शिवार वार्ता न्यूज नेटवर्क

  कुरुंदवाड / शिवार न्यूज नेटवर्क :       कुरुंदवाड शहर श्रमिक पत्रकार संघाच्या अध्यक्षपदी दैनिक जनप्रवासचे गोवर्धन माने, कार्याध्यक्षपदी दैनिक तरुण भारतचे रविंद्र केसरकर,उपाध्यक्षपदी दैनिक नवराष्ट्रचे सुरेश कांबळे,सचिवपदी दैनिक अप्रतिमचे दिगंबर कदम तर खजिनदारपदी दैनिक राष्ट्रगीतचे उत्तम भोई यांची एकमताने निवड झाली.     कुरुंदवाड शहर श्रमिक पत्रकार संघाच्या अध्यक्ष, उपाध्यक्ष पदाधिकारी निवडीसाठी बैठक बोलविण्यात आली होती. अध्यक्षस्थानी ज्येष्ठ पत्रकार आनंदा शिंगे होते.      अध्यक्षपदासाठी माने यांचे नाव, उपाध्यक्ष पदासाठी कांबळे यांचे नाव तर सचिव पदासाठी कदम यांचे नाव मान्यवर पत्रकारांनी सुचवले सर्वानुमते अनुमोदन देत बिनविरोध निवडी घोषित करण्यात आल्या.       यावेळी बोलताना नूतन अध्यक्ष माने म्हणाले पत्रकारिता ही समाजाचा आरसा असून तिच्या माध्यमातून लोकांच्या समस्या मांडणे आणि त्या सोडवण्यासाठी प्रयत्नशील राहणे हेच माझे ध्येय असेल. संघटनेच्या सर्व सदस्यांच्या सहकार्याने आम्ही पत्रकारांच्या हितासाठी ठोस पावले उचलू. संघटनात्मक ...

  अजित कांबळे / शिवार न्यूज नेटवर्क :  सृष्टीतील सजीवांना अन्न व प्राणवायू जितका आवश्यक आहे,तितकेच डोळे असणे महत्वाचे आहे, जे जन्मापासून अंध आहेत त्यांना जग पाहण्यासाठी दृष्टीची नितांत गरज आहे मात्र दुर्लक्षामुळे अनेकांचे डोळे गेलेले आहेत. त्या कारण दृष्टी असलेल्यांनी डोळ्यांचा रक्षणासाठी वेळेवर काळजी घेणे अत्यावश्यक आहे असे मत निप्पाणीतील हालसिद्धनाथ सहकारी साखर कारखान्याचे उपाध्यक्ष पवन कुमार पाटील यांनी केले. ते साखर कारखान्याच्या वतीने आयोजित जोल्ले उद्योग समूह प्रेरणा उत्सवाच्या निमित्ताने कारखाना व अंकुर हॉस्पिटल निपाणी कोल्हापूर यांच्या वतीने कारखान्याच्या परिसरातील कामगारांच्या साठी नेत्र शिबिराचे आयोजन करण्यात आले होते       प्रारंभी धनवनत्री देवीचे पूजन उपस्थीत मान्यवर व नेत्र शिबिराचे डॉक्टर्स,कारखाना चे MD, अप्पासाहेब शिरगावे यांच्या हस्ते करण्यात आले. पुढे म्हणाले बोलतांना पाटील म्हणाले की माजी खासदार अण्णासाहेब जोल्ले व आमदार शशिकला जोल्ले यांच्या मार्गदर्शनाखाली आमच्या कारखान्यातील कर्मचाऱ्यांच्या करिअरच्या विकासासाठी अनेक योजना सुरू केल्या आहेत....

जयसिंगपूर / शिवार न्यूज नेटवर्क :  दक्षिण भारत जैन सभा संस्कार, शिक्षण, आरोग्य ह्या त्रिसुत्रीवर काम करीत आहे. सध्यस्थीतीला समजातील नवीन पिढीला दिशा देण्याची आवश्यकता आहे. समाजातील शेती गुंठ्यावर आली असून कुटुंबाला आर्थिक स्थैर्य व पाठबळ देण्यासाठी सभा काम करील. भविष्यातील समाजाच्या मूलभूत गरजा ओळखून आपण सर्वजण काम करुया. समाजातील शेवटच्या घटकांपर्यंत सभेचे काम पोहचविणे हे महत्वाचे आहे. असे प्रतिपादन आमदार डॉ. राजेंद्र पाटील यड्रावकर यांनी केले. ते उदगांव येथे दक्षिण भारत जैन सभेच्या आयोजित सत्कार सोहळ्यात बोलत होते. आमदार यड्रावकर, आमदार राहूल आवाडे, जैन समाज अल्पसंख्याक आर्थिक विकास महामंडळ सदस्य रावसाहेब पाटील यांचा सन्मान दक्षिण भारत जैन सभेचे अध्यक्ष भालचंद्र पाटील यांनी केला. कार्यक्रमाचे अध्यक्षस्थानी भालचंद्र पाटील होते. भालचंद्र पाटील म्हणाले, समाजासमोरील प्रश्न वेगळे आहेत. समाजातील मुले शिकले पाहिजेत म्हणून दत्तक पालक योजना सुरु केली आहे. मुलांच्या उच्च शिक्षणाचा सर्व खर्च सभा करेल. अशा अनेक विद्यार्थ्यांना शिष्यवृत्ती देण्यासाठी फंड उभा केला असून तो आणखी मजबूत करण्यासाठी...

अजित कांबळे / शिवार न्यूज नेटवर्क : निपाणी सह परिसरातील विद्यार्थी आपले आयुष्य उज्ज्वल बनविण्यासाठी कठोर परिश्रम घेऊन भारतीय सैन्य दलात दाखल झाले आहेत. त्याकारण जोल्ले ग्रुपच्या वतीने निपाणी येथील श्री हाल सिद्ध नाथ सहकारी साखर कारखाना परिसरात तालुक्यातील नव्याने भारतीय सैन्यदलात भरती झालेले (ARMY, NAVY, AIRFORCE, BSF, ITBP, CRPF, CISF, & Others) अशा 110 युवक युवतींचा माजी मंत्री आणि निपाणी मतदारसंघाचे लोकप्रिय आमदार सौ. शशिकला जोल्ले वाहिनि या गुणी विद्यार्थ्यांच सत्कार करून, भारतीय सैन्यात सेवा देणाऱ्या सैनिकांना शुभेच्छा दिल्या.   यावेळी बोलतांना आमदार सौ शशिकला जोल्ले म्हणाले की आजचे सैनिक ही आपल्या देशाची खरी संपत्ती आहे, जसे आपला शेतकरी कष्टातून देशाला अन्न देतोत्यामूळे तो आपल्या हृदयासारखा वाटतो,. तसेच देश रक्षण करणारा सैनिक आपल्या हृदयाच्या ठोक्याप्रमाणे सेवा बजावत असतो ,या दोघांशिवाय आपण जगू शकत नाही. देशाच्या विकासात या दोघांची भूमिका महत्त्वाची आहे. देशाच्या रक्षणासाठी तरुण वयातच सैन्यात भरती होतात ही बाब आमच्यासाठी अभिमानाची आहे. आपला जीव धोक्यात घालून दे...

साताप्पा कांबळे / शिवार न्यूज नेटवर्क :  क्रांतीसूर्य फाऊंडेशन, कोल्हापूरच्या वतीने देण्यात येणारा राज्यस्तरीय समाजभूषण पुरस्कार 2024 दीपक शेवाळे यांना सन्मानपूर्वक प्रदान करण्यात आला. माजी जिल्हा परिषद सदस्य मा. राजेंद्र पवार (वडार), उद्योजक युवराज कोळी, सौ. मनिषा नाईक, सौ. हर्षदा परिट (महसूल सहाय्यक, मुंबई), संस्थेचे अध्यक्ष विशाल मोरे, उपाध्यक्ष योगेश दाभाडे व अन्य मान्यवरांच्या उपस्थितीत हा सोहळा पार पडला. दीपक शेवाळे यांनी आतापर्यंत अनेक सामाजिक उपक्रम यशस्वीरीत्या राबवले आहेत. 2018 पासून "एक दिवस समाजासाठी" या उपक्रमाच्या माध्यमातून आडी येथे दर रविवारी शालेय विद्यार्थ्यांना मार्गदर्शन करणे, अभ्यासासोबत भौगोलिक व सामाजिक ज्ञान देणे, तसेच योग्य संस्कार घडविण्यासाठी प्रयत्नशील राहणे, यांसारख्या उपक्रमांतून त्यांनी समाजकारणाला दिशा दिली आहे. गावातील आंबेडकर भवनची स्वच्छता, कोरोना काळात जनजागृती व लोकांच्या मनातील भीती दूर करण्याचे कार्य, संविधान व डॉ. बाबासाहेब आंबेडकर यांच्या विचारांवर आधारित व्याख्यानांचे आयोजन आणि सामाजिक चळवळींमध्ये सक्रिय सहभाग, ही त्यांची उल्लेखनीय का...

  कुरुंदवाड / शिवार न्यूज नेटवर्क : सलगर-सदलगा महामार्गावर तेरवाड (ता. शिरोळ) येथे भरधाव इनोव्हा गाडीच्या धडकेत दुचाकीस्वार वृद्ध दाम्पत्य गंभीर जखमी झाले. यात उपचारादरम्यान पत्नी शोभा सदाशिव कोरवी (रा. हेरवाड, ता. शिरोळ) यांचा शनिवारी सायंकाळी मृत्यू झाला, तर पती सदाशिव कृष्णा कोरवी हे जखमी आहेत. या घटनेमुळे परिसरात हळहळ व्यक्त होत आहे.        दरम्यान या अपघातानंतर इनोव्हा गाडी संशयित चालक अनिल शिवाजी पाटील (वय 45, रा. सोलापूर) याच्याविरोधात कुरुंदवाड पोलिस ठाण्यात गुन्हा दाखल करण्यात आला आहे.          ही दुर्घटना शुक्रवारी सकाळी 11 वाजता घडली. संशयित चालक अनिल शिवाजी पाटील (वय 45, रा. सोलापूर) याने भरधाव वेगाने व निष्काळजीपणे चालवलेल्या इनोव्हा गाडीने (क्रमांक एम.एच.16.ए.टी.6466) रस्त्याच्या कडेला उभ्या असलेल्या कोरवी दाम्पत्याच्या दुचाकीला पाठीमागून जोरदार धडक दिली. सदाशिव व शोभा कोरवी फोनवर बोलत असताना झालेल्या या अपघातात दोघेही गंभीर जखमी झाले. मात्र, उपचारादरम्यान शोभा कोरवी यांचा मृत्यू झाला. या अपघातामुळे महामार्गावरील वाहतुकीच्य...

  कुरुंदवाड / शिवार न्यूज नेटवर्क :         नृसिंहवाडी (ता.शिरोळ)दरम्यानच्या यादव पुलाजवळ भरधाव चार चाकी गाडीने दोन दुचाकींना जोरदार धडक दिल्याने एक महिला गंभीर जखमी झाली, तर दुसरा दुचाकीस्वार किरकोळ जखमी झाला आहे.या अपघाताने वाहतुक विस्कळीत झाली होती.याबाबत पोलिसात रात्री उशिरा कोणतीच नोंद झालेली नाही.      दरम्यान हा अपघात शुक्रवारी दुपारी 12 वाजण्याच्या सुमारास घडला आहे. जखमींच्यावर खाजगी रुग्णालयात उपचार सुरू आहेत.        नृसिंहवाडीहून कुरुंदवाडकडे भरधाव वेगाने गाडी येत होती. पुलाच्या कुरुंदवाड हद्दीत गाडीचे नियंत्रण सुटले आणि ती अचानक विरुद्ध दिशेने जाऊन समोरून येणाऱ्या दोन दुचाकींवर आदळली. पहिल्या दुचाकीवर असलेल्या महिलेच्या पायाला गंभीर दुखापत झाली. त्यांना तातडीने कुरुंदवाड येथील खासगी रुग्णालयात दाखल करण्यात आले. दुसऱ्या दुचाकीस्वाराला डोक्याला दुखापत झाल्याने त्यांना मिरज येथील रुग्णालयात दाखल करण्यात आले आहे.      घटनास्थळी अपघातानंतर दोन्ही बाजूंना वाहनांच्या लांबच लांब रांगा लागल्या होत्या. स्थानिक न...

  वार्षिक स्नेहसंमेलन व क्रीडा स्पर्धेचे उद्घाटन मौजे आगर (ता. शिरोळ ) येथे क्रिडा स्पर्धेच्या उद्घाटन प्रसंगी बोलताना आ. दलितमित्र अशोकराव माने व्यासपीठावर हर्षवर्धन फडणीस, नंदकुमार बलदवा, जयदीप शेट्टी, आर. एस. कुलकर्णी, विनेश खाडे, यश शहा उपस्थित होते. जयसिंगपूर / शिवार न्यूज नेटवर्क :      शाहू इंडस्ट्रीमध्ये वेगवेगळे उपक्रम राबवून रुई स्टील इंडिया कंपनीने इंडस्ट्रीचे नावलौकिक वाढवले आहे. त्यांचे कार्य करण्याची शैली प्रभावशाली असून कामगार व कर्मचाऱ्यांना वर्षातून एकदा विरंगुळा मिळावा म्हणून राबविण्यात आलेले उपक्रम आदर्शवत आहेत. त्यांच्या या उपक्रमाने राज्यातच नव्हे तर देशात शाहू इंडस्ट्रीजचा सन्मान वाढला आहे, असे प्रतिपादन हातकलंगलेचे आमदार दलितमित्र अशोकराव माने यांनी केले. मौजे आगर (ता. शिरोळ) येथील शाहू इंडस्ट्रीज येथे रुई स्टील इंडिया कंपनीच्यावतीने वार्षिक स्नेहसंमेलन व क्रीडा स्पर्धेचे आयोजन करण्यात आले होते. स्पर्धेच्या उद्घाटन प्रसंगी आ. माने बोलत होते. स्वागत व प्रास्ताविक सुभाष बाबर यांनी केले. मान्यवरांच्या हस्ते दीप प्रज्वलन करून स्पर्धेचे उद्घाटन करण्...

  कुरुंदवाड / शिवार न्यूज नेटवर्क :    शिरढोण (ता. शिरोळ) येथील सुरेश शंकर कोळी व राजश्री सुरेश कोळी या शिक्षक दांपत्यानी आपल्या मुलीच्या लग्नात शिरोळ व इचलकरंजी परिसरातील सामाजिक संस्थांना आर्थिक मदत देवून लग्न कार्यातूनही  सामाजिक बांधिलकीचे दर्शन घडविले आहे. लग्नकार्यात आर्थिक उधळपट्टीला फाटा देत सामाजिक काम करणाऱ्या संस्थांना आर्थिक मदतीचा हात देत समाजासमोर आदर्श ठेवला आहे.    सुरेश कोळी हे इचलकरंजी येथील गंगामाई गर्ल्स हायस्कूलमध्ये पर्यवेक्षक आहेत तर त्यांच्या पत्नी राजश्री शहरातील आदर्श विद्या मंदीरात शिक्षक म्हणून सेवेत आहेत. शिक्षण क्षेत्रात त्यांच्या ज्ञानदानातील कर्तृत्वातून त्यांना विविध पुरस्कारांनी सन्मानित करण्यात आले आहेत.   त्यांना दोन मुली असून दोन्ही मुली आयटी इंजिनियर्सची पदवी घेऊन मुंबई येथील नामवंत कंपनीत नोकरीस आहेत. मोठी मुलगी स्नेहा हीचा पंढरपूर (जि. सोलापूर) येथील आयटी इंजिनियर ओंकार माने यांच्याशी नुकताच शिरोळ येथील मंगल कार्यालयात विवाह पार पडला. यावेळी राजकीय, सामाजिक, सहकार, शैक्षणिक क्षेत्रातील मान्यवर उपस्थित होते. ...

कोल्हापूर / शिवार न्यूज नेटवर्क :  जिल्हा सल्लागार समितीची बैठक शुक्रवार दि.27 डिसेंबर रोजी जिल्हाधिकारी कार्यालय कोल्हापूर येथे संपन्न झाली. माजी पंतप्रधान डॉ. मनमोहन सिंग यांचे दु:खद निधन झाल्याने सभेच्या सुरुवातीला मौन पाळून श्रद्धांजली वाहण्यात आली. कोल्हापूर जिल्ह्यामध्ये खरीप हंगाम पीक कर्ज वाटपामध्ये सर्व बँकांनी मिळून 103% उद्दिष्ट पूर्तता केली तसेच पतपुरवठा आराखडा अंतर्गत सप्टेंबर 2024 अखेरच्या उद्दिष्टाच्या 130% उद्दिष्ट पूर्तता केल्याबद्दल सर्व बँकांचे प्रभारी जिल्हाधिकारी संजय शिंदे यांनी अभिनंदन केले. ‘पीक कर्ज वाटपामध्ये कमी उद्दिष्ट पूर्तता असणाऱ्या बँकानी 100% उद्दीष्ट पूर्तता करावी तसेच इतर प्राथमिक क्षेत्रामध्ये सर्व बँकानी उद्दीष्ट पूर्तता करण्यासाठी जास्त प्रयत्न करावेत’ अशा सूचना प्रभारी जिल्हाधिकारी यांनी दिल्या. विविध शासन पुरस्कृत योजना प्रलंबित प्रकरणे 15 जानेवारी 2025 पूर्वी सर्व बँक, जिल्हा उद्योग केंद्र, सर्व महामंडळे, कृषी विभागासह इतर शासकीय विभाग यांनी योग्य समन्यवय करुन निकाली काढण्यात यावीत व जिल्ह्याचे सर्व योजनांचे उदिष्ट पूर्ण करा, अशा सूचना त्या...

अजित कांबळे / शिवार न्यूज नेटवर्क : जोल्ले उद्योग समूहाचे संस्थापक अध्यक्ष, माजी खासदार, श्री अण्णासाहेब जोल्ले यांनी एकसंबा सह परिसरातील होतकरू व गुणी विद्यार्थ्यांच्या साठी अनेक योजना राबवून त्यांच्या जीवनाचं सोनं करण्याचा प्रयत्न केलेला आहे,उत्तर कर्नाटकातील अनेक विध्यार्थी दहावीनंतर स्पर्धात्मक परीक्षेच्या तयारीसाठी मोठ्या शहरात जात असतात. यासाठी ग्रामीण भागातील पालकांना मुलांच्या शिक्षणासाठी बराच खर्च सोसावा लागतो. अशा गुणवान विद्यार्थ्यांची शिक्षणाची सोय होण्याच्या उद्देशाने येत्या शैक्षणिक वर्षांपासून निपाणी मध्ये जोल्ले एजुकेशन सोसायटी संचलित श्री. अण्णासाहेब जोल्ले इंडिपेंडंट रेसिडेंशियल P. U. कॉलेज प्रारंभ होणार आहे. यामुळे नीट , जे.इ.इ. , कर्नाटक सी. इ. टी. सारख्या परीक्षेला बसणाऱ्या विद्यार्थ्यांच्या शिक्षणाची उत्तम सोय देखील होणार आहे. जोल्ले ग्रुपच्या वतीने गुणवंत विध्यार्थ्यांना शिक्षणासाठी आर्थिक मदत व्हावी यासाठी सौ शशिकला जोल्ले स्कॉलरशिप सुरु करण्यात येणार आहे. या अंतर्गत एकुण साठ लाख रुपयांपेक्षा जास्तीच्या शिष्यवृत्तीचे वितरण करण्यात येणार असल्याची माहिती जोल्...

  कोल्हापूर / शिवार न्यूज नेटवर्क :      संजय घोडावत इन्स्टिट्यूटच्या कौशल्य विकास आणि उद्योजकता विभागाअंतर्गत विद्यार्थ्यांना सूक्ष्म लघु मध्यम उद्योग मंत्रालय भारत सरकार आणि सीबी कोरा खादी ग्रामोद्योग संस्था बोरवली यांच्या सयुक्त विद्यमाने “स्वयंरोजगार आत्मनिर्भर, उद्योजकता विकास, विविध कौशल्य विकास प्रशिक्षण जनजागृती मार्गदर्शन कार्यक्रमास मार्गदर्शक श्री. उमाकांत डोईफोडे यांनी विद्यार्थ्यांना विविध खादी आणि ग्रामोद्योग संस्थेच्या योजनांची माहिती लघुउद्योग निर्मिती त्यासाठी आवश्यक शासनाचे साह्य पीटीए कौशल्य विकास प्रशिक्षण आणि विविध कोर्स विषयी उपस्तीताना मार्गदर्शन केले.  कार्यक्रमाचे प्रास्ताविक कौशल्य विकास आणि उद्योजकता विभागाचे विभाग प्रमुख प्रा. अजय कोंगे यांनी इन्स्टिट्यूट मध्ये सूक्ष्म लघु मध्यम उद्योग मंत्रालय भारत सरकार आणि सीबी कोरा ग्रामोद्योग आयोगा अंतर्गत कौशल्य विकास आणि उद्योजकता विकासाचे सुरु असलेले विविध प्रशिक्षण, प्रशिक्षणाची निवड करण्याची पद्धती, प्रशिक्षण पूर्ण केल्यानंतर प्रमाणपत्रावर मिळणारे उपयुक्त शासनाचे फायदे, ग्रामीण भागातील विद...

  संदीप कोले / शिवार न्यूज नेटवर्क :    क्रांती ज्योती हायस्कूल कोल्हापूर चे स्नेहसम्मेलन अभिनेत्री चंदा बेलेकर यांच्या हस्ते दीप प्रज्वलन करून उद्घाटन करण्यात आले. आपल्या भाषणात त्या म्हणाल्या की भविष्यात क्रांती ज्योती हायस्कूल ची एकादी तरी विध्यार्थीनी अभिनेत्री म्हणून उदयाला येईल, आपल्या भाषणात पुढे म्हणाल्या झोपडपट्टीतील हे हायस्कूल गरिबांचे विद्यापीठ झाले पाहिजे. त्यासाठी धनिक कोल्हापूरकरानी पुढे यावे.  याप्रसंगी संस्थेचे चेअरमन प्रा. अशोक कांबळे, बालरोग तज्ञ डॉक्टर विजय गावडे, संचालिका सौ अनुराधा मांढरे, सौ अपेक्षा कांबळे, संचालक राहुल मांढरे, संचालक वसंत कांबळे, खटांगळे गावचे सरपंच विश्वास देसाई, प्रभारी मुख्याध्यापक आयुष मांढरे,सामाजिक कार्यकर्ते जे.डी कांबळे सांस्कृतिक प्रमुख यादव सर व भागातील पालक विद्यार्थी विद्यार्थिनी उपस्थित होते.  

४० केंद्रावर ३२९० विद्यार्थ्यांचा सहभाग : प्रथम येणा-यास लाख रुपयांचे बक्षिस यड्राव / शिवार न्यूज नेटवर्क :  यड्राव येथील शरद इन्स्टिट्युट ऑफ टेक्ऩॉलॉजीकडून राज्यातील १२ वीच्या विद्यार्थ्यांसाठी 'शरद स्कॉलर' परिक्षा महाराष्ट्र-कर्नाटकात एकूण ४० केंद्रावर संपन्न झाल्या. शरद इन्स्टिट्युटने सुरु केलेल्या उपक्रमास राज्याभरातून ३२९० विद्यार्थ्यांनी उत्स्फुर्त सहभाग नोंदवला.  या परिक्षेत विजेत्या ठरणा-या विद्यार्थ्यांना लाखो रुपयांचे बक्षिस संस्थेकडून देण्यात येणार आहे. महाराष्ट्रासह कर्नाटकातील विद्यार्थ्यांची कोल्हापूर, सांगली, रत्नागिरी, पुणे, बेळगांव या जिल्ह्यातील ४० विविध केंद्रांवर नियोजनबध्द परिक्षा पार पडल्या. या परिक्षेचा निकाल मे महिन्यात जाहीर होणार आहे.  बारावीच्या विद्यार्थ्यांना एमएच सीईटीच्या परिक्षेचा सराव व्हावा. तसेच मॅथ्स, फिजिक्स व केमिस्ट्री या विषयामध्ये अधिक ज्ञान अवगत व्हावे. या परिक्षेच्या सरावातून मुख्य सिईटी परिक्षेत गुण मिळावेत अशा दृष्टीने संस्था प्रत्येकवर्षा ह्या स्पर्धा घेतल्या जातात.  यामध्ये प्रथम येणा-या विद्यार्थ्याला १ लाख रुपयांसह अन...

  अजित कांबळे / शिवार न्यूज नेटवर्क :  कर्नाटक राज्याच्या माजी कॅबिनेट मंत्री, निपाणीच्या लोकप्रिय महिला आमदार सौ शशिकला जोल्ले यांनी सरकारच्या माध्यमातून मजुराई खात्यातून बोरगाव येथील गोसावी समाजातील श्री महालक्ष्मी सेवा संघ मंदिर बांधकाम जीर्णोद्धार साठी साडे तीन लाखाचा शासकीय निधी मंजूर केलेला आहे . बोरगाव च्या गोसावी समाजातील येथील श्री महालक्ष्मी मंदिराच्या नियोजित जागेवर मंदिराच्या पाया खुदाईचा समारंभ नुकताच संपन्न झाला. प्रारंभी किसन गोसावी या दांपत्य हस्ते जागेची विधिवत पूजा करण्यात आली .यावेळी हालसिद्धनाथ सहकारी साखर कारखान्याचे संचालक व विद्यमान नगरसेवक शरद जंगठे व जितू पाटील व उपस्थित मान्यवरांच्या हस्ते कुदळ मारून पाया खुदाई व श्रीफळ वाढविण्यात आले.      बोरगांव भाजपा चे युवा नेते, शरद जंगठे बोलताना म्हणाले आमच्या नेत्या व माजी मंत्री, निपाणी च्या विद्यमान आमदार सौ शशिकला अण्णासाहेब जोल्ले की यांनी निपाणी शहर पाठोपाठ बोरगांव येथे कोट्यवधीचा निधी मंजूर करून शहराचा सर्वांगीण विकास केला आहे, गोसावी समाजाचे अराध्य दैवत श्री महालक्ष्मी मंदि...

  हैदरअली मुजावर / शिवार न्यूज नेटवर्क : भारतीय कम्युनिस्ट पक्षाच्या स्थापनेला ९९ वर्षे पूर्ण झाल्याबद्दल इचलकरंजी येथे पक्षाचा वर्धापन दिन मोठ्या उत्साहात साजरा करण्यात आला.कॉ.लक्ष्मण चव्हाण यांच्या हस्ते झेंडावंदन करण्यात आले.पक्षाचे ध्येय, धोरण,तत्व, पक्षाच्या कार्यकर्त्यांचे योगदान याबाबत कॉ.हनुमंत लोहार,कॉ.महेश लोहार,कॉ.दादासो जगदाळे यांनी विचार व्यक्त केले.कामगार, कष्टकरी, शेतकरी जनतेच्या मूलभूत प्रश्नावर लढणारा पक्ष म्हणून भारतीय कम्युनिस्ट पक्षाची ओळख निर्माण झाली आहे. यावेळी दादू मधून, सदाशिव कोगले, रवींद्र मिस्त्री, मीना भोरे, लक्ष्मण पवार, हैदरअली मुजावर, राजू पांगरे, बाळासो चौगुले, शिवा कोळी, उर्मिला माने, मंगल तावरे आदी उपस्थित होते.

शिरोळ / शिवार न्यूज नेटवर्क : अलमट्टी धरणाची उंची वाढवल्यास शिरोळ तालुक्याला महापुराचा धोका निर्माण होण्याची शक्यता आहे. या संभाव्य संकटाविरोधात छत्रपती ग्रुपने मोठा लढा उभारण्याचा निर्धार केला असल्याची माहिती छत्रपती ग्रुपचे प्रमुख प्रमोददादा पाटील यांनी शिवार न्यूज नेटवर्कशी बोलताना दिली. प्रमोददादा पाटील म्हणाले, "धरणाची उंची वाढल्यामुळे शिरोळ तालुक्यातील शेती, घरे आणि स्थानिकांचा जनजीवन धोक्यात येईल. महापुरामुळे पाण्याखाली जाण्याचा धोका वाढणार आहे. त्यामुळे शिरोळ तालुक्याच्या हितासाठी आम्ही विविध स्वरूपात जनआंदोलन उभारणार आहोत. या विषयावर सर्व समाजघटक आणि स्थानिक नागरिकांना एकत्र आणून आंदोलनाला व्यापक स्वरूप देण्याचा आमचा प्रयत्न आहे. तसेच त्यांनी जलसंपदा विभाग व केंद्र शासनाने संभाव्य धोक्याचा अभ्यास करून उंची वाढीचा निर्णय रद्द करावा, अशी मागणी केली आहे. "जर प्रशासनाने योग्य निर्णय घेतला नाही, तर स्थानिक नागरिकांबरोबर आम्ही तीव्र आंदोलन करू," असेही पाटील यांनी स्पष्ट केले. शिरोळ तालुका अनेकदा महापुराचा फटका सहन करत आहे. त्यामुळे भविष्यात आणखी धोका वाढविणारा कोणताही...

इचलकरंजी / शिवार न्यूज नेटवर्क : इचलकरंजीतील केन बुद्धिबळ अकादमीच्या वर्धापन दिनानिमित्त लायन्स क्लब ऑफ इचलकरंजी व केन चेस अकॅडमी यांनी रविवार, १५ डिसेंबर रोजी ०९ वर्षाखालील शालेय व खुल्या जलद बुद्धिबळ स्पर्धेचे आयोजन केले. ही स्पर्धा लायन्स ब्लड बँक, दाते मळा येथे आंतरराष्ट्रीय नियमांनुसार स्विस लीग पद्धतीने ७ फेऱ्यांमध्ये पार पडली. स्पर्धेत एकूण १५० खेळाडूंनी सहभाग घेतला. खुल्या गटात सोहम खासबरदार विजेता ठरला, तर आदित्य सावलकर उपविजेता आणि ऋषिकेश कबनूरकर तृतीय क्रमांकाचा मानकरी ठरले. विजेत्यांना रोख रक्कम व आकर्षक चषक देऊन सन्मानित करण्यात आले. ९ वर्षाखालील गटात दिविज कत्रुत विजेता, सांची चौधरी उपविजेता आणि पृथ्वीराज पाटील तृतीय क्रमांकावर राहिले. उत्कृष्ट खेळाडूंमध्ये रुद्रवीर पाटील, प्रणव साळुंखे, आदित्यराज निंबाळकर यांचा समावेश होता. उत्कृष्ट मुलींमध्ये शनाया मालानी, सांची बजाज, आणि गार्गी गुरव यांना विशेष सन्मानाने गौरविण्यात आले. सर्वोत्तम दिव्यांग खेळाडू म्हणून पियुष कदम व शिवम केसरवाणी यांना रोख रक्कम व प्रमाणपत्र देण्यात आले. उत्कृष्ट शाळा पुरस्कार सौ. गंगामाई विद्यामंदिरला प...

  जयसिंगपूर / शिवार न्यूज नेटवर्क : कुरुंदवाडचे ग्रामदैवत असलेल्या हजरत दौलत शहावली दर्गा व नाशिक नंतर कुरुंदवाड मधील पुरातन मंदिर असलेल्या श्री काळाराम मंदिराला 'क' वर्ग तीर्थक्षेत्राचा दर्जा मिळाला असून या माध्यमातून दोन्ही श्रद्धास्थानाचा विकास साधला जाणार असल्याची माहिती आमदार राजेंद्र पाटील यड्रावकर यांनी दिली.  कुरुंदवाड शहराचे ग्रामदैवत हजरत दौलत शहावली दर्गा हा प्रसिद्ध आहे. या दर्ग्याचा उरूस मोठ्या उत्साहात भरतो, त्यामुळे या दर्ग्याला मोठे महत्त्व प्राप्त आहे. सदरचा दर्गा हा तीर्थक्षेत्र दर्जात नसल्याने दर्गा व दर्गा परिसराचा विकास करण्यासाठी म्हणावा तेवढा निधी खर्च होत नव्हता, अखेर या दर्ग्याला 'क' वर्ग तीर्थक्षेत्राचा दर्जा मिळाल्याने मोठ्या प्रमाणात निधी आणून दर्गा व दर्गा परिसराचा विकास साधला जाणार आहे.  त्याचबरोबर महाराष्ट्रातील नाशिक नंतर पुरातन असलेल्या कुरुंदवाड येथील श्री काळाराम मंदिराचे महत्त्व मोठे आहे. कुरुंदवाड शहरातील सर्वात ऐतिहासिक मंदिर म्हणून या मंदिराची ओळख आहे. त्यामुळे महाराष्ट्रातून अनेक भाविक या मंदिरात दर्शनासाठी येत असतात. त्यामुळे मं...

साताप्पा कांबळे / शिवार न्यूज नेटवर्क : “महामानव डॉ. बाबासाहेब आंबेडकर हे केवळ दलित समाजाचे नेते नसून, देशातील सर्व शोषित, वंचित व बहुजन वर्गाचे उद्धारकर्ते आहेत. ते खऱ्या अर्थाने भारतीयांचे दैवत आहेत,” असे प्रतिपादन प्रा. डॉ. आर. के. दिवाकर यांनी केले. ते शेंडूर येथे डॉ. बाबासाहेब आंबेडकर पदस्पर्श शताब्दी महोत्सव कमिटीने आयोजित कार्यक्रमात प्रमुख व्याख्याते म्हणून बोलत होते. कार्यक्रमाची सुरुवात महामानवांच्या प्रतिमेच्या पूजनाने झाली. श्री भैरवनाथ शिक्षण प्रसारक मंडळाचे व्हाईस चेअरमन शिवाजी कांबळे यांनी स्वागत व प्रास्ताविक केले. कार्यक्रमाच्या अध्यक्षस्थानी शेंडूर ग्रामपंचायत अध्यक्षा सौ. उज्ज्वला कांबळे होत्या. प्रा. दिवाकर म्हणाले, “भारतीय संविधानाच्या माध्यमातून बाबासाहेबांनी सर्व समाजघटकांना मुख्य प्रवाहात आणून न्याय देण्याचे महान कार्य केले. त्यांचे विचार आजही समाजासाठी प्रेरणादायी आहेत.”   कार्यक्रमाचे प्रमुख पाहुणे प्रा. अजित कांबळे म्हणाले, “डॉ. आंबेडकरांनी भारतीयांना त्यांच्या हक्कांची जाणीव करून दिली. त्यांच्या विचारांचे समाजात दृढपणे रोपण होणे आवश्यक आहे.” शताब्दी...

  हैदरअली मुजावर / शिवार न्यूज नेटवर्क : शिरढोण येथील नांदणी रस्त्यालगत असणाऱ्या शेतातील ऊसाच्या पाचोळ्याला आज दुपारी अचानक आग लागली.आगी लगतच किमान ५०-६० एकर उभे ऊस होते.अचानक आग लागल्यामुळे शेतकरी सैरावैरा आग विजवण्यासाठी धावु लागले.या घटनेचे गांभीर्य ओळखून आदेश-क्रांती मित्र मंडळाच्या कार्यकर्त्यांनी आग विझविण्यासाठी धाव घेतली,त्यामुळे शेतकर्यांचे होणारे मोठे नुकसान टळले,तसेच यड्रावकर गटाचे कार्यकर्ते प्रविण दानोळे यांनी कुरुंदवाड नगरपालिकेच्या अग्निशामक दलाला पाचारण केले. वेळीच आग आटोक्यात आली नसती तर क्षेत्रातील सर्व ऊस जळून खाक झाले असते. सर्व शेतकऱ्यांनी यावेळी आदेश क्रांती मित्र मंडळाचे आभार मानले.

कोल्हापूर / शिवार न्यूज नेटवर्क : कोल्हापूर जिल्ह्यात वृद्ध महिलेस नजरबंदीचा बनाव करून फसवणूक करणाऱ्या दोन विधीसंघर्षग्रस्त बालकांना स्थानिक गुन्हे अन्वेषण शाखेने ताब्यात घेतले आहे. या प्रकरणात 68,950 रुपये किंमतीची सोन्याची चेन आणि 1,00,000 रुपये किंमतीची मोटारसायकल असा एकूण 1.68 लाखांचा मुद्देमाल जप्त करण्यात आला आहे. पोलीस अधीक्षक महेंद्र पंडित यांनी जिल्ह्यातील फसवणुकीचे गुन्हे उघडकीस आणण्यासाठी स्थानिक गुन्हे शाखेला विशेष तपासाच्या सूचना दिल्या होत्या. तपास पथकाने मिळालेल्या गोपनीय माहितीनुसार, शाहूपुरी पोलीस ठाणे हद्दीत दाखल गुन्ह्यातील संशयित ताराराणी चौक ते तावडे हॉटेल रोड परिसरात येणार असल्याचे समजल्यावर सापळा रचून दोघांना पकडले. तपासादरम्यान, या विधीसंघर्षग्रस्त बालकांनी शाहूपुरी पोलीस ठाण्यात दाखल फसवणुकीच्या गुन्ह्याची कबुली दिली. त्यांच्या ताब्यातून 9.850 ग्रॅम वजनाची सोन्याची चेन व गुन्ह्यात वापरलेली मोटारसायकल हस्तगत करण्यात आली. ही कारवाई पोलीस निरीक्षक रविंद्र कळमकर यांच्या मार्गदर्शनाखाली पोलीस उपनिरीक्षक जालींदर जाधव आणि त्यांच्या सहकाऱ्यांनी केली. संशयित बालकांना मु...

  कुरुंदवाड / शिवार न्यूज नेटवर्क : तेरवाड (ता. शिरोळ) येथील ग्रामपंचायतीच्या सरपंचपदी पौर्णिमा संतोष गोंधळी यांची बिनविरोध निवड झाली. निवड सभेच्या अध्यक्षस्थानी मंडल अधिकारी अमितकुमार पडळकर होते. निवडीनंतर गोंधळी समर्थकांनी गुलालाची उधळण व फटाक्यांची आतिषबाजी करत जल्लोष केला.   येथील ग्रामपंचायतीवर संजय आनुसे, सदाशिव माळी, रामचंद्र चव्हाण यांच्या मंगरायासिद्ध आघाडीची सत्ता आहे. सरपंच पद सर्वसाधारण गटासाठी खुला असल्याने व आघाडीच्या नेत्यांनी आघाडीतील सर्वच महीला सदस्यांना कालावधी ठरवून संधी देण्याचा निर्णय घेतला होता. त्यानुसार सरपंच हर्षवर्धना भुयेकर यांचा कार्यकाल संपल्याने रिक्त पदासाठी निवडणूक लागली होती.   सरपंचपदासाठी पौर्णिमा गोंधळी यांचा एकमेव अर्ज आल्याने त्यांची बिनविरोध निवड झाल्याची घोषणा निवडणूक निर्णय अधिकारी अमितकुमार पडळकर यांनी केली.   यावेळी उपसरपंच विजय गायकवाड, सदस्य संजय अनुसे, जालिंदर शांडगे, हर्षवर्धन भुयेकर, शशिकला वाडीकर, सुगंधा वडर, , लक्ष्मीबाई तराळ, ग्रामसेवक महालिंग अकिवाटे, तलाठी एस एस कारंडे यांच्यासह मंगरायासिद्ध आघाडीचे कार्यकर्ते नाग...

  शिरोळ / शिवार न्यूज नेटवर्क : येथील शिरोळ नगरपरिषद सभागृह येथे कोल्हापुर विधी सेवा प्राधिकरण मार्फत फिरते विधी सेवा व लोक अदालत योजना व साक्षरता शिबीर जयसिंगपुर प्रथमवर्ग न्यायदंडाधिकारी मा.ए.टी.मणगिरे साहेब यांच्या प्रमुख उपस्थितीत संपन्न झाले. या वेळी विधी सेवा बद्दल मार्गदर्शन करताना त्यांनी न्यायालय हे सर्व सामान्य नागरिकांसाठी असून नागरीक हे न्यायालयसाठी नाहीत तरी नागरिकांनी आपल्या या अधिकारांचा उपयोग करावा. तसेच सर्वांसाठी समान न्याय या हेतूने न्यायालय काम करत असते व फिरते न्यायालयाचा उद्देश दुर्बल घटकांना न्याय देणे आहे. लोक अदालतिच्या माध्यमातून लवकरात लवकर प्रलंबित खटले निकाली काढल्यामुळे कसे नागरिकांचा वेळ,पैसा व मानसिक त्रास यातून दिलासा मिळते याबद्दल माहिती दिली. यावेळी कार्यक्रमाची प्रस्तावना करताना युवा नेते पृथ्वीराजसिंह यादव यांनी न्यायालयाच्या लोक अदालतीचे महत्त्व सांगत सर्वसामान्य नागरिकांनी लोक अदालत उपक्रमाच्या माध्यमातून सामंज्यसपणाने आपले प्रलंबित खटले सोडवून घ्यावेत व आर्थिक,मानसिक त्रासातून मुक्त व्हावे असे आवाहन केले. यावेळी सहाय्यक सरकारी वकील ॲड.वर्षा प...

शिरोळ / शिवार न्यूज नेटवर्क : शिरोळ तालुक्यातील हेरवाड येथील सुपुत्र मोहसीन जमादार यांनी ‘पुष्पा २’ या बहुचर्चित सिनेमाचे एडिटिंग करून आपल्या कौशल्याच्या बळावर संपूर्ण देशाचे लक्ष वेधले आहे. त्यांच्या या उल्लेखनीय योगदानासाठी दत्त उद्योग समूहाचे प्रमुख उद्यान पंडीत गणपतराव पाटील यांच्या हस्ते त्यांचा सन्मान करण्यात आला. हा सत्कार सोहळा शिरोळ दत्त कारखान्याच्या कार्यस्थळावर आयोजित करण्यात आला होता. यावेळी मोहसीन जमादार यांच्या कुटुंबीयांसह अनेक मान्यवर उपस्थित होते. रफिक जमादार, हिम्मत जमादार, सोहेल जमादार, जावेद जमादार, जमीर मुल्ला आणि युनुस जमादार यांनी या सोहळ्याला विशेष रंगत आणली. मोहसीन यांनी आपल्या मेहनतीने आणि अद्वितीय कौशल्याने शिरोळ तालुक्याचे नाव देशभरात उंचावले आहे. ‘पुष्पा २’ च्या एडिटिंगच्या निमित्ताने मोशिन यांनी चित्रपटसृष्टीत आपला ठसा उमटवला असून त्यांच्या कार्यामुळे अनेक तरुणांना प्रेरणा मिळत आहे. दत्त उद्योग समूहाच्या वतीने त्यांचा सन्मान करून त्यांचे कौतुक करण्यात आले. शिरोळ तालुक्यातील कलाकारांना मोठ्या व्यासपीठावर आपली ओळख निर्माण करण्यासाठी मोहसीन यांचा आदर्श घेतला...

पुष्पा २ च्या संगणकीय कामगिरीसाठी मोहसीन जमादार यांच्या टीमचा गौरव जयसिंगपूर / शिवार न्यूज नेटवर्क :  शिरोळ तालुक्यातील युवकांनी सिनेक्षेत्रात उपजत गुण सिद्ध करून दाखवले आहेत. यापैकी हेरवाड गावचे सुपुत्र मोहसीन जमादार यांनी राष्ट्रीय स्तरावरील "पुष्पा २" या सुपरहिट चित्रपटाच्या संगणकीय एडिटिंगमध्ये योगदान देऊन संपूर्ण देशभर तालुक्याचे नाव उज्ज्वल केले आहे. त्यांच्या या कार्याची दखल घेत आमदार डॉ. राजेंद्र पाटील यड्रावकर यांनी मोहसीन यांचा विशेष सत्कार केला. सध्या बॉक्स ऑफिसवर सुपरहिट ठरलेल्या "पुष्पा २" चित्रपटाच्या यशात मोहसीन जमादार यांचे संगणकीय कौशल्य महत्त्वाचे ठरले आहे. ग्रामीण भागातून आलेल्या मोहसीन यांनी अत्याधुनिक तंत्रज्ञानाचा वापर करत चित्रपटाची एडिटिंग व संगणकीय दृश्ये प्रभावीपणे साकारली. त्यांच्या या कौशल्यपूर्ण कामगिरीने सिनेक्षेत्रात नवे मापदंड निर्माण केले आहेत. आमदार यड्रावकर यांनी मोहसीन यांच्या कार्याची प्रशंसा करताना ग्रामीण भागातील युवकांमध्ये सर्जनशीलता व उपजत गुण असल्याचे सांगितले. “शिरोळ तालुक्यातील युवकांना संधी मिळाली तर ते राष्ट्रीय व आंतरर...

  अमर माने / शिवार न्यूज नेटवर्क : चिक्कोडी पोलीस ठाण्यात कार्यरत पोलीस हवालदार मंजुनाथ सत्तीगेरी यांचा आज कुडची हुन आपल्या दुचाकी वरून येत असताना रायबाग अंकली रोडवर मोटर सायकलचा अपघात झाला. या घटनेत चिक्कोडी पोलीस ठाण्यात कार्यरत पोलीस हवालदार मंजुनाथ सत्तीगेरी (वय २६) यांचा मृत्यू झाला.  मूळचे मलिंगपूरजवळील केसरगोप्पा गावचे रहिवासी असलेले मंजुनाथ हे चिक्कोडी पोलिस ठाण्यात गेल्या ५ वर्षांपासून कार्यरत आहेत. आज कुडची येथून दुचाकीवरून येत असताना रायबाग रोडवरील नंदीकुरळी क्रॉसजवळ दोन दुचाकींमध्ये झालेल्या अपघातात त्यांचा जागीच मृत्यू झाला.   

अमर माने / शिवार न्यूज नेटवर्क :      नणदी येथील चिदानंद बसप्रभू कोरे सहकारी साखर कारखाना आणि कर्नाटक शासनाच्या शिक्षण विभागाचे क्षेत्रीय शिक्षण अधिकारी कार्यालय चिक्कोडी आणि क्षेत्र समन्वयक कार्यालय चिक्कोडी यांच्यावतीने महाराष्ट्रातील बीड, जालना, परभणी जिल्ह्यातून ऊस तोडणी व वाहतूक करण्यासाठी आलेल्या मजूरांची मुले शिक्षणापासून वंचित राहू नये यासाठी अध्यक्ष मल्लिकार्जुन कोरे यांच्या मार्गदर्शनाखाली कारखाना परिसरात तंबू शाळा चालवण्यात आली.    यावेळी कारखान्याचे महाव्यवस्थापक एन.एस.हिरेमठ यांनी भाषण केले व ऊस तोडणीसाठी आलेल्या मजूरांची मुले शिक्षणापासून वंचित राहू नयेत व प्रत्येक मुलाला शिक्षण मिळाले पाहिजे असे सांगितले. तसेच कारखान्यातील मुलांना लागणारा पोषण आहार, दुपारचे जेवण, पाठ्यपुस्तके, वह्या, पेन व इतर साहित्य शिक्षण विभागातर्फे देण्यात येणार असल्याचे त्यांनी सांगितले.    यावेळी क्षेत्रीय समन्वयक आय एस इक्कलमार, सीआरपी चिक्कोडी मराठी विभागचे एस.एम.माने, जी एस कांबळे, पीडी मजलट्टी, गंगा शुगर स्कूलचे शिक्षक व्ही.एन.रावणगोळ, शाळेचे शिक्षक एस.एस...

हेरवाड / शिवार न्यूज नेटवर्क : घोसरवाड नदीकडून येणारी मेन पाईप लाईन लिकेज झाली असल्याने हेरवाड गावचा पाणीपुरवठा ठप्प झाला आहे. ग्रामपंचायतीने ग्रामस्थांची गरज ओळखून गावातील ठिकठिकाणी मारण्यात आलेल्या बोरच्या माध्यमातून पाण्याचा पुरवठा सुरू केल्याने थोडा दिलासा मिळाला आहे. मात्र सदरचे पिण्यास वापरू नये अशा सूचना देखील ग्रामपंचायत ने ग्रामस्थांना केल्या आहेत. लिकेज काढण्यासाठी विलंब लागणार असल्याने सुमारे ४ ते ५ दिवस हेरवाडचा पाणीपुरवठा बंद राहण्याची शक्यता आहे. दरम्यान पाणीपुरवठा योजना सुरू झाल्यापासून म्हणायच्या टॉकीतील गाळ काढण्यात आले नव्हते याची दखल घेऊन लिकेज काढून पाणीपुरवठा सुरळीत होण्यासाठी लागणारा विलंब लक्षात घेता ग्रामपंचायतीने पाण्याच्या टाकीतील गाळ काढण्याचे काम हाती घेतले आहे.

संदीप कोले / शिवार न्यूज नेटवर्क :  हातकणंगले तालुक्यातील समविचारी परिवर्तनवादी कार्यकर्त्यांच्या कडून परभणी येथील संविधान प्रतिकृती विटंबना व सोमनाथ सुर्यवंशी या युवकाच्या पोलीस कोठडीतील मारहाणीत झालेल्या मृत्यूच्या निषेधार्थ आणि अमित शहा वक्तव्याच्या निषेधार्थ निषेध व आदरांजली कार्यक्रम पार पडला.. त्यावेळी आंबेडकरी चळवळीतील अनेक जेष्ठ कार्यकर्ते आणि मार्गदर्शक केले तसेच हातकणंगले समविचारी परिवर्तनवादी पेठवडगाव व वडगाव परीसरातील असंख्य कार्यकर्ते मोठ्या संख्येने उपस्थथित होते.

शिरोळ / शिवार न्यूज नेटवर्क : परभणी येथे संविधान प्रतिकृतीची विटंबना आणि भीमसैनिक शहीद सोमनाथ सूर्यवंशी यांचा संशयित मृत्यू या घटनांचा छत्रपती ग्रुप महाराष्ट्र राज्यच्या वतीने जाहीर निषेध व्यक्त करण्यात आला. तसेच शिरोळचे तहसीलदार अनिल कुमार हेळकर यांना निवेदनाद्वारे संबंधितावर कडक कारवाईची मागणी करण्यात आली. राज्यातील कायदा व सुव्यवस्था बिघडत चालल्यावर राज्य शासनाने तात्काळ कठोर लक्ष देऊन दोषींवर कारवाई करावी, अशी मागणी या वेळी करण्यात आली. महाराष्ट्र हा बहुजन महापुरुषांच्या विचारधारा जपणारा सुसंस्कृत प्रदेश आहे. त्यामुळे संविधानाची किंवा महापुरुषांची विटंबना कोणत्याही परिस्थितीत सहन केली जाणार नाही, असे मत छत्रपती ग्रुपच्या पदाधिकाऱ्यांनी व्यक्त केले. या अनुषंगाने छत्रपती ग्रुपचे प्रमुख प्रमोद दादा पाटील यांच्या मार्गदर्शनाखाली निवेदन शिरोळ तहसीलदारांना देण्यात आले. यावेळी प्रदेशाध्यक्ष रोहित मलमे, तालुका प्रमुख संदिप पवार, संपर्कप्रमुख संतोष पाटील, भीमसैनिक अरविंद धरणगुतिकर, अमर चौगुले, कृष्णा होगले व इतर पदाधिकारी उपस्थित होते.

कोल्हापूर / शिवार न्यूज नेटवर्क :      न्यायाच्या प्रतिक्षेत असणारी प्रत्येक तक्रारदार महिला, व्यक्ती न्यायासाठी मुंबईतील राज्य महिला आयोगाच्या कार्यालयात येवू शकत नाही. यासाठी ग्रामीण, शहरी भागातल्या तसेच वाड्या-वस्त्या, पाड्यांवरील पिडीत, अर्जदार महिलांपर्यंत आयोग पोहोचावा तसेच पिडितांना सुरक्षिततेचा आत्मविश्वास देण्यासाठी राज्यातील सर्व जिल्ह्यांमध्ये 'महिला आयोग आपल्या दारी' हा उपक्रम राबविला जात आहे, असे मत राज्य महिला आयोगाच्या अध्यक्षा रुपाली चाकणकर यांनी व्यक्त केले. तसेच आजच्या सुनावणीत 156 तक्रारी प्राप्त झाल्या असून यातील 26 केसेस या जनसुनावणीत मिटल्या असून हा आकडा राज्यात झालेल्या अन्य सुनावण्यांच्या तुलनेत सर्वाधिक असल्याबद्दल अध्यक्षा रुपाली चाकणकर यांनी जिल्हा प्रशासन, पोलीस विभाग, महिला व बाल विकास विभाग, विधी व प्राधिकरण तसेच जिल्हा परिषदेचे कौतुक केले.      महिलांना त्यांच्याच जिल्ह्याच्या ठिकाणी जलद न्याय मिळावा यासाठी राबविण्यात येणाऱ्या 'महिला आयोग आपल्या दारी' उपक्रमांतर्गत आज राज्य महिला आयोगाच्या अध्यक्षा रुपाली चाकणकर यांच्या अध्यक्...

  हैदरअली मुजावर / शिवार न्यूज नेटवर्क :  शिक्षण विभाग पंचायत समिती शिरोळ मार्फत बळवंतराव झेले हायस्कूल जयसिंगपूर येथे 52वे तालुकास्तरीय विज्ञान प्रदर्शनाचे आयोजन दिनांक 16 ते 18 डिसेंबर2024 रोजी करण्यात आले होते. यामध्ये उर्दू विद्या मंदिर खिद्रापूर शाळेच्या विद्यार्थीनी अक्सा रियाज जमादार व मिसबाह रमजान घुनके यांनी मुख्याध्यापक व विज्ञान विषय शिक्षक अमानुल्लाह सदरुद्दिन मुल्ला यांच्या मार्गदर्शना खाली कचरा वेचणारी मशीन garbage disposal machine या उपकरणाचे सादरीकरण करून,तालुक्यात द्वितीय क्रमांक संपादन केले बद्दल गटशिक्षणाधिकारी पंचायत समिती शिरोळ सौ भारती कोळी मॅडम व ज्येष्ठ विस्तार अधिकारी श्री दीपक कामत साहेब ,विस्तार अधिकारी श्री. अनिल उमासे साहेब व इतर मान्यवरांच्या उपस्थित सन्मान चिन्ह व प्रशस्तीपत्र देऊन विद्यार्थी व मार्गदर्शक शिक्षक यांना सन्मानित करण्यात आले. यासाठी शाळेचे मुख्याध्यापक अमानुल्लाह मुल्ला, शिक्षक नाजिम जमादार ,रिजवानअहमद पटेल, बुशेरा पटेल केंद्रप्रमुख रियाज अहमद चौगले, उर्दू विस्तार अधिकारी श्री मुसा सुतार, विज्ञान विभागप्रमुख व ज्येष्ठ विस्तार अध...

हातकणंगले / शिवार न्यूज नेटवर्क : नागपूर येथे सुरू असलेल्या महाराष्ट्र विधिमंडळाच्या हिवाळी अधिवेशनात आमदार दलितमित्र डॉ. अशोकराव माने यांनी हातकणंगले तालुक्यातील पूरग्रस्त शेतकऱ्यांच्या नुकसानभरपाईचा मुद्दा विधिमंडळात जोरदारपणे मांडला. डॉ. माने यांनी जुलै २०२४ मध्ये आलेल्या महापुरामुळे तालुक्यातील ५६४६ शेतकऱ्यांच्या शेतीचे पंचनामे पूर्ण झाल्याचे सांगितले. यामध्ये ५.५७ कोटी रुपये नुकसान भरपाईसाठी प्रक्रियेत आहेत. याशिवाय, इचलकरंजी अप्पर तहसील अंतर्गत ४१४९ शेतकऱ्यांचे पंचनामे झाले असून त्यातील ३९४८ शेतकऱ्यांनी ई-केवायसी प्रक्रिया पूर्ण केली आहे. या शेतकऱ्यांना ५.२९ कोटी रुपयांची नुकसान भरपाई देणे प्रक्रियेत आहे, मात्र अद्याप कोणताही मोबदला मिळालेला नाही. यासोबतच, २०१९ च्या निकषांनुसार वंचित पूरग्रस्तांना सानुग्रह अनुदान मिळावे व सुरू असलेल्या आमरण उपोषणाकडे लक्ष वेधण्याची मागणीही डॉ. माने यांनी केली. त्यांनी शासनाला तातडीने कार्यवाही करण्याचे आवाहन केले.

  शिरोळ / शिवार न्यूज नेटवर्क :  धरणगुत्ती येथे झालेल्या केंद्रस्तरीय सांस्कृतिक स्पर्धेतील समूहगीत (मोठा गट,) या विभागात शिरोळ येथील राजाराम विद्यालय नं 2या शाळेच्या विद्यार्थ्यांनी प्रथम क्रमांक पटकाविला.  विद्या मंदिर धरणगुत्ती माळ येथे केंद्रस्तरीय सांस्कृतिक स्पर्धा उत्साहात पार पडल्या. केंद्रांतर्गत पाच शाळांनी या स्पर्धेत सहभाग घेतला होता. विविध विभागात झालेल्या स्पर्धेत विद्यार्थ्यांनी आपले कला गुण सादर केले. समूहगीत( मोठा गट) या विभागात शिरोळच्या राजाराम विद्यालयाच्या विद्यार्थ्यांनी प्रथम क्रमांकाचे पारितोषिक पटकावले. या विद्यार्थ्यांचा सन्मान विद्या मंदिरच्या मुख्याध्यापिका सुजाता ठोंबरे मनोजकुमार रणदिवे, बाळासाहेब कोळी, दीपक वावरे, किरण पाटील यांच्या हस्ते करण्यात आला.   सर्व विजेत्या विद्यार्थ्यांना राजाराम विद्यालयाचे मुख्याध्यापक सनी सुतार, अध्यापक रवींद्र वाघ, सुनील घुमान्ना, सौ. त्रिशला येळगुडे, सौ. प्रतिभा साळुंखे, यांचे मार्गदर्शन लाभले. शालेय व्यवस्थापन समितीचे सर्व पदाधिकारी व सदस्यांचे प्रोत्साहन मिळाले. यशस्वी विद्यार्थ्यांचे सर्वत्र कौतुक होत ...

१० कोटी रुपयांच्या निधीतून औरवाड ते गणेशवाडी रस्त्याच्या कामाचा शुभारंभ  औरवाड / शिवार न्यूज नेटवर्क : शिरोळ तालुक्यातील दळणवळण मजबूत बनवण्याच्या दृष्टीने कोट्यावधी रुपयांचा निधी खर्च करण्यात येत आहे. प्रामुख्याने शिरोळ तालुका हा कर्नाटक सीमेवर असल्याने मोठ्या प्रमाणात राज्यांतर्गत वाहतूक सुरू असते याचबरोबर तालुक्यातील पर्यटन स्थळ, प्रसिद्ध देवस्थान त्यामुळे मोठ्या प्रमाणात भाविकांची गर्दी लक्षात घेऊन तालुक्यातील रस्ते मजबूत व्हावेत या दृष्टीने यापुढेही शिरोळ तालुक्यातील रस्त्यांच्या विकासासाठी निधी कमी पडू दिला जाणार नाही, असे प्रतिपादन आमदार राजेंद्र पाटील यड्रावकर यांनी केले. शिरोळ तालुक्यातील औरवाड - कवठेगुलंद - गणेशवाडी ते राज्यहद्द प्रजिमा २३ ची सुधारणा करणेसाठी १० कोटी रुपयांच्या विकास कामांचे उद्घाटन माजी मंत्री आमदार राजेंद्र पाटील यड्रावकर यांच्या हस्ते संपन्न झाला. यावेळी ते बोलत होते. यावेळी बोलताना आमदार यड्रावकर पुढे म्हणाले, शिरोळ तालुक्यातील नदीपलीकडील सात गावात रस्त्यांची अवस्था वारंवार दयनीय बनते. त्यामुळे या रस्त्यांसाठी भरीव निधीची गरज ओळखून औरवाड ते गणेशवाडी या...

जयसिंगपूर येथे कोल्हापूर जिल्हा वार्षिक क्रीडा स्पर्धेला उत्साहात प्रारंभ  जयसिंगपूर / शिवार न्यूज नेटवर्क :  क्रीडा स्पर्धा ही व्यक्तीच्या सुप्त गुणांना वाव देणारी एक प्रभावी साधन आहे. त्यातून केवळ शारीरिक तंदुरुस्तीच नव्हे, तर मानसिक विकासही घडतो. आजच्या आधुनिक युगात क्रीडा आणि पारंपारिक खेळ हे समाजाला नवीन दिशा देण्याचे साधन बनले आहेत. नगरविकास विभाग कोल्हापूर जिल्ह्याच्या वतीने क्रीडा स्पर्धा आणि सांस्कृतिक कार्यक्रमाचे केलेले आयोजन ही बाब खरोखरच कौतुकास्पद आहे, असे प्रतिपादन आमदार राजेंद्र पाटील यड्रावकर यांनी केले. नगरविकास विभाग, कोल्हापूर जिल्हा वार्षिक क्रीडा स्पर्धा आणि सांस्कृतिक कार्यक्रमांचे उद्घाटन माजी मंत्री व आमदार राजेंद्र पाटील यड्रावकर यांच्या हस्ते येथील दसरा स्टेडियमवर मोठ्या उत्साहात पार पडले, यावेळी आमदार यड्रावकर बोलत होते. आमदार यड्रावकर पुढे म्हणाले, क्रीडा ही समाजाच्या आरोग्यपूर्ण विकासासाठी महत्त्वाची आहे. त्याचबरोबर सांस्कृतिक कार्यक्रमांमुळे आपल्या लोकपरंपरेला पूरक असे वातावरण तयार होते. त्यामुळे अशा उपक्रमांमुळे नवीन पिढीला आपल्या जडणघडणीत मोलाच...

संदीप कोले / शिवार न्यूज नेटवर्क : इचलकरंजी (ता. हातकणंगले) येथे शाहू महोत्सव -2024 अंतर्गत आयोजित शाहू ग्रंथ दिंडी मोठ्या उत्साहात पार पडली. या दिंडीचे पूजन माजी उपनगराध्यक्ष रविसाहेब रजपुते, ज्येष्ठ नेते प्रमोद बेलेकर आणि माजी नगरसेवक भाऊसो आवळे यांच्या हस्ते करण्यात आले. मलाबादे चौक (जनता चौक) येथून नाट्यगृह चौकापर्यंत काढण्यात आलेल्या या दिंडीमध्ये विद्यार्थी आणि विद्यार्थिनींचा उत्स्फूर्त सहभाग होता. व्यंकटराव हायस्कूल आणि गंगामाई विद्या मंदिर शाळेच्या विद्यार्थ्यांनी आपल्या सहभागातून ग्रंथाचे महत्त्व आणि शाहू महाराजांच्या विचारांचा प्रसार केला. शाहू महोत्सवाचे संकल्पक अरुण रंजना कांबळे यांनी या कार्यक्रमाचे नियोजन केले. दिंडी यशस्वी करण्यासाठी शाहू महोत्सवाच्या सचिव अक्षरा अरुण कांबळे, संतोष कुरळे, गौतम कांबळे, विशाल कांबळे हालगीकर आदींनी परिश्रम घेतले. ग्रंथदिंडीच्या माध्यमातून शाहू महाराजांच्या लोकहितवादी विचारांचा प्रचार-प्रसार करण्याचा उद्देश साध्य झाल्याचे उपस्थितांनी सांगितले.

अजित कांबळे / शिवार न्यूज नेटवर्क : नुकत्याच जाहीर झालेल्या केंद्र सरकारच्या विविध सैन्य भरतीच्या निवड यादीत बोरगांव ता.निपाणी येथील यंत्रमाग कामगार यांचा मुलगा कृष्णा शांतिनाथ चौगुले या युवकाने सीमा सुरक्षा दलाच्या ( बीएसएफ ) या परीक्षेत घवघवीत यश मिळविल्याने बोरगांव येथील आचार्य श्री 108 शांती सागर को आप क्रेडिट सोसायटीचे वतीने सत्कार करण्यात आला.       बोरगांव येथील सुपुत्र श्री कृष्णा शांतीनाथ चौगुले हा एका यंत्रमाग कामगारांचां मुलगा आहे,गरीब कुटुंबातील या युवकांने मेहनत करून वडिलांचे स्वप्न साकार केले आहे , त्याकारण बोरगाव सह परिसरात त्यांचे गोड कौतुक केले जात आहे. विशेष म्हणजे बीएसएफ मध्ये निवड झालेल्या युवकांचे वडिल यंत्रमाग कामगार आहेत व आई शेत मजूर आहेत.   सैन्य दलामध्ये भरतीचे अर्ज मागविण्यात आले होते. यामध्ये बोरगांव येथील कृष्णा याने यश  मिळविले आहे. बोरगाव येथील आचार्य श्री 108 शांतीसागर को आप क्रेडिट क्रेडिट सोसायटीचे संस्थापक अध्यक्ष व हाल सहकारी साखर कारखान्याचे संचालक, नगरसेवक ,शरद जंगठे यांच्यावतीने सोसायटीच्या सभागृहामध्ये बोरगाव येथील बीए...

कोल्हापूर / शिवार न्यूज नेटवर्क : श्री अतिशय क्षेत्र वृषभाचल नांदणी येथे दि. १ ते ९ जानेवारी २०२५ या कालावधीत होणाऱ्या पंचकल्याणक व ३१ फूट उंच आदिनाथ तीर्थंकर बृहन्मूर्तीच्या महामस्तकाभिषेक महोत्सवासाठीच्या तयारीला वेग आला आहे. या अनुषंगाने प्रशासनाची बैठक आयोजित करण्यात होती या बैठकीत शिरोळ तालुक्याचे आमदार राजेंद्र पाटील यड्रावकर यांनी महोत्सव यशस्वी करण्यासाठी प्रशासनाला सूचना दिल्या आहेत. श्री वृषभाचल नांदणी हे दिगंबर जैन धर्मीयांसाठी पवित्र तीर्थक्षेत्र असून येथे १२ वर्षांनंतर पुन्हा महामस्तकाभिषेकाचा सोहळा होणार आहे. यावेळी पंचकल्याणक प्रतिष्ठापना महोत्सव व नव्याने बांधलेल्या चक्रेश्वरी देवी मंदिरातील मूळनायक आदिनाथ तीर्थंकर आणि २१ फूट उंच अरिष्टनिवारक मुनिसुव्रतनाथ तीर्थंकर यांच्या मूर्तीची प्रतिष्ठापना होणार आहे. या सोहळ्याचे वैशिष्ट्य म्हणजे प.पू. राष्ट्रसंत चर्याशिरोमणी आचार्य श्री १०८ विशुद्धसागरजी महाराज यांच्या ससंघ व अनेक आचार्य व भट्टारक स्वामीजींच्या उपस्थितीत हा सोहळा पार पडणार आहे. महोत्सवात देशभरातील लाखो भाविक सहभागी होणार असल्याने या धार्मिक कार्यक्रमाला विशेष महत्...

जयसिंगपूर / शिवार न्यूज नेटवर्क :  तेरवाड बंधाऱ्याच्या दुरुस्तीचे काम सुरू झाले आहे. हा बंधारा शेतकरी बांधवांच्या बरोबर नदी काठावरील नागरिकांना वरदान असून या बंधाऱ्याच्या दुरुस्तीसाठी भरीव निधी देऊन हा बंधारा मजबूत करणार असल्याची ग्वाही, आमदार राजेंद्र पाटील यड्रावकर यांनी दिली.  तेरवाड बंधारा दुरुस्तीचे काम गेल्या दोन दिवसापासून सुरू आहे. या कामाच्या पाहणीप्रसंगी आमदार राजेंद्र पाटील यड्रावकर बोलत होते. तेरवाड बंधाऱ्याच्या दुरुस्तीचे काम २०१७ साली मंजूर झाले होते. त्यावेळी ५३ लाख रुपयांचा निधी मंजूर करून घेऊन निविदा प्रक्रिया पूर्ण झाली होती. मात्र, संबंधित ठेकेदाराने कामाला सुरुवातच केली नसल्याने बंधाऱ्याचे काम प्रलंबित राहिले होते. प्रशासनाने नव्याने निविदा प्रक्रिया राबवून दुसऱ्या ठेकेदाराला काम सोपवले आहे. या निधीतून बंधाऱ्याच्या पाणी अडवणुकीच्या सळखाच, काँक्रिटीकरण, दोन्ही काठांचा भराव आणि संरक्षक कठड्यांच्या दुरुस्ती करण्यात येणार येत आहे.  आमदार राजेंद्र पाटील यड्रावकर यांनी तेरवाड बंधाऱ्याची आज पाहणी केली व बंधाऱ्याच्या मजबुतीसाठी भरीव निधी देण्याची ग्वाही यावेळी...

  कुरुंदवाड / शिवार न्यूज नेटवर्क :          येथील राजवाडा परिसरातील संजीवनी स्कूलच्या प्रवेश कमनीचे ट्रॅक्टर ट्रॉलीच्या धडकेमुळे नुकसान झाले आहे. नृसिंहवाडी येथे बाहेरून येणाऱ्या पर्यटकांना कोल्हापूर कडे जाण्याचा मार्ग गुगल मॅपवर चुकीचा दाखवला जातो त्यामुळे वाहनधारकांना याचा नाहक त्रास सहन करावा लागतो. दिवसभरामध्ये पाच ते सहा वाहन या चुकीच्या मार्गावर येत असतात. आज गुरुवारी सकाळी साडेसहाच्या सुमारास ऊस वाहतुकीचा ट्रॅक्टर ऊस भरण्यासाठी बहिरेवाडी कडे जात होता गुगल मॅपवर चुकीचा रस्ता दाखवल्यामुळे राजवाडा परिसरामध्ये संजीवनी स्कूलच्या दिशेने आला यावेळी प्रवेश कमानीला ट्रॅक्टर ट्रॉलीची धडक लागल्यामुळे ट्रॅक्टर चालकाने ट्रॅक्टर जागेवरच थांबविला या धडकेमुळे संस्थानकालीन ऐतिहासिक कमानीचे नुकसान झाले आहे. ट्रॉलीची धडक जोरात बसल्यामुळे कमानीचे मोठे दगड सुटे झाले आहेत त्यामुळे कमानीला मोठा धोका निर्माण झाला आहे. ट्रॅक्टर ट्रॉली या मार्गावर अडकल्यामुळे येथे असणाऱ्या त्रिवेणी गॅस ऑफिसची वाहतूक खोळंबली. सकाळी साडेआठ वाजता गॅस वाहतूक सुरू केली जाते मात्र ट्रॅक्टर ट्रॉली ...