शिवार वार्ता न्यूज नेटवर्क

   शिवार न्यूजच्या वृत्तानंतर मिळाला मदतीचा ओघ हेरवाड / शिवार न्यूज नेटवर्क : सैनिक लढला तर देशाच्या सीमांचे रक्षण होते आणि शेतकरी राबला तर देशाचे पोट भरते. राजकारणी शेतकऱ्यांचा केवळ उदो-उदो करतात. मात्र त्यांच्यासाठी काही करायची वेळ आली की, मागे हटतात. कर्जाचा भर असह्य झाल्याने हेरवाड गावातील शेतकरी काडगोंडा खडके (वय३०) या शेतकऱ्याने विहिरीत उडी घेऊन आत्महत्या केली होती. या घटनेला बरोबर आठ महिने पूर्ण झाले. मात्र अद्याप त्याच्या कुटुंबाला सरकारकडून फुटकी कवडीही मिळालेली नाही. याबाबत शिवार न्यूजने खडके कुटुंबाची व्यथा बातमीच्या माध्यमातून समाजासमोर मांडली होती. याची दखल घेऊन हेरवाड येथील 'हेरवाड विकास' या व्हॉटसॲप ग्रुपवरील दानशूर व्यक्तींनी एकत्र येवून सदर कर्जबाजारी शेतकऱ्याचं पीक कर्ज फेडून सामाजिक बांधिलकी जोपासली आहे.  शासनाचे दुर्लक्ष, राजकीय पुढाऱ्यांचे आश्वासनामुळे हेरवाड येथील कर्जाला कंटाळून आत्महत्या केलेल्या शेतकऱ्याचा संसार वाऱ्यावर पडला आहे.  काडगोंडा खडके हा शेतकरी कर्जाला कंटाळून विहिरीत उडी घेवून गेल्या आठ महिन्यापूर्वी आत्महत्या केली होती. घरातील...

  कोल्हापूर / शिवार न्यूज नेटवर्क :  संजय घोडावत इन्स्टिट्यूट फॉर ऍडमिनिस्ट्रेटिव्ह सर्विसेस (SGIAS) च्या बँकिंग अकॅडमीचा विद्यार्थी प्रदीप गिल याची सिक्युरिटी अँड एक्सचेंज बोर्ड ऑफ इंडिया (सेबी/SEBI) "ग्रेड ए" पदी निवड झाली. ही निवड संपूर्ण भारतातून निवडलेल्या ८० विद्यार्थ्यांमधून पश्चिम महाराष्ट्रातील एकमेव निवड आहे. इन्स्टिटयूटच्या विद्यार्थ्यांनी निकालाची परंपरा कायम राखत एमपीएससी, बँकिंग, परीक्षेबरोबरच सेबी परीक्षेत ही उत्तुंग यश संपादन केले आहे.    इन्स्टिटयूटने सन २०२२ मध्ये एमपीएससी परीक्षेतमधून ४ विद्यार्थी, बँकिंग परीक्षेमधून २० पेक्षा अधिक विद्यार्थी तसेच विविध स्पर्धा परीक्षाच्या क्षेत्रातून आपली निकालाची परंपरा कायम राखली आहे. संजय घोडावत इन्स्टिट्यूट फॉर ऍडमिनिस्ट्रेटिव्ह सर्विसेसने आजवर अवघ्या तीन ते चार वर्षांमध्ये १७५ हून अधिक विद्यार्थ्यांना शासनाच्या विविध अधिकारी पदांवर तसेच राष्ट्रीयकृत बँकेच्या उच्च पदावर नोकरी मिळविण्यासाठी मोलाचे योगदान दिले आहे. अलीकडेच या इन्स्टिट्यूटबाबत विद्यार्थ्यांना अधिकारी बनवण्याबाबत सखोल व योग्य मार्गदर्शन, मार्ग...

संग्रहित फोटो आलास / शिवार न्यूज नेटवर्क : शेडशाळ, कवठेगुलंद मार्गावरील वारनोळे घर, आलास माळ हद्दीतील धनश्री हॉटेलच्या मागील बाजूस बिबट्या सदृश्य प्राणी ऊस शेतात जाताना ग्रामस्थांच्या निदर्शनास आला. यामुळे युवक तसेच वजीर रेस्क्यू फोर्सच्या जवानांनी घटनास्थळी प्राण्याचा शोध घेण्याचा प्रयत्न केला. यावेळी ऊस शेतात उसे आढळून आल्याने ग्रामस्थात भितीचे वातावरण पसरले आहे. मंगळवारी सायंकाळी साडे सहा वाजण्याच्या सुमारास शेडशाळ हद्दीतील वारनोळे यांच्या घराजवळील ऊस शेतात काही शेतकऱ्यांना बिबट्या सदृश प्राणी दिसल्याने खळबळ उडाली. या घटनेचे वृत्त शेडशाळ, कवठेगुलंद गावात पसरले. यामुळे ग्रामस्थ तसेच वजीर रेस्क्यू फोर्सचे रौफ पटेल व सदस्यांनी घटनास्थळी धाव घेतली. बिबट्या सदृश्य प्राणी शेतातून तकडे मळा येथे गेला असल्याचे काहींच्या निदर्शनास आले. त्यानंतर सदर प्राणी गडगे वस्ती येथे येथून आलास हद्दीतून मुख्य मार्ग ओलांडून धनश्री हॉटेलकडे जाताना वाहनधारकांना निदर्शनास आले त्यानंतर आलास हद्दीतील हॉटेल धनश्रीच्या मागे असलेल्या ऊस शेतातून आलास मंगावती दिशेने पुढे गेल्याचे सांगण्यात आले. यामुळे याठिकाणी युवक ...

  निरंजन कांबळे / शिवार न्यूज नेटवर्क :   बेळगाव जिल्ह्याचे पोलीस प्रमुख लक्ष्मण निंबरगी यांच्या बदलीचा आदेश राज्य सरकारने बजावला आहे. राज्यातील 16 आयपीएस अधिकाऱ्यांच्या बदल्या करण्याचा आदेश राजकारण सरकारने बजावला असून त्यात बेळगाव जिल्ह्याचे एसपी लक्ष्मण निंबरगी यांचादेखील समावेश आहे. आयपीएस अधिकारी संजीव एम. पाटील यांची बेळगाव जिल्ह्याच्या एसपीपदी नियुक्ती करण्यात आली आहे. बेंगळुरू शहराच्या पश्चिम विभागात पोलीस आयुक्त संजीव एम. पाटील हे सेवा बजावत होते, त्यांची बेळगाव जिल्हा पोलीस प्रमुखपदी नियुक्ती झाली आहे. गेल्या दोन वर्षाहून अधिक काळापासून निंबरगी हे बेळगाव जिल्ह्याचे एसपी म्हणून कार्यरत होते कोरोना काळामध्ये रुग्णांना मदत करण्यासाठी निंबरगी यांनी अनेक मदतीची कामे केली होती, त्यामुळे ते विशेष चर्चेत आले होते. आता दोन वर्षाहून अधिक काळ बेळगावात सेवा झाल्यानंतर त्यांची बदली अन्यत्र झाली आहे.

  सहा तोळे सोने, तीन किलो चांदी सह पंचवीस हजारांचा रोकड लंपास अजित कांबळे / शिवार न्यूज नेटवर्क :   शहरातील सोबाने मळा येथील जागृत देवस्थान श्री कोडी सिद्धेश्वर मंदिरात चोरी झाल्याची घटना सोमवारी पहाटे उघडकीस आली.या चोरीमध्ये मंदिरातील सुमारे सहा तोळे सोने, तीन किलो चांदी व 25 हजार रोकड सह दानपेट्या चोरी झाली असून सुमारे सहा लाखांवर चोरी झाल्याचा अंदाज वर्तविण्यात आला आहे. याबाबत पोलिसांकडून व घटनास्थळावरून मिळालेली अधिक माहिती अशी, शहरातील सोबाणे मळा येथे श्री कोडीसिद्धेश्वर देवाचे मंदिर आहे. अनेक भक्तांचे श्रद्धास्थान असलेले हे मंदिर बोरगाव इचलकरंजी रस्त्यापासून सुमारे दीड किलोमीटर आता आहे. शेतातच मंदिर असल्याने मंदिराच्या भोवती ऊस पीक आहे. मंदिरात रात्रीच्या वेळी कोणीच नसते याचा फायदा घेऊन रविवारी मध्यरात्रीच्या सुमारास चोरट्यांनी मंदिराचे मुख्य द्वार कुलूप तोडून आत प्रवेश केला. मंदिरात असलेली तिजोरी उघडून तेथे असलेले रोकड लंपास केले. त्यानंतर गर्भ मंदिरात प्रवेश करून देवावर असलेले दागिने व चांदीही चोरले आहेत. त्याचबरोबर एक दानपेटीतील रक्कम घेऊन दुसरी दानपेटी ही चोरले आहे...

अजित कांबळे / शिवार न्यूज नेटवर्क :                       दर्जेदार साहित्य निर्मिती साठी वेदना ह्या महतवाचा असून त्यातून निर्माण झालेले  साहित्यच खरे  साहित्य  ठरते.  तर आपल्या  संस्कृतीचे प्रतीक म्हणजे साहित्य  संम्मेलन, साहित्य निर्मितीसाठी त्याग,  तपश्चर्या दुःखाचा अनुभव ,सहन शिलता महत्वाचा भाग आहे. तर यातूनच खरे साहित्य निर्माण होते. व्यास व वाल्मिकी जगातील श्रेष्ट व थोरे  साहित्यिक आहेत.  आपल्या आई बापावर आतूट प्रेम  करणाऱ्या मुली, भटकंतीचे दुःख  व शोषितांच्या वेदना   हे चित्रण साहित्यातून आले पाहिजे. बदलत्या काळानुसार साहित्य बदलले पाहिजे.तर जीवन कस जगाव हे साहित्य शिकविते.          असे मत व्यक्त करतांना जेष्ठ साहित्यिक, राणी चन्नम्मा विद्यापीठ बेळगांवचे मराठी विभाग प्रमुख  प्रा डॉ विनोद गायकवाड  म्हणाले.  ते बेडकिहाळ येथील  स्वर्गीय  बसवंत नागु शिंगाडे चॅरिटेबल ट्रस्ट च्या वतीने  रविवार (ता २६) रोजी बीए...

चोरी प्रकरणातील संशयितांना जामिन कुरुंदवाड / शिवार न्यूज नेटवर्क : मजरेवाडी हद्दीतील धरणगुत्ते यांच्या गोडावून मधीन दूध पावडर चोरी प्रकरणातील तिघांना आज सोमवारी जामिन मिळाला असून कारवाईत जप्त करण्यात आलेल्या दूध पावडरचा विषय कोर्टात गेला असल्याचे पोलिसांनी सांगितले. कोर्टाच्या निर्णयानंतर जर हा विषय अन्न औषध प्रशासनाकडे गेला तर सदरची दूध पावडर गोडाऊनमध्ये कोठून व कशासाठी आणली होती याचा उलगडा होणार आहे. यामध्ये संबंधित व्यक्ती दोषी आढळल्यास कारवाई नक्की होईल, असा विश्वास अन्न औषध प्रशासनाच्या एका अधिकाऱ्यांनी आमच्या प्रतिनिधीशी बोलताना व्यक्त केला आहे. दूध किंवा दुग्धजन्य पदार्थ भेसळ प्रकरणी दूध पावडरचा सर्रास वापर केला जातो. अशा दूध पावडरच्या गोडाऊनवर या आधी अन्न औषध प्रशासनाच्या वतीने शिरोळ तालुक्यात मोठ्या कारवाया झालेल्या आहेत. इतकेच नव्हे तर शिरोळ तालुक्यात कर्नाटक राज्यातून दूध पावडरचा मोठ्या प्रमाणात पुरवठा होत असल्याची चर्चाही यानिमित्ताने सुरू आहे. त्यामुळे धरणगुत्ते यांच्या गोडावून मधून चोरी झालेली दूध पावडर कोठून आणली गेली? कशासाठी आणली गेली ? याचा उलगडा लवकरच होणार आहे.

  निरंजन कांबळे / शिवार न्यूज नेटवर्क : बेळगाव : चालकाचे नियंत्रण सुटल्याने क्रुझर बळळारी नाल्यात पलटी झाल्याने 7 जण ठार 9 जखमी झाल्याची घटना बेळगाव तालुक्यातील कल्याळ ब्रिजजवळ घडली आहे. रविवारी सकाळी आठच्या दरम्यान हा अपघात घडला. कामगार क्रूझर मधून बेळगावकडे कामासाठी येत होते. मारिहाळ पोलीस स्थानकाच्या व्याप्तीत ही घटना घडली असून पोलिसांनी घटनास्थळी धाव घेतली आहे. सर्व मयत हे गोकाक तालुक्यातील असून क्रूझर मधून 18 कामगार कामांसाठी हे बेळगावकडे येत होते. जखमींना उपचारासाठी बेळगावातील जिल्हा रुग्णालयात दाखल करण्यात आले आहे. अपघात होताच तात्काळ याची माहिती मारिहाळ पोलीसांना देण्यात आलीत्यानंतर क्रूझर मध्ये अडकलेल्या जखमींसह मृतदेहांना बाहेर काढण्यात आले. क्रूझर इतक्या वेगात होती की तीन ते चारवेळा पलटी झाली. सांबरा रेल्वे स्टेशनच्या कामाकरिता हे कामगार गोकाक कडून बेळगावला येत होते, अशी माहिती उपलब्ध झाली आहे. सर्व मयत अक्कतंगेरहाळ (गोकाक) : अडव्यापा चिलभावी (27), बसवराज दळवी (30), बसवराज हनमंण्णावर( 51), आकाश गस्ती (22), सर्व दासनट्टी (गोकाक) फकिरप्पा हरीजन( 55), मल्लाप्पा दासनट्टी(30)...

जयसिंगपूर / शिवार न्यूज नेटवर्क शिरोळ तालुका शिवसेनेच्या वतीने आरोग्य राज्यमंत्री राजेंद्र पाटील यड्रावकर यांच्या ऑफिसवर मोर्चा काढण्यात येत असल्याने नामदार यड्रावकर यांच्या समर्थनार्थ जयसिंगपूर येथे हजारो कार्यकर्ते एकवटले आहेत.  जयसिंगपूर शहरातील गल्ली नंबर ६ येथे असणाऱ्या यड्रावकर यांच्या ऑफिसकडे येणारे सर्व मार्ग पोलिसांनी बॅरिकेट्स लावून बंद करण्यात आले आहेत. दरम्यान शिरोळ तालुक्यासह परिसरातील यड्राककर प्रेमी हजारो संख्येने एकवटले आहेत. यावेळी नामदार यड्रावकर यांच्या समर्थनार्थ घोषणाबाजी सुरु आहे. या ठिकाणी पोलिसांनी मोठा फौजफाटा तैनात केला आहे.

  कुरुंदवाड / शिवार न्यूज नेटवर्क : मजरेवाडी येथील दूध पावडर चोरीप्रकरणी आरोपीना कुरूंदवाड न्यायालयासमोर उभे केले असता सोमवार पर्यंत पोलिस कस्टडी देण्यात आली आहे . अशी माहिती कुरूंदवाड पोलिसांकडून मिळाली असून पुढील तपास सुरू असल्याची माहिती हेडकॉन्स्टेबल नागरगोजे यांनी दिली आहे. मजरेवाडी येथील आर के नगर येथे महादेव धरणगुत्ते यांच्या घरातील होलसेल खवा तयार करण्यासाठी ठेवलेली दूध पावडर घरातील पत्रे काढून चोरी केल्याप्रकरणी हेरवाड येथील तीनजनावर शनिवारी 25 जून रोजी कुरुंदवाड पोलिसात गुन्हा दाखल करण्यात आला असून सोमवार 27 जून पर्यंत या तिन्ही आरोपींना पोलिस कस्टडी सुनावली असल्याची माहिती पोलिस हेड कॉन्स्टेबल नागरगोजे यांनी दिली आहे . एकंदरीत मजरेवाडी येथील आर के नगर येथे होलसेल खवा तयार करण्यासाठी अधिकृत दूध पावडर वापरण्यास परवानगी आहे काय याबाबत अन्नभेसळ प्रतिबंधक विभागाकडून चौकशी होणार काय अशी चर्चा आहे कुरुंदवाड शहरासह परिसरामध्ये आहे.

इचलकरंजी / शिवार न्यूज नेटवर्क :                अनिष्ठ विधवा परंपरेविरुद्ध गावसभेत बंदीचा सर्वप्रथम ठराव करणारे "हेरवाड पॅटर्नचे" जनक- गावचे सरपंच श्री. सुरगोंडा पाटील यांचा सत्कार जिजाऊ महिला नागरी सहकारी पतसंस्था व प्रथमेश एज्युकेशन सोसायटी इचलकरंजीमार्फत करण्यात आला.            कोविड कालावधीत मयत झालेल्या तरुणांच्या विधवा महिलांच्या वेदना जवळून पाहिलेल्या होत्या. त्यांच्यासाठी काहीतरी करावे. असा विचार सातत्याने येत होता. प्रमोद झिंगाडे यांच्या मार्गदर्शनाखाली सर्वप्रथम विधवा बंदीचा गावसभेत निर्णय घेतला.यासाठी उपसरपंच,सदस्य,ग्रामस्थ, प्रसारमाध्यमे यांचे मोलाचे सहकार्य लाभले.असे प्रतिपादन सरपंच श्री. सुरगोंडा पाटील यांनी केले.              यावेळी संस्थापक - श्री.अशोक कोळी,चेअरमन सौ.जया कोळी,संचालिका सौ.सुरेखा कुंभार,ग्राम पंचायत हेरवाडचे सदस्य श्री.सुकुमार पाटील, सामाजिक कार्यकर्ते श्री.संजय पुजारी,श्री.दिलीप शिरढोणे यांनी मनोगते व्यक्त केली.           ...

दत्तवाड / शिवार न्यूज नेटवर्क : राजर्षि शाहू महाराज जयंती निमित्त प्रतिमेचे पूजन शाळा व्यवस्थापन समितीचे सदस्य व माजी उपसरपंच श्री.दिलीप चव्हाण यांचे हस्ते संपन्न झाले.            याप्रसंगी शाळा व्यवस्थापन समितीचे सदस्य श्री.नामदेव चव्हाण, मुख्याध्यापक श्री.दिलीप शिरढोणे,अध्यापिका -सौ. सरिता राजमाने, विद्यार्थी उपस्थित होते. विद्यार्थ्यांनी वक्तृत्व स्पर्धेत हिरीरीने भाग घेतला.

  कुरुंदवाड / शिवार न्यूज नेटवर्क : महाराष्ट्रातील समाजसुधारणच्या चळवळीचे नांव ज्या तीन महापुरूषांचे नांव घेतल्याशिवाय पूर्ण होत नाही. ते महात्मा ज्योतिबा फुले, छत्रपती राजर्षी शाहू महाराज व डॉ.बाबासाहेब आंबेडकर. फुले-शाहू-आंबेडकर हे महाराष्ट्राच्या अस्मितेचे प्रतिक आहेत. इथल्या मातीच्या कणा-कणात या महापुरूषांच्या कार्याचा सुगंध दरवळत आहे. असे प्रतिपादन कुरुंदवाडचे माजी नगरसेवक राजू आवळे यांनी केले.  शहरातील डॉ. बाबासाहेब आंबेडकर चौकामध्ये राजर्षि शाहू महाराज यांची जयंती साजरी करण्यात आली, यावेळी ते बोलत होते. यावेळी बोलताना शिवसेना शहरप्रमुख बाबासाहेब सावगांवे म्हणाले, छत्रपती शिवाजी महाराज हे जसे स्वराज्याच्या जाज्वल्य भावनेचे प्रतिक आहेत. तसे फुले-शाहू-आंबेडकर हे समता, स्वातंत्र्य, बंधुता, सामाजिक न्याय या भावनेचे प्रतिक आहेत. राजर्षी छत्रपती शाहू महाराज हे महात्मा फुले यांना आदर्श मानायचे. महात्मा फुले यांच्या सामाजिक व शैक्षणिक सुधारणेचा वारसा खऱ्या अर्थाने राजर्षी छत्रपती शाहू महाराजांनी पुढे चालविला. आज संपूर्ण देशातील बहुजन, दलित समाजातील जनता व चळवळ डॉ.बाबासाहेब आंबेड...

  कुरुंदवाड / शिवार न्यूज नेटवर्क : छत्रपती राजर्षी शाहू महाराज यांच्या जयंतीनिमित्त येथील नगरपरिषदेच्यावतीने शहरातील विविध भागात 948 झाडांचे वृक्षारोपण करण्यात आले. तर शहरातील शैक्षणिक संस्था पतसंस्था बँका व नगर परिषदेमध्ये छत्रपती राजर्षी शाहू महाराज यांची जयंती उत्साही वातावरणात साजरी करण्यात आली. राजश्री छत्रपती शाहू महाराज यांच्या जयंतीचे औचित्य साधून नगरपरिषदेच्यावतीने आज शहरातील भैरेवाडी, बिरोबा मंदीर, लिंबू चौक, श्री. दत्त पार्क कृष्णा घाट, एस.पी. हायस्कूल, लायन्स क्लब तसेच आ.क्र.७७ औदयोगिक वसाहत परिसरामध्ये ९४८ रोपांचे वृक्षारोपण करून कुरुंदवाड शहर हरीत करणेचा प्रयत्न केलेला आहे. या वृक्षारोपणासाठी कु. पूजा पाटील, प्रदिपकुमार बोरगे, प्रणाम शिंदे, योगेश गुरव, अनिकेत भोसले, अतिश काटकर, अमोल कांबळे इ. अधिकारी वर्ग तसेच नगरपरिषदेचे सर्व कर्मचारी मोठया संख्येने उपस्थित होते.      तसेच राजर्षि शाहू जयंती निमित्त कुरुंदवाड नगरपरिषद व दयावान मंडळ यांचेमार्फत वृक्षारोपणाचा कार्यक्रम राबविणेत आला. या कार्यक्रमावेळी माजी नगरसेवक अनुप मधाळे, अर्जुन कोळी, विशाल मधाळे, अष...

  रास्ता रोको करुन शासनाच्या जीआरची केली होळी कुरुंदवाड / शिवार न्यूज नेटवर्क : सन २०१९ मध्ये महापुराचे भरपाई घेतलेल्या नियमित कर्ज भरणाऱ्या ,शेतकऱ्यांना पन्नास हजार रुपये मिळणार नाहीत असा निर्णय राज्य सरकारने घेतला आहे. याच्या विरोधात कुरुंदवाड येथे स्वाभिमानी शेतकरी संघटनेचे पदाधिकारी आक्रमक होवून शासनाच्या जीआरची होळी करून शहरातील शिवतीर्थ जवळ रास्ता रोको आंदोलन करण्यात आले. यावेळी बोलताना अण्णासाहेब चौगुले म्हणाले, प्रोत्साहन योजनेच्या लाभासाठी जे निकष जाहीर केले आहेत, यामध्ये 2017-18, 2018-19 व 2019-20 या कालावधीत बँक अथवा संस्थेकडून घेतलेले कर्ज पात्र असेल. कोल्हापूर, सांगली, सातार्‍यासह 13 जिल्ह्यात 2019 मधील पूरस्थितीत पीक कर्ज आणि त्यावरील व्याज माफ करण्याचा निर्णय घेतल्याने, त्यांना दुबार लाभ दिला जाऊ नये, या दोन निकषांमुळे जिल्ह्यातील सुमारे 90 टक्के शेतकरी अपात्र ठरणार आहेत.  यावेळी बोलताना विश्वास बालिघाटे म्हणाले, जिल्ह्यात उसासाठी जे पीक कर्ज घेतले जाते, त्याला 15 महिन्यांची मुदत असते. त्यामुळे सगल तीन वर्षांच्या निकषात हे शेतकरी बसत नाहीत. हे निकष आम्ही मान्य क...

हेरवाड / शिवार न्यूज नेटवर्क : जगाला शरीराच्या आणि मनाच्या शुद्धतेची, आरोग्याची पर्वणी देणारा, भेट देणारा आंतरराष्ट्रीय योगा दिन हेरवाड येथील देवपुष्प इंग्लिश मेडियम स्कूलमध्ये साजरा करण्यात आला. आंतरराष्ट्रीय स्तरावर भारतीय योग संस्कृतीची व सामर्थ्याची जगभरामध्ये दखल घेतलेली आहे असा शारीरिक आणि मानसिक तंदुरुस्ती साठी आवश्यक असणारा योगा आज आंतरराष्ट्रीय स्तरावर साजरा करण्यात येत आहे. शरीराच्या आणि मनाच्या आरोग्यासाठी योगा आजच्या काळात किती महत्त्वपूर्ण आहे हे जगभरातील लोकांना पटलेलं आहे. आणि त्यामुळेच जगभरामध्ये 21 जून हा भारतीय उपखंडातीलच नव्हे तर जगातील सर्वात मोठा दिवस योगा दिन म्हणून साजरा केला जातो. त्याचाच भाग म्हणून येथील देवपुष्प इंग्लिश मेडियम स्कूलमध्ये योगा दिन साजरा करण्यात आला. यावेळी अनुलोम विलोम प्राणायाम, भस्त्रिका,कपालभाती,शशांकासन,मर्कटासन,भुजंगासन,वृक्षासन इत्यादी योगाचे प्रात्यक्षिक करण्यात आले. यावेळी स्कूलचे सर्व शिक्षक व विद्यार्थी मोठ्या संख्येने उपस्थित होते.

  दत्तवाड / शिवार न्यूज नेटवर्क : विद्या मंदिर दत्तवाड येथे आंतरराष्ट्रीय योगदिन उत्साहात संपन्न झाला. मुख्याध्यापक श्री. दिलीप शिरढोणे यांनी योग दिना विषयी माहिती देताना म्हणाले की, योगा ही भारताची प्राचीन परंपरा आहे. २१ जून हा आंतरराष्ट्रीय योगा दिन म्हणून साजरा केला जात आहे. त्यामुळे नागरिकांनी योगा करून तंदुरुस्त व्हावे आणि आयुष्यमान वाढवावे. असा संदेश त्यांनी दिला. अध्यापिका सौ.सरिता राजमाने यांनीही योगा प्रात्यक्षिकाविषयी मार्गदर्शन केले. याप्रसंगी शाळा व्यवस्थापन समितीचे सदस्य -श्री.नामदेव नारायण चव्हाण, विद्यार्थी, विद्यार्थिनी उपस्थित होते.

हेरवाड / शिवार न्यूज नेटवर्क : साने गुरुजी शिक्षण संस्था संचलित हेरवाड हायस्कूल, हेरवाड या विद्यालयाचा एस.एस.सी. मार्च 2022 परीक्षेचा निकाल 98.03℅ लागला.  प्रथम क्रमांक सोनिया अर्जुन मिरजे 94.40℅ द्वितीय क्रमांक अनुराधा अनिल मोहिते 89.60% तृतीय क्रमांक सानिका अनिल कुन्नुरे 89.40% तर विशेष प्रावीण्य 37 विद्यार्थी प्रथम श्रेणीमध्ये 44 द्वितीय श्रेणीमध्ये 19 आले आहेत. या विद्यार्थांना विद्यालयाच्या मुख्याध्यापिका श्रीमती माणिक नागावे सर्व शिक्षक व शिक्षकेतर कर्मचारी यांचे मार्गदर्शन लाभले. व संस्थेचे अध्यक्ष,मा.श्री. रावसाहेब उर्फ दा.आ.पाटील, सचिव श्री.अजित पाटील व सर्व संचालक यांचे प्रोत्साहन मिळाले.

हेरवाड / शिवार न्यूज नेटवर्क :  हेरवाड हायस्कुल हेरवाड,कुमार विद्यामंदिर हेरवाड, कन्या विद्यामंदिर हेरवाड व ग्रामपंचायत हेरवाड यांच्या संयुक्त विद्यमाने कुमार विद्या मंदिर हेरवाडच्या पटांगणावर जागतिक योग दिन साजरा करण्यात आला. हायस्कुल हेरवाड चे सहाय्यक शिक्षक अशोक निर्मळे यांनी विद्यार्थ्यांना प्रात्यक्षिक दाखवले. विद्यार्थी, शिक्षक, ग्रामपंचायत हेरवाड चे सरपंच व सदस्य या सर्वांनी योगासन करून योगसाधना केली. यावेळी अनुलोम विलोम प्राणायाम, भस्त्रिका,कपालभाती,शशांकासन,मर्कटासन,भुजंगासन,वृक्षासन ,इ.प्रकार करण्यात आले. सर्वांनी अतिशय उत्साहाने योगासन व प्राणायाम करुन आरोग्याचा मूलमंत्र जपला.यावेळी कुमार व कन्या विद्या मंदिर चे मुख्याध्यापक सुभाष तराळ,श्री.सिदनाळे, सर्व शिक्षक व हेरवाड हायस्कूल च्या मुख्याध्यापिका श्रीमती माणिक नागावे व सर्व शिक्षकवर्ग ,तसेच ग्रामपंचायत हेरवाड चे सरपंच सुरगोंडा पाटील व ग्रामपंचायत सदस्य उपस्थित होते.. आभार मनिषा डांगे यांनी मानले.

  निरंजन कांबळे / शिवार न्यूज नेटवर्क :        पावसाळ्यात वीज पडून जीवित तसंच वित्तहानी मोठ्या प्रमाणात होते. हे टाळायचं असेल तर केंद्र सरकारनं लाँच केलेलं दामिनी हे अ‍ॅप वापरण्याचा सल्ला प्रशासनानं दिलाय. एखाद्या जागी वीज पडणार असेल तर या अ‍ॅपद्वारे 5 चे 15 मिनिटं आधी नोटिफिकेशन येतं. त्यामुळे नुकसान टाळता येऊ शकतं. (Damini App for alert of lightning) भारत सरकारच्या पृथ्वी व्यवहार मंत्रालयाच्या अखत्यारीत येणाऱ्या भारतीय उष्णकटिबंधीय हवामानशास्त्र संस्था, पुणे यांनी लोकांना वीज पडण्यापासून सावध करण्यासाठी 'दामिनी अ‍ॅप' विकसित केले आहे. हे अ‍ॅप 30 मिनिटांपूर्वी वीज, गडगडाट आणि विजांची अचूक माहिती देईल. यासाठी शास्त्रज्ञांनी देशाच्या विविध भागांमध्ये सुमारे 48 सेन्सर्ससह लाइटनिंग लोकेशन नेटवर्क स्थापित केले आहे.    नेटवर्कमुळे विजेचा अचूक अंदाज येतो, असे हवामानतज्ज्ञ यांनी सांगितले. या नेटवर्कच्या आधारे, दामिनी अ‍ॅप विकसित केले गेले आहे, जे 40 किमीच्या परिघात विजेच्या संभाव्य स्थानाची माहिती देईल. हे नेटवर्क विजांच्या गडगडाटासह वादळाचा वेग देखील सांगते. ...

  शिरोळ / शिवार न्यूज नेटवर्क : सोयाबीन उत्पादन अहवाल दुरुस्ती बाबत उप विभागीय कृषी अधिकारी मकरंद कुलकर्णी यांना आंदोलन अंकुशच्या वतीने निवेदन देण्यात आले. महाबीज बियाणे कंपनीकडून बीजोत्पादनासाठी वितरित करण्यात आलेले के डी एस ७२६ व के डी एस ७५३ या जातीचे सोयाबीन पिक सर्वेक्षण अहवालामध्ये तापमान वाढीचा चुकीचा निकष व नुकसानीची टक्केवारी कमी दाखवल्या बाबत .  महात्मा फुले कृषी विद्यापीठ राहुरी अंतर्गत कृषी संशोधन केंद्र कसबे डिग्रज या संशोधन केंद्रातून के डी एस ७२६व के डी एस ७५३या जातींचे सोयाबीन बियाणे प्रसारित करण्यात आले होते सदर जातीचे बियाणे सन २०२१ -२२उन्हाळी हंगामासाठी महाबीज कंपनीकडून बीजोत्पादनासाठी शेतकऱ्यांना प्रसारित करण्यात आले होते पण सदर सोयाबीन पिकाची बेसुमार वाढ होऊन अत्यंत कमी फळधारणा होऊन पिकच आले नाही. त्यामुळे हजारो रुपये खर्च करून शेतकऱ्यांची मेहनत पूर्ण वाया गेलेलि आहे त्या बाबतीत आपल्या कृषी खात्याकडून सदर सर्वेक्षण पूर्ण करून शासनास सादर करण्यासाठी अहवाल बनवण्यात आलेला आहे त्यामध्ये तापमान वाढीचा मुद्दा आपण लावलेला आहे जर तापमान सहन करू शकत नसेल तर सद...

  गोमटेश पाटील / शिवार न्यूज नेटवर्क : तमदलगे येथे महात्मा फुले कृषी विद्यापीठ , राहुरी अंतर्गत शरद कृषी महाविद्यालय ,जैनापूर यांच्या वतीने ग्रामीण कृषी जागरूकता आणि कृषी औद्योगिक जोड कार्यक्रम अंतर्गत गावातील शेतकऱ्यांसाठी ग्रामपंचायत चौका नजीक ' चारा प्रक्रिया ' या विषयावर प्रात्यक्षिक सादर करण्यात आले . यावेळी महाविद्यालयाच्या वतीने कृषिकन्या स्नेहल बुबणे,भाग्यश्री ककमरे,माधवी कुलकर्णी,स्नेहल माने, बिबिहाजरा मुल्ला,राधिका निर्मळ आणि अश्विनी पाटील यांनी प्रात्यक्षिक घेतले. यामध्ये चारा प्रक्रियेचे महत्व तसेच युरिया चा वापर करून चारा प्रक्रिया करण्याची शास्त्रीय पद्धत यावर मार्गदर्शन करण्यात आले. यावेळी        रामचंद्र मजलेकर,रमेश पाटील, अण्णासो पाटील,विशाल गावडे,कुमार सुतार,वसंत गोदे,श्रीकांत पाटील,सुनीता रुग्गे,सुरेखा चौगुले,भारती मजलेकर, इ. शेतकरी उपस्थित होते.या प्रात्यक्षिकास शेतकऱ्यांचा चांगला प्रतिसाद मिळाला.

  अकिवाट / शिवार न्यूज नेटवर्क :  बाहुबली विद्यापीठाचे श्री विद्यासागर हायस्कूल , अकिवाट येथील इ.१०वीचा ९८% निकाल लागला आहे.विद्यालयातून १० वी परीक्षेत एकूण १०० विद्यार्थी बसले त्यापैकी ९८ विद्यार्थी उत्तीर्ण झाले.कु.सानिका वृषभनाथ गजन्नवर हिने ९०% गुण मिळवून प्रथम क्रमांक मिळविला, अर्थव दत्तात्रय कदम याने ८८% गुण मिळवून द्वितीय क्रमांक मिळविला तर कु प्रतिक्षा बाळासो शिरगुप्पे हिने ८७.८०% गुण मिळवून तृतीय क्रमांक मिळविला. यशवंत विद्यार्थ्यांचे व पालकांचा शाळेचे मुख्याध्यापक डी.बी.वाडकर सर सर्व अध्यापक अध्यापिकांनी सत्कार केला . शाळेचे स्थानिक शालेय समितीचे अध्यक्ष कमलाकर चौगुले    डी.जे.कल्लण्णावर गुरुजी , आदिनाथ होसकल्ले ,शालेय समितीचे सदस्य यांनी विद्यार्थ्यांचे कौतुक केले. सर्व स्तरातून विद्यालयाचे कौतुक होत आहे

  अकिवाट / शिवार न्यूज नेटवर्क : शिरोळ येथे भारतीय जनता युवा मोर्चा जिल्हा कार्यकारिणीच्या बैठकीमधये विविध पदाधिकाऱ्यांच्या नेमणुका करण्यात आल्या. त्यामध्ये अकिवाट गावच्या ग्राम अध्यक्षपदी संतोष लाटवडे यांची निवड करण्यात आली. आजपर्यंत त्यांनी पक्ष वाढीसाठी होणाऱ्या विविध उपक्रमांमध्ये सहभाग नोंदवला होता, याची दखल घेऊन पक्षाने त्यांच्यावर ही जबाबदारी सोपवली.  तसेच महेंद्रसिंग रजपूत यांची शिरोळ मंडल चिटणीस या पदी नियुक्ती करण्यात आली . यांची नेमणूक पत्रे पृथ्वीराजसिंह यादव यांनी दिली. यावेळी रामचंद्र बेडकिहाळे,स्वप्निल शिंदे ,नंदकुमार कुलकर्णी , गजानन लाटवडे, भगतसिंगग राजपूत, अशोक गुरव व कार्यकर्ते उपस्थित होते.

अकिवाट / शिवार न्यूज नेटवर्क : अकिवाट येथील श्री बाहुबली विद्यापीठाचे श्री विद्यासागर हायस्कूलचा दि.१७ जून रोजी ५७वा वर्धापन दिन साजरा करण्यात आला.समारंभाचे अध्यक्ष शाळेचे संस्थापक अध्यक्ष कमलाकर चौगुले होते.प्रमुख पाहूणे सावनकुमार दरुरे व सारिका दरुरे होते. प्रमुख वक्ते विजय गिते होते.      स्वागत व प्रास्ताविक प्रशालेचे मुख्याध्यापक डी. बी वाडकर यांनी केले त्यावेळी विद्यालयाचे भविष्यातील संकल्प सांगितले व पाहूण्याचा परिचय करून दिला.समन्वय समितीचे सचिव मलिकवाडे यांनी शाळेची स्थापना, विस्तार व गुणवत्ता विकास यांची माहिती सांगितली व शाळेच्या प्रगतीमध्ये वाट असणार्या व्यक्तीचा उल्लेख केला. प्रमुख पाहुणे सारीका दरुरे यांनी विद्यार्थ्यांनी ध्येय निश्चित करावे व वेळेचे नियोजन करून ध्येयाचा पाठपुरावा करावा असे सांगितले.   कार्यक्रमाचे प्रमुख वक्ते विजय गिते यांनी आपल्या भाषणात विद्यार्थ्यांनी महत्वकांक्षी बनावे, आईवडीलांच्या कष्टाची जाणीव ठेवून शालेय जीवनात आपला पाया पक्का करावा असे सांगितले. कार्यक्रमाचे अध्यक्ष कमलाकर चौगुले यांनी प्रतिकूल परिस्थितीत शाळा सुरू झाली याचा ...

गडहिंग्लज / शिवार न्यूज नेटवर्क :   जम्मू आणि काश्मीरमध्ये भारतीय सैन्यदलात कार्यरत असलेले श्री.कल्लाप्पा शिवराम कोळी ( मुत्नाळ ता. गडहिंग्लज ) यांना नायब सुभेदारपदी पदोन्नती मिळाली. त्याबद्दल त्यांचा सत्कारसोहळा आयोजित केला होता. त्याबद्दल अनेकांनी शुभेच्छांचा वर्षाव केला. व भावी कार्यासाठी शुभेच्छा दिल्या.           या प्रसंगी अशोक कोळी,बसवराज कोळी, संजय आडे,कुमार शिरढोणे, दिलीप शिरढोणे,संतोष कोळी,रवि नंदिकुरळे, बाबासाहेब तराळ,प्रशांत कोळी,आण्णाप्पा कोळी, प्रतिक कोळी, रोहित कोळी, ऋषिकेश कोळी यांचेसह स्नेही, मित्रमंडळी उपस्थित होते.

खिद्रापूर / शिवार न्यूज नेटवर्क :  खिद्रापूर ग्रामपंचायतीचे तत्कालीन ग्रामसेवक  यांनी घरकुलचा लाभ देण्यासाठी आर्थिक सहाय्य करणाऱ्या संस्थेला 95 हजार रुपये द्यावे लागणार असल्याचे सांगत 35 हजार रुपये घेतल्याचा गंभीर आरोप गणेश पाखरे यांनी करत ग्रामसेवक यांची खातेनिहाय चौकशी करून त्यांना बडतर्फ करावे यामागणीसाठी आमरण उपोषणाला सुरवात केली आहे.       खिद्रापूर ग्रामपंचायती समोर घरकुल प्रश्नी तत्कालीन ग्रामसेवक  यांना बडतर्फ करावे.आणि घरकुल मंजूर करावे यासाठी गणेश नामदेव पाखरे यांनी आंदोलन सुरू केले असून आंदोलनाचा आज शनिवार तिसरा दिवस आहे.       दरम्यान ग्रामपंचायतीने गणेश पाखरे यांना मागणी केलेल्या माहिती अधिकाराखाली वेळोवेळी माहितीचा पुरवठा केला असताना प्रशासन व लोकप्रतिनिधींची बदनामी करण्याच्या हेतूने उपोषण करण्याची धमकी दिली आहे. तरी आपले आंदोलन स्थगित करावे अन्यथा शासकीय कामात अडथळा निर्माण केल्याप्रकरणी गुन्हा दाखल करण्याची नोटीस ग्रामसेवक आप्पासाहेब मुल्ला यांनी दिले आहे.  यावेळी बोलताना पाखरे म्हणाले महापुरात पडझड झालेल्या घरांची दुरुस्...

कुरुंदवाड / शिवार न्यूज नेटवर्क : कुरुंदवाड शहरात कोरोनाचा रुग्ण सापडल्याची वार्ता वृत्तपत्रात प्रसिद्ध झाल्याने शहरात भितीचे वातावरण निर्माण झाले आहे. दरम्यान, असून अडचण आणि नसून खोळंबा अशी अवस्था असलेल्या येथील जिल्हा परिषदेचा दवाखाना मात्र शनिवारी दुपारी बंद स्थितीत दिसून आला, सापडलेल्या रुग्णाबाबत माहिती घेण्यासाठी संबंधित अधिकाऱ्यांना आमच्या प्रतिनिधीने संपर्क करण्याचा प्रयत्न केला मात्र त्यांनी संपर्कात येणे टाळल्याने कुरुंदवाडची आरोग्य यंत्रणा ढेपाळल्याचे चित्र निर्माण झाले आहे. कुरुंदवाड शहरासह परिसरातील नागरीकांच्या आरोग्य सेवेसाठी शहरात जिल्हा परिषद दवाखाना कार्यरत आहे. गेल्या काही वर्षापूर्वी या दवाखान्यातून रुग्णांना कालबाह्य गोळ्या देण्यात आल्या होत्या. तेव्हा पासून हा दवाखाना कोणत्या ना कोणत्या कारणासाठी चर्चेत आहे. सध्या राज्यात कोरोना रुग्णांची संख्या वाढत असताना तसेच कुरुंदवाडमधील एका नागरीकाचा अहवाल पॉझिटीव्ह असल्याची चर्चा असल्यामुळे शहरात भितीचे वातावरण निर्माण झाले असताना शहरातील जिल्हा परिषदेचा दवाखाना बंद अवस्थेत असल्याचे दिसून आल्याने शहरातील आरोग्य यंत्रणा अका...

राहूल डोंगरे / शिवार न्यूज नेटवर्क : अर्जुनवाड ता. शिरोळ येथील दत्ताजीराव कदम हायस्कूल दहावी बोर्डाचा निकाल १०० टक्के लागला. शाळेची कुमारी सानिका सुरेंद्र परिट ही विद्यार्थीनी 87.60 टक्के गुण मिळवून शाळेत प्रथम आली.कुमारी पूजा सुभाष महाडिक हिने 86.20 टक्के गुण मिळवून द्वितीय क्रमांक पटकाविले तर कुमारी मधुरा प्रकाश परिट हिने 85.80 टक्के गुण मिळवून तृतीय क्रमांक तर चतुर्थ क्रमांक कुमारी श्रेया अजित गवळे 84.40 % मिळाले आहे.पाचवा क्रमांक कुमारी हर्षली प्रकाश कंळत्रे 83.60% मिळाले. असून दत्ताजीराव कदम हायस्कूल च्या शाळेतील विद्यार्थ्यांच्या या घवघवीत यशाबद्दल अध्यक्ष, सचिव, शाळेच्या मुख्याध्यापिका,सर्व शिक्षक, शिक्षकेतर कर्मचारी, पालक यांनी सर्वांचे अभिनंदन करून आनंद व्यक्त केला आहे.

  इसाक नदाफ / शिवार न्यूज नेटवर्क : दानवाड हायस्कूल दानवाड या हायस्कूलचा दहावीचा निकाल १०० टक्के लागला. या विद्यालयाने सलग तीन वर्षे १०० टक्के निकालाची परंपरा कायम राखली आहे. परीक्षेला बसलेल्या सर्व ३० विद्यार्थी पैकी ३० विद्यार्थी पास झालेले आहेत. आलिशा महमंद लाडखान या विद्यार्थिनींनी ९७.२० टक्के गुण मिळवून प्रथम क्रमांक पटकावला. तर द्वितीय सृष्टी पोपट सुतार ९६.२० टक्के, तृतीय श्रुती उमेश पोळ ९५.८० टक्के गुण मिळवून उत्तीर्ण झाले. या विद्यालयातील ८ विद्यार्थी विशेष प्रावीण्यासह, २० विद्यार्थी प्रथम श्रेणीमध्ये तर २ विद्यार्थी द्वितीय श्रेणी मध्ये उत्तीर्ण झाले आहेत. या सर्व यशस्वी विद्यार्थ्यांना शाळेचे मुख्याध्यापक पोळ सर, देसाई सर, मिसाळ सर, पाटील सर, देशमुख सर, पोवार सर, संस्था अध्यक्ष शिवगोंडा पाटील सर्व शिक्षक, शिक्षकेतर- कर्मचारी, पालक या सर्वांचे मार्गदर्शन लाभले.

कोल्हापूर / शिवार न्यूज नेटवर्क :  वडिलांविरुध्द दाखल असलेला गुन्ह्याच्या तपासात मदत करण्यासाठी २० हजाराची लाच घेताना चंदगड पोलीस ठाण्यांतर्गत फाटा पोलीस चौकीतील पोलीस उपनिरीक्षकाला रंगेहाथ पकडले. कोल्हापूर येथील लाचलुचपत प्रतिबंधक विभागाने आज, शनिवारी दुपारच्या सुमारास ही कारवाई केली. अमित भागवत पांडे (वय ३४, सध्या रा. पाटणेफाटा, मूळगाव खोतवाडी, ता. हातकणगंले) असे लाच घेणाऱ्या पोलीस उपनिरीक्षकाचे नाव आहे. याबाबतची माहिती अशी की, अमित पांडे गेल्या दोनच महिन्यापूर्वी चंदगड पोलीस स्थानकात हजर झाला होता. तक्रारदार व वडिलांविरुध्द असलेल्या गुन्ह्याच्या तपासात मदत करावी म्हणून पांडे याने तक्रारदाराकडे ५० हजार रुपये लाचेची मागणी केली होती. त्यामध्ये तडजोड करुन ती रक्कम ४० हजार करण्यात आली. यातील २० हजाराचा पहिला हप्ता स्वीकारताना आज पांडे यास पाटणे फाटा येथे लाचलुचपत प्रतिबंध विभागाच्या अधिकाऱ्यांनी रंगेहाथ पकडले. पोलीस उपअधिक्षक आदिनाथ बुधवंत, उप अधीक्षक राजेश बनसोडे, अप्पर पोलीस अधिक्षक सूरज गुरव यांच्या मार्गदर्शनाखाली पोलीस निरीक्षक नितीन कुंभार, सुनील घोसाळकर, नवनाथ कदम, संदीप पडवळ,...

  हेरवाड / शिवार न्यूज नेटवर्क : सहकार क्षेत्रातील अनुभव, पूरग्रस्तांच्या न्याय हक्कासाठी सुरु असलेली चळवळ व न्यायालयीन लढाई आणि हे सर्व करीत असताना जपलेली सामजिक बांधिलकी या अनुभवातून अँड. सुशांत पाटील यांची वेगळी ओळख निर्माण झाली आहे. त्यामुळे दत्तवाड जिल्हा परिषद मतदार संघातून पाटील यांना पसंती मिळत असल्याचे चित्र दिसून येत आहे. दरम्यान आरक्षणावर सर्व अवलंबून असले तरी संधी मिळाल्यास त्यांचा विजय निश्चित होईल, असा विश्वास सुशांत पाटील यांच्या समर्थकांनी व्यक्त केला आहे. शिरोळ तालुक्यातील पुरग्रस्तांसाठी रस्त्यावरच्या लढाई बरोबर मुंबई उच्च न्यायालयात न्यायालयीन लढाई लढणारे अँड. सुशांत पाटील यांची सामाजिक तळमळ पहायला मिळते. दत्तवाड जिल्हा परिषद मतदार संघात आरक्षणानंतर त्यांना जर संधी मिळाली तर ते संधीचे सोने करून तळागाळातील जनतेच्या सर्वांगिण विकासासाठी आवश्यक लढतील आणि आपल्या मतदार संघाचा विकास करतील असा विश्वास सुधीर माळी, सुनिल देबाजे, गोटू तेरवाडे, मयूर खोत, जयपाल काणे, बंडू शिरढोणे, मलिकार्जुन बेडगे यांच्यासह ॲड सुशांत पाटील यांच्या समर्थकांनी केला आहे.

जयसिंगपूर / शिवार न्यूज नेटवर्क : समाजाचा विकास करायचा असेल तर आपापसातील मतभेद विसरून आपण सर्वांनी एकत्र आले पाहिजे तरच समाजाचा विकास होईल धनगर समाजाच्या अनेक मागण्या शासन दरबारी प्रलंबित आहेत परंतु आपण मोठ्या संख्येने असूनही एकत्र येत नसल्याने आपल्या मागण्यांना केराची टोपली दाखवली जात आहे. आज इतर सर्व समाज एकत्र येत असताना धनगर समाज मात्र आपापसातील हेवे-दावे आणि वादामुळे विखुरला जात आहे. त्यामुळे समाजाच्या विकासाला गती मिळत नाही. यशवंत क्रांती संघटनेच्या वतीने जनजागृती अभियान राबवून समाजाला एकत्रित करण्याच्या प्रयत्न सुरू आहे. यासाठी आपण सर्वांनी सहकार्य करावे, असे आवाहन वाघमोडे यांनी केले. यशवंत क्रांती संघटनेच्या जयसिंगपूर येथील  हाॅटेल सनसिटीमध्ये आयोजित पदाधिकारी व कार्यकर्ता मेळाव्यात वाघमोडे बोलत होते. यावेळी कैलास काळे बोलताना म्हणाले, यशवंत क्रांती संघटना ही मेंढपाळ व तळागाळातील  लोकांच्यासाठी कार्यरत असून मदतीला धावून जाणारी एकमेव संघटना म्हणून कार्यरत आहे. संघटनेच्या माध्यमातून मेंढपाळ बांधव वाड्यावस्त्यावर राहणाऱ्या समाज बांधवांच्या प्रश्नावर वाचा फोडून न्याय द...

जयसिंगपूर / शिवार न्यूज नेटवर्क : प्रसिद्ध उद्योगपती व संजय घोडावत विद्यापीठाचे अध्यक्ष श्री. संजयजी घोडावत यांना नुकतेच साम मीडिया ग्रुपकडून त्यांच्या औद्योगिक व शिक्षण क्षेत्रातील उल्लेखनीय कार्यासाठी ग्लोबल अचिव्हर अवॉर्ड २०२२ या पुरस्काराने सन्मानित करण्यात आले. या पुरस्काराचे वितरण दुबई याठिकाणी आयोजित करण्यात आले होते परंतु व्यावसायिक कारणास्तव श्री. घोडावत यांना या कार्यक्रमास उपस्थित राहता आले नाही. मात्र साम मीडिया ग्रुपची पूर्ण टीम संजय घोडावत विद्यापीठात आली व त्यांनी येथे येऊन त्यांना पुरस्कार प्रदान केला. या पुरस्काराचे वितरण साम टीव्ही चे मुख्य संपादक प्रसन्न जोशी, सकाळ मीडियाचे डायरेक्टर श्रीराम पवार, साम टीव्ही चे बिझनेस हेड अजित सिंग यांच्या हस्ते करण्यात आले. उद्योगपती श्री .संजयजी घोडावत यांनी स्वतः हा पुरस्कार स्वीकारला. यावेळी विश्वस्त विनायक भोसले, कुलगुरू डॉ.अरुण पाटील, सर्व शिक्षक व शिक्षकेतर कर्मचारी उपस्थित होते. श्री.घोडावत यांनी आजवर एफएमसीजी, विंड टर्बाईन, रिअल इस्टेट, टेक्सटाईल, एविएशन इत्यादी क्षेत्रात यशस्वी उद्योजकाची भूमिका बजावली आहे. या यशाबद्दल बोल...

  कुरुंदवाड / शिवार न्यूज नेटवर्क :      कुरुंदवाड पालिकेची निवडणूका कोणत्याही क्षणी लागण्याची शक्यता आहे. निवडणुकीची आचारसंहिता लागण्यापूर्वी प्रशासक तथा मुख्याधिकारी निखिल जाधव हे विकासकामांच्या बाबतीत अँक्शन मोडवर आहेत. शहरातील रस्ते,गटारी, हायमस्ट दिवे आदी मंजूर झालेल्या विकासकामांच्या वर्क ऑर्डर दिल्याने ठिकठिकाणची कामे पूर्ण झाली आहेत.तर काही कामांना लवकरच सुरवात होणार आहे.     दरम्यान शहरातील रस्त्यावरून अनेक संघटना आक्रमक झाल्या होत्या.प्रशासकराज आल्यानंतर मुख्याधिकारी जाधव यांनी रस्ते दुरुस्तीची मोहीम हाती घेतल्याने नागरिकांतून समाधान व्यक्त होत आहे.         शहरातील रस्ते महापुराच्या पाण्याने खराब झाले होते. खड्ड्यांचे साम्राज्य निर्माण झाले होते. नागरिकांना याचा त्रास सहन करावा लागत होता. काही ठिकाणच्या गटारी हि मोडकळीस आल्याने पाणी तुंबून राहत होते.मुख्याधिकारी जाधव यांनी यासर्व बाबीचा आढावा घेत गेल्या दीड वर्षापासून याचा आराखडा तयार करत पालकमंत्री सतेज पाटील, आरोग्य राज्यमंत्री डॉ.राजेंद्र पाटील-यड्रावकर, ग्राम विकास मंत्र...

  कुरुंदवाड / शिवार न्यूज नेटवर्क :       पालिका सफाई कर्मचारी त्रिमूर्ती वाघेला यांच्या नोकरी प्रकरणी मुख्याधिकारी जाधव व काही पालिका कर्मचारी यांच्यावर झालेल्या आरोपाबाबत वाघेला यांनी यू टर्न घेत सर्व आरोप मागे घेतल्याने जवळपास या प्रकरणाला तिलांजली मिळाली आहे. तरीही त्रिसदस्यीय समितीने याबाबत सखोल चौकशी करत आपला अहवाल जिल्हाधिकारी यांच्याकडे सादर केला आहे. दरम्यान वाघेला यांच्या माघारीने पालिकेच्या दोन अधिकार्‍यांचे निलंबन रद्द होऊन मुख्याधिकारी जाधव यांना यामध्ये क्लीन चिट मिळण्याची शक्यता आहे.         लोकप्रतिनिधीच्या मुळे मुख्याधिकारी जाधव यांना आंदोलकांचे आघात सोसावे लागले तर कृती समितीलाही शहराच्या हितासाठी आंदोलन करावे लागले.यामध्ये मात्र प्रशासन आणि आंदोलक असे युद्ध सुरू झाले. लोकप्रतिनिधी मात्र नामा-निराळेच राहिले आहे.शहराच्या हितासाठी लढणारी कृती समिती ही आजपर्यंत उपेक्षितच राहिली आहे.

हेरवाड / शिवार न्यूज नेटवर्क : गेल्या आठ महिन्यापूर्वी आत्महत्याग्रस्त शेतकऱ्याच्या परिवारावर आर्थिक डोंगर कोसळला आहे.या बाबतचे वृत्त शिवार न्यूज नेटवर्कने प्रसारित केल्यानंतर ' विकास हेरवाडचा' या व्हाट्सअप ग्रुपच्या माध्यमातून समाजातील दानशूर व्यक्तींनी मदतीचा हात पुढे केला आहे.         हेरवाड येथील काडगोंडा खडके या तरुण शेतकऱ्याने कर्जाला कंटाळून आत्महत्या केली होती. त्याच्या पश्चात आई,पत्नी, दोन मुले असा परिवार आहे. घरातील कर्ता पुरुष निघून गेल्याने खडके परिवारावर आर्थिक डोंगर कोसळला आहे.याची दखल घेवून शिवार न्यूज नेटवर्कने याबाबतचे वृत्त प्रसिद्ध केल्यानंतर मुख्याध्यापक दिलीप शिरढोणे, "मैत्री फौंडेशन "चे चंद्रकांत छाजेड,जानकी वृद्धाश्रमचे- बाबासो पुजारी, सामाजिक कार्यकर्ते -अर्जुन जाधव, पत्रकार संतोष तारळे, कॉ.शिवाजी माळी,भरत पवार,सुहासराव नेर्ले, हाजी मेहबूब बादशहा मुजावर सर,डॉ.अविनाश सुतार, लखन माने,संभाजी सिद सर यांनी मदतीचा हात पुढे करून सामाजिक बांधिलकी जोपासली आहे.

  कोल्हापूर  / शिवार न्यूज नेटवर्क  वातावरणामधील होणार्‍या बदलाचे दुष्परीणाम रोखण्यासाठी निसर्ग जपला पाहीजे या उद्देशाने राज्यशासन राबवत असलेल्या ‘माझी वसुंधरा ’ अभियाना अंतर्गत स्थानिक संस्था व अधिकार्‍यांना आपल्या कार्यक्षेत्रात केलेल्या कार्याबद्दल गौरविण्यात येतं. वसुंधरेची जपणूक करून शाश्‍वत विकास करणार्‍या या स्थानिक संस्था व अधिकार्‍यांच्या कामाचा लेखाजोखा माडणारं पुस्तक लेखक गौतम कोतवाल लिहीत आहेत.   गौतम कोतवाल हे प्रथितयश लेखक असून आजपर्यंत 1000 हून जास्त उद्योजक व प्रशासकीय अधिकार्‍यांच्या कामाचा आढावा घेणार्‍या 40 पुस्तकांचं लिखाण त्यांनी केलं आहे. या पुस्तकात बक्षीस विजेत्या महानगरपालिका गटात नवी मुंबई महानगरपालिका, सांगली मिरज कुपवाडा महानगरपालिका, पुणे महानगरपालिका, सातारा नगर परीषद, अहमदनगर महानगरपालिका, कल्याण-डोंबिवली महानगरपालिका, नागपूर महानगरपालिका, मिरा भाईंदर महानगरपालिका, अमरावती महानगरपालिका, औरंगाबाद महानगरपालिका, ठाणे महानगरपालिका, चंद्रपूर महानगरपालिका, धुळे महानगरपालिका, सोलापूर महानगरपालिका तर नगर परिषद गटात कराड नगरपरिषद, लोणावळा न...

   निरंजन कांबळे / शिवार न्यूज नेटवर्क : शेत जमिनीत ट्रॉन्सफॉर्मर (टीसी) बसविण्याच्या कारणावरून मारहाण करून खुनी हल्ला करणाऱ्या आडी (ता. निपाणी) येथील दोघांना चिकोडी न्यायालयाने तीन वर्षे तीन महिन्यांची साधी कैद व 16000 रुपयाचा दंड ठोठावला. महादेव चिनापा कुंभार व कृष्णात महादेव कुंभार अशी शिक्षा झालेल्यांची नावे आहेत. 2 मे 2017 रोजी आडी येथील रामचंद्र धोंडीबा कुंभार यांच्याशी वरील कारणास्तव महादेव व कृष्णात या दोघांनी वाद करून मारहाण करून रामचंद्र यांच्यावर खुनी हल्ला केला होता. यामध्ये रामचंद्र हे गंभीर जखमी झाले होते.        दरम्यान तत्कालीन ग्रामीण पोलीस ठाण्याचे पोलीस उपनिरीक्षक निंगनगौडा पाटील, सहायक के. एस कलापगौडर, हेडकॉन्स्टेबल के.एस काडगौडर यांनी घटनास्थळी पंचनामा करून, रामचंद्र यांनी दिलेल्या फिर्यादीनुसार उपनिरीक्षक पाटील यांनी मारहाण करणाऱ्या दोघांवर भा. द.वि. कलम 307, 324, 504, 506 आयपीसी नुसार गुन्हा दाखल करून त्यांना अटक केली होती. सरकारी वकील म्हणून वाय. बी.तुंगळ यांनी काम पाहिले.

निरंजन कांबळे / शिवार न्यूज नेटवर्क        सांगली येथील एका जावयाने निपाणीतील सासू आणि दोन सख्खे भाऊ असलेल्या मित्रांच्या मदतीने निपाणी शहरातील स्पेअर पार्ट्स दुकान व घरफोडी करून सुमारे 7.50 लाखांचा ऐवज मुद्देमाल लांबविला होता. या प्रकरणाचा छडा शुक्रवारी निपाणी शहर पोलिसांनी लावला असून जावई, सासू व दोघा भावांपैकी एक अशा तिघांना अटक करण्यात आली आहे. जावई निहाल असलम बालेखान (वय 27, रा. मगरमंच कॉलनी, सांगली) सासू रमिजा दस्तगीर मलोडी (वय 50, रा.जुने संभाजीनगर, निपाणी) या दोघांना निपाणी शहर पोलिसांनी अटक केली असून राजेसाब गुलाब नाईकवाडी (वय 38, रा. सोलापूर ता. हुक्केरी) याला बंबलवाड येथील चोरी प्रकरणी चिकोडी पोलिसांनी निपाणी पोलिसांचा तपास पूर्ण झाल्यानंतर अटक केली असून दादासाब गुलाब नाईकवाडी (वय 36) हा फरार आहे.           त्या तिघांकडून 3.50 तोळे सोन्याचे दागिने, 3.75 लाखांचे स्पेअर पार्ट व 2 लाखांची कार असा एकूण 7.50 लाख रुपये किमतीचा मुद्देमाल जप्त करण्यात आला आहे. अवघ्या पंधरा दिवसांत या प्रकरणाचा छडा लावल्याने निपाणी पोलिसांचे जिल्हा पोलिस प्...

शिरोळ / शिवार न्यूज नेटवर्क :  महापुराच्या पाण्यामुळे जनावरे मृत्युमुखी पडल्यास संबंधित मालकांवर कारवाई करण्यात येईल, असा अजब फतवा अधिकाऱ्यांनी काढला आहे. पूरग्रस्तांवर अन्याय करणारा हा फतवा तात्काळ मागे घ्यावा, अन्यथा स्वाभिमानी शेतकरी संघटना गप्प बसणार नाही असाइशारा स्वाभिमानी शेतकरी संघटनेचे युवा आघाडीचे तालुकाध्यक्ष बंडू पाटील यांनी पशुसंवर्धन विभागाचे उपायुक्त डॉक्टर पठाण यांना दिला आहे.  गेल्या काही वर्षापासून येणाऱ्या पंचगंगा नदीच्या महापुरामुळे नदीकाठावरीलगावातील नागरिकांचे अतोनात नुकसान होत आहे. त्यामध्ये पूरग्रस्तांना नुकसान भरपाई देण्यास शासनाकडून टाळाटाळ केली जात आहे. पशुसंवर्धन विभागाने तसेच महापूर आतून जनावरे बाहेर काढण्यासाठी पशुसंवर्धन विभागाकडून वाहने उपलब्ध करून दिल्यास शेतकऱ्यांची जनावरे दगावणार नाहीत. हा फतवा काढून पशुसंवर्धन विभागाने पूरग्रस्तांची चेष्टा केली आहे. कोणत्या शेतकऱ्याला वाटत नाही की आपलं जनावर आपल्यासमोर मरावं, पशुसंवर्धन विभागाने हा फतवा काढण्यापेक्षा जनावरांना जून महिन्याच्या अगोदर घटसर्प आणि फऱ्याचे लसीकरण पूर्ण करणे गरजेचे असताना पशुसंवर...

  येत्या 13 जून ला मतदान,  सकाळी 8 ते सायंकाळी 5 या वेळेत मतदान निरंजन कांबळे / शिवार न्यूज नेटवर्क :        विधान परिषद निवडणुकीमध्ये राष्ट्रीय पक्षांचे दिग्गज उमेदवार निवडणूक आखाड्यात आहेत. त्यामुळे यंदाची निवडणूक चुरशीची ठरली आहे. त्यासाठी मतदारांच्या गाठीभेटी आणि संपर्क वाढविला आहे. विधान परिषद निवडणुकीसाठी अंतिम मतदार यादी जाहीर करण्यात आली आहे.        कर्नाटक वायव्य शिक्षक मतदारसंघामध्ये 25 हजार 388 मतदार आहेत. कर्नाटक वायव्य पदवीधर संघातील मतदारांची संख्या 99 हजार 578 आहे. याचबरोबर कर्नाटक पश्चिम शिक्षक संघामध्ये 17 हजार 973 मतदार आहेत. तसेच 78 मतदान केंद्रे असून 4 अतिरिक्त केंद्रेही स्थापण्यात येत आहेत. तर 15 जून रोजी मतमोजणी होणार आहे.        शिक्षक मतदारसंघातील उमेदवार : अरुण शहापूर (भाजप), चंद्रशेखर लोणी (धजद), प्रकाश हुक्केरी (कॉंग्रेस), अप्पासाहेब कुरणे, चंद्रशेखर गुडसी, जयपाल देसाई, एन. बी. बन्नूर, बसप्पा मनीगार, श्रीकांत पाटील, श्रीनिवासगौडा गौडर, श्रेनिक जंगटे, चिक्कनरगुंद संगमेश (सर्व अपक्ष)   ...

  राहूल डोंगरे / शिवार न्यूज नेटवर्क :      केंद्रीय जल आयोगाचे कनिष्ठ अभियंता रुपेशकुमार यादव यांची बिहार ( पाटणा ) येथे बदली झाल्या बद्दल येथील कार्याल्यात मधील कुशल कार्य सहाय्यक रावसाहेब माने यांच्या हस्ते सत्कार करण्यात आला.कार्यक्रमाच्या अध्यक्ष स्थानी कनिष्ठ अभियंता कुमारी कोमल पाटील होत्या.     या वेळी कुशल कार्य सहाय्यक उद्धव मगदूम व रुपेश कुमार यादव यांनी मनोगत व्यक्त केले प्रस्ताविक गणेश डोंगरे सूत्रसंचालन योगेश कोळी आणि आभार राहुल डोंगरे यांनी मानले यावेळी कुरुंदवाड केंद्राचे कुशल कार्य सहाय्यक एम. बी. कांबळे, संताजी मगदूम आदी उपस्थित होते

  नृसिंहवाडी / शिवार न्यूज नेटवर्क सेवानिवृत्त शिक्षकांचे अडीअडचणी सोडविण्यासाठीमहाराष्ट्र पेन्शनर्स संख्या कटिबद्द असून येथील सेवानिवृत्त शिक्षकांनी लावलेली उपस्थिती पाहता संघटनेवर फार मोठा विश्‍वास असल्याचे प्रतिपादन महाराष्ट्र पेन्शनर्स असोसिएशनचे अध्यक्ष एन. डी. मारणे यांनी केले. श्री क्षेत्र नृसिंहवाडी येथे प. पू पाटील महाराज कार्यालयात आयोजित महाराष्ट्र पेन्शनर्स असोसिएशन पुणे अंतर्गत कोल्हापूर जिल्हा सेवानिवृत्त प्राथमिक शिक्षक संघाच्या वार्षिक सर्वसाधारण सभा व स्नेह मेळाव्यात ते बोलत होते. मेळाव्याच्या अध्यक्षस्थानी शिक्षक नेते दामोदर सुतार होते. मारणे बोलताना पुढे म्हणाले, सेवानिवृत्त शिक्षकांचे अडीअडचणी सोडविण्यासाठी संघटना काम करत आहे. शिवाय ही संघटना ऑल इंडिया फेडरेशन संघटना संघर्ष झाले आहेत. राज्यपातळीवर कोल्हापूर जिल्ह्यातील संघटनेचे काम फार चांगले आणि कौतुकास्पद आहे. शिक्षकांच्या आणि अडचणी पेन्शन व इतर प्रश्न प्रश्न सोडविण्यासाठी संघटना कटिबद्ध असल्याचे ते म्हणाले. या वेळी 90 वर्षे वय पूर्ण झालेल्या सेवानिवृत्त प्राथमिक शिक्षकांचा संघटनेच्यावतीने गुणगौरव करण्यात...