावेत. इतर कारखान्यांसोबत तुलना करण्याऐवजी डी. वाय. पाटील साखर कारखान्यासोबत राजाराम कारखान्याची तुम्ही तुलना का करत नाही, असा सवालही खा. महाडिक यांनी केला. चांगल्या संस्था मोडून खाणं हाच बंटी पाटील यांचा गुणधर्म असल्याची टीकाही खा. महाडिक यांनी केली.सत्तारूढ छत्रपती राजर्षी शाहू सहकार आघाडीची शनिवारी करवीर तालुक्यातील वळिवडे येथे सभा झाली. या सभेला वळिवडे आणि चिंचवाड गावातील सभासदांनी मोठी गर्दी केली होती. यावेळी खा. महाडिक यांनी, तुमच्यात हिंमत असती तर तुम्ही काल बिंदू चौकात आला असता. पुतण्याला पुढे करून तुम्ही लपून बसला. तोही वेळेत आला नाही. ज्याने आयुष्यात कधी जोर-बैठका मारल्या नाहीत, तो काल दंड थोपटून दाखवत होता, हाच मोठा विनोद असल्याचेही महाडिक यांनी सांगितले. यावेळी किरण घाटगे यांनी विरोधकांवर टीकास्त्र सोडले. आमचे सभासदत्व रद्द करण्याचा घाट घालणारे विरोधक आज उजळ माथ्याने मत मागायला येत आहेत, त्यांना लाज कशी वाटत नाही? असा सव...

मुंबई :  आप्पासाहेब धर्माधिकारी यांना महाराष्ट्र भूषण पुरस्कार देण्यासाठी आयोजित करण्यात आलेल्या सोहळ्यात उष्माघातामुळे मृत्यूमुखी पडलेल्यांचा आकडा 11 वर गेला आहे. तर अजूनही अनेकजण अत्यस्वस्थ आहेत. नवी मुंबईतील वेगवेगळ्या रुग्णालयात या श्रीसेवकांवर उपचार सुरू आहेत. कडक उन्हात दोन तास बसल्यामुळे मळमळ, उलट्या आणि जुलाब सुरू झाल्याने या श्रीसेवकांना रुग्णालयात दाखल करण्यात आले होते. उपचार सुरू असताना त्यातील 11 जण दगावले. मृतांमध्ये महिलांची संख्या अधिक आहे. मृतांची नांवे खालील प्रमाणे -  01. तुळशीराम भाऊ वागडे वय 58, जांभूळ विहीर ता. जव्हार 02. जयश्री जगन्नाथ पाटील वय 54, रा. वारळ पो. मोदडी ता. म्हसळा 03. महेश नारायण गायकवाड वय 42, रा. मेदडू ता. म्हसळा 04. मंजुषा कृष्णा भोगडे, रा. भुलेश्वर मुंबई 05. भीमा कृष्णा साळवे, वय 58, रा. कळवा ठाणे 06. सविता संजय पवार, वय 42, रा. मंगळवेढा, सोलापूर 07. स्वप्नील सदाशिव किणी, वय 32, रा. विरार 08. पुष्पां मदन गायकर, वय 63. कळवा, ठाणे 09. वंदना जगन्नाथ पाटील, वय 62, रा. माडप. ता. खालापूर 10. कलावती सिद्धराम वायचल, रा. सोलापूर 11 अनोळखी आहे

प्रल्हाद साळुंखे / शिवार न्यूज नेटवर्क : राष्ट्रवादी विद्यार्थी काँग्रेसचे प्रदेशाध्यक्ष सुनील दादा गव्हाणे यांच्या आदेशानुसार व जिल्हाध्यक्ष निहाल कलावंत व तालुकाध्यक्ष माननीय अमर भैया पाटील माने यांच्या मार्गदर्शनाखाली आज. ब्रिलियंट इंग्लिश मीडियम स्कूल शिरोळ, मालू इंग्लिश मीडियम स्कूल शिरोळ , हॅप्पी इंग्लिश स्कूल शिरोळ व श्री दत्त बाल मंदिर स्कूल शिरोळ या व तालुक्यातील अन्य शाळेमध्ये जावून मुख्याध्यापकांना  विद्यार्थी पालक जागृती अभियाना बद्दल संपुर्ण माहिती देवून, विद्यार्थ्यांच्या बाबतीत योग्य ती काळजी घ्यावी आणि विद्यार्थ्यांना सहकार्य करण्याचे आवाहन युसुफअली अकिलअली इनामदार जिल्हा सचिव राष्ट्रवादी विद्यार्थी काँग्रेस कोल्हापूर, व प्रतिक अशोक कुन्नूरे उपाध्यक्ष राष्ट्रवादी काँग्रेस पार्टी/विद्यार्थी शिरोळ तालुका यांनी केले, यावेळी दिग्विजय माने शिरोळ शहराध्यक्ष राष्ट्रवादी युवक काँग्रेस आणि रईस बुरान,यासीन आवटी उपस्थित होते.

अतिग्रे : अतिग्रे येथील प्रगतशील शेतकरी सखाराम श्रीमंत पाटील ( वय ७५ वर्षे ) यांचे शनिवार दि.१५ एप्रिल २०२३ रोजी पहाटे दुःखद निधन झाले.ते महाराष्ट्र राज्य प्राथमिक शिक्षक संघ उपशाखा हातकणंगलेचे तालुकाध्यक्ष,रुकडीचे केंद्रप्रमुख शशिकांत सखाराम पाटील यांचे ते वडिल होत.त्यांच्या पश्चात पत्नी,मुलगा,मुलगी,जावई,सून, नातवंडे असा परिवार आहे. रक्षाविसर्जन सोमवार दि. १७ एप्रिल २०२३ रोजी सकाळी ९ वाजता आहे.

  जयसिंगपूर / शिवार न्यूज नेटवर्क :  संजय घोडावत विद्यापीठाच्या सौजन्य वारी आली आपल्या दारी या सामाजिक उपक्रमांतर्गत आष्टा जि. प. शाळा नं.०९ वाळवा, सांगली प्राथमिक शाळेत शिक्षण घेत असण्याऱ्या विद्यार्थ्यांना शालेय उपयुक्त साहित्यांचे वाटप करण्यात आले. या कार्यक्रम प्रसंगी शिक्षणविस्तार अधिकारी वाळवा श्रीमती. मंगल पाटील, शाळा व्यवस्थापन समिती अध्यक्षा सौ. मनिषा मोटकट्टे, शा.व्य. सदस्य श्री. राजाराम देसावळे, मॉडेल स्कुल कमिटी सदस्य श्री. साजिद आयुबखान इनामदार, वरिष्ठ मुख्याध्यापिका सौ. फरिदा रमजान मकानदार, सहशिक्षक श्री. दयानंद बाळासाहेब लोखंडे, श्री. समीर इसाक नायकवडी, उपशिक्षका सौ. निलम जगदिश साळुंखे, श्रीमती. शाहीन मुजावर, पालक, गावातील ग्रामस्थ आणि संजय घोडावत विद्यापीठाच्या सौजन्य वारी आली आपल्या दारी कार्यक्रम समानव्यक प्रा. अजय कोंगे, श्री. आशिष कुलकर्णी, श्री.सचिन देसाई, पूनम शिंदे, एरोस्पेस अभियांत्रिकी विभागाचे विद्यार्थी उपस्थित होते. कार्यक्रम समन्वयक, प्रा. अजय कोंगे यांनी उपस्थितांना या कार्यक्रमाविषयी माहिती देऊन विद्यापीठाअंतर्गत विविध उपक्रमाचे मार्गदर्शन केले. ...

कुरुंदवाड / शिवार न्यूज नेटवर्क :       पावसाळ्यात कर्नाटक सरकार पाणी घेत नाही त्यामुळे आम्हाला महापुराशी सामना करावा लागतो तर उन्हाळ्यात आमच्या नद्या कोरड्या पडतात आणि आम्हाला पाण्यासाठी वणवण करावी लागते. कर्नाटक सरकारने आता उन्हाची झळ बडवू लागली आहे. म्हणून महाराष्ट्र सरकारकडे अतिरिक्त दोन टीएमसी पाण्याचा साठा मागणी केली आहे. ती मागणी राज्य सरकारने मान्य करू नये अशी मागणी शिवसेना तालुकाप्रमुख वैभव उगळे यांनी आयोजित पत्रकार परिषदेत केली आहे.        दरम्यान उन्हाच्या झळा वाढू लागल्या असून कृष्णा नदीचे पात्र कोरडे पडत आहे. त्यामुळे सीमेलगतच्या गावांना पाणीपुरवठा करण्यासाठी महाराष्ट्राने कृष्णा नदीतून हिप्परगी बंधाऱ्यात दोन टीएमसी अतिरिक्त पाणी सोडावे असे विनंतीचे पत्र बेळगावचे विभागीय आयुक्त गौतम बगादी यांनी राज्य सरकारला पाठवले आहे.        पत्रकार परिषदेत पुढे बोलताना शिवसेना तालुकाप्रमुख उगळे म्हणाले सन 2019 आणि 2021 सालच्या अतिवृष्टीमुळे कृष्णा पंचगंगा नद्यांना महापूर आला होता. कर्नाटक सरकारच्या अडमुठे धोरणामुळे अलमट्टी धरणातून पा...

प्रल्हाद साळुंखे / शिवार न्यूज नेटवर्क :     नवे दानवाड येथे गुरुवार दि. 13 रोजी कोल्हापूर जिल्हातील नवे दानवाड, व दत्तवड या शाखेचे उद्घाटन करण्यात आले.        वंचित बहुजन आघाडीचे राष्ट्रीय अध्यक्ष आदरणीय ॲड. बाळासाहेब तथा प्रकाश आंबेडकर, प्रदेशअध्यक्षा मा. रेखाताई ठाकुर व जिल्हा प्रभारी डॉ. क्रांतीताई सावंत यांच्या आदेशाने कोल्हापूर जिल्हा अध्यक्ष मा. विलास कांबळे यांच्या अध्यक्षते खाली, जिल्हा सह सचिव व ज्येष्ठ नेते मा विश्वास फारांडे यांच्या हस्ते नवे दानवाड शाखेचे उ्घाटन झाले या वेळी ज्येष्ठ नेते सिध्दार्थ कांबळे, तालुका उपाध्यक्ष विनायक प्राथनाहल्ली, बाबसो कांबळे, तालुका महासचिव अमोल कांबळे - महासचिव व जिल्हा परिषद सर्कल निरीक्षक विश्वास शिंगे यांच्या प्रमुख उपस्थितीत संपन्न झाला. या वेळी जिल्हाध्यक्ष विलास कांबळे यांनी नवे दानवाड ग्राम शाखेच्या पदाधिकारी यांची घोषणा केली.सतीश कांबळे - अध्यक्ष, पूनित कांबळे - उपाध्यक्ष, अमोल कांबळे ( शिंगे ) - उपाध्यक्ष, मिथुन प्रथनाहल्ली - महासचिव, राहुल कांबळे - महासचिव , बाबदो कांबळे - आय टी प्रमुख,सचिन कांबळे - क...

  आमदार राजेंद्र पाटील यड्रावकर यांनी दिली माहिती जयसिंगपूर / शिवार न्यूज नेटवर्क : भारतरत्न डॉक्टर बाबासाहेब आंबेडकर पुतळा समिती सदस्य व शिरोळ तालुक्यातील आंबेडकरवादी पदाधिकाऱ्यांच्या दिनांक ११ मार्च २०२३ रोजी झालेल्या बैठकी मधील चर्चेप्रमाणे शिरोळ तालुक्यातील बहुजन समाजाच्या व आंबेडकरवादी संघटनांच्या वतीने महाराष्ट्र राज्य मार्ग परिवहन महामंडळ म्हणजेच एस.टी. महामंडळाच्या ताब्यात असलेली जयसिंगपूर बस स्थानक आवारातील पश्चिमेकडील जागा भारतरत्न डॉक्टर बाबासाहेब आंबेडकर यांच्या पूर्णाकृती पुतळा उभारणीसाठी मिळावी यासाठी आमदार राजेंद्र पाटील यड्रावकर यांनी जयसिंगपूर नगरपरिषदेने केलेल्या ठरावासह मुख्यमंत्री एकनाथरावजी शिंदे यांची भेट घेऊन लेखी निवेदनाद्वारे जागेची मागणी केली होती, याचाच भाग म्हणून आमदार राजेंद्र पाटील यड्रावकर यांच्या सातत्यपूर्ण प्रयत्नांमुळे जयसिंगपूर एसटी स्टँड आवारातील पश्चिमेकडील 250 चौरस मीटर इतकी जागा मुख्यमंत्री एकनाथरावजी शिंदे यांच्या आदेशाने डॉक्टर बाबासाहेब आंबेडकर यांचा पूर्णाकृती पुतळा उभारण्यासाठी एसटी महामंडळाने जयसिंगपूर नगरपरिषदेकडे वर्ग करीत असल्याबा...

  कोल्हापूर / शिवार न्यूज नेटवर्क : पंचगंगा व भोगावती नद्यांच्या दोन्ही तीरावरील भागात उन्हाळी हंगाम 2022-23 मधील कालावधीत शेतीसाठी पाणी उपसा करणाऱ्या उपसा यंत्रावर उपसाबंदी करण्याचे आदेश पाटबंधारे विभाग (उत्तर) चे कार्यकारी अभियंता रोहित बांदिवडेकर यांनी दिले आहेत.  भोगावती नदी- (राधानगरी धरण ते शिंगणापूर उर्ध्वबाजू) कार्यवाहीचा भाग-  राधानगरी धरणापासून ते शिंगणापूर कोल्हापूर पध्दतीच्या बंधाऱ्यापर्यंतच्या भोगावती नदीवरील दोन्ही तीरावरील भाग. तुळशी धरणापासून ते बीड को.प.बंधाऱ्यापर्यंतचा भाग, कुंभी धरणापासून भोगावती नदी संगमापर्यंतचा भाग, कासारी धरणापासून प्रयाग चिखली संगमापर्यंतचा भाग, नमूद केलेल्या नदीवरील भागात मिळणाऱ्या सर्व ओढ्या व नाल्यावरील पाणी फुगीच्या दोन्ही तीरावरील भागात शेतीसाठी वापरल्या जाणाऱ्या उपसायंत्रावर उदि. 18 ते 20 एप्रिल 2023 असे तीन दिवस उपसाबंदी करण्यात येत आहे.   पंचगंगा नदी- (शिंगणापूर अधोबाजू ते शिरोळ बंधारा) कार्यवाहीचा भाग-  शिंगणापूर कोल्हापूर पध्दतीच्या बंधाऱ्यापासून ते शिरोळ कोल्हापूर पध्दतीच्या बंधाऱ्यापर्यंतच्या दोन्ही तीराव...

जयसिंगपूर / शिवार न्यूज नेटवर्क : भारतरत्न डॅा. बाबासाहेब आंबेडकर यांचा पूर्णाकृती पुतळा जयसिंगपूर शहराच्या क्रांती चौक परिसरात व्हावा यासाठी रमेश शिंदे आणि त्यांच्या सहकाऱ्यांनी मागील 32 दिवसांपासून क्रांती चौकातील राजर्षी शाहू महारांजाच्या पुतळ्यासमोर साखळी उपोषण सुरु केले होते. यावर आमदार राजेंद्र पाटील यड्रावकर यांचे प्रतिनिधी म्हणून जयसिंगपूरचे माजी नगराध्यक्ष संजय पाटील यड्रावकर यांनी उपोषण कर्त्यांशी सकारात्मक चर्चा करतांना सर्वमान्य तोडगा काढत उपोषण कर्त्यांना लिंबूसरबत देऊन साखळी व आमरण उपोषणाची सांगता केली. मागील अनेक दिवसांपासून सुरु असलेल्या या वादावर मार्ग काढण्यासाठी जयसिंगपूर पोलिस स्टेशनचे सहाय्यक पोलीस निरिक्षक रणजीत पाटील यांनी उपोषणकर्ते तसेच आमदार राजेंद्र पाटील यड्रावकर यांचे प्रतिनिधी म्हणून जयसिंगपूरचे माजी नगराध्यक्ष संजय पाटील यड्रावकर, मुख्याधिकारी जयसिंगपूर यांच्यामध्ये चर्चा घडवून आणली. संजय पाटील यड्रावकर यांनी नवा प्रस्ताव आंदोलकासमोर मांडला. आंदोलकांच्या मागणीप्रमाणे सि.स.नं.1251 या कोर्टाच्या ताब्यात असलेल्या जागेमध्ये डॅा.बाबासाहेब आंबेडकर म्युझीयम व M...

  बॉलीवूड फॅशन डिझायनर संदेश नवलखा करणार मार्गदर्शन जयसिंगपूर / शिवार न्यूज नेटवर्क : संजय घोडावत विद्यापीठाच्या स्कूल ऑफ डिझाईन विभागाच्या वतीने 12 वी नंतर डिझाईन विषयात करिअर करू इच्छिणाऱ्या विद्यार्थ्यांसाठी मोफत व्याख्यानाचे आयोजन करण्यात आले आहे. बॉलीवूड मधील प्रसिद्ध फॅशन डिझायनर व स्टायलिस्ट संदेश नवलखा हे यावेळी मार्गदर्शन करणार आहेत.          डिझाईन विद्या शाखेतील करिअरच्या संधी या विषया अंतर्गत प्रॉडक्ट डिझाईन, फॅशन डिझाईन, ग्राफिक्स डिझाईन, इंटरियर डिझाईन विषयी विद्यार्थ्यांना माहिती मिळणार आहे. येत्या शनिवारी फॉर्च्यून प्लाझा इचलकरंजी येथे सकाळी 10 ते 1 वा. तर दुपारी 4 ते 7 या वेळेत रेसिडेन्सी क्लब कोल्हापूर व रविवारी हॉटेल ककुन सांगली येथे सकाळी 10 ते 1 या वेळेत व्याख्यानाचे आयोजन करण्यात आले आहे. यासाठी विद्यार्थ्यांनी https://shorturl.at/cfrAC या लिंक वर रजिस्ट्रेशन करावे व जास्तीत जास्त विद्यार्थ्यां, पालकांनी या व्याख्यानास उपस्थित राहावे असे आवाहन घोडावत विद्यापीठातर्फे करण्यात आले आहे. आहे.   सध्याच्या काळात डिझाईन हा विषय सर्वत्र च...

हेरवाड / शिवार न्यूज नेटवर्क : समृद्धी प्रज्ञाशोध परीक्षेत कन्या विद्या मंदिर हेरवाडच्या विद्यार्थीनींनी उत्तुंग यश संपादन केले आहे.  यामध्ये इयत्ता पहिली मधील श्रीशा राजेंद्र आरगे ९० गुण केंद्रात तिसरी, इयत्ता दुसरी दिव्या सचिन माळी 98 गुण मिळवून राज्यात दुसरी, राजनंदनी नितीन मोहिते 96 गुण राज्यात तिसरी, स्वराज जितेंद्र कोकणे 94 गुण केंद्रात प्रथम, आलिया अझरुद्दीन मुल्ला 94 गुण केंद्रात प्रथम, आदिती युवराज पाटील 90 गुण केंद्रात तिसरी, इयत्ता तिसरी, सृष्टी सुनील माने 176 गुण केंद्रात दुसरी, अमृता अरविंद पाटील 162 गुण प्राविण्य पात्र, इयत्ता चौथी, हिंदवी अर्जुन जाधव 176 गुण केंद्रात तिसरी आली आहे. या सर्व यशस्वी विद्यार्थीनींना मुख्याध्यापक सुभाष तराळ व सर्व शिक्षकांचे मार्गदर्शन लाभले.

शिरोळ / शिवार न्यूज नेटवर्क : शिरोळ पंचायत समितीच्या गट शिक्षण अधिकारी पदाचा पदभार हातकणंगले येथील कार्यतत्पर शिक्षण विस्तार अधिकारी सौ. भारती सुनील कोळी यांचेकडे देण्याचा आदेश प्राप्त झालेला आहे.          मंगळवार दि.11 एप्रिल 2023 रोजी दुपारी पदभार स्वीकारतील.यापूर्वी शिरोळ, करवीर तालुक्यामध्ये आपल्या कार्याचा ठसा उमटविलेल्या आहेत.एक शिक्षकप्रिय अधिकारी म्हणून त्यांची ख्याती आहे.

प्रल्हाद सांळुखे / शिवार न्यूज नेटवर्क : प्रतिवर्षाप्रमाणे नवे दानवाड मध्ये डॉ. बाबासाहेब आंबेडकर यांच्या जयंती निमित्त विविध कार्यक्रमांचे आयोजन करण्यात आले आहे.  दि. १० रोजी सकाळी १० वाजता सम्राट अशोक यांचे प्रतीमेचे फोटो पुजन,व ग्राम स्वच्छता अभियान,व रात्री ८ वाजता हिप्नॉडिझमचा कार्यक्रम संपन्न झाला. दि.११ रोजी सकाळी ९ वाजता महात्मा जोतिबा फुले यांच्या प्रतिमेचे पूजन, सकाळी १० वाजता धावने स्पर्धा, ११ वाजता स्लो सायकल स्पर्धा, सायंकाळी ४ वाजता हातगाडी स्पर्धा, रात्री ८ वाजता सांस्कृतिक कार्यक्रम, दि,१२ रोजी सकाळी ९ वाजता सर्व महापुरुषांच्या प्रतिमेच पुजन, सकाळी १० वाजता सायकल स्पर्धा,११ वाजता रांगोळी स्पर्धा, सांयकाळी ४ वाजता चित्रकला स्पर्धा, रात्री ८ वाजता आयु. संभाजी कांबळे यांचे व्याख्यान, दि,१३ रोजी सकाळी नऊ वाजता सर्व महापुरुषांचे प्रतिमेचे पुजन, सकाळी १० वाजता होममिनीस्टर कार्यक्रम (स्त्रियांसाठी) रात्री ८वाजता भिमवंदना (बुध्द भिमगीतांचा बहारदार कार्यक्रम रात्री १२ वाजता भव्य आतिषबाजी दि,१४ रोजी सकाळी ७ वाजता भिमजोत रॅलीचे आगमन, सकाळी ९ वाजता डॉ. बाबासाहेब आंबेडकर यांच्...

जयसिंगपूर / शिवार न्यूज नेटवर्क : महाराष्ट्र राज्य तंत्रशिक्षण मंडळ, मुबंई मार्फत घेण्यात आलेल्या हिवाळी परीक्षा २०२२ मध्ये संजय घोडावत पॉलिटेक्निकने आपली निकालाची उच्चांकीत परंपरा कायम राखली आहे. या परीक्षेमध्ये विविध विभागातील मिळून एकूण १४ विद्यार्थ्यांनी ९०% हुन अधिक गुण मिळवून उच्चंकित यश संपादन केले आहे.  यासोबतच विविध विभागातून वेगवेगळ्या विषयांमध्ये उत्कृष्ट कामगिरी करीत १०० पैकी १०० गुण मिळवून विद्यार्थ्यांनी राज्यामध्ये प्रथम क्रमांक मिळवण्याचा मान याहीवर्षी पटकाविला आहे. त्यामध्ये इलेक्ट्रिकल विभागातून कु. शुभदा रेडेकर विषय: इंडस्ट्रियल एसी मशीन आणि स्विचगिअर अँड प्रोटेक्शन व कु. गौरी पाटील विषय: स्विचगिअर आणि प्रोटेक्शन यासोबत प्रथम वर्षातून कु. अनन्या मोरती, श्री. ऋषिकेश पोतदार, कु. निकिता पाटील यांनी बेसिक मॅथेमॅटिक्स या विषयात १०० पैकी १०० गुण संपादित केले आहेत. तृतीय वर्षातील विविध विभागातून कु. शुभदा रेडेकर ९५.४० % गुण मिळवून तंत्रनिकेतन मध्ये प्रथम क्रमांक, कु. गौरी पाटील ९५.२० % मिळून तंत्रनिकेतन मध्ये द्वितीय व कु. साक्षी सुडके ९२.०० % गुण मिळून त...

  हेरवाड / शिवार न्यूज नेटवर्क :      समृद्धी प्रकाशनच्यावतीने घेण्यात आलेल्या समृद्धी प्रज्ञाशोध परीक्षेत नृसिंहवाडी येथील कुमार विद्यामंदिर शाळेचा विद्यार्थी श्लोक विजय पाटील (रा. हेरवाड) याने राज्यस्तरीय गुणवत्ता यादीत तिसरा क्रमांक पटकाविला आहे.    श्लोक विजय पाटील हा नृसिंहवाडी  येथील जिल्हा परिषदेच्या कुमार विद्यामंदिर शाळेमध्ये इयत्ता चौथीच्या वर्गात शिकत आहे. समृद्धी शैक्षणिक प्रसारक संस्था पाचवडे संचलित समृद्धी प्रकाशनच्यावतीने 26 फेब्रुवारी रोजी मजरेवाडी येथील केंद्रीय शाळेमध्ये इयत्ता चौथीच्या विद्यार्थ्यांसाठी समृद्धी प्रज्ञाशोध परीक्षा घेण्यात आली होती. या परीक्षेचा निकाल नुकताच जाहीर झाला असून श्लोक विजय पाटील रा. हेरवाड यांनी 200 पैकी 194 गुण मिळवून राज्यस्तरीय गुणवत्ता यादीत तिसरा क्रमांक पटकावला आहे. याबद्दल शिक्षणप्रेमीतून त्याच्यावर कौतुकाचा वर्षाव होत आहे.  श्लोक पाटील याला वर्गशिक्षिका वैशाली पाटील, मुख्याध्यापिका विजया पाटील यांचे मार्गदर्शन तर सरोजिनी खड्ड, विजय नरसगोंडा पाटील यांचे प्रोत्साहन लाभले आहे.

इचलकरंजी / शिवार न्यूज नेटवर्क : इचलकरंजी शहर व परिसरात आपल्या सामाजिक कामांसाठी नेहमी अग्रेसर असणाऱ्या मैत्री फौंडेशनच्या वतीने अनेक कार्ये आजवर पार पाडण्यात आली आहेत. कोल्हापूर जिल्ह्यातील चार वेगवेगळ्या ठिकाणी अनाथाश्रम व वृद्धाश्रम इमारती बांधून देण्यात आल्या आहेत. विविध इस्पितळात उपचार घेणारे रुग्ण यांना आर्थिक मदत देण्यात आली आहे. कोरोना काळातील अन्नधान्य व इतर मदतीचा गौरव म्हणून फौंडेशनला विविध पुरस्कार देऊन सन्मानित करण्यात आले आहे. शालेय गणवेश वाटप तसेच शैक्षणिक मदत म्हणून विविध शाळांतील विद्यार्थी विद्यार्थिनी यांना मदत देण्यात येते. सदर उपक्रमाचा भाग म्हणून इचलकरंजी शहरातील गरीब विद्यार्थिनीला आर्थिक मदतीचा धनादेश मैत्री फौंडेशनच्या वतीने देण्याचा कार्यक्रम नुकताच फौंडेशनचे अध्यक्ष श्री चंद्रप्रकाश छाजेड यांच्या कार्यालयात पार पडला. शुल्क भरण्यास अडचण असणार्या हुशार विद्यार्थिनीला आर्थिक मदत देण्यात आली. सदर मदत दिगंबर खंडेलवाल समाजाचे अध्यक्ष श्री शेषराज पाटणी तसेच इचलकरंजी शहरातील सुप्रसिद्ध उद्योगपती व व्यापारी श्री विनोद पाटणी, श्री अशोक पाटणी , श्री विनोद गंगवाल, श्री ...

  उमळवाड येथे ज्ञानमंदिर ,गुरुजींचा सहवास सांगताना अश्रूत भिजल्या आठवणी शिरोळ / शिवार न्यूज नेटवर्क : उमळवाड (ता शिरोळ) येथील कन्या विद्या मंदिर या प्राथमिक शाळेतील सातवी मधील विद्यार्थिनींना शाळा ,पालक व मान्यवरांच्या उपस्थितीत आशीर्वाद शुभेच्छा देत निरोप देण्यात आला. मुख्याध्यापक दिलीपराव राऊ कोळी कार्यक्रमाच्या अध्यक्षस्थानी होते.            यावेळी सरस्वती प्रतिमेचे पूजन करून कार्यक्रमास प्रारंभ झाला. यावेळी सातवी मधील श्रावणी पाटील ,आनुश्का चौगुले , सिद्धी तिवडे यांनी शालेय जीवनातील आठवणी तसेच शिक्षकांचे मिळालेले मार्गदर्शन याविषयी मनोगत व्यक्त केले . यावेळी शिक्षक, विद्यार्थिनी व मुख्याध्यापक यांच्यामधील ज्ञान मंदिरातील सहवास आणि गुरु शिष्यांच्या नात्यांमधील सस्नेह संवाद झाला. मनोगतातुन आठवणी,,,, डोळ्यात अश्रू,,,,,,,भावभावनांना वाट मोकळी करून देताना उपस्थितांना अश्रू लपवता आले नाहीत.        या कार्यक्रमात सिने अभिनेते दगडू माने व एकपात्री नाट्यकलाकार राजेंद्र प्रधान यांनी वैचारिक प्रबोधन करून विद्यार्थिनींना ज्ञानदानाची श...

  नवे दानवाड / शिवार न्यूज नेटवर्क : कुमार विद्या मंदिर नवे दानवाड यांच्या मार्फत दि प्राथमिक शिक्षक सहकारी बँकेचे नूतन चेअरमन सुनिल एडके तसेच शिरोळ तालुका प्राथमिक शिक्षक सहकारी पतसंस्था कुरुंदवाडचे नूतन संचालक सुभाष तराळ,धोंडीराम बाबर,अशोक कोळी,बाळासो यादव,चंद्रकांत कांबळे यांचा सत्कार करण्यात आला.         सत्कारमूर्तीनी संस्थेच्या सभासदांसाठी व संस्थेसाठी विविध योजनांद्वारे सभासदाभिमुख कार्याद्वारे आपली निवड सार्थकी ठरवू. असे अभिवचन त्यांनी दिले. यावेळी बोलताना शिक्षक बँकेचे चेअरमन सुनिल एडके म्हणाले, शिक्षक बॅंकेची यशस्वी घौडदौड सुरु झाली आहे. बँकेचा नफा वाढवून व्याजदर ७ % दिलेला आहे. नफा वाढवून लाभांश देण्याचा प्रयत्न करणार आहे. ठेवी व कर्ज वसुलीची उद्दीष्टपूर्ती कर्मचाऱ्यांनाही दिलेली आहे. शाळेने सन्मान केल्याबद्दल धन्यवाद दिले.            याप्रसंगी मुख्याध्यापक मारुती कोळी,केंद्र समन्वयक सुभाष कुरुंदवाडे,भालचंद्र खोत,दिलीप शिरढोणे, काशीनाथ मोडके,विद्या सुतार,प्रतिभा मलकाने,कल्पना चौगुले,विद्यार्थी -विद्यार्थिनी उपस्थित होते. ...

कोल्हापूर : सांगरुळ हायस्कूल सांगरुळ व ज्युनिअर कॉलेजचे माजी प्राचार्य दत्तात्रय श्रीपती उर्फ डी. एस. सुतार (वय : ७५) यांचे हृदयविकाराच्या धक्क्याने निधन झाले. त्यांच्या पश्चात पत्नी, मुली, सून, नातवंडे असा परिवार आहे. मुंबई उच्च न्यायालयाचे प्रसिध्द वकिल धैर्यशील सुतार यांचे ते सासरे होत. रक्षाविसर्जन उद्या शुक्रवारी सकाळी ९ वाजता बालिंगा येथे होणार आहे.

कुरुंदवाड / शिवार न्यूज नेटवर्क :   येथील राजर्षी शाहू नागरी सहकारी पतसंस्थेला आर्थिक वर्षात १ कोटी ३९ लाखाचा ढोबळ नफा झाला असल्याची माहिती संस्थेचे अध्यक्ष किरण आलासे व जेष्ठ संचालक जिनगोंडा पाटील यांनी पत्रकार परिषदेत दिली.  माहिती देताना, महापूर आणि कोरोना महामारी या संकटावर मात करून संस्थेने नेत्रदीपक प्रगती केली आहे. मार्च २०२३  अखेर संस्थेकडे ८३ कोटी ठेवी असून ५४ कोटी कर्जाचे वाटप केले आहे. कर्जाची वसुली ९८. २५ टक्के इतकी असून थकबाकी फक्त १. ७५ इतकी आहे. आर्थिक वर्षात संस्थेने १६३ कोटीचा व्यवसाय केला आहे. संस्थेला सतत 'अ' आॅडिट वर्ग असून सभासदांना सतत १२ टक्के लाभांश दिले आहे. २०२२- २०२३ मध्ये प्रती कर्मचारी व्यवसाय ४ कोटी ५५ लाख इतका झाला आहे.  संस्थेच्या सर्व ६  शाखा स्वमालकीच्या इमारतीत असून संगणकिकृत आहेत. व्यवसायाबरोबरच संस्था सामाजिक कार्यातही अग्रेसर असल्याने संस्थेला सहकारातील आदर्श पतसंस्था, आदर्श चेअरमन, आदर्श सचिव पुरस्काराने सन्मानित केले आहेत. तसेच संस्थेला सलग सात वेळा बॅको पुरस्कार मिळाले जिल्हा कार्यक्षेत्राला मंजुरी मिळाली आहे.   ...

हेरवाड / शिवार न्यूज नेटवर्क : हेरवाड ग्रामपंचायत कर्मचारी १० ते १३ एप्रिल या कालावधीत काम बंद आंदोलन करणार असल्याचे निवेदन सरपंच रेखा जाधव यांना दिले आहे. निवेदनात म्हटले आहे की, महाराष्ट्र राज्यातील एकूण २७९२० ग्रामपंचायत मधील एकूण कर्मचारी संख्या ६०००० असून ग्रामपंचायत कर्मचाऱ्यांचे बऱ्याच वर्षापासून अनेक मागण्या प्रशासनाकडे प्रलंबित असून त्यासाठी ग्रामपंचायत कर्मचाऱ्यांना न्याय मिळवून देण्यासाठी महाराष्ट्र राज्य स्वाभिमानी ग्रामपंचायत कर्मचारी संघटना पी एन ५१३९ च्या वतीने काम बंद आंदोलन करत आहे. जी कामे नगरपरिषद नगरपंचायतीचे कर्मचारी करतात. तीच कामे स्थानिक नागरिकांचे सोयीसाठी ग्रामपंचायत कर्मचारी करीत असतात. तरीही त्यांना किमान वेतन शासनाकडून दिले जाते तेही ५० टक्के. त्यावरती कुटुंबाची उपजीविका चालवण्यासाठी या महागाईच्या निर्देशानुसार फार कठीण असून याआधीही काही कर्मचाऱ्यांनी आत्महत्यासुद्धा केलेल्याची उदाहरणे आहेत. कलम ६१ रद्द करणे अथवा सुधारणा करणे, अभय यावलकर समितीच्या शिफारशी नुसार वेतनश्रेणी लागू करणे, ग्रामपंचायत कर्मचारी यांचे किमान वेतनासाठी उत्पन्नाचे अट रद्द करणे, उपद...

प्राचार्य विराट गिरी व मान्यवरांच्या हस्ते प्रथम क्रमांकाचे बक्षीस व सन्मानचिन्ह स्वीकारताना स्पर्धक संदेश गुरव व महादेव वेदपाठक जयसिंगपूर / शिवार न्यूज नेटवर्क :  विद्यार्थ्यांच्या तांत्रिक व आधुनिक कल्पनांना वाव देण्यासाठी संजय घोडावत पॉलिटेक्निक येथे एम एस बी टी इ 2023 प्रोजेक्ट स्पर्धेचे आयोजन करण्यात आले. या स्पर्धेत रायगड ज्ञानपीठ टेक्निकल कॅम्पस पॉलिटेक्निक भोरच्या संदेश गुरव आणि महादेव वेदपाठक यांनी प्रथम क्रमांक मिळून एक लाखाचे बक्षीस मिळवले. तर कोल्हापूर येथील गव्हर्मेंट पॉलिटेक्निकच्या अथर्व दिंडे, तेजस कावळे, पृथ्वी दुर्गुळे, विशाल पाटील आणि पंढरपूर कर्मयोगी पॉलिटेक्निक चे विशाल निंबाळकर, दिगंबर मडले, इम्रान शेख, तुषार देवकुळे,राहुल कोळी यांनी विभागून द्वितीय क्रमांकाचे 50 हजार रुपयांचे बक्षीस मिळविले. स्पर्धेत 64 हून अधिक पॉलिटेक्निक महाविद्यालयांनी सहभाग घेतला.      स्पर्धेचे उद्घाटन जे ए एन जी एस टेक्नॉलॉजी इंडस्ट्रीजचे संस्थापक एन. जे. पडते यांच्या हस्ते झाले. यावेळी आर बी टी पुणे चे उपसचिव एम.एस.उस्मानी, सहाय्यक सचिव श्रीमती ए.आर.कायगुडे, घोडावत विद...