शिवार वार्ता न्यूज नेटवर्क

  कुरुंदवाड / शिवार न्यूज नेटवर्क :          कोल्हापूर जिल्हा परिषद कोल्हापूरच्या वतीने शाहू स्मारक भवन येथे झालेल्या जिल्हास्तरीय प्रश्नमंजुषा स्पर्धेत कनिष्ठ गटात कुरुंदवाडच्या कुमार विद्या मंदिर नं. ३शाळेने द्वितीय क्रमांक मिळविला.          कोल्हापूर जिल्हयातील सर्वांत जादा पटसंख्या वाढविलेली शाळा विविध क्षेत्रात नावलौकीक मिळविलेला आहे. सांस्कृतिक स्पर्धेमध्येही बौद्धीक गुणवत्तेचे नैपुण्य समजल्या जाणाऱ्या प्रश्नमंजुषा स्पर्धेतही द्वितीय क्रमांक पटकाविलेबद्दल सर्वत्र कौतुक होत आहे.सर्वच्या सर्व फेरीतील प्रश्नांची उत्तरे विद्यार्थ्यांनी दिली.मात्र बोनस गुणांची संधी न मिळाल्याने द्वितीय क्रमांकावर समाधान मानावे लागले.       प्रश्नमंजुषा स्पर्धेतील यशस्वी विद्यार्थी-श्रेयश काकासो डोरले, अवधूत मदन पाटील,देवराज सुनील डोर्लीकर यांना वर्गशिक्षिका - संपदा पाटील,रागिनी पाटील,रंजना माने यांचे मार्गदर्शन तर मुख्याध्यापक तथा शिक्षक संघाचे जिल्हाध्यक्ष रविकुमार पाटील,अध्यापक शिवाजी ठोंबरे,शंकर दिवटे यांचे प्रोत्साहन लाभले.

  कुरुंदवाड / शिवार न्यूज नेटवर्क : आज दिनांक ३० जानेवारी रोजी महाविद्यालयामध्ये कनिष्ठ विभागातील कला वाणिज्य आणि विज्ञान इयत्ता बारावी वर्गाचा शुभेच्छा कार्यक्रम झाला. या कार्यक्रमचे स्वागत व प्रास्ताविक प्रा. पी.आर. पाटील सरांनी केले, प्रमुख मान्यवरांच्या हस्ते वृक्षा जलार्पण करून कार्यक्रमाची सुरुवात केली. प्रमुख पाहुण्यांचा परिचय सौ. एस.आय.शेख यांनी करून दिला. प्रमुख पाहुणे म्हणून मुख्याध्यापक व्ही.टी. पाटील (छत्रपती शिवाजी हायस्कूल सैनिक टाकळी) यांनी 12 वी विद्यार्थ्यांना मोलाचे मार्गदर्शन केले. इयत्ता बारावीच्या विद्यार्थ्यांनी आपले दोन वर्षाचे अनुभव व महाविद्यालयाविषयी प्रेम आपुलकी आपल्या भाषणातून व्यक्त केली. महाविद्यालयाचे उपप्राचार्य प्रा. डॉ. एस. डी. चव्हाण यांनी मुलांना मार्गदर्शन केले. तसेच अध्यक्ष भाषण महाविद्यालयाचे प्रभारी प्राचार्य डॉ. आर. एस. कदम यांनी अध्यक्ष भाषण केले. तर ज्युनियर विभाग प्रमुख प्रा. एस. बी. डोंगळे यांनी मुलांना मार्गदर्शन केले. त्याचबरोबर प्रा. एस. आर. सावगावे, प्रा. आर. एन. कदम यांनी बोर्ड परीक्षा कशी द्यायची याचं मार्गदर्शन केले. व शेवटी आभार ...

  जयसिंगपूर / शिवार न्यूज नेटवर्क :  संसारिक जीवनात मनुष्याने भगवंताचे नामस्मरण अथवा भक्ती अत्यंत शुद्ध हेतूने, तना मनाने आणि निष्ठापूर्वक केली तर संसारात सुखाची प्राप्ती नक्की होते, मनाने भगवंतांच्या जवळ जाऊन आपले सर्वस्व त्यांच्या चरणी अर्पण करा सुख तुमच्यापासून कधीही दूर जाणार नाही असे मौलिक मार्गदर्शन नांदणी संस्थांनचे परमपूज्य स्वस्तिश्री जिनसेन भट्टारक पट्टाचार्य महास्वामीजी यांनी केले, येथील श्री 1008 पार्श्वनाथ दिगंबर जैन मंदिर ट्रस्ट व कल्पदृम आराधना महामंडल महामहोत्सव समितीच्या वतीने आयोजित आराधना महामहोत्सवामध्ये ते मंगल प्रवचन देत होते, ते पुढे म्हणाले प्रत्येक श्रावक श्रावकांनी निष्ठापूर्वक भगवंताचे नामस्मरण करावे,भगवंताला हृदय स्थानी ठेवून त्याची मनोमन भक्ती करावी,आई-वडिलांनी लहान मुलांना मुनीश्रींचे दर्शन घडवून नित्य स्वाध्याय जिनवाणीचे ज्ञान द्यावे, चांगली सुसंगत व साधूंचे आशिर्वाद यामुळे दुर्गुणाचा नाश होऊन सदगुणाची वाढ होते, प्रत्येकाने धार्मिकता जोपासत जैन शास्त्राचे आचरण आणि पालन करावे, आपल्या मुला मुलींना मौलिक शिक्षणा बरोबर धार्मिक शिक्षण देणे गरजेच...

  जयसिंगपूर / शिवार न्यूज नेटवर्क : राष्ट्रीय नागरी उपजीविका अभियान अंतर्गत महिला बचत गटांसाठी विविध योजना राबविण्यात येतात, काही महिला बचत गटांना घरगुती व्यवसाय करण्यासाठी भांडवल नसल्यामुळे त्यांना व्यवसाय करणे शक्य होत नाही, बचत गटांच्या माध्यमातून राबविण्यात येणाऱ्या उद्योगांना मदत व्हावी म्हणून प्रधानमंत्री सूक्ष्म अन्नप्रक्रिया ही योजना सुरू केली आहे.  यातील स्वयंसहाय्यता बचत गटा अंतर्गत अन्नप्रक्रिया उद्योगांना बळकटीकरण करण्यासाठी बीज भांडवल योजना वरदान ठरणारी आहे, हे बीज भांडवल संपूर्ण अनुदान स्वरूपात असून लाभ घेणाऱ्या गटासाठी वार्षिक सहा टक्के व्याजदराने कर्ज स्वरूपात देण्यात येते, ही योजना पापड उद्योग, लोणचे उद्योग, शेवया, चटणी, मसाले पदार्थ, बेकरी पदार्थ तयार करीत असलेल्या बचत गटांसाठी उपयुक्त आहे, जयसिंगपूर नगरपरिषदे अंतर्गत शहरातील दोन बचत गटांना एकूण रक्कम रुपये २.६००००/-दोन लाख सात हजार रुपये इतके कर्ज मंजूर झाले असून या रकमेचे धनादेश जयसिंगपूर नगरपरिषदेचे माजी नगराध्यक्ष संजय पाटील यड्रावकर व मुख्याधिकारी तथा प्रशासन अधिकारी तैमूर मुलाणी त्यांच्या हस्ते देण्यात ...

शिरोळ / शिवार न्यूज नेटवर्क :  शिरोळ येथील सामाजिक कार्यकर्ते व कोल्हापूर जिल्हा युवक काँग्रेसचे जिल्हा उपाध्यक्ष अमरसिंह कांबळे यांना आदर्श फाउंडेशन या सामाजिक संस्थेच्या वतीने पर्सन ऑफ द इयर 2023 अंतर्गत राज्यस्तरीय आदर्श युवा समाजभूषण पुरस्काराने मान्यवरांच्या हस्ते सन्मानित करण्यात आले.     कराड येथे सौ वेणूताई चव्हाण स्मारक सभागृह येथे आयोजित करण्यात आलेल्या पुरस्कार वितरण कार्यक्रमात शिक्षक माजी आमदार भगवानराव साळुंखे व सिने अभिनेत्री मीनल ढापरे यांच्यासह मान्यवरांच्या उपस्थितीत अमरसिंह कांबळे यांना सन्मानचिन्ह , सन्मानपत्र, कोल्हापुरी फेटा देऊन गौरव करण्यात आला.यावेळी यशोगाथा या विशेषांकाचे प्रकाशनही मान्यवरांच्या हस्ते झाले.       यावेळी ज्येष्ठ विचारवंत साहित्यिक डॉ दीपक निकम, शिक्षण विस्तार अधिकारी मधुकर जंगम, सामाजिक कार्यकर्ते विलास आंग्रे, एकपात्री नाट्य कलाकार राजेंद्र प्रधान, सिने अभिनेते दगडू माने यांच्यासह अशोकराव कांबळे, निवास कळसे, विजय लोहार, वंदना लोहार, विक्रम कांबळे आदी मान्यवर उपस्थित होते.       यावेळी माजी आमदा...

कुरुंदवाड शहर पत्रकार संघाच्या वतीने आयोजन कुरुंदवाड / शिवार न्यूज नेटवर्क : आद्य पत्रकार बाळशास्त्री जांभेकर यांचा स्मृतिदिन व पत्रकार दिनाचे औचित्य साधून कुरुंदवाड शहर पत्रकार संघाच्या वतीने बुधवार दि. १ फेब्रुवारी रोजी दुपारी ४ वाजता गिरीष सिनेमा हॉल कुरुंदवाड येथे महाराष्ट्रातील नामवंत युवा व्याख्याते वसंतराव हंकारे यांचे तणावमुक्त जीवन जगा या विषयावर व्याख्यान होणार आहे. यावेळी माजी खासदार राजू शेट्टी, दत्त कारखान्याचे चेअरमन उद्यान पंडीत गणपतराव पाटील यांची प्रमुख उपस्थिती तसेच माजी नगराध्यक्ष दादासो पाटील हे कार्यक्रमाचे अध्यक्ष स्थान भूषविणार आहेत. यावेळी शहराच्या वैभवात योगदान दिल्याबद्दल माजी नगराध्यक्ष जयराम पाटील, माजी नगराध्यक्ष रावसाहेब पाटील,माजी नगराध्यक्ष रामचंद्र डांगे या़ंचा 'कुरुंदवाड भूषण' पुरस्काराने गौरविण्यात येणार आहे.      तसेच शहर व परिसरात विविध क्षेत्रात उल्लेखनीय काम करणाऱ्या मान्यवरांचा प्रमुख पाहुण्यांच्या हस्ते विशेष सत्कार करण्यात येणार आहे. त्यामध्ये वेटलिफ्टिंग प्रशिक्षक प्रदीप पाटील, विजय माळी, शेतमजूरांच्या न्याय हक्कासाठी लढणारे व न...

  महामहोत्सव समिती अध्यक्ष आमदार राजेंद्र पाटील यड्रावकर यांनी दिली माहिती जयसिंगपूर / शिवार न्यूज नेटवर्क : येथील श्री 1008 दिगंबर जैन मंदिर ट्रस्ट जयसिंगपूर व कल्पद्रुम आराधना महामंडळ महामहोत्सव समिती यांच्यावतीने सुरू असलेल्या महामंडळ विधान महोत्सवा अंतर्गत गुरुवार दिनांक 2 फेब्रुवारी 2023 रोजी हेलिकॉप्टर मधून भगवान पार्श्वनाथ दिगंबर जैन मंदिर वरती पुष्पव्रूष्टी करण्यात येणार असून यासाठी हेलिकॉप्टरची सवाल बोली मंगळवार दिनांक 31 जानेवारी 2023 रोजी दुपारी तीन वाजता धर्मसभा मंडपात आयोजित केली आहे, तसेच महामहोत्सवाच्या अंतिम दिवशी म्हणजे शुक्रवार दिनांक 3 फेब्रुवारी 2023 रोजी भव्य रथोत्सवाचे आयोजन केले असून या रथोत्सवासाठी सवाल बोली एक फेब्रुवारी 2023 रोजी दुपारी तीन वाजता धर्मसभा मंडपात होणार असल्याची माहिती श्री 1008 पार्श्वनाथ दिगंबर जैन मंदिर ट्रस्ट व कल्पदृम आराधना महामहोत्सव समितीचे अध्यक्ष आमदार राजेंद्र पाटील यड्रावकर यांनी दिली आहे, हेलिकॉप्टर मधून पुष्पवृष्टी करण्यासाठी लक्ष्मीनारायण मालू हायस्कूलच्या पटांगणामध्ये हेलीपॅडची उभारणी केली असून या ठिकाणाहून हेलिकॉप्टर चे उड्डा...

  कुरुंदवाड / शिवार न्यूज नेटवर्क : काव्यप्रेमी शिक्षक मंच,महाराष्ट्र राज्य,मराठी विभाग,श्रीमती कुसुमताई राजारामबापू कन्या महाविद्यालय, इस्लामपूर व बिझनेस एक्सप्रेस श्री फांऊंडेशन यांच्या संयुक्त विद्यमाने आयोजित एकदिवसीय काव्यसंमेलन 2023 मध्ये श्रीमती माणिक कल्लाप्पा नागावे, मुख्याध्यापिका हेरवाड हायस्कूल, हेरवाड यांच्या"प्रकृती "या  संग्रहाचे प्रकाशन मा.प्रा.शामराव पाटील, सदस्य साहित्य व सांस्कृतिक मंडळ महाराष्ट्र राज्य.यांच्या हस्ते पार पडले.श्रीमती नागावे यांचे हे सहावे पुस्तक आहे. हायकू हा प्रकार तीन ओळीत पाच-सात-पाच या आकृतीबंधात बांधलेला असतो.या हायकू संग्रहात एकुण ११४ विषयांना कवयित्रीने स्पर्श केला आहे. साहित्यिक श्री. दयासागर बन्ने यांची प्रस्तावना लाभली आहे. त्यांनी" निसर्ग संवेदनांशी समरस होणारी हायकू प्रकृती " असा उल्लेख केला आहे. धैर्यवेद प्रकाशन कोथळीचे श्री. सुरज परीट यांनी सुंदर पुस्तकबांधणी केली आहे. यावेळी मा.श्री ए.आय.मुजावर, मुख्य संपादक, बिझनेस एक्सप्रेस, मा.श्री. आनंद घोडके सर राजाध्यक्ष काव्यप्रेमी शिक्षक मंच,मा.श्री.ऍडव्होकेट संग्राम पाटील-...

     सुरेश कांबळे / शिवार न्यूज नेटवर्क : -- राज्यातील सुमारे दोन लाख अंगणवाडी सेविका व मदतनीस यांना शासनाने 26 जानेवारीपर्यंत समाधानकारक मानधन वाढ व जुने खराब व नादुरुस्त मोबाईल परत घेऊन नवीन मोबाईल देण्यात येईल, व पोषण ट्रेकर एप मराठीत करण्याबद्दल मा.उच्च न्यायालयातील केसच्या निर्णयाची अंमलबजावणी करण्याचे मान्य केले होते . याबाबतीत 12 जानेवारी रोजी मा.मुख्यमंत्री एकनाथ शिंदे, उपमुख्यमंत्री देवेंद्र फडणवीस, महिला बालविकास मंत्री मंगलप्रभात लोढा यांचे सह महिला बालविकास विभागाच्या अधिकाऱ्यांनी यावेळी सकारात्मक निर्णय घेण्याचे आश्वासन दिले होते. मात्र आजतागायत याबाबत कोणताही निर्णय घेतला नाही याचे निषेधार्थ राज्यातील दोन लाख अंगणवाडी सेविका व मदतनीस. 20 फेब्रुवारी पासून बेमुदत संपावर जाणार आहेत याबाबतीत सर्व जिल्हा परिषद च्या मुख्य कार्यकारी अधिकार्‍यांना. महाराष्ट्र राज्य अंगणवाडी कृती समितीच्या वतीने मोर्चाने निवेदन देणार आहोत तसेच जोपर्यंत मागण्या मान्य होणार नाहीत तोपर्यंत आंदोलन चालूच ठेवण्याचा इशारा कोल्हापूर जिल्हा अंगणवाडी कर्मचारी युनियन च्या वतीने जिल्हा ...

सुरेश कांबळे / शिवार न्यूज नेटवर्क : गेल्या काही वर्षांत यंत्राने ऊसतोडणी अनिवार्य बनत आहे. ही तोडणी करताना सध्याच्या परिस्थितीत ठिबकचे नुकसान होते. हे नुकसान टाळण्यासाठी कमी खर्चातील ठिबक सिंचनची प्रात्यक्षिके ठिबक कंपन्यांनी कारखान्याच्या जमिनीवर राबवण्याचा निर्णय घेण्यात आल्याची माहिती महात्मा फुले कृषी विद्यापीठ राहुरीचे माजी कुलगुरू डॉ. योगेंद्र नेरकर यांनी दिली.  श्री दत्त शेतकरी सहकारी साखर कारखान्याच्या वतीने 'ऊस पिकासाठी ठिबक सिंचनाचे महत्त्व' याविषयी कारखाना व्यवस्थापन, शास्त्रज्ञ, कंपनी प्रतिनिधी व शेतकरी यांचे चर्चासत्र घेण्यात आले. यावेळी वरील निर्णय झाला. चर्चासत्राच्या अध्यक्षस्थानी कारखाना चेअरमन उद्यानपंडित गणपतराव पाटील हे होते. प्रारंभी स्वागत मुख्य शेती अधिकारी श्रीशैल हेगान्ना यांनी तर प्रास्ताविक कारखाना संचालक एम. व्ही. पाटील यांनी केले. मान्यवरांचा सत्कार गणपतराव पाटील यांनी केले.  आडसाली, पूर्व हंगामी, सुरू व खोडवा ऊस पिकासाठी ठिबक सिंचनाचा वापर केल्यानंतर ऊस तोडणीपूर्वी संच बाहेर काढता येत नाही यावर उपाययोजना, जमिनीच्या प्रकारानुसार सर्वसाधारण पाणी कि...

जयसिंगपूर / शिवार न्यूज नेटवर्क : सध्याचे युग हे अर्थकारणाचे असून यामध्ये सत्ता आणि संपत्ती यांचा जास्त प्रमाणात प्रभाव दिसतो आहे, अशा परिस्थितीत जैन बांधवांनी संसारिक जीवन जगताना अतिमोह वृत्ती सोडून आत्मकल्याण कसे मिळेल असे आचरण करावे, लहान मुलांच्या वर चांगले संस्कार देऊन भविष्यात ती मुले धर्माचे आणि देशाचे रक्षण करतील असे आदर्श नागरिक व उद्याची पिढी घडवा असे मौलिक मार्गदर्शन परमपूज्य 108 आचार्य श्री वर्धमान सागरजी महाराज यांनी केले, येथील श्री 1008 पार्श्वनाथ दिगंबर जैन मंदिर ट्रस्ट आणि श्री कल्पद्रुम आराधना महामंडल महामहोत्सव समितीच्या वतीने आयोजित विधान महोत्सव, विश्वशांती महायज्ञ महोत्सवात ते मंगल प्रवचन देत होते, दरम्यान महोत्सवास सौ.मिनाक्षी रावसाहेब पाटील बोरगांवकर दक्षिण भारत जैन सभेचे डॉक्टर अजित पाटील शिरोळ पंचायत समितीचे माजी उपसभापती राजगोंडा पाटील आदी मान्यवरांनी सदिच्छा भेट दिली मुनीश्रींचे दर्शन घेऊन आशिर्वाद घेतले, यावेळी सौ.मिनाक्षी पाटील बोरगावकर यांनी आहारासाठी 51 हजार रुपयाची देणगी दिल्याबद्दल महोत्सव समितीच्या वतीने सौ. विनोदिनी शिखरे यांच्या हस्ते त्यांना पार्...

सुरेश कांबळे / शिवार न्यूज नेटवर्क : येथील शब्दगंध साहित्य परिषदच्या वतीने दीनबंधू भाई दिनकररावजी यादव स्मृति साहित्य संमेलन बुधवार दिनांक एक फेब्रुवारी २०२३ रोजी आयोजित करण्यात आले असून संमेलनाची जय्यत तयारी करण्यात आली आहे. दत्त साखर कारखाना कार्यस्थळावरील कै. दत्ताजीराव कदम कामगार कल्याण मंडळाच्या हॉल नजिक भव्य मंडप व मंच उभारण्याचे काम पूर्ण करण्यात आले आहे. संमेलन यशस्वी करण्यासाठी साहित्य परिषदेचे सर्व कार्यकर्ते जोमाने कामाला लागले आहेत.    संमेलनाध्यक्षपद ख्यातनाम हास्यकवी अशोक नायगावकर हे भूषविणार आहेत. दत्त साखर कारखान्याचे चेअरमन गणपतराव पाटील स्वागताध्यक्ष आहेत. संमेलनाचे उदघाटन महाराष्ट्राचे उच्च व तात्रिक शिक्षण मंत्री ना. चंद्रकांतदादा पाटील यांच्या हस्ते होणार असून माजी मंत्री सदाभाऊ खोत हे प्रमुख पाहुणे म्हणून उपस्थित राहणार आहेत, अशी माहिती शब्दगंधचे अध्यक्ष पृथ्वीराज यादव व उपाध्यक्ष दगडू माने यांनी आज पत्रकारांशी बोलताना दिली. या साहित्य संमेलनात ख्यातनाम कथाकथनकार जयवंत आवटे यांचे बहारदार कथाकथन होणार आहे. कवी दयासागर बन्ने यांच्या अध्यक्षतेखाली निमंत्रित ...

  गांवसभेत ठराव मंजूर, विधवा महिलांच्या पेन्शनसाठी गांव एकवटले हेरवाड / शिवार न्यूज नेटवर्क : हेरवाड येथील ग्रामपंचायतीची नूतन गांवकारभार्‍यांच्या उपस्थितीत पहिली गांवसभा संपन्न झाली, यामध्ये रुग्णांना 25 ते 30 रुपयांत इंजेक्शन तसेच विधवा महिलांना सरकारकडून पेन्शन मिळावी, यासह विविध विषयांवर सभा संपन्न झाली, सभेतील एकुण 14 विषयांना ग्रामंस्थांनी एकमताने मंजूरी दिली. सभेच्या अध्यक्षस्थानी नूतन सरपंच रेखा जाधव होत्या. प्रारंभी ग्रामविकास अधिकारी पी.आर.कोळेकर यांनी विषय पत्रिकेचे वाचन केले, यावेळी शासनाच्या विविध परिपत्रकाचे वाचन करण्यात आले. माझी वसुंधरा अभियान राबविणेबाबत चर्चा करण्यात आली. हेरवाड येथील मिळकतींची सन 2023-24 ते 2027-28 करांची फेरआकारणीबाबत चर्चा करण्यात आली. सन 2023 24 चा थिमॅटिक आराखडा तयार करण्यासाठी विषय मांडण्यात आला. मनरेगा योजनेबाबत चर्चा करणे व शासकीय योजनांचे सामाजिक अंकेक्षण करणे, शासकीय योजनेंचे लाभार्थी निवडणेबाबत, साथ रोग निवारणार्थ प्रतिबंधात्मक उपाययोजना, गायरान जागेतील अतिक्रमणाबाबत, पशुवैद्यकीय दवाखान्यासाठी व इतर योजनेसाठी गायरान मध्ये जागा आरक्षित क...

  जयसिंगपूर / शिवार न्यूज नेटवर्क : कोणतेही काम श्रद्धेने करावे मग ते काम छोटे असो अथवा मोठे ज्या कामांमध्ये श्रद्धा असते त्याच कामाचे सार्थक होते असे मौलिक मार्गदर्शन १०८ निर्यापकश्रवण धर्म सागरजी महाराज यांनी केले, जयसिंगपूर येथे सुरू असलेल्या कल्पद्रुम आराधना महामहोत्सवाच्या दुसऱ्या दिवशी हजारो श्रावक श्राविकांनी महोत्सवाला भेट देऊन धार्मिक उत्सवात सहभाग नोंदवला, येथील 1008 पार्श्वनाथ दिगंबर मंदिर ट्रस्ट व श्रीकल्पद्रुम आराधना महामंडळ विधान महोत्सवात शुक्रवारी धर्मसभामंडपातील समवशरण नमोकार मंत्राच्या उच्चारात अहिंसा परमो धर्म, विश्वशांती की जय या जयकारात गर्भसंस्कार विधी करण्यात आले, शुक्रवारी सकाळी पहाटे मंगलनाद होऊन धार्मिक विधीना सुरुवात झाली, सौधर्म इंद्र इंद्रायणी व मुख्य चक्रवर्ती यांचे सभा मंडपापर्यंत आगमन झाले, जलकुंभ मिरवणुकीने आणण्यात आला, कल्पद्रुम आराधना अंतर्गत सकाळच्या सत्रात बीजाक्षर भगवंतावर पंचामृत अभिषेक शांतीधारा असे मांगलिक विधी संपन्न झाले, त्यानंतर समवशरण समोर गर्भसंस्कार विधीस सुरुवात झाली यावेळी प्रतिष्ठाचार्य संदेश उपाध्ये यांनी नमोकार मंत्राच्या उच्चार...

अजित कांबळे / शिवार न्यूज नेटवर्क :       अभ्यांग क्लास अल्फान्सो स्कूल यड्राव -इचलकरंजी येथे पाच हजार विद्यार्थी परिक्षेला बसले होते. त्यामध्ये डॉ. विक्रम शिंगाडे व सौ.भारती शिंगाडे यांचे चिरंजीव संकेत शिंगाडे व अभिनंदन शिंगाडे यांचा तीन राज्यात द्वितीय क्रमांक मिळविल्याबद्दल अभ्यांग क्लासेसच्या वतीने गुणवंत विद्यार्थ्यांना ट्रॉफी, मेडेल देऊन सत्कार करण्यात आले.       संकेत व अभिनंदन शिंगाडे याना चौगुले मॅडम या अभ्याग क्लासेसच्या प्रमुख मार्गदर्शिका , दिपा जालीहाळ यांचे देखील सहकार्य लाभले.  सदलगा CBSC इंग्लिश मिडीयम स्कूल सदलगा येथे संकेत शिंगाडे आठवीत तर अभिनंदन शिंगाडे सहावीत शिकत असुन 26 जानेवारी दिवशी घेण्यात आलेली अभ्यांग क्लास परीक्षांमध्ये तीन राज्यात द्वितीय क्रमांक मिळविल्याबद्दल शाळेचे चेअरमन ‌श्री. प्रकाश जनगौंडा पाटील व प्रिंसिपल सय्यद सर तसेच सर्व मान्यवर व शिक्षक व शिक्षीका स्टाफ यांच्या शुभहस्ते आदर्श विद्यार्थी सन्मानपत्र, शाल, श्रीफळ, पुष्पगुच्छ देऊन सन्मानपूर्वक गौरव करुन पुढील वाटचालीसाठी त्यांना शुभेच्छा देण्यात आले.  त्...

इसाक नदाफ/ शिवार न्यूज नेटवर्क लठ्ठे एज्युकेशन सोसायटीचे डॉ. बी.डी.पाटील कृषि तंत्र विद्यालयाच्या व्हाॅलीबाॅल संघाने जिल्हास्तरीय क्रीडा स्पर्धेत प्रथम क्रमांक पटकावला आहे. स्पर्धेचे आयोजन महात्मा फुले कृषि विद्यापीठ राहुरी अंतर्गत राजश्री शाहु कृषि तंत्र विद्यालय कोल्हापुर येथे करण्यात आले होते. कर्णधार अमित कांबळे, श्रेयस चौधरी, श्रीनिवास बेरड, अभिषेक धुपदाळे, तेजस चव्हाण, अर्थव पाटील, अवधूत परीट, पार्थ पाटील, संघर्ष पाटील, सत्यजित मोहिते, युवराज कुरूंदवाडे यांनी संघाचे प्रतिनिधित्व केले.  प्राचार्य एस. डी. लाड, क्रिडा प्रमुख एस. सी. कोळी, प्रशिक्षक एम.आर पाटील यांनी संघाला मार्गदर्शन केले. संस्थेचे चेअरमन मा. शिंतिनाथ कांते, सेक्रेटरी मा. सुहास पाटील, व्हाॅ. चेअरमन मा. चंद्रकांत पाटील, शाळा समिती चेअरमन मा. अरुण पाटील, विकास समिती चेअरमन मा. सुकुमार सिदनाळे, विद्यालय समिती सदस्य यांनी खेळाडूंचे अभिनंदन केले.

  सुरेश कांबळे / शिवार न्यूज नेटवर्क ::  केंद्रीय भूपृष्ठ वाहतूक परिवहन आणि महामार्ग मंत्री नितीन गडकरी यांनी श्री दत्त सहकारी साखर कारखाना आणि श्री दत्त उद्योग समूहाला भेट दिली. त्यांच्या हस्ते श्री दत्त औद्योगिक प्रशिक्षण संस्थेच्या नूतन वास्तूचे उद्घाटन तसेच श्री दत्त भांडार येथे तांदूळ महोत्सव, सियान ऍग्रोच्या उत्पादनांचा विक्री शुभारंभ आणि शेडशाळ येथील महिलांनी सुरु केलेल्या देशी वाण बीज बँकेचे उद्घाटन करण्यात आले.     कारखाना कार्यस्थळावरील हेलिपॅडवर दुपारी १ वाजता त्यांचे आगमन झाले. यावेळी कारखान्याच्या वतीने चेअरमन, उद्यानपंडित गणपतराव पाटील, व्हॉइस चेअरमन अरुणकुमार देसाई, कार्यकारी संचालक एम. व्ही. पाटील, सचिव अशोक शिंदे यांनी स्वागत केले. कारखाना कार्यस्थळावरील श्री दत्त औद्योगिक प्रशिक्षण संस्थेच्या नूतन वास्तूचे उद्घाटन मान्यवरांच्या हस्ते करण्यात आले.   त्यानंतर केंद्रीय मंत्री नितीन गडकरी यांनी श्री दत्त कारखाना कार्यस्थळावरील श्री दत्त भांडारला भेट देऊन तांदूळ महोत्सवाचे उद्घाटन केले. सियान अॅग्रो इंडस्ट्रीज अँड इन्फ्रास्ट्रक्चर लिमिटेड नागपूर यां...

  कोल्हापूर / शिवार न्यूज नेटवर्क : श्री क्षेत्र सिद्धगिरी कणेरी मठ संस्थान कडून पर्यावरण संवर्धनासाठी सर्वसामान्य लोकांमध्ये जनजागृती व्हावी म्हणून सुमंगलम पंचमहाभूत महोत्सव दिनांक 20 ते 26 फेब्रुवारी 2023 या कालावधीत आयोजित करण्यात येत आहे. या महोत्सवात सर्व शासकीय विभागांच्या लोक कल्याणकारी योजनांची माहिती देणारे प्रदर्शन स्टॉल लावावेत. हा महोत्सव यशस्वी करण्यासाठी परस्परात योग्य समन्वय ठेवावा व प्रत्येक विभागाला दिलेली जबाबदारी चोखपणे पार पाडावी, असे निर्देश पर्यावरण व वातावरणीय बदल विभागाचे प्रधान सचिव तथा पंचमहाभूत महोत्सवाचे नोडल अधिकारी प्रवीण दराडे यांनी दिले.           जिल्हाधिकारी कार्यालयाच्या महाराणी ताराराणी सभागृहात आयोजित सुमंगलम पंचमहाभूत महोत्सव पूर्व तयारी आढावा बैठकीत श्री. दराडे मार्गदर्शन करत होते. यावेळी जिल्हाधिकारी राहुल रेखावार, मुख्य कार्यकारी अधिकारी संजयसिंह चव्हाण, महापालिका आयुक्त डॉ. कादंबरी बलकवडे, पोलीस अधीक्षक शैलेश बलकवडे, मठाचे प्रतिनिधी संतोष पाटील, उदय सामंत, माणिक चुयेकर यांच्यासह मुंबई येथील पर्यावरण विभागाचे अन्य अ...

  जयसिंगपूर / शिवार न्यूज नेटवर्क : येथील 1008 पार्श्वनाथ दिगंबर मंदिर ट्रस्ट व श्री कल्पद्रुम आराधना महामंडळ महोत्सव समितीच्या वतीने आयोजित श्री कल्पद्रूम आराधना महामंडळ विधान महोत्सवास गुरुवारी आनंदी आणि मंगलमय वातावरणात असंख्य श्रावक श्राविकांच्या अमाप उत्साहात धार्मिक विधीने सुरुवात झाली, दरम्यान महोत्सवाच्या पहिल्याच दिवशी महाराष्ट्र राज्याचे शिक्षण मंत्री व कोल्हापूर जिल्ह्याचे पालकमंत्री दीपक केसरकर यांनी महोत्सवास सदिच्छा भेट दिली मुनी श्रींचे शुभाशिर्वाद घेतले, यावेळी शुभेच्छा देताना पालकमंत्री म्हणाले की जैन समाज बांधव कष्टाळू आहेत शेतीबरोबरच व्यापार आणि उद्योग व्यवसायामध्ये देशभरात या समाजाने स्वतःच्या कर्तुत्वाने वेगळी ओळख निर्माण केली आहे, जगा व जगू द्या ही जैन धर्माची शिकवण जगाला प्रेरणा देणारी आहे, भगवान तिर्थंकर महावीरानी जैन धर्माचा प्रसार व प्रचार केला असे सांगताना मुनिजनांच्या चरणी मी वंदन करीत असल्याचे सांगितले, शिरोळचे आमदार डॉक्टर राजेंद्र पाटील यड्रावकर जयसिंगपूर शहराच्या विकासासाठी जो निधी मागतील तो आपण देऊ असेही मंत्री केसरकर यांनी सांगितले, माजी मंत्री ...

शिरोळ / शिवार न्यूज नेटवर्क : लोकशाहीर अण्णाभाऊ साठे यांनी संयुक्त महाराष्ट्र चळवळीच्या लढ्यात सहभाग घेऊन क्रांती घडवली आहे.त्यांच्यामुळेच परिवर्तन चळवळीची मशाल पेटली असून सर्वसामान्य जनतेचे ते दैवत आहेत. मात्र काही दृष्ट प्रवृत्तीच्या व विचार कंगाल प्रवृत्तीने लोकशाहीर साहित्यसम्राट अण्णाभाऊ साठे यांच्या पुतळ्याची विटंबना केल्याचा प्रकार घडल्याने दुःख झाले.   या पुतळा विटंबना घटनेचा आम्ही निषेध करीत असून या घटनेचा छडा लागला पाहिजे, शिवाय त्या दोषीवर कारवाई झाली पाहिजे, अशी मागणी प्रहार जनशक्ती पक्षाचे जिल्हा उपाध्यक्ष दगडू माने यांनी केली आहे.     लोकशाहीर अण्णाभाऊ यांच्या पुतळा विटंबना निषेधार्थ समस्त मातंग समाज व डॉ आंबेडकर चळवळीच्या कार्यकर्त्यांनी कुरुंदवाड येथे शनिवारी गाव बंदची हाक दिली आहे. कुरुंदवाड मधील नागरिक' व्यापारी यांनी या बंद आंदोलनात सहभागी होऊन निषेध आंदोलनास सहकार्य करावे असे आवाहन प्रहार जनशक्ती पक्षाचे दगडू माने यांनी केले आहे.

  जयसिंगपूरात विविध विकास कामांचा लोकार्पण सोहळा संपन्न जयसिंगपूर / शिवार न्यूज नेटवर्क : माजी राज्यमंत्री आणि शिरोळ तालुक्याचे आमदार आमचे सहकारी राजेंद्र पाटील यड्रावकर आणि त्यांचे बंधू जयसिंगपूर चे माजी नगराध्यक्ष संजय पाटील यड्रावकर यांच्या माध्यमातून जयसिंगपूर शहरासह शिरोळ तालुक्यात चांगले काम सुरू असून जयसिंगपूर शहर तसेच शिरोळ तालुक्याच्या विकासासाठी शासन निधी कमी पडू देणार नाही अशी ग्वाही शिक्षण मंत्री तथा कोल्हापूर जिल्ह्याचे पालकमंत्री नामदार दीपक केसरकर यांनी दिली, जयसिंगपूर येथील गल्ली नंबर 8 व शाहूनगर परिसरात शासनाच्या आरोग्य विभागाच्या वतीने बांधण्यात आलेल्या नागरी आरोग्यवर्धिनी केंद्र दवाखान्याचे व जयसिंगपूर रेल्वे स्टेशन ते एसटी बसस्थानक या  मार्गावर असणाऱ्या ओढ्यावर नव्याने बांधण्यात आलेल्या पुलाचे उदघाटन व लोकार्पण सोहळा राज्याचे शालेय शिक्षण मंत्री तथा पालकमंत्री नामदार दीपक केसरकर यांच्या हस्ते संपन्न झाला यावेळी ते बोलत होते, अध्यक्षस्थानी माजी राज्यमंत्री आमदार राजेंद्र पाटील यड्रावकर तर प्रमुख पाहुणे म्हणून खासदार धैर्यशील माने उपस्थित होते,येथील रेल्वे...

हेरवाड / शिवार न्यूज नेटवर्क हेरवाड येथील भारत-माता कॉलनी मध्ये २६ जानेवारी निमित्त १०० झाडांचे वृक्षारोपण स्वखर्चाने या कॉलनीतील नागरिकांनी सामाजिक बांधिलकी जोपासली आहे. याप्रसंगी शंकर माने, सदाशिव माने, शिवा माने, आप्पासाब मुल्ला, नानासो सुतार, सचिन पाटील, प्रदीप गुरव, सुरेश देबाजे , सचिन पुजारी, राजेंद्र इटाज, गुलाब विजापुरे, दिलीप खरात, संजय शिरढोणे, सदाशिव मोहिते, सुभाष कुंभार, नंदकुमार धुमाळे, भूषण खडके, संभाजी तारळे, सचिन कुंभार, राहुल माळी, अरविंद पाटील , संजय माने, पोपट मगदूम, राजू माने, सागर पुजारी, दत्ता पुजारी, संकेत आरगे, सतपाल आरगे, सतीश खडके आदी उपस्थित होते.

आंतरराष्ट्रीय १६ संघ सहभागी : उत्तम पाटील यांची माहिती अजित कांबळे / शिवार न्यूज नेटवर्क : कुन्नूर येथील श्री. दत्त शूटिंग हॉलीबॉल क्लब तर्फे कुन्नूर येथे अरिहंत चषक शूटिंग हॉलीबॉल स्पर्धेचे आयोजन केले आहे. रविवारी (ता.२९) दुपारी २ वाजता या स्पर्धेचे उद्घाटन होणार आहे. आंतरराष्ट्रीय पातळीवरील १६ संघ सहभागी झाले आहेत. या स्पर्धेचा नागरिकांनी लाभ घ्यावा असे आवाहन उत्तम पाटील यांनी केले आहे. बोरगाव येथे आयोजित बैठकीत ते बोलत होते. उत्तम पाटील म्हणाले, स्पर्धेमध्ये दिल्ली, पंजाब मुंबई मधील आंतरराष्ट्रीय खेळाडू सहभागी झाले आहेत. स्पर्धेमधील खेळाडूंची राहणे व जेवणाची व्यवस्था केली आहे. याशिवाय प्रेक्षकांसाठी स्वतंत्र गॅलरीची निर्मिती केली आहे. सलग दोन दिवस दिवस रात्र प्रकाश झोतात या स्पर्धा होणार आहेत. स्पर्धेतील विजेत्या संघांना अनुक्रमे २१ हजार रुपये, १५ हजार रुपये, १० हजार रुपये आणि सर्वच सहभागी संघांना मानधन देण्यात येणार आहे. कुन्नूर येथे खंड पडलेल्या या स्पर्धा यंदा प्रथमच दत्त मंदिर पटांगणामध्ये भरविल्या जात आहेत. यापूर्वी या गावचे सहा खेळाडू राष्ट्रीय पातळीवर खेळले आहेत. येथील लायक...

  जयसिंगपूर / शिवार न्यूज नेटवर्क :  महाराष्ट्र राज्य व्यवसाय मार्गदर्शन शिक्षक समुपदेशन संघ आणि संजय घोडावत पॉलिटेक्निक, अतिग्रे जिल्हा कोल्हापूर यांच्या संयुक्त विद्यमाने राज्यस्तरीय अधिवेशन व मार्गदर्शन कार्यशाळा दिनांक 27 आणि 28 जानेवारी 2023 वेळ सकाळी 10.00 ते 5.00 या वेळात आयोजित करण्यात आलेली आहे. अधिवेशन व कार्यशाळेचे उद्घाटन मा. नामदार श्री. दीपक केसरकरसाहेब, शालेय शिक्षण मंत्री महाराष्ट्र राज्य आणि कार्यक्रमाचे अध्यक्ष मा. श्री. विनायक भोसले विश्वस्त, संजय घोडावत विद्यापीठ कोल्हापूर यांच्या प्रमुख उपस्थितीमध्ये होणार आहे. महाराष्ट्र राज्य व्यवसाय मार्गदर्शन शिक्षक समुपदेशक संघ हा शासनाचा एक वर्ष व्यवसाय मार्गदर्शन पदविका अभ्यासक्रम पूर्ण केलेल्या मध्यमिक शिक्षकांची मान्यताप्राप्त संघटना आहे. या संघटनेचे ध्येय महाराष्ट्र राज्यातील विद्यार्थ्यांना व्यवसाय मार्गदर्शन व समुपदेशन करणे आहे. महाराष्ट्र राज्यातून 300 हून अधिक समुपदेशक उपस्थित राहणार असून त्यांना विविध नवीन झालेल्या शैक्षणिक धोरणातील बदलांचे तसेच तांत्रिक समुपदेशनाचे कौशल्य नाविन्यताचे मार्गदर्शन करून सक...

शिरोळ / शिवार न्यूज नेटवर्क : सध्या हिवाळ्याचा हंगाम सुरु असता सर्वत्र थंडीचा कडाका वाढत असताना शिरोळ तालुक्यात बुधवारी सायंकाळी काही ठिकाणी ऐन हिवाळ्यात पावसाने आपली हजेरी लावली.   अचानक आलेल्या पावसामुळे नागरिकांमध्ये गोंधळ उडाला. अवकाळी पावसामुळे शेती पिकांचे नुकसान होण्याची शक्यता असल्यामुळे हा पाऊस शेतकर्‍यांना मारक ठरला आहे.  गेल्या दोन दिवसांपासून थंडी गायबच आहे.नागरिकांना उकाडा जाणवत असताना आज बुधवारी अवकाळी पावसाने हजेरी लावली. सायंकाळी ६ : ४५ वाजण्याच्या सुमारास पाऊसाची रिपरिप सुरू झाली. नागरिक पावसापासून बचाव करण्यासाठी दुकान, घराचा आडोसा घेत होते.

  कोल्हापूर / शिवार न्यूज नेटवर्क : अनैतिक प्रेमसंबधामध्ये अडसर ठरणाऱ्या पतीचा पत्नीने आपल्या प्रियकरासोबत मिळून काटा काढला. हत्येचा प्रकार उघड होऊ नये, म्हणून पतीचं शीर धडावेगळं करून ते वारणा नदीत फेकून दिलं. कोल्हापुरात २००१ साली हा धक्कादायक प्रकार घडला होता. याप्रकरणी कोर्टाने मृत व्यक्तीच्या पत्नीसह ८ आरोपींना जन्मठेपेची शिक्षा ठोठावली आहे.सर्व आरोपींना जन्मठेपेची शिक्षा झाल्याचं कळताच, आरोपीच्या नातेवाईकांनी संताप व्यक्त केला. त्यामुळे कोल्हापूर कोर्टाच्या बाहेर काही काळ तणावाचं वातावरण निर्माण झालं होतं. अखेर पोलीसांनी कडक बंदोबस्तात सर्व आरोपींना कारागृहात नेलं. कोर्टाच्या या निर्णयाचे जिल्ह्यात कौतुक होत आहे.

  हेरवाड / शिवार न्यूज नेटवर्क : हेरवाड येथील प्रसिध्द देवस्थान हालसिद्धनाथ देवाची यात्रा मोठ्या उत्साहात संपन्न झाली. यात्रेनिमित्त विविध धार्मिक कार्यक्रम संपन्न झाले.  शनिवार दि. २१ रोजी श्रींच्या पालखीचे पूजन करून गावातील प्रमुख मार्गावरून पालखी मिरवणूक काढण्यात आली. यानंतर पालखी नदीकडे प्रस्थान झाल्यानंतर मुर्ती स्नान व पूजा करण्यात आली. त्यानंतर पोळीचा नैवैद्य दाखविण्यात आला. रविवार दि. २२ रोजी ग्रामपंचायतीचे सर्व नवनियुक्त पदाधिकाऱ्यांचा तसेच सर्व देणगीदारांचा सत्कार करण्यात आला. सोमवार दि. २३ रोजी सकाळी ८ वाजता दूध अर्पण करण्याचा विधी, सकाळी ९ वाजता श्रींच्या पालखीची मिरवणूक गावातील प्रमुख मार्गावरुन काढण्यात आली. यानंतर दुपारी १२ वाजता महाप्रसादाचे आयोजन करण्यात आले होते, या महाप्रसादाचा लाभ हेरवाड मधील भाविकांनी घेतला. यात्रेनिमित्त हेरवाड सह परिसरातील भाविकांनी दर्शनासाठी गर्दी केली होती.

  हेरवाड / शिवार न्यूज नेटवर्क : हेरवाड येथील प्रतिष्ठित नागरिक अशोक कलगोंडा पाटील (वय : ५२ ) यांचे निधन झाले. येथील माजी ग्रामपंचायत सदस्य सुकूमार पाटील यांचे ते बंधू होत. त्यांच्या पश्चात आई, वडिल, पत्नी, मुलगा, मुलगी, भाऊ असा मोठा परिवार आहे. रक्षाविसर्जन बुधवार दि. २५ रोजी होणार आहे.

शिरोळ / शिवार न्यूज नेटवर्क :        सामाजिक न्याय व विशेष सहाय्य विभाग अंतर्गत सहायक आयुक्त समाजकल्याण कोल्हापूर यांच्यावतीने गगनबावडा येथे आयोजित केलेल्या जिल्हास्तरीय कला व क्रीडा अविष्कार स्पर्धेत येथील अनुसूचित जाती व नवबौद्ध मुलांच्या शासकीय निवासी शाळेतील विध्यार्थ्यांनी भूमिका अभिनय या कलाप्रकारात प्रथम क्रमांक मिळविला आहे. तसेच अन्य क्रीडा व सांस्कृतिक स्पर्धेत विध्यार्थ्यांनी उत्तुंग यश मिळविले आहे. प्रथम क्रमांकाने विजयी झालेल्या स्पर्धकांची पुणे येथे होणाऱ्या विभागीय स्पर्धेसाठी निवड झाली आहे.   विजेत्या स्पर्धकांना सहाय्यक आयुक्त विशाल लोंढे, जिल्हा जात प्रमाणपत्र पडताळणी समितीचे उपायुक्त उमेश घुले, गटविकास अधिकारी माधुरी परीट,जिल्हा समाजकल्याण अधिकारी दीपक घाटे, जात पडताळणी संशोधन अधिकारी सचिन साळे, यांच्या हस्ते पारितोषिक वितरण करण्यात आले. विद्यार्थ्यांनी पुढीलप्रमाणे यश प्राप्त केले. लोकनृत्य स्पर्धा द्वितीय क्रमांक,मोठा गट खो-खो द्वितीय क्रमांक, रोहन सुरेश वाघमारे (४०० मीटर धावणे मोठा गट प्रथम क्रमांक), विश्वजीत मोहन कांबळे ( लांब उडी लहान गट त...

  हेरवाड / शिवार न्यूज नेटवर्क : हेरवाड ग्रामपंचायतीच्या पंचवार्षिक निवडणूकीची रणधुमाळी संपली, पदाधिकाऱ्यांनी पदभार स्वीकारला आणि गांवचा कारभार पहायला सुरुवात केली आहे. मात्र अजून निवडणूकीचा गुलाल ताजा असताना गावात तंटामुक्त अध्यक्ष पदासाठी हालचाली गतिमान झाल्या असल्याने यातच आता माजी तंटामुक्त अध्यक्ष गिरीष पाटील यांनी तंटामुक्त अध्यक्ष पदासाठी अर्ज दाखल केल्याने निवडीच्या हालचाली गतिमान झाल्या आहेत. गेल्या पंचवार्षिक निवडणुकीत राजश्री शाहू आघाडीला एक हाती सत्ता मिळवण्यात यश आले होते. यावेळी त्यांनी गावसभेत एकमताने बाबुराव माळी यांची तंटामुक्त अध्यक्ष पदासाठी निवड केली होती. त्यानंतर सलग पाच वर्षे तंटामुक्त अध्यक्ष पदाची सूत्रे बाबुराव माळी हे सांभाळत आहेत. नुकत्याच झालेल्या पंचवार्षिक निवडणुकीत बाबुराव माळी हे बहुजन ग्राम विकास आघाडीत दाखल झाले आहेत. त्यामुळे तंटामुक्त अध्यक्ष बदलणार की तोच राहणार ? याकडे सर्वांचे नजरा लागून राहिल्या असून सध्या तरी गावामध्ये तंटामुक्त अध्यक्ष पदासाठी अनेक पदाधिकारी इच्छुक असल्याचे समजते. यातच गिरिष पाटील यांनी अर्ज दाखल केल्याने गावात तंटामुक्त ...

शिरोळ / शिवार न्यूज नेटवर्क : येथील प्रभाग क्रमांक ३ मधील उपनगर परिसरास देण्यात आलेल्या राष्ट्रपुरुषांच्या नावाला आदरयुक्त सन्मान राहावा, याकरिता शहरातील उपनगराला छत्रपती शिवाजीराजे व छत्रपती संभाजीराजे अशी नावे देण्यात यावीत. याबाबत येत्या 26 जानेवारीच्या सभेत तसा ठराव करावा, अशी मागणी कोल्हापूर जिल्हा युवक काँग्रेसचे जिल्हा उपाध्यक्ष व युवा सामाजिक कार्यकर्ते अमरसिंह अशोकराव कांबळे यांनी केली आहे.           याबाबत शिरोळ नगरपरिषदेचे लोकनियुक नगराध्यक्ष अमरसिंह पाटील यांना शिष्टमंडळाच्या वतीने निवेदन देण्यात आले. यावेळी नगराध्यक्ष अमरसिंह पाटील यांनी निवेदन स्वीकारून योग्य ती कार्यवाही नगरपालिकेच्या माध्यमातून करू असे आश्वासन दिले. सामाजिक युवा कार्यकर्ते अमरसिंह कांबळे यांच्या नेतृत्वाखाली अनिल कुंभार, विकास सुवासे, प्रताप जगदाळे, सतिश जावीर,शिवा जयन्नावर ,शेखर शिंदे, सनी शिंदे, शिवा कामेरीकर, विक्रम कांबळे, राहुल गवळी, अर्जुन राजमाने, उमेश भोसले ,प्रदीप कांबळे यांच्यासह प्रभाग क्रमांक तीन मधील युवक उपस्थित होते.  निवेदनात म्हटले आहे की, शिरोळ येथील प...

  मुंबई / वृत्तसंस्था : ऑनलाइन वस्तू खरेदीच्या नावावर फसवणूक झाल्याच्या घटना आपण अनकेदा पाहत असतो. बीड जिल्ह्यात मात्र चक्क ऑनलाईन बैल खरेदी करण्याच्या बहाण्याने एका शेतकऱ्याला सायबर गुन्हेगारांनी 95 हजार रुपयांचा गंडा घातला आहे. या शेतकऱ्यांने फेसबुकवरील जाहिरात पाहून खरेदीसाठी बैलजोडी बुक केली होती. त्यानंतर समोरच्या अज्ञात व्यक्तीने या शेतकऱ्यांकडून वेगवेगळ्या कामासाठी 95 हजार रुपये आपल्या खात्यावर टाकायला सांगत, बैलजोडी न देता त्याची फसवणूक केली आहे. ज्ञानेश्वर दगडू फरताडे (रा. कारी, ता. धारूर) असे फसवणूक झालेल्या शेतकऱ्याचे नाव आहे. 

हेरवाड / शिवार न्यूज नेटवर्क : हेरवाड - हायस्कूल मध्ये असताना कॉलेजचे आकर्षण असते आणि कॉलेजमध्ये गेल्यावर शाळेचे आकर्षण वाढते . मात्र मुलांनो खरे संस्कार शाळेतच झालेले असतात. आणि यावरच आपले खरे करिअर उभे राहते. त्यामुळे शाळेतील प्रत्येक कार्यक्रमात तुम्ही सहभागी होणे महत्त्वाचे आहे. असे प्रतिपादन तरुण उद्योजक इलियास मुल्लानी यांनी केले.  हेरवाड तालुका शिरोळ येथील हायस्कूलमध्ये वार्षिक पारितोषिक वितरण कार्यक्रमा निमित्त आयोजित केलेल्या कार्यक्रमात ते प्रमुख पाहुणे म्हणून बोलत होते. अध्यक्षस्थानी साने गुरुजी शिक्षण संस्थेचे अध्यक्ष रावसाहेब पाटील हे होते. पुढे बोलताना ते म्हणाले, परिस्थिती अत्यंत गंभीर असताना मी घडलो ते ये या शाळेच्या संस्कारामुळेच, शालेय प्रार्थना जयंती जयंती कार्यक्रम विविध गुणदर्शन वेगवेगळ्या स्पर्धा यामुळे नकळत खूप शिकण्यास मिळते , त्याची जाण शाळेत शालेय वयात आपल्यात नसते. जेव्हा केव्हा आपण आपले करिअर करण्यास सुरुवात करतो न कंटाळता सर्व मुला मुलींनी प्रत्येक कार्यक्रमात सहभागी व्हावे. प्रारंभी शालेय मुलांचे विज्ञान प्रदर्शन, चित्रकला प्रदर्शन रांगोळी प्रदर्शनाचे ...

  कोल्हापूर व सांगली जिल्ह्यातील आमदार व खासदार उपस्थित राहणार कोल्हापूर / शिवार न्यूज नेटवर्क : कोल्हापूर जिल्ह्यातील आदिवासी महादेव कोळी , टोकरे कोळी , डोंगर कोळी , ढोर कोळी , जमातीवर महाराष्ट्र शासनाच्या आदिवासी विकास विभागाकडून गेली ४० वर्षे अनुसूचित जमाती चे प्रमाणपत्र व वैद्यता  प्रमाणपत्र संदर्भात सुरू असलेल्या अन्यायाला वाचा फोडण्यासाठी कोल्हापूर जिल्हा कोळी समाज विकास मंडळ , आदिवासी संघर्ष समिती , अखिल भारतीय कोळी समाज संघटना यांच्यावतीने  २५ जानेवारी २०२३ रोजी सकाळी १० वाजता जिल्हाधिकारी कार्यालय , कोल्हापूर येथे आयोजित आदिवासी हक्क बचाव महा आक्रोश मोर्चाचे आयोजन करण्यात आल्याची माहिती प्रा बसवंत पाटील , विभागीय अध्यक्ष , पश्चिम महाराष्ट्र , आदिवासी संघर्ष समिती  व जिल्हाध्यक्ष अखिल भारतीय कोळी समाज संघटना व श्री विजय भोजे , जिल्हाध्यक्ष , कोल्हापूर जिल्हा कोळी समाज विकास मंडळ यांनी प्रसिद्धीपत्रकान्वये केले आहे .   १९५० पूर्वीच्या जातीच्या  पुराव्याचा आग्रह , आप्तसंबंधची अट , क्षेत्रिय निर्बंधची अट या कारणावरून अनुसूचित जमातीचे प्रमाणपत्र सक...

हेरवाड / शिवार न्यूज नेटवर्क : राजकारण आणि समाजकारण यांचा समेट घडवून लोकनेते स्व. सत्यापाण्णा बरगाले यांच्या माध्यमातून हेरवाड गांवचा विकास झाला आहे. त्यांचे कार्य आम्हा सर्वांना आदर्शवत आहे, त्यांच्या विचारांचा वारसा जोपासण्यासाठी सर्वांनी पुढे यावे, असे आवाहन नूतन सरपंच रेखा जाधव यांनी केले. हेरवाड येथे लोकनेते स्व.सत्यापाण्णा बरगाले यांच्या प्रथम स्मृतिदिनानिमित्त लोकनेते स्व.सत्यापाण्णा बरगाले सोशल फौंडेशन, क्रांती ग्रुप व सम्राट बॉईज यांच्या संयुक्त विद्यमाने मोफत आरोग्य तपासणी शिबिराचे आयोजन करण्यात आले होते, यावेळी सरपंच जाधव बोलत होत्या. प्रारंभी स्वागत बंडू बरगाले यांनी केले.  यावेळी शिबिराचे उद्घाटन प्रसिद्ध डॉ. विश्वनाथ मगदूम यांनी केले. यावेळी गावातील ६० हून अधिक रुग्णांची मोफत तपासणी करण्यात आली. यावेळी बोलताना सरपंच जाधव पुढे म्हणाल्या, स्व.सत्यापाण्णा बरगाले यांच्या विचारांचा वारसा जोपासून गांवचा विकास साधला जाईल. त्यांच्या तंटामुक्त अध्यक्ष पदाच्या कारकिर्दित गांवाला पहिला तंटामुक्त गाव पुरस्कार मिळाला त्यांच्या योगदानामुळेच आज हेरवाडचे नांव लौकिक झाले आहे.  या...

हेरले / प्रतिनिधी  स्थानिक उद्‌भवणाऱ्या आजारावर नियंत्रण ठेवण्यासाठी गावातील अतिजवळचे उपचार करणारे प्राथमिक आरोग्य उपकेंद्र हे २४ तास मोफत सेवा देत असते. त्यामुळे गावातील पुरुष , महिला , शालेय विद्याथी ,यांनी मोफत आरोग्य सेवेचा लाभ घ्यावा असे उद्‌गार लोकनियुक्त सरपंच कस्तुरी पाटील यांनी काढले . त्या मौजे वडगाव (ता. हातकणंगले) येथील शौमिका महाडिक यांच्या निधीतून व आरोग्य विभाग विशेष दुरुस्ती अंतर्गत योजनेतून मंजूर कामाच्या उदघाटन प्रसंगी प्रमुख पाहुण्या म्हणून बोलत होत्या . तर कार्यक्रमाच्या अध्यक्षस्थानी माजी सरपंच सतिश चौगुले होते .               यावेळी प्राथमिक आरोग्य उपकेंद्रातील निवासी समुदाय आरोग्य अधिकारी डॉ. पंकज पाटील यांनी आरोग्याच्या बाबतीत सविस्तर माहिती दिली . या उपकेंद्रामध्ये चालू वर्षी ३५०० रुग्णांची तपासणी करण्यात आली . त्यामध्ये १४२ ब्लडप्रेशर , मधुमेह तपासणी व इतर आजारांवर मोफत औषधे देण्यात आली. तर १२ रुग्णांचे एक्स रे काढण्यात आले 'सध्या शौमिका महाडिक यांच्या निधीतून मंजूर ५ लाख रुपये निधी मधून उपकेंद्राच्या आवारात बहुउद्देशीय आ...

  जयसिंगपूर / शिवार न्यूज नेटवर्क : जयसिंगपूर नगरीमध्ये १००८ पार्श्वनाथ दिगंबर जैन मंदिर ट्रस्ट व श्री कल्पद्रुम आराधना महामंडल महामहोत्सव समिती यांच्यावतीने जयसिंगपूर नगरीच्या इतिहासात पहिल्यांदाच भव्य समवशरण रचनासहित श्री कल्पद्रुम आराधना महामंडल विधान महामहोत्सव व विश्वशांती महायज्ञाचे आयोजन केले आहे, मोठ्या उत्साहात व आनंदाने मंगलमय वातावरणात पार पडणाऱ्या या धार्मिक सोहळ्यासाठीची तयारी जवळपास पूर्ण झाली असून नऊ दिवस चालणाऱ्या या महामहोत्सवासाठी श्री 1008 पार्श्वनाथ दिगंबर जैन मंदिराचा जीर्णोद्धार पूर्ण झाला असून मंदिर परिसर सुशोभित करण्यात आला आहे, शहरातील प्रमुख मार्गावर सर्वांच्या स्वागतासाठी विविध मंडळे, संस्था व सर्व धर्मीयांच्या वतीने आकर्षक स्वागत कमानी उभारण्यात आल्या असून सिद्धेश्वर मंदिरा लगत चाळीस हजार स्केअर फुटाच्या भव्य मंडप उभारणीचे काम अंतिम टप्प्यात आहे, महोत्सवासाठी येणाऱ्या भाविकांच्या वाहनांसाठी स्वतंत्र पार्किंग व्यवस्था केली गेली आहे, गल्ली नंबर 4 येथील इंद्रध्वज सभागृह व श्रीमती सोनाबाई इंगळे सभागृह या ठिकाणी महोत्सवासाठी येणाऱ्या भाविकांसाठी भोजनाची व्यव...