शिवार वार्ता न्यूज नेटवर्क

जयसिंगपूर / शिवार न्यूज नेटवर्क : बत्तीस शिराळा तालुक्यातील मांगले येथील बंधाऱ्याचे तीन बर्गे वाहून गेल्याने पाटबंधारे विभागाने या ठिकाणी बरगे बसविण्याचे काम हाती घेतले होते, त्यामुळे याचा परिणाम शिरोळ तालुक्यातील वारणा काठच्या दानोळी, कोथळी आणि इतर गावांवर झाला असून, तेथील पाण्याची पातळी लक्षणीयरीत्या कमी झाली होती. मात्र, पाटबंधारे विभागाने तातडीने उपाययोजना करून बर्गे पुन्हा बसवले आहेत. त्यामुळे शुक्रवारी सायंकाळपर्यंत नदीपात्रात पाणी पोहोचेल, अशी माहिती आमदार राजेंद्र पाटील यड्रावकर यांनी दिली. मांगले येथील वारणा नदीवरील बंधाऱ्याचे तीन बर्गे वाहून गेले होते. पाटबंधारे विभागाने तातडीने बर्गे बसवण्याचे काम किती घेतले होते त्यामुळे शिरोळ तालुक्यातील नदीकाठच्या गावांमध्ये पाण्याची पातळी कमी झाली होती.  सध्या बर्गे बसविण्याचे काम पूर्ण झाले आहे तसेच धरण क्षेत्रातून १,५०० क्युसेसने पाण्याचा विसर्ग सुरू करण्यात आला आहे. त्यामुळे शुक्रवारी सायंकाळपर्यंत कोथळी आणि दानोळी परिसरातील वारणा नदीपात्रात पाणी पोहोचणार असल्याची माहिती आमदार राजेंद्र पाटील यड्रावकर यांनी दिली. मागील काही दिवसां...

शिरोळ / शिवार न्यूज नेटवर्क : शिरोळ तहसील कार्यालयाच्या इमारतीत असणारे वैद्यमापन कार्यालय सध्या अक्षरशः ठप्प झाले आहे. या कार्यालयाचा कार्यभार कोल्हापूरच्या एका अधिकाऱ्याकडे सोपवण्यात आला असून, ते येथे क्वचितच उपस्थित राहतात. परिणामी, कार्यालय कायम कुलूपबंदच असते. फक्त एका शिपायावर संपूर्ण तालुक्याचा भार असल्याने नागरिकांच्या तक्रारींना कोणतेही प्रतिसाद मिळत नाहीत. शिरोळ तालुक्यातील व्यापारी, किरकोळ विक्रेते तसेच सामान्य नागरिकांना वैद्यमापन कार्यालयाच्या सेवांची गरज असते. वजन काट्यांची तपासणी, प्रमाणपत्रे, तक्रारींचे निराकरण यांसाठी नागरिक कार्यालयात येतात, मात्र येथे कोणीच उपलब्ध नसते. नागरिक वारंवार हेलपाटे मारूनही समाधान मिळत नाही. या कार्यालयात एकच शिपाई कार्यरत असून त्याच्यावर संपूर्ण तालुक्याची जबाबदारी टाकण्यात आली आहे. अधिकाऱ्याच्या अनुपस्थितीत शिपायालाही निर्णय घेण्याचा अधिकार नसल्याने नागरिकांना रिकाम्या हाताने परतावे लागते. वजन मापनासंबंधीच्या नियमांचे पालन होते का, याची तपासणीसुद्धा होत नाही. परिणामी, अनेक व्यापारी बोगस प्रमाणपत्रांवर व्यवसाय करतात, तर ग्राहकांची फसवणूक हो...

हेरवाड / शिवार न्यूज नेटवर्क : देशी गाईचे महत्त्व ओळखून अनेक शेतकरी आणि कुटुंबे गाईपालनाकडे वळत आहेत. हेरवाड येथील जाधव कुटुंबीयांनी देशी गाईवरील आपल्या निस्सीम प्रेमाची अनोखी प्रचिती देत गाईचे डोहाळे जेवण घालण्याचा अनोखा उपक्रम राबवला. ओंकार अनिल जाधव यांनी आपल्या गोठ्यात देशी गाय पाळली असून, तिच्या मातृत्वाच्या सन्मानार्थ खास डोहाळे जेवण आयोजित केले. पारंपरिक पद्धतीने गाईची ओटी भरून तिची पूजा करण्यात आली. यानंतर उपस्थित ग्रामस्थांनी गाईला नैवेद्य अर्पण केला. या प्रसंगी गावातील अनेक नागरिक, नातेवाईक आणि शेतकरी मोठ्या संख्येने उपस्थित होते. गाईच्या या विशेष सणानिमित्त आलेल्या सर्व पाहुण्यांसाठी जाधव कुटुंबीयांनी महाप्रसादाचे आयोजन केले. देशी गाईच्या संवर्धनासाठी आणि जनजागृतीसाठी आयोजित हा कार्यक्रम चर्चेचा विषय ठरला असून, या उपक्रमाचे उपस्थितांनी कौतुक केले. गाईचे महत्त्व केवळ दुग्धोत्पादनापुरते न पाहता तिला कुटुंबाचा एक भाग म्हणून सन्मान मिळावा, असा संदेश या कार्यक्रमातून मिळाला. दरम्यान हेरवाड येथील खिल्लार ग्रुपने देशी गाईंच्या संवर्धनासाठी विशेष मोहीम सुरू केली आहे. देशी गाई टिकवण्...

कोल्हापूर / शिवार न्यूज नेटवर्क : कोल्हापूर शहरातील उमा टॉकीज चौक परिसरातील सिद्धिविनायक गणपती मंदिरातला लागून असलेल्या महादेव शिंदे यांच्या आनंद ऑटो गॅरेज या अवैध गॅस रिफिलिंग स्टेशनवर कोल्हापूर शहर अन्नधान्य वितरण अधिकारी कार्यालयाच्या पथकाने आज अचानक धाड टाकून परवाना नसल्याने एकूण सोळा गॅस सिलेंडर, एक इलेक्ट्रॉनिक वजन काटा, एक एचपी क्षमतेची मोटर असा एकूण अंदाजे साठ हजार रुपये किंमतीचा मुद्देमाल जप्त केला. यापूर्वीही शहर पुरवठा कार्यालयाच्या पथकाने 2024 मध्ये याच ठिकाणी कारवाई करुन महादेव शिंदे यांच्यावर गुन्हा दाखल केला होता. या गॅस रिफिलिंग स्टेशनच्या अगदी बाजूला ऐतिहासिक सिद्धिविनायक मंदिर आहे, त्यामुळे हे ठिकाण गर्दीचे असून काही अपघात घडला तर सामाजिक सलोख्याच्या दृष्टीने संवेदनशील ठरु शकते. त्यामुळे गेल्या वर्षी कारवाई करताना संबंधितांना याबाबतीत समज देण्यात आली होती व राजवाडा पोलीस स्टेशनमध्ये संबंधितावर गुन्हा दाखल करण्यात आला होता. यावेळीही जुना राजवाडा पोलीस स्टेशनमध्ये संबंधितावर गुन्हा दाखल करण्यात आला आहे. जिल्हा पुरवठा अधिकारी मोहिनी चव्हाण यांच्या निर्देशानुसार अन्नधान्य...

  कोल्हापूर / शिवार न्यूज नेटवर्क :  कुमार विद्या मंदिर, तमदलगे येथे घोडावत कंज्यूमर लिमिटेडच्या सीएसआर फंड आणि संजय घोडावत फाउंडेशन यांच्या माध्यमातून शाळेतील विविध विकासकामांचे हस्तांतरण सोहळा नुकताच आयोजित करण्यात आला. या सोहळ्यात घोडावत कंज्यूमर लिमिटेडचे एमडी श्रेणिक घोडावत, डायरेक्टर सौ सलोनी घोडावत, डायरेक्टर राजेश घोडावत, आणि क्वालिटी आणि सस्टेनेबिलिटी हेड थिप्पेस्वामी पापारेड्डी यांची प्रमुख उपस्थिती होती.  कार्यक्रमाच्या प्रारंभात यशवंत पेठे यांनी उपस्थित मान्यवरांचे स्वागत व परिचय केला. शाळेतील सुधारणा घोडावत कंज्यूमर लिमिटेडच्या सीएसआर फंडातून आणि तमदलगे ग्रामपंचायतीच्या सहकार्याने शक्य झाल्या आहेत. या उपक्रमाअंतर्गत शाळेची इमारत, कूलिंग सिस्टीम, शाळेची मैदानाची स्थिती सुधारली असून शाळेतील विद्यार्थी व शिक्षक यांना अत्याधुनिक सुविधा उपलब्ध करण्यात आल्या आहेत. श्रेणिक घोडावत यांनी विद्यार्थ्यांना संघर्ष करत असताना अपयशावर मात करून धैर्याने यश मिळवण्याचे महत्त्व विद्यार्थ्यांना प्रेरणादायक ठरल आहे. डायरेक्टर सौ सलोनी घोडावत यांनी मुलींना शिक्षणाच्या महत्त्वाबद्द...

बासासो कोकणे / शिवार न्यूज नेटवर्क :   महाशिवरात्रीच्या निमित्ताने प्रजापिता ब्रह्माकुमारी ईश्वरीय विश्वविद्यालयाच्या वतीने आठ फूट उंच शिवलिंगाची प्रतिष्ठापना करून विशेष आध्यात्मिक कार्यक्रमाचे आयोजन करण्यात आले. या कार्यक्रमात दत्तवाड उपसेवा केंद्राच्या आदरणीय सुवर्णा बहनजी यांनी "शिवपरमात्म्याचा सत्य परिचय आणि ईश्वरी कार्य" या विषयावर मार्गदर्शन केले. त्यांनी परमात्म्याच्या दिव्य कर्तव्य, तणावमुक्त जीवनशैली, ईश्वरप्राप्तीची साधना आणि ईश्वरी अवतार यावर सविस्तर विचार मांडले. कार्यक्रमाची सुरुवात ध्वजवंदनाने झाली, ज्याचे संचालन जुगळे सर यांनी केले. विजयसिंह बाबा घोसवड सरकार यांच्या हस्ते श्रीफळ अर्पण करून धार्मिक विधी पार पडले. या प्रसंगी भास्कर नंदी, कुरळे गोपाळ घुणके, अण्णासाहेब पाटील, संजय पाटील, भोपाल नाईक, उत्तरा देवी शिंदे सरकार, सौ. मधुमती पाटील, अमर शिंदे, प्रताप मोहिते, अशोक पाटील, अलगोंडा पाटील तसेच दत्तवाड आणि दानवाड येथील "ओम शांती" परिवार उपस्थित होता. कार्यक्रमाच्या यशस्वी आयोजनाबद्दल उपस्थितांनी समाधान व्यक्त केले आणि महाशिवरात्रीच्या निमित्ताने शिवपरम...

कोल्हापूर / शिवार न्यूज नेटवर्क : निगवे खालसा येथील सौ. तेजा अरविंद पाटील यांनी शिवाजी विद्यापीठाच्या भौतिकशास्त्र विभागातून पीएच.डी. पदवी संपादन केली आहे. स्टडीज् ऑन दी केमिकल रुट सिन्थेसिस ऑफ कॉपर कोबाल्ट ऑक्साइड/कंडक्टटींग पॉलीमर कॉम्पोसिट फॉर सुपरकॅपॅसिटर अँप्लिकेशन हा त्यांच्या प्रबंधाचा विषय होता. या संशोधनात त्यांनी सुपरकॅपॅसिटर तंत्रज्ञानातील विविध पैलूंचा सखोल अभ्यास करून महत्त्वपूर्ण योगदान दिले आहे. सौ. पाटील यांनी आंतरराष्ट्रीय स्तरावरील प्रतिष्ठित नियतकालिकांमध्ये ११ संशोधन निबंध प्रकाशित केले आहेत. त्यांना भोगावती महाविद्यालय, कुरुकली येथील डॉ. व्ही. पी. मालेकर यांचे मार्गदर्शन लाभले, तसेच प्रा. कोठावळे सर, विभागप्रमुख, प्राचार्य चौगले सर व इतर प्राध्यापकांचे मोलाचे सहकार्य मिळाले. शिवाजी विद्यापीठ भौतिकशास्त्र विभाग, विभागप्रमुख व सर्व प्राध्यापक यांचे मार्गदर्शन व सहकार्याबद्दल त्यांनी विशेष आभार व्यक्त केले. तेजा यांच्या संशोधनासाठी महाराष्ट्र शासनाच्या सारथी संस्थेची संशोधन फेलोशिप प्राप्त झाली होती. संशोधनाच्या या प्रवासात त्यांना त्यांचे पती डॉ. अरविंद पाटील तसेच सं...

  शिरोळ / शिवार न्यूज नेटवर्क : पुणे येथील पत्रकारिता क्षेत्रातील आघाडीचे वृत संस्था तर्फे शिरढोण तालुका शिरोळ जिल्हा कोल्हापूर येथील सौ.करिश्मा हैदर‌अली मुजावर यांनी सामाजिक क्षेत्रात केलेल्या विशेष कार्याची दखल घेऊन त्यांची नारीशक्ती या पुरस्कारासाठी निवड करण्यात आली आहे.प्रेस मिडीया लाईव्हचा राष्ट्रीय पुरस्कार वितरण सोहळा दिनांक 20 एप्रिल 2025 रोजी सांगली येथे दुपारी 12 वाजता या वेळेस संपन्न होणार आहे.

  जयसिंगपूर / शिवार न्यूज नेटवर्क : अंमली पदार्थ विरोधी कारवाई अंतर्गत जयसिंगपूर पोलिसांनी गांजा सेवन करताना एका तरुणाला रंगेहात पकडले. शुभम भरत भोसले (वय २३, रा. नोकर हौसिंग सोसायटी, जयसिंगपूर) असे अटक केलेल्या आरोपीचे नाव आहे. पोलिसांनी दिलेल्या माहितीनुसार, २४ फेब्रुवारी रोजी संध्याकाळी ५:३५ च्या सुमारास जयसिंगपूर पोलिसांना आंबेडकर हौसिंग सोसायटीजवळ असलेल्या पाण्याच्या टाकीजवळ एक तरुण गांजाचे सेवन करत असल्याची माहिती मिळाली. यानुसार, पोलीस निरीक्षक किशोर अंबुडेकर यांच्या मार्गदर्शनाखाली पोलिसांनी घटनास्थळी धाड टाकली आणि शुभम भोसले याला ताब्यात घेतले. झडती घेतल्यावर, १ ग्रॅम गांजा, चिलपी कंपनीची काडेपेटी (१२ काड्यांसह) आणि दोन अर्धवट जळालेल्या काड्या आढळून आल्या. सदर मुद्देमाल जागीच नष्ट करण्यात आला. याप्रकरणी फिर्यादी वैभव लक्ष्मण सुर्यवंशी यांच्या तक्रारीनुसार, आरोपीविरुद्ध अंमली पदार्थ विरोधी कायदा प्रमाणे गुन्हा दाखल करण्यात आला आहे. ही कारवाई पो.स.ई. किशोर अंबुडेकर, पो. हे. कॉ. संतोष जाधव, पो. ना. ताहीर मुल्ला आणि पो. कॉ. बाळासो गुत्ते कोळी यांच्या पथकाने केली. पुढील तपास पो...

जयसिंगपूर / शिवार न्यूज नेटवर्क :   अंमली पदार्थ विरोधी कारवाई अंतर्गत जयसिंगपूर पोलिसांनी गांजा सेवन करताना एका तरुणाला रंगेहात पकडले. शुभम भरत भोसले (वय २३, रा. नोकर हौसिंग सोसायटी, जयसिंगपूर) असे अटक केलेल्या आरोपीचे नाव आहे. पोलिसांनी दिलेल्या माहितीनुसार, २४ फेब्रुवारी रोजी संध्याकाळी ५:३५ च्या सुमारास जयसिंगपूर पोलिसांना आंबेडकर हौसिंग सोसायटीजवळ असलेल्या पाण्याच्या टाकीजवळ एक तरुण गांजाचे सेवन करत असल्याची माहिती मिळाली. यानुसार, पोलीस निरीक्षक किशोर अंबुडेकर यांच्या मार्गदर्शनाखाली पोलिसांनी घटनास्थळी धाड टाकली आणि शुभम भोसले याला ताब्यात घेतले. झडती घेतल्यावर, १ ग्रॅम गांजा, चिलपी कंपनीची काडेपेटी (१२ काड्यांसह) आणि दोन अर्धवट जळालेल्या काड्या आढळून आल्या. सदर मुद्देमाल जागीच नष्ट करण्यात आला. याप्रकरणी फिर्यादी वैभव लक्ष्मण सुर्यवंशी यांच्या तक्रारीनुसार, आरोपीविरुद्ध अंमली पदार्थ विरोधी कायदा प्रमाणे गुन्हा दाखल करण्यात आला आहे. ही कारवाई पो.स.ई. किशोर अंबुडेकर, पो. हे. कॉ. संतोष जाधव, पो. ना. ताहीर मुल्ला आणि पो. कॉ. बाळासो गुत्ते कोळी यांच्या पथकाने केली. पुढील तप...

जयसिंगपूर / शिवार न्यूज नेटवर्क :  संत नामदेव शिंपी समाजाच्या कोल्हापूर जिल्हाध्यक्षपदी सुरेश पुकाळे यांची निवड करण्यात आली. अखिल भारतीय नामदेव क्षत्रिय महासंघ दिल्लीचे राष्ट्रीय अध्यक्ष भास्कराव टोम्पे यांच्या अध्यक्षतेखाली झालेल्या विशेष बैठकीत त्यांची बिनविरोध निवड जाहीर करण्यात आली. या वेळी राष्ट्रीय कार्याध्यक्ष ईश्वर धिरडे, राष्ट्रीय प्रमुख समन्वयक अनंत जांगजोड, सांगली जिल्हाध्यक्ष उदय मुळे, संतोष मुळे आणि इतर पदाधिकारी उपस्थित होते. बैठकीत समाजाच्या विविध प्रश्नांवर चर्चा झाली तसेच भविष्यात समाजहितासाठी राबवायच्या उपक्रमांबाबत महत्त्वपूर्ण निर्णय घेण्यात आले. निवडीनंतर सुरेश पुकाळे यांनी आपल्या प्रतिक्रिया देताना सांगितले की, "समाजाच्या प्रगतीसाठी मी पूर्ण ताकदीने काम करणार आहे. शिक्षण, व्यवसाय आणि सामाजिक ऐक्य वाढवण्यासाठी विशेष योजना आखल्या जातील." या निवडीमुळे कोल्हापूर जिल्ह्यातील नामदेव शिंपी समाजात आनंदाचे वातावरण असून, अनेक ठिकाणी सुरेश पुकाळे यांचे अभिनंदन करण्यात येत आहे.

    कोल्हापूर / शिवार न्यूज नेटवर्क : राज्यातील शेतकऱ्यांचा आर्थिकस्तर उंचवावा तसेच अन्न धान्याच्या बाबतीत महाराष्ट्र स्वंयपूर्ण व्हावा त्याचबरोबर राज्यातून अधिक निर्यात वाढावी आदी उद्देश्याने लवकरच राज्य शासनामार्फत नवीन कृषी धोरण आखणार असल्याचे प्रतिपादन कृषी मंत्री माणिकराव कोकाटे यांनी केले.             शासकीय विश्रामगृह येथील राजर्षी शाहू सभागृहात आयोजित करण्यात आलेल्या प्रगतशील व प्रयोगशील शेतकरी परिसंवादात ते बोलत होते.             यावेळी व्यासपीठावर खासदार धैर्यशिल माने, कृषी विभागाचे प्रधान सचिव विकासचंद्र रस्तोगी, सामाजिक कार्यकर्ते डॉ. अविनाश पोळ, विभागीय कृषी सहसंचालक उमेश पाटील, कृषी आयुक्तालयाचे (पुणे) सहसंचालक रविशंकर चलवदे, सहायक संचालक (संशोधन) डॉ. अशोक पिसाळ, रामेतीचे प्राचार्य बसवराज मास्तोळी, जिल्हा अधीक्षक कृषि अधिकारी जालिदंर पागंरे (कोल्हापूर), जिल्हा अधीक्षक कृषि अधिकारी विवेक कुंभार (सांगली), जिल्हा अधीक्षक कृषि अधिकारी श्रीमती भाग्यश्री फरांदे (सातारा), ऊस तज्ज्ञ संजीव माने आदी मान्यवर...

संदीप कोले / शिवार न्यूज नेटवर्क : हातकणंगले तालुक्यातील इचलकरंजी येथे दलित पँथरच्या वतीने शिवजयंती मोठ्या उत्साहात साजरी करण्यात आली. कार्यक्रमाच्या अध्यक्षस्थानी दलित पँथरचे राज्य सरचिटणीस प्रा. अशोक कांबळे होते. कार्यक्रमाची सुरुवात स्वागत व प्रास्ताविकाने झाली, जे दलित पँथरचे जिल्हाध्यक्ष मुबारक शेख यांनी केले. यावेळी मोहन नाईक, बरकत आलासे आणि सुरेश मंडलिक यांनी आपली विचारमांडणी केली. कार्यक्रमास सौ. अपेक्षा कांबळे, सौ. पदमा जाधव, सौ. संगीता गोसावी, सौ. ज्योती भास्कर, चंद्रकांत कांबळे, सतीश राजमाने, सुधीर कमलाकर, दीपक जाधव, इम्रान मुल्ला, मनोज भास्कर आदी मान्यवर उपस्थित होते. शेवटी आतिष बनसोडे यांनी आभार मानले.

  प्रल्हाद साळुंखे / शिवार न्यूज नेटवर्क : कोल्हापूरच्या दसरा चौकातील शाहू स्मारक भवन येथे छत्रपती शिवाजी महाराज सर्वधर्मीय जयंती महोत्सव समितीच्या वतीने छत्रपती शिवाजी महाराज यांच्या ३९५व्या जयंतीनिमित्त टाकळीवाडी येथील सामाजिक कार्यकर्ते अनिल कांबळे (बापू) यांना शिव प्रेरणा पुरस्काराने सन्मानित करण्यात आले. या कार्यक्रमात त्यांना सन्मानचिन्ह, शाल, श्रीफळ व गुलाबपुष्प देऊन गौरविण्यात आले. हा सन्मान हातकणंगले तालुक्याचे आमदार मा. अशोकराव माने, स्वराज्य क्रांती सेना पँथर आर्मीचे संस्थापक राष्ट्रीय अध्यक्ष मा. संतोष आठवले, छत्रपती शिवाजी महाराज सर्वधर्मीय महोत्सव समितीचे अध्यक्ष मा. सचिन रमेश माने, परिवर्तन फाउंडेशनचे संस्थापक अध्यक्ष मा. अमोल कुरणे व स्वराज्य क्रांती सेना पँथर आर्मी कोल्हापूर जिल्हाध्यक्ष मा. मचिंद्र रूईकर यांच्या शुभहस्ते प्रदान करण्यात आला. या सोहळ्यास जिल्ह्यातील अनेक मान्यवर मोठ्या संख्येने उपस्थित होते.

हेरवाड / शिवार न्यूज नेटवर्क : मनमाड (नाशिक) येथे होणाऱ्या ३५ व्या किशोर गट राज्य अजिंक्यपद कबड्डी स्पर्धेसाठी MPSC संचलित राजमुद्रा क्रीडा मंडळ, हेरवाड चा खेळाडू कु. निरंजन सचिन पुजारी याची कोल्हापूर जिल्हा कबड्डी संघात निवड झाली आहे. या उल्लेखनीय निवडीबद्दल त्याचे सर्वत्र कौतुक होत असून त्याला पुढील वाटचालीसाठी शुभेच्छा दिल्या जात आहेत. राजमुद्रा क्रीडा मंडळाने अनेक खेळाडूंना व्यासपीठ उपलब्ध करून दिले असून, निरंजन पुजारी याने आपल्या उत्कृष्ट खेळाच्या बळावर जिल्हा संघात स्थान मिळवले आहे. त्याच्या या निवडीमुळे हेरवाड गाव आणि संपूर्ण कोल्हापूर जिल्ह्याचा नावलौकिक वाढला आहे. मनमाड येथे होणाऱ्या या प्रतिष्ठेच्या स्पर्धेत महाराष्ट्रभरातील उत्कृष्ट संघ सहभागी होणार आहेत. या स्पर्धेत निरंजन आपल्या खेळातून संघासाठी बहुमूल्य योगदान देईल, असा विश्वास प्रशिक्षकांनी व्यक्त केला आहे. निरंजन पुजारीच्या निवडीबद्दल त्याचे प्रशिक्षक, क्रीडा मंडळाचे पदाधिकारी, गावकरी आणि कुटुंबीयांनी त्याला शुभेच्छा दिल्या आहेत. त्याच्या यशामागे त्याच्या कुटुंबीयांचे आणि प्रशिक्षकांचे मोठे योगदान आहे.

कोल्हापूर / शिवार न्यूज नेटवर्क :       दसरा चौक, शाहू स्मारक भवन येथे छत्रपती शिवाजी महाराज सर्वधर्मीय जयंती महोत्सव समितीच्या वतीने छत्रपती शिवाजी महाराज यांच्या ३९५व्या जयंतीनिमित्त नवे दानवाड ग्रामपंचायत सदस्या सौ. पूनम शिवाजी साळुंखे यांना ‘नारी शक्ती शिव प्रेरणा’ पुरस्काराने सन्मानित करण्यात आले. सौ. पूनम साळुंखे यांना सन्मानचिन्ह, शाल, श्रीफळ आणि गुलाबपुष्प देऊन गौरवण्यात आले. हा सन्मान हातकणंगले तालुक्याचे आमदार अशोकराव माने, स्वराज्य क्रांती सेना पँथर आर्मीचे संस्थापक राष्ट्रीय अध्यक्ष संतोष आठवले, छत्रपती शिवाजी महाराज सर्वधर्मीय महोत्सव समितीचे अध्यक्ष सचिन रमेश माने, परिवर्तन फाउंडेशनचे संस्थापक अध्यक्ष अमोल कुरणे आणि स्वराज्य क्रांती सेना पँथर आर्मीचे कोल्हापूर जिल्हाध्यक्ष मचिंद्र रूईकर यांच्या शुभहस्ते प्रदान करण्यात आला. या सोहळ्यास जिल्ह्यातील अनेक मान्यवर मोठ्या संख्येने उपस्थित होते.

कोल्हापूर / शिवार न्यूज नेटवर्क :   दसरा चौक, शाहू स्मारक भवन येथे छत्रपती शिवाजी महाराज सर्वधर्मीय जयंती महोत्सव समितीच्या वतीने छत्रपती शिवाजी महाराज यांच्या ३९५व्या जयंतीनिमित्त शिवार न्यूजचे पत्रकार प्रल्हाद साळुंखे यांना ‘शिव प्रेरणा आदर्श पत्रकार’ पुरस्काराने सन्मानित करण्यात आले. साळुंखे यांना सन्मानचिन्ह, शाल, श्रीफळ आणि गुलाबपुष्प देऊन गौरवण्यात आले. हा सन्मान हातकणंगले तालुक्याचे आमदार अशोकराव माने, स्वराज्य क्रांती सेना पँथर आर्मीचे संस्थापक राष्ट्रीय अध्यक्ष संतोष आठवले, छत्रपती शिवाजी महाराज सर्वधर्मीय महोत्सव समितीचे अध्यक्ष सचिन रमेश माने, परिवर्तन फाउंडेशनचे संस्थापक अध्यक्ष अमोल कुरणे आणि स्वराज्य क्रांती सेना पँथर आर्मीचे कोल्हापूर जिल्हाध्यक्ष मचिंद्र रूईकर यांच्या शुभहस्ते प्रदान करण्यात आला. या सोहळ्यास जिल्ह्यातील अनेक मान्यवर मोठ्या संख्येने उपस्थित होते.

प्रल्हाद साळुंखे / शिवार न्यूज नेटवर्क :  टाकळीवाडी (ता. शिरोळ) येथील माजी सैनिक आणि वीव्हीआयपी सुरक्षा दलात सेवा बजावलेले सूर्यकांत बदामे यांच्या दोन्ही कन्यांची परदेशात उच्च शिक्षणासाठी निवड झाली आहे. कुमारी प्रतीक्षा सूर्यकांत बदामे हिची एम.एस. इन डाटा सायन्स साठी मोनाश युनिव्हर्सिटी, ऑस्ट्रेलिया येथे निवड झाली आहे. तसेच, कुमारी प्रगती सूर्यकांत बदामे हिची कंप्युटर सायन्स डिग्री साठी शेजाग युनिव्हर्सिटी, दक्षिण कोरिया येथे निवड झाली आहे. सख्ख्या बहिणींची एकाच वेळी आंतरराष्ट्रीय स्तरावर निवड झाल्याने टाकळीवाडी गावासह परिसरात आनंद आणि अभिमानाचे वातावरण आहे. या यशस्वी विद्यार्थिनींचा सैनिक वेल्फेअर असोसिएशन टाकळीवाडी तसेच गावातील आजी-माजी सैनिकांनी सत्कार करून त्यांना पुढील वाटचालीसाठी शुभेच्छा दिल्या.

कुरुंदवाड / शिवार न्यूज नेटवर्क :        वाढत्या महागाईच्या झळा आता मृतांच्या कुटुंबांनाही सोसाव्या लागत आहेत! कुरुंदवाड नगरपरिषद अंत्यसंस्कारासाठी केवळ २ हजार रुपये अनुदान देते. मात्र आजच्या महागाईच्या काळात हा निधी अत्यंत अपुरा पडत असून, तो ५ हजार रुपयांपर्यंत वाढवावा, अशी मागणी होत आहे. प्रशासनाने तातडीने निर्णय घ्यावा, अन्यथा "जिवंत माणसांचा तडकीचा मोर्चा" काढण्याचा इशारा माजी नगरसेवक आप्पासाहेब बंडगर यांनी आयोजित पत्रकार परिषदेत दिला आहे.      पत्रकार परिषदेत पुढे बोलताना माजी नगरसेवक बंडगर म्हणाले घरातील एखादा माणूस गमावल्यावरचं दुःख पुरेसं असतं, त्यातच अंत्यसंस्काराच्या खर्चाची चिंता नातेवाईकांना खायला उठते.केवळ दोन हजार रुपयांत अंत्यसंस्कार कसे करायचे? प्रशासनाला याची जाण आहे का?गेल्या तीन वर्षांपासून यासाठी पाठपुरावा सुरू असूनही प्रशासन मूग गिळून गप्प बसले आहे. महागाई गगनाला भिडलेली असताना नगरपरिषदेचे केवळ २ हजार रुपये अनुदान ही चेष्टा आहे, असा आरोपही त्यांनी केला.      प्रशासनाने येत्या १५ दिवसांत निर्णय घ्यावा अन्यथा आम्ही पाल...

कुरुंदवाड / शिवार न्यूज नेटवर्क :       मजरेवाडी, ता. शिरोळ ग्रामपंचायतीच्या उपसरपंचपदी किशोर जुगळे यांची बिनविरोध निवड झाली. निवडणूक निर्णय अधिकारी तथा सरपंच संगीता परिट यांच्या अध्यक्षतेखाली मंगळवारी दुपारी २ वाजता विशेष सभेचे आयोजन करण्यात आले होते. मजरेवाडी ग्रामपंचायतीच्या उपसरपंच अरुणा खुरपे यांनी आघाडीने ठरवून दिलेल्या कार्यकाळानुसार राजीनामा दिल्यानंतर ही जागा रिक्त झाली होती. रिक्त जागेसाठी निवडणूक प्रक्रियेत किशोर जुगळे यांचा एकमेव अर्ज आल्याने, पीठासीन अधिकारी सरपंच संगीता परिट यांनी त्यांची बिनविरोध निवड जाहीर केली. यावेळी आघाडी प्रमुख शंकर कागले, नंदकिशोर पाटील, ग्रामपंचायत सदस्य अरुणा रविराज खुरपे, सुनीता शांतीनाथ पोटे, लक्ष्मण चौगुले, किशोर जुगळे, महेश दादासो नरुटे, अंकिता चव्हाण, शेखर कागले, पार्वती गवंडी आदी उपस्थित होते. निवड जाहीर होताच ग्रामस्थ आणि समर्थकांनी जल्लोष साजरा करत फटाक्यांची आतषबाजी आणि गुलालाची उधळण केली. गावातील विविध मान्यवरांनी किशोर जुगळे यांचे अभिनंदन करत त्यांच्या पुढील कार्यकाळासाठी शुभेच्छा दिल्या.

  कोल्हापूर / शिवार न्यूज नेटवर्क :  संजय घोडावत इन्स्टिट्यूटच्या प्रांगणा मध्ये २६ फेब्रुवारी २०२५ रोजी वेळ सकाळी १०.०० ते ०५.०० "निंबस २के२५" राष्ट्रीय स्तरावरील स्पर्धेचे आयोजन करण्यात आलेले आहे. विद्यार्थांच्या नावीन्य, सर्जनशीलता आणि तांत्रिकतेच्या उत्कर्षाला प्रज्वलित करण्यासाठी विविध तांत्रिक स्पर्धांच्या माध्यमातून विद्यार्थी आणि तंत्रज्ञांन कौशल्यांची कसोटी पाहण्याची संधी उपलब्ध करून देण्यात आली आहे. या मध्ये तांत्रिक कॅड बस्टर्स: संगणक-सहाय्यित डिझाइनच्या कलेमध्ये प्रभुत्व मिळविणे, सर्किटिक्स: सर्किट डिझाइन आणि इलेक्ट्रिकल मधील विविध पैलूंवर विद्यार्थांची पकड़ निर्माण करणे, टेक रोबस्टा: रोबोटिक्सच्या क्षेत्रातील नवीनतम सर्जनशीलतेचे प्रदर्शन करणे, ब्रेन स्टॉर्मर्स (क्विझ): तांत्रिक समस्यांची उत्तरे शोधत, विद्यार्थांच्या विश्लेषणात्मक क्षमतेला चालना देणे, कोड क्रुसेड: प्रोग्रामिंगची विविध आव्हाने पार करणे, पेपर प्रेझेंटेशन: विद्यार्थांच्या ग्राउंडब्रेकिंग संशोधन आणि नाविन्यपूर्ण कल्पनांचा सादरीकरण करण्यासाठी निंबस २के२५ मध्ये इजिनिअरिन क्षेत्रात शिक्षण घेत असणाऱ्य...

हेरवाड / शिवार न्यूज नेटवर्क : शिरोळ तालुक्यातील हेरवाड येथे मराठा समाजाच्या वतीने शिवजयंती सोहळा मोठ्या उत्साहात साजरा करण्यात येणार आहे. या निमित्ताने १९ फेब्रुवारी २०२५ रोजी विविध कार्यक्रमांचे आयोजन करण्यात आले आहे. कार्यक्रमाची सुरुवात सकाळी ६.३० वाजता शिवप्रतिमा पूजनाने होणार आहे. त्यानंतर सकाळी १० वाजता शिवप्रतिमा पालखी मिरवणूक काढण्यात येईल. या मिरवणुकीत गावातील नागरिक मोठ्या संख्येने सहभागी होणार असून, ढोल-ताशांच्या गजरात वातावरण शिवमय होईल. यानंतर ११ वाजता प्रा. श्री. अरुण घोडके यांचे प्रेरणादायी व्याख्यान होणार आहे. त्यामध्ये छत्रपती शिवाजी महाराजांच्या शौर्यगाथेवर प्रकाश टाकण्यात येईल. दुपारी १ वाजता महाप्रसादाचा कार्यक्रम आयोजित करण्यात आला आहे, ज्यामध्ये ग्रामस्थ मोठ्या संख्येने सहभागी होतील. या कार्यक्रमाचे आयोजन मराठा समाज हेरवाडच्या अध्यक्ष व संचालक मंडळाने केले आहे. संपूर्ण गावात शिवजयंतीच्या तयारीला जोरदार उत्साह दिसून येत आहे.

प्रल्हाद साळुंखे / शिवार न्यूज नेटवर्क : शिवजयंतीच्या निमित्ताने श्री. गुरुदत्त शुगर्स लि., टाकळीवाडी येथे भव्य महारक्तदान शिबिराचे आयोजन करण्यात आले आहे. हे शिबिर बुधवार, १९ फेब्रुवारी आणि गुरुवार, २० फेब्रुवारी २०२५ रोजी पार पडणार आहे. या शिबिरात रक्तदान करणाऱ्या प्रत्येक रक्तदात्यास आकर्षक भेटवस्तू म्हणून ट्रॅव्हल्स बॅग दिली जाणार आहे. तसेच धर्मवीर छत्रपती संभाजी महाराज यांच्या जीवनावर आधारित 'छावा' या चित्रपटाचे फॉर्च्यून कॉम्प्लेक्स इचलकरंजी येथील तिकिट मोफत दिले जाणार आहे. रक्तदान हे जीवनदान असते, या भावनेतून मोठ्या संख्येने रक्तदात्यांनी पुढे येण्याचे आवाहन आयोजकांकडून करण्यात आले आहे. सामाजिक बांधिलकीच्या दृष्टिकोनातून हा उपक्रम राबवला जात असून, रक्तदानाद्वारे गरजू रुग्णांना मदतीचा हात दिला जाणार आहे. "चला, माणुसकीवर प्रेम करू, रक्तदानातून जीवनदान देऊया!" या घोषवाक्यासह आयोजकांनी नागरिकांना मोठ्या संख्येने रक्तदान करण्याचे आवाहन केले आहे.

  कुरुंदवाड / शिवार न्यूज नेटवर्क :        श्रद्धेच्या मार्गावर चालत असताना, हाजी दिलशाद शमशुद्दीन राऊत (वय ६४) यांनी सौदी अरेबियाच्या मदिना नगरीत अखेरचा श्वास घेतला. उमराह (हज यात्रा) करत असताना त्यांचे अचानक निधन झाले. त्यांच्या जाण्याने कुटुंब, नातेवाईक आणि समाजामध्ये हळहळ व्यक्त केली जात आहे.      हाजी दिलशाद शमशुद्दीन राऊत यांच्या जाण्याने कुटुंबियांवर दुःखाचा डोंगर कोसळला आहे. त्या कोल्हापूरचे नामांकित बांधकाम व्यावसायिक आणि आर्किटेक्ट कै. अमीर इलाही लुकमान फरास यांच्या बहीण होत्या. तसेच ते मोहसीन शमशुद्दीन राऊत यांच्या मातोश्री आणि सामाजिक कार्यकर्ते बाबा फरास यांच्या आत्ती होत्या. त्यांच्या पश्चात एक मुलगा, दोन मुली, नातवंडे असा मोठा परिवार आहे.    हाजी दिलशाद राऊत यांनी आपले संपूर्ण आयुष्य धार्मिक  कार्यात व्यतीत केले. त्यांच्या प्रेरणादायी कार्यामुळे अनेक महिलांना जीवनाची दिशा मिळाली. त्यांच्या मृदू स्वभावाने, मदतीच्या हाताने आणि सहानुभूतीने त्यांनी अनेकांच्या हृदयात स्थान मिळवले होते. त्यांच्या आठवणी समाजात कायम स्मरणात र...

अजित कांबळे / शिवार न्यूज नेटवर्क :  – निपाणी तालुक्यातील ढोणेवाडी येथील बाळगोंडा भाऊसो पाटील (वय 64) यांचे गुलियन बॅरी सिंड्रोम (GBS) या आजाराने निधन झाले आहे. गेल्या आठ दिवसांपासून त्यांच्यावर कोल्हापूर येथील छत्रपती प्रमिलाराजे रुग्णालयात उपचार सुरू होते. मात्र, शनिवार, दि. 15 रोजी त्यांची प्राणज्योत मालवली. तालुक्यातील जीबीएस सिंड्रोममुळे झालेला हा पहिला मृत्यू असल्याने परिसरात भीतीचे वातावरण निर्माण झाले आहे. गेल्या काही दिवसांत जीबीएस सिंड्रोम ग्रामीण भागातही पसरत असल्याची लक्षणे दिसून येत आहेत. ढोणेवाडीतील एका चौथीच्या विद्यार्थ्याला जीबीएसची लक्षणे आढळून आल्याने त्याला कोल्हापूरच्या शासकीय रुग्णालयात दाखल करण्यात आले. त्याच दरम्यान, ढोणेवाडी वार्ड क्रमांक ३ मधील ६४ वर्षीय बाळगोंडा पाटील यांनाही या आजाराची लागण झाली. दि. ८ रोजी त्यांना खाजगी दवाखान्यात दाखल करण्यात आले होते. त्यानंतर प्रकृती अधिक खालावल्याने त्यांना कोल्हापूरच्या शासकीय रुग्णालयात हलवण्यात आले. आठ दिवसांपासून उपचार सुरू असतानाही त्यांचा मृत्यू झाला. त्यांच्या पश्चात पत्नी, दोन मुले आणि एक मुलगी असा परिवार आह...

  हेरवाड / शिवार न्यूज नेटवर्क : अब्दुललाट येथे KPIT संस्था, पुणे आणि विद्योदय मुक्तांगण परिवार यांच्या संयुक्त विद्यमाने आयोजित ‘छोटे सायंटिस्ट’ स्पर्धेत कन्या विद्या मंदिर, हेरवाडच्या विद्यार्थिनींनी उल्लेखनीय कामगिरी करत प्रथम क्रमांक पटकावला. स्पर्धेमध्ये विद्यार्थ्यांनी विज्ञान आणि तंत्रज्ञान यासंबंधी सृजनशील प्रकल्प सादर केले. कन्या विद्या मंदिरच्या विद्यार्थिनींनी आपल्या कल्पकतेचा आणि वैज्ञानिक दृष्टिकोनाचा उपयोग करून प्रभावी सादरीकरण केले, ज्यामुळे त्यांना प्रथम क्रमांक मिळवता आला. या स्पर्धेत भाग घेतलेल्या सर्व विद्यार्थिनींनी उत्कृष्ट प्रयत्न करून शाळेचे नाव उज्ज्वल केले. विद्यार्थिनींच्या या यशाबद्दल शिक्षक, पालक आणि ग्रामस्थांनी त्यांचे अभिनंदन केले. 

हेरवाड / शिवार न्यूज नेटवर्क : हेरवाड-सलगर रस्त्याचे काम पूर्ण झाल्यानंतरही किरकोळ अपूर्ण कामांमुळे वाहनचालकांना मोठ्या अडचणींचा सामना करावा लागत होता. हेरवाड येथील गायकवाड गल्लीजवळील रस्त्यावर पडलेल्या मोठ्या खड्ड्यामुळे वारंवार अपघात होत होते, ज्यामध्ये अनेक वाहनचालक जखमी झाले होते. रस्ता पूर्ण झाल्यानंतर काहीच दिवसांत येथे मोठा खड्डा पडल्यामुळे दुचाकीस्वार आणि अन्य वाहनधारकांसाठी धोकादायक परिस्थिती निर्माण झाली होती. हा खड्डा चुकवताना अनेक दुचाकीस्वार अपघातग्रस्त झाले. स्थानिक नागरिक व वाहनधारकांनी वारंवार तक्रारी केल्या तरी प्रशासनाकडून कोणतीही ठोस कारवाई केली जात नव्हती. या गंभीर समस्येची शिवार न्यूज नेटवर्कने दखल घेत वृत्त प्रसिद्ध केल्यानंतर संबंधित विभागाने तातडीने कारवाई करत हा जीवघेणा खड्डा बुजवला.

लाभार्थ्यांनी तातडीने आधार व मोबाईल क्रमांक अद्ययावत करणे आवश्यक शिरोळ / शिवार न्यूज नेटवर्क : राज्य शासनाच्या निर्देशानुसार संजय गांधी निराधार योजना व श्रावणबाळ सेवा राज्य निवृत्ती वेतन योजना योजनेचे अनुदान दि. 01 डिसेंबर 2024 पासून महा DBT प्रणालीद्वारे लाभार्थ्यांच्या थेट बँक खात्यात जमा करण्यात येणार आहे. त्यामुळे सर्व लाभार्थ्यांनी आपले आधार व मोबाईल क्रमांक तातडीने अद्ययावत करणे आवश्यक आहे. मार्च 2024 पासून या योजनेतील लाभार्थ्यांचे DBT पोर्टलवरील आधार व मोबाईल क्रमांक अद्ययावत करण्याचे काम सुरू आहे. यासाठी आधार क्रमांकला लिंक असलेल्या मोबाईलवर आलेला OTP टाकून प्रत्येक लाभार्थ्याने DBT पोर्टलवर VERIFY करणे गरजेचे आहे. शिरोळ तालुक्यातील अद्यापही 6252 लाभार्थ्यांचे आधार व मोबाईल क्रमांक DBT पोर्टलवर अद्ययावत करण्याचे काम बाकी आहे. यासंदर्भात मा. जिल्हाधिकारी महोदयांनी तातडीने हे काम पूर्ण करण्याचे निर्देश दिले आहेत. महसूल विभागाच्या अधिकाऱ्यांनी अशा लाभार्थ्यांचे आधार कार्ड व बँक/पोस्ट ऑफिस पासबुकच्या झेरॉक्स प्रत गोळा करण्याचे आदेश दिले आहेत. योजनेचा लाभ घेत असलेल्या लाभार्थ्यांनी...

जयसिंगपूर / शिवार न्यूज नेटवर्क :  नाट्य शुभांगीच्या सुवर्ण महोत्सवानिमित्त जयसिंगपूर नगरपालिकेच्या सहकार्याने नाट्य शुभांगीच्या सुवर्ण महोत्सवानिमित्त मंगळवार दिनांक 18 ते शनिवार दिनांक 22 फेब्रुवारी अखेर स्व. ललित बागरेचा रंगमंच, सहकार महर्षी शामराव पाटील यड्रावकर नाट्यगृह जयसिंगपूर येथे सांस्कृतिक कार्यक्रम, मोफत आरोग्य शिबिर, एकांकिका महोत्सव, नाट्य शुभांगीच्या रंगकर्मी तसेच प्रेरणा पुरस्काराचे वितरण यासह विविध कार्यक्रम होणार असल्याची माहिती सुवर्ण महोत्सव समितीचे स्वागताअध्यक्ष आमदार राजेंद्र पाटील यड्रावकर व नाट्य शुभांगीचे अध्यक्ष सुभाष पाटील टाकळीकर यांनी पत्रकार परिषदेत दिली.  मंगळवार दि. १८ रोजी सायंकाळी ६ वाजता खासदार धैर्यशील माने त्यांच्या हस्ते व आमदार राजेंद्र पाटील यड्रावकर यांच्या अध्यक्षतेखाली महोत्सवाचा उद्घाटन सोहळा पार पडणार आहे. याप्रसंगी माजी नगराध्यक्ष संजय पाटील यड्रावकर, उद्योगपती ओमप्रकाश मालू, उद्योगपती विनोद घोडावत, प्रशासक तथा मुख्याधिकारी टीना गवळी, संजय हळदीकर हे उपस्थित राहणार आहेत. याच दिवशी सायंकाळी ७ वाजता नाट्य शुभांगी प्रस्तुत महिलांचा स...

  अजित कांबळे / शिवार न्यूज नेटवर्क :  चांदशिरदवाड ता निपाणी येथील ग्रामपंचायतीच्या झालेल्या अध्यक्ष निवडीत   भाजपच्या श्रीमती बाळाबाई कऱ्याप्पा पुजारी यांची बिनविरोध निवड करण्यात आली. निवडणूक अधिकारी म्हणून विजयलक्ष्मी बाळेहोसुर सहा.निर्देशक निपाणी नगर पंचायत ,यांनी काम पाहिले.यावेळी  त्यांच्या समर्थकानी फटाके व गुलालाची उधळण करीत आनंदोत्सव साजरा केला.   ग्रामपंचायत अध्यक्षा दिक्षिता कांबळे यांचा निर्धारीत कार्यकाल संपल्याने   निवडीचा कार्यक्रम लागला होता.  अध्यक्ष  पदांसाठी बाळाबाई पुजारी यांचा एकमेव अर्ज आल्याने त्यांची बिनविरोध निवड झाल्याचे निवडणूक अधिकारी यांनी जाहीर केले .यावेळी नूतन व मावळते अध्यक्ष तसेच निवडणूक अधिकारी यांचा सत्कार मान्यवरांच्या हस्ते करण्यात आला. . यावेळी बोलताना नूतन अध्यक्षा बाळाबाई पुजारी म्हणाल्या,मला सर्वांच्या सहकार्याने अध्यक्षपदाचा मान मिळाला आमदार सौ शशिकला जोल्ले,माजी खासदार अण्णासाहेब जोल्ले यांच्या मार्गदर्शनाखाली गावच्या विकासासाठी सर्व सदस्यांना एकत्रित घेवुन ...

जयसिंगपूर / शिवार न्यूज नेटवर्क : जयसिंगपूर येथील मनीषा ऑटो जवळ असलेल्या रिंग रोडवर विनापरवाना बेकादेशीरपणे गांजा विक्री करताना जयसिंगपूर पोलिसांनी कारवाई केली. गांजासह ६० हजार ५०० रुपयेचा मुद्देमाल हस्तगत केला आहे. ही कारवाई गुरुवारी दुपारी दीडच्या सुमारास करण्यात आली. याप्रकरणी महादेव विठ्ठल धोत्रे (वय ३९ रा. 52 झोपडपट्टी जयसिंगपूर) व हैदर इराणी (रा. राजीव गांधी नगर जयसिंगपूर) या दोघांवर गुन्हा दाखल करण्यात आला आहे. याबाबतची फिर्याद पो.कॉ.वैभव सुर्यवंशी यांनी जयसिंगपुर पोलिसात दिली आहे. याबाबत जयसिंगपुर पोलिसातून मिळालेली माहिती अशी, जिल्ह्यात गांजा विरोधात मोहीम सुरू आहे. या पार्श्वभूमीवर जयसिंगपूर शहरात गांजा विक्री सुरू असल्याची माहिती जयसिंगपूर पोलिसांना मिळाले होती. गुरुवारी दुपारी दीडच्या सुमारास रिंग रोडवर महादेव धोत्रे हा गांजा विक्री करत असताना जयसिंगपूर पोलिसांना आढळून आला. याच्याकडून 463 ग्रॅम असा ५ हजार ५०० रुपये किमतीचा गांजा, 45 हजार रुपये किमतीची दुचाकी, दहा हजार किमतीचा मोबाईल असा एकूण ६० हजार ५०० रुपयांचा मुद्देमाल हस्तगत केला.  ही कारवाई पोलीस निरीक्षक सत्यवान ...

जयसिंगपूर / शिवार न्यूज नेटवर्क : हातकणंगले तालुक्याती टोप गावातील नागरिकांची प्राथमिक आरोग्य केंद्राची (PHC) प्रतिक्षा लवकरच संपणार आहे. आमदार डॉ. राजेंद्र पाटील यड्रावकर यांच्या प्रयत्नांमुळे १ एकर जागेत प्रशस्त आरोग्य केंद्राची इमारत उभे राहणार आहे. त्यामुळे गावातील आरोग्य यंत्रणा सक्षम बनणार आहे. आमदार यड्रावकर यांनी आरोग्य राज्यमंत्री पदावर असताना टोप येथे प्राथमिक आरोग्य केंद्र मंजूर करून घेतले होते. मात्र, जागेचा प्रश्न प्रलंबित होता त्यामुळे इमारतीच्या कामाला सुरुवात झाली नव्हती, अखेर आमदार राजेंद्र पाटील यड्रावकर यांनी टोपसाठी १ एकर जागा आरोग्य विभागाला उपलब्ध करून दिल्याने मंजूर झालेल्या आरोग्य उपकेंद्राच्या इमारतीच्या बांधकामाला लवकरच सुरुवात होणार असल्याची माहिती आमदार राजेंद्र पाटील यड्रावकर यांनी दिली. कोरोना काळात स्थानिक आरोग्य व्यवस्था मजबूत करण्याची गरज लक्षात घेऊन आमदार यड्रावकर यांनी गावासाठी आरोग्य उपकेंद्राची मंजुरी मिळवली होती. मात्र, जागा नसल्याने आरोग्य उपकेंद्रासाठी मंजूर झालेल्या इमारत झालेली नव्हती. अखेर, आमदार यड्रावकर यांनी जिल्हाधिकाऱ्यांसोबत बैठक घेऊन टो...

कुरुंदवाड / शिवार न्यूज नेटवर्क :         कुरुंदवाड येथे कृष्णा नदी तीरावर भरणाऱ्या कृष्णा-वेणी यात्रेसाठी काही शेती 15 दिवसांसाठी राखीव ठेवण्याची जुनी परंपरा आहे. मात्र, यंदा काही शेतकऱ्यांनी यात्रा मैदानासाठी शेती देण्यास मज्जाव केला आहे.या निषेधार्थ शुक्रवारी सर्वपक्षीय कृती समितीने शहर बंदची हाक दिली आहे.       काँग्रेसचे प्रफुल्ल पाटील, शिवसेना जिल्हाप्रमुख वैभव उगळे, बाबासाहेब सावगावे, राष्ट्रवादीचे तानाजी आलासे, भाजपचे संजय डोंगरे,दलित सेनेचे सुनील कुरुंदवाडे, शिवसेना (शिंदे गट)चे सोमेश गवळी, शेतकरी संघटनेचे अविनाश गुदले यांनी प्रसिद्धी पत्रकाद्वारे माहिती दिली आहे.         दरम्यान, एका शेतकऱ्याने शासनाच्या रस्ता मोजणीविरोधात याचिका दाखल केली आहे.मात्र यात्रेसाठीच्या राखीव शेतीबाबत कोणतीही याचिका उच्च न्यायालयात दाखल नाही, असा खुलासा समितीने केला आहे. काही शेतकरी दिशाभूल करत असल्याचा आरोपही त्यांनी प्रसिद्धी पत्रकात केला आहे.        यात्रेच्या व्यवस्थापनासाठी काही शेती तात्पुरत्या स्वरूपात 20दिवसांसाठी वा...

  हैदरअली मुजावर / शिवार न्यूज नेटवर्क : इचलकरंजी येथे आयोजित बाळासाहेब राजाराम माने चषक 2025 मैदानी स्पर्धेत रेनबो पब्लिक स्कूलच्या विद्यार्थ्यांनी उल्लेखनीय कामगिरी करत विविध स्पर्धांमध्ये पदके पटकावली. स्पर्धेतील यशस्वी विद्यार्थी: 50 मीटर धावणे (मुले) – प्रथम क्रमांक शौर्य प्रशांत मुजगोंडा थ्रो बॉल (मुली) प्रथम क्रमांक – स्वरांजली अमोल कांबळे द्वितीय क्रमांक – नेत्रा अमोल शिरोटे लंगडी सांघिक खेळ (मुले) – द्वितीय क्रमांक लंगडी सांघिक खेळ (मुली) – तृतीय क्रमांक जनरल चॅम्पियनशिप – चतुर्थ क्रमांक या स्पर्धेसाठी संस्थेचे चेअरमन श्री. दस्तगीर बानदार, संस्थेचे विश्वस्त श्री. सुहेल बाणदार, संस्थेच्या कॉर्डिनेटर सौ. सोहा बानदार, शाळेच्या मुख्याध्यापिका शुभांगी माळकरी, तसेच क्रीडा शिक्षक प्रकाश निराळे व दत्तात्रय सोरगावें सर, सर्व शिक्षक, शिक्षकेतर कर्मचारी व पालक यांचे मोलाचे मार्गदर्शन आणि सहकार्य लाभले. या उल्लेखनीय यशाबद्दल विद्यार्थ्यांचे सर्व स्तरांतून अभिनंदन होत आहे.

   निगवे खालसा / शिवार न्यूज नेटवर्क : आपल्या कुटूंब पद्धतीमध्ये जेष्ठ नागरिक हा प्रमुख आधार आहे. सध्याच्या काळात त्यांना अडगळीची जागा न ठेवता त्यांना प्रेमाने वागणूक देऊन सन्मान करा. त्यांच्या अनुभवाची व कार्याची समाजाला गरज असून जेष्ठ नागरिकच कुटूंबाचा मुख्य कणा असल्याचे प्रतिपादन इस्पूर्ली पोलिस स्टेशनचे पोलिस निरीक्षक एम.एस.शेख यांनी केले. निगवे खालसा (ता.करवीर) येथे ग्रामपंचायत सभागृहात येथे जेष्ठ नागरिकांना मार्गदर्शनपर कार्यक्रमात ते बोलत होते . पुढे बोलताना श्री. शेख म्हणाले, कुटूंबपद्धती मध्ये जेष्ठ नागरिककांना महत्वाचे स्थान आहे. नातवांचे शिक्षण, करिअर व त्यांच्यावर चांगले संस्कार करण्यासाठी व मुले मोठी होत असताना आजी - आजोबा यांची भूमिका महत्त्वाची आहे. जेष्ठ नागरिकांना सायबर गुन्हेगारांच्या फसव्या कॉलला बळी न पडता काय करावे याबाबत मार्गदर्शन केले. तसेच गुन्ह्यांच्या सदर्भात आणि नविन कायदयाबाबत जेष्ठ नागरिकांच्या अडचणी यावेळी श्री. शेख यांनी समजावुन घेतल्या. यावेळी गुरुदत्त शुगर्स चे जनसंपर्क अधिकारी विकास चौगले, डी.व्ही. किल्लेदार (सर) यांनी मनोगत व्यक्त केले. क...

राजीव गांधी नगर मधील नागरिकांच्या वतीने आमदार यड्रावकर व संजय पाटील यड्रावकर यांचा सत्कार  जयसिंगपूर / शिवार न्यूज नेटवर्क : जयसिंगपूर शहराच्या वसाहतीत झोपडपट्टीधारकांचा मोठा वाटा असून, गेल्या ५०-६० वर्षांपासून त्यांना हक्काची घरे नसल्याने त्यांची मोठी कुचंबना होत होती. मात्र, अखेर झोपडपट्टीधारकांचा प्रश्न मार्गी लागला आहे. यापुढेही एकाही कुटुंबाला घरापासून वंचित ठेवले जाणार नाही, असा विश्वास आमदार राजेंद्र पाटील यड्रावकर यांनी व्यक्त केला. झोपडपट्टी नियमितीकरणाचा प्रश्न मार्गी लावल्याबद्दल आमदार यड्रावकर व माजी नगराध्यक्ष संजय पाटील यड्रावकर यांचा राजीव गांधी नगर मधील नागरिकांच्या वतीने सत्कार समारंभाचे आयोजन करण्यात आले. या वेळी आमदार यड्रावकर बोलत होते. या वेळी आमदार यड्रावकर म्हणाले की, झोपडपट्टी नियमितीकरणाचे काम अत्यंत अवघड होते. सरकारी आरक्षण काढण्यापासून सुरुवात करून नगरपालिकेकडे जागा हस्तांतरित करणे, तेथील रस्ते आणि गटारीसाठी लेआउट तयार करणे, अतिक्रमणधारकांची कागदपत्रे गोळा करणे आणि मग त्याची निर्मिती करणे या संपूर्ण प्रक्रियेला अनेक अडथळे होते. मात्र, गेल्या पाच ते सहा वर...

  कोल्हापूर / शिवार न्यूज नेटवर्क : कोल्हापूर जिल्ह्यातील सांगवडे गावातील तलाठी आणि कोतवाल यांनी वारस नोंदणीसाठी तक्रारदाराकडून लाच मागितल्याचा प्रकार उघड झाला आहे. या प्रकरणी अॅन्टी करप्शन ब्युरोच्या (ACB) पथकाने तपास करून गुन्हा दाखल करण्याची प्रक्रिया सुरू केली आहे. तक्रारदार यांची सांगवडे गावातील गट क्रमांक 76 आणि 77 या शेतजमिनीवर वारस नोंदणीसाठी तलाठी अविनाश मधुकर कोंडीग्रेकर आणि कोतवाल सर्जेराव बंडा कुंभार यांनी 5,000 रुपयांची मागणी केली होती. तडजोडीनंतर ही रक्कम 3,000 रुपयांवर आली. तक्रारदाराने हा प्रकार अॅन्टी करप्शन ब्युरोकडे (ACB) सांगितल्यानंतर पडताळणी केली असता लाच मागणीचा प्रकार सिद्ध झाला. तपासादरम्यान, कोतवाल सर्जेराव कुंभार यांनी तलाठी कोंडीग्रेकर यांच्या संमतीने तक्रारदाराकडे 3,000 रुपयांची लाच मागितली आणि ती स्विकारण्यासाठी प्रवृत्त केले. यामुळे दोघांविरुद्ध गोकुळ शिरगाव पोलीस ठाण्यात गुन्हा दाखल करण्याची प्रक्रिया सुरू आहे. ही कारवाई अॅन्टी करप्शन ब्युरो, कोल्हापूर यांच्या पथकाने केली. पोलीस उपआयुक्त शिरीष सरदेशपांडे, अपर पोलीस अधीक्षक विजय चौधरी आणि पोलीस उपअधीक...

अनिल जासूद / शिवार न्यूज नेटवर्क : विद्यार्थ्यांनी जीवनामध्ये यशस्वी होण्यासाठी ज्ञानाची साधना करावी .कठोर परिश्रम व योग्य नियोजन हा उज्वल यशाचा राजमार्ग आहे, असे प्रतिपादन येथील सामाजिक कार्यकर्त्या प्रियंका दीपक मोरे यांनी केले. बाहुबली विद्यापीठ संचलित सन्मति विद्यालय तारदाळ येथे एस. एस. सी. सदिच्छा समारंभ संपन्न झाला .यावेळी ते बोलत होते .कार्यक्रमाच्या अध्यक्षस्थानी मुख्याध्यापक सी.जी तेरदाळे हे होते . परमपूज्य गुरुदेव समंतभद्र महाराजांच्या प्रतिमा पूजनाने कार्यक्रमास सुरुवात झाली. त्यावेळी जिया पट्टेकरी, संजीवनी वाडीकर ,चेतन चव्हाण, समीक्षा तांबवे, नाजमीन मुजावर त्यांनी मनोगत व्यक्त केलं. त्यावेळी आदर्श विद्यार्थी म्हणून अनुक्रमे सोहम कांदळकर ,पार्श्व वसगडे,तसेच आदर्श विद्यार्थिनी म्हणून अनुष्का कारंडे,योगिता सूर्यवंशी यांना प्रमाणपत्र शिल्ड देऊन पाहुण्यांच्या हस्ते गौरविण्यात आले. यावेळी पूर्व परीक्षेतील गुणवंत विद्यार्थी श्वेता कांबळे व अनुष्का कारंडे यांचा गौरव करण्यात आला. अध्यापक आर.सी.चौगुले यांनी मनोगत व्यक्त केले.मुख्याध्यापक श्री तेरदाळे म्हणाले" आयुष्यातील महत्त्व...

  हैदरअली मुजावर / शिवार न्यूज नेटवर्क : आजचे विद्यार्थी योग्य आहार,विहारासह सुविचार, सदाचार,सुसंगती आणि सद्गुरूंचा आशीर्वाद या गुणांनी युक्त होऊन सुसंस्कारीत झाले तरच ते देशाचे भावी आधारस्तंभ बनतील व यशवंत,गुणवंत किर्तीवंत होऊन शाळेसह गावाचे नाव उज्वल करतील असे विचार लेखक, कवी व श्री दत्त कारखाना चॅरिटेबल ट्रस्ट शिरोळ आरोग्य केंद्राचे वैद्यकीय अधिकारी डॉ कुमार पाटील यांनी व्यक्त केले. ते शिरोळ येथील कन्या वि. मं. नं. 2 व डॉ सुनील दादा पाटील संचलित महाराष्ट्राचे साहित्यीक व सांस्कृतीक महामंडळ संस्थेच्या वतीने आयोजित 'आनंददायी शनिवार' या उपक्रमांतर्गत'लेखक आपल्या भेटीला' व 'ग्रंथालय आपल्या दारी' या कार्यक्रमात प्रमुख पाहुणे म्हणुन बोलत होते.कवितासागर प्रकाशनाचे संपादक व लेखक श्री. डॉ सुनील पाटील यांनी 60 हुन अधिक पुस्तके भेट देऊन वाचनसंस्कृती बळकटीसाठी सर्वांनी सहकार्य करण्याचे आवाहन केले. लेखिका व कवयित्री सौ. मेघा उळागड्डे यांनी कविता सादर करुन आधारस्तंभ कथेद्वारे मुलींना मंत्रमुग्ध व भावनिक केले, सौ. संजीवनी पाटील आणि बाल लेखक प्रिन्स सुनील पाटील यांनी मुलींना...

  प्रल्हाद साळुंखे / शिवार न्यूज नेटवर्क :   माई विद्या मंदिरच्या मुख्याध्यापिका यांच्या संकल्पनेतून इयत्ता चौथीच्या विद्यार्थ्यांनी आज शिवाजीनगर पोलीस स्टेशनला शैक्षणिक भेट दिली. या वेळी पोलीस अंमलदार मा. वसंत घुगे सर व महिला पोलीस अधिकाऱ्यांनी विद्यार्थ्यांना मार्गदर्शन केले. पोलीस खात्याच्या कार्यपद्धतीबाबत विद्यार्थ्यांना माहिती देण्यात आली. विद्यार्थ्यांनी सैनिकी वेशभूषेत संचलन करत पोलिसांना मानवंदना दिली. तसेच, त्यांनी अनेक प्रश्न विचारून पोलीस यंत्रणेच्या कार्यपद्धतीची माहिती घेतली. सत्कार समारंभ या उपक्रमासाठी सहकार्य केल्याबद्दल पोलीस अंमलदार वसंत घुगे सर आणि महिला पोलीस अधिकाऱ्यांचा सत्कार करण्यात आला. यावेळी माई विद्या मंदिरच्या सर्व शिक्षिका उपस्थित होत्या.

  जयसिंगपूर / शिवार न्यूज नेटवर्क :  राजर्षी छत्रपती शाहू महाराज यांच्या नावाचा पुरस्कार माझ्यासाठी आशीर्वाद आहे. हा पुरस्कार मला भावी कार्यात प्रोत्साहन देणारा ठरेल. जयसिंगपूर येथील राजर्षी शाहू महोत्सवाच्या माध्यमातून कलाकारांना बळ देण्याची भूमिका घेतली आहे. हे कार्य कौतुकास्पद असल्याचे प्रतिपादन, अभिनेता स्वप्निल जोशी यांनी व्यक्त केले.  जयसिंगपूर नगरपरिषद व आमदार डॉ. राजेंद्र पाटील यड्रावकर सोशल फाउंडेशनच्या वतीने राजर्षी शाहू महोत्सव मोठ्या उत्साहात संपन्न झाला. स्वप्निल जोशी बोलत होते. बहारदार नृत्य, मंत्रमुग्ध करणाऱ्या गाण्यांचा ठेका, रसिक प्रेक्षकांचा सळसळता उत्साह आणि मराठी चित्रपट, मालिकांमधील आघाडीच्या कलाकारांच्या उपस्थितीने जयसिंगपुरातील राजर्षी शाहू महोत्सवाने रविवारी उपस्थित हजारोंची मने जिंकली. आघाडीचा अभिनेता स्वप्निल जोशी, रिंकू राजगुरू यांच्यासह झी मराठीवरील 'तुला शिकवीन चांगलाच धडा' या मालिकेतील ऋषिकेश शेलार म्हणजे अधिपती आणि शिवानी रांगोळे म्हणजेच अक्षरा, मराठी बिग बॉस फेम धनंजय पवार, 'सुर नवा ध्यास नवा' या रियालिटी शोची विजेती गायिका राधा खुडे यांच...

  अतिग्रे / शिवार न्यूज नेटवर्क : संजय घोडावत विद्यापीठाच्या स्कूल ऑफ लीगल स्टडीज तर्फे मोफत विधी सहाय्य केंद्राचे उद्घाटन कोल्हापूर जिल्हा विधी सेवा प्राधिकरणाच्या अध्यक्षा व प्रमुख जिल्हा आणि सत्र न्यायाधीश कविता अग्रवाल यांच्या हस्ते झाले. यावेळी कोल्हापूर विधी प्राधिकरणाचे सचिव, वरिष्ठ दिवाणी न्यायाधीश सुधीर इंगळे आणि कोल्हापूर बार असोसिएशनचे अध्यक्ष ॲड. सर्जेराव खोत उपस्थित होते.   याप्रसंगी प्रमुख पाहुण्यांची ओळख लॉ विभागाच्या प्रमुख ॲड. डॉ.अंजली पाटील यांनी करून दिली. प्रमुख जिल्हा आणि सत्र न्यायाधीश कविता अग्रवाल यांनी विद्यार्थ्यांना कायद्याच्या क्षेत्रातील नोकरीच्या विविध संधी व सामाजिक न्यायासाठीच्या जबाबदाऱ्या यावर महत्त्वपूर्ण मार्गदर्शन केले. वरिष्ठ दिवाणी न्यायाधीश सुधीर इंगळे यांनी 'मोफत विधी सेवा प्राधिकरण' या संकल्पनेचे महत्त्व स्पष्ट केले.तसेच समाजातील दुर्बल घटकांना न्याय मिळवून देण्यासाठी याचा कसा उपयोग होऊ शकतो याबाबत मार्गदर्शन केले. ॲड. सर्जेराव खोत यांनी कायदेविषयक अडचणींच्या सोडवणुकीसाठी मूलभूत ज्ञान कसे असावे याविषयी माहिती दिली.    ...

  कुरुंदवाड / शिवार न्यूज नेटवर्क :  कुरुंदवाड ता.शिरोळ येथील श्री दत्त कनिष्ठ महाविद्यालय हे बारावी बोर्ड परीक्षेचे केंद्र असून बोर्ड परीक्षेच्या दृष्टीने सर्व तयारी करण्यात येत आहे. यामध्ये विद्यार्थ्यांना आसन व्यवस्था ,पिण्याचे पाणी ,वैद्यकीय सुविधा ,विद्युत पुरवठा, प्रवास सुविधा या अनुषंगाने संबंधित विभागाशी संपर्क करून केंद्र नियोजनपूर्वक सज्ज होत आहे.   केंद्र संकेतांक -0513 श्री दत्त कनिष्ठ महाविद्यालय बैठक व्यवस्था शाखेनुसार विज्ञान (परिक्षा क्र.X050451ते X050602 )कला (X086537 ते X086776) वाणिज्य (X109709 ते X109808) असे एकूण ४९० परीक्षार्थींची बैठक व्यवस्था करण्यात आली आहे.  बारावी बोर्ड परीक्षेच्या दृष्टीने सर्व तयारी अंतिम टप्प्यात आली असल्याची माहिती श्रीदत्त कनिष्ठ महाविद्यालयाचे प्राचार्य तथा केंद्र संचालक श्री आर जे पाटील यांनी माध्यमांशी बोलताना दिली . यावेळी बोलताना श्री पाटील म्हणाले विद्यार्थ्यांनी तणावपूर्ण वातावरणामध्ये येऊ घातलेल्या बारावी बोर्ड परीक्षेला सामोरे जावे कॉपीमुक्त केंद्र म्हणून श्रीदत्त कनिष्ठ महाविद्यालयाची ओळख आहे. याच अनुषंग...

हेरवाड / शिवार न्यूज नेटवर्क :  हेरवाड येथील सिद्धीविनायक गणेश मंदिरात नवीन गणेश मूर्तीची प्राणप्रतिष्ठापना मोठ्या उत्साहात व धार्मिक वातावरणात पार पडणार आहे. या निमित्ताने ८ फेब्रुवारी २०२५ ते १० फेब्रुवारी २०२५ या कालावधीत विविध धार्मिक कार्यक्रमांचे आयोजन करण्यात आले आहे. शनिवार, ८ फेब्रुवारी २०२५ रोजी सायंकाळी ४ वाजता नवीन गणेश मूर्तीचे हेरवाड नगरीत भव्य आगमन व नगरप्रदक्षिणा काढण्यात आली. रविवार, ९ फेब्रुवारी २०२५ रोजी सकाळी ९ वाजता विधीवत पूजा व होमहवनाचा कार्यक्रम संपन्न होईल. सोमवार, १० फेब्रुवारी २०२५ रोजी सकाळी ९ वाजता विधीवत पूजा, होमहवन व नवीन गणेश मूर्तीची प्राणप्रतिष्ठापना करण्यात येईल. यानंतर, दुपारी १२ वाजता महाप्रसादाचे आयोजन करण्यात आले आहे. या धार्मिक सोहळ्यात सर्व गणेश भक्तांनी उपस्थित राहावे, असे आवाहन सिद्धीविनायक गणेश मंदिर ट्रस्ट व समता कला, क्रीडा व सांस्कृतिक मंडळ, हेरवाड यांनी केले आहे.

  पश्चिम महाराष्ट्राची शेती तंत्र आणि मंत्र या विषयावर परिसंवाद संपन्न जयसिंगपूर / शिवार न्यूज नेटवर्क : निसर्गाने दिलेल्या पंचेद्रियांचा वापर करित मातीशी आणि निसर्गशी शेतकऱ्यांनी संवाद केला पाहिजे. सध्या पश्चिम महाराष्ट्र बोअरवेलच्या माध्यमातून पाण्याचा अतिवापर करून राजस्थानच्या दिशेने वाटचाल करीत आहे, हे कुठेतरी थांबले पाहिजे. भारतातील शेती विनाशाच्या उंबरठ्यावर येवून ठेपली आहे, त्यामुळे जुन्या शेती पद्धतीकडे वळणे गरजेचे आहे. असे प्रतिपादन शिवाजी विद्यापीठाचे कुलसचिव डॉ. व्ही.एन.शिंदे यांनी केले. जयसिंगपूर येथे शेती अर्थ प्रबोधिनी आणि शरद कृषी महाविद्यालय, यड्रावकर शिक्षण व उद्योग समूह जयसिंगपूर यांच्या संयुक्त विद्यमाने १२ वे अखिल भारतीय मराठी शेतकरी साहित्य संमेलनाचा उद्घाटन सोहळा शनिवारी संपन्न झाला, संमेलनाच्या दुसऱ्या सत्रातील परिसंवादात पश्चिम महाराष्ट्राची शेती तंत्र आणि मंत्र या विषयावर व्ही. एन. शिंदे बोलत होते.  यावेळी शिंदे पुढे म्हणाले,  शेती आणि निसर्ग यांच्यातील नाळ टिकवण्यावर भर देत लेखक भारतीय शेतकऱ्यांना खऱ्या अर्थाने शिक्षक मानतो. तो सांगतो की सेंद्रि...