शिवार वार्ता न्यूज नेटवर्क

  संजय चव्हाण / शिवार न्यूज नेटवर्क : सैनिक टाकळी तालुका शिरोळ येथील कुमारी ऋतुजा घेवडे बनली डॉक्टर त्यांचे वडील संजय घेवडे हे अल्पभूधारक शेतकरी असून त्यांच्या कन्याची जिद्द व अभ्यासाची तयारी खूप चांगले होती. ऋतुजा चे शिक्षण पहिली ते पाचवी जिल्हा परिषद प्राथमिक शाळा टाकळी पाचवी ते आठवी शिवाजी हायस्कूल सैनिक टाकळी आठवी ते दहावी एस. पी हायस्कूल कुरुंदवाड येथे झाले . दहावी ते बारावी दत कॉलेज कुरुंदवाड पुढील शिक्षण गडकरी मेडिकल कॉलेज गडहिंग्लज मध्ये BHMS परीक्षा उत्तीर्ण होऊन डॉक्टरी ही पदवी घेतली. ऋतुजा ने परिस्थितीवर मात करत अगदी चांगल्या पद्धतीने अभ्यास करून त्यांच्या वडिलांचे व आईचे नाव रोशन केले आहे. सैनिक टाकळी मध्ये ऋतुजाचे सत्कार व कौतुक होत आहे. इथून पुढील वाटचालीस सैनिक टाकळी मधून शुभेच्छा दिल्या जात आहेत.

शिरोळ / शिवार न्यूज नेटवर्क : लाल, पिवळा, गुलाबी, निळा अशा रंगांची मुक्त उधळण, ओळखू न येणारे चेहरे, सकाळपासून हातात रंग आणि भरलेली पिचकारी घेऊन एकमेकांना रंगवण्यात गुंतलेली बच्चेकंपनी, कुटुंबातील मुले, नातवंडांसोबत रंगून गेलेले आबालवृद्ध, मैत्रीच्या नात्याला रंगांनी अधिक गहिरे करणाऱ्या युवक-युवतींसह अवघा शिरोळ तालुका शनिवारी रंगात न्हाला. गरीब-श्रीमंत, लहान-मोठा असा भेद विसरायला लावणाऱ्या आणि मनामनातील कटुता आपल्या रंगांनी पुसून टाकणाऱ्या या दिवसाला सुरुवातच झाली बच्चेकंपनीच्या किलबिलाटाने सकाळी उठल्या-उठल्या हातात वेगवेगळे रंग घेऊन लहान मुलांनी एकमेकांना रंगवायला सुरुवात केली. दारात ठेवलेल्या बादलीतून पिचकारी भरून मित्र-मैत्रिणींना चिंब भिजवताना त्यांचा होणारा जल्लोष आणि गमती-जमती मोठ्यांनाही हसायला लावणाऱ्या होत्या. त्यांच्यासोबत रंग खेळताना मोठेही लहान झाले आणि मुलांना उत्साह दुणावला. दरम्यान, शालेय आणि महाविद्यालयीन मुलामुलींनीही रंग खेळायला सुरुवात केली. एवढेच नव्हे तर रंगलेल्या चेहऱ्यांनी नातेवाईक आणि मित्रपरिवाराला रंगवण्यासाठी मुलं महिलांसोबत दुचाकीवरून जात होते.घरातली मोठी माण...

  नवी दिल्ली : लोकसभा निवडणुकांची घोषणा झाल्यानंतर आता ऐन उन्हाळ्यातच राजकीय वातावरण चांगलेच तापले आहे.महायुती व महाविकास आघाडीकडून अनेक जागांवरील उमेदवारांची घोषणा करण्यात आली आहे. दुसरीकडे काही जागांवरून महायुती व महाविकास आघाडीतील घटक पक्षात रस्सीखेच सुरू आहे. दरम्यान याच काळात वेगवेगळ्या माध्यम संस्थांकडून निवडणुकांच्या एक्झिट पोल आणि ओपिनिअन पोलबाबत निवडणूक आयोगाने महत्त्वपूर्ण निर्णय घेतला आहे. आगामी लोकसभा निवडणूक 2024 लक्षात घेता 19 एप्रिल ते 1 जून या कालावधीत एक्झिट पोलवर बंदी असेल. आपल्या आदेशानुसार, भारत निवडणूक आयोगाने 19 एप्रिल रोजी सकाळी 7 ते 1 जून रोजी संध्याकाळी 6.30 वाजेपर्यंत एक्झिट पोलवर बंदी घातली आहे. या कालावधीत सर्व लोकसभा मतदारसंघात एक्झिट पोलच्या निकालांचे प्रकाशन आणि प्रसारण करण्यास मनाई असेल.

  जयसिंगपूर / शिवार न्यूज नेटवर्क :  हातकलंगले लोकसभा मतदारसंघातून मुस्लिम समाजाला उमेदवारी देण्यात यावी अशी मागणी मुस्लिम समाजाच्या वतीने शिवसेनाप्रमुख उद्धव ठाकरे यांच्याकडे करण्यात आली आहे . जयसिंगपूर येथील शिवसैनिक रफिक भाई आतार यांनी मुंबई येथे शिवसेनाप्रमुख उद्धव ठाकरे खासदार संजय राऊत यांची भेट घेऊन सविस्तर चर्चा केली याबाबत शिवसेनाप्रमुख हे येत्या एक-दोन दिवसात निर्णय घेतील असा विश्वास रफिक भाई आत्तार यांनी व्यक्त केला. उद्धव ठाकरे जो निर्णय घेतील तो सर्वोच्च असेल व मुस्लिम समाज उद्धव ठाकरे यांच्या पाठीशी ठामपणे उभा राहील असेही त्यांनी शेवटी सांगितले मिरज जिल्हा सांगली येथे महाविकास आघाडीतील शिवसेना पक्षा कडून उद्धव ठाकरे यांची सभा घेण्यात आली यावेळी मुस्लिम समाजाच्या वतीने त्यांना हातकलंगले लोकसभा मतदारसंघातून उमेदवारी मिळावी अशा मागणीची निवेदन देण्यात आले होते दरम्यान लोकसभेसाठी अद्याप कोणत्याच पक्षाकडून मुस्लिम समाजाला उमेदवारी देण्यात आली नाही त्यामुळे हातकलंगले लोकसभा मतदारसंघातून मुस्लिम समाजाला उमेदवारी मिळाल्यास मी निवडणूक लढवण्यास इच्छुक असल्याचेही रफिक भाई ...

  मुंबई : लोकसभा निवडणुकीच्या तोंडावर प्रसिद्ध बॉलिवुड अभिनेता गोविंदाने शिंदे यांच्या शिवसेनेमध्ये प्रवेश केला आहे. गेल्या काही दिवसांपूर्वी गोविंदाने शिंदेची भेट घेतली होती. तेव्हापासूनच गोविंदाच्या पक्षप्रवेशाच्या चर्चा सुरू होत्या. मुख्यमंत्री शिंदे यांच्या बंगल्यावर आधी बैठक झाली त्यानंतर काही वेळातच गोविंदाचा पक्ष प्रवेश झाला. आपली इंडस्ट्री मोठी आहे. कलाकारांसह बॅक स्टेजलाही काम करणारे लोक आहेत मला त्यांच्यासाठी काहीतरी करायचं आहे. कोणत्याही अटी शर्तीविना गोविंदा प्रवेश करत असल्याचं एकनाथ शिंदे म्हणाले. सगळीकडेचं गोविंदा गोविंदा आहे. कोरोना काळात सर्व सण उत्सव बंद होते. ही बंदी उठवताना पहिला सण हा गोविंदाचा होता हा योगायोग असल्याचं शिंदे यांनी सांगितलं. लोकसभा निवडणुकीमध्ये गोविंदा स्टार प्रचारक म्हणून जबाबदारी पाहणार आहे. त्यासोबतच चित्रपटसृष्टी आणि सरकारमधील तो दुवा असणार आहे. पत्रकार परिषदेमध्ये मुख्यमंत्र्यांनी याबाबतची माहिती दिली.

मुंबई :  एकनाथ शिंदे यांच्या नेतृत्वाखालील शिवसेनेचे लोकसभा निवडणुकीकरिता ८ उमेदवारांच्या नावांची घोषणा करण्यात आलेली आहे. रामटेक वगळता इतर सात विद्यमान खासदारांना उमेदवारी देण्यात आलेली आहे. विशेष म्हणजे कोल्हापूरमधून संजय मंडलिक आणि हातकणंगलेमधून धैर्यशील माने यांची उमेदवारी निश्चित मानली जात नसताना त्यांना पहिल्याच यादीत उमेदवारी दिली गेली आहे.  मावळ- श्रीरंग बारणे हिंगोली-हेमंत पाटील हातकणंगले- धैर्यशील माने कोल्हापूर- संजय मंडलिक बुलढाणा- प्रतापराव जाधव रामटेक-राजू पारवे शिर्डी- सदाशिव लोखंडे दक्षिण मध्य मुंबई- राहुल शेवाळे

शिरोळ / शिवार न्यूज नेटवर्क :  जिल्हा परिषदेच्या प्राथमिक शाळांमध्ये गुणवत्तापूर्ण शिक्षण मिळत असते विद्यार्थ्यांचा सर्वांगीण विकास साधला जातो यामुळे पालकांनी विद्यार्थ्यांच्या प्रगतीसाठी आपल्या पाल्याचा प्रवेश जिल्हा परिषदेच्या प्राथमिक शाळेत घ्यावा असे आवाहन राजाराम विद्यालय नंबर २ च्या शालेय व्यवस्थापन समितीचे सदस्य चंद्रकांत भाट यांनी केले. येथील राजाराम विद्यालयात इयत्ता पहिली व चौथीच्या विद्यार्थ्यांच्या पालकांचा मेळावा आणि विद्यार्थ्यांना शैक्षणिक साहित्य वाटप असा संयुक्त समारंभ संपन्न झाला यावेळी चंद्रकांत भाट बोलत होते. समारंभाचे प्रमुख पाहुणे युवा उद्योजक अभिजीत माने माजी उपनगराध्यक्षा सौ करुणा कांबळे यांच्यासह मान्यवरांच्या उपस्थितीत इयत्ता पहिली व पाचवीमध्ये प्रवेश घेणाऱ्या विद्यार्थ्यांना शैक्षणिक साहित्याचे वाटप करण्यात आले. शाळेच्या मुख्याध्यापिका निता चव्हाण शिक्षक सुनंदा पाटील सनी सुतार यांनी उपस्थित पालकांना जिल्हा परिषदेच्या शाळेत देण्यात येणारे शिक्षण भौतिक सुविधा विद्यार्थ्यांची प्रगती याविषयी मौलिक मार्गदर्शन केले शालेय व्यवस्थापन समितीचे अध्यक्ष सर्जेराव कां...

शिरोळ / शिवार न्यूज नेटवर्क :  शिरोळ तालुक्याची जीवनदायी म्हणून ओळखली जाणाऱ्या पंचगंगा नदी प्रदूषणाचा प्रश्न दिवसेंदिवस गंभीर आणि बिकट होत चालला आहे प्रशासनातील दुर्लक्षामुळे पंचगंगा प्रदूषण प्रश्न म्हणजे भिजत घोंगडे असाच झाला आहे शिरोळ येथील पंचगंगा नदी पात्राला पुन्हा एकदा जलपर्णीचा मोठा विळखा पडला आहे यामुळे जलचर प्राण्यांना धोका झाला असून पाणी प्रदूषणातही वाढ होत आहे यामुळे तात्काळ प्रशासनाने लक्ष घालून नदीपात्रातील जलपर्णी काढण्याची मोहीम हाती घ्यावी अशी मागणी पंचगंगा नदीकाठातील शेतकरी आणि नागरिकांच्यातून होऊ लागली आहे. एकेकाळी शिरोळ तालुक्याला सुजलाम सुफलाम करण्यासाठी जीवनदायी नदी म्हणून ओळखल्या जाणाऱ्या पंचगंगा नदीला प्रदूषणाचा मोठा फटका बसत आहे याकडे लोकप्रतिनिधी आणि प्रशासनाचे दुर्लक्ष जबाबदार असल्याची मानसिकता तालुक्यातील जनतेची झाली आहे गेल्या वीस वर्षापासून पंचगंगा नदी प्रदूषणाचा प्रश्न सोडवण्यास प्रशासनाला अपयश आले यामुळे या परिसरातील नागरिकांचे जीवन धोक्यात आले आहे या परिसरात कॅन्सरचे प्रमाण वाढले आजाराने अनेक नागरिकांचा बळी गेला तरीही याचे गांभीर्य प्रशासनाला उरले ना...

  इचलकरंजी / शिवार न्यूज नेटवर्क : भटके, विमुक्त, ओबीसी, मागासवर्गीय आणि अल्पसंख्यांक समाजाच्या घटनात्मक हक्क संरक्षणासाठी ओबीसी बहुजन पार्टीचे राष्ट्रीय अध्यक्ष प्रकाश (अण्णा) शेंडगे यांच्या नेतृत्वाखाली हातकणंगले लोकसभा मतदारसंघ लढवणार आहे. संविधानिक हक्क टिकवण्यासाठी आणि पुढच्या पिढ्यांचे भविष्य उज्ज्वल करण्यासाठी सर्वांनी कटिबद्ध होऊन आगामी लोकसभा निवडणूक लढवण्यासाठी सज्ज रहावे, असे आवाहन ओबीसी बहुजन पार्टीचे राष्ट्रीय कार्यकारिणी सदस्य दिगंबर लोहार यांनी केले.        हातकणंगले लोकसभा मतदारसंघातील ओबीसी, भटक्या विमुक्त व अल्पसंख्याक समाज चळवळीतील सांगली, कोल्हापुर जिल्ह्यातील प्रमुख व सक्रिय कार्यकर्त्यांची व्यापक बैठक इचलकरंजी ताटे वाडा येथे झाली. यावेळी दिगंबर लोहार बोलत होते.      आरक्षणातील घुसखोरी, ओबीसी, भटक्या विमुक्त व अल्पसंख्याकांवर होणारे अन्याय- अत्याचार याबाबत या मतदारसंघातील कोणताही इच्छुक उमेदवार अथवा राजकीय पक्ष चर्चा करण्यास तयार नाही. भटके विमुक्त व ओबीसी, मागासवर्गीय आणि अल्पसंख्याक समाजांच्या समस्याच नाहीत असे समजून त्यांना...

शिरोळ / शिवार न्यूज नेटवर्क : बंगळूर येथील राजीव गांधी हेल्थ सायन्स युनिव्हर्सिटी तर्फे घेण्यात आलेल्या फार्मसी परीक्षेत शिरोळ येथील कु प्रिया उदय संकपाळ ( शिलेदार ) यांनी सुवर्णपदक पटकावले. कर्नाटकाचे राज्यपाल थावरचंद गेहलोत यांच्या हस्ते सुवर्णपदक व सन्मानपत्र देऊन प्रिया संकपाळ यांचा गौरव करण्यात आला.            येथील क्षारपड जमीन सुधारणा संस्थेचे उदय संकपाळ यांची कन्या प्रिया हिने २०२३-२४ मध्ये धारवाड येथील सोनिया एज्युकेशन ट्रस्ट कॉलेज ऑफ फार्मसी येथे एम. फार्मसीचे शिक्षण घेतले असून राज्यात सर्वाधिक गुण घेत तिने सुवर्णपदक मिळवले. आई -वडील यांच्यासह विद्यापीठाचे शिक्षक व कॉलेजचे स्टाफ मेंबर्स यांचे तिला मार्गदर्शन व सहकार्य लाभले. दरम्यान , या शैक्षणिक यशाबद्दल कु प्रिया हिचा विविध संस्था व संघटनेच्या वतीने सत्कार करून शुभेच्छा देण्यात आल्या.

अतिग्रे / शिवार न्यूज नेटवर्क : नव तंत्रज्ञानाच्या या युगात आर्टिफिशियल इंटेलिजन्स चे महत्त्व वाढत आहे.अर्थ, सेवा सुविधा,मनुफॅक्चरिंग, रिटेल, मनोरंजन, शिक्षण, आरोग्य,प्रवास,वाहतूक, लॉजिस्टिक क्षेत्रात क्रांतिकारक बदल घडत आहेत. शिक्षकांनी एआय चे महत्त्व ओळखून विद्यार्थ्यांना प्रशिक्षण देणे गरजेचे आहे.असे झाल्यास भविष्यात विद्यार्थ्यांना नोकरीच्या अनेक संधी उपलब्ध होतील,असे प्रतिपादन बँक ऑफ न्यूयॉर्क मेलचे माजी व्यवस्थापकीय संचालक आणि कंट्री मॅनेजर डॉ. अनिश कुमार यांनी केले.       'ए आय: द कॅटलिस्ट ऑफ चेंज अक्रॉस इंडस्ट्रीज अँड द ब्ल्यूप्रिंट फॉर फ्युचर करियर्स' या विषयावर संजय घोडावत विद्यापीठात आयोजित व्याख्यानात ते बोलत होते. अभियांत्रिकी आणि एमबीए फायनान्सच्या विद्यार्थ्यांना त्यांनी अंतर्विद्याशाखीय शिक्षण आत्मसात करण्याचा,सॉफ्ट स्किल विकसित करण्याचा सल्ला दिला. ते म्हणाले, की विद्यार्थ्यांनी वास्तविक जगातील प्रकल्पांशी संलग्न राहणे गरजेचे आहे.जागतिक पातळीवर एआय मध्ये होत असलेल्या संशोधनामध्ये कुतूहल राखणे गरजेचे आहे.या युगात तंत्रज्ञानाशी स्वतःला जुळवून घेतले तरच विवि...

  अजित कांबळे / शिवार न्यूज नेटवर्क : आपण समाजात वावरत असताना समाजाचे काहीतरी देणे लागतं या प्रामाणिक हेतूने गेल्या अनेक वर्षापासून येथील सामाजिक कार्यकर्ते तुषार कांबळे यांनी भारतरत्न ,डॉ. बाबासाहेब आंबेडकर यांच्या जयंती निमित्त प्रत्येक वर्षी विविध सामाजिक उपक्रम हाती घेतात. शिका ,संघटित व्हा ,व संघर्ष करा हे डॉ.बाबासाहेब आंबेडकरांचे ब्रीद वाक्य लक्षात घेऊन त्यांनी करीत असलेले कार्य हे सर्वांसाठी प्रेरणादायी ठरावे यासाठी यावर्षीच्या डॉ. बाबासाहेब आंबेडकर 133 व्या जयंती निमित्त बोरगांव अंतर्गत येथील 10 वी व 12 वी परीक्षांमध्ये 95% च्या पुढे गुण मिळवलेल्या बौद्ध समाजातील विद्यार्थ्यांना मोफत हेलिकॉप्टर व विमान प्रवास करण्याचा संकल्प त्यांनी हाती घेतला आहे. याबाबत आयोजित पत्रकार बैठकीत माहिती देताना सामाजिक कार्यकर्ते तुषार कांबळे म्हणाले, आपल्या समाजात शिक्षणाची ओढ निर्माण व्हावी व समाजात शिक्षणाबाबत जनजागृती निर्माण व्हावी यासाठी मी माझ्या हातून शैक्षणिक काम करीत आहे. बौद्ध समाजातील विद्यार्थी उच्चशिक्षित व्हावे व त्यांना आणखी प्रेरणा मिळावी यासाठी आपण यावर्षीच्या 10 वी व 12 वी ...

  अजित कांबळे / शिवार न्यूज नेटवर्क : निपाणी तालुक्यातील ढोनेवाडी येथील प्राथमिक मराठी शाळेत सावळा गोंधळ सुरू असल्याने पालकांच्या मध्ये मात्र चिंतेचे वातावरण सुरू आहे.याकडे शिक्षण खाते लक्ष देणार कि बघ्याची भूमिका घेणार असा सवाल पालकांच्या मधुन व्यक्त केला जात आहे. ढोणेवाडी सरकारी मराठी शाळेतील शाळा प्रशासनाच्या दुर्लक्षामुळे कांहीं दिवसापूर्वी एका निष्पाप शाळकरी मुलीला जीव गमावण्याची वेळ आली होती. एवढे मोठे गंभीर प्रकरण होवुन देखील अद्याप त्या ठिकाणी मुलामुलींच्या साठी शौचालय व मुतारी बांधण्यात आली नाही. केवळ आश्वासन देवुन दोन वर्षे उलटली आहे.आजही तिथे सुविधांची वानवा दिसून येत आहे. त्या मोडकळीस आलेल्या जुन्याच शौचालयाचा आसरा विद्यार्थ्यांना घ्यावा लागतो आहे.मराठी शाळेला कायमस्वरूपी मुख्याध्यापक नाही तात्पुरता भार हंगामी शिक्षकांना देवुन शाळेच्या कामकाजाची एक प्रकारे थट्टाच चालवली जात आहे.शाळा सुधारणा समितीची रचना नसल्याने कोणतेही वचक शिक्षकांच्या वर नाही .त्यामुळे अनेक गैर कारभाराला खतपाणी घातले जात आहे. मुलांना देण्यात येणाऱ्या चिक्की ,अंडी वाटपातही अनियमित पणा मध्य...

सुनिल दावणे / शिवार न्यूज नेटवर्क : शेती व दुध व्यवसायावर अवलंबून असलेल खणदाळ गाव. चांगला व उत्कृष्ट दर्जाचे दुध पुरवठा करून कोल्हापूर जिल्हा सहकारी दुध संघास सर्वाधिक दुध पुरवठादार म्हणून खणदाळ मधील श्री लक्ष्मी दुध संस्थेने जिल्ह्यात प्रथम क्रमांक मिळविला. गोकूळ कोल्हापूर जिल्हा सहकारी दुध उत्पादक संघ मर्यादित कोल्हापूर मार्फत ६१ वा वर्धापन दिनाच्या कार्यक्रमात संघाचे चेअरमन अरुण डोंगळे यांच्या हस्ते बक्षीसाचे प्रमाणपत्र व रोख बक्षीस स्विकारताना खणदाळ श्री लक्ष्मी दुध संस्थेचे चेअरमन संदीप घोडके, व्हा चेअरमन शिल्पा चौगुले, तसेच संचालक मल्लापा कोणूरी, नामदेव चिरमुरे, सचिन चिरमुरे, शिवानंद मगदूम, राजेंद्र पाटील, दीपा घोडके, सुनिल दावणे, तुकाराम परीट, आप्पासाहेब घस्ती व तज्ञ संचालक राजेंद्र जाधव, चनबसु चौगुले, शिवाजी पाटील उपस्थित होते. तज्ञ संचालक राजेंद्र जाधव यांनी संस्थेमध्ये काम करणारे कामगारांचे, सर्व दुध उत्पादकांचे, सर्व सभासदांचे व ग्रामस्थांचे आभार मानले. कारण माझ्या गावच्या लोकांनी आम्हांला त्यांची सेवा करण्याची संधी दिली व गावातील दुध उत्पादकांनी खुप मेहनत करून संस्थेमध्ये ...

  अजित कांबळे / शिवार न्यूज नेटवर्क :       ढोणेवाडी तालुका निपाणी येथील कु ‌भद्रीनाथ प्रकाश सुर्यवंशी वय वर्षे १५ हा विद्यार्थी झाडावरील चिंचा काढण्यासाठी गेलेला असता विद्युत तारेचा स्पर्श बसून त्याचा मृत्यू झाला. सदरची घटना रविवार दि.१७ रोजी सकाळी दहा वाजता घडली आहे  .याबाबत अधिक माहिती अशी की भद्रीनाथ सुर्यवंशी हा रविवार शाळेला सुट्टी असल्याने आपल्या मित्रा समवेत कारदगा ढोणेवाडी रस्त्यावरील सादळकर मळ्यात झाडावरील चिंचा काढण्यासाठी गेला होता. चिंचा काढत असताना झाडाच्या मधोमध गेलेली विद्युत तार दिसली नसल्याने त्या तारेला हाताचा स्पर्श होऊन जोराचा विजेचा धक्का बसला आणि तो खाली कोसळला मित्र व नातेवाईक यांनी तात्काळ कारदगा येथे खासगी दवाखान्यात दाखवून चिकोडीच्या शासकीय इस्पितळात दाखल केले .परंतु उपचारापूर्वीच त्याचा मृत्यू झाला. सदर घटनेची नोंद सदलगा पोलीस ठाण्यात झाली आहे.शव विच्छेदन करून मृतदेह नातेवाईकांच्या ताब्यात देण्यात आला.त्याच्या पश्चात आई-वडील ,दोन भाऊ असा परिवर आहे.  तो ढोणेवाडी सरकारी हायस्कूल येथे इयत्ता नववीच्या वर्गात शिकत होता...

जयसिंगपूर / शिवार न्यूज नेटवर्क : संजय घोडावत इन्स्टिट्यूट, अतिग्रे (कोल्हापूर) येथे बुधवार दिनांक २० मार्च २०२४ रोजी सकाळी १०.०० ते ५.०० या वेळात डिप्लोमा अभियांत्रिकी मधील पदविका अंतिम वर्षाच्या विद्यार्थ्यांसाठी “राष्ट्रीय स्तरावरील युरेका-२४ प्रकल्प स्पर्धेचे” आयोजन करण्यात आले आहे. कोणतेही विभागाचे डिप्लोमा अंतिम वर्षाचे विद्यार्थी या प्रकल्प स्पर्धेचे सहभागी होऊ शकतात, या स्पर्धेत सहभागी होण्यासाठी विद्यार्थ्यांना कोणतेही नोंदणी शुल्क आकारले जाणार नाही. पॅरामीटर्स तंत्रज्ञानाची निवड, प्रकल्पाचा सामाजिक प्रभाव, इको-फ्रेंडली/उपलब्ध संसाधने आणि साहित्याचा सर्वोत्तम वापर, प्रोटोटाइप/वर्किंग मॉडेल/व्हर्च्युअल मॉडेल/मॉकअप मॉडेल, प्रकल्पाची सौंदर्य आणि पूर्णता, कल्पकता आणि नाविन्यपूर्णता, वापरकर्ता अनुकूल कार्यक्षमता. यातुन मूल्यांकनाच्या प्रोजेक्ट निवडीसाठी वापर केला जाणार आहे, विद्यार्थ्यांच्या नाविन्यपूर्ण प्रकल्पास मूल्यांकन करून बक्षीस देण्यात येतील प्रथम बक्षीस २५,००० हजार प्रमाणपत्र आणि सन्मानचिन्ह, दुसरे बक्षित १५,००० हजार प्रमाणपत्र आणि सन्मानचिन्ह, तिसरे बक्षीस १०,००० हजार ...

  अभिनंदन सुंके / शिवार न्यूज नेटवर्क : शांती सरोज नेत्रालय मिरज व इंडियन असोसिएशन मिरज यांच्या संयुक्त विद्यमाने जागतिक काचबिंदू सप्ताह निमित्त मिनी मॅरेथॉन चे आयोजन केले होते.  सदर कार्यक्रमास मिरज झोनचे डी वाय एस पी श्री प्रणील गिलडा, गांधी चौक पोलीस ठाण्याचे पोलीस निरीक्षक श्री सुधीर भालेराव तसेच सहाय्यक पोलीस निरीक्षक नितीन कुंभार यांनी प्रमुख पाहुणे म्हणून उपस्थिती दाखवली.  सदर मिनी मॅरेथॉन चा रूट शांतीसरोज नेत्रालय ते कृपामयी रुग्णालय व परत असा होता. सदर मिनी मॅरेथॉन मध्ये 170 लोकांनी सहभाग नोंदवला.  या कार्यक्रमादरम्यान बोलताना डॉक्टर सौ पूजा भोमाज यांनी सांगितले की काच बिंदू हा मोतीबिंदू नंतर होणारा जगातील दुसरा नेत्ररोग आहे सदर नेत्ररोगामुळे रुग्णांची गेलेली दृष्टी परत आणणे जवळपास अशक्य आहे. त्याचमुळे वेळेत केलेल्या तपासणी व लक्षात आलेल्या लक्षणांमुळे सदर नेत्र रोगावर लवकर उपचार केल्यास होणारा धोका टाळता येतो कार्यक्रमाचे अध्यक्ष व शांतीसरोज नेत्रालयाचे डायरेक्टर डॉक्टर शरद भोमाज यांनी सांगितले की दर सहा महिन्यांनी नेत्र रुग्णालयात जाऊन तपासणी केल्यास काचब...

जयसिंगपूर / शिवार न्यूज नेटवर्क : मुलांची गुणवत्ता जर अशा पध्दतीने वाढणार असेल आणि त्यांना चांगले शिक्षण देण्याचे काम आपण जर करणार असाल तर निश्चितपणे आमचे नेते आमदार डॉ.राजेंद्र पाटील यड्रावकर सोशल फौंडेशनच्या माध्यमातून राजकारण विरहित अनेक सामाजिक कार्य करीत असतो. त्याच अनुषंगाने या प्रज्ञा शोध परीक्षेचे आयोजन केले आहे. असे प्रतिपादन संजय पाटील यड्रावकर यांनी केले. शिरोळ तालुका प्रज्ञाशोध परीक्षेतील गुणवंत विद्यार्थ्यांच्या सन्मान सोहळ्यात प्रमुख पाहुणे म्हणून उपस्थित होते.         ते पुढे म्हणाले की,तालुक्यातील १०,३०० विद्यार्थ्यांनी यामध्ये सहभाग घेतला.त्यांचे कौतुक करावे तेवढे कमीच आहे.निश्चितपणे आपल्याकडे मुले चांगल्या पद्धतीने शिकत आहे.३०ते ४० विद्यार्थी टॉप टेनमध्ये येतील अशी अपेक्षा होती पण जवळपास ३००ते ४०० विद्यार्थी निघाले.मुलांच कौतुक करावे तेवढे थोडेच आहे.आणि आपण या मुलांना चांगल्या पध्दतीने शिकविण्याचे काम करीत आहात.          चिपरी केंद्रांवर भेट दिली असता असे दिसून आले की काही मुलांना बेंच नव्हते.या सुविधा देण्यासाठी प्रयत्न निश...

‘व्हॉईस ऑफ मीडिया’ परिवाराने मानले मुख्यमंत्री, उपमुख्यमंत्री यांचे आभार     मुंबई / शिवार न्यूज नेटवर्क : देशभरातील पत्रकारांच्या समस्यांकडे लक्ष वेधून त्या शासनदरबारी मांडणाऱ्या ‘व्हॉईस ऑफ मीडिया’च्या रेट्यामुळे शासनाने राज्यातील सेवानिवृत्त पत्रकारांच्या मानधनात दुपटीने वाढ केली आहे. गेल्या अनेक वर्षांपासून ‘व्हॉईस ऑफ मीडिया’ने यासंदर्भात आवाज उठवला होता. अखेर आज शासनाने याबद्दलचा जीआर काढून हा विषय मार्गी लागला, असे सांगितले आहे. ‘व्हॉईस ऑफ मीडिया’ला मिळालेल्या यशाबदल राज्यभरातल्या अनेक जिल्ह्यांच्या ठिकाणी पेढे वाटून, फटाके फोडून पदाधिकारी, पत्रकार यांनी आनंद व्यक्त केला आहे.  देश-विदेशात क्रमांक एकची पत्रकार संघटना असलेल्या ‘व्हॉईस ऑफ मीडिया’ने सेवानिवृत्त पत्रकारांचा मानधन वाढीबाबतचा विषय शासनाकडे रेटून धरला होता. नुकतेच झालेले हिवाळी अधिवेशन, त्या अगोदर तीन वेळा ‘व्हॉईस ऑफ मीडिया’च्या वतीने धरणे आंदोलन केल्यानंतर शासनाने पत्रकारांच्या समस्या सोडविण्यासाठी पुढाकार घेऊन एक समिती स्थापन केली होती. यावेळी संघटनेने पत्रकारांच्या आरोग्य, मुलांचे शिक्षण, निवासा...

१३ कोटी रूपयांच्या रस्ते कामाचे उदघाटन शिरोळ तालुक्यातील १३ कोटी रुपयांच्या रस्ता रुंदीकरण कार्यक्रमाचा शुभारंभ गुरुदत्त शुगर्स चे चेअरमन माधवराव घाटगे यांच्या हस्ते करण्यात आला . शेजारी एक्झिक्युटिव्ह डायरेक्टर राहुल घाटगे, रामचंद्र डांगे, राजवर्धन नाईक - निंबाळकर , विजय भोजे, मुंकुद गावडे आदी जयसिंगपूर / शिवार न्यूज नेटवर्क :  शिरोळ तालुका हा सधन तालुका म्हणून ओळखला जातो. तालुक्यातील प्रत्येक गावांमध्ये रस्ता, गटर्स या सारख्या पायाभूत सविधा देणे गरजेचे आहे. त्यासाठी मी गुरूदत्त शुगर्स च्या माध्यमातून शासन स्तरावर पाठपुरावा करित असून, शिरोळ तालुक्याच्या सर्वाणगीन विकासासाठी कटीबध्द असल्याचे प्रतिपादन श्री गुरूदत्त शुगर्स चे चेअरमन व कार्यकारी संचालक माधवराव घाटगे यांनी केले. चिंचवाड व टाकळीवाडी- अकिवाट येथिल १३ कोटी रूपयांच्या रस्ता रुंदीकरण कामाच्या शुभारंभ कार्यक्रम प्रंसगी ते बोलत होते. यावेळी बोलताना श्री. घाटगे म्हणाले राज्याचे उच्च व तंत्रशिक्षण व वस्त्रोउदयोगमंत्री नामदार चंद्रकांतदादा पाटील यांच्या सहकार्यातून नवीन मंजूर झालेला प्रमुख जिल्हा मार्ग (MDR) क्र.१२३ मधील चिंचवा...

  शिरोळ / शिवार न्यूज नेटवर्क : शिरोळ नगर परिषदेकडून टाकण्यात आलेल्या जमीन आरक्षण संदर्भात पुढील दिशा ठरविण्यासाठी कल्लेश्वर मंदिर, शिरोळ येथे रविवारी 17 मार्च,रोजी सायं. 6 वा. कल्लेश्वर मंदिर, शिरोळ येथे उपस्थित रहावे असे आवाहन युवा नेते पृथ्वीराजसिंह यादव यांनी केले आहे. शिरोळ नगरपरिषदेकडून काही दिवसापूर्वी विकास आराखड्याच्या पार्श्वभूमीवर शहर व शहरालगतच्या ठराविक जमिनी आरक्षित करण्यात आल्या आहेत. त्याची जाहीर प्रसिद्धी केली आहे. या आरक्षण प्रसिद्धीमध्ये शहरातील अनेक, गोरगरिब, अल्पभूधारकांच्या जमिनी जागा गुंतवण्यात आल्या आहेत. जमीन,आरक्षणामुळे नागरिक, शेतकऱ्यांच्या मध्ये भीतीचे वातावरण तयार झाले आहे. जमीन आरक्षणाच्या संकटातून बाहेर पडण्यासाठी सर्व नागरिकांनी एकत्रित येऊन लढा देण्याची आवश्यकता आहे. य आरक्षणाचा लढा कसा व कोणत्या पद्धतीने द्यायचा ? या बैठकीत यासंदर्भात विचार विनिमय करून पुढील दिशा ठरविण्यात येणार आहे . या बैठकीमध्ये ज्या -ज्या शेतकऱ्यांच्या जमिनीवर आरक्षण पडले आहे, अशा शेतकऱ्यांच्या विचाराने, विनिमयाने पुढील मार्ग अवलंबला जाणार आहे.   तरी,जमीनआरक्षणात पीड...

    शिरोळ / शिवार न्यूज नेटवर्क : हातकणंगले लोकसभा मतदारसंघाचे खासदार धैर्यशील माने यांनी शासनाच्या महाराष्ट्र सुवर्ण जयंती नगरोत्थान महाभियान जिल्हास्तर योजना व नगरपरिषद वैशिष्ट्यपूर्ण कामासाठी विशेष अनुदान या योजनेतून शिरोळ शहरातील विविध विकास कामांसाठी 2 कोटी 20 लाख रुपयाचा निधी मंजूर केला होता या सर्व विकास कामांचा शुभारंभ गुरुवारी सायंकाळी खासदार धैर्यशील माने यांच्यासह मान्यवर आणि स्थानिक नागरिकांच्या उपस्थितीत करण्यात आला .           खासदार धैर्यशील माने यांनी दिलेल्या निधीतून शहरातील अनेक प्रभागांमधील रखडलेली विकास कामे पूर्ण होणार आहेत यामुळे नागरिकांच्यातूनही समाधान व्यक्त होत आहे खासदार माने यांच्या 30 लाख 99 हजार 856 रुपये मंजूर निधीतून प्रभाग क्रमांक 5 मधील नमाजगे मळा येथील ईदगाह मैदानावरील नमाज पठण ठिकाणी कॉंक्रिटीकरण करणे व फरशी घालून परिसराचे सुशोभीकरण करणे 18 लाख 99 हजार 956 रुपये मंजूर निधीतून प्रभाग क्रमांक 5 मधील अब्दुलरशीद मुल्ला प्लॉट ते राहुल कुराडे प्लॉट पर्यंत रस्ता कॉंक्रिटीकरण करणे व जावेद नदाफ घर ते महंमद फरास घरापर्यंत रस्त...

  जयसिंगपूर / शिवार न्यूज नेटवर्क : संजय घोडावत इन्स्टिट्यूटच्या उद्योजकता विकास आणि तंत्रज्ञान व्यवसाय इनक्यूबेटर सेल अंतर्गत ‘तीन दिवसीय राज्यस्तरीय उद्योजकता-स्टार्टअप विकास कार्यक्रमाचे आयोजन दिनांक ११ ते १३ मार्च २०२४ रोजी आयोजन करण्यात आले होते. या मार्गदर्शन कार्यशाळेस प्रमुख मार्गदर्शक डॉ. बाबासाहेब आंबेडकर तंत्र विद्यापीठ, लोणेरे, इनोव्हेशन अँड इंक्युबॅशन मुख्य अधिकारी डॉ. नवीन खंदारे, सूक्ष्म व लघु उद्योग मंत्रालय भारत सरकार सी. बी. कोरा खादी ग्रामोद्योग आयोग प्राचार्य, डॉ. सी. बी. सिंथॉल कुमार, उमाकांत डोईफोडे, भारतीय युवाशक्ती ट्रस्टचे कोल्हापूर क्लस्टर हेड विश्वनाथ पवार, संजय घोडावत इन्स्टिट्यूटचे प्राचार्य डॉ. विराट गिरी, कौशल्य विकास आणि उद्योजकता विभागप्रमुख प्रा.अजय कोंगे, ईडीपी आणि टीबीआय सेल सर्व सदस्य, शॉर्ट टर्म कोर्स, आयटीआय, डिप्लोमा, डिग्री, शिक्षण घेत असलेल्या शेवटच्या वर्षातील विद्यार्थी उपस्तीत होते.  या कार्यक्रमाचे उद्घाटन दीप प्रज्वलन करून करण्यात आले. डॉ. नवीन खंदारे म्हणाले नवीन आयडिया आधारित उद्योगाची निर्मिती करून देशाला आत्मनिर्भर बनविण्...

प्रल्हाद साळुंखे / शिवार न्यूज नेटवर्क : दत्तवाड परिसर पत्रकार संघाचे वतीने नवे दानवाड चे सामाजिक कार्यकर्ते सज्जन सिंग रजपूत यांना सेवारत्न पुरस्काराने सन्मानित करण्यात आले,कुरूंदवाडचे प्रशिध्द पोटविकारतज्ञ डॉ राजीव जाधव यांच्या हस्ते या पुरस्काराने गौरवण्यात आले, सज्जन सिंग रजपूत हे परिवहन महामंडळातून सेवावृत्ती घेऊन शिरोळ तालुका खरेदी-विक्री संघाच्या संचालक पदाच्या माध्यमातून सामाजिक व धार्मिक क्षेत्रात उल्लेखनीय कार्य केले आहे, त्यांच्या या कार्याची दखल घेऊन त्यांना सेवा रत्न पुरस्काराने सन्मानित करण्यात आले यावेळी उपस्थित दत्तवाडचे सरपंच चंद्रकांत कांबळे, गुरुदत्त शुगरचे संचालक बबन चौगुले, उपसरपंच अकबर काले, सामाजिक कार्यकर्ते धन्यकुमार सिदनाळे, मुख्याध्यापक दिलिप शिरढोने, यांच्या सह गावातील विविध मान्यवर व ग्रामस्थ मोठ्या संख्येने उपस्थित होते.

शिरोळ / शिवार न्यूज नेटवर्क :  जिल्हा परिषदेच्या शाळांमध्ये विद्यार्थ्यांना गुणवत्तापूर्ण शिक्षण मिळत असते भविष्यकाळात स्पर्धा परीक्षांच्या तयारी करिता विद्यार्थ्यांसाठी प्रज्ञाशोध सराव परीक्षांची नितांत गरज असते शिरोळ तालुक्यात शिक्षण विभागाच्या वतीने अशा प्रज्ञाशोध सराव परीक्षा घेऊन विद्यार्थ्यांचे मनोधैर्य वाढवण्याचा उपक्रम स्तुत्य असल्याचे प्रतिपादन शिरोळ तहसील कार्यालयातील निवासी नायब तहसीलदार योगेश जमदाडे यांनी केले. स्व पुष्पलता वसंत ढेकणे यांच्या प्रथम स्मृतीदिनानिमित्त मातोश्री चाईल्ड क्लिनिक व रोटरी क्लब ऑफ शिरोळ हेरिटेज सिटी यांच्या संयुक्त विद्यमाने शिरोळ पंचायत समिती शिक्षण विभागाच्या मार्गदर्शनाखाली दत्तनगर केंद्रस्तरीय इयत्ता चौथीसाठी सराव प्रज्ञाशोध परीक्षा राजश्री शाहू विद्यामंदिर शिरोळ नंबर 1 येथे उत्साहात पार पडली परीक्षेच्या बक्षीस वितरण समारंभ प्रसंगी प्रमुख पाहुणे म्हणून योगेश जमदाडे बोलत हे होते शिरोळ पालिकेचे मुख्याधिकारी निशिकांत प्रचंडराव समारंभाच्या अध्यक्षस्थानी होते दत्तनगर केंद्रातील 13 शाळांमधील चौथीच्या 284 विद्यार्थ्यांनी या परीक्षेत सहभाग घेतला ह...

  अजित कांबळे / शिवार न्यूज नेटवर्क :  लोकसभेच्या निवडणुकीसाठी काल भाजपने आपल्या 72. जागेसाठी दुसरी यादी जाहीर केली .यामध्ये कर्नाटक राज्यातील 28 जागांपैकी 20 जागांचे उमेदवारी जाहीर केले असून,यामध्ये विद्यमान केंद्रीय मंत्री सह एका माजी मुख्यमंत्र्याचा समावेश केलेला आहे. चिकोडी लोकसभेसाठी भाजप तर्फे श्री अण्णासाहेब जोल्ले यांना भाजपचे उमेदवार म्हणून नावं घोषित केले आहे.     आगामी लोकसभेच्या निवडणुकीसाठी कर्नाटकातील 28 जागा पैकी भाजपाच्या शिष्टमंडळाच्या वतीने 20 जागेंची उमेदवारी जाहीर करण्यात आलेली आहे ,यामध्ये चीकोडीचे लोकप्रिय खासदार श्री अण्णासाहेब जोले यांची उमेदवारी घोषित केले आहे.या जागेसाठी माजी खासदार रमेश कत्ती व के एल ई .संस्थेचे संस्थापक अध्यक्ष प्रभाकर कोरे यांचे चिरंजीव अमित कोरे यांच्याही नावाचा समावेश होता परंतु गेल्या पाच वर्षात श्री अण्णासाहेब जोले व कर्नाटकच्या माजी मंत्री व निपाणीच्या विद्यमान आमदार सौ शशिकला जोल्ले यांनी केलेल्या विकास कामामुळे भाजप नेते मंडळांनी चिकोडी लोकसभेसाठी अण्णासाहेब जोल्ले यांचेच नाव उमेदवारी म्हणून घोषित केले ...

  प्रल्हाद साळुंखे / शिवार न्यूज नेटवर्क : घर चलो अभियान नवे दानवाड भारतीय जनता पार्टी किसान मोर्चा शिरोळ तालूका सरचिरणीस पदी नवे दानवाडचे श्री भरमगोंडा पाटील यांची निवडीचे पत्र शिरोळ तालुका अध्यक्ष श्री मुकुंद गावडे यांच्या हस्ते नूतन गणपती मंदीर येथे देण्यात आले. भरमगोंडा पाटील हे भाजपचे एकनिष्ठ विश्र्वासु कार्यकर्ते आहेत, अनेक वर्षे शेतकरी चळवळीत कार्यरत आहेत प्रामाणिक,अभ्यासु व्यक्तिमत्त्व,शैक्षणिक, सामाजिक क्षेत्रात उल्लेखनीय काम आहे,त्यांची निवड झाल्याबद्दल त्यांचे कौतुक होत आहे,तसेच दानवाड गावचे अध्यक्षपदी श्री ज्ञानशिंग रजपूत व दानवाड ओबीसी अध्यक्ष श्री . राजेंद्र परीट निवड करण्यात आले . त्यावेळी भाजपा शिरोळ तालूका विस्तारक श्री . महेश देवताळे ,तालूका उपाध्यक्ष रमेश चंदूरे , अबिदून मुजावर, तालूका विश्वकर्मा अध्यक्ष सुरेश शहापूरे , शितल पुजारी , महावीर तकडे, जिल्हा संयोजक शितल पूजारी , शंकर बिराजदार सर , आणणासाहेब भिल्लुरे , कुमार पाटील , राजगोंडा पाटील , तेजेस वराळे ( दत्तवाड ), प्रकाश परीट, शिवगोंडा पाटील ( पालगोवणावर ) , नवजीवन तरुण मंडळाचे सदस्य कुणाल पाटील, सुदर्शन पाट...

इचलकरंजी / शिवार न्यूज नेटवर्क : कोल्हापूर जिल्हा मुख्याध्यापक संघाच्या वतीने २५ फेब्रुवारी २०२४ रोजी झालेल्या इयत्ता ५ वी ते ८ वी च्या महाराष्ट्र राज्य श्रीनिवास रामानुजन गणित प्रज्ञा परीक्षेच्या निकालामध्ये श्री. बालाजी माध्यमिक विद्यालयातील इयत्ता ५ वी च्या विद्याथ्यांनी गणित प्रज्ञा प्रमाणपत्रधारक म्हणून यश संपादन केले आहे. या परीक्षेमध्ये अथर्व दिपक देशिंगे, विनय खंडोबा चव्हाण, आयुष संतोष पोवार, उत्कर्षा सौरभ कवडे, तन्वी अभिजित भागवत यांनी यश संपादन केले. वरील सर्व यशस्वी विद्यार्थ्यांना प्रशालेचे गणित विभाग प्रमुख श्री. विनायक साळुंखे सर, शशीकांत जाधव सर, मानसी दळवी मॅडम, श्री. संतोष कोळी सर, व जाधव मॅडम यांचे बहुमोल मार्गदर्शन लाभले तर प्रशालेच्या मुख्याध्यापिका सौ.एम.एस. रावळ मॅडम यांची प्रेरणा लाभली. सर्व यशस्वी विद्यार्थी व मार्गदर्शक शिक्षक यांचा संस्थेचे संस्थापक अध्यक्ष मा. मदनराव कारंडेसाहेब, सेक्रेटरी मा. महेश कोळीकाल साहेब, मुख्याध्यापिका सौ. एम.एस. रावळ मॅडम, उपमुख्याध्यापक श्री. डी. वाय. नारायणकर सर यांनी पुष्पगुच्छ देऊन यथोचित सत्कार केला व त्यांना पुढील यशासाठी शुभे...

शिवार न्यूज नेटवर्क : मराठा आरक्षणाची लढाई अंतिम टप्प्यात आली असून, आचारसंहिता लागण्यापूर्वी 'सगेसोयरे अध्यादेश'चा काढतील, अशी आशा आहे. सरकारने तसे न केल्यास आचारसंहितेनंतर सरकारच्या डावाला प्रतिडावाने उत्तर देऊ, असे मत मराठा आरक्षण आंदोलनाचे नेते मनोज जरांगे-पाटील यांनी व्यक्त केले. अहमदपूर, निलंगा तालुक्यांतील माळेगाव कल्याणी, कासारशिरसी, निलंगा शहर आणि लातुरात बुधवारी जरांगे-पाटील यांच्या संवाद बैठका झाल्या. अहमदपूरमध्ये ते म्हणाले, सरकारने लवकरात लवकर 'सगेसोयरे'संबंधी अध्यादेश काढावा. मुख्यमंत्र्यांनी शब्द दिला होता. मात्र, तो सरकारने पाळला नाही. माझ्यावर, सामान्य मराठा बांधवांवर एसआयटी नेमून आंदोलन दडपण्याचा डाव आहे. कुणबी मराठा, सगेसोयरे व हैदराबाद गॅझेटला मान्यता देऊन ओबीसीतूनच आरक्षण द्यावे हीच आमची आग्रही मागणी आहे आणि त्यासाठी आमचा लढा आहे असे जरांगे पाटील म्हणाले.

  कोल्हापूर / शिवार न्यूज नेटवर्क : कोल्हापूर व सांगली जिल्ह्यातील पूर आणि आपत्ती नियंत्रणासाठी जागतिक बँकेच्या सहाय्याने महाराष्ट्र प्रतिसादक्षम विकास कार्यक्रम राबविण्यास आज झालेल्या मंत्रीमंडळ बैठकीत मान्यता देण्यात आली.यासाठी २ हजार २४० कोटी अर्थसहाय्य जागतिक बँकेकडून घेण्यात येईल. बैठकीच्या अध्यक्षस्थानी मुख्यमंत्री एकनाथ शिंदे होते.  हा प्रकल्प ३ हजार २०० कोटी रुपयांचा असून ३० टक्के म्हणजेच ९६० कोटी रुपये राज्य शासन उपलब्ध करुन देणार आहे. या प्रकल्पामुळे कोल्हापूर आणि सांगली जिल्ह्यातील कृष्णा-भीमा खोऱ्यातल्या पुराच्या अतिरिक्त पाण्याचा वापर दुष्काळग्रस्त भागासाठी करता येणार आहे. त्याचप्रमाणे पुराचा अंदाज वर्तवण्यासाठी जीआयएस (भौगोलिक माहिती प्रणाली) उभारण्यात येणार आहे. या प्रकल्पाची अंमलबजावणी मित्र ही संस्था करणार आहे. तसेच प्रकल्प राबविण्याची जबाबदारी महाराष्ट्र कृष्णा खोरे विकास महामंडळावर असेल. हा प्रकल्प तीन वर्षात पूर्ण होईल.

  शिरोळ / शिवार न्यूज नेटवर्क : पत्रकार व पत्रकारांच्या कुटुंबीयांच्या कल्याणासाठी राष्ट्रीय पातळीवर काम करणाऱ्या व्हाईस ऑफ मीडिया कोल्हापूर जिल्हा शाखेमार्फत आयुष्यमान भारत कार्ड वाटप व आरोग्य तपासणी शिबिर आयोजित करण्यात आले आहे . शनिवारी १६ मार्च रोजी सकाळी साडे नऊ वाजता इंचलकरंजी येथील रोटरी श्री दगडूलाल मर्दा मानव सेवा केंद्र नाकोडानगर येथे आरोग्य शिबीर होणार असून पत्रकार व त्यांच्या कुटुंबीयांनी शिबिराचा लाभ घ्यावा असे आवाहन व्हॉइस ऑफ मीडियाचे कोल्हापूर जिल्हा प्रवक्ते डॉ दगडू माने यांनी केले आहे.           ते म्हणाले , व्हाईस ऑफ मीडियाचे कोल्हापूर जिल्हा अध्यक्ष राजेंद्र पाटील यांच्या नेतृत्वाखाली पत्रकारांचे संघटन चांगल्या पद्धतीने करण्यात आले असून जनसेवार्थ प्रिंट व इलेक्ट्रॉनिक मीडियामध्ये काम करणाऱ्या पत्रकार व त्यांच्या कुटुंबीयांचे आरोग्य सदृढ राहावे याकरिता इंचलकरंजी , शिरोळ ,कागल , हातकणंगले , करवीर यासह जिल्ह्यातील पत्रकारांच्या आरोग्य संपदेसाठी खास शिबिर होत आहे. या शिबिरामध्ये तज्ञ डॉक्टर व मार्गदर्शक उपस्थितीत राहणार असून आवश्यकता वाटल...

  सुनिल दावणे / शिवार न्यूज नेटवर्क :  राज्यातील शाळांच्या विकासासाठी राबविण्यात आलेल्या ‘मुख्यमंत्री माझी शाळा, सुंदर शाळा’ अभियानात गडहिंग्लज तालुक्यातील विद्या मंदिर नांगनूर शाळेने तृतीय क्रमांक मिळविला. मुख्यमंत्री माझी शाळा ,सुंदर शाळा अभियान पुरस्कार समारंभ सिम्बायोसिस स्कूल हरळी येथे पार पडला. या पुरस्कार कार्यक्रमात आमदार राजेश पाटील, गटविकास अधिकारी शरद मगर ,गटशिक्षणाधिकारी हलबागोळ यांच्याकडून शाळेचा पुरस्कार स्वीकारताना मुख्याध्यापिका सुनीता देवरकर , शाळा व्यवस्थापन समिती सदस्य दिपक रावण, सदस्य माणिक उपाध्ये उपसरपंच विकास मोकाशी , राजेंद्र गोणी ,ससाणे ,केंद्र प्रमुख राजेंद्र कोरवी , केंद्र समन्वयक यादगुडी.

शिरोळ / शिवार न्यूज नेटवर्क :  स्वर्गीय पुष्पलता वसंत ढेकणे यांच्या प्रथम स्मृतीदिनानिमित्त मातोश्री चाईल्ड क्लिनिक व रोटरी क्लब ऑफ शिरोळ हेरिटेज सिटी यांच्या संयुक्त विद्यमाने दत्तनगर केंद्रस्तरीय इयत्ता चौथीसाठी सराव प्रज्ञाशोध परीक्षा येथील राजश्री शाहू विद्यामंदिर शिरोळ नंबर १ येथे गुरुवार दिनांक १४ मार्च २०२४ रोजी घेण्यात येणार आहे.        शिरोळ पंचायत समितीच्या शिक्षण विभाग यांच्यावतीने जिल्हा परिषदेच्या शाळेतील विद्यार्थ्यांची गुणवत्ता वाढावी. यासाठी विविध सामाजिक संस्थांच्या सहयोगातून सराव प्रज्ञाशोध परीक्षा घेण्यात येत आहेत.गुरुवारी चौथीच्या विद्यार्थ्यांसाठी सराव प्रज्ञाशोध परीक्षा मातोश्री चाईल्ड क्लिनिक व रोटरी क्लब ऑफ शिरोळ हेरिटेज सिटी यांच्या माध्यमातून स्वर्गीय पुष्पलता वसंत ढेकणे यांच्या प्रथम स्मृतिदिनानिमित्त राजश्री शाहू विद्या मंदिरात सकाळी ११ ते दुपारी १ या वेळेत घेण्यात येणार आहेत परीक्षेतील प्रथम,द्वितीय, तृतीय क्रमांक येणाऱ्या विद्यार्थ्यांना शैक्षणिक साहित्य व सन्मानचिन्ह देऊन गौरविण्यात येणार आहे.शिरोळ तहसील कार्यालयातील निवासी नायब तह...

  दानोळी / शिवार न्यूज नेटवर्क :      दानोळी ( ता.शिरोळ ) येथून जाणाऱ्या शक्तीपीठ मार्गाच्या विरोधात शेतकऱ्यांची बैठक पार पडली.यावेळी शेतकरी एकजूट होऊन शक्तीपीठ महामार्ग विरोधी शेतकरी बचाव कृती समितीच्या माध्यमातून लाक्षणिक उपोषण करणार असल्याचे या बैठकीत निर्णय घेण्यात आला.      गावातील जवळपास १२५ गटातील शेतीमधून जाणाऱ्या शक्तीपीठ मार्गामुळे शेतकरी भुमिहीन होणार आहे.कोणत्याही परिस्थितीत हा मार्ग थांबविण्यासाठी दानोळी गावातील शेतकऱ्यांनी आज मंगळवारी लाक्षणिक उपोषण करुन शक्तीपीठ मार्गास विरोध करण्याचा निर्णय घेतला आहे.यावेळी दानोळी परिसरातील सर्व शेतकऱ्यांनी वज्रमुठ करुन शक्तीपीठ महामार्ग विरोधी शेतकरी बचाव कृती समितीची स्थापना करण्यात आली.      यावेळी कोणत्याही परिस्थितीत हा मार्ग थांबविण्यासाठी दानोळी गावातील शेतकऱ्यांनी लाक्षणिक उपोषण करुन शक्तीपीठ मार्गास विरोध करण्याचा निर्णय घेतला आहे.या महामार्गासाठी सर्वेक्षणाची प्रक्रिया सुरु करण्यात आलेली आहे परंतु होत असलेल्या या सर्वेक्षणाला दानोळी व परिसरातील शेतकऱ्यांनी विरोध केलेला आहे.प्रस्...

  हेरवाड / शिवार न्यूज नेटवर्क : मुख्यमंत्री माझी शाळा सुंदर शाळा अभियानांतर्गत केंद्र स्तरावर प्रथम आल्याबद्दल हेरवाड हायस्कूल हेरवाडचा आमदार डॉ. राजेंद्र पाटील यड्रावकर व गटशिक्षणाधिकारी मा.सौ.भारती कोळी यांच्या व इतर मान्यवरांच्या हस्ते शिल्ड, प्रमाणपत्र व पुष्पगुच्छ देऊन सत्कार करण्यात आला...कृष्णा हॉल नांदणी (ता.शिरोळ) येथे हा कार्यक्रम संपन्न झाला. या स्पर्धेतशा ळांचे बाह्यांग, परिसर,भौतिक सुविधा, शैक्षणिक गुणवत्ता,शासकीय योजनांची अंमलबजावणी, अभिलेखे इत्यादी सर्व माहिती तपासण्यात आली होती.विद्यालयातील सर्व शिक्षकांनी, शिक्षकेतर कर्मचारी आणि सर्व विद्यार्थ्यांनी यासाठी खूप सहकार्य केले.यासाठी संस्थेचे अध्यक्ष मा.श्री.रावसाहेब उर्फ दा.आ.पाटील, उपाध्यक्ष श्री प्रभाकर कनवाडकर,सचीव श्री अजीत पाटील,सर्व संचालकांचे प्रोत्साहन व मार्गदर्शन मिळाले. याप्रसंगी शिक्षण विस्तार अधिकारी अनिल ओमासे, पुरस्कार प्राप्त शाळांचे मुख्याध्यापक,शिक्षक उपस्थित होते. आभार शिक्षण विस्तार अधिकारी एन.व्ही.पाटील यांनी मानले तर सूत्रसंचलन महेश घोटणे व किरण पाटील यांनी केले.

  जयसिंगपूर / शिवार न्यूज नेटवर्क : शिरोळ टीचर्स प्रिमीयर लीग२०२४ सहाव्या पर्वातील तीन दिवसीय क्रिकेटच्या आनंद सोहळा शुक्रवार दि.८ ते१० मार्च २०२४ अखेर राजर्षी शाहू महाराज स्टेडियम जयसिंगपूर येथे संपन्न झाली.रविकुमार पाटील यांच्या आर.पी.चॅलेंजर्स संघ विजेता ठरला तर संतोष ठोमके यांच्या मामाज रायडर्स उपविजेता ठरला.नवीद पटेल यांचा शेर ए नवीद तिसऱ्या क्रमांकावर, शकील पिरजादे यांचा एस.पी. वॉरीयर्स चौथा क्रमांक तर सुनिल एडके यांचा वारणा टायगर्सला पाचवा कमांकावर समाधान मानावे लागले. कोल्हापूर व सांगली जिल्हयातील प्रमुख मान्यवर शिक्षक नेत्यांच्या व पदाधिकाऱ्यांच्या शुभहस्ते बक्षिस वितरण करण्यात आले. खेळाचा मनमुराद आनंद लुटण्यासाठी मोठया प्रमाणात दर्शकांनी उपस्थिती लावली होती.         या वर्षी शकिल पिरजादे यांचा एस.पी. वॉरियर्स, रविकुमार पाटील यांचा आर.पी. चॅलेंजर्स,नवीद पटेल यांचा शेर ए नविद, सुनिल एडके यांचा वारणा टायगर्स तर संतोष ठोमके यांचा मामा'ज रायडर्स या पाच संघांमध्ये साखळी पध्दतीने सामने खेळले गेले.पंचेचाळीस वर्षावरील खेळाडूसाठी एव्हरग्रीन ए.बी.सी.असे तीन संघ न...

  शिरोळ / शिवार न्यूज नेटवर्क : ग्रामीण भागातील विद्यार्थ्यांना चांगल्या पद्धतीचं शिक्षण मिळावे आणि यातून गुणवत्ताधारक विद्यार्थी घडावा यासाठी शिरोळ तालुक्यातील जिल्हा परिषद शाळांतील विद्यार्थ्यांसाठी शिरोळ प्रज्ञाशोध परीक्षा अर्थात एस.टी.एस.उद्या सोमवार दि.११ मार्च २०२४ रोजी तालुक्यातील १३ केंद्रांवर इयत्ता पहिली ते तिसरी च्या वर्गातील सर्व विद्यार्थ्यांची होणार आहे.पुढील वर्षी इयत्ता सहावी च्या वर्गातील विद्यार्थ्यांचा समावेश केला जाणार असल्याची घोषणा आमदार डॉ.राजेंद्र पाटील यड्रावकर यांनी केली आहे.         सदर परीक्षेसाठी आमदार डॉ.राजेंद्र पाटील यड्रावकर यांचे अनमोल सहकार्य लाभले आहे.शिरोळ तालुका प्रज्ञा शोध परीक्षेसाठी प्रश्नपत्रिका, उत्तरपत्रिका तसेच परीक्षेचे संपूर्ण नियोजनासाठी शिरोळ तालुक्याच्या शिक्षण विभागासाठी शाळा इमारत बांधकाम,कंपाऊंड बांधकाम, शैक्षणिक साधनांच्यासाठी नेहमीच तत्पर असणारे आमदार डॉ.राजेंद्र पाटील यड्रावकर यांनी ग्रामीण भागातील बहुजनांच्या विद्यार्थी -विद्यार्थिनींच्या बुध्दीमत्तेला चालना देण्याच्या हेतूने सदर परीक्षा होत आहे. पण सर्वस...

  शिरोळ / शिवार न्यूज नेटवर्क :         कनवाड - हसूर रस्त्यावर अज्ञात वाहनाने कनवाडहून हसूरकडे येणाऱ्या दुचाकीला पाठीमागून जोराची धडक दिली. वाहनाचे चाक दुचाकीस्वार सागर संभाजी जाधव (वय २० रा. हसुर) याच्या डोक्यावरून गेल्याने गंभीर दुखापत होऊन तो जागीच ठार झाला. या अपघाताची वर्दी उदय सुरेश जाधव यांनी शिरोळ पोलीसांत दिली. सागर जाधव हा मोटारसायकल हिरो स्प्लेंडर प्रो (एम एच ०९ बी जेड ०९५६) वरून कनवाडहून हसुरकडे येत होता. महेश कुपाडे यांच्या शेताजवळ पाठीमागून येणा अज्ञात वाहनाने त्याच्या दुचाकीला जोराची धडक दिली.        या धडकेत सागर दुचाकीवरून खाली रस्त्यावर पडला. त्यामुळे त्याच्या डोक्यावरून चाक गेल्याने तो गंभीर जखमी होऊन जागीच ठार झाला. अधिक तपास पोलीस उपनिरीक्षक माने करीत आहेत.

  जयसिंगपूर / शिवार न्यूज नेटवर्क : ग्रामीण भागातील विद्यार्थ्यांना चांगल्या पद्धतीचं शिक्षण, शाळेची असणारी भौगोलिक परिस्थिती,परिसराची स्वच्छता आणि यातून घडणारा गुणवत्ताधारक विद्यार्थी यासाठीच मुख्यमंत्री माझी शाळा सुंदर शाळा हा उपक्रम दिशादर्शक ठरला आहे.यापुढेही जिल्हा परिषद शाळांच्या उन्नतीसाठी शासनाने नेहमीच कटिबद असेल.जिल्हा परिषद शाळांची भौगोलिक परिस्थिती, भौतिक सुविधा व साधनसंपत्ती सुधारण्यासाठी लागेल तेवढा निधी देऊन इंग्रजी माध्यमांच्या बरोबर जिल्हा परिषदेची शाळा बनवून शैक्षणिक विकास साधला जाईल.असे प्रतिपादन माजी आरोग्य राज्यमंत्री आमदार डॉ.राजेंद्र पाटील यड्रावकर यांनी केले.  कृष्णा हॉल नांदणी (ता.शिरोळ) येथील मुख्यमंत्री माझी शाळा सुंदर २०२४ च्या पुरस्कार प्रदान समारंभात ते बोलत होते. प्रारंभी स्वागत व प्रास्ताविक गट शिक्षण अधिकारी भारती कोळी यांनी केले,त्या पुढे म्हणाल्या, अभियानात पुरस्कारासाठी काही निवडक शाळा जरी निवडल्या असल्या तरीही तालुक्यातील सर्वच माध्यमाच्या, व्यवस्थापनाच्या शाळांनी २-३ महिन्यांमध्ये इतके उत्तुंग काम केले आहे.शाळांचे बाह्यांग, परिसर,भौतिक सुव...

  अजित कांबळे / शिवार न्यूज नेटवर्क : कोडणी ता निपाणी गावात आतापर्यंत कोट्यावधी रुपयांची विकास कामे झाली असून कोडणी- निपाणी रस्त्याचे लवकरच रुंदीकरण केले जाईल अशी ग्वाही आमदार शशिकला जोले यांनी दिली.     कोडणी ग्रामपंचायत कार्यक्षेत्रात आमदार शशिकला जोल्ले, खासदार अण्णासाहेब जोले यांच्या प्रयत्नातून मंजूर झालेल्या ३ कोटी २८ लाखातून जलजिवन मिशन योजना शुभारंभ व १८ लाखातून निर्माण केलेल्या अंगणवाडी लोकार्पण असा संयुक्त कार्यक्रम पार पडला. त्याप्रसंगी त्या बोलत होत्या.     अध्यक्षस्थानी ग्रामपंचायत अध्यक्ष राजू खवरे होते. राजेंद्र कानडे यांनी स्वागत करून जोल्ले यांनी राबविलेल्या विकास कामांचा आढावा घेतला. प्रारंभी महिलांच्या हस्ते पूजन करून श्रीफळ वाढवण्यात आले. आमदार जोल्ले यांनी टिकाव मारून कामाचा प्रारंभ केला.     आमदार जोल्ले पुढे म्हणाल्या, पंतप्रधान मोदी यांनी  उज्वला गॅस , किसान सन्मान, आरोग्य विमा, यासारख्या अनेक योजना अमलात आणल्या आहेत. जनतेला शुद्ध पाणी मिळावे या उद्देशाने जलजीवन मिशन योजना अमलात आणली आहे. यामुळे आता नागरिकांना शुद्ध पाणी मि...