शिवार वार्ता न्यूज नेटवर्क

  दानोळी / शिवार न्यूज नेटवर्क : दानोळी (ता. शिरोळ) येथील अहिल्या नगर येथे अर्जुन गावडे यांच्या शेड वजा गोठ्यातील शेळीच्या पिलांवर भटक्या कुत्र्यांनी हल्ला केला.यात शेळीची चार पिले ठार झाली असल्याने गावडे यांचे हजारो रुपयांचे आर्थिक नुकसान झाले आहे.        येथे दोन दिवसांपूर्वी अनिल कारंडे यांच्या पिलांवर देखील भटक्या कुत्र्यांनी हल्ला केला होता.यात कारंडे यांच्या शेळीचे एक पिल्लू ठार झाले होते.दरम्यान ही घटना ताजी असतानाच बुधवारी रात्री पुन्हा अर्जुन गावडे यांच्या गोठ्यातील शेळीच्या पिलांवर भटक्या कुत्र्यांनी हल्ला केला आहे.यात शेळीच्या चार पिलांचा कुत्र्यांनी अक्षरशः जाग्यावरच फडशा पाडला आहे.दानोळीत भटक्या कुत्र्यांचा उच्छाद वाढला आहे.येथील नागरिक व पाळीव प्राण्यांवर भटक्या कुत्र्यां कडुन वारंवार हल्ले होत आहेत.पूर्ण वाढ झालेली व निर्ढावलेली भटकी कुत्री, झुंडीने गावात सर्वत्र बेदरकारपणे फिरत आहेत.यामुळे गावात भटक्या कुत्र्यांची मोठी दहशत निर्माण झाली आहे. या घटनेत गावडे यांचे मोठे आर्थिक नुकसान झाले आहे. दरम्यान भटक्या कुत्र्यांचा बंदोबस्त करण्यात यावा अशी ...

  जयसिंगपूर / शिवार न्यूज नेटवर्क : अखिल भारतीय नामदेव क्षत्रिय महासंघाच्यावतीने रविवार दि. १ डिसेंबर रोजी संत शिरोमणी नामदेव महाराज जयंती उत्सव सोहळ्याचे आयोजन करण्यात आले आहे. यानिमित्ताने विविध धार्मिक कार्यक्रम होणार असल्याची माहिती महासंघाचे शिरोळ तालुकाध्यक्ष सुरेश पुकाळे यांनी दिली आहे.   राष्ट्रीय व राज्य पातळीवर नामदेव, शिंपी समाजाचे कार्य कसे चालते, केंद्र व राज्य शासनाच्या शासकिय योजनांची माहिती मिळावी, नामदेव, शिंपी समाजाची एकजुठ व्हावी, समाजाचा स्नेहभाव वाढून सर्वांचा परिचय व्हावा याकरीता या सोहळ्याचे आयोजन करण्यात आले असून उपस्थित मान्यवरांच्या हस्ते दीपप्रज्वलन व संत शिरोमणी नामदेव महाराज यांच्या प्रतिमेचे पूजन करून कार्यक्रमाची सुरवात होणार आहे. यानंतर दिंडी व पालखी सोहळा होणार आहे. तुलशी ब्लड बँकेच्यावतीने रक्तदान शिबीर आयोजित करण्यात आले आहे. मिरज येथील सौ. पूजा कपील कोपार्डे यांचे नारदीय किर्तन होणार आहे. त्यानंतर विवेका सुरेश पुकाळे, अनुष्का राजेंद्र भस्मे यांच्या कथक नृत्यातील गणेश वंदना होणार आहे. यानंतर अखिल भारतीय नामदेव क्षत्रिय महासंघाच्या कोल्हापूर व...

  संदीप कोले / शिवार न्यूज नेटवर्क :  हातकणंगले तालुक्यातील शिरोली पुलाची येथे अतिशय प्रतिकूल परिस्थितीत शिक्षण घेत मुख्याध्यापक विठ्ठल गुरव यांनी शिक्षण क्षेत्रात उल्लेखनीय कार्य करत गाव पातळीपासून राज्य पातळीपर्यंत अनेक पुरस्कार प्राप्त केले. त्यांच्याकडून असंख्य चांगले विद्यार्थी घडले. त्यांची सर्वांना सहकार्य करायची भावना अतिशय मोलाची आहे. शिक्षण क्षेत्रातील त्यांचे काम दीपस्तंभासारखे आहे ,असे प्रतिपादन जिल्हा परिषद उपशिक्षणाधिकारी एस .के. यादव यांनी केले. शिरोली ता. हातकणंगले येथे विद्या मंदिर शिरोली नंबर एकचे मुख्याध्यापक विठ्ठल बळी गुरव यांच्या सेवानिवृत्त कार्यक्रमात ते प्रमुख पाहुणे म्हणून बोलत होते .कार्यक्रमाचे अध्यक्षस्थानी केंद्रप्रमुख कृष्णात पाटील होते तर विस्तार अधिकारी जे टी पाटील हे प्रमुख उपस्थित होते.केंद्र शाळा नागाव व विद्या मंदिर शिरोली नंबर 1 शाळेच्या वतीने मुख्याध्यापक विठ्ठल गुरव यांचा सेवानिवृत्तीनिमित्त सपत्नीक सत्कार करण्यात आला. यावेळी केंद्र मुख्याध्यापक भीमराव कांबळे, स्वप्नजा गुरव, दत्तात्रय गुरव, विस्तार अधिकारी जे.टी.पाटील साहेब ,कें...

  शिरोळ / शिवार न्यूज नेटवर्क : हजरत नूरखान बादशाह की दोस्तारो धिनच्या गजरात श्री बुवाफन महाराज उत्सव व हजरत नुरखान बादशाह उरूस समिती, व शिरोळ नगरपरिषद यांच्यावतीने हजरत नूरखान बादशाह समाधी स्थळास मानाचा गलिफ मान्यवरांच्या हस्ते अर्पण करण्यात आला. यावेळी शिरोळ तालुक्याचे आमदार राजेंद्र पाटील यड्रावकर, दत्त उद्योग समूहाचे नेते उद्यान पंडित गणपतराव पाटील यांची प्रमुख उपस्थिती होती.  गुरुवारी सायंकाळी शिरोळ नगरपरिषद येथून हजरत नूरखान बादशाह समाधी स्थळास अर्पण करण्यात येणाऱ्या मानाच्या गलिफाची मिरवणूक काढण्यात आली. बँन्ड आणि पारंपारिक वाद्याचा गजरात, आणि शोभेच्या दारूची आकर्षक आतिषबाजी करीत ही मिरवणूक काढण्यात आली. यावेळी हजरत नूरखान बादशाह की दोस्तारो धिनचा अखंड जयघोष करीत विविध क्षेत्रातील मान्यवरांबरोबरच नागरिक मोठ्या संख्येने सहभागी झाले होते.  शिरोळचे आमदार डॉ. राजेंद्र पाटील यड्रावकर, श्री दत्त उद्योग समूहाचे प्रमुख सहकारमहर्षी गणपतराव पाटील, माजी आमदार उल्हास पाटील शिवप्रतिष्ठानचे अध्यक्ष रावसाहेब देसाई, शिरोळ पालिकेचे प्रशासक निशिकांत परचंडराव, युवा नेते पृथ्वीराजस...

  संदीप कोले / शिवार न्यूज नेटवर्क :  रत्नागिरी नागपूर या नवीन राष्ट्रीय महामार्गाचे काम युध्दपातळीवर सुरू असून डोंगर भागाकडे हजारो एकर शेती असणाऱ्या शेतकऱ्यांना 142/200 या गटामध्ये दुभाजकाची अत्यंत गरज असलने महामार्गावर दुभाजक करुन देण्यात यावा अन्यथा तिव्र आंदोलन छेडण्याचा इशारा शेतकऱ्यांनी दिला आहे. गावाबाहेरच्या उत्तरेस डोंगर भागाकडे रत्नागिरी नागपूर या नवीन महामार्गाचे काम युद्ध पातळीवर सुरू आहे. शासनाने हा रस्ता पूर्ण करण्यासाठी सर्व यंत्रणा गतिमान केली आहे.शासनाने या महामार्गात येणाऱ्या शेतजमिनींचे भूसंपादन करून रस्त्याचे काम सुरू ठेवले आहे.      रत्नागिरी ते नागपूर या महामार्गाच्या टप्प्यात 49 गावातून हा रस्ता जात आहे. यामध्ये हातकणंगले तालुक्यातील 6 गावांचा समावेश आहे. यामध्ये नागाव, टोप ,वडगाव,हेर्ले' माले ,चोकाक ही गावे समाविष्ट आहेत.  गावच्या उत्तर दिशेला डोंगर भाग आहे. या ठिकाणी पंचगंगा नदीतून पाईपलाईन नेऊन उसाची समृद्ध शेती शेतकऱ्यांनी केली आहे. या डोंगर भागाकडे ऊसाचे क्षेत्र मोठ्या प्रमाणात आहे .काही दिवसा मध्ये ऊस कारखाने सुरू होव...

  अनिल जासूद / शिवार न्यूज नेटवर्क : बाहुबली विद्यापीठ संचलित सन्मति विद्यालय तारदाळ येथे संविधान दिन उत्साहात संपन्न झाला .कार्यक्रमाच्या अध्यक्षस्थानी पर्यवेक्षक पी बी शेट्टी हे होते. यावेळी वक्ते ए.एस चोपडे ,आर सी.चौगुले ,ए.पी चौगुले ,आर सी चौगुले, ज्येष्ठ अध्यापक व्ही एम खोत यांची प्रमुख उपस्थिती होती. यावेळी मान्यवरांच्या हस्ते डॉ. बाबासाहेब आंबेडकर यांच्या प्रतिमेचे पूजन करण्यात आले. आर.सी चौगुले यांनी स्वागत व प्रस्तावित केले . यावेळी संविधानाविषयी प्रथमेश सुतार ,भूमिका खोबरे ,सई मोरे , अन्वी कदम यांनी मनोगत व्यक्त केले. वक्ते श्री चोपडे म्हणाले ,"गरीब व श्रीमंतांना समानतेने जगण्याची प्रेरणा देणारा एक ग्रंथ म्हणजे 'संविधान' होय .संविधानाची निर्मिती बाबासाहेब आंबेडकर यांनी केल्यामुळे आपल्या देशाचा घटनात्मक विकास खूप चांगल्या पद्धतीने होत आहे. संविधानातील कलमांचे आपण सर्वांनी पालन केल्यास लोकशाही बळकटीला हातभार लागेल". अध्यक्षीय भाषणात पर्यवेक्षक श्री शेट्टी म्हणाले ",देशभक्त रत्नाप्पाणा कुंभार हे मूळ घटनासमिती वेळी सदस्य होते‌ .त्यांची देखील त्यावर स्वा...

शिरोळ / शिवार न्यूज नेटवर्क :  येथील ग्रामदैवत श्री बुवाफन महाराज उत्सव व हजरत नूरखान बादशाह उरूसानिमित्त आयोजित केलेल्या कुस्ती मैदानात प्रथम क्रमांकाची कुस्ती उपमहाराष्ट्र केसरी संदीप मोटे विरुद्ध महाराष्ट्र चॅम्पियन पै संतोष जगताप यांच्यात रंगतदार कुस्ती होऊन पै संतोष जगताप यांने पै संदीप मोटे यास घुटना डावावर आस्मान दाखविले. या कुस्ती मैदानात सुमारे १५० हून अधिक चटकदार व रंगतदार कुस्त्या उत्साहात पार पडल्या. श्री बुवाफन महाराज उत्सव व हजरत नूरखान बादशाह उरूस समितीच्या वतीने येथील कै. माजी आमदार दिनबंधू दिनकररावजी यादव कुस्ती आखाडा येथे कुस्ती मैदानाचे आयोजन करण्यात आले होते. कुस्ती मैदानाचे पूजन पै. आण्णासो पुजारी यांच्या हस्ते झाले. श्री दत्त उद्योग समूहाचे प्रमुख उद्यानपंडित गणपतराव पाटील, माजी केंद्रीय मंत्री प्रतीक पाटील, युवानेते पृथ्वीराज सिंह यादव पै शंकरराव पुजारी कोथळीकर, संजीव पुजारी, माजी नगरसेवक दयानंद जाधव, उद्योगपती रणजीत शिंदे, दत्त कारखान्याचे संचालक अनिलराव यादव, शिवप्रतिष्ठानचे अध्यक्ष रावसाहेब देसाई, बाजार समितीचे संचालक विजयसिंह माने देशमुख, रामदास गावडे, सच...

शिरोळ / शिवार न्यूज नेटवर्क :     येथील ग्रामदैवत श्री बुवाफन महाराज उत्सव व हजरत नूरखान बादशाह उरूसानिमित्त आयोजित केलेल्या जनरल बैलगाडी शर्यतीत उदय जगदाळे यांच्या हरिपूरच्या गजा व कोल्हापूरच्या भुंडा या बैलजोडीने प्रथम क्रमांक मिळवत ५१ हजार रोख रक्कम व निशान कायम चषक पारितोषिक पटकाविले. ब गट जनरल बैलगाडी शर्यतीत गट क्रमांक एकमध्ये पप्पू पाटील आणि गट क्रमांक दोनमध्ये यांच्या बैलगाडीने प्रथम क्रमांक मिळवला. जनरल घोडागाडी शर्यतीत गुरु माळी यांच्या घोडागाडीने हे मैदान मारले. शिरोळ येथील जनरल अ व ब गट बैलगाडी आणि जनरल घोडागाडी शर्यती पाहण्यासाठी येथील कनवाड रस्त्यावरील मिठारगी येथे लाखो शर्यती शौकिनांनी गर्दी केली होती. शासनाच्या नियमानुसार अटी व शर्तीस अधीन राहून गुरुवारी शिरोळचे मैदान पार पडले. याकरिता शर्यत पंच, उत्सव व उरूस कमिटीचे सर्व पदाधिकारी व सदस्यांनी विशेष परिश्रम घेतले. शर्यती पाहण्यासाठी सकाळपासूनच शर्यतीचे मैदान गर्दीने फुलून गेले होते, अ गट जनरल बैलगाडी शर्यतीसाठी ११ बैलगाड्यांच्या नोंदी झाल्या होत्या. तर ब गट जनरल बैलगाडी शर्यतीसाठी ३२ बैलगाड्या सहभागी झाल्या हो...

शिरोळ / शिवार न्यूज नेटवर्क : श्री दत्त-शिरोळ कारखान्याच्या सन २०२४- २०२५ या ५३ व्या ऊस गळीत हंगामाचा शुभारंभ कारखान्याचे मार्गदर्शक संचालक उद्यानपंडीत गणपतराव पाटील यांच्या शुभहस्ते सकाळी १०-५१ वाजता संपन्न झाला. तत्पूर्वी सकाळी १०-०० वाजता कारखान्याचे सर्व संचालक मंडळ व मान्यवरांच्या शुभहस्ते काटापूजन करण्यात आले.      प्रारंभी कारखान्याचे कार्यकारी संचालक एम. व्ही. पाटील यांनी उपस्थित सर्व मान्यवरांचे स्वागत केले. कारखान्याचे मार्गदर्शक संचालक गणपतराव पाटील म्हणाले, कारखान्याने नेहमीच सभासदांचे हित जोपासले आहे. सहकार चळवळ टिकली पाहिजे. सहकार चळवळ टिकली तरच सर्वसामान्य जनतेचे हित जोपासले जाईल. कारखान्याने सभासद केंद्रस्थानी मानून कारखाना व्यवस्थापनाचे कामकाज चालू आहे. या हंगामासाठी एकरकमी एफआरपी प्रतिटन रुपये ३१४०/- देणार असून या हंगामात १५ लाख मे. टन ऊस गाळपाचे उद्दीष्ट ठेवले असल्याचे सांगून सर्व सभासद बंधूंनी आपला ऊस कारखान्यास गळीतास पाठवून सहकार्य करावे अशी विनंती केली.कारखान्याचे चेअरमन रघुनाथ देवगोंडा पाटील यांनी सर्व उपस्थितांचे आभार मानले.      या...

अनिल जासुद / शिवार न्यूज नेटवर्क :  नृसिंहवाडी येथील श्री स्वामी समर्थ गुरुपीठ दत्तधाममध्ये दत्तजयंतीनिमित्त सोमवार दि.९ ते १६ डिसेंबर अखेर सामुहिक श्री गुरुचरित्र वाचन पारायण सप्ताह,अखंड नाम,जप,यज्ञ सप्ताह,महाप्रसाद तसेच विविध धार्मिक कार्यक्रमाचे आयोजन करण्यात आले आहे.       आखिल भारतीय श्री स्वामी समर्थ गुरुपीठ त्र्यंबकेश्वर (नाशिक)चे पिठाधीश परमपुज्य गुरुमाऊली यांच्या आदेशानुसार व गुरुपुत्र चंद्रकांतदादा यांच्या मार्गदर्शनाखाली नृसिंहवाडीसह गाणगापुर,पिठापुर,त्र्यंबकेश्वर या चार गुरुपीठात तसेच देश-विदेशातील सर्व श्री स्वामी समर्थ केंद्रात एकाचवेळी सप्ताह होणार आहे.      सप्ताहामध्ये रविवारी दि.८ डिसेंबर रोजी ग्रामदेवता सन्मान,मंडल मांडणी होईल. सोमवार दि.९ रोजी मंडल स्थापना,अग्निस्थापना,स्थापित देवता हवन, सामुहिक श्री गुरुचरित्र वाचनास सुरुवात होईल.मंगळवार दि.१० रोजी नित्यस्वाहाःकार,श्री गणेश याग व मनोबोध याग होईल.बुधवार दि.११ रोजी नित्यस्वाहाःकार व गीताई याग होईल.गुरुवार दि.१२ रोजी नित्यस्वाहाःकार व श्री स्वामीयाग होईल.शुक्रवार दि.१३ रोजी नित्यस्वा...

नृसिंहवाडी / शिवार न्यूज नेटवर्क : महाराष्ट्र राज्यात झालेल्या विधानसभा निवडणुकीमध्ये महायुतीला घवघवीत यश मिळाले. महायुतीचा घटक पक्ष असलेल्या भाजपचे माजी मुख्यमंत्री देवेंद्र फडणवीस यांना पुन्हा महाराष्ट्राचे मुख्यमंत्री व्हावेत यासाठी शिरोळ तालुका भारतीय जनता पार्टी यांच्याकडून आज नृसिंहवाडी येथील दत्त मंदिरात अभिषेक घालून प्रार्थना करण्यात आली. श्री गुरुदत्त शुगर्स चे चेअरमन माधवराव घाटगे यांच्या मार्गदर्शनाखाली हा अभिषेक घालण्यात आला. देवेंद्र फडणवीस मुख्यमंत्री असताना महाराष्ट्रामध्ये विविध विकास कामांचा डोंगर रचला होता.प्रत्येक समाजाला न्याय देण्याची भूमिका त्यांनी घेतली होती. तसेच महाराष्ट्रात मोठ्या प्रमाणात उद्योगधंदे आणून परकीय गुंतवणूक मोठ्या प्रमाणात करण्यात आली होती. त्यांच्या या कामगिरीमुळे महाराष्ट्रातील हजारो तरुण तरुणांच्या हाताला रोजगार मिळाला होता.शेतकऱ्यांसाठी जलयुक्त शिवार यासारख्या अनेक योजना राबवून शेतकऱ्यांच्या पाठीशी खंबीरपणे उभी राहण्याची भूमिका त्यांनी घेतली होती. स्वच्छ व पारदर्शक कारभार व सर्वांना सोबत घेऊन त्यांनी महाराष्ट्राचा चेहरा मोहरा बदलला असल्याचे ...

  अजित कांबळे / शिवार न्यूज नेटवर्क :    बोरगाव येथील पी एम श्री सरकारी मराठी उच्च प्राथमिक शाळेची दिव्यांग विद्यार्थिनी कुमारी दिव्या सचिन रत्नाकर हिने चिक्कोडी शैक्षणिक जिल्हातील शाळेच्या दिव्यांगांच्या क्रीडास्पर्धेत उज्ज्वल यश प्राप्त करून तिची राज्य स्पर्धेसाठी निवड झाली आहे.      कुमारी दिव्या सचिन रत्नाकर या पी एम श्री सरकारी मराठी उच्च प्राथमिक शाळा, बोरगाव शाळेतील इयत्ता सहावी मध्ये शिकणाऱ्या दिव्यांग विद्यार्थिनीने चिक्कोडी शैक्षणिक जिल्हास्तरीय विशेषचे तन प्राथमिक शाळेत शिकणाऱ्या विद्यार्थ्यांच्या क्रीडास्पर्धेत धावणे आणि गोळाफेक स्पर्धेत प्रथम क्रमांक पटकावून उज्ज्वल यश संपादन केले.      बोरगाव क्लस्टरमधून तिने धवल यश प्राप्त केल्याने तिचे सर्वत्र कौतुक होत आहे. मुडलगी येथे झालेल्या जिल्हा स्तरीय स्पर्धेत गोळा फेक व पळणे यामध्ये तिने क्रमांक मिळविला आहे.यापुढे ती राज्यस्तरीय स्पर्धेमध्ये भाग घेण्यासाठी पात्र ठरली आहे.     शाळा सुधारणा समिती व शिक्षक वृंद कडून कुमारी दिव्या हीचा शाल श्रीफळ देऊन सत्कार करण्यात आला. स्व...

   अनिल जासूद / शिवार न्यूज नेटवर्क :  येथे बाहुबली विद्यापीठ संचलित सन्मति विद्यालय तारदाळ चा विद्यार्थी प्रणव शितल कांबळे याने 17 वर्षे वयोगटांमध्ये 70 किलो वजनी गटात किक बॉक्सिंग या खेळामध्ये जिल्ह्यामध्ये प्रथम क्रमांक सदरच्या स्पर्धा हातकणंगले नरंदे येथे पार पडल्या. विभागीय स्पर्धा सातारा येथे तीन व चार डिसेंबर रोजी संपन्न होणार आहेत.यशस्वी खेळाडूला शाळेचे मुख्याध्यापक सी.जी तेरदाळे व पर्यवेक्षक पी बी. शेट्टी ,क्रीडा अध्यापक ए.पी चौगुले यांची प्रेरणा मिळाली.

  शिरोळ / शिवार न्यूज नेटवर्क :  शिरोळचे ग्रामदैवत श्री बुवाफन महाराज उत्सव व हजरत नूरखान बादशाह उरूस सोमवार पासून मोठ्या उत्साहात आणि धार्मिक वातावरणात सुरू झाला आहे. उत्सव आणि उरूसानिमित्त आयोजित केलेल्या गावातील दुबैली गाड्यांच्या शर्यतीत अमित संकपाळ यांची बैलगाडीने प्रथम क्रमांक मिळवला.गावातील घोडागाडी शर्यतीत बबलू शेट्टी यांची घोडागाडी, तर बिनदाती व दोनदाती बैलगाडी शर्यतीत अभिषेक कोळी यांच्या बैलगाडीने प्रथम क्रमांक मिळवला. विजेत्या सर्व स्पर्धकांना मान्यवरांच्या हस्ते निशान रोख रक्कम आणि कायम चषक बक्षीस म्हणून देण्यात आले.  श्री बुवाफन महाराज उत्सव व हजरत नूरखान बादशाह उरूसानिमित्त सोमवारी व मंगळवारी विविध स्पर्धा आणि शर्यती मोठ्या उत्साहात संपन्न झाल्या. स्पर्धा व शर्यती पाहण्यासाठी शर्यती शौकिनांची येथील कनवाड रस्त्यावरील मिठारगी व अर्जुनवाड रस्त्यावर मोठी गर्दी केली होती. महिला व पुरुष रांगोळी, सायकल, मॅरेथॉन स्पर्धा. तसेच गावमर्यादित दुहेरी कॅरम स्पर्धा, व्हाॅलीबॉल स्पर्धा, मोटरसायकलबरोबर रेडकू पळविणे, मोटरसायकलबरोबर म्हैस पळविणे, या स्पर्धा. त्याचबरोबर गावातील ...

      कुरुंदवाड / शिवार न्यूज नेटवर्क : नवभारत शिक्षण मंडळ सांगली यांनी नाविन्यपूर्ण शैक्षणिक उपक्रम हाती घेतला असून या उपक्रमाद्वारे सर्व शाखांमधील इयत्ता अकरावी व बारावी मधील गुणवान विद्यार्थ्यांना भविष्यकाळातील करिअर मार्गदर्शनाच्या दृष्टीने मार्गदर्शन करणार या उपक्रमामध्ये कुरुंदवाडी येथील श्री दत्त कनिष्ठ महाविद्यालयाने सहभाग घेतला असून महाविद्यालयातील कला वाणिज्य विज्ञान शाखेतील सर्व गुणवान विद्यार्थ्यांना करिअर मार्गदर्शन संधी उपलब्ध करून देण्यात येत आहे. नवभारत शिक्षण मंडळ सांगली ही शैक्षणिक संस्था सतत गुणवंत विद्यार्थी घडविण्याच्या दृष्टीने पावले उचलीत असून अनेक उपक्रम राबवीत आहे संस्थेचे विद्यमान संचालक मा श्री गौतम पाटील यांच्या मार्गदर्शनाखाली विविध शाखांतील कला वाणिज्य विज्ञान शाखेतील विद्यार्थ्यांना याचा फायदा होणार आहे. या टॅलेंट हंट सर्च परीक्षा उपक्रमामध्ये अकरावी व बारावी मधील कला वाणिज्य विज्ञान शाखेतील विद्यार्थी व विद्यार्थिनी सहभाग नोंदवू शकतात .या टॅलेंट हँड्स सर्च परीक्षेमधून दहा गुणवान विद्यार्थ्यांची निवड करून नवभारत शिक्षण मंडळाच्या वतीने पुढील ...

शिरोळ / शिवार न्यूज नेटवर्क :       येथील ग्रामदैवत श्री बुवाफन महाराज उत्सव व हजरत नूरखान बादशाह उरूसास सोमवारपासून उत्साहात प्रारंभ झाला. सोमवारी सकाळी श्री बुवाफन महाराज मंदिरातील समाधीस्थळी महापूजा करून महाअभिषेक अर्पण करण्यात आला. रात्री श्री बुवाफन महाराज समाधीस गंध लावून मानाचा गलिफ अर्पण करण्याचा गंधरात्र सोहळा अमाप उत्साहात संपन्न झाला.  उत्सव व उरुसानिमित्त आयोजित महिला व पुरुष गटातील रांगोळी स्पर्धा, गाव मर्यादित दुहेरी कॅरम स्पर्धा, व्हाॅलीबॉल स्पर्धा, मोटर सायकलबरोबर रेडकू पळवणे, मोटरसायकलबरोबर म्हैस पळवणे या स्पर्धा उत्साहात संपन्न झाल्या.  श्री बुवाफन महाराज मंदिरात सकाळी मंदिराचे पुजारी राजशेखर हिरेमठ, अशोक हिरेमठ, महंतय्या हिरेमठ, अमोल हिरेमठ यांच्यासह हिरेमठ स्वामी परिवारातील सर्व सदस्य वीरशैव लिंगायत माळी समाज आणि बुवाफन महाराज भक्तगणाच्या उपस्थितीत, समाधी स्थळी महापूजा व महाअभिषेक अर्पण करून महाआरती करण्यात आली. श्री बुवाफन महाराज की जय श्री बुवाफन महाराज की दोस्तांनो धिन च्या जयघोषात हा धार्मिक सोहळा भक्तीमय वातावरणात पार पडला  सोमवार...

शिरोळ / शिवार न्यूज नेटवर्क : ऊस दराच्या प्रश्नावर आंदोलन अंकुश संघटनेने काल शिरोळच्या ऐतिहासिक छत्रपती शिवाजी चौकात आयोजित एल्गार सभेत "कोयता बंद" आंदोलनाची घोषणा केली. सभेत शेतकऱ्यांनी पाठिंबा दर्शविला असून, यावर्षीही ऊस दराच्या संघर्षाने पेट घेणार हे स्पष्ट झाले आहे.   मुख्य मागण्या आणि भाषणातील ठळक मुद्दे - 1. गत हंगामातील तोट्याची भरपाई म्हणून शेतकऱ्यांना ऊस तुटीवर 200 रुपये द्यावे.   2. चालू हंगामासाठी ऊसाचा पहिला उचल दर 3700 रुपये जाहीर करावा.   3. एफआरपी ही ऊसाची किमान किंमत असून, कारखानदारांनी नफ्यातील वाटा शेतकऱ्यांना देणे कायदेशीर आहे.   4. साखरेचे आणि उपपदार्थांचे वाढलेले दर पाहता, शेतकऱ्यांना योग्य दर मिळायला हवा.   5. कारखान्यांनी संघटनांशी दोन दिवसांत चर्चा करावी; अन्यथा आंदोलन अटळ आहे.   सभेची सुरुवात छत्रपती शिवाजी महाराजांच्या पुतळ्यास पुष्पहार अर्पण करून करण्यात आली. यावेळी विविध शेतकरी नेत्यांनी ऊस दराच्या मुद्द्यावर भाषणे दिली.  सभा संपताना शेतकऱ्यांनी परवडणारा दर मिळेपर्यंत ऊस तोड बंद ठेवण्याचा आणि बळ...

    कोल्हापूर / शिवार न्यूज नेटवर्क :     जिल्ह्यात 10 विधानसभा मतदारसंघामध्ये दि. 23 नोव्हेंबर रोजी मतमोजणीची प्रक्रिया पार पाडली जाणार आहे. या अनुषंगाने कायदा व सुव्यवस्था अबाधित राहून मतमोजणीची प्रक्रिया निर्भय व मुक्त वातावरणात पार पाडण्यासाठी जिल्हादंडाधिकारी तथा जिल्हाधिकारी अमोल येडगे यांनी भारतीय नागरिक सुरक्षा संहिता 2023 चे कलम 163 अन्वये जिल्ह्यात 23 नोव्हेंबर रोजी विजयी उमेदवाराची विजयी मिरवणुक काढणे, विजयी उमेदवाराचे कार्यकर्ते, कोणत्याही व्यक्ती, राजकीय पक्ष, संस्था यांनी गावातून, शहरातून मिरवणूक, रॅली काढणे, सार्वजनिक ठिकाणी गुलाल उधळणे अथवा त्याचा वापर करणे व फटाके लावणे, फोडण्यास मनाई करण्यात आली आहे. जिल्ह्यात होणारा सार्वत्रिक उपद्रव टाळण्यासाठी देण्यात आलेला हा आदेश दिनांक 23 नोव्हेंबर रोजी कोल्हापूर जिल्हा कार्यक्षेत्रासाठी लागू राहणार असून भारतीय नागरिक सुरक्षा संहिता 2023 चे कलम 163 (1) अन्वये तातडीच्या प्रसंगी एकतर्फी देण्यात येत आहे.  

कोल्हापूर / शिवार न्यूज नेटवर्क :      जिल्ह्यातील विधानसभा मतदारसंघांसाठीची मतमोजणी दिनांक 23 नोव्हेंबर रोजी मतदारसंघनिहाय मतमोजणीच्या ठिकाणी होणार आहे. या ठिकाणी उमेदवारांसोबत त्यांचे समर्थक, वाहने, कार्यकर्ते मोठ्या संख्येने उपस्थित असण्याची शक्यता असल्याने जिल्हाधिकारी तथा जिल्हा दंडाधिकारी अमोल येडगे यांनी भारतीय नागरिक सुरक्षा संहिता 2023 चे कलम 163 अन्वये प्रतिबंधात्मक आदेश जारी केले आहेत.  सदर आदेशान्वये, दिनांक 23 नोव्हेंबर रोजी सकाळी 7 वाजल्यापासून ते मतमोजणी संपेपर्यंत सर्व मतमोजणी केंद्रांच्या परिसरामध्ये पुढील नमूद कृत्ये करण्यास प्रतिबंध करण्यात आला आहे.  मतमोजणीदिवशी मतमोजणी ठिकाणापासून 200 मीटर सभोवतालच्या परिसरात मतमोजणी कर्मचारी, पुरवठादार, उमेदवार व त्यांचे नियुक्त केलेल्या प्रतिनिधींव्यतिरिक्त अन्य व्यक्तीला प्रवेश करता येणार नाही. मतमोजणी कालावधीत अथवा मतमोजणी प्रक्रिया पूर्ण झाल्यानंतर कोणत्याही प्रकारच्या लाऊड स्पिकरचा वापर सक्षम पोलीस अधिकाऱ्यांच्या लेखी पूर्वपरवानगीशिवाय रस्त्यावर, व्यासपीठावर किंवा फिरत्या वाहनावर बसवून करता येणार नाह...

  जयसिंगपूर / शिवार न्यूज नेटवर्क : शेतकऱ्यांचे जीवनमान उंचावण्यासाठी श्री गुरुदत्त शुगर्स ने सातत्याने प्रयत्नशील राहिला आहे . त्यामुळे गुरुदत्त शुगर्स व शेतकरी यांचे अतुट नाते तयार झाले आहे . शेतकऱ्यांच्या सर्वागीण विकासासाठी प्रयत्नशील असून यंदाच्या गळीत हंगामात उच्चांकी ऊसदराची पंरपरा कायम ठेवत असून शेतकऱ्यांनी जास्तीत - जास्त ऊस गाळपास कारखान्यास पाठवून सहकार्य करावे असे आवाहन श्री गुरुदत्त शुगर्स चे चेअरमन व कार्यकारी संचालक माधवराव घाटगे यांनी केले . कारखान्यांच्या २१ व्या गळीत हंगाम शुभारंभ व मोळी पूजन कार्यक्रम प्रसंगी श्री. घाटगे बोलत होते. चेअरमन व कार्यकारी संचालक माधवराव घाटगे, एक्झिक्युटिव्ह डायरेक्टर राहुल घाटगे, कारखान्याचे सर्व संचालक मंडळ व विविध मान्यवरांच्या शुभ हस्ते गव्हाणीत मोळी टाकून हंगामाचा शुभारंभ करण्यात आला . यावेळी बोलताना श्री. घाटगे म्हणाले , गेली २० वर्षे कारखान्याने अनेक टप्पे पार पाडत आज साखर उद्योगात भरारी घेतली आहे. शेतकरी व कारखाना ही साखर उद्योगाची दोन चाके असून ती व्यवस्थित चालली तरच साखर कारखानदारी टिकणार आहे. त्यामुळे यंदाचा हंगाम लवकर सु...

  अनिल जासूद / शिवार न्यूज नेटवर्क : शिरोळ विधानसभेसाठी गौरवाड मध्ये उच्चांकी ८४ टक्के मतदान झाले. दिवसभर मतदानासाठी तुरळक गर्दी होती.तरीही चार वाजल्यानतंर मतदान केंद्र क्रमांक २४७ वर मतदारांची जास्त गर्दी झाली.यामुळे मतदान प्रक्रिया सात वाजेपर्यंत सुरु राहीली.   गौरवाडमध्ये एकुण २५५५ मतदार आहेत.यापैकी २१४४ मतदारानी आपल्या बहुमोल मताचा हक्क बजावला. यातील मतदान केंद्र क्रमांक २४६ मध्ये एकुण १२७५ मतदारापैकी १०३५ मतदान झाले.यात ५३० पुरुष व ५०५ स्त्री मतदारानी मतदानाचा हक्क बजावला. मतदान केंद्र क्रमांक २४७ मध्ये एकुण १२८८ मतदारापैकी ११०९ मतदारानी मतदानाचा हक्क बजावला.यामध्ये ५६१ पुरुष व ५४७ स्त्री मतदारांनी हक्क बजावला. सरासरी मतदान ८४ टक्के उच्चांकी मतदान झाले. मविआ,स्वाभिमानी शेतकरी संघटना,राजर्षी शाहु विकास आघाडी,महायुतीच्या कार्यकर्त्यानी जास्तीत जास्त मतदान होण्यासाठी विशेष परिश्रम घेतले. सर्व मतदान प्रक्रिया शांततेत पार पडली.  

इसाक नदाफ / शिवार न्यूज नेटवर्क : राज्यात विधानसभा निवडणुकीसाठी आज मतदानाची प्रक्रिया पार पडली. दत्तवाड येथे सकाळी सात वाजल्यापासूनच मतदान ला सुरुवात झाली होती. विशेष म्हणजे सकाळपासूनच मतदारांनी मतदानाचा हक्क बजावण्यासाठी मतदान केंद्रावर रांगा लावल्या होत्या. दुपारी उन्हाच्या झळा लागत असल्याने सकाळी सकाळी मतदान करावे या हेतूने अनेकजण आलेले होते. त्यामुळे दत्तवाड येथील मतदारांनी सकाळी मतदान केंद्रावर मतदानाचा हक्क बजावला.  दत्तवाड येथे एकूण ७७३५ झालेले मतदान ६२२९ असे सरासरी ८०.५० टक्के मतदान झाले. दत्तवाड येथील जुनी ग्रामपंचायत, कुमार व कन्या शाळा, देशभक्त रत्नाप्पाण्णा कुंभार सभागृह, आ.ना.नेजे हायस्कूल या ठिकाणी मतदान केंद्रे स्थापन करण्यात आलेली होती. मोबाईल मतदान केंद्रात नेण्यास पोलिसांकडून मज्जा होत होता. त्यामुळे बहुतेक नागरिकांनी आणलेले मोबाईल बाहेर असलेल्या स्वयंसेवकाकडे ठेवून मतदानाला जात असल्याची दिसून येत होते.

संजय चव्हाण / शिवार न्यूज नेटवर्क :  सैनिक टाकळी मध्ये मतदानाला मोठा प्रतिसाद मिळाला सायंकाळपर्यंत 75.17% मतदान सैनिक टाकळी मधून झाले. सकाळपासून सर्वच मतदार रांगेमध्ये उभा राहून मतदान करत होते. दुपारनंतर मतदानाला थोडा वेग कमी आला परंतु दुपाारी ३ नंतर मतदानाला वेग आला. सर्व स्त्री-पुरुष वयोवृद्ध महिला पुरुष यांनी आपल्या मतदानाचा हक्क बजावला. सैनिक टाकळी मधील सर्वच नेत्यांचे कार्यकर्ते आपल्या मतदारांना मतदान बुथवर मिळेल त्या वाहनाने आणून सोडत होते. अगदी शांततेत मतदान सैनिक टाकळी मध्ये पार पडले. पोलिसांनी आपली कामगिरी व्यवस्थित रित्या अगदी शिस्तबद्ध पद्धतीने पार केली. अगदी आजारी माणुस सुद्धा आपला मतदानाचा हाक बजावला . व्हीलचेअर वर बसूनही येवुन काही वयोवृद्ध महिला पुरुषांनी मतदान केले . सायंकाळ पर्यंत 75.17 % मतदान सैनिक टाकळी मधुन झाले.

हैदरअली मुजावर / शिवार न्यूज नेटवर्क :     २८० शिरोळ विधानसभा मतदार संघातील शिरढोण(ता.शिरोळ) येथे अत्यंत चुरशीने ८१.८८टक्के मतदान शांततेत पार पडले यावेळी कोणताही अनुचित प्रकार घडला नाही.       एकूण ७४२३मतदार आहेत त्या पैकी ६०७८मतदारांनी आपला मतदानाचा हक्क बजावला.महायुती,महाविकास आघाडी, स्वाभिमानी शेतकरी संघटना या सर्वच पक्षाच्या कार्यकर्त्यांनी आधिकाधिक मतदान होण्यासाठी मतदान केन्द्रा पर्यंत मतदारांना घेऊन जाण्याची जणू चुरस लागली होती यामुळेच ८१.८८टक्के मतदान होऊन शिरोळ विधानसभा मतदार संघातील सर्व उमेदवारांचे भवितव्य मत पेटीत बंद झाले. असून आता सर्वांच्या नजरा शनिवार २३नोव्हेंबर रोजीच्या निकालाकडे लागल्या आहेत.

  273 कागल मतदारसंघात सर्वाधिक सरासरी 74.33 टक्के मतदान कोल्हापूर / शिवार न्यूज नेटवर्क :  विधानसभा सार्वत्रिक निवडणूक 2024 साठी कोल्हापूर जिल्ह्यात सकाळी 7 वाजल्यापासून मतदान प्रक्रिया सुरळीत व शांततेत सुरु आहे. जिल्ह्यातील 10 विधानसभा मतदार संघात 3 हजार 452 मतदान केंद्रांवर सुरु असलेल्या मतदानाची मतदारसंघ निहाय मतदानाची टक्केवारी पुढीलप्रमाणे.  सकाळी 7 ते सायंकाळी 5 वाजेपर्यतची विधानसभा मतदारसंघ निहाय आकडेवारी पुढीलप्रमाणे 271- चंदगड – 68.58 टक्के  272- राधानगरी –72.83 टक्के 273- कागल –74.33 टक्के 274- कोल्हापूर दक्षिण – 68.72 टक्के 275- करवीर – 72.18 टक्के 276- कोल्हापूर उत्तर – 59.76 टक्के 277- शाहूवाडी – 70.40 टक्के 278- हातकणगंले – 65.10 टक्के 279- इचलकरंजी – 57.83 टक्के 280- शिरोळ – 68.49 टक्के

  शिरोळ / शिवार न्यूज नेटवर्क : शिरोळ ग्रामपंचायतीचे माजी सदस्य विजय आरगे यांच्या मातोश्री श्रीमती कृष्णाबाई वसंतराव आरगे यांनी वयाच्या ९८व्या वर्षीही लोकशाही उत्सवात सक्रिय सहभाग घेतल्याचा आदर्श निर्माण केला आहे. त्यांनी स्वतः मतदान केंद्रावर जाऊन मतदानाचा हक्क बजावला, ज्यामुळे स्थानिक आणि जिल्हा निवडणूक यंत्रणेने त्यांच्या लोकशाहीप्रती असलेल्या निष्ठेबद्दल गौरव व्यक्त केला आहे.  कोल्हापूर जिल्हा निवडणूक विभागाने या प्रसंगी श्रीमती कृष्णाबाई आरगे यांना सन्मानपत्र देऊन त्यांच्या प्रेरणादायी कृतीचे कौतुक केले. या घटनेमुळे मतदारांमध्ये लोकशाहीच्या मुल्यांविषयी जागृती निर्माण झाली आहे.  कृष्णाबाई आरगे यांनी दाखवलेली उत्साहपूर्ण सहभागाची वृत्ती ही सर्व वयोगटातील मतदारांसाठी प्रेरणादायी आहे. त्यांच्या या कृतीमुळे वृद्ध वयातही समाज आणि देशाच्या प्रगतीसाठी योगदान देण्याची भावना कशी ठेवली जावी, याचा सुंदर संदेश दिला आहे.  शिरोळसह कोल्हापूर जिल्ह्यात ही घटना विशेष चर्चेचा विषय ठरली असून, निवडणूक प्रक्रियेमध्ये वृद्ध नागरिकांचा सहभाग वाढविण्यासाठीही ही घटना प्रेरणा ठरेल, असा व...

 कोल्हापूर जिल्ह्यातील 3452 मतदान केंद्रांपैकी 2090 मतदान केंद्रांवर वेबकास्टींग द्वारे निवडणूक विभागाची नजर जिल्हाधिकारी अमोल येडगे यांच्याकडून सनियंत्रण कक्षाची पाहणी कोल्हापूर / शिवार न्यूज नेटवर्क :  विधानसभा सार्वत्रिक निवडणूक जिल्ह्यातील दहाही विधानसभा मतदारसंघातील 3452 मतदान केंद्रांवर दि.20 नोव्हेंबर रोजी होत आहे. सर्व निवडणूक प्रक्रिया पारदर्शक आणि निर्विघ्न पार पाडण्यासाठी निवडणूक विभागाकडून एकुण 3452 मतदान केंद्रांपैकी 2090 मतदान केंद्रांवर वेबकास्टीग द्वारे कॅमेरे बसविण्यात आले आहेत. मतदान केंद्रांवर सुरू असलेल्या प्रत्येक प्रक्रियेवर जिल्हास्तरावरून नजर ठेवण्यात येत आहे. तसेच या कॅमेऱ्यांच्या मतदतीने कुठेही अनुचित प्रकार घडू नये म्हणून विशेष काळजी घेतली जाणार आहे. अनेक ठिकाणी मतदान केंद्रांवर विविध घटनांच्या तक्रारी येत असतात. त्यांची पाहणी करण्यासाठी, त्यांची शाहनिशा करण्यासाठी या कॅमेरांची मदत घेतली जाणार आहे. यामुळे मतदान प्रक्रियेवेळी होणाऱ्या गैर प्रकारांवर आपोपच आळा बसणार आहे. मुख्यालयात जिल्हाधिकारी तथा जिल्हा निवडणूक अधिकारी या सनियंत्रण कक्षाची वेळोवेळी य...

अजित कांबळे / शिवार न्यूज नेटवर्क :            निपाणी मतक्षेत्राच्या लोकप्रिय आमदार व कर्नाटक राज्याच्या माजी कॅबिनेट मंत्री आम शशिकला जोल्ले (वहिनी) यांच्या 55 व्या वाढदिवसा निमित्त हालशुगर कारखान्याचे संचालक व बोरगावचे विद्यमान नगरसेवक शरदराव जंगटे यांच्या वतीने येथील अपंग निराधार व गरजू लोकांना जीवनावश्यक वस्तूंच्या किटचे वाटप करण्यात आले.       बोरगाव येथील एकंदरीत 30 अपंग तथा निराधार लाभार्थ्यांना व टेक्सटाईल पार्क येथील जवळपास 35 गरजू लोकांना असे एकूण 65 कुटंबियाना या जीवनावश्यक किटचे वाटप नगरसेवक शरदराव जंगटे यांच्या पुढाकाराने आमदार जोल्ले प्रेमी गटाकडून करण्यात आले आहे.       आमदार जोल्ले दाम्पत्यानी आपल्या कार्य व कर्तुत्वाच्या जीवावर निपाणी मतदारसंघाचा कायापालट केला. बरोबरीने बोरगाव शहरासाठीही भरीव निधी उपलब्ध करून देऊन मूलभूत समस्या मार्गी लावण्याचा सातत्याने प्रयत्न केला.याची दखल घेऊन अशा या कर्तव्यदक्ष लोकप्रिय लोकप्रतिनिधींच्या वाढदिनी आपण हा छोटासा उपक्रम राबवून निराधाराना या जीवनावश्यक वस्तूंचे वाटप करण्यात य...

  कोल्हापूर / शिवार न्यूज नेटवर्क :      विधानसभा सार्वत्रिक निवडणूक 2024 च्या अनुषंगाने आदर्श आचारसंहिता काळात राजारामपुरी येथील कमला कॉलेज समोरील रस्त्यावर वाहनांची तपासणी करीत असताना इर्टिगा (ERTIGA) वाहन क्र. KA 17 P 2567 या क्रमांकाच्या वाहनात 10 लाख 95 हजार रुपये रक्कम आढळून आली असून ही रक्कम भरारी पथकामार्फत जप्त करण्यात आली आहे. जप्त करण्यात आलेल्या रकमेची आयकर विभागामार्फत पडताळणी करण्यात येणार असून त्यानंतर पुढील कार्यवाही करण्यात येईल, अशी माहिती 276 कोल्हापूर विधानसभा मतदारसंघाचे निवडणूक निर्णय अधिकारी डॉ. संपत खिलारी तथा उपजिल्हाधिकारी (महसूल) यांनी दिली आहे.           276 कोल्हापूर उत्तर विधानसभा मतदारसंघासाठी जिल्हाधिकारी अमोल येडगे यांच्या मार्गदर्शनाखाली 3 स्थिर सर्व्हेक्षण पथके (SST) व 11 भरारी पथके (FST) कार्यरत आहेत. भरारी पथक क्र. 9 चे पथक प्रमुख श्रीकांत शंकर माने यांना राजारामपुरी येथील कमला कॉलेज समोरील रस्त्यावर वाहनांची तपासणी करीत असताना ERTIGA वाहन क्र. KA 17 P 2567 या क्रमांकाचे वाहन जात असल्याचे दिसून आल्याने तप...

कोल्हापूर / शिवार न्यूज नेटवर्क :  तावडे हॉटेल, कोल्हापूर येथे निवडणूक दक्षता (व्हिजीलन्स) अधिकारी भासवून एका व्यावसायिकाला २५ लाख ५० हजार रुपयांना लुटणाऱ्या ५ जणांच्या टोळीला अटक करुन गांधीनगर पोलीस ठाणे येथे गु.र.नं. ४८०/२०२४ भारतीय न्याय संहिता २०२३ चे कलम २०४, ३१८ [४], ३१९ [२], ३१० [२], ३ [५] प्रमाणे गुन्हा दाखल करण्यात आला आहे. दिनांक १२ नोव्हेंबर २०२४ रोजी पहाटे ५.१५ वाजता तावडे हॉटेलच्या हायवे ब्रिजवर व्यावसायिक सुभाष लक्ष्मण हारणे, रा. बागल चौक, कोल्हापूर यांना ५ लोकांच्या टोळीने “निवडणूक व्हिजीलन्स अधिकारी आहोत, आचार संहिता सुरु असून तुम्ही रोख रक्कम जवळ ठेवू शकत नाही,” असे सांगुन फिर्यादीस गाडीमध्ये बसवून सरनोबतवाडी, ता. करवीर येथे घेवून जाऊन त्यांच्याकडील २५ लाख ५० हजार रुपयांची रोख रक्कम व मोबाईल हॅन्डसेट काढून घेतले होते.  सध्या विधानसभा निवडणूक २०२४ ची आचार संहिता लागू असून त्यामध्ये निवडणूक व्हिजीलन्स अधिकारी असल्याचा बनाव करुन रक्कम लुटल्याचा गंभीर स्वरूपाचा गुन्हा घडल्याने कोल्हापूर जिल्ह्याचे जिल्हाधिकारी तथा जिल्हा निवडणूक अधिकारी अमोल येडगे व पोलीस अधीक्षक ...

कोल्हापूर / शिवार न्यूज नेटवर्क : जिल्ह्यातील सर्व विधानसभा मतदार संघात मतदानाबाबत आवश्यक तयारी झाली असून मतदानपूर्व काळात आदर्श आचासंहितेचे योग्य पालन होण्यासाठी सर्व यंत्रणांनी योग्य कार्यवाही करावी. कोणत्याही प्रकारे आचरसंहिता उल्लंघन होवू देवू नका. तसे झाल्यास तात्काळ गुन्हे नोंदवावेत अशा सूचना निवडणूक निर्णय अधिकारी तसेच पोलीस विभागाचे अधिकारी यांच्या बैठकीत जिल्हाधिकारी तथा जिल्हा निवडणूक अधिकारी अमोल येडगे यांनी दिल्या. शेवटचे 72 तास, 48 तास या कालावधीत आयोगाच्या मार्गदर्शक सूचनांनुसार आचारसंहिता पालन झालीच पाहिजे. कुठेही अनियमितता दिसता कामा नये. स्थिर, फिरत्या पथकांची आवश्यकता वाटल्यास अजून त्यांच्या नेमणुका कराव्यात, मात्र कुठेही आचारसंहितेचे उल्लंघन होता कामा नये असे निर्देश त्यांनी दूरदृश्यप्रणालीद्वारे झालेल्या बैठकीत दिले. यावेळी अपर जिल्हाधिकारी संजय शिंदे, उपजिल्हाधिकारी निवडणूक समाधान शेंडगे, निवासी उपजिल्हाधिकारी संजय तेली जिल्हास्तरावर उपस्थित होते. शेवटच्या कालावधीत प्रचार होत असताना होणारे आचारसंहितेचे उल्लंघन रोखण्यासाठी स्थानिक स्वराज्य संस्थांनी विशेष लक्ष देवून...

कोल्हापूर / शिवार न्यूज नेटवर्क : विधानसभा सार्वत्रिक निवडणूक 2024 च्या गृहमतदानाला दिनांक 14 नोव्हेंबर रोजी सुरुवात झाली होती. आज उर्वरित मतदान झाल्यानंतर एकूण 4 हजार 637 मतदारांपैकी 4 हजार 430 येवढ्या मतदारांनी मतदान केले. भारत निवडणूक आयोगाने 85 वर्षांपुढील व दिव्यांग मतदार जे मतदान केंद्रापर्यंत जाऊ शकणार नाहीत. त्यांच्यासाठी गृह मतदानाची सुविधा उपलब्ध करुन दिली आहे. जिल्ह्यातील 10 विधानसभा मतदार संघातील 85 वर्षांपेक्षा जास्त वयाचे, दिव्यांग मतदारांची नोंद करून अर्ज भरून घेतले आहेत.           विधानसभा संघनिहाय गृह मतदारांची संख्या व एकूण मतदान पुढीलप्रमाणे आहे.  271- चंदगड 541 पैकी 513, 272- राधानगरी 664 पैकी 633, 273- कागल 738 पैकी 717, 274- कोल्हापूर दक्षिण 527 पैकी 509, 275- करवीर 428 पैकी 410, 276- कोल्हापूर उत्तर 470 पैकी 444, 277- शाहुवाडी 447 पैकी 422, 278- हातकणगंले 176 पैकी 169, 279- इचलकरंजी 229 पैकी 224, 280- शिरोळ 417 पैकी 389 मतदारांनी मतदान केले.         मतदान केंद्रात जावून मतदान करणे शक्य नसलेल्या जिल्ह्यात...

      कोल्हापूर / शिवार न्यूज नेटवर्क :       क्रीडा व युवक सेवा संचानालय, पुणे अंतर्गत जिल्हा क्रीडा अधिकारी, कोल्हापूर यांच्या वतीने झालेल्या जिल्हास्तरीय डॉजबॉल स्पर्धेमध्ये गुरुकुल शिक्षण समूहाच्या विद्यार्थ्यांनी घवघवीत यश मिळवले.         कोल्हापूर येथे घेण्यात आलेल्या या स्पर्धेमध्ये गुरुकुल इंग्लिश मीडियम स्कूलच्या 17 वर्षाखालील वयोगटातील विद्यार्थिनींनी प्रथम क्रमांक मिळविला तसेच 19 वर्षाखालील विद्यार्थ्यांनी प्रथम क्रमांक पटकविला.        त्याचबरोबर गुरुकुल विद्यालयातील 17 वर्षाखालील वयोगटातील विद्यार्थ्यांनी प्रथम क्रमांक पटकविला व 17 वर्षाखालील वयोगटातील विद्यार्थिनींनी द्वितीय क्रमांक पटकविला. तसेच 19 वर्षाखालील वयोगटातील विद्यार्थिनींनी तृतीय क्रमांक पटकविला.         यातील प्रथम क्रमांक आलेल्या विद्यार्थ्यांची सातारा येथे होणाऱ्या विभागीय स्पर्धेसाठी निवड झालेली आहे. सततचा सराव, जिद्द, भरपूर आत्मविश्वास यामुळेच त्यांना हे यश प्राप्त करता आले.        या सर्वच विद्यार...

आमदार यड्रावकर यांच्या प्रचारार्थ कुरुंदवाडमध्ये जंगी सभा  कुरुंदवाड / शिवार न्यूज नेटवर्क : महायुती पुरस्कृत राजर्षी शाहू विकास आघाडीचे अधिकृत उमेदवार आमदार राजेंद्र पाटील यड्रावकर यांच्याबद्दल मी वचन देतो की या निवडणुकीत त्यांना विजयी करून तालुक्याच्या विकासासाठी संधी द्यावी, ते तुमची सेवा करतील आणि शिरोळ तालुक्याचा चेहरा - मोहरा बदलतील. आणि त्यांनी केलेल्या कार्याची पोहोच पावती मुख्यमंत्री एकनाथ शिंदे हे देतील, असा विश्वास जिल्ह्याचे पालकमंत्री नामदार हसन मुश्रीफ यांनी व्यक्त केला. कुरुंदवाड येथे डॉ. बाबासाहेब आंबेडकर चौकात आयोजित केलेल्या राजेंद्र पाटील यड्रावकर यांच्या प्रचार सभेत ते बोलत होते. अध्यक्षस्थानी माजी नगराध्यक्ष ज्येष्ठ नेते रामचंद्र डांगे होते.  यावेळी नामदार मुश्रीफ म्हणाले, लाडक्या बहिणी अनुदान योजनेला स्थगिती देण्यासाठी विरोधी पक्षांनी न्यायालयात याचिका दाखल करून बंद पडण्याचा प्रयत्न केला होता. मात्र महायुतीचा महिलांच्या प्रति असणारा हा उपक्रम चांगला आणि योग्य असल्याचे ठरवत ही योजना चिरंतन सुरू ठेवण्याचा निर्वाळा दिला आणि ही योजना कायम राहिली. महिलांचे ह...

पुणे / शिवार न्यूज नेटवर्क :  भारतरत्न मौलाना आझाद सामाजिक शिक्षण व क्रिडा संघटनेने भारतरत्न मौलाना आझाद यांच्या जयंतीचे औचित्य साधून पुरस्कार वितरण सोहळा आयोजित केला होता.या वितरण सोहळ्यात पुणे न्युज एक्सप्रेसचे मुख्य संपादक मेहबूब सर्जेखान यांना जेष्ठ पत्रकार अशोक वानखेडे यांच्या हस्ते आदर्श पत्रकार हा पुरस्कार देऊन सन्मानित करण्यात आले.हा वितरण सोहळा पुणे येथील कोरेगाव पार्क येथे मान्यंवराच्या उपस्थित पार पडला. या संस्थेच्या वतीने प्रत्येक वर्षी समाजात विविध क्षेत्रात उल्लेखनीय कामगिरी केलेल्या व्यक्तीचा पुरस्कार देऊन सन्मान करण्यात येतो.पुणे न्युज एक्सप्रेसचे मुख्य संपादक मेहबूब सर्जेखान यांनी केलेल्या सामाजिक ,राजकीय आणि सांस्कृतिक रोख ठोक लेखणी करून जनतेचे प्रश्न मांडुन त्यांना न्याय मिळवून देण्याचा प्रयत्न केला.या कामाची दखल घेऊन या संस्थेने त्यांना आदर्श पत्रकार हा पुरस्कार देऊन गौरव करण्यात आला. या वेळी नागपूर विद्यापीठाचे कुलगुरू डॉ.एस.एन.पठाण ,सर्वोच्च न्यायालयाचे अधिवक्ता अन्वर हुसैनी,भाजपच्या रुबाना अल्ली,माजी नगरसेवक अविनाश बागवे,व्यवस्थापकीय संचालक सलीम बागवान यांच...

कोल्हापूर / शिवार न्यूज नेटवर्क :       मतदानासाठी केवळ आठवडा शिल्लक असून आता मतदार जनजागृती व मतदान केंद्रावरील तयारी कामांना गती द्या. मतदानासाठी सर्व मतदान केंद्रे आवश्यक त्या सुविधांनी सज्ज ठेवा, अशा सूचना जिल्हाधिकारी तथा जिल्हा निवडणूक अधिकारी अमोल येडगे यांनी दिल्या.        जिल्हाधिकारी कार्यालयातील शिवाजी सभागृहात सर्व नोडल अधिकाऱ्यांच्या कामकाजाबाबत आयोजित आढावा बैठकीत ते बोलत होते. यावेळी अपर जिल्हाधिकारी तथा आचारसंहिता कक्षाचे नोडल अधिकारी संजय शिंदे, उप जिल्हा निवडणूक अधिकारी समाधान शेंडगे तसेच सर्व नोडल अधिकारी उपस्थित होते.       जिल्हाधिकारी श्री. येडगे म्हणाले, आजवरच्या सर्व निवडणूकांमध्ये मतदानाच्या टक्केवारीत कोल्हापूर जिल्हा राज्यात अग्रेसर असल्याची परंपरा आहे. हीच परंपरा कायम ठेवत जिल्ह्यात मतदानाचा टक्का वाढण्यासाठी मतदार जनजागृतीला गती द्या. जिल्ह्यात शहर व ग्रामीण भागात त्या त्या भागाशी निगडीत वैशिष्ट्यांवर आधारीत वैशिष्ट्यपूर्ण (थिमॅटीक) मतदान केंद्रे उभी करण्यासाठी आवश्यक ती तयारी वेळेत पूर्ण करा. मतदान केंद्रावर...

आमदार डॉ. राजेंद्र पाटील यड्रावकर यांच्या प्रचारार्थ लाडक्या बहिणींशी साधला संवाद शिरोळ / शिवार न्यूज नेटवर्क :   राज्याचे मुख्यमंत्री एकनाथजी शिंदे यांनी लाडकी बहीण योजना अंमलात आणून महिलांना आर्थिक स्थैर्य प्राप्त करून दिले आहे, अनेक महिला या योजनेच्या माध्यमातून स्वावलंबी बनत आहेत. ही योजना तालुक्यातील प्रत्येक महिलेपर्यंत पोहोचवण्यासाठी आमदार राजेंद्र पाटील यड्रावकर हे युद्ध पातळीवर प्रयत्न केले असल्यानेच तालुक्यातील १ लाख ५ हजार महिलांना या योजनेचा लाभ मिळाला असल्याने तालुक्यातील या सर्व लाडक्या बहिणी आपल्या भावाला मोठ्या मताधिक्याने निवडून देतील असा विश्वास शिवसेनेच्या उपजिल्हाप्रमुख माधुरी टाकारे यांनी व्यक्त केला. शिरोळ तालुक्यातील विविध गावामध्ये महायुती पुरस्कृत राजर्षी शाहू विकास आघाडीचे उमेदवार आमदार डॉ. राजेंद्र पाटील यड्रावकर यांच्या प्रचारार्थ आयोजित संवाद दौऱ्यात त्या बोलत होत्या,  यावेळी बोलताना त्या म्हणाल्या, शिरोळ तालुक्याचा सर्वांगीण विकास आमदार डॉ. राजेंद्र पाटील यड्रावकर यांच्या माध्यमातून होत आहे. तालुक्यातील रस्ते मजबूत करणे, जनतेच्या आरोग्याची प्...

अतिग्रे / शिवार न्यूज नेटवर्क : संजय घोडावत विद्यापीठात 11 नोव्हेंबरला विद्यार्थ्यांसाठी 'आत्मविश्वास, नवचैतन्य आणि भविष्यातील संधी' या विषयावर प्रेरणादायी टेडेक्स (TEDx) उपक्रमाचे आयोजन करण्यात आले आहे. यावेळी कृत्रिम बुद्धिमत्ता कायदेविषयक तज्ञ साक्षर दुग्गल, ईवॉलविंग एक्स चे कार्यकारी व्यवस्थापक अमोल निटवे, सोशल सिंफनीचे संस्थापक नीरज वैद्य, रोबोटिक्स इंजिनीयर शौर्य भासिन, स्पेन देशातील पीपल संस्थेच्या संचालिका साथ्या ल्लूल विद्यार्थ्यांना मार्गदर्शन करणार आहेत.        तज्ञांकडून विद्यार्थ्यांना जागतिक पातळीवरील संधी, समाजातील बदल आणि तंत्रज्ञानाच्या प्रभाव, शाश्वत विकासाचे महत्व याविषयी मार्गदर्शन मिळणार आहे. तसेच वैयक्तिक आणि व्यावसायिक जीवनातील आव्हानांशी सामना करण्यासाठी प्रोत्साहन आणि प्रेरणा मिळणार आहे. या उपक्रमाचा उद्देशच विद्यार्थ्यांच्या विचारशक्तीला चालना देणे, नवीन दृष्टिकोन विकसित करून प्रेरणा देणे हा आहे.