शिवार वार्ता न्यूज नेटवर्क

  निपाणी नगर पालिकेत नूतन नगराध्यक्ष व उपनगराध्यक्ष पदग्रहण सोहळा उत्साहात संपन्न अजित कांबळे / शिवार न्यूज नेटवर्क :  अखंड बेळगांव जिल्ह्याचे लक्ष लागून राहिलेल्या निपाणी नगर पालिकेत विद्यमान आमदार सौ शशिकला जोल्ले व माजी खासदार अण्णासाहेब जोल्ले यांच्या चाणाक्ष बुद्धिमत्ता मुळे पुन्हा एकदा निपाणी नगर पालिकेत भाजप चे नगराध्यक्ष, व उपनगराध्यक्ष निवडूण आले आहेत.निपाणी च्या इतिहासात नगरपालिकेवर सलग दुसऱ्यांदा भाजपची सत्ता आणण्यात आपल्याला मोठ यश आलेलं असून भाजप पक्षाच्या नगरसेविका सोनल कोठाडिया या निपाणीच्या नूतन नगराध्यक्ष्या व उपनगराध्यक्ष म्हणून संतोष सांगावकर यांची निवड झालेली असून येणाऱ्या काळात निपाणी येथील 31 वार्डामध्ये राज्यात कोणतेही सरकार असू दे निपाणीच्या सर्वांगीण विकासासाठी आपण कटिबद्ध आहोत, विकास कामाला कोणत्याही पद्धतीचा निधी कमी पडू देणार नाही असे मत माजी मंत्री आणि विद्यमान आमदार सौ शशिकला जोल्ले यांनी व्यक्त केले. त्या निपाणी येथील नगरपालिका कार्यालयांमध्ये नवनिर्वाचित अध्यक्षा सोनल कोठाडिया आणि उपनगराध्यक्ष संतोष सांगावकर यांच्या पदभार स्वीका...

  अशोकराव माने यांना आमदार करणारच मा.जि. प. सदस अरुण इंगवले, प्रसाद खोबरे यांची ग्वाही तमदलगे / शिवार न्यूज नेटवर्क :   सभासदांनी टाकलेला विश्वास आणि दिलेल्या पाठबळाच्या जोरावरच गेल्या 32 वर्षात देशभक्त रत्नाप्पाण्णा कुंभार शिरोळ मागासवर्गीय सहकारी सूतगिरणीने प्रगतीची गरुडभरारी घेतली आहे येत्या काही दिवसातच a आणखी 8 हजार चात्या बसवून पूर्ण क्षमतेने सूतगिरणी चालवली जाईल असा विश्वास सूतगिरणीचे संस्थापक चेअरमन दलितमित्र डॉ अशोकराव माने यांनी संस्थेच्या वार्षिक सर्वसाधारण सभेत बोलताना व्यक्त केला आहे दरम्यान कोल्हापूर जिल्हा परिषदेचे माजी सदस्य अरुण इंगवले आणि प्रसाद खोबरे यांनी डॉ अशोकराव माने यांचे कार्य आदर्शवत असून त्यांना जनतेचा पाठिंबा उत्स्फूर्तपणे मिळत असल्याने हातकणंगले विधानसभा मतदारसंघातून त्यांना आमदार केल्याशिवाय स्वस्थ बसणार नाही अशी ग्वाही दिली  तमदलगे येथील देशभक्त रत्नाप्पाण्णा कुंभार शिरोळ मागासवर्गीय सहकारी सूतगणीच्या कार्यस्थळावर सूतगिरणीची 32 वी वार्षिक सर्वसाधारण सभा खेळीमेळीच्या वातावरणात पार पडली सभासदांनी विषय पत्रिकेवरील सर्व विषयांना हात उंचावून एकम...

  हैदरअली मुजावर / शिवार न्यूज नेटवर्क - शिरढोण - नांदणी रस्ता हा दुसऱ्यांदा वाहतुकीसाठी बंद झाला होता.शिरढोणातील नागरिकांना कुरुंदवाड व नांदणी मार्गावर पाणी आल्यामुळे प्रवास करण्यासाठी मार्ग बंद झाला होता.रस्त्यावरील पाणी पुर्णपणे कमी झाल्यामुळे मार्ग वाहतुकीसाठी चालू झाले आहे.

  घोडावत विद्यापीठात 'लाॅ' विभागाचे उद्घाटन  अतिग्रे / शिवार न्यूज नेटवर्क :      कायद्याचे शिक्षण घेणाऱ्या विद्यार्थ्यांना वकिली करताना आत्मविश्वास महत्त्वाचा असतो. वाचन आणि कष्टाने कायद्याची आव्हाने पार करता येतात.उमेद,जिद्द,विश्वास असणारी व्यक्ती कधीच हारत नाही. प्रतिकूल परिस्थितीची झुंज देता यायला हवे तरच आई-वडिलांची इच्छा पूर्ण करता येते असे प्रतिपादन पद्मश्री,सरकारी वकील,ॲड.उज्वल निकम यांनी केले. संजय घोडावत विद्यापीठात 26 ऑगस्ट रोजी झालेल्या लाॅ विभागाच्या उद्घाटन प्रसंगी ते बोलत होते.       पुढे ते म्हणाले,समाजात वकिलांना जंटलमेन म्हणून ओळखले जाते. तो लॉजिकल थिंकिंग करत असतो. चांगलं काय आणि वाईट काय याचं वर्गीकरण करत असतो हे कौशल्य आपल्यात निर्माण होण्यासाठी लॉ चे शिक्षण महत्त्वाचे आहे. विद्यार्थ्यांनी सायबर लॉ,इंडस्ट्री लॉ अशा विशेष शाखांवर लक्ष केंद्रित करून यश संपादन करावे.     यावेळी सन्माननीय पाहुणे म्हणून सेवानिवृत्त जिल्हा प्रधान सत्र न्यायाधीश सुधीर कुलकर्णी उपस्थित होते. 1991 पासून या भागातील विकासाचा साक्षीदार असल्याचे ...

संग्रहित जयसिंगपूर / शिवार न्यूज नेटवर्क :  जयसिंगपूर येथील अंगणवाडी मदतनीस श्रीमती दिपाली सुनिल कोरे यांच्या गळ्यातील ७५ हजार रूपये किंमतीचे सोन्याचे गंठण अज्ञात चोरट्याने धुमस्टाईलने लंपास केले असल्याची फिर्याद जयसिंगपूर पोलिस ठाण्यात नोंद करण्यात आली आहे. याबाबत अधिक माहिती अशी, शाहूनगर येथील श्रीमती दिपाली कोरे या शुक्रवारी दुपारी ३.१५ वा. च्या सुमारास संभाजीपूर ते शाहूनगर रस्त्यावरून चालत जात असताना त्या महावीर चौकातील शाळा नं. ९ येथे आल्या असता एका लाल रंगाच्या शाईन मोटारसायकलवरून हेल्मेट घातलेला अज्ञात इसमाने कोरे यांच्या गळ्यातील ७५ हजार रूपये किंमतीचे फॅन्सी चेन गंठण हिसडा मारून लंपास केले. याबाबतची फिर्याद श्रीमती कोरे यांनी जयसिंगपूर पोलिस ठाण्यात दिली असून स. पो. नि. कदम हे अधिक तपास करीत आहेत.

हैदरअली मुजावर / शिवार न्यूज नेटवर्क : शिरढोण कुरुंदवाड मार्गावर पुराचे पाणी आल्यामुळे रस्ता वाहतुकीसाठी बंद करण्यात आला होता आता पाणी पुलावरून कमी झाल्यामुळे आता रस्ता वाहतुकीसाठी खुला झाला आहे.

शिरोळ / शिवार न्यूज नेटवर्क :  महाराष्ट्र राज्य शासनाचे अधिकारी/कर्मचारी यांच्या राज्यस्तरीय विविध संघटनामार्फत जुनी पेंशन योजना लागू करण्यासाठी गुरूवारपासून बेमुदत संप पुकारण्यात आला आहे. त्यामुळे नगरपरिषद, नगरपंचायतीमधील सन 2005 नंतरच्या अधिकारी व कर्मचारी यांना राष्ट्रीय निवृत्तीवेतन योजनेची अंमलबजावणी करण्यात आलेली नाही. तसेच, जुनी पेंशन योजना बंद करण्यात आलेली असल्याने शिरोळ नगरपालिकेच्या कर्मचार्‍यांनी बेमुदत संपात सहभाग घेतला असल्याने शिरोळ पालिकेसमोर निदर्शने करण्यात आली. या कर्मचार्‍यांची मागणी अशी की, आस्थापनेवील 60 हजारावर कर्मचारी वर्ग यांचेत कमालीचा नाराजी आहे. जुनी पेंशन योजना लागू करण्यासाठी संघटना व सदस्य आग्रही आहे. तसेच, संघटनेमार्फत संदर्भीय निवेदन शासनास, नगरविकास विभागास व नगरपरिषद प्रशासन संचालनालयास वेळोवेळी सादर करण्यात आलेली आहेत. मात्र या मागणीकडे दुर्लक्ष केल्याने संप पुकारण्यात आला आहे. यामुळे तात्काळ कर्मचाऱ्यांना जुनी पेन्शन योजना लागू करावी अशी मागणी कर्मचाऱ्यांनी केली यावेळी कर्मचाऱ्यांनी शासनाच्या विरोधात जोरदार घोषणाबाजी करत परिसर दणाणून सोडला दरम्...

  शिरोळ / शिवार न्यूज नेटवर्क :   अगामी गणेशउत्सव आणि दहीहंडीच्या पार्श्वभुमीवर आज शिरोळ पोलीस स्टेशनच्या वतीने रूट मार्च काढण्यात आला.   गणेशउत्सव, दहीहंडी, उत्सवकाळात समाजात कायदा सुव्यवस्था अबाधित रहावी. समाज कंटकावर वचक राहुन उत्सव भयमुक्त, आनंदी वातावरणात पार पडवा. यासाठी आज शिरोळ पोलीस स्टेशनच्या वतीने रूट मार्च काढण्यात आला. यामध्ये फायरबिग्रेड गाडी,ॲम्ब्युलन्स,पोलीस व्हॅन आणि दंगल नियंत्रन पथकाचा समावेश होता. शिरोळ पोलीस स्टेशन पासुन सुरू होवून, जय भवानी चौक,छत्रपती संभाजी चौक मार्गे ताराराणी तख्त असा रूट मार्च काढण्यात आला. दंगल नियंत्रन पथकाचे दंगल काबू पथकाच्या वतीने प्रात्यक्षिक घेण्यात आले. आचनक काढण्यात आलेल्या रूट मार्च मुळे नागरीकांत सभ्रम निर्माण झाला होता.    यावेळी शिरोळ पोलीस स्टेशनचे पोलीस निरीक्षक श्री शिवाजी गायकवाड, जयसिंगपूर पोलीस स्टेशनचे पि.आय. सत्यवान हाके, शिरोळ पोलीस स्टेशन स्टॉफ, जयसिंगपूर पोलीस स्टेशन स्टॉफ,मुख्यालयाकडील सि.बील स्ट्रायकिंग फोर्स आदींचा समावेश होता.

 पुणे येथे आमदार भीमराव तापकीर, तृप्ती देसाई यांच्या हस्ते ग्रामसेवक वैरागे यांचा विशेष सन्मान शिरोळ / शिवार न्यूज नेटवर्क : भास्कर भूषण मीडिया संस्थेच्या वतीने शिरोळ तालुक्यातील मजरेवाडी व खिद्रापूर ग्रामपंचायतीचे ग्रामसेवक रवींद्र फक्कड वैरागे ( आलास ) यांना राज्यस्तरीय स्टार ऑयकॉन पुरस्काराने सन्मानित करण्यात आले. कोल्हापूर जिल्हा परिषदेच्या प्रशासकीय सेवेत उत्कृष्ट कार्याबद्दल त्यांचा गौरव झाला.        पुणे येथील लोकशाहीर अण्णाभाऊ साठे सभागृहात भास्कर भूषण मीडियाच्या वर्धापन दिनानिमित्त विविध क्षेत्रातील मान्यवरांना पुरस्कार प्रदान करण्यात आला. यावेळी आमदार भीमराव तापकीर, प्रसिद्ध अग्निहोत्र प्रचारक नलिनीदीदी पोतदार व भूमाता ब्रिगेडच्या तृप्ती देसाई यांच्या हस्ते रवींद्र वैरागे यांना कोल्हापुरी फेटा ,सन्मानपत्र व सन्मानचिन्ह देऊन गौरविण्यात आले.       या समारंभास हरेश तापकीर ,डॉ राजीव लोहार ,मनीषाताई लोहार , वैशाली वाफळेकर , पोपटराव ताकवणे, श्रीदेवी वैरागे ,रमेश वैरागे ,भारती वैरागे , महेश वैरागे ,शशिकला वैरागे, पार्वती वैरागे यांच्यासह ...

सांगली / शिवार न्यूज नेटवर्क :   गलीमध्ये कबड्डीपटूची धारदार शस्त्राने निर्घृण हत्या करण्यात आल्याची धक्कादायक घटना समोर आली आहे. व्यायामासाठी घराबाहेर पडलेल्या कबड्डीपटूवर ४ ते ५ जणांनी धारदार शस्त्राने वार करत हत्या केली. मंगळवारी संध्याकाळी ही घटना घडली. दहीहंडीच्या दिवशीच सांगलीमध्ये हा रक्तरंजित थरार घडला. त्यामुळे सांगलीमध्ये खळबळ उडाली. याप्रकरणी सांगली पोलिस ठाण्यात आरोपींविरोधात गुन्हा दाखल करण्यात आला असून त्यांना ताब्यात घेण्यात आले आहे. हे सर्व आरोपी अल्पवयीन आहेत. पूर्ववैमनस्यातून ही घटना घडली.

कोथळी / शिवार न्यूज नेटवर्क : शिरोळ तालुक्यात लम्पीने बाधित होणाऱ्या जनावरांची संख्या वाढत आहे. सोमवारी रात्री कोथळी येथील राजकुमार पाटील-भोसेकर यांचे एक जनावर लंपिने दगावले. कोथळी येथे ९ आणि  उमळवाड येथे ७ अशी एकूण पंधरा दिवसात १६ जनावरे बाधित झाली होती . पण योग्य खबरदारी आणि औषध उपचाराने ही जनावरे लंपी आजारातुन बरी झाली आहेत  .अशी माहिती पशुधन विकास अधिकारी डॉक्टर जितेंद्र कुरुंदवाडे यांनी दिली. लम्पी स्कीन आजाराने शिरोळ तालुक्यात पुन्हा हातपाय पसरायला सुरुवात केली आहे. तालुक्यात अनेक ठिकाणी जनावरांना लम्पी स्कीन आजाराची लागण झाली आहे. त्यामुळे तालुक्यातील शेतकरी चिंतेत आहेत.  मागील वर्षी संपूर्ण राज्यभरात जनावरांवर लम्पी आजाराचा प्रादुर्भाव झाला होता. मोठ्या प्रमाणावर जनावरे देखील दगावली होती. लम्पी आजाराचा प्रसार रोखण्यासाठी राज्यात मोठ्या प्रमाणावर जनावरांचे लसीकरण करण्यात आले होते. आता पुन्हा लम्पी आजाराने बाधित जनावरांची संख्या वाढत आहे.लंपी आजाराची लक्षणे आढळल्यास कोथळी व परिसरातील शेतकऱ्यांनी मोबा क्र . ९०७५०१५२४९ या क्रमांकावर संपर्क साधावा व त्वरित उपचार करून घ...

  व्हॉईस ऑफ मीडियाचे ३१ रोजी शिर्डीत राज्य अधिवेशन ; हजारो पत्रकारांची उपस्थिती   मुंबई / शिवार न्यूज नेटवर्क :  जगात ३ लाख ७० हजार सदस्य संख्या असलेल्या आणि देशातील क्रमांक एकची पत्रकार संघटना व्हॉईस ऑफ मीडिया या आंतरराष्ट्रीय पत्रकार संघटनेचे राज्यस्तरीय शिखर अधिवेशन शिर्डी येथे ३१ ऑगस्ट व १ सप्टेंबर रोजी होत आहे. या निमित्त राज्यातील हजारो पत्रकारांचा मेळा साईबांबाच्या नगरीत भरणार आहे. या अधिवेशनात पत्रकारांच्या प्रलंबित समस्या, प्रश्नांवर चर्चा, ठराव होणार आहेत. त्याचबरोबर दोन दिवसांत पत्रकारांसाठी विविध चर्चासत्रे, बौध्दिक व सांस्कृतिक मेजवानीचेही आयोजनही करण्यात आले आहे.  व्हॉईस ऑफ मीडिया पत्रकार संघटनेच्या अधिवेशनाचे पहिले सत्र ३१ रोजी सकाळी ९ वाजता सुरु होणार आहे. यावेळी संघटनेच्या सर्व पदाधिकाऱ्यांचा परिचय, आमची भूमिका, कार्य व जबाबदारी तसेच संघटनेच्या सरदारांची कामगिरी सांगितली जाणार आहे. दुसऱ्या सत्रात सकाळी ११ वाजता अधिवेशनाचे उद्घाटन विधान परिषदेच्या उपसभापती नीलमताई गोऱ्हे यांच्या हस्ते होणार आहे. कार्यक्रमाच्या अध्यक्षस्थानी राज्याचे महसूल मंत्री रा...

  कुरुंदवाड / शिवार न्यूज नेटवर्क :       कुरुंदवाड येथील श्री पंत महाराज मंदिरात समितीतर्फे आरती पारायण,भजन,कीर्तन,रक्षाबंधन, दहीहंडी,पालखी सोहळा आणि महाप्रसाद असा सात दिवसीय पारायण सोहळा संपन्न झाला.शहरातील नवविवाहित आणि भक्त-गणांच्या हस्ते हे कार्यक्रम पार पडले.        कुरुंदवाड येथील भैरववाडी येथे श्रीपंत बाळेकुंद्रीकर महाराजांचे बैठक स्थान होते. या ठिकाणी महाराजांनी आपला मोठा कालावधी घालवला आहे. तर हलसिद्धनाथ मंदिर परिसरातही त्यांचे भक्तांनी मोठे मंदिर उभे केले आहे.जन्मकाळ सोहळ्या निमित्त प्रत्येकवर्षी पारायण सोहळ्याचे आयोजन करण्यात येते.       देशात महिला-मुलींच्यावर होत असलेल्या अत्याचाराला समूळ नष्ट करणे गरजेचे आहे.समाजात भय निर्माण झाले आहे.हे भय निर्भय व्हावे यासाठी मंदिर समितीने एक पाऊल पुढे टाकत रक्षाबंधनाचा कार्यक्रम घेऊन युवा पिढीला आपल्या संस्कृतीचे दर्शन घडवले आहे.सात दिवसीय पारायण सोहळ्यात श्री.पंत भजनी मंडळ,गुरू माऊली भजनी मंडळातर्फे भजनाचे कार्यक्रम तर निशाताई फाटक यांच्या भक्ती-भाव गीतांचा कार्यक्रम,बालकांची दहीह...

नवे दानवाड : येथील प्रगतशील शेतकरी बाळासो लाडखान (वय ७३) वर्षे यांचे निधन झाले. त्यांच्या पश्चात पत्नी, दोन मुले, दोन मुली, सुना, नातवंडे असा परिवार आहे. माजी सरपंच हसन लाडखान यांचे ते वडील होते. जियारत- गुरुवार दिनांक २९ रोजी सकाळी आहे.

कुरुंदवाड / शिवार न्यूज नेटवर्क :          कुरुंदवाड पोलीस ठाण्यातर्फे महाविद्यालयाच्या आवारात विनापरवाना वाहन घेऊन फिरणारे रोड-रोमियो तसेच मद्यपान करून वाहन चालवणारे,फॅन्सी नंबर प्लेट लावून वाहन फिरवणाऱ्या अशा 163 हुन अधिक जणांच्यावर कारवाई करत 93 जणांच्यावर खटले भरण्यात आले तर 70 जणांच्यावर दंडात्मक कारवाई करत 1 लाख,25 हजार रुपये दंड वसूल करत कारवाईचा दणका दिला आहे.     पोलीस प्रशासनाने बदलापूर घटनेनंतर ॲक्शन मोड घेत विद्यालय महाविद्यालय परिसरात बंदोबस्त वाढवत कारवाई सुरू केल्याने नागरिकांतून समाधान व्यक्त होत आहे.         दरम्यान सपोनि रविराज फडणीस यांच्या मार्गदर्शनाखाली पोलीस कॉन्स्टेबल सागर खाडे, ज्ञानदेव सानप,विवेक कराडेसह आदींच्या पथकाने ही कारवाई केली.   कुरुंदवाड पोलीस प्रशासनातर्फे गेल्या 15 दिवसापासून सुरू करण्यात आलेल्या या कारवाईत रात्री 11 वाजण्याच्या पुढे मद्यपान करून फिरणाऱ्या 5 जणांवर खटले भरण्यात आले. सिटबेल्ट नसणे,ट्रिपल सीट दुचाकी,मोबाइलचा वापर,फॅन्सी नंबर प्लेट,बिगर नंबर प्लेट या ...

शिरोळ / शिवार न्यूज नेटवर्क : येथील श्रीराम मंदिरात ह भ प वासकर वारकरी संप्रदायाच्यावतीने गोकुळाष्टमीनिमित्त बुधवार दिनांक 21 ते मंगळवार दिनांक 27 ऑगस्ट 2024 अखेर श्री ग्रंथराज ज्ञानेश्वरी पारायण सोहळ्याचे आयोजन करण्यात आले होते या निमित्ताने कीर्तन प्रवचन भजन यासह अन्य धार्मिक कार्यक्रम उत्साहात पार पडले. आज महिला व लहान मुलींच्यावर होत असलेल्या अत्याचारामुळे समाजातील संस्कृतीला तडा जात आहे युवा पिढीला आपल्या संस्कृतीचे दर्शन घडावे यासाठी मंगळवारी श्रीराम मंदिरात रक्षाबंधन सोहळ्याचे आयोजन करण्यात आले होते उपस्थित महिला भगिनींनी राखी बांधून बहीणभावाचे पवित्र नाते जपण्याचा संकल्प केला तर वारकरी बंधूंनी आहेर म्हणून पैठणी साडी बहिणीला भेट बहिणीच्या रक्षणाचे अभिवचन दिले प्रत्येक वर्षी श्रीराम मंदिरात श्री ग्रंथराज ज्ञानेश्वरी पारायण सोहळ्याचे आयोजन केले जाते यावर्षीही बुधवार ते मंगळवारी या कालावधीत ज्ञानेश्वरी पारायण सोहळ्यात अनेक धार्मिक कार्यक्रम पार पडले हनुमान भजनी मंडळ तुंग समर्थ महिला भजनी मंडळ शिरोळ माऊली भजनी मंडळ शिरोळ, संत सेना भजनी मंडळ जयसिंगपूर, जनाई भजनी महिला मंडळ, कुटवाड, ज...

अजित कांबळे / शिवार न्यूज नेटवर्क : बोधीसत्व, महामानव ,विश्वरत्न, डॉ. बाबासाहेब आंबेडकर यांनी दीक्षाभूमी नागपूर येथे लाखो अनुयायांच्या उपस्थितीत १४ ऑक्टोंबर १९५६ रोजी विजय दशमी च्या शुभमुहूर्तावर विज्ञानवादी बौद्ध धर्म स्वीकारला होता. या अनुषंगाने आज जगात तो दिवस धम्मचक्र प्रवर्तन दिवस म्हणून मोठ्या उत्साहाने साजरा करतात. कर्नाटक सरकारच्या समाज कल्याण खात्याकडून येत्या १२ ऑक्टोबर विजय दशमीला नागपूर येथील दीक्षाभूमी जाण्यासाठी राज्यातील बौद्ध उपासक उपासिका या अनुयायांना मोफत विशेष बसची व्यवस्था करण्यात आली आहे.         ऑनलाईन अर्ज करण्यासाठी ३१ ऑगस्ट ही शेवटची तारीख आहे. राज्यातील बौद्ध उपासकानी या योजनेचा लाभ घ्यावा असे आवाहन प्रशासनाने तर्फे करण्यात आले आहे. *. १४ ऑक्टोंबर १९५६ पासून प्रतिवर्षी नागपूर येथील दीक्षाभूमी येथे विजया दशमी दिवशी जगातील लाखो बुध्द अनुयायी दर्शनासाठी येत असतात, कर्नाटक सरकारचे लोकप्रिय समाज कल्याण मंत्री नामदार महादेव आप्पा यांनी दोन ऑगस्ट रोजी विधिमंडळ येथील अधिकाऱ्यासमवेत बैठक घेऊन येणाऱ्या १...

  शिरोळ / शिवार न्यूज नेटवर्क :       श्री दत्त साखर कारखान्याच्या वतीने ए. आय. तंत्रज्ञानाने शेती करण्यासाठी शेतकऱ्यांना प्रोत्साहन देण्याचे काम होत असून आगामी काळात कृषी विज्ञान केंद्र बारामती आणि श्री दत्त कारखाना संलग्न विचाराने काम करण्यावर भर देणार आहे. नवीन अत्याधुनिक कृत्रिम बुद्धिमत्ता (ए. आय.) तंत्रज्ञान शेतकऱ्यांच्या बांधापर्यंत पोहोचविण्याचा प्रयत्न करणार आहे. कमी खर्चात जास्त उत्पादन आणि जमीन शाबूत ठेवण्याच्या प्रयत्नाला दत्त कारखाना खंबीरपणे शेतकऱ्यांच्या पाठीशी राहील, अशी ग्वाही उद्यानपंडित गणपतराव पाटील यांनी दिली.     समर्थ मंगल कार्यालय, शिरोळ येथे श्री दत्त शेतकरी सहकारी साखर कारखान्याच्या वतीने आयोजित गाळप हंगाम 2023- 24 ऊस पिक स्पर्धा बक्षीस वितरण व आधुनिक शेतीमध्ये कृत्रिम बुद्धिमत्तेचा वापर व विदेशी भाजीपाला उत्पादन व विक्री मार्गदर्शन याविषयी शेतकरी मेळावा उत्साहात पार पडला. यावेळी ते अध्यक्षस्थानावरून बोलत होते.      कृषी विज्ञान केंद्र बारामतीचे मृदाशास्त्र विशेषज्ञ डॉ. विवेक भोईटे यांनी 'शेतीमध्ये कृत्रिम बुद्धिमत्त...

प्रल्हाद साळूंखे / शिवार न्यूज नेटवर्क : डॉ. जे.जे. मगदूम ट्रस्ट चे डॉ. जे.जे.मगदूम फार्मसी कॉलेज जयसिंगपूर च्या शैक्षणिक वर्ष 2023- 24 औषध निर्माण शास्त्र अंतिम वर्षातील सर्व विद्यार्थ्यांनी घवघवीत यश संपादन करून उज्वल यशाबरोबरच शंभर टक्के निकालाची परंपरा कायम ठेवून औषध निर्माण शास्त्र क्षेत्रात बाजी मारली आहे.  यंदाच्या अंतिम वर्षातील परीक्षेत डॉ. जे.जे. मगदूम फार्मसी कॉलेज ,जयसिंगपूर येथून एकूण 112 विद्यार्थी परीक्षेत बसले होते सर्व विद्यार्थी चांगल्या गुणांनी परीक्षा उत्तीर्ण झाले आहेत.  या परीक्षेसाठी डॉ. जे. जे. मगदूम फार्मसी कॉलेजचे प्राचार्य डॉ.शितलकुमार पाटील, शैक्षणिक समन्वयक डॉ. सतीश किलजे व सर्व प्राध्यापकांचे या विद्यार्थ्यांना मार्गदर्शन लाभले. तसेच डॉ. जे. जे. मगदूम ट्रस्टचे चेअरमन डॉ. विजय मगदूम, व व्हाईस -चेअर पर्सन अ‍ॅड.डॉ. सोनाली मगदूम यांनी विद्यार्थ्यांचे हार्दिक अभिनंदन केले व भावी वाटचालीस शुभेच्छा दिल्या.

  कोल्हापूर / शिवार न्यूज नेटवर्क :  शिरढोण गावातील एका सर्वसामान्य कुटुंबातील सौ.महाबुब उस्मान मुजावर यांना पुणे न्यूज एक्स्प्रेस तर्फे राज्यस्तरीय आदर्श समाज सेविका पुरस्काराने सन्मानित करण्यात आले. कोल्हापुरातील दसरा चौकातील महाराष्ट्र पत्रकार भवनच्या सभागृहात हा सत्कार पुणे न्यूज एक्सप्रेसकडून देण्यात आला. पुणे न्यूज एक्सप्रेसचे संपादक मेहबूब सर्जेखान, पँथर आर्मी स्वराज्या क्रांती सेनेचे फिरोज मुल्ला, जेष्ठ संपादक बाबा बोराडे यांच्यासह मान्यवरांच्या हस्ते त्यांना हा पुरस्कार प्रदान करण्यात आला.

  महाराष्ट्रातील अग्रगण्य संस्था पुणे न्यूज एक्सप्रेसकडून देण्यात आला पुरस्कार : कोल्हापुरातील मराठी पत्रकार भवनच्या सभागृहात कार्यक्रम संपन्न कोल्हापूर / शिवार न्यूज नेटवर्क :             दैनिक अप्रतिम या वर्तमानपत्राच्या माध्यमातून सर्वसामान्य जनतेला न्याय देताना कोणतीही भिड भाड न राखता रोखठोक भुमिका मांडणारे दैनिक अप्रतिमचे संपादक रविराज ऐवळे यांना काल राज्यस्तरीय निर्भिड पत्रकारीता गौरव पुरस्काराने सन्मानित करण्यात आले. कोल्हापुरातील दसरा चौकातील मराठी पत्रकार भवनच्या सभागृहात हा सत्कार पुणे न्यूज एक्सप्रेसकडून देण्यात आला. पुणे न्यूज एक्सप्रेसचे संपादक मेहबूब सर्जेखान, पँथर आर्मी स्वराज्या क्रांती सेनेचे फिरोज मुल्ला, जेष्ठ संपादक बाबा बोराडे यांच्यासह मान्यवरांच्या हस्ते त्यांना हा पुरस्कार प्रदान करण्यात आला.            दैनिक अप्रतिमचे संपादक रविराज ऐवळे यांना गेल्या महिन्यांभरापासून अनेक पुरस्कारानी सन्मानित करण्यात आले आहे. पत्रकारीता करताना समाज्याला अभिप्रेत असणारी खरी पत्रकारीता कशी असावी हे दैनिक अप्रतिमच्या स...

हेरवाड / शिवार न्यूज नेटवर्क :  घोसरवाड ता.शिरोळ येथील कोल्हापूर महानगरपालिकेचे सेवानिवृत्त शिक्षक बाळासाहेब मारुती कांबळे यांनी सेवानिवृत्तीनंतर कन्या विद्या मंदिर घोसरवाड येथे बजावलेली कंत्राटी हंगामी सेवा महत्त्वाची आहे.मुलींच्या गुणवत्ता वाढीसाठी विशेष प्रयत्न केले.तसेच मुलींच्या शैक्षणिक साहित्यासाठी रोख रक्कम सुुुपुर्द केली.त्यांची सेवाभावीवृत्ती महत्वाची असल्याचे प्रतिपादन कन्या विद्या मंदिर घोसरवाडचे मुख्याध्यापक रमेश शंकर कोळी यांनी केले.       जिल्हा परिषद कोल्हापूरच्या वतीने सेवानिवृत्त शिक्षक कंत्राटी स्वरुपात हंगामी शिक्षक नेमण्यात आले होते. त्यावेळी श्री.बाळासाहेब कांबळे कन्या विद्या मंदिर शाळेत रुजू झाले होते.आपल्या सेवाकाळात सर्वांशी समरस होवून विद्यादानाचे कार्य केले होते.त्या निमित्त त्यांच्या सदिच्छा कार्यक्रम आयोजित करण्यात आला होता. मुख्याध्यापक रमेश कोळी यांचे हस्ते भेटवस्तू देवून त्यांचा सत्कार करण्यात आला. प्रमुख पाहुणे दिलीप शिरढोणे यांनी कांबळे सरांच्या कार्याचे कौतुक केले.  याप्रसंगी हिंदूराव फास्के,रमेश मारूती कोळी,विद्याधर मोकाशी,गुं...

  शेगांव / शिवार न्यूज नेटवर्क :     देशातील व राज्यातील शेतकरी , शेतमजूर व कामगारांना आपल्या न्याय हक्कासाठी रस्त्यावर ऊतरावे लागत आहे. स्वर्गीय शरद जोशी यांच्या विचाराने राज्यात आज विविध शेतकरी संघटना काम करत आहेत. शरद जोशी यांचे काम ,विचार व भुमिकेची अमंलबजावणी करण्यासाठी राज्यातील विविध शेतकरी संघटना एका झेंड्याखाली काम करणार असल्याचे प्रतिपादन स्वाभिमानी शेतकरी संघटनेचे नेते राजू शेट्टी यांनी शेगांव येथे झालेल्या परिवर्तन आघाडीच्या मेळाव्यात बोलताना केले.         यावेळी बोलताना राजू शेट्टी म्हणाले की परिवर्तन आघाडीकडून राज्यातील शेतकरी , शेतमजूर व कामगार यांच्या प्रश्नाबाबत एकत्रित येवून लढा ऊभारण्याचा निर्णय झाला. शासन व प्रशासनाकडून राज्यामध्ये कायद्याच्या नावाखाली अनेक काळे धंदे सुरू आहेत. राजरोसपणे कुंपनच शेत खाऊ लागले आहेत. शेतकरी , कामगार , विद्यार्थी व शेतमजूरांचे प्रश्न दिवसेंदिवस चिंताजनक बनू लागले आहेत.जातीच्या आणि धर्माच्या नावाखाली संवेदनशील वक्तव्ये करून जाती धर्मामध्ये फूट पाडून सत्ता मिळविले जात आहे. एक आघाडी उद्योगपतींचे हितर...

सीमेवर तैनात असलेल्या जवानांसाठी व त्यांच्या गावी असणाऱ्या मुलासाठी पाठविल्या राख्या  संजय चव्हाण / शिवार न्यूज नेटवर्क :  लहान मुलांचे वय हे खरंतर खेळण्या व बांगड्याचे असते. पण आता मोबाईल व कॉम्प्युटरमुळे मुलांमधील कल्पनाशक्ती कमी होत चालली आहे असे दिसते. मात्र समाजात आजही काही मुलं आपल्या कल्पनाशक्तीचा परिपूर्ण उपयोग करतात.  त्यांच्यातील एक म्हणजे कुमारी अक्षरा गुरव (रा.साळस्ते तालुका कणकवली जिल्हा .सिंधुदुर्ग) गेल्या तीन-चार वर्षापासून अक्षरा गुरव नावाची मुलगी आपल्या कल्पकतेच्या बळावर असाच एक वेगळा उपक्रम राबवत आहे. कोरोना काळापासून ती दरवर्षी स्वतःच्या हाताने राख्या तयार करून सीमेवर लढणाऱ्या भारतीय सैनिकांना पाठवत आहे. असेच एक दिवशी अक्षरा गुरव हिचे राखी चे पत्र सैनिक परंपरा असलेल्या सैनिक टाकळीचे जवान हवालदार संजय निकम सेना भवन दिल्ली येथे कार्यरत असताना त्यांच्या हाती पडले आणि तेथूनच अक्षरा गुरव आणि सैनिक टाकळीच्या जवानांची ऋणानुबंध वाढण्यास सुरुवात झाली.       सैनिक टाकळी येथील बऱ्याच जवानांच्या बरोबर अक्षराचे नियमित संभाषण होत असते. यावर्षी सुद...

  कोल्हापूर येथील मुख्यमंत्री माझी लाडकी बहीण योजना वचनपूर्ती सोहळा कार्यक्रमात मुख्यमंत्री, एकनाथ शिंदे यांच्याकडून ग्वाही कोल्हापूर / शिवार न्यूज नेटवर्क :  मुख्यमंत्री माझी लाडकी बहीण योजनेमुळे महिलांच्या अर्थव्यवस्थेला चालना मिळत असून त्यांचे अर्थकारण अधिक बळकट होत आहे. ही योजना बंद तर होणारच नाही उलट भविष्यात या योजनेतील मिळणाऱ्या दरमहा रकमेत वाढ करू अशी ग्वाही मुख्यमंत्री, एकनाथ शिंदे यांनी दिली.   कोल्हापूर येथील मुख्यमंत्री माझी लाडकी बहीण योजना वचनपूर्ती सोहळा कार्यक्रमात जिल्हयातील हजारो महिलांच्या उपस्थितीत कार्यक्रम संपन्न झाला त्यावेळी ते बोलत होते. ते यावेळी म्हणाले, कल्याणकारी योजनांची सांगड घालून विकास कामे केली जात आहेत. लाडकी बहीण योजना सर्वसामान्य महिलांसाठी सुरू करण्यात आली आहे. म्हणून तर लोकप्रिय अशा या योजनेत राज्यात 1 कोटी 40 लाखांहून अधिक महिलांनी सहभाग नोंदविला. यातील 1 कोटी 10 लाखांहून अधिक महिलांना दोन महिन्यांचे पैसेही वितरीत करण्यात आले. सर्वसामान्य महिला आपल्या जीवनात करीत असलेल्या काटकसरीमध्ये दैनंदिन खर्चासाठी हे हक्काचे पैसे महत्त्वाच...

हेरवाड / शिवार न्यूज नेटवर्क : हेरवाड येथील क्षारपडमुक्त प्रकल्पाचे संचालक अनिल बाबगोंडा पाटील यांची कु.सानिका हिची महाराष्ट्र पोलिस दलात रत्नागिरी जिल्हयामध्ये निवड झाल्याबद्दल विविध संस्था,मान्यवर,ग्राम पंचायत हेरवाड यांचेवतीने सत्कार करण्यात आला.          दत्त साखर कारखाना शिरोळ च्या वतीने सहकार महर्षि उद्यान पंडीत गणपतराव पाटील यांचे हस्ते सत्कार करण्यात आला.याप्रसंगी दत्त साखर कारखान्याचे चेअरमन रघुनाथ पाटील,संचालक संजय पाटील,रावसो नाईक,दत्त भांडारचे चेअरमन दामोदर सुतार,जयसिंगपूर-उदगाव बॅंकेचे संचालक दिलीप पाटील, हेरवाडच्या माजी सरपंच चंद्रकला पाटील,अशोक जलपूरे,रामगोंडा पाटील,प्रदीप पाटील उपस्थित होते.

  अतिग्रे / शिवार न्यूज नेटवर्क : संजय घोडावत विद्यापीठात स्कूल ऑफ लीगल स्टडीज (लॉ) विभागाचे उद्घाटन 26 ऑगस्ट रोजी महाराष्ट्र राज्याचे विशेष सरकारी वकील, पद्मश्री ॲड. उज्वल निकम यांच्या हस्ते होणार आहे. याबाबतची माहिती कुलगुरू प्रोफेसर उद्धव भोसले यांनी दिली.        नुकतेच बार कौन्सिल ऑफ इंडियाने घोडावत विद्यापीठाच्या लाॅ अभ्यासक्रमांना मान्यता दिली आहे. स्कूल ऑफ लीगल स्टडीज विभागांतर्गत एल.एल.बी तीन वर्षे,बी.ए एल.एल.बी ऑनर्स व बी.बी.ए एल.एल.बी ऑनर्स 5 वर्षे पदवी अभ्यासक्रमांची सुरुवात झाली आहे.12वी नंतर या अभ्यासक्रमास प्रवेश घेता येतो.       याविषयी बोलताना विश्वस्त विनायक भोसले म्हणाले,की लाॅ विभागासाठी आवश्यक असणाऱ्या पायाभूत सोयी सुविधा येेथे उभारण्यात आल्या आहेत. प्रात्यक्षिकांसाठी मुटकोर्ट (प्रतिरूप न्यायालय) गुणवत्तापूर्ण अभ्यासक्रम, ग्रंथालय,अभ्यासिका, पात्र शिक्षक नियुक्त करण्यात आले आहेत.       लॉ चे पदवी शिक्षण देणारे पश्चिम महाराष्ट्रातील एक दर्जेदार विद्यापीठ म्हणून आम्ही नावारूपाला येऊ. यासाठी आवश्यक सर्व सोयी सु...

  यड्राव / शिवार न्यूज नेटवर्क :       ''मुलांना उद्योजक बनविण्यासाठी व चांगल्या कंपन्यात नोकरी मिळाव्यात ह्या उद्देशाने महाविद्यालय इंडस्ट्रीयल ट्रेनिंग व इंटर्नशीपचा समावेश करीत आहे. त्याचबरोबर विद्यार्थ्यांनी तंत्रज्ञानासोबत औद्योगिक पूरक कौशल्य शिकावे. ह्या अद्यावत कौशल्याचे उपयोग स्वत:चा उद्योग उभारण्यासाठी, चांगल्या कंपनीत नोकरी व जीवनात यशस्वी बनण्यासाठी होणार आहे." असे प्रतिपादन शरद इन्स्टिट्युट ऑफ टेक्ऩॉलॉजीचे एक्झिक्युटीव्ह डायरेक्टर अनिल बागणे यांनी केले. ते यड्राव येथील शरद इन्स्टिट्युट ऑफ टेक्नॉलॉजी, पॉलिटेक्निकमध्ये प्रथम वर्ष विद्यार्थी स्वागत समारंभात बोलत होते. श्री. बागणे म्हणाले, '' जीवनात यशस्वी होण्यासाठी आत्मविश्वास महत्वाचा असतो. तो आत्मविश्वास विद्यार्थ्यांमध्ये निर्माण होण्यासाठी शरद पॉलिटेक्निकमध्ये विविध कौशल्ये व आधुनिक तंत्रज्ञानाचे प्रशिक्षण देण्यात येते. औद्योगिक क्षेत्रात आवश्यक असणारे तंत्रज्ञान, कौर्सेसही महाविद्यालयात सुरु करण्यात आले आहे. तसेच जीवनात यशस्वीतेसाठी शॉर्टकट नाही, प्रामाकणिकपणा व प्रचंड कष्ट आणि त्याचबरोबर व्यक्तीमत...

कोल्हापूर / शिवार न्यूज नेटवर्क :  कोल्हापुरातील शिये गावातील राम नगर परिसरातून धक्कादायक घटना उघडकीस आली आहे. कोल्हापुरात दहा वर्षांच्या मुलीची हत्या झाल्याची दुर्दैवी घटना घडली आहे. मुलीवर अत्याचार झाल्याचा प्राथमिक अंदाज समोर आला आहे. ही मुलगी बुधवार दुपारपासून बेपत्ता होती. या प्रकरणी पोलिसांनी दोन संशयितांना ताब्यात घेतलं आहे.  आज गुरुवारी महायुतीचा लाडकी बहीण योजनेचा कार्यक्रम सुरु होता. त्यावेळी हा प्रकार उघडकीस आला आहे. ही घटना उघडकीस आल्यानंतर गावात मोठा तणाव निर्माण झालेला आहे. १० वर्षीय मुलीच्या मृत्यूनंतर कुटुंबियांनी एकच आक्रोश करण्यास सुरुवात केली. या घटनेने गावात शोककळा पसरली आहे. 

प्रल्हाद साळुंखे / शिवार न्यूज नेटवर्क : दानवाड परिसराच्या विविध भागांमध्ये सुरू असलेल्या अवैध धंद्याना मोठ्या प्रमाणात आला आहे. जुने दानवाड मधील दुधगंगा नदिच्या ओढ्याच्या शेजारी व गर्दिच्या ठिकाणी मटका जुगार, कल्ल्याण मटका आदी अड्डे खुले आम सुरू आसलेचे चित्र दिसू लागले आहे. या भागामध्ये छुप्या पद्धतीने सुरू असलेल्या कल्ल्याण मटक्याने पुन्हा डोके वर काढले आहे. अवैध धंद्यावर पोलिसांचा धाकच राहिलेला नाही अशी परिस्थिती या भागामध्ये आहे. टपऱ्यातुन व पत्र्याच्या शेडमध्ये खुलेआम मटका जुगाराच्या चिठ्ठ्या दिल्या जातात. या चिठ्यामधून रोज लाखो रुपयांची उलाढाल सुरू आहे. या जुगारातुन आणेकजण कंगाल व भिकेला लागले आहेत. आत्तापर्यंत अनेक जणांच्यावर कारवाई करण्यात झाली आहे, तरीही मटका जुगाराचा बाजार सुरूच कसा राहतो ? असा प्रश्न वारंवार उपस्थित होत आहे. एसटी स्टँड परिसर, नदी परीसर, गजबजलेल्या ठिकाणी मटका अड्ड्यांचे प्रमुख ठिकाने आहेत,या अवैध धंद्यावर पोलिस कारवाई करणार का ? असा सवाल सर्वसामान्य जनतेतून विचारला जात आहे.

शिरोळ / शिवार न्यूज नेटवर्क : बदलापूर येथे शाळकरी मुलीवर झालेल्या अत्याचाराची घटना मानवतेला काळीमा फासणारी आहे. या निंदनीय घटनेचा काँग्रेस पक्षाच्या वतीने निषेध करण्यात येत असून या घटनेतील दोषी व्यक्तीवर कठोर कारवाई करावी अशी मागणी कोल्हापूर जिल्हा काँग्रेस पक्षाच्या कार्यकर्त्यांच्या वतीने करण्यात आली आहे.           दरम्यान ,शिष्टमंडळाच्या वतीने शिरोळ तहसील कार्यालयाचे कारकून एस डी मुंजारे यांना निवेदन देण्यात आले. यावेळी त्यांनी वरिष्ठाकडे त्वरित आपल्या भावना कळवू असे आश्वासन दिले.      या निवेदनावर कोल्हापूर जिल्हा युवक काँग्रेसचे जिल्हा उपाध्यक्ष अमरसिंह कांबळे, नितीन बागे, जयदीप थोरात, अझर तहसीलदार, इरफान पाटील , विक्रम कांबळे ,रफिक नगारजी , डॉ दगडू माने ,वासिम जमादार, गुरुप्रसाद धनवडे ,अवधूत धनवडे, सचिन कमलाकर यांच्या स्वाक्षरी आहेत.            निवेदनात म्हटले आहे की, बदलापूर येथे एका शाळेमध्ये दोन चिमुकल्या मुलीवर झालेल्या अत्याचाराची घटना मानवतेला काळीमा फासणारी व निंदनीय आहे. या घटनेनंतर शाळा व्यवस्थाप...

  वारणानगर / शिवार न्यूज नेटवर्क : श्री वारणा विभाग शिक्षण मंडळ संचालित तात्यासाहेब कोरे कॉलेज ऑफ फार्मसी (डिप्लोमा ) येथे राज्यस्तरीय रांगोळी आणि चित्र रेखाटन स्पर्धा उत्साहात संपन्न झाली . श्री वारणा विभाग शिक्षण मंडळाच्या हीरक महोत्सवी वर्ष साजरे करत असताना त्याचा यशस्वी आरंभ म्हणून आणि राष्ट्रीय अँटी रॅगिंग व आंतरराष्ट्रीय युवक दिवसाचे औचित्य साधून दि . १२ ऑगस्ट २०२४ रोजी सदर स्पर्धेचे आयोजन करण्यात आले होते. सदर स्पर्धेच्या निमित्ताने अँटी रॅगिंग व युवकांसाठी विशेष व्याख्यानांचे आयोजन करण्यात आले होते. अँटी रॅगिंग या विषयावरती मार्गदर्शन करण्यासाठी शासकीय फार्मसी महाविद्यालयाचे प्राचार्य डॉ. रवींद्र हिरेमठ सर, युवकांसाठी विशेष मार्गदर्शन करण्यास वारणा विद्यापीठाच्या, विद्यार्थी विकास विभाग संचालक डॉ. कल्पना पाटील उपस्थित होते. रांगोळी आणि चित्र रेखाटन स्पर्धेसाठी "स्त्री पुरुष समानता " हा विषय देण्यात आला होता. स्पर्धेसाठी विद्यार्थ्यांचा उत्स्फूर्त प्रतिसाद लाभला. सदर स्पर्धेचा निकाल पुढीलप्रमाणे : रांगोळी विजेता : कु. समृद्धी धीरज मोरे, सह्याद्री कॉलेज ऑफ फार्मस...

  हैदरअली मुजावर / शिवार न्यूज नेटवर्क :  मौजे शिरढोण येथे महापुराचा फटका सर्वसामान्य गोरगरिबांना, नागरिकांना 2005,2019 व 2021 आलेल्या महापुरामुळे शिरढोण गावातील नागरिकांचे न भरून येणारे नुकसान झाले आहे.तरी यावेळी सन 2024 मध्ये होत असलेल्या महापुरामध्ये पहिल्या दिवशी आलेल्या महापुराने केमिकल मिश्रित घाण पाणी काळीकुट्ट आणि आमच्या घरामध्ये व नव्या पिकांमध्ये भयानक दुर्गंधीयुक्त सध्या आहे त्यामुळे साथीचे आजार पसरण्याची दाट शक्यता आहे.गावामध्ये 17 दिवस पुराची पाणी साठवून उभी पिके नष्ट झालेली आहेत. तरी पुरामुळे होणारे नुकसान शासनाच्या निदर्शनास आनंद देण्यासाठी शुक्रवारी दि.02/08/2024 शिरढोण येथील नागरिकांनी गाव चावडी समोर ठिय्या मांडून संबंधित महसूल खात्यांना आमच्या मागण्या मान्य करणे करता दोन दिवसाची मुदत देण्यात आली होती. यासाठी दोन दिवसानंतर सोमवार दि.05/08/2024 रोजी हजारो पूरग्रस्त नागरिक गाव चावडी समाज दिनदर्शनीकरण दिलेल्या मागण्या संदर्भात जाब विचारण्यात आला. पण संबंधित महसूल अधिकारी तहसीलदार व पोलीस उपनिरीक्षक यांनी मध्यस्थी करून शासनाकडून मिळणारी मदत देण्यात येईल असे सांगून...

शिरोळ / शिवार न्यूज नेटवर्क : शिरोळ विधानसभा मतदारसंघात काँग्रेस पक्षाकडून उमेदवारीसाठी प्रयत्न सुरू आहेत. राष्ट्रीय काँग्रेस पक्षाकडून उमेदवारी मिळाली तर महाविकास आघाडीच्या माध्यमातून मी निवडणूक लढविण्यास इच्छुक आहे. अशी माहिती श्री दत्त उद्योग समूहाचे प्रमुख सहकारमहर्षी गणपतराव पाटील यांनी बुधवारी पत्रकारांशी बोलताना दिली. दत्त साखर कारखाना निवडणुकीनंतर सहकारमहर्षी गणपतराव पाटील हे शिरोळ विधानसभा मतदारसंघातून  निवडणूक लढविणार अशी चर्चा आहे. काँग्रेस पक्षाकडे उमेदवारीची त्यांनी मागणी केल्याचे समजते. शिवाय माजी केंद्रीय कृषिमंत्री खासदार शरद पवार यांची त्यांनी नुकतीच भेट घेतली आहे. या पार्श्वभूमीवर दत्त साखर कारखाना कार्यस्थळावर अन्य विषयावर आयोजित पत्रकार बैठकीत गणपतराव पाटील यांना विधानसभेच्या संदर्भात विचारले असता गणपतराव पाटील यांनी शिरोळ विधानसभा मतदारसंघातून निवडणूक लढविण्यास इच्छुक असल्याचे स्पष्ट केले.           ते म्हणाले, राष्ट्रीय काँग्रेस पक्षाकडे उमेदवारी मागितली असून उमेदवारी मिळाली तर महाविकास आघाडीतून निवडणूक लढविणार आहे. सामान्य नागरिकासह ...

शिरोळ / शिवार न्यूज नेटवर्क :       देशातील २५० हून अधिक शेतकरी संघटना एम. एस. पी. गॅरंटी किसान मोर्चेच्या माध्यमातून किमान हमीभाव व संपुर्ण कर्जमुक्तीसाठी निर्णायक आंदोलन करून केंद्र सरकारला गुडघे टेकायला भाग पाडणार असल्याचा इशारा स्वाभिनानी शेतकरी संघटनेचे नेते राजू शेट्टी यांनी दिल्ली येथे २५ राज्यातून आलेल्या  २५० हून अधिक शेतकरी संघटनांच्या पदाधिकारी बैठकीत दिला.      दिल्ली येथील  रकाबगंज गुरूव्दार येथे केंद्र सरकारने किमान हमीभावाचा कायदा पारित करावा या मागणीसाठी पुन्हा एकदा देशभरातील शेतकरी संघटनांनी एल्गार पुकारला आहे. भारत देश हा कृषीप्रधान आहे मात्र देशातील शेतक-यांची अवस्था दयनीय झालेली असून केंद्र सरकारच्या चुकीच्या धोरणामुळे  दिवसेंदिवस शेतकरी आत्महत्या वाढू लागले आहेत. २०११ मध्ये तत्कालीन पंतप्रधान मनमोहन सिंग यांनी नरेंद्र मोदी यांच्या अध्यक्षतेखाली हमीभावाच्या अभ्यासासाठी समिती गठीत केलेली होती. त्यावेळेस नरेंद्र मोदी यांच्या समितीने हमीभावाचा कायदा पारित करण्याची मागणी केंद्र सरकारकडे केली होती. आज पंतप्रधान नरेंद्र मोदी यां...

  प्रल्हाद साळुंखे / शिवार न्यूज नेटवर्क : नवे दानवाड येथे शासकीय नोकरीत रुजू झालेल्या युवकांचा सत्कार करण्यात आला,नवे दानवाड येथील मैत्रेय बुद्ध विहार व भारतीय बौद्ध महासभा यांच्यावतीने दानवाड व दत्तवाड येथील गरिबी परिस्थिती असताना देखील जिद्दीने रात्रंदिवस मेहनत करून शेतमजूर कामगारांच्या मुलांनी यशस्वी रित्या शासकिय नोकरीत रुजू झालेल्या युवकांचे सत्कार करुन गावातील विद्यार्थ्यांना mpsc,upsc, Post graduate व इतर अनेक परिक्षेच्या तयारी साठी मार्गदर्शन करण्यात आले. त्यामुळे बौद्ध समाजामध्ये आनंदाचे वातावरण आहे.त्यावेळी समाजातील प्रतिष्ठित नागरिक महिला भगिनी मोठ्या संख्येने उपस्थित होते 

  कुरुंदवाड / शिवार न्यूज नेटवर्क :         बदलापुरात शाळकरी चिमुकलीवर झालेल्या लैगिक अत्याचारप्रकरणी शिरोळ तालुका शिवसेना(उबाठा)तर्फे निदर्शने केली.शिंदे सरकारवर जोरदार हल्लाबोल करत घटनेचा तीव्र निषेध केला.या प्रकरणांमध्ये राजकारण न करता जलद न्याय मिळावा अशी मागणी केली.       कुरुंदवाड येथील दर्गा चौकात बदलापूर घटनेच्या निषेधार्थ जिल्हाप्रमुख वैभव उगळे यांच्या नेतृत्वाखाली जोरदार निदर्शने करण्यात आली.सरकारवर हल्लाबोल केला. सरकारच्या निषेधार्थ जोरदार घोषणाबाजी करत परिसर दणाणून सोडला होता.         यावेळी बोलताना जिल्हाप्रमुख उगळे म्हणाले देशातील निष्क्रिय गृह खात्यामुळे कोलकत्ता येथे महिला डॉक्टरवर अत्याचार झाले.आणि बदलापूरमधील एका शाळेत दोन चिमुकल्यांवर अत्याचार झाल्याची धक्कादायक घटना घडली.यावरूनच महाराष्ट्र राज्य सरकारही निष्क्रिय आहे.ही जबाबदारी स्विकारून मुख्यमंत्री एकनाथ शिंदे आणि गृहमंत्री देवेंद्र फडणवीस आपल्या पदाचा राजीनामा द्यावा अशी मागणी केली.         यावेळी बोलताना माजी तालुकाप्रमुख मालवेकर म्ह...

  शिरोळ / शिवार न्यूज नेटवर्क :     शुगरकॉन-2024 आंतरराष्ट्रीय साखर परिषदेच्या आयोजन समितीने श्री दत्त शेतकरी सहकारी साखर कारखान्याने सादर केलेला "सब-सरफेस ड्रेनेज (एसएसडी) प्रकल्पाचा "क्षारयुक्त माती सुधारणे आणि त्याचा साखरेच्या उत्पादनावर आणि उत्पादकतेवर परिणाम" या शीर्षकाचा शोध प्रबंध स्वीकारला आहे. दि. 16 ते 19 सप्टेंबर 2024 दरम्यान आय. सी. आय. एस. एफ., क्यू न्होन, रिन्ह दिन्ह व्हिएतनाम येथे आयोजित 8 व्या आय. ए. पी. एस. आय. टी. आंतरराष्ट्रीय साखर परिषद आणि शुगरकॉन 2024 परिषदेत याचे मौखिक सादरीकरण होणार आहे, अशी माहिती उद्यानपंडित गणपतराव पाटील, चेअरमन रघुनाथ पाटील, व्हाईस चेअरमन शरदचंद्र पाठक यांनी पत्रकार परिषदेत दिली.      "लवचिक आणि शाश्वत जागतिक साखर उद्योग आणि जैव-ऊर्जा उद्योग: साखर क्षेत्राचे रूपांतर" या विषयावरील आगामी आंतरराष्ट्रीय परिषदेला 20 साखर उत्पादक देशांतील 250 हून अधिक प्रतिनिधी उपस्थित राहणार आहेत. समकालीन साखर उद्योगाच्या सर्वसमावेशक वाढीसाठी उपयुक्त असलेल्या या परिषदेला प्रख्यात साखर पीक तज्ज्ञ, संशोधक, साखर आणि अल्कोहोल तंत्रज्...

 बाल गजराज शिरोळ हालसिद्धनाथ हरोली गणराया अवार्डचे मानकरी शिरोळ / शिवार न्यूज नेटवर्क : शिरोळ तालुक्यात गणेशोत्सव साजरा करीत असताना सार्वजनिक तरुण मंडळांनी नेहमीच समाजाला दिशा देणारे उपक्रम राबवत व कायदा आणी सुव्यवस्था अबाधित राखण्याचा आदर्श निर्माण केला आहे यावर्षीही सार्वजनिक गणेशोत्सव मंडळांनी समाज प्रबोधनात्मक गणेशोत्सव साजरा करावा असे आवाहन जयसिंगपूर विभागाच्या उपविभागीय पोलीस अधिकारी रोहिणी सोळंके यांनी केले. येथील शिरोळ पोलीस ठाणे व शिरोळ शहर श्रमिक पत्रकार संघाच्यावतीने आयोजित श्री गणराया अवार्ड 2023 वितरण आणि सार्वजनिक गणेशोत्सव मंडळाची बैठक या संयुक्त समारंभाच्या प्रमुख पाहुण्या डॉ रोहिणी सोळंके यांनी उपस्थित तरुण मंडळांच्या कार्यकर्त्यांना मार्गदर्शन केले. या समारंभात शहरी विभागात श्री गणराया अवार्ड प्रथम क्रमांक - बाल गजराज गणेशोत्सव मंडळ कोळी गल्ली, द्वितीय क्रमांक अजिंक्यतारा गणेशोत्सव मंडळ, तृतीय क्रमांक हनुमान गणेशोत्सव मंडळ गावडे गल्ली उत्तेजनार्थ बाजारपेठ गणेशोत्सव मंडळ शिरोळ यांना प्रमाणपत्र व सन्मान चिन्ह देऊन मान्यवरांच्या हस्ते गौरविण्यात आले ग्रामीण विभागात प...