शिवार वार्ता न्यूज नेटवर्क

  कुरुंदवाड / शिवार न्यूज नेटवर्क :  कुरुंदवाड पोलिस ठाण्याचे पोलिस उपनिरीक्षक अमित पाटील यांनी गडचिरोली येथे बजावलेल्या कर्तव्याबद्दल जिल्हा पोलीस प्रमुख शैलेश बलकवडे यांच्या हस्ते पोलीस महासंचालक पदक तसेच विशेष सेवा पदकाने सन्मानित करण्यात आले.  गडचिरोली येथे नक्षली भागात पोलिस उपनिरीक्षक अमित पाटील यांनी विविध उपक्रम राबवून उत्कृष्ट कार्य केले आहे. तसेच नक्षलवादी कारवाईत एक नक्षलीला पकडण्यात त्यांना यश आले होते. याचबरोबर नक्षली भागात जनजागृती करून आपले कर्तव्य निष्ठेने निभावल्याबद्दल त्यांना पोलीस महासंचालक पदक व विशेष सेवा पदक जाहीर झाले होते. आज कोल्हापूर येथे झालेल्या कार्यक्रमात जिल्हा पोलीस प्रमुख शैलेश बलकवडे यांच्या हस्ते व प्रमुख मान्यवरांच्या उपस्थितीत त्यांना पोलीस महासंचालक पदक देऊन सन्मानित करण्यात आले.  यावेळी पोलिस अधिकारी, पोलिस कर्मचारी व पदाधिकारी मोठ्या संख्येने उपस्थित होते.

  राहूल डोंगरे / शिवार न्यूज नेटवर्क : दानोळी येथील कुमार वि मं दानोळी नं 2 या शाळेत महात्मा फुले जयंती साजरी करण्यात आली यावेळी फोटो पूजन सरपंच सौ सुनिता वाळकुंजे, उपसरपंच विपूल भिलवडे, ग्रामपंचायत सदस्य प्रविण उर्फ दादा खोत, श्रावण कांबळे, रोहित धनवडे, पिंटू गावडे सौ शोभा गावडे, सौ पल्लवी केकले, शाळा व्यवस्थापन समिती अध्यक्ष अभय वाळकुंजे यांचे शुभहस्ते करण्यात आले. यावेळी सरपंच सौ सुनिता वाळकुंजे यांना आदर्श सरपंच पुरस्कार मिळालेबद्दल व नूतन उपसरपंच पदी श्री विपूल भिलवडे यांची निवड झालेबद्दल शाळेमार्फत व व्यवस्थापन समिती मार्फत सत्कार करण्यात आला. यावेळी सर्व विद्यार्थ्यांना गणवेश वाटप करण्यात आले. सदर कार्यक्रमास शाळा व्यवस्थापन समिती सदस्य मुख्याध्यापक श्री अरविंद मजलेकर सर व स्टाफ उपस्थित होते.

प्रा. अमोल सुंके / शिवार न्यूज नेटवर्क : अकिवाट गावचे प्रगतिशील शेतकरी बाबासाहेब शिरगांवे यांची कन्या सौ.रूपाली राकेश जुगळे (रा. जयसिंगपूर) यांची सामाजिक कार्याची दखल घेऊन सैनिक फेडरेशन, कोल्हापूर यांनी शिरोळ तालुका महिला अध्यक्ष पदी नियुक्ती करून दिनांक २४ एप्रिल रोजी निवडीचे पत्र दिले.पती सैन्य दलातून निवृत्त झाल्यापासून त्या सैनिक पत्नींसाठी समाजिक कार्य करण्यास सुरुवात केले. या निवडीमुळे अकिवाट व जयसिंगपूर परिसरातून जुगळे यांचे कौतुक होत आहे. महिला संघटनांकडून त्यांना शुभेच्छा दिले जात आहेत. सौ. जुगळे या समाजिक कार्यात सतत अग्रेसर आहेत त्यांच्या समाजिक कार्याला योग्य पोहोच पावती देण्याचे कार्य सैनिक कल्याण बोर्डाने केल्याचे बोलले जात आहे. यावेळी आपले मनोगत व्यक्त करताना सौ. जुगळे या म्हणाल्या की पूर्वीप्रमाणे च येथूनपुढे देखील् माझे समाजकार्य चालुच राहील .      निवडीचे पत्र देतेवेळी सैनिक फेडरेशन चे पश्चिम महाराष्ट्र संघटक-विजय पाटील, कोल्हापूर जिल्हा अध्यक्ष-संजय माने, जिल्हा महिला अध्यक्षा-रेखा बनके, उपाध्यक्ष-कॅप्टन सदाशिव घेवडे, कार्याध्यक्ष-गणपतराव महाडिक, से...

  राहूल डोंगरे / शिवार न्यूज नेटवर्क :    दानोळी येथील 2005 - 6 च्या बॅचच्या सर्व मित्र मैत्रिणींनी मिळून त्यांच्या बॅचचा मित्र कै हणमंत नाडे यांच्या कुटुंबाला 26 हजारांची मदत करून सामाजिक बांधिलकी जोपासली. हणमंत नाडे हा 2005/6 चा 10 बॅचचा विद्यार्थी त्याचे काही वर्षपुर्वी अचानक निधन झाले.घरची परिस्थिती अत्यंत हलाकीची पण त्याच्या मुलाची अचानक तब्बेत बिघडली आणि डॉक्टरांनी काही तासाची मुदत दिली याची धास्ती घेऊन हणमंत नाडे याची तब्बेत खालावली आणि त्यांचे निधन झाले. निधनाच्या वेळी त्याच्या अंत्यसंस्कारचा खर्च मित्रांनीच केला पण सध्या हणमंत याची आई खूप आजारी आहे तिला स्वतःला हालचाल सुद्धा करता येत नाही त्यातच त्याचे वयस्कर वडील त्यामुळे हणमंतच्या मुलाच्या पुढील शैक्षणिक खर्चाला थोडी मदत व्हावी या हेतूने त्याच्या सर्व मित्रांनी व मैत्रिणींनी एकत्रित येऊन तब्बल आठ दिवसांत 26 हजारांची मदत या नाडे कुटुंबाला दिली ही मदत हणमंत नाडे याचा मुलगा अनिकेत नाडे याच्या नावे ठेव पावती करण्यात आली आहे. या मित्रांच्या मदतीने दानोळी सह परिसरात कौतुक होत आहे. यावेळी सर्व मित्रपरिवार मोठ्या संख्य...

   डॉ. संजय पाटील यांची शिरोळ येथे माहिती शिरोळ / शिवार न्यूज नेटवर्क :  शिरोळ तालुक्यातील महापुरा संदर्भात शासनाकडून कोणत्याही प्रकारची ठोस उपाय योजना झालेली नाही यामुळे तालुक्यातील जनतेचे संरक्षण होण्यासाठी शिरोळ तालुका पूरग्रस्त अन्याय निवारण समितीच्या वतीने जनआंदोलनाबरोबरच ऍड सुशांत पाटील यांच्या वतीने उच्च न्यायालयात याचिका दाखल करण्याचा निर्णय घेतला असल्याची माहिती पूरग्रस्त अन्याय निवारण समितीचे प्रमुख डॉ. संजय पाटील यांनी शिरोळ येथील पत्रकार परिषदेत दिली आहे. मंगळवारी शिरोळ तालुका पूरग्रस्त अन्याय निवारण समितीच्या वतीने पत्रकार परिषदेचे आयोजन करण्यात आले होते यावेळी बोलताना डॉ संजय पाटील म्हणाले की, महापुरामुळे तालुक्याचे मोठे नुकसान झाले पूरग्रस्तांना न्याय मिळावा यासाठी पुरग्रस्त अन्याय निवारण समितीच्या वतीने शिरोळ तहसील कार्यालयासमोर सोळा दिवस धरणे आंदोलन करण्यात आले त्यानंतर पूरग्रस्तांचा मोठा धडक मोर्चा काढण्यात आला यावेळी पूरग्रस्तांच्या विविध मागण्या शासन दरबारी करण्यात आल्या मंत्रीमहोदयांनी बैठकीत पूरग्रस्तांच्या मागण्यांसंदर्भात सकारात्मक भूमिका घेतली होत...

हेरवाड / शिवार न्यूज नेटवर्क : महापूर ही निसर्गनिर्मित आपत्ती नसून ती आता मानवनिर्मित आपत्ती झाली आहे. महापूर का येतो, कशामुळे येतो, कुणामुळे येतो याचा सारासार अभ्यास सर्वसामान्यांना कळणे गरजेचे आहे. त्यामुळे येणार्‍या महापुरावर मात करण्यासाठी १ मे रोजी होणार्‍या पूर परिषदेस सर्वांनी उपस्थित राहावे असे आवाहन हेरवाड येथील सामाजिक कार्यकर्ते बंडू बरगाले यांनी केले.  १ मे रोजी होणार्‍या पुर परिषदेच्या पार्श्वभूमिवर पुरमुक्ती जनसंवाद यात्रा हेरवाड येथे दाखल झाली. यावेळी ते बोलत होते. प्रारंभी स्वागत व प्रास्ताविक आंदोलन अंकुशचे दीपक बंडगर यांनी केले.  यावेळी आंदोलन अंकुशचे प्रमुख धनाजी चुडमुंगे म्हणाले, राज्य सरकार ने महापूराची कारणे शोधणाऱ्या समित्यांनी या भागातील वारंवार येणाऱ्या महापुरास अलमट्टी धरणास थेटपणे जबाबदार ठरवले नसले तरी 2005 नंतरच महापूर का येतो आहे याचे उत्तर ते देत नाहीत. 2005 च्या मुबंई मधील महापुरावर उपाय शोधून त्याप्रमाणे पाऊले उचलली गेली म्हणून त्यानंतर मुबंई मध्ये पुन्हा पूर आला नाही. मुबंई प्रमाणे या भागातील महापुराची कारणे शोधून उपाय योजना केल्यास आपल्या भाग...

  ठेकेदाराच्या दुर्लक्षामुळे ; हायमास्ट दिवे बंद संग्रहित हेरवाड / शिवार न्यूज नेटवर्क : हेरवाड : जिल्हा परिषदेच्या सदस्य स्वाती सासणे यांच्या फंडातून माळ भाग व एकता चौक येथे मंजूर झालेल्या हायमास्टची बत्ती गुल्ल झाली आहे. गेली तीन ते चार महिने या हायमास्टवरील पथदिवे बंद असल्याने याकडे मात्र संबंधित ठेकेदाराने दुर्लक्षच केले आहे. ग्रामपंचायतीच्या वतीने वारंवार दुरुस्तीची मागणी करूनही ठेकेदाराने दुर्लक्ष केल्याने जिल्हा परिषदेच्या सदस्या स्वाती सासणे यांनी हायमास्टसाठी खर्च केलेला फंड वाया जात असल्याची चर्चा ग्रामस्थांतून होत आहे. तसेच संबंधित ठेकेदाराला ग्रामपंचायतीच्या वतीने वारंवार सूचना देऊन सुद्धा या हायमास्टची दुरुस्ती होत नाही. त्यामुळे ग्रामपंचायतीच्या सुचनेला संबंधित ठेकेदाराने केराची टोपली दाखवली आहे. या सर्व प्रकारामुळे ग्रामस्थांतून संतप्त प्रतिक्रिया व्यक्त होत आहेत. त्यामुळे या हायमास्ट दुरुस्तीसाठी जिल्हा परिषदेच्या सदस्या स्वाती सासणे लक्ष घालणार का ? याकडे आता सर्वांच्या नजरा लागून राहिल्या आहेत.

कोल्हापूर / शिवार न्यूज नेटवर्क :    लोकराजा राजर्षी छत्रपती शाहू महाराज स्मृतिशताब्दी कृतज्ञता महोत्सवाच्या यशस्वीतेसाठी व शैक्षणिक वर्ष २०२२ / २३ च्या शैक्षणिक नियोजनासाठी कोल्हापूर जिल्ह्यातील खाजगी सर्व व्यवस्थापनाच्या माध्यमिक शाळांच्या मुख्याध्यापकांची माध्यमिक शिक्षणाधिकारी यांचे मार्फत तालुकानिहाय खाजगी व्यवस्थापनाच्या माध्यमिक शाळांच्या मुख्याध्यापकांची सहविचार सभा पन्हाळा तालुक्यातील देवाळे हायस्कूल व ज्युनियर कॉलेज देवाळे येथे पन्हाळा व शाहूवाडी तालुक्यातील मुख्याध्यापकांची सहविचार सभा संपन्न झाली. देवाळे विद्यालयाचे मुख्याध्यापक जी.डी.भोसले यांनी स्वागत केले.प्रास्ताविक उपशिक्षणाधिकारी गजानन उकिर्डे यांनी केले.      माध्यमिक शिक्षणाधिकारी एकनाथ अंबोकर यांनी लोकराजा राजर्षि शाहू महाराज स्मृतिशताब्दी कृतज्ञतापूर्वच्या निमित्ताने घेण्यात येणाऱ्या विज्ञान प्रदर्शन, कथाकथन स्पर्धा, प्रश्नमंजुषा स्पर्धा, वक्तृत्व स्पर्धा, तसेच ग्रंथप्रदर्शन या संदर्भाने माहिती दिली.तसेच ग्रंथप्रदर्शनास द्यावयाच्या भेटीचे तालुका निहाय नियोजन सांगितले. पुढील शैक्षणि...

  अँड सुशांत पाटील यांची जिल्हाधिकारी यांच्याकडे मागणी कुरुंदवाड / शिवार न्यूज नेटवर्क : खिद्रापूर-जुगूळ असा कर्नाटक राज्याला जोडला जाणारा कृष्णा नदीवर पुल उभारण्यात येत आहे. या पुलाच्या दोन्ही बाजूला भराव घालण्यात येत आहे. भरावामुळे भविष्यात महापुराची तीव्रता शिरोळ तालुक्याला जाणवणार आहे. त्यामुळे त्या ठिकाणी भराव न घालता पिल्लर कमानी उभ्या कराव्यात अशा मागणीचे निवेदन अँड सुशांत संजय पाटील यांनी जिल्हाधिकारी राहुल रेखावार यांना दिले. शिरोळ तालुक्याला प्रत्येक वर्षी महापुराच्या भयंकर संकटाला सामोरे जावे लागते. त्या संकटात शिरोळ तालुक्‍यातील जनतेचे न भरुन निघणारे नुकसान होते. त्यामुळे महापुराची कारणे शोधून महापूर काळात पाण्याला अडथळा ठरणारा भराव मोठ्या प्रमाणात टाकला जात आहे. शिरोळ तालुक्यातील खिद्रापूर - जुगुळ हा होणारा पुल त्याचेच एक उदाहरण आहे. त्यामुळे खिद्रापूर-जुगूळ असा कर्नाटक राज्याला जोडला जाणारा कृष्णा नदीवर पुल उभारण्यात येत आहे. या पुलाच्या दोन्ही बाजूला भराव घालण्यात येत आहे. भरावामुळे भविष्यात महापुराची तीव्रता शिरोळ तालुक्याला जाणवणार आहे. त्यामुळे त्या ठिकाणी भराव न...

  बोरगांव / शिवार न्यूज नेटवर्क : मौजे बोरगाव ( ता निपाणी ) येथे परमपूज्य  शांतानंद महाराज उरुणकर यांच्या आशीर्वादाने व 67 व्या वर्षात पदार्पण करीत असलेल्या व  श्री शांतानंद प्रसाद महाराज यांच्या मार्गदर्शनाखाली श्री ज्योतिर्लिंग देवाची यात्रा व भंडार खाना शुक्रवारी 29 एप्रिल ते रविवार 8 मे  पर्यंत आयोजित करण्यात आली आहे, या निमित्ताने विविध धार्मिक कार्यक्रम होणार आहेत.अशी माहिती संयोजकांनी दिली.           श्री ज्योतिर्लिंग देवाच्या यात्रेनिमित्त शुक्रवार दि 29 एप्रिल रोजी श्री ज्योतिर्लिंग देवाची व परमपूज्य शांतानंद महाराजांची पालखी बैठक महामंडपात होणार आहे, शनिवारी 30 एप्रिल रोजी सकाळी सहा वाजता श्री ज्योतिर्लिंग देव, श्री यमाई देवी ,श्री काळभैरवनाथ , श्री पशुपतिनाथ, श्री बारा ज्योतिर्लिंग व परमपूज्य शांतानंद महाराज यांच्या मूर्तीस व समाधीस अभिषेक घालण्यात येणार आहे, त्यानंतर श्री ज्योतिर्लिंग देवाची व परमपूज्य शांतानंद महाराजांची पालखी व रथयात्रा काढण्यात येणार आहे,  रविवार दि 1 मे रोजी सायंकाळी महाप्रसादाचे आयोजन करण्यात आले असून...

  राहूल डोंगरे / शिवार न्यूज नेटवर्क : चिंचवाड, ता. शिरोळ येथील आमाण्णा ककडे जय हनुमान विकास सेवा सोसायटीची निवडणूक नुकतीच बिनविरोध पार पडली. या सोसायटीच्या अध्यक्षपदी आण्णासो ककडे तर उपाध्यक्षपदी सुदर्शन चौगुले यांची निवड करण्यात आली. निवडणूक निर्णय अधिकारी म्हणून प्रेमचंद राठोड यांनी काम पाहिले. यावेळी संचालक विशाल चौगुले, बाबू चौगुले, मनोहर काळे, आण्णासो शिरगावे, तुकाराम पाटोळे, केशव नाईक, शंकर माने, रेखा चौगुले, बेबी चौगुले, स्वप्नील पाटील यांच्यासह माजी प.स. सभापती सुदर्शन ककडे, सुरगोंडा पाटील, धाडस चौगुले, सचिव राजू थोरवत, क्लार्क भरत जाधव उपस्थित होते.

  कुरुंदवाड / शिवार न्यूज नेटवर्क : शिरोळ तालुका हा कर्नाटक राज्याच्या सीमेवर आहे.त्यामुळे सर्वात प्रथम कुरुंदवाड शहराला महापुराचा फटका बसतो. कृष्णा नदीत निर्माण झालेले अडथळे आणि शासनाच्या अडमुठे धोरणामुळेच पुराचा फटका बसत आहे.महापुरावर कायमस्वरूपी तोडगा काढण्यासाठी1मे रोजी होणाऱ्या पूर परिषदेच्या माध्यमातून सरकारला धडक देण्यासाठी परिषदेत मोठ्या संख्येने सहभागी व्हा असे आवाहन मराठा सेवा संघाचे जिल्हाध्यक्ष महिपती बाबर यांनी केले.        कुरुंदवाड कृष्णा घाट येथे 1 मे रोजी होणाऱ्या पूर परिषदेच्या पार्श्वभूमीवर आयोजित पुरमुक्ती जनसंवाद यात्रेत जिल्हाध्यक्ष बाबर बोलत होते.आंदोलन अंकुशचे धनाजी चुडमुंगे,नगरसेवक उदय डांगे, चंद्रकांत जोंग आदी प्रमुख उपस्थित होते.       यावेळी बोलताना चुडमुंगे म्हणाले 2005 सालापासून सांगली- कोल्हापूर जिल्ह्याला आजपर्यंत अनेक महापुराचा सामना करावा लागला आहे.शेती व आर्थिक संपत्ती बरोबरच मानसिक संपत्तीचे मोठ्या प्रमाणात नुकसान झाले आहे.राज्य सरकारने कर्नाटक सरकारशी समनवय साधून महापुरावर कायमस्वरूपी तोडगा काढण्यासाठी सरकारला ...

  कुरुंदवाड / शिवार न्यूज नेटवर्क :     महाराष्ट्र राज्य व कोल्हापूर जिल्हा कबड्डी असोसिएशनच्या मान्यतेने येथील तबक उद्यान येथे विद्युत झोतात माजी नगराध्यक्ष कै.गणपतराव पोमजे(मामा) क्रीडानगरीत पुरुष खुला गट व 55 किलो कबड्डी स्पर्धा आणि कराटे स्पर्धांचे आयोजन करण्यात आले आहे.या स्पर्धा 30 एप्रिल ते 3मे पर्यंत संपन्न होणार असल्याची माहिती माजी नगराध्यक्ष वैभव उगळे यांनी पत्रकार परिषदेत दिली.        माहिती देताना माजी नगराध्यक्ष उगळे पुढे म्हणाले तबक उद्यान येथे माजी नगराध्यक्ष स्व. गणपतराव पोमाजे क्रीडानगरीत कबड्डी क्षेत्रातील नामवंत खेळाडूंच्या नावे 4 क्रीडांगण तयार करण्यात येणार आहेत.            कोल्हापूर सांगली जिल्ह्यातील नामवंत 20 निमंत्रित संघात पुरुष खुल्या गटाच्या स्पर्धा साखळी पद्धतीने खेळवण्यात येणार आहेत.विजेत्यांना संघांना खालीलप्रमाणे अनुक्रमे प्रथम क्रमांक रोख 31 हजार,द्वितीय क्रमांक रोख 21 हजार,तृतीय क्रमांक 11 हजार व सर्व विजेत्या संघांना कायम चषक प्रदान करण्यात येणार आहे.        55 किलो ग...

  हेरवाड / शिवार न्यूज नेटवर्क : बेंगळूरू येथे सुरु असलेल्या खेलो इंडिया युनिव्हर्सिटी नॅशनल गेम्स वेटलिफ्टिंग स्पर्धेत हेरवाड गावचे सुपूत्र तेजस जोंधळे याने सुवर्णपदक प्राप्त करून हेरवाड गावाच्या शिरपेचात मानाचा तुरा रोवला आहे.  सदरच्या वेटलिफ्टिंग स्पर्धा या बेंगळूरू येथे सुरु आहेत. या स्पर्धेसाठी देशभरातून अनेक स्पर्धेक दाखल झाले आहेत. तेजस याने गेल्या काही आठवड्यांपूर्वी ओरिसा- भुवनेश्वर येथे झालेल्या स्पर्धेत १२४ किलो स्नॅच व क्लीन आणि जर्क मध्ये १४४ किलो वजन उचलून राष्ट्रीय स्पर्धेत रौप्यपदक प्राप्त केले होते. तेजस याला प्रशिक्षक प्रदिप पाटील यांचे मोलाचे मार्गदर्शन लाभले.  तेजस याने या अगोदर वेटलिफ्टिंग स्पर्धेत भरगोस यश मिळविले आहे. आजपर्यंत त्याने राज्यस्तरीय, राष्ट्रीय स्पर्धेत आपली चमकदार कामगिरी बजावली आहे.

  हेरले / शिवार न्यूज नेटवर्क : सल्फरची मात्रा कमी प्रमाणात ठेवून साखरेचे उत्पादन केल्यास आंतरराष्ट्रीय बाजारपेठेत मागणी आणि दर दोन्ही चांगले आहे. याचा फायदा साखर कारखान्यासह ऊस उत्पादक शेतकऱ्यांना मिळेल असा विश्वास कर्नाटकचे अन्न व नागरी पुरवठा मंत्री उमेश कत्ती यांनी व्यक्त केला. डेक्कन शुगर टेक्नॉलॉजी असोसिएशन, पुणे व विश्वराज शुगर यांच्या संयुक्त विद्यमाने आयोजित विशेष कार्यशाळेत ते बोलत होते. कोल्हापूर येथील हाॅटेल फर्न येथे हा कार्यक्रम झाला. यावेळी संकेश्वरच्या हिरा शुगर्सचे अध्यक्ष निखिल कत्ती, डेक्कन शुगर टेक्नॉलॉजी असोसिएशन चे अध्यक्ष एस. बी. भड, उपाध्यक्ष व उगार शुगरचे सोहन शिरगांवकर, सचिन शिरगांवकर, व्ही. एम. बायोटेकचे विष्णूकुमार कुलकर्णी, कार्यकारी संचालक मुकेश कुमार हे प्रमुख उपस्थित होते.  मंत्री कत्ती म्हणाले, साखरेतील सल्फर हा घटक माणसाच्या शरीरासाठी हानिकारक आहे. त्यामुळे साखरेतील सल्फरची मात्रा कमी करत सल्फरमुक्त साखरेची निर्मिती हे उद्दिष्ट ठेवून विश्वराज शुगरने उत्पादन प्रक्रियेत बदल केले. परिणामी कमी प्रमाणात सल्फरची मात्रा ठेवून साखर उत्पादन घेतले. या स...

  रस्ते सुस्थितीत करण्याबद्दल विद्यापीठ विद्यार्थी परिषद प्रशासनाला दिले पत्र जयसिंगपूर / शिवार न्यूज नेटवर्क : संजय घोडावत विद्यापीठाच्या विद्यार्थी परिषदेने दि. ८ एप्रिल रोजी हातकणंगले बसस्थानकासमोर झालेल्या रस्त्यांच्या दुरावस्था व तसेच त्याच्या दुरुस्ती संदर्भात शासनाला निवेदन दिले होते व २० एप्रिल पर्यंत सर्व कामे पूर्ण न झाल्यास रास्ता रोको आंदोलनाचा इशारा देण्यात आला होता. याचीच दखल घेत भारतीय राष्ट्रीय राजमार्ग प्राधिकरणाचे प्रकल्प संचालक श्री.व्ही.डी. पंदरकर यांनी ही सर्व कामे लवकरात लवकर पूर्ण करून देण्याचे पत्र विद्यापीठाच्या विद्यार्थी परिषद प्रशासनाला दिले. शिरोली ते अंकली रस्त्यातील खड्डे बुजविण्यासाठी व इतर अनुषंगिक कामासाठी निविदाद्वारे ठेकेदाराची नियुक्ती करण्यात आली आहे. मौजे हातकणंगले येथील रस्त्याच्या झालेल्या दुरुस्ती बाबतचे काम आय आर सी च्या मार्गदर्शक तत्वानुसार सुरु करून संबंधित ठेकेदारास रस्ते सुस्थितीत ठेवण्यासंदर्भात आवश्यक सूचना कार्यालयामार्फत देण्यात आल्या आहेत असे श्री. पंदरकर यांनी पत्रात नमूद केले आहे. सांगली-कोल्हापूर महामार्गावर मोठ्या प्रमाणात व...

  राहूल डोंगरे / शिवार न्यूज नेटवर्क : जिल्ह्याचे लक्ष लागुन राहिलेल्या अर्जुनवाड येथील श्री हनुमान विविध कार्यकारी सहकारी विकास सेवा संस्था मर्यादित अर्जुनवाडच्या पंचवार्षिक निवडणुकीत सत्ताधारी राजर्षी शाहु विकास आघाडीने विरोधी अर्जुनेश्वर परिवर्तन पॅनेलचा धुव्वा उडवत सर्वच्या सर्व जागा जिंकुन गड कायम राखला. यामध्ये विजयी उमेदवार असे - दिलीप रावसो कळंत्रे, प्रदीप बाळासो चौगुले, शरद धनपाल चौगुले, नंदकुमार बापुसो पाटील, प्रामोद वसंतराव पाटील, शिवगोंडा आणासो पाटील, संजय गणपती महाडीक, विशाल विजय सुर्यवंशी, अनिता अकाराम दुधाळे, विदयाराणी धनंजय मोरे, किसन बाळु कांबळे, गजानन महादेव करे हे बारा जण मोठ्या मताधिक्याने निवडुन आले आहेत. तर यापुर्वीच या आघाडीचे चंद्रकान्त मारूती गंगधर हे बिनविरोध निवडुन आले आहेत. दुरंगी व अटीतटीच्या झालेल्या निवडणुकीची चर्चा गेली महिनाभर सर्वत्र चालु होती अनेकांनी पैजा लावल्या होत्या. विरोधी पॅनेलला एकाही जागा मिळवता आली नाही. विजयी राजर्षी शाहु विकास आघाडीच्या उमेदवार व समर्थकांनी गुलालाची उधळण करत फटाके उडवत जल्लोष साजरा केला.

राहूल डोंगरे / शिवार न्यूज नेटवर्क     शिरोळ तालुक्यातील बहुचर्चीत असणाऱ्या श्री हनुमान विकास सेवा सोसायटी च्या निवडणुकीच्या मतदानास सकाळी सुरवात झाली असून 9.30वाजेपर्यंत 33%मतदार यांनी आपला हक्क बजावला आहे. दोन्ही गटाकडून जोरदार प्रचार यंत्रणा राबवण्यात आली होती. आज दोन्ही गटाच्या कार्यकर्ते सभासद वर्गास मतदान केंद्रापर्यत पोचवण्यास योग्य यंत्रणा राबविताना दिसत आहेत. 

  राहूल डोंगरे / शिवार न्यूज नेटवर्क : श्री हनुमान विकास सेवा सोसायटी च्या निवडणुकीत सत्ताधारी श्री राजश्री शाहू आघाडी कडून शेकडो सभासद वर्गाच्या उपस्थितीत जोरदार शक्ती प्रदर्शन करीत विजयी संकल्प प्रचार रॅली ने सांगता करण्यात आली.      श्री हनुमान विकास सेवा सोसायटी निवडणुकीसाठी गेल्या कित्येक दिवसा पासून धडधडत असलेल्या राजकीय तोफा गुरुवारी सायंकाळी पाच वाजता थंड झाल्या. यावेळी श्री राजश्री शाहू आघाडीचे प्रमुख नंदकुमार पाटील आणि प्रदीप चौगुले सावकर यांनी विरोधकांच्या सर्व जोरदार प्रत्यूत्तर दिले.   विरोधकांचे सर्व आरोप फेटाळून लावले आणि सुज्ञ सभासद वर्ग आमच्या मागे खंबीर पणे उभा आहे. आणि त्याच्या आशीर्वादाने आम्ही भरगोस मतांनी आमच्या आघाडी तील सर्व उमेदवार विजयी होणार. 23 एप्रिल रोजी मतदान होत आहे. एकूण 12 जागेसाठी होणाऱ्या निवडणुकीत सत्ताधारी गटाकडून जोरदार शक्ती प्रदर्शन करण्यात आले.

  हेरवाड / शिवार न्यूज नेटवर्क हेरवाड सह परिसरात झालेल्या वादळी वाऱ्यासह झालेल्या पावसात महावितरण विभागाचे तीन ते चार पोल जमिनदोस्त झाले आहेत. या पार्श्वभूमीवर महावितरणची टीम हेरवामध्ये दाखल झाली असून वीज पुरवठा सुरळीत करण्याचे काम युद्धपातळीवर सुरू आहे. त्यामुळे गांवभागात सायंकाळी तर माळभागात आज दुपारपर्यंत वीजपुरवठा सुरळीत होणार असल्याची माहिती महावितरणच्या कर्मचाऱ्यांनी दिली. हेरवाडसह परिसरात मंगळवारी सायंकाळी वादळी पावसाने हाहाकार माजविला असून तिन ते चार विजेचे पोल, अनेक झाडे तसेच ग्रामपंचायत सदस्य शिरढोणे यांचा बेकरी वजा खोका वादळी वाऱ्याने उडून गेल्याने त्यांचे मोठ्या प्रमाणात नुकसान झाले आहे. या वादळी पावसात एक महिला जखमी झाली आहे. मंगळवारी सायंकाळी ६ : ३० वाजण्याच्या सुमारास विजेच्या कडकडाटासह पावसाला सुरूवात झाली. वाऱ्याचा वेग इतका होता की या वार्‍यामध्ये गावातील शिरढोणे घर व एकता चौकातील सुमारे १०० वर्षाहून अधिक जुने असलेले वडाचे झाड विजेच्या खांबावर कोसळल्यामुळे स्टॅन्ड चौक, शेळके कोपरा यासह काही भागातील विजेचे पोल जमिनदोस्त झाले. विजेचे पोल कोसळल्यामुळे वीजपुरवठा...

  हेरवाडमध्ये ७० लाख रुपयांच्या विविध विकास कामांचा शुभारंभ हेरवाड / शिवार न्यूज नेटवर्क : महिला काँग्रेस बळकट करण्याबरोबरच दत्तवाड पंचायत समिती मतदार संघाचा विकास साधण्यासाठी पंचायत समिती सदस्या मिनाज जमादार यांनी मोलाचे योगदान दिले आहे. त्यांच्या माध्यमातून लाखो रुपयांची विकासगंगा जनतेपर्यंत पोहचली आहे. त्यामुळे मिनाज जमादार यांचे राजकीय आणि सामाजिक कार्य कौतुकास्पद आहे. असे प्रतिपादन दत्त कारखान्याचे चेअरमन उद्यानपंडित गणपतराव पाटील यांनी केले.  हेरवाड येथे पंचायत समिती सदस्या मिनाज जमादार व दिलीप पाटील यांच्या प्रयत्नातून मंजूर झालेल्या सुमारे ७० लाख रुपयांच्या विविध विकास कामांच्या शुभारंभ प्रसंगी ते बोलत होते.  यावेळी रावसाहेब कारदगे ते देवल सौदे पाणंद रस्ता मुरमीकरण, सुखदेव पोवार घर ते दिनकर माळी घर भूमिगत गटर्स बांधकाम, कन्या शाळेजवळील घोसरवाडकडे जाणाऱ्या रस्त्यालगत महिलांसाठी सार्वजनिक शौचालय बांधकाम, मा. नामदार सतेज उर्फ बंटी पाटील यांच्या फंडातून आरोग्य उपकेंद्र हेरवाड दुरुस्ती करणे, सुतार ओढ्यानजीक असणारी भूमिगत गटर्स बांधकाम, लिंगायत समाज दफनभूमीमध्ये स्मश...

  राहूल डोंगरे / शिवार न्यूज नेटवर्क :    विद्यमान संचालक मंडळाने सभासद वर्गाच्या हिताचे आज पर्यत निर्णय घेतले आहेत सभासद वर्ग हा जानकर आणि सुज्ञ असल्यामुळे त्यांना मत पेटीतून उत्तर देतील. अशी ग्वाही श्री राजश्री शाहू आघाडी चे प्रमुख नंदकुमार पाटील यांनी दिली. अर्जुनवाड ता शिरोळ येथील बहुचर्चीत असणाऱ्या श्री हनुमान विकास सेवा सोसायटी च्या पंचवार्षिक निवडणुकीत सभासद वर्ग कोनाच्या हीं भूल थापा ना बळी पडू शकणार नाही आणि सभासद वर्ग आमच्या आघाडीच्या सर्व उमेदवारांना विजयी करणार असल्याचे मत नंदकुमार पाटील यांनी व्यक्त केले.

राहूल डोंगरे / शिवार न्यूज नेटवर्क : संपूर्ण शिरोळ तालुक्याचे लक्ष लागून राहिलेल्या अर्जुनवाड ता शिरोळ येथील श्री हनुमान विकास सेवा सोसायटी च्या निवडणुकीचा प्रचार राजश्री शाहू आघाडी गटा कडून जोरदार सुरु आहे. श्री राजर्षी शाहू आघाडी विरुद्ध अर्जुनशेवर पॅनल अशी थेट लढत असलेल्या या निवडणुकीत श्री राजर्षी शाहू आघाडी यांनी प्रचारात आघाडी घेतली आहे. सोशल मिडिया, प्रत्यक्ष भेटीगाठी, माध्यमातून स्वतः उमेदवार आणि कार्यकर्ते हे   जोरदार प्रचार करीत आहेत . या प्रचाराचे रुपांतर विजयात करण्याचा विश्वास देखील राजश्री शाहू आघाडी चे आघाडी प्रमुख नंदकुमार पाटील आणि प्रदीप चौगुले सावकर या नेत्यांनी व्यक्त केला सर्वच्या सर्व 12 जागेवर आमच्या आघाडी चे उमेदवार भरगोस मतांनी विजयी होतील असा विश्वास आम्हाला आहे त्याच बरोबर .सभासद वर्गाचे आम्हाला मोठया प्रमाणात सहकार्य लाभत आहे असे म्हणाले.

           कुरुंदवाड / शिवार न्यूज नेटवर्क : कुरुंदवाड दरम्यानच्या शिरढोण रस्त्यावर पोलीस उपनिरीक्षक असल्याचे भासवून चार चाकीतून फिरत असताना कुरुंदवाड पोलिसांना मिळून आला.सागर भय्यासो भोसले (रा.  विश्रामबाग,ता.मिरज,जि. सांगली)असे त्याचे नाव आहे.येथील पोलिसात याच्यावर गुन्हा दाखल करण्यात आला आहे. दरम्यान गुरुवारी मध्यरात्री सुमारास सपोनि बालाजी भांगे गस्त घालत असताना संशयित आरोपी भोसले हा मिळून आला. कुरुंदवाड हद्दीतील शिरढोण रस्त्यावर संशयित आरोपी सागर भोसले हा पोलिस उपनिरीक्षकाची खाती वडजी परिधान करून खांद्यावर दोन्ही बाजुस प्रत्येकी दोन स्टार, लाल निळ्या रंगाची फित, पोलीस उपनिरीक्षक सागर भ भोसले अशी नेमप्लेट, रेड बेल्ट, रेड कलरचे बुट परिधान करुन मारुती कार चारचाकी मारुती कार(क्र.एमएच-10-डीजी 3487)मधून शिरढोणकडे जात असताना सपोनि बालाजी भांगे गस्त घालत असताना कार अडवून माहिती घेत असताना संशय आल्याने ताब्यात घेऊन तपास केला असता तो पोलिस वर्दी घालून तोट्यागिरी करत असल्याचे स्पष्ट झाल्याने त्याच्या विरुद्ध गुन्हा दाखल करण्यात आला असून फिर्याद पोहेकॉ फारूक ...

  हेरवाड / शिवार न्यूज नेटवर्क : हेरवाड येथील मातंग समाज मंदिर, ग्रामपंचायत, गांवभाग व माळ भागातील समाज मंदिर, जैन बस्ती यासह विविध ठिकाणी डॉ. बाबासाहेब आंबेडकर व भगवान महावीर यांची जयंती मोठ्या उत्साहात साजरी करण्यात आली.  दरम्यान सकाळी समस्त बौद्ध समाज व जैन बांधवांच्या वतीने गावातून मिरवणूक काढण्यात आली. यानंतर येथील येथील मातंग समाज मंदिर, ग्रामपंचायत, गांवभाग व माळ भागातील समाज मंदिर, जैन बस्ती यासह विविध ठिकाणी डॉ. बाबासाहेब आंबेडकर व भगवान महावीर यांची जयंतीनिमित्त प्रतिमा पूजन करून पुष्पहार अर्पण करण्यात आले.  यावेळी विविध ठिकाणी झालेल्या जयंतीप्रसंगी सुशांत पाटील, सरपंच सुरगोंडा पाटील, उपसरपंच विकास माळी, अँड अनिरुध्द कांबळे, ग्रामविकास अधिकारी पी. आर. कोळेकर सर्व ग्रामपंचायत सदस्य, गावातील पदधिकारी, सामाजिक कार्यकर्ते, बौद्ध समाज बांधव, जैन समाज बांधव व ग्रामस्थ मोठ्या संख्येने उपस्थित होते.

  हेरवाड / शिवार न्यूज नेटवर्क : हेरवाड येथील मातंग समाज मंदिरात डॉ. बाबासाहेब आंबेडकर व भगवान महावीर यांची जयंती मोठया उत्साहात साजरी करण्यात आली. प्रारंभी उपस्थित मान्यवरांच्या हस्ते डॉ. बाबासाहेब आंबेडकर व भगवान महावीर यांच्या प्रतिमेचे पुजन करुन पुष्यहार अर्पण करण्यात आले. यावेळी बाळासाहेब गायकवाड यांनी डॉ. बाबासाहेब आंबेडकर व भगवान महावीर यांच्या जीवन कार्याचा आढावा घेतला. यावेळी कुमार गायकवाड, बबन गायकवाड, तानाजी गायकवाड, बाळासाहेब गायकवाड, सागर आवळे, दयानंद गायकवाड, आप्पा आवळे, किशोर गायकवाड, विकास गायकवाड, सचिन गायकवाड, सुरज आवळे, सुनिल गायकवाड यांच्यासह मातंग समाजातील पदाधिकारी उपस्थित होते.

    दत्तवाड / शिवार न्यूज नेटवर्क : बांबरवाडी, दत्तवाड येथे भारतरत्न डॉ. बाबासाहेब आंबेडकर यांची १३१ वी जयंती मोठ्या उत्साहात साजरी करणेत आली. प्रारंभी शाळा व्यवस्थापन समितीचे सदस्य श्री.नामदेव चव्हाण यांच्या शुभहस्ते प्रतिमापूजन करणेत आले. विद्यार्थ्यांची वक्तृत्व स्पर्धा,एकपात्रीअभिनय(वेषभूषासह) स्पर्धा,चित्रकला स्पर्धा संपन्न झाली.अध्यापिका सौ. सरिता राजमाने यांनी डॉ. बाबासाहेब आंबेडकर यांच्या जीवन कार्याचा आढावा घेतला. सूत्रसंचलन व आभार मुख्याध्यापक दिलीप शिरढोणे सरांनी केले.

  अतिग्रे / शिवार न्यूज नेटवर्क :  अतिग्रे येथे महाराष्ट्र राज्य प्राथमिक शिक्षक संघ उपशाखा हातकणंगले यांचे त्रैवार्षिक अधिवेशन व शिक्षक मेळावा शनिवार १६ रोजी दुपारी १ वाजता साईराज मंगल कार्यालय येथे होत आहे. उद्घाटन खासदार धैर्यशील माने यांच्या हस्ते होणार आहे. अध्यक्षस्थानी आमदार राजूबाबा आवळे असणार आहेत. शिक्षक संघाचे नेते, संभाजीराव थोरात व अखिल भारतीय प्राथमिक शिक्षक संघाचे राष्ट्रीय अध्यक्ष पाटील यांची प्रमुख उपस्थिती असणार आहे.. अधिवेशनात राज्य संपर्कप्रमुख एस. व्ही. पाटील, राज्य उपाध्यक्ष आनंदराव जाधव, बाळासो निंबाळकर, जिल्हा शिक्षक नेते रघुनाथ खोत, जिल्हा अध्यक्ष रवी कुमार पाटील, ए. के. पाटील, मधुकर नेसणे, दिनकर पाटील, जीवन मिठारी, सुरेश कांबळे, रावसाहेब देसाई, सुनील एडके, सरचिटणीस सुनील पाटील, कोषाध्यक्ष अरुण चाळके, गणेश खामकर, कार्याध्यक्ष बाळकृष्ण हळदणकर, जिल्हा अध्यक्ष जयवंत पाटील व महिला आघाडी प्रमुख लक्ष्मी पाटील, संघटक अलका खोत, तालुकाध्यक्ष, सरचिटणीस उपस्थित राहणार आहेत. तरी मेळाव्यास शिक्षकांनी मोठ्या संख्येने यावे, असे आवाहन केले आहे..

  इसाक नदाफ / शिवार न्यूज नेटवर्क : येत्या १४ एप्रिल रोजी महामानव विश्वरत्न डॉ बाबासाहेब आंबेडकर यांची १३१ वी जयंती येत आहे मागील दोन वर्षे कोरोनमुळे जयंती साजरी करता आलेली नाही, परंतु आपल्या राज्याचे मुख्यमंत्री मा: उद्धवजी ठाकरे साहेब यांनी सदर येणारी जयंती मोठ्या थाटामाटात आणि उत्साहात साजरी करण्याबाबत कॅबिनेट मिटिंग मध्ये जाहीर केले आहे. तसेच सदर जयंती संपूर्ण जगात साजरी होत आहे. या जयंती दिवशी मा:सर्वोच्च न्यायालय यांच्या आदेशाचे पालन करून आम्हास साऊंड सिस्टिम लावण्यास परवानगी देण्यात यावी, सदर साऊंड सिस्टिमचा वापर आम्ही मा:सर्वोच्च न्यायालयाने दिलेल्या निर्देशाप्रमाणे करू तसेच सदर साऊंड सिस्टिम चा कोणासही त्रास होणार नाही व त्याचे डीसीबल अत्यंत कमी प्रमाणात ठेवून आम्ही विश्वरत्न डॉ.बाबासाहेब आंबेडकर यांची १३१ वी जयंती मोठ्या थाटामाटात करू इच्छितो म्हणून आम्ही रिपब्लिकन पार्टी ऑफ इंडिया (आठवले) कोल्हापूर जिल्ह्याच्या वतीने आम्ही आपणास साऊंड सिस्टिम ची परवानगी मिळण्याबाबत विनंती करत आहोत. अशा मागणीचे निवेदन रिपब्लिकन पक्षाच्या वतीने जिल्हा नेते सतिश माळगे (दादा) यांच्या नेतृत...

  हेरले / शिवार न्यूज नेटवर्क :  हेरले ( ता. हातकणंगले) महिला व बालकल्याण समितीच्या माजी सभापती डॉ.पद्माराणी राजेश पाटील यांच्या प्रयत्नातून हजारी कोपरा ते डॉ. बाबासाहेब आंबेडकर पुतळा - चर्मकार समाज व बौद्ध समाज या वसाहतीस जोडणारा रस्ता वीस लाख रुपये निधीच्या डांबरीकरणाचे उद्घाटन तसेच गावभाग मातंग समाज ( साई कॉलनी परिसर ) काँक्रीट रस्ता पाच लाख रुपये निधीच्या कामाचे उद्घाटन व पंचायत समिती सदस्या मेहरनिगा जमादार यांच्या फंडातून पाण्याच्या टँकरचे लोकार्पण सोहळा माजी खासदार राजू शेट्टी यांच्या हस्ते संपन्न झाला.  या कार्यक्रमा प्रसंगी जि.प. सदस्य अशोक माने,माजी सभापती राजेश पाटील, जि.प. सदस्या डॉ. पद्माराणी पाटील, पंचायत समिती सदस्या मेहरनिगा जमादार , सरचिटणिस मुनिर जमादार, सरपंच अश्विनी चौगुले, उपसरपंच फरीद नायकवडी, गुरुनाथ नाईक, ॲड. प्रशांत पाटील, उदय चौगुले, माजी उपसभापती अशोक मुंडे,आबू जमादार, राहूल शेटेसह सर्व ग्रा पं सदस्य व अन्य मान्यवर उपस्थित होते.       

  राहूल डोंगरे / शिवार न्यूज नेटवर्क :          कुटवाड ता. शिरोळ येथे भारतरत्न डॉ. बाबासाहेब आंबेडकर यांच्या १३१ व्या जयंतीनिमित्त समता युवा बौद्ध संस्कार मंडळ यांच्यामार्फत सोमवार दि. ११ एप्रिलपासून १४ एप्रिलपर्यंत विविध कार्यक्रमांचे आयोजन करण्यात आले आहे. यामध्ये ११ एप्रिल रोजी मॅरेथॉन ५ कि.मी मोठा गट मुले, खुला गट १६०० मी. मुली आणि ५०० मी. लहान गट मुले, १२ एप्रिल रोजी समता चषक भव्य कब्बडी स्पर्धा, १३ एप्रिल रोजी पंचशील चषक वक्तृत्व स्पर्धा लहान गट पाहिली ते चौथी आणि मोठा गट पाचवी ते दहावी या स्पर्धेचे आयोजन करण्यात आले आहे.           तसेच १४ एप्रिल रोजी विविध स्पर्धांचे बक्षीस वितरण आणि विविध क्षेत्रात उल्लेखनीय कामगिरी केलेल्या विशेष सन्मान सोहळा आयोजित केला आहे. या कार्यक्रमासाठी हिंदू एकता आंदोलन मंडळ, शिवप्रतिष्ठान मंडळ, देशप्रेमी मंडळ,आझाद मंडळ,मंगलमूर्ती मंडळ ,शिवनेरी मंडळ,अष्टविनायक मंडळ, जय महाराष्ट्र मंडळ,डीएसएम मंडळ तसेच ग्रामपंचायातीचे सहकार्य लाभले आहे. स्पर्धेत सभभागी होण्यासाठी 9322811907, 9834635492, 7066500...

  राहूल डोंगरे / शिवार न्यूज नेटवर्क : अर्जुनवाड ता शिरोळ येथील ग्रामपंचायतीत गावातील घर पट्टीआणि पाणी पट्टी वेळेत भरत नसल्याने ग्रामपंचायतिला अनेक अडचणीचा सामना करावा लागत आहे ग्रामपंचायत वीजबिल थकीत असल्याने गावात पाणीपुरवठा करणाऱ्या वीज कनेक्शन कट करण्याची वेळ आली होती त्यामुळे गावात पाणीटंचाई निर्माण झाली होती व वेळेत घर पट्टी आणि पाणी पट्टी नसल्याने ग्रामपंचायत च्या कामगाराचे पगार देताना ग्रामपंचायत तिला तारे वरची कसरत करावी लागत आहे या सर्व गोष्टी ला वेळेत नं भरणारे खातेदार असून याला जबाबदार आहेत आपली पाणीपट्टी वेळेत भरण्याकडे सपशेल पाठ फिरवली असल्याने त्याचा परिणाम वीज बिल थकबाकी वाढत चालले आहे.       गावात सुमारे 1200च्या आसपास नळ कनेक्शन असून, नळ धारकांकडून पाणीपट्टी प्रति वर्षी 1500 इतकी आकारणी केली जाते. पण ही पाणीपट्टी नियमित भरणाऱ्यांची संख्या फक्त 35 %टक्के इतकीच आहे तर बाकीचे नळ धारक पाणीपट्टी भरण्याच्या आपल्या जबाबदरीकडे पाठ फिरवीत आहेत. परिणामी थकबाकीची रक्कम देखील वाढत आहे.

 राहूल डोंगरे / शिवार न्यूज नेटवर्क :   अर्जुनवाड ग्रामपंचायतीच्या नूतन उपसरपंचपदी संतोष दुधाळे यांची बिनविरोध निवड झाल्याबद्दल श्री दत्त कारखान्याचे चेरमन उद्यानपंडित गणपतराव पाटील यांच्या हस्ते कारखाना कार्यस्थाळावर  सत्कार करण्यात आला.   संतोष दुधाळे हे धनगर समाजाचे युवा नेते तसेच गणपतरावं पाटील गटाचे कट्टर कार्यकर्ते मानले जातात या वेळी सरपंच स्वाती कोळी विश्वनाथ कदम, विकास पाटील, संतोष पाटील, परशराम बागडी, रमेश बसर्गी,शोभाताई डोंगरे, भारती परिट,नंदाताई खोत, शोभा कोळी,संगीता चौगुले, अर्चना थोरात, प्रवीण गायकवाड, प्रमोद कोळी, युवराज उगारे,अनुप पाटील, गजानन करे,परशराम डोंगरे, संभाजी डोंगरे, शिवाजी डोंगरे,रामदास करे,बंडू दुधाळे, दत्ता दुधाळे, योगेश डोंगरे, कृष्णा दुधाळे, देवदास दुधाळे, तानाजी डोंगरे,आदी. ग्रामस्थ दुधाळे समर्थक मोठया संख्येने उपस्थित होते.

  जयसिंगपूर / शिवार न्यूज नेटवर्क :  महाराष्ट्र राज्य प्राथमिक शिक्षक संघ उपशाखा शिरोळ वतीने प्राथमिक शिक्षक बँक कोल्हापूर चेअरमनपदी स्मिता डिग्रजे यांची निवड झाल्याबद्दल सत्कार व महिला मेळावा आयोजित केला होता. यावेळी शिरोळ तालुक्यातील प्राथमिक शिक्षिकांचा भरघोस प्रतिसाद मिळाला. या कार्यक्रमाच्या अध्यक्षस्थानी सभापती दिपाली परीट होत्या. प्रारंभी उपस्थिताचे स्वागत निलिमा रजपूत संचालिका खर्डेकर पतसंस्था यांनी केले. उषा उत्तम सुतार यांच्या प्रास्ताविक मध्ये संघटनेच्या व राजाराम वरुटे सरांसारख्या नेतृत्वामुळेच आम्ही शिक्षिका शाळेतील विद्यार्थ्यांना घडविण्याचे कार्य मनापासून करत असतो. त्यामुळे महिलांनीही संघटनांना मोठ्या प्रमाणात पाठबळ देणे आवश्यक आहे, असे मत व्यक्त केले. श्री संभाजी बापट म्हणाले, स्मिता डिग्रजे आज शिक्षक बँकेच्या चेअरमन म्हणून जिल्ह्यातील सर्व महिलांचं प्रतिनिधित्व अतिशय सक्षमपणे व प्रभावीपणे करत आहेत. अशा महिला नेतृत्वाला आपण सर्वांनी साथ देऊया असे मत व्यक्त केले. राजाराम वरुटे यांनी आपल्या मनोगतात सर्व महिला या जबाबदारी स्वीकारून आदर्शवत काम करत असतात अशा सर्व ...

  कुरुंदवाड / शिवार न्यूज नेटवर्क : शिरोळ तालुका प्राथमिक शिक्षक पतसंस्था कुरुंदवाडच्या सभापतीपदी केंद्रीय शाळा हसूरचे उपक्रमशील अध्यापक श्री.परशराम कल्लाप्पा कांबळे (पी.के.) यांची सर्वानुमते निवड झाली.या सभेसाठी अध्यक्ष म्हणून शिरोळचे -सहाय्यक निबंधक श्री. प्रेमकुमार राठोड होते.      या निवडीप्रसंगी प्रमुख उपस्थिती-महाराष्ट्र राज्य प्राथ. शिक्षक संघाचे जिल्हाध्यक्ष -श्री.रविकुमार पाटील, शिक्षक नेते -श्री.भगवान कोळी,श्री.विठ्ठल भाट, तालुका समन्वय अध्यक्ष -श्री.सुरेश पाटील, शिरोळ तालुका शिक्षक संघाचे अध्यक्षश्री.विजय भोसले,श्री.संतोष जुगळे,श्री.सुनिल एडके, तालुका शिक्षक संघाचे सरचिटणीस -श्री. किरण पाटील, साने गुरुजी पतसंस्था जयसिंगपूरचे संचालक -श्री.मेहबूब मुजावर,श्री.शरद सुतार,श्री. किरण भिलवडे, उर्दू शिक्षक भारतीचे श्री.रईस पटेल,श्री. संदिप कांबळे,श्री.नामदेव सन्नके,श्री.अमित कटकोळे,श्री.संतोष कांबळे, संचालक -श्री.कुबेर गावडे,श्री. मारुती तराळ,श्री.दिलीप शिरढोणे,श्री.संजय निकम,श्री. गुलाब शिकलगार,श्री.महेश घोटणे,श्री.उदय गायकवाड,श्री. संजय पाटील,श्री.विनायक मगदूम उप...

दानोळी / शिवार न्यूज नेटवर्क : महापुराची कारणे शोधणाऱ्या वडनेरे समितीने कृष्णा नदीत अडथळे निर्माण झाल्याने या भागात महापूर येत आहे असे कारण राज्य सरकार ला दिलेल्या अहवालात नमूद केले असताना अडथळे काढून महापुराची तीव्रता कमी करण्याऐवजी कणवाड तालुका शिरोळ येथे नव्याने ब्यारेज बांधून मोठा अडथळा निर्माण करण्याचा घाट राज्य सरकार ने घातला आहे त्या ब्यारेज मुळे भविष्यात शिरोळ तालुका उध्वस्त होणार असून त्याला नेटाने विरोध केला जाईल असे काल दानोळी येथील पूरमुक्ती जन संवाद यात्रेच्या जाहीर सभे प्रसंगी धनाजी चुडमुंगे यांनी मत व्यक्त केले. या चुकीच्या दिशेने सुरु असलेल्या विकासाला कारणीभूत असलेल्या पाटबंधारे मंत्र्याचा जाहीर निषेधही करण्यात आला.  पूरमुक्ती जन संवाद यात्रेचे स्वागत व प्रास्ताविक आंदोलन अंकुश चे जिल्हा उपाध्यक्ष उदय होगले यांनी 1 मे च्या पूर परिषदेचे आयोजना मागचा हेतू स्पष्ट करून दानोळी ग्रामपंचायत ने महापुरावर कायमस्वरूपी उपाय सरकार ने काढावा म्हणून सरकारशी पत्रव्यवहार करावा अशी विनंती उपस्थित लोकप्रतिनिधींना करण्यात आले. या जन संवाद यात्रेच्या जाहीर सभेत आपल्या अध्यक्षीय भाषणात...

  कुरुंदवाड / शिवार न्यूज नेटवर्क : कोल्हापूर जिल्हा परिषदेमध्ये जवळपास ९००शिक्षक शाळेमध्ये कमी आहे असे असताना शिक्षक पदरमोड करून बदली शिक्षक नेमून शाळा चालवत आहेत. कोरोना काळातसुद्धा सुट्टी असताना विद्यार्थी हितासाठी शाळा चालू ठेवल्या होत्या. शिष्यवृत्ती परीक्षा किंवा इतर परीक्षेतून कोल्हापूर जिल्ह्याने महाराष्ट्रात अव्वल स्थान मिळवले आहे.यामागे शिक्षकांचे योगदान नाकारता येणार नाही. असे असताना जिल्हा परिषदेमध्ये मात्र अनेक विद्यार्थी हिताचे किंवा शिक्षक हिताचे प्रश्न प्रलंबित ठेवले जात आहे. जर हे प्रलंबित प्रश्न सोडवणूक झाली नाही. तर महाराष्ट्र राज्य प्राथमिक शिक्षक संघ शाखा कोल्हापूर मार्फत बुधवार दिनांक 13 एप्रिल 2022 रोजी जिल्हा परिषद कोल्हापूर समोर घंटानाद तथा धरणे आंदोलन करण्याचा इशारा जिल्हाध्यक्ष रविकुमार पाटील यांनी लेखी निवेदनाद्वारे दिला आहे. प्रलंबित प्रश्न शिक्षकांचे पगार सीएमपी प्रणालीनुसार व्हावा,दोन - दोन महिने उशिरा पगार करणाऱ्या यंत्रणेवर कारवाई व्हावी ,चौथी व सातवी ची विद्यार्थ्यांची प्रज्ञाशोध परीक्षा एप्रिल महिन्यात व्हावी,  समुपदेशन झालेल्या विज्ञान शिक...

  इसाक नदाफ / शिवार न्यूज नेटवर्क : प्राथमिक आश्रम शाळा दानवाड व माध्यमिक आश्रम शाळा दानवाड या आश्रम शाळेमध्ये भारतरत्न डॉ. बाबासाहेब आंबेडकर यांच्या जयंतीनिमित्त दिं ६ एप्रिल २०२२ ते दिं १६ एप्रिल २०२२ अखेर सामाजिक समता या कार्यक्रमाचे आयोजन करण्यात आले असल्याची माहिती प्राथमिक आश्रम शाळा व माध्यमिक आश्रम शाळा चे मुख्याध्यापक यांनी दिली. दिं ५ एप्रिल २०२२ च्या शासन निर्णयाच्या अनुषंगाने व्याख्यान, वक्तृत्व स्पर्धा, निबंध स्पर्धा, लघु नाट्य स्पर्धा, ज्येष्ठ नागरिकांचे जनजागृती शिबिर, रक्तदान शिबिराचे आयोजन करण्यात आले आहे. त्याचबरोबर महात्मा फुले जयंतीनिमित्त व्याख्यानाचे त्याचबरोबर संविधान जागर या संविधान जनजागृतीचे कार्यक्रम सुद्धा आयोजन करण्यात आले आहे. डॉ. बाबासाहेब आंबेडकर यांनी शेतकऱ्यांबद्दल केलेले कार्य, महिलांसाठी केलेले कार्य असे विविध कार्यक्रम सामाजिक समता या माध्यमातून शाळेमार्फत करण्याचे आयोजन केले आहे.

  ६५ विद्यार्थ्यांनी मिळविले ९० टक्के हुन अधिक गुण जयसिंगपूर / शिवार न्यूज नेटवर्क : दरवर्षी प्रमाणे संजय घोडावत पॉलीटेक्नीकने आपली उच्चांकी निकालाची परंपरा कायम राखली आहे. हिवाळी २०२१ परीक्षेत ६५ विद्यार्थ्यांनी ९० टक्के गुणांपुढे मार्क्स मिळवून गुण मिळवून दैदिप्यमान यश संपादन केले आहे. याचबरोबर ४९ विद्यार्थ्यांनी विविध विषयामध्ये उत्कृष्ट कामगिरी करीत १०० पैकी १०० गुण मिळवीत राज्यामध्ये प्रथम क्रमांक पटकाविला आहे. यामध्ये तृतीय वर्षातून केदार दिंडे (सिव्हिल इंजि. ९९.४०%), द्वितीय वर्षातून गौरी पाटील (इले. इंजि. ९६.७५%), प्रथम वर्षातून निरंजन कुडाळकर ( कॉम्प्यु. इंजि. ९४.५७%), गुण मिळवून इन्स्टिटयूट मधून प्रथम क्रमांक पटकाविला आहे. तृतीय वर्षातून केदार दिंडे (सिव्हिल इंजि. ९९.४०%), संकेत जाधव ( कॉम्प्यु. इंजि ९६.६६%), समृद्धी लवटे (ईटीसी ९५.३७%), चिन्मय पाटील (मेकॅ.इंजि ९४.१९%), राजलक्ष्मी मांडवेकर (इले. इंजि.९४% ), गुण मिळवून शाखानिहाय प्रथम क्रमांक मिळविला आहे. द्वितीय वर्षातून गौरी पाटील (इले. इंजि. ९६.७५%), आकांक्षा चोडणकर (कॉम्प्यु. इंजि ९६%), तुषार घुगरे (ईटीसी ९२.५९...

  इसाक नदाफ / शिवार न्यूज नेटवर्क : कोल्हापूर जिल्हा आणि शिरोळ तालुक्याचे लक्ष वेधून राहिलेल्या दत्तवाड (ता.शिरोळ) येथील स्वाभिमानी शेतकरी विकास सोसायटीच्या पंचवार्षिक निवडणुकीत माजी खासदार शेट्टी यांच्या दोन्ही गटांपैकी खासदार राजू शेट्टी स्वाभिमानी शेतकरी विकास आघाडीने विरोधात असलेल्या स्वाभिमानी शेतकरी संघटना पॅनेलवर ११ विरुद्ध ० असा दणदणीत एकतर्फी विजय मिळवून आणि धुव्वा उडवून दारुण पराभव केला. प्रथमच दत्तवाड च्या इतिहासात जनतेचा कौल नवनिर्वाचित युवा सदस्यांकडे दिसून आला. विजयी गटाचे प्रमुख श्री. प्रकाश सुरचंद्र सिदनाळे यांचे विशेष बहुमोल मार्गदर्शन मोलाचे ठरले तर उलट पराभूत जुन्या गटाचे नेते श्री.आदिनाथ बाळू हेमगिरे व श्री. नाना नेजे या दोघांचे मार्गदर्शन कमी पडले आणि युवानेते प्रकाशआण्णा श्रेष्ठ ठरले. रविवार दि. ३ एप्रिल रोजी संध्याकाळी निकाल लागताच विजयी युवा गटांनी गांधी चौकातून फटाके फोडत गुलाल उधळत उशिरापर्यंत गावातून मिरवणूक काढली व आपल्या विजयाचा आनंद उत्सव साजरा केला.  आघाडीचे विजयी उमेदवार व त्यांना मिळालेली मते सामान्य प्रतिनिधी- प्रकाश सिदनाळे (२०१),अजित चौगुले(...

शिरोळ / शिवार न्यूज नेटवर्क : सातारा जिल्ह्यातील श्री नाईकबा- ढेबेवाडी येथे मंगळवारी 5 एप्रिल ते गुरुवारी 7 एप्रिल अखेर श्री नाईकबा देवाची यात्रा होत आहे, आज मंगळवारी दुपारी शिरोळ व परिसरातील भक्तगण श्री नाईकबा यात्रेला रवाना झाले, दरम्यान, एसटी बस, ट्रक ,ट्रॅक्टर यासह अन्य वाहनातून सवाद्य नाईकबा डोंगरावर दाखल होत आहेत.  गेल्या दोन वर्षात कोरोना महामारीच्या संकटकाळा नंतर यावर्षी गुढीपाडव्याच्या मुहूर्तावर नाईकबा देवाची सासनकाठी स्थापन करण्यात आल्या तसेच प्रशासनाने नियम शिथिल केल्याने कुलस्वामी श्री नाईकबा यात्रेला जाण्यासाठी भाविक उत्सुक झाले होते, श्री नाईकबा भेटीच्या भक्तीचा पर्वणी आनंद मिळाल्याने भाविकातून समाधान व्यक्त होत आहे. दरम्यान, येथील श्री संत रोहिदास नगर मधील श्री नाईकबा देवस्थानचे गजानन माने व नंदकुमार माने यांच्यासह भाविकांच्या उपस्थितीत मंगळवारी नाईकबा देवाची पूजा-अर्चा कार्यक्रम झाला, त्यानंतर नाईकबा च्या नावानं चांगभलं असा जयघोष करीत भाविक नाईकबा यात्रेला रवाना झाले.

  शिरोळ / शिवार न्यूज नेटवर्क :  शिरोळ येथील वारकरी व भक्तगण मंगळवारी सकाळी शिरोळहून श्रीक्षेत्र पंढरपूर चैत्रवारीसाठी पायी दिंडीने रवाना झाले. समस्त शिरोळ ग्रामस्थ व संप्रदायाच्या वतीने या दिंडीचे आयोजन करण्यात आले आहे, दरम्यान शिरोळचे नगराध्यक्ष अमरसिंह पाटील, शिवप्रतिष्ठानचे अध्यक्ष रावसाहेब देसाई , प्रहार जनशक्ती पक्षाचे जिल्हा उपाध्यक्ष दगडू माने यांच्यासह मान्यवरांनी श्रींच्या पालखीचे दर्शन घेऊन विठ्ठल भक्तांना पायी दिंडीसाठी शुभेच्छा दिल्या.          येथील गुरुप्रसाद इंडस्ट्रीचे प्रमुख उद्योगपती दादासाहेब इंगळे, अनिल इंगळे, सुनील इंगळे व किरण माने यांनी गेल्या काही वर्षापासून चैत्र वारीच्या निमित्ताने वारकऱ्यांसाठी आणि विठ्ठल भक्तांकरिता शिरोळ ते पंढरपूर पायी दिंडीचे आयोजन केले आहे, कोरोना संसर्गाच्या महामारीमुळे गेली दोन वर्षे पायी दिंडी सोहळा झालेला नव्हता, मात्र यावर्षी पायी दिंडीमध्ये आबालवृद्धांसह मोठ्या प्रमाणात महिला आणि वारकरी सहभागी झाले आहेत.        प्रतिवर्षाप्रमाणे उद्योगपती दादासाहेब इंगळे यांच्या निवासस्थानी प...

  इसाक नदाफ / शिवार न्यूज नेटवर्क : दत्तवाडसह परिसरात अवैध देशी मद्याची विक्री जोमात सुरू असल्याचे चित्र पहावयास मिळत आहे. पोलिसांच्या डोळ्यात धूळफेक करून हा गोरखधंदा जोमाने सुरू आहे. याशिवाय काही ठिकाणी चोरून मद्यविक्री होत आहे. अशा विक्रेत्यावर कारवाई करण्यासाठी पोलिसांनी पुढे येण्यााची गरज आहे.  बेकायदेशीर मद्य विक्रीच्या माध्यमातून अनेकजण गब्बर झाले आहेत. कारवाई झाली तर पंटरला बकरा करून काही दिवसात पुन्हा त्यांचा धंदा जोरात सुरू होतो. परवाना नसतानाही चोरून अवैद्य दारू विकणाऱ्याची संख्या दत्तवाड मध्ये मोठी आहे आहे. नियमानुसार शाळा, महाविद्यालय, मंदिरे आदी परिसरात अवैध धंद्यांना बंदी असताना शासनाच्या नियमाला पायदळी तुडवत दत्तवाड येथील हनुमान मंदिराच्या शेजारी व खंडोबा मंदिराच्या शेजारी अवैद्य दारूची मोठ्या प्रकरणात विक्रीत केले जात आहे. त्याचबरोबर गावात ठिक-ठिकाणी मद्यविक्री जोमात सुरू आहे. या अवैद्य मद्यविक्री अड्ड्यावर संबंधित विभागाकडून कारवाई होते. पण कारवाईच्या दुसऱ्या दिवसापासून हे अड्डे पुन्हा जोमाने सुरू होतात. या अवैद्य विक्रीचे मंदिर परिसरातील नागरिकांना व भाविका...