शिवार वार्ता न्यूज नेटवर्क

  मिरज / शिवार न्यूज नेटवर्क सांगली जिल्ह्यातील मिरज येथे अडीच कोटी रुपये किंमतींचे लाल रक्तचंदन गांधी चौकी पोलिसांनी जप्त करत एकाला अटक केली आहे. मिरज - कोल्हापूर रस्त्यावर सोमवारी पहाटे ही कारवाई करण्यात आली.  गेल्या काही दिवसांपासून रक्तचंदनाच्या तस्करीवर आधारीत 'पुष्पा' चित्रपटाची चर्चा असताना रक्तचंदनाच्या तस्करीवर मोठी कारवाई करण्यात आली आहे. दरम्यान पुष्पा चित्रपटाची क्रेझ सध्या सुरु असून मिरजेत मात्र ओरिजनल पुष्पा पोलिसांनी जेरबंद केल्याने अखेर पोलिसांसमोर या पुष्पाला झुकावे लागल्याची चर्चा मात्र सुरु आहे. रक्तचंदनाची बाजारपेठेत मोठी मागणी असल्याने त्याला चांगली किंमत आहे. सांगली जिल्ह्यात सोमवारी पहाटे रक्तचंदनाची होणारी तस्करी गांधी चौकी पोलिसांनी मोठ्या शिताफीने पकडली. 2 कोटी 45 लाख 85 हजार रूपयांचे रक्तचंदन आणि 10 लाख रूपयांचा कर्नाटकातील टाटा कंपनीचा टेम्पो असा एकूण 2 कोटी 45 लाख 85 हजार रूपयांचा मुद्देमाल जप्त करण्यात आला आहे. या प्रकरणी टेम्पो चालक यासीन इनायतउल्ला खान (रा. अदिग्रहकलहळी, ता.अनीकल जि. बेंगलोर, कर्नाटक) याला अटक केली आहे. आरोपीने ही चंदनाची लाकडे ...

  शिरोळ / शिवार न्यूज नेटवर्क   शिरोळ तालुक्यातील जनसामान्यांचे अनेक प्रश्न आहेत. हे प्रश्न सोडविण्यासाठी पत्रकारांनी जातीने लक्ष घालून लोकप्रतिनिधी व प्रशासनाचेही लक्ष वेधून खास प्रयत्न करावेत, असे आवाहन श्री दत्त शेतकरी सहकारी साखर कारखान्याचे अध्यक्ष, उद्यानपंडित गणपतराव पाटील यांनी केले. शिरोळ तालुका श्रमिक पत्रकार संघटनेच्या अध्यक्षपदी बाळासाहेब माळी यांची तर कै.   श्रीपती माने कृष्णामाई पाणीपुरवठा संस्थेच्या अध्यक्षपदी दगडू माने यांची निवड झाल्याबद्दल श्री दत्त साखर कारखान्याचे अध्यक्ष गणपतराव पाटील यांच्या हस्ते सत्कार करण्यात आला. त्याप्रसंगी ते बोलत होते.   यावेळी कारखान्याचे संचालक दरगु गावडे, कोल्हापूर जिल्हा भाजपा युवा मोर्चाचे जिल्हाध्यक्ष पृथ्वीराजसिंह यादव, माजी सरपंच गजानन संकपाळ,  नगरपरिषदेचे नगरसेवक पंडित काळे, तातोबा पाटील, माजी सरपंच संजय अनुसे, सुनील इनामदार, संजय सुतार यांच्यासह मान्यवर उपस्थित होते.

इसाक नदाफ / शिवार न्यूज नेटवर्क  दत्तवाड (तालुका शिरोळ) येथील हरी भक्त परायण रत्‍नाबाई रामू पोवाडी यांचे वयाच्या १०२ व्या वर्षी निधन झाले. रत्‍नाबाई  पोवाडी या मन-मिळावू व्यक्तिमत्वाच्या होत्या. त्या आपल्या आयुष्यातील ४० वर्षे पंढरीची कार्तिकी वारी चालत पूर्ण केल्या होत्या. ज्ञानदेवच्या घराण्यात पंढरीच्या वारीची परंपरा होती. त्याचपद्धतीने पायी चालत जाणाऱ्या कार्तिकी वारीची परंपरा त्याने अखंड चाळीस वर्षे त्यांनी पूर्ण केली. जात-पात बाजूला ठेवून सर्व जाती-धर्माच्या नागरिकांना एकत्रित करून त्या पंढरीची वारी करीत होत्या. त्यांनी हरिभक्त परायणाची सर्व परंपरा शेवटपर्यंत त्यांनी जपली. कार्तिकी वारी बरोबरच गोरगरिबांना दानधर्म करण्याची त्यांना खूप आवड होती. त्यांच्या अकस्मिक निधनाने सर्वत्र हळहळ व्यक्त होत आहे. त्यांच्या पश्चात एक मुलगा, सून, दोन नातू, दोन नाती व दोन नातसुना असा मोठा परिवार आहे.

  अजित कांबळे / शिवार न्यूज नेटवर्क : विज्ञान विभागात उच्चशिक्षित होऊन ही पोलिस बनण्याचे स्वप्न असल्याने गेल्या दोन वर्षापासून जिद्द, चिकाटी, व कष्टाने अभ्यास करीत परिश्रम घेतल्याने आज पिग्मी एजंट चा मुलगा पोलीस बनला आहे. बोरगाव येथील युवक कु. शुभम बाहुबली रोड्ड यांनी आपले स्वप्न सत्यात उतरविले आहे. त्यांची राज्यातील पडू याठिकाणी सिव्हिल पोलिस म्हणून नियुक्ती झाली आहे. वडील बाहुबली रोड्ड हे शेतकरी व शहरातील कर्नाटक विकास बँकेत पिग्मी एजंट म्हणून काम करीत आहेत. कु.शुभम याने आपणही सरकारी सेवेत रुजू व्हावे यासाठी पोलिस बनण्याचे स्वप्न पाहिले. त्याप्रमाणे त्यांनी वाटचाल सुरू केली. शहरातील के.एस.पाटील या शाळेत प्राथमिक व विद्यासागर शाळेत माध्यमिक शिक्षण पूर्ण केले .त्यानंतर निपाणी येथे बागेवाडी महाविद्यालयात बी.एस्सी पदवी पूर्ण केली. हे करीत असताना स्पर्धा परीक्षेचे ज्ञान मिळवून विविध ठिकाणी जाऊन मार्गदर्शन मिळवले . त्यानंतर कोरोणामुळे गेल्या दोन वर्षापासून घरीच राहून अध्ययन केले. गेल्या महिन्यात मुडबिद्री येथे पोलीस भरतीसाठी परीक्षा दिली.त्यानंतर कोडगु येथे शारीरिक परीक्षा ही दिली...

  प्रा. अमोल सुके / शिवार न्यूज नेटवर्क : सध्या थंडी आणि वातावरणातील अचानक बदलामुळे छोट्या-मोठ्या आजारांनी डोकं वर काढलंय. हेच विचारात घेऊन वीर सेवा दल ,अकिवाट शाखेच्या वतीने विशाळी निम्मित मोफत आरोग्य शिबिर आयोजित करण्यात आले आहे. या मध्ये जनरल चेकअप बरोबरच हृदय विकार, डोळ्यांचे विकार, कान ,नाक ,घसा ,पोटाचे विकार आणि इतर आजारांवर तज्ञ डॉक्टर्स येणार आहेत आणि मोफत तपासणी आणि सुविधा दिले जाणार आहे. शिबिरात सर्व रोगांचे निदान मोफत केले जाणार आहे. शिबिरात मोफत ECG सुविधा सुद्धा पुरवली जाणार आहे. या उपक्रमास नारायणी मल्टी स्पेशलिटी हॉस्पिटल इचलकरंजी, श्री साई हार्ट केअर सेन्टर सांगली, कृष्णा स्पीच अँड हिअरिंग क्लीनिक जयसिंगपूर या रुग्णालयांचे सौजन्य लाभले आहे. या बदलत्या वातावरणाच्या आणि आजारांच्या काळात नागरिकांनी याचा लाभ घ्यावा, असे आवाहन वीर सेवा दलाच्या अकिवाट शाखे तर्फे करण्यात आले आहे. 1 फेब्रुवारी रोजी अकरा ते चार या वेळेत श्री विद्यासागर हायस्कूल, अकिवाट येथे शिबिराचे आयोजन करण्यात आले आहे.

  राहुल डोंगरे / शिवार न्यूज नेटवर्क : महाराष्ट्र इमारत आणि इतर बांधकाम कामगार कल्याण मंडळाच्या सहकार्याने चिंचवाड ता. शिरोळ येथे कामगारांना सुरक्षा साहित्याचे वाटप करण्यात आले. पहिल्या टप्प्यात 21 बांधकाम कामगारांना सुरक्षा साहित्य वाटप करण्यात आले. चिंचवाड येथे बांधकाम कामगारांना साहित्य वाटपप्रसगी शिरोळ नगरसेवक तातोबा पाटील म्हणाले, पालकमंत्री सतेज पाटील व दत्त कारखान्याचे चेअरमन गणपतराव पाटील यांच्या नेतृत्वाखाली बांधकाम कामगारांचा परिपूर्ण विकास साधण्याचे आमचे ध्येय आहे. बांधकाम कामगारासाठी अनेक महत्वपूर्ण योजना असून कामगारांनी त्याची माहिती जाणून घ्यावी व नोंदणी करावी. बांधकाम कामगारांची सुरक्षितता महत्वाची असून काम करताना बांधकाम कामगारांनी सुरक्षा किट वापरून काम करण्याचे आवाहन यावेळी केले. बांधकाम कामगारांच्या नोंदणीसाठी व योजना प्रत्येकापर्यंत पोहचण्यासाठी सुशांत कांबळे चांगले नियोजन केले. यावेळी शंकर गोधडे, केशव कदम, बाळासो कदम, अर्चना चौगुले, दत्तात्रय माने यांच्यासह महिला, बांधकाम कामगार उपस्थित होते.

  कुरुंदवाड / शिवार न्यूज नेटवर्क : शिरोळ तालुक्यातील सैनिक टाकळीच्या हद्दीत उसाच्या शेतात एका शेतकऱ्याने आपल्या अर्धा एकर शेतामध्ये ऊसाबरोबर गांजा लावल्याची घटना समोर आली आहे. यामध्ये आरोपी सदाशिव आप्पासाहेब कोळी (वय ५२) याच्यावर पोलिसात गुन्हा दाखल करण्यात आला असून पोलिसांनी ४९० गांजाची झाडे, ५ किलो तयार गांजा आणि पुड्या असा लाखों रुपयाचा गांजा पोलिसांनी जप्त केला आहे. दरम्यान, पोलिसांनी सदाशिव कोळी याच्या घरावर छापा टाकला असता विक्री करण्याच्या उद्देशाने सुका तयार गांजाच्या कागदाच्या पुड्या आणि ५ किलो सुका गांजा घराच्या आडोश्याला मिळून आला. पोलिसांनी तो जप्त केला असून पोलिसांनी याबाबत कसून चौकशी सुरू केली आहे.

  शिवार न्यूज नेटवर्क : राज्यातील सुपरमार्केटमध्ये आता वाईन ची विक्री करता येणार आहे. तशा प्रकारचा निर्णय आज झालेल्या राज्याच्या मंत्रिमंडळाच्या बैठकीत घेण्यात आला आहे. एक हजार स्केअर फुटाच्या सुपर मार्केटमध्ये वाईनची विक्री करता येऊ शकेल. आज झालेल्या राज्य मंत्रिमंडळ बैठकीत सुपर मार्केट, वॉकिंग स्टोअरमध्ये वाईनच्या विक्रीला परवानगी देण्याबाबत प्रस्ताव आला होता. त्यावर हा महत्वपूर्ण निर्णय घेण्यात आला असून राज्याचे मंत्री नवाब मलिक यांनी यासंबंधीची माहिती दिली. राज्यात नवी वाईन पॉलिसी राबवण्याचा राज्य सरकारचा विचार आहे आणि त्यादृष्टीनं राज्य सरकारनं आणखी एक पाऊल पुढं टाकलंय. पुढच्या वर्षापर्यंत वाईन उद्योगाचा विस्तार 1 हजार कोटी लिटरपर्यंत वाढवण्याचा राज्य सरकारचा विचार आहे. त्यादृष्टीनं आता राज्य सरकारनं पाऊलं टाकायला सुरुवात केली आहे. सध्या राज्यात वाईनची दरवर्षी 70 लाख लिटरची विक्री होते. सरकारच्या या नव्या धोरणामुळं हा आकडा 1 हजार कोटी लिटरपर्यंत वाढण्याची अपेक्षा आहे. मात्र, त्या आधी राज्य सरकारनं वाईनवर प्रति लिटर 10 रुपयांचा अबकारी कर जाहीर केलाय. त्यामुळे वाईन थोडी महाग होण...

हेरवाड / शिवार न्यूज नेटवर्क : शिरोळ तालुक्यातील हेरवाड येथील ग्रामपंचायतीचे सरपंच सुरगोंडा पाटील व उपसरपंच विकास माळी यांनी हेरवाड गांवचे स्वातंत्र्य सैनिक स्व. बाळगोंडा पाटील यांच्या पत्नी श्रीमंती पाटील यांना ध्वजारोहणाचा मान देवून स्वातंत्र सैनिकांच्या प्रती हेरवाड ग्रामपंचायतीने त्यांना मान मिळवून दिला आहे. सदरच्या आजींना नुकतेच १०० वर्षे पूर्ण झाले असून त्या गावातील सर्वात जेष्ठ महिला आहेत. त्यांना ध्वजारोहणाचा मान दिल्याने या उपक्रमाचे हेरवाड गावातून कौतुक होत आहे. हेरवाड येथे २६ जानेवारीनिमित्त ग्रामपंचायती पटांगणात प्रजासत्ताक दिनाचे आयोजन करण्यात आले होते. सरपंच सुरगोंडा पाटील यांना ध्वजारोहणाचा मान असताना देखील त्यांनी गावातील वयाने जेष्ठ असलेल्या तसेच स्वातंत्र्य सैनिक स्व. बाळगोंडा पाटील यांच्या पत्नी श्रीमंती पाटील यांना ध्वजारोहणाचा मान देवून एक आदर्श निर्माण केला आहे. यावेळी सरपंच सुरगोंडा पाटील, उपसरपंच विकास माळी, आर.बी. पाटील, दादासो पाटील यांच्यासह सर्व ग्रामपंचायत सदस्य, गावातील प्रतिष्ठीत नागरीक व ग्रामस्थ मोठ्या संख्येने उपस्थित होते.

कोरम अभावी सभा तहकुब ; ३ फेब्रुवारी रोजी होणार सभा हेरवाड / शिवार न्यूज नेटवर्क : नेटवर्कची समस्या, अनेक ग्रामस्थ अनम्युट, शासकीय अधिकार्‍यांची अनुपस्थिती व कोरम चा अभाव यामुळे हेरवाड ग्रामपंचायतीच्या ऑनलाईन सभेत प्रचंड गोंधळ पहायला मिळाला, अखेर कोरम अभावी सदरची गांवसभा तहकुब करून ३ फेब्रुवारी रोजी पुन्हा ऑनलाईन सभा होणार असल्याची घोषणा सरपंच सुरगोंडा पाटील यांनी केली.   कोरोनाच्या पार्श्वभूमीवर जिल्हाधिकारी यांच्या आदेशान्वे हेरवाड ग्रामपंचायतीची २६ जानेवारीची गांवसभा ऑनलाईन घेण्याचे आदेश होते, या आदेशानुसार ग्रामपंचायतीने ऑनलाईन सभेचे आयोजन करण्यात आले होते. दरम्यान, अनेक ग्रामस्थांना ऑनलाईन सभेत सहभागी होता येत नाही, ग्रामपंचायतीचा जमा - खर्च व पुढील करण्यात येणारा खर्च ग्रामस्थांच्या समोर मांडणे गरजेचे असते त्यामुळे सदरची सभा ऑफलाईन पद्धतीने घेण्याची मागणी ग्रामपंचायत सदस्य सुकुमार पाटील यांनी केली होती, त्यांची ही मागणी रास्त असल्याची चर्चा यावेळी काही ग्रामस्थांनी केली.  दरम्यान नेटवर्कची समस्या, अनेक ग्रामस्थ अनम्युट, शासकीय अधिकार्‍यांची अनुपस्थिती व कोरम अभावी सद...

  हेरवाड / शिवार न्यूज नेटवर्क : हेरवाड येथील माळभाग परिसरात पिसाळलेल्या कुत्र्याच्या हल्यात बालक जखमी झाल्याची घटना घडली आहे. विराज माळगे (अंदाजे वय : 3) असे जखमी झालेल्या बालकाचे नांव असून पिसाळलेल्या कुत्र्याने बालकाच्या तोंडाचा व कपाळाचा चावा घेतल्याने सदरच्या बालकाला उपचारासाठी शासकीय रुग्णालयात हलविण्यात आल्याचे समजते. याबाबत मिळालेली अधिक माहिती अशी की, हेरवाड येथील माळभागात असणार्‍या कुमार विद्या मंदिर शाळा परिसरात माळगे कुटूंब वास्तव्यास आहे. आज सकाळी 9 वाजता विराज हा आपल्या अंगणात खेळत होता. यावेळी अचानक पिसाळलेल्या कुत्र्याने विराज याच्यावर हल्ला केला. यावेळी कुत्र्याने विराज याच्या तोंडाचा व कपाळाचा चावा घेतला, यावेळी झालेल्या आरड्याओरड्या मुळे कुत्र्याने तेथून पळ काढल्याने आरव याचा जीव वाचला.विराज याला तातडीने गावातील खासगी रुग्णालयात दाखविण्यात आले मात्र, कुत्र्याच्या हल्यात सदरच्या बालकाला गंभीर दुखापत झाल्याने त्याला पुढील उपचारासाठी शासकीय रुग्णालयात नेण्यात आले. दरम्यान, माळगे यांची परिस्थिती हालाकीची असल्यामुळे विराज याच्या दवाखान्यासाठी येथील आर.बी. पाटील यांनी ...

कुरुंदवाड / शिवार न्यूज नेटवर्क : शिरोळ तालुक्यातील शेडशाळ येथे शनिवारी रात्रीच्या सुमारास जय भारत पाणी पुरवठा जॅकवेलजवळ कृष्णा नदीपात्रात बेवारस पुरुष जातीचा मृतदेह आढळून आला होता. या घटनेची माहिती कुरुंदवाड पोलिसांना समजताच रविवारी सकाळच्या दरम्यान पोलिस घटनास्थळी धाव घेवून वजीर रेस्क्यू फोर्सचे प्रमुख रऊफ पटेल यांच्या टीमच्या सहकार्याने मृतदेह पाण्याबाहेर काढून त्याचा पंचनामा केला, यानंतर शवविच्छेदन करुन त्या ठिकाणीच मृतदेहावर अंत्यसंस्कार करण्यात आले. यावेळी घटनास्थळी कुरुंदवाड पोलिस ठाण्याचे सपोनि बालाजी भांगे, पोलिस उपनिरीक्षक अमित पाटील, पोलिस उपनिरीक्षक किशोर खाडे यांच्यासह वजीर रेस्क्यू फोर्सचे जवान उपस्थित होते.

हेरवाड / शिवार न्यूज नेटवर्क : हेरवाड ग्रामपंचायतीमध्ये हिंदुहृदयसम्राट बाळासाहेब ठाकरे व नेताजी सुभाषचंद्र बोस यांची जयंती मोठ्या उत्साहात साजरी करण्यात आली. प्रारंभी उपस्थित मान्यवरांच्या हस्ते प्रतिमा पूजन करण्यात आले. यावेळी शिवसेनेचे विशाल जाधव म्हणाले, हिंदुहृदयसम्राट बाळासाहेब ठाकरे तसेच नेताजी सुभाषचंद्र बोस यांच्या कार्याचा आढावा घेवून त्यांच्या विचारांचा वारसा सर्वांनी जोपासण्याचे आवाहन केले. यावेळी सरपंच सुरगोंडा पाटील, उपसरपंच विकास माळी, ग्रामविकास अधिकारी पी. आर. कोळेकर, आप्पासाहेब जोंधळे, सुकूमार पाटील, अजित अकिवाटे, संजय पुजारी, बंडू बरगाले, संतोष तारळे, विशाल जाधव, शेखर कुन्नुरे, संतोष शिरोळे, सुरज कुन्नुरे, आशपाक नदाफ, अनिल कोरवी, शुभम पुजारी, रेहान नदाफ यांच्यासह पदाधिकारी उपस्थित होते. दरम्यान, ग्रामपंचायतीमध्ये एकाच ठिकाणी दोनवेळा जयंती साजरी करण्यात आल्याने सत्ताधारी व विरोधकांची धुसफूस यावेळी पहायला मिळाली.

 ग्रा.पं.सदस्य सुकूमार पाटील यांची मागणी हेरवाड / शिवार न्यूज नेटवर्क : हेरवाड ग्रामपंचायतीमध्ये गेल्या चार वर्षातील विकास कामाचा लेखाजोखा तसेच मंजूर झालेले नविन कामे  तसेच झालेल्या खर्चाला व होणाऱ्या खर्चाला गांव सभेची मंजूरी घेणे गरजेचे असते, त्यामुळे २६ जानेवारी रोजी होणारी गांवसभा ऑनलाईन पध्दतीने न घेता ऑफलाईन पध्दतीने घेण्यात यावी, अशी मागणी हेरवाड ग्रामपंचायतीचे सदस्य सुकूमार पाटील यांनी केली आहे. गेल्या चार वर्षात गावात विविध विकास कामे ग्रामपंचायतीच्या वतीने करण्यात आलेली आहेत. यामध्ये शासनाकडून येणारा निधी व त्याचा लेखाजोखा जनतेसमोर मांडण्यासाठी तसेच शासनाकडून येणारा निधी कुठे खर्च करावा, व गावातील समस्या जाणून घेण्यासाठी ऑफलाईन गांवसभा होणे गरजेचे आहे. गेल्या दोन वर्षांपासून कोरोना परिस्थितीमुळे गांवसभा झालेल्या नाहीत. त्यामुळे ग्रामपंचायतीच्या वतीने सुरु असलेले काम तसेच विकास कामे व ग्रामस्थांच्या समस्या जाणून घेण्यासाठी ऑफलाईन गांवसभा होणे गरजेचे आहे. सध्या कोरोनाचा काळ थोडा कमी झाला असून शासनाच्या सर्व नियमांचे पालन करुन सदरची गांवसभा ऑफलाईन पध्दतीने घेण्यासाठी वर...

  दानोळी / शिवार न्यूज नेटवर्क : दानोळी मतदारसंघांमध्ये भारतीय जनता पार्टी पक्षाचे प्रदेश उपाध्यक्ष धनंजय महाडिक व जिल्हा अध्यक्ष राजे समरजीतसिंह घाटगे यांच्या नेतृत्वाखाली कमळ या चिन्हावर लढण्यासाठी रोहित तवंदकर यांच्या नावाची चर्चा सुरू आहे. शिरोळ तालुक्यातील दानोळी मतदार संघामध्ये भारतीय जनता पार्टी कडून कमळ या चिन्हावर स्वबळावर निवडणूक लढवण्याच्या हालचाली सुरू झाल्या आहेत. महाडिक समर्थक म्हणून ओळख असनारे तवंदकर यांचा जनसंपर्क या मतदारसंघात मोठा आहे. आतापर्यंत केलेल्या लोकांचे प्रश्न सोडविण्यासाठी त्यांनी घेतलेला पुढाकार, गरजूंना शासनाच्या योजना पोहचवण्यासाठी केलेली मदत या कामाची पोचपावती म्हणून तवंदकर यांना उमेदवारी मिळावी म्हणून सर्व सामान्य नागरिकां मधुन चर्चा होत आहे. जिल्हा परिषदेच्या उमेदवारीबद्दल दानोळी,कोथळी,कवठेसार, निमशीरगांव,तमदलगे,कोंडीग्रे, जैनापूर या गावातून उत्सुकता लागली आहे. यावेळी दानोळी जिल्हा परिषद सह शिरोळ तालुक्यातील इतर मतदारसंघांमध्ये ही भारतीय जनता पार्टी कमळ या चिन्हावर निवडणुका लढवण्याची तयारी कार्यकर्त्यांनी दर्शविली आहे. दरम्यान भारतीय जनता पार्...

  राहुल डोंगरे / शिवार न्यूज नेटवर्क :          सामाजिक न्याय व विशेष सहाय्य विभाग महाराष्ट्र शासन यांची स्वायत्त संस्था डॉक्टर बाबासाहेब आंबेडकर संशोधन व प्रशिक्षण संस्था बार्टी पुणे यांच्या वतीने संविधान साक्षरता अभियान 26 नोव्हेंबर 2021 ते 26 जानेवारी 2022 या कालावधीमध्ये संविधान साक्षरता अभियान आयोजन करण्यात आले असून त्या अनुषंगाने कागल तालुका बार्टी च्या वतीने वाय डी माने नर्सिंग कॉलेज कागल या ठिकाणी प्रमुख वक्ते वैशाली नाईक यांनी महिलांनी लग्नाच्या अगोदर येणाऱ्या समस्या व लग्नानंतरच्या समस्या याविषयी विषय आपले मत वेकत केले.तसेच मुलींनी आपल्या जीवनशैलीमध्ये जगत असताना कोण कोणते बदल केले पाहिजेत. त्यामध्ये राहणीमान. प्रत्येक गोष्टीचा विचार करून योग्य तो निर्णय मुलींनी आपल्या व यामध्ये घ्यावा असे त्यांनी सांगितले तसेच संरक्षण अधिकारी मा.पिंगळे यांनी महिलांना व मुलींना लग्नानंतर महिला व बालविकास विभागामार्फत मिळणाऱ्या सुविधा यांची माहिती दिली. या कार्यक्रमाचे प्रास्ताविक करताना समता दुत किरण चौगुले यांनी संविधान साक्षरता अभियान अंतर्गत राबविण्यात येणाऱ्या...

राहुल डोंगरे / शिवार न्यूज नेटवर्क :  कृष्णा नदी परिसरात विद्युत मोटरच्या केबलच्या चोरीची घटना चिंचवाड, ता. शिरोळ येथे घडली.  सुमारे एक लाख रुपये किमतीची केबलची चोरी झाली आहे.  यामध्ये गणपती कदम, शंकर गोधडे, आण्णासो ककडे, बाबासो चौगुले, अमर कदम,  विनोद घाटगे, सुहास मोहिते, रमेश सिदनाळे या शेतकऱ्यांचे केबल चोरीस गेले आहे. केबलच्या आतील तांब्याची तार काढून नेण्यात आले आहे. वारंवार होत असलेल्या केबल चोरीच्या घटनेमुळे शेतकरी अडचणीत येत आहे. महापुराने आर्थिक आरिष्ट सापडलेल्या शेतकऱ्यांचे चोरट्यांकडून  मोठे नुकसान होत असून अशा चोरट्यांचा बंदोबस्त करण्याची मागणी शेतकर्‍यांतून होत आहे. चोरट्यांनी विद्युत मोटर केबलमधील तांब्याची तार काढून त्याचे कव्हर तिथेच टाकले आहेत.  

  तेरवाड / शिवार न्यूज नेटवर्क : शिरोळ तालुक्यातील तेरवाड येथील सदाशिव माळी यांच्या मळ्यात बसविण्यात आलेल्या बकऱ्यांच्या कळपावर कोल्ह्यांनी हल्ला करून १५ ते १६ बकऱ्यांची पिल्ले ठार केल्याची घटना गुरुवारी सायंकाळी घडली होती, या घटनेची माहिती घेवून आज शुक्रवारी सकाळी वनविभागाच्या वतीने या घटनेचा पंचनामा करण्यात आला असून या बकऱ्यांवर कोल्हयानेच हल्ला केल्याचा अंदाज वनविभागाने वर्तविला आहे. तेरवाड येथील सदाशिव माळी यांच्या मळ्यामध्ये हेरवाड येथील शाम आरगे, बंडू देबाजे, दत्ता वाघे यांच्या बकऱ्यांचे कळप शेतात बसविण्यात आले होते. मेंढपाळ शेतात बकऱ्यांची पिल्ले बंदिस्त करुन बकरी चरविण्याकरीता गेले होते, कोल्ह्यांनी मिळालेल्या संधीचा फायदा घेवून कळपातील बकऱ्याच्या पिल्लांवर जबर हल्ला केला. यानंतर लोकप्रतिनिधी तसेच यशवत सेनेच्या पदाधिकाऱ्यांनी घटनास्थळी भेट देवून वनविभागाला याबाबतची माहिती दिली होती. या माहितीनुसार वनविभागाचे वनरक्षक एम.डी नवाळे, वनपाल आर. के. देसा तसेच शासकीय अधिकाऱ्यांनी या घटनेचा पंचनामा केला. यावेळी वनविभागाने हा हल्ला कोल्ह्यानेच केला असल्याचा अंदाज वर्तविला. यावेळी पं...

  हेरवाड / शिवार न्यूज नेटवर्क : गेल्या अनेक वर्षापासून बिनविरोध निवडणूक होत असलेल्या येथील हेरवाड विविध कार्यकारी विकास सेवा सोसायटीच्या निवडणूकीसाठी मोठ्या हालचाली सुरु झाल्या असल्याचे समजते, सभासद व गावातील काही नेते या सोसायटीच्या निवडणूकीसाठी स्वतंत्र पॅनेल उभे करणार असल्याची चर्चा हेरवाड गावात सुरु असल्याने सत्ताधारी गटाला निवडणूक लढवावी लागणार ? की निवडणूक बिनविरोध होणार ? याकडे हेरवाड गावचे लक्ष लागून राहिले आहे. कोल्हापूर जिल्हा बँकेच्या निवडणूकीतील लाख मोलाच्या मतांमुळे शिरोळ तालुक्यातील सेवा सोसायट्यांच्या निवडणूकीलाही महत्व प्राप्त झाले आहे. शिरोळ तालुक्यातील विविध गावात सेवा सोसायट्यांच्या निवडणूका होत आहेत, तर काही बिनविरोध होत आहेत. जिल्हा बँकेच्या निवडणूकीनंतर शिरोळ तालुक्यातील सेवा सोसायटीतील सभादांच्याही आशा पल्लवीत होत आहेत. त्यामुळे शिरोळ तालुक्यात निवडणूकीच्या हालचाली गतीमान झालेल्या आहेत. तसेच काही सेवा सोसायटीत सभासदांना विश्वासात न घेता सुरु असलेला कारभार, कमी डिव्हीडंड वाटप, संचालकांचा मनमानी कारभार यामुळे शिरोळ तालुक्यातील बहुतांशी सेवा सोसायट्यांच्या निव...

  हेरवाड / शिवार न्यूज नेटवर्क : शिरोळ तालुक्यातील तेरवाड येथील सदाशिव माळी यांच्या मळ्यात बसविण्यात आलेल्या बकऱ्यांच्या कळपावर कोल्ह्यांनी हल्ला करून १५ ते १६ बकऱ्याची पिल्ले ठार करून त्यातील ७ बकरी पळवून नेल्याची घटना गुरुवारी सायंकाळी ७.३० वाजण्याच्या सुमारास घडली असून या हल्यामुळे मेंढपाळ वर्गात भीतीचे वातावरण पसरले आहे. याबाबत घटनास्थळावरून मिळालेली अधिक महिती अशी की, तेरवाड येथील सदाशिव माळी यांच्या मळ्यामध्ये हेरवाड येथील शाम आरगे, बंडू देबाजे, दत्ता वाघे यांच्या बकऱ्यांचे कळप शेतात बसविण्यात आले होते. मेंढपाळ शेतात बकऱ्याची पिल्ले बंदिस्त करून बकरी चरविण्याकरीता गेले होते, कोल्ह्यांनी मिळालेल्या संधीचा फायदा घेवून कळपातील १६ बकऱ्यांच्या पिल्लावर कोल्यांनी जबर हल्ला केला. यावेळी गोंधळ उडाल्यानंतर त्यातील सात बकरी घेवून कोल्ह्यांच्या टोळक्याने तेथून पळ काढला. या हल्ल्यात मेंढपाळ वर्गात भीतीचे वातावरण निर्माण झाले आहे. दानोळी परिसरानंतर आता हेरवाड-तेरवाड परिसरात मेंढ्यांच्या कळपावर बकत्यांनी हल्ला चढविल्यामुळे मेंढपाळ वर्गाचे मोठे नुकसान होत आहे. या घटनेची माहिती मिळताच हेरवाड...

  राहुल डोंगरे / शिवार न्यूज नेटवर्क : चिंचवाड, ता. शिरोळ येथील मळाभाग येथील पाणी पुरवठा पाइपलाईनच्या इयर व्हॉल्वला मोठी गळती झाली आहे. मोठ्या प्रमाणात पाणी वाया जात असल्याने मळाभागात पाणीपुरवठा सुरळीत होत नाही. गेल्या आठ दिवसापासून पाणी वाया जात असून ग्रामपंचायतीने याकडे दुर्लक्ष केले आहे. चिंचवाड येथे पाणी पुरवठा पाइपलाईनच्या मेन लाईनला ठिकाणी पाण्याची गळती होत असल्याची तक्रार पंधरा दिवसापूर्वी आंदोलन अंकुशचे आप्पासो कदम यांनी केले होते. या तक्रारीनंतर व्हॉल्व दुरुस्त करण्यात आले होते. मात्र दुरुस्त केल्यानंतर दोनच दिवसात पुन्हा हॉल्व नादुरुस्त झाल्यामुळे मोठ्या प्रमाणात पाणी वाया जात आहे.  गेल्या आठ दिवसापासून वारंवार तक्रार करूनही याकडे ग्रामपंचायतीने दुर्लक्ष केले आहे. वाल्व लवकर दुरुस्त करा व मळा भागातील पाणीपुरवठा सुरळीत करा, अन्यथा आंदोलन करण्याचा इशारा आंदोलन अंकुशचे आप्पासो कदम यांनी दिला आहे.

  हेरवाड / शिवार न्यूज नेटवर्क : हेरवाड (ता. शिरोळ) येथील सामाजिक कार्यकर्ते सरदार जमादार यांची ऑल इंडिया मुस्लिम ओबीसी संघटनेच्या हेरवाड अध्यक्ष पदी निवड करण्यात आली. सरदार जमादार हे सामाजिक कार्यात नेहमी अग्रेसर असतात. त्यांच्या या कार्याची दखल घेऊन त्यांची अध्यक्षपदी निवड करण्यात आली. कुरुंदवाड येथे झालेल्या ऑल इंडिया मुस्लिम ओबीसी ऑर्गनायझेशन यांच्याकडून निवड पत्र प्रदान कार्यक्रम घेण्यात आला.  यावेळी पश्चिम महाराष्ट्र अध्यक्ष डॉ. एम.जी. बागवान, तालुका अध्यक्ष मियाखान मोकाशी, जिल्हा सरचिटणीस अन्सार पटेल, दाऊद मुल्लाणी, जमीर मुल्ला, रमजान नदाफ त्याच बरोबर ऑल इंडिया मुस्लिम ओबीसी संघटनेचे पदाधिकारी उपस्थित होते. यावेळी ऑल इंडिया मुस्लिम ओबीसी संघटना हेरवाड अध्यक्ष पदी निवड झाल्याचे निवड पत्र सरदार जमादार यांना देण्यात आले.

   राहुल डोंगरे / शिवार न्यूज नेटवर्क :   शिक्षण आणि नोकरी निमित्ताने बालपणी मित्रापासून कोसो दूर राहणाऱ्या मित्रांना एकत्र जिव्हाळ्याचे स्नेह संमेलन म्हणून बॅच 1996 च्या इयत्ता पहिली च्या विद्यार्थी - विद्यार्थीनी यांचा अर्जुनवाड ता. शिरोळ येथील विद्या मंदिर मराठी शाळेत स्नेह संमेलन सोहळा पार पडला . मात्र, यावर्षी कोरोनाचा संसर्ग लक्षात घेता या जिवाभावाच्या सोहळ्यात खंड पडू नये म्हणून कोरोना चे सर्व नियम काटेकोर पणे पार पाडण्यात आले   या कार्यक्रमाचे प्रस्तावाना प्रवीण घाटगे तर सूत्रसंचालन दिग्विजय ढवळे यांनी केले. उपस्थित शिक्षक हलवाई सर, बी. पी. पाटील सर, हिम्मत पाटील सर, भूपाल चौगुले सर यांची पाहुणे म्हणून उपस्थित होते.उपस्थित मान्यवर यांच्या हस्ते फोटो पूजन करण्यात आले त्यानंतर दिवंगत शिक्षक आणि विद्यार्थी यांना आदरांजली देण्यात आली सर्व विद्यार्थी -विद्यार्थीनी यांनी आपले मनोगत आणि आपले व्यवसाय, नोकरी आदी ठिकाणी काम करीत असल्याचे संगितले जुन्या आठवणी ना उजाळा प्रत्येक जण आवर्जून करीत होता. फॅनी गेम ही घेण्यात आले. त्यानंतर विद्या मंदिर मराठी शाळेच्या माजी...

शिवार न्यूज नेटवर्क : मुख्यमंत्र्यांच्या मंजुरीनंतर मंत्र्यांच्या शासकीय निवास्थानांचं नामांतर करण्यात आलं आहे. राज्यातील सर्वच दुकानात मराठी भाषेत फलक लावण्याचा निर्णय राज्य मंत्रिमंडळाच्या बैठकीत झाल्यानंतर आता मंत्र्यांच्या बंगल्यांची नावसुद्धा बदलली जात आहेत. राज्य मंत्रीमंडळातील सर्व मंत्र्यांचे शासकीय निवासस्थान असलेल्या बंगल्यांना आता गड आणि किल्यांची नावं देण्यात येणार आहे. त्यामुळे आता मंत्र्यांचे बंगले गड-किल्ल्यांच्या नावाने ओळखले जाणार आहेत. राज्यभरातील शिवप्रेमींनी यासाठी सतत पाठपुरवठा केला होता. या संदर्भात त्यांनी उच्च आणि तंत्र शिक्षण मंत्री उदय सामंत यांच्याकडे प्रस्ताव दिला होता. उदय सामंत यांनी या प्रस्तावावर सकारात्मक पाठपुरवठा केला. मुख्यमंत्री उद्धव ठाकरे यांच्या अंतीम मंजुरीनंतर मंत्र्यांच्या शासकिय निवास्थानांचं नामांतरण करण्यात आलं आहे. यामध्ये मंत्री उदय सामंत यांचा बंगला आता रत्नसिंधू या नावावे ओळखला जाणार असून मंत्री आदित्य ठाकरे यांच्या बंगल्याला रायगड या नावाने संबोधले जाणार आहे. शिवप्रेमींनी सातत्याने पाठपुरावा केल्यानंतर मंत्री उदय सामंत यांनी या प्रस्ता...

  जयसिंगपूर / शिवार न्यूज नेटवर्क : शिक्षण क्ष्रेत्रात अल्पावधीतच आपले नाव जगाच्या कानाकोपऱ्यात पोहचविलेल्या संजय घोडावत विद्यापीठाच्या स्कुल ऑफ कॉमर्स अँड मॅनेजमेंट विभागाच्या २१ विद्यार्थ्यांची इंडियामार्ट कंपनीमध्ये निवड झाली आहे. त्यांना वार्षिक ४ लाखांचे पॅकेज प्राप्त झाले. घोडावत विद्यापीठाने कमी कालावधीतच अनेक मानांकने मिळवून आपला शैक्षणिक दर्जा उंचावला आहे. दरवर्षी संजय घोडावत विद्यापीठाच्या ट्रेनिंग व प्लेसमेंट विभागामार्फत अनेक राष्ट्रीय व आंतरराष्ट्रीय स्तरावरील नामवंत कंपन्यांचे कॅम्पस ड्राईव्ह आयोजित केले जातात. इंडिया मार्ट एक प्रख्यात कंपनी असून जगभरात विविध देशात या कंपनीच्या शाखा आहेत. ऑनलाईन विक्री व खरेदी क्षेत्रात या कंपनीने आपला नावलौकिक प्राप्त केला आहे. नैसर्गिक कलचाचणी, तांत्रिक फेरी, एच आर मुलाखत या निकषाच्या आधारे या विद्यार्थ्यांची निवड झाली आहे. या निवडीसाठी संस्थेचे ट्रेनिंग व प्लेसमेंट विभागाचे प्रमुख प्रा.स्वप्निल हिरीकुडे, ट्रेनिंग व प्लेसमेंट ऑफिसर मकरंद जोशी व फॅकल्टी कोऑर्डिनेटर्स प्रा.रोहित लांडगे, प्रा.निकिता निल्ले यांचे सहकार्य लाभले....

कुरुंदवाड / शिवार न्यूज नेटवर्क : कुरुंदवाड येथील फिनिक्स कॉम्प्युटरच्या वतीने मकर संक्रांतीचे औचित्य साधून शहरातील शासकीय कार्यालये, बँका, आरोग्य केंद्र आणि पोलिस ठाणेमध्ये तिळगुळ वाटपाचा कार्यक्रम कोरोनाचा प्रादुर्भाव टाळावा म्हणून जनजागृतीचे स्लोगनचे पोस्टर बनवून शहरातील चौका - चौकात लावून सामाजिक बांधिलकी जोपासली आहे. त्यांच्या या कार्याचे परिसरातून कौतुक केले जात आहे. कुरुंदवाड येथील फिनिक्स कॉम्प्युटरच्या वतीने शहरात विविध सामाजिक उपक्रम राबविले जाते. याचाच एक भाग म्हणून मकर संक्रांतीचे औचित्य साधून शहरातील विविध ठिकाणी तिळगुळ वाटपाचा कार्यक्रम घेवून कोरोनाबाबत जनजागृती करण्यात आले. यावेळी फिनिक्स कॉम्प्युटरचे अजय भाट, क्लासच्या सीनियर काजल कांबळे, दीप्ती जुगळे व सर्व स्टाफ उपस्थित होता.

  शिवार न्यूज नेटवर्क : उपमुख्यमंत्री अजित पवार यांच्या मोबाईल क्रमांकाचा वापर करत त्यांचा पी ए बोलत असल्याचे सांगून एका बांधकाम व्यावसायिकाला धमकी देत 20 लाख रूपयांची खंडणी मागून त्यातील 2 लाख रूपये स्वीकारण्याचा धक्कादायक प्रकार समोर आला आहे. याप्रकरणी गुन्हे शाखेच्या युनिट 1 च्या पथकाने सापळा रचून 6 जणांना अटक केली आहे. याप्रकरणी बांधकाम व्यावसायिक अतुल जयप्रकाश गोयल (वय ४७, रा. वानवडी) यांनी बंडगार्डन पोलिसांकडे फिर्याद दिली आहे. याबाबत पोलिसांनी दिलेल्या माहितीनुसार, किरण काकडे हा मुख्य सुत्रधार असून त्याने गुगल प्ले स्टोअरमधून फेक कॉल अ‍ॅप नावाचे अ‍ॅप डाऊनलोड करुन उपमुख्यमंत्री अजित पवार यांच्या मोबाईल क्रमांकाचा वापर केला. त्यावरुन त्याने दहा दिवसांपूर्वी अतुल गोयल यांना फोन केला. गोयल यांना तो अजित पवार यांच्याकडून फोन आला, असे वाटले. फोनवरुन त्याने आपण पी ए चौबे बोलतोय असे भासविले. हवेली तालुक्यातील वाढे बोल्हाई येथील शिरसवडी येथील जमिनीसंदर्भातील वाद मिटवून टाका, असे खोटे सांगून वाद मिटविला नाही तर तुम्हाला गावात पाऊल ठेवू देणार नाही, तुमचा कोणताही प्रकल्प होऊ देणार नाही,...

  बोरगाव येथे श्री जीनलक्ष्मी सौहार्द सहकारी संस्थेचे थाटात उद्घाटन अजित कांबळे / शिवार न्यूज नेटवर्क :         शासकीय स्तरावर शेतकऱ्यांसाठी विविध योजना राबविण्यात येते पण अंमलबजावणी  वेळेवर होत नाही. शेतकऱ्यांचे अडीअडचणी लक्षात घेऊन गरजवंतांना वेळेत पत मंजूर करून शेतकऱ्यांचा जीवन उंचवण्याचा प्रामाणिक प्रयत्न ग्रामीण भागातील सहकारी संस्था व संघ करीत आहेत. गाव, समाज व शेतकऱ्यांचे ऋण फेडण्यासाठी येथील युवकांनी एकत्रित येऊन श्री जीनलक्ष्मी संस्थेची स्थापना केली आहे .या संस्थेकडून भविष्यात सहकार क्षेत्राबरोबरच  सामाजिक कार्याला ही प्राधान्य मिळून सहकार क्षेत्राला एक आदर्श संस्था  व्हावी अशी सदिच्छा शिवमोगा जिल्ह्यातील नरसिंह राजपुर जैन मठाचे परमपूज्य स्वस्ती श्री लक्ष्मीसेन भट्टारक महास्वामीजी यांनी व्यक्त केले. बोरगाव येथे श्री जीनलक्ष्मी सौहार्द सहकारी संस्थेचे उद्घाटन परम पूज्य स्वस्ति श्री लक्ष्मीसेन स्वामीजी, डॉक्टर श्रद्धानंद स्वामीजी यांच्या दिव्य सानिध्यात युवा नेते उत्तम पाटील यांच्या प्रमुख उपस्थितीत करण्यात आले. प्रारंभी उपस्थित मान्यवरांच्...

अजित कांबळे / शिवार न्यूज नेटवर्क :      बोरगाव येथे नव्याने सुरू करण्यात येणाऱ्या श्री जिन लक्ष्मी सौहार्द सहकारी संस्थेचा बुधवार 12 रोजी सकाळी 11.30 वाजता शुभारंभ करण्यात येणार असल्याची माहिती संस्थेचे प्रमुख सागर मिरजे यांनी दिली.       श्री लक्ष्मीसेन भट्टारक महास्वामीजी व श्रद्धानंद महास्वामीजी यांच्या दिव्य सानिध्यात सहकाररत्न रावसाहेब पाटील (दादा), माजी जिल्हा पंचायत सदस्य अण्णासाहेब हवले,युवा नेते उत्तम पाटील यांच्यासह सुनील नांगरे-पाटील यांच्या प्रमुख उपस्थितीत करण्यात येणार आहे.         शहरातील ठेवीदारांच्या ठेविला एक विश्वसनिय संस्था लाभावी,त्याचबरोबर शेतकरी, नागरिक,व्यावसायिक सभासदाना आर्थिक उन्नतीसाठी वेळेत आर्थिक सहकार्य करता यावे यासाठी युवा मित्रांच्या कल्पनेतून या ठिकाणी या संस्थेची उभारणी करण्यात येत आहे.       आज आधुनिकीकृत अनेक सहकारी संस्थेची स्थापना करण्यात आलेली असतानाही केवळ जनतेचे हित डोळ्यासमोर ठेवून अल्पावधीत दीर्घ मुदतीची कर्जे देण्याबरोबरच गरजवंतांना आर्थिक सहायता करण्याच्या उद्देशाने जिनलक्ष्...

 प्रा.अमोल सुंके / शिवार न्यूज नेटवर्क :     शिरोळ तालुक्यातील सर्वार्थ संपन्न असलेल्या अकिवाट गावच्या ग्रामपंचायतीच्या उपसरपंचपदी श्रीमती कुसुम रावसाहेब दानोळे यांची निवड करण्यात आली.निवडीचे पत्र सरपंच विशाल चौगुले यांनी दिले.       अगोदरच्या उपसरपंच सौ. जयश्री पाटील यांनी आपल्या पदाचा राजीनामा दिला व रिक्त पदावर दानोळे यांची नियुक्ती करण्यात आली. उपसरपंच पदाची वर्णी लागल्यानंतर श्रीमती दानोळे यांच्यावर अकिवाट गावाचा विकास करण्याची मोठी जबाबदारी आहे. याप्रसंगी श्रीमती दानोळे म्हणाल्या की, "माझ्यावर उपसरपंच पदाची जबाबदारी देऊन मला सामाजिक कार्य व गावाचा विकास करण्याची जबाबदारी सोपविली. त्यास मी कटिबद्ध असून ,मी माझे काम उत्तम पद्धतीने व प्रामाणिकपणे पार पाडेन" अशाप्रकारे त्यांनी आश्वासित केले. सदर प्रसंगी सरपंच विशाल चौगुले, ग्रामसेवक निर्मळे, कुमार रायनाडे ,अण्णासो पाणदारे व सर्व ग्रामपंचायत सदस्य इत्यादी उपस्थित होते.  श्रीमती कुसुम रावसो दानोळे यांची उपसरपंचपदी निवड झाल्याबद्दल त्यांच्यावर सर्व स्तरातून अभिनंदन आणि शुभेच्छांचा वर्षाव होत आहे.

  दानोळी / शिवार न्यूज नेटवर्क :             येथील वारणा नदीत रविवारी सकाळी मृत अवस्थेतील मगर आढळून आली. आज दोन तासांच्या शोध मोहिमे नंतर मृत मगर सापडली. पंचनामा करून दफन विधी करण्यात आला.           सोमवारी सकाळी वनविभागाने ग्रामस्थांच्या मदतीने नदी पात्रात शोध मोहीम सुरू केली. मळी परिसरात मृत मगर दिसून आली. मगरीला पाण्यातून बाहेर कढण्यासाठी ग्रामस्थ इसाक नदाफ, सोहेल नदाफ, इर्शाद नदाफ , पोलीस पाटील प्रशांत नेजकर, ग्रामपंचायत कर्मचारी बंडा यादव, सहारा ऍनिमल फाऊंडेशनचे अक्षय मगदूम, मालोजी माने, सागर पाटील, विजय पाटील यांनी परिश्रम घेतले.             यावेळी वनपाल रॉकी देसा, एस.एस शिरोळकर, म. द. नवाळी, मोहन देसाई, लहू भंडारी, भगवान भंडारी, हरी जाधव, दिलीप पाटील. ग्रामसेवक के.आर.बागुल, तलाठी महेश नागरगोजे, कोतवाल अकबर मुल्लानी उपस्थित होते. पशुवैद्यकीय अधिकारी रवींद्र देशमुख यांनी पंचनामा करून नदी काठावर दफन करण्यात आले.

  जयसिंगपूर /  शिवार न्यूज नेटवर्क : भारत सरकारच्या शिक्षण मंत्रालयाकडून घेण्यात आलेल्या अटल रँकिंगमध्ये (अटल रँकिंग ऑफ इन्स्टिट्यूशन्स ऑन इंनोव्हेशन अचिव्हमेंट (एआरआयआयए)) संजय घोडावत विद्यापीठाला खाजगी व अभिमत विद्यापीठ गटातून ''प्रॉमिसिंग बँड'' म्हणून बहुमान प्राप्त झाला आहे. भारत सरकारच्या शिक्षण मंत्रालयाकडून हे रँकिंग देण्यात आले आहे. या रँकिंगसाठी विविध निकष लावण्यात आले असून यामध्ये अर्थसंकल्प व निधी, इन्फ्रास्ट्रक्चर, सोयीसुविधा, नवकल्पना निर्मिती, रोजगारनिर्मितीला चालना, नाविन्यपूर्ण शिक्षण पद्धती आणि अभ्यासक्रम, बौद्धिक निर्मिती, तंत्रज्ञान आणि व्यावसायिकीकरण, प्रशासनातील नाविन्यता इत्यादी निकष काटेकोरपणे तपासूनच हे रँकिंग देण्यात आले आहे अशी माहिती विश्वस्त विनायक भोसले व कुलगुरू डॉ.अरुण पाटील यांनी दिली. भारत सरकारकडून ही क्रमवारी नुकतीच जाहीर केली असून शासनाच्या अधिकृत संकेतस्थळावर हे रँकिंग प्रसिद्ध करण्यात आले आहे. या रँकिंग मध्ये महाराष्ट्रातील तीन विद्यापीठाचा समावेश असून घोडावत विद्यापीठ त्यापैकीच एक आहे. संजय घोडावत विद्यापीठामार्फत प्रामुख्याने लिब...

  पाचवा मैल चेकपोस्टला तहसिलदारांची भेट अजित कांबळे / शिवार न्यूज नेटवर्क : महाराष्ट्र राज्य बरोबर कर्नाटक राज्यातही कोरोनाचा प्रादुर्भाव  वाढत आहे ,त्यामुळे राज्य सरकारने खबरदारी म्हणून विकेंड कर्फ्यू लागू केले आहे. यासाठी सीमाभागातील नागरीक सहकार्य  करणे गरजेचे आहे. तालुका प्रशासन कोरोनाला रोखण्यासाठी अथक प्रयत्न करीत आहे. यासाठी सीमाभाग व महाराष्ट्र जवळ असलेल्या बोरगाव येथे दोन चेकपोस्ट उभारण्यात आले असून त्याठिकाणी 24तास अधिकारी कार्यरत आहेत. सर्वांनी सरकारच्या आदेशाचे काटेकोर पालन करावे असा इशारा निपाणीचे तहसीलदार मोहन भस्मे यांनी दिला. आज विकेंड कर्फ्यू च्या पार्श्वभूमीवर बोरगाव जवळील आयको व पाचमैल येथे उभारण्यात आलेल्या चेकपोस्टला त्यांनी भेट देऊन पाहणी केली. येथे कार्यरत असलेले अधिकारी परराज्यातून येणाऱ्या ची rt-pcr प्रमाणपत्र तपासावे.आर. टी.पी.सी.आर. प्रमाणपत्र असेल तरच त्यांना राज्यात प्रवेश द्यावा अन्यथा नाकारावा. जिल्ह्यात वाढता कोरोणाचा परिस्थिती पाहून आणखी कठोर नियम लागू करायचे अधिकार जिल्हाधिकाऱ्यांनी दिले आहेत .त्यामुळे तालुक्यात कडक निर्बंध जारी करण्यात आ...

शिवार न्यूज नेटवर्क :  राज्यात कोरोना (corona) आणि ओमायक्रॉनच्या रुग्ण संख्येत वाढ होत आहे. त्यामुळे आता राज्य सरकारने (mva government)रात्री 11 ते सकाळी 5 वाजेपर्यंत संचारबंदी (night curfew Maharashtra) लागू करण्यात आली आहे. मुख्यमंत्री उद्धव ठाकरे यांच्या अध्यक्षतेखाली आज कोरोना परिस्थितीचा आढावा घेण्यात आला. त्यानंतर राज्यात रात्रीची संचारबंदी लागू करण्यात आली आहे. राज्यात रात्रीची संचारबंदी लागू करण्यात आली आहे. रात्री 11 ते सकाळी 5 पर्यंत राज्यात सर्वत्र संचारबंदी असणार आहे. उद्या मध्यरात्रीपासून राज्यात कडक निर्बंध लागू होईल. तर राज्यात आता दिवसा जमावबंदी लागू करण्यात आली आहे. दिवसा ५ पेक्षा अधीक लोकांना एकत्र येता येणार नाही. रात्री फक्त अत्यावश्यक सेवा सुरू राहणार आहे. अशी आहे नवीन नियमावली हे राहणार बंद - स्विमिंग पूल, जिम, स्पॉ, वेलनेस सेंटर आणि ब्युटी सलून बंद - सलून रात्री १० ते सकाळी ७ वाजेपर्यंत बंद - मैदाने, उद्याने आणि पर्यटन स्थळे पूर्णत: बंद करण्याचा निर्णय घेण्यात आला आहे. - मनोरंजन पार्क, प्राणी संग्रहालय, किल्ले, वस्तूसंग्राहलय, स्नानिक पर्यंटन केंद्र पुर्णपणे ...

कुरुंदवाड / शिवार न्यूज नेटवर्क :  कुरुंदवाड येथील आंबी गल्लीतील पितळी भांडी, देव घरातील मूर्ती पॉलीस करून देतो असे सांगून घरात शिरून भांडी पॉलीस करून झाल्यावर दागिन्यांना पॉलिश करून देण्याच्या बहाण्याने आलेल्या संशयित दोन भमट्यानी तीन तोळे सोन्याच्या दागिने लंपास केल्याची घटना शनिवारी सकाळी 10 वाजता घडली या चोरीत आणखीन दोघेजण घराबाहेर रस्त्यावर उभे असल्याचे सीसीटीव्ही कॅमेरा मध्ये कैद झाले. आहे. सीसीटीव्ही कॅमेरामुळे तपासाची चक्रे गतिमान झाली आहेत. शनिवारी सकाळी 10 वाजणेच्या सुमारास कुरुंदवाड येथील आंबी गल्ली येथे अंदाजे 35 वर्षे वयाचे दोन अनोळखी भामट्यानी करत पितळी भांडी व देवाऱ्यातील पितळी देवमूर्ती पॉलिश करून देतो असे सांगून सदर वस्तू पॉलिश करून देत विश्वास संपादन केले. व यावेळी एका घरातील महिलेच्या हातातील 5 तोळ्यांच्या सोन्याच्या बांगड्या पाहून 2 भामट्यानी या बांगड्या काळपट झाल्या आहेत. यांनाही पॉलिश करून देतो असे सांगून जबरदस्तीने बांगड्या काढून घेतल्या. बांगड्यांना पॉलिश करून परत देत आपला मोबदला घेऊन पसार झाले. काही वेळाने त्यांचा महिलेचा मुलगा घरी आल्यानंतर भांडी-देव मूर्त...

  इचलकरंजी / शिवार न्यूज नेटवर्क :           नेपाळ येथे झालेल्या कराटे कमीते प्रकारच्या चॅम्पियनशिपमध्ये इंचलकरंजी येथील एका गरीब घराण्यातील सुषमा शेटे हिने यश संपादन करून गोल्ड मेडल प्राप्त केले आहे.नेपाळ येथे झालेल्या आंतरराष्ट्रीय कराटे स्पर्धे मध्ये भारतामधून 5 मुलींची निवड झाली होती यामध्ये तेलंगणा राज्यातील 2 तर महाराष्ट्रातून 3 मुलींची निवड करण्यात आली होती.  या तीन मुलींमध्ये इंचलकरंजी शहरातून 2 मुलींची निवड झाली होती. नेपाल इंटरनॅशनल हिरोज चॅम्पियनशिप 2021-2022 ऑर्गनाईजड बाय युथ स्पोर्ट डेवलपमेंट फोरम नेपाळ रजिस्टर बाय इंटरनॅशनल युथ स्पोर्ट अँड एज्युकेशन फेडरेशन हेल्ड रंगशाला पोखरा नेपाल यांचे वतीने ही आंतरराष्ट्रीय स्पर्धा भरविण्यात आली होती. त्यामध्ये इचलकरंजी येथील सुषमा शेटे हिने गोल्ड मेडल मिळवून यश प्राप्त केले. यासाठी तिला प्रशिक्षक म्हणून असलम पटेल यांचे मार्गदर्शन लाभले असलम पटेल हे कोल्हापूर येथे योगा व फिटनेस क्लासेस चालवितात. सुषमा शेटे हिच्या यशाबद्दल शहरातून सर्वत्र कौतुक होत आहे

  कुरुंदवाड / शिवार न्यूज नेटवर्क :  भाजपा प्रदेशाध्यक्ष मा. आ. चंद्रकातदादा पाटील यांच्या प्रेरणेतुन भारतीय जनता युवा मोर्चा कोल्हापुर ग्रामीणचे जिल्हाध्यक्ष पृथ्वीराजसिंह यादव यांनी गेली ५७ दिवस उपोषणास बसलेल्या २२७ ए.सटी कर्मचार्यांना जिवनावश्यक वस्तु किटचे वाटप केले. गेली ५७ दिवस ए.सटी कर्मचारी राज्य सरकारने ए.सटी खात्याचे विलगीकरण करावे या मागणीसाठी लढा देत आहेत. या कर्मचार्यांचे उदरनिर्वाह साधन उपोषणा मुळे थांबले आहे या साठी त्यांच्या संसाराला हातभार लावण्या साठी भाजयुमो तर्फे जिवनावश्यक वस्तुंचे वाटप करण्यात आले. या वेळी शिरोळचे नगरसेवक राजाराम कोळी, इम्रान आत्तार, पंडीत काळे, विजय आरगे, पांडुरंग माने, नेते पोपट पुजारी, विराज यादव, संभाजी भोसले, भाजपा अर्जुनवाड ग्रा.प सदस्य विश्वनाथ कदम, निवृत्त कर्मचारी सतिश आडगुळे, कुटवाड ग्रा.प सदस्य विजय पाटील, नवजीत पाटील, प्रफुल्ल कोळी, विद्यार्थी आघाडी शिरोळ अध्यक्ष प्रतिक पाटील, तालुका उपाध्यक्ष योगराज कोळी, तालुका सरचिटणीस युनुस नदाफ तसेच भाजपा व युवा मोर्चाचे कार्यकर्ते उपस्थित होते.

  कोल्हापूर / शिवार न्यूज नेटवर्क : कोल्हापूर जिल्हा बँकेच्या निवडणुकीत प्रक्रिया संस्था व पतसंस्था गटातील सत्तारूढ गटाच्या उमेदवारांच्या पराभवामुळे नाराज झालेले आमदार डॉ. विनय कोरे हे कोणाला साथ देणार, त्यावर जिल्हा बँकेचा अध्यक्ष ठरणार आहे. सद्यस्थितीत कोरे हे सत्तारूढ गटासोबत असल्याने विद्यमान अध्यक्ष व ग्रामविकास मंत्री हसन मुश्रीफ  हेच अध्यक्षपदाचे प्रमुख दावेदार आहेत. राष्ट्रवादी व काँग्रेसचा समझोता झाल्यास अडीच वर्षांनंतर काँग्रेसलाही अध्यक्षपद मिळण्याची शक्यता आहे. पहिल्यांदा अध्यक्ष कोण होणार आणि कोरे कोणासोबत राहणार, यावर हे गणित अवलंबून आहे.  नव्या संचालक मंडळात राष्ट्रवादीचे म्हणून मुश्रीफ यांच्यासह आठ संचालक आहेत. शिवसेनेचे असूनही राज्यमंत्री राजेंद्र पाटील-यड्रावकर व माजी खासदार श्रीमती निवेदिता माने हे दोघे सत्तारूढ गटातून विजयी झाले आहेत. या दोघांचा पाठिंबा राष्ट्रवादीला राहिल्यास संख्याबळ १० वर पोचते. बँकेच्या राजकारणात मंत्री यड्रावकर व माने मुश्रीफ यांच्यासोबतच राहतील, अशी शक्यता आहे. मात्र, शिवसेनेकडून दबाव आल्यास या दोघांची भूमिका महत्त्वाची ठरणार आहे...

  शिवार न्यूज नेटवर्क : आरोग्य विभाग, म्हाडा परीक्षेतील गोंधळानंतर बहुचर्चित राज्य पात्रता परीक्षेतील (टीईटी) भ्रष्टाचाराची शासनाने गंभीर दखल घेत 2013 नंतर रुजू झालेल्या शिक्षकांचे टीईटी प्रमाणपत्र तपासण्याची मोहीम हाती घेतली आहे. गंडांतर अटळ असून त्याचबरोबर संबंधितांवर फौजदारी गुन्हा दाखल होऊन तुरुंगाची हवा खावी लागणार असल्याने अनेकांचे धाबे दणाणले आहे.  शिक्षक व शाळा मान्यता, वाढीव तुकड्यांना मान्यता यासह शिक्षकांच्या बदल्या, पदोन्नती, वैद्यकीय बिलाबाबत यापूर्वी शिक्षण विभागातील भ्रष्टाचार उघडकीस आला आहे. राज्य परीक्षा परिषदेचे तत्कालीन आयुक्त तुकाराम सुपे यांनी टीईटी परीक्षेत भ्रष्टाचार केला. अपात्र उमेदवारांना उत्तीर्ण करून कोट्यवधी रुपये घेण्याचे प्रकार घडले. या प्रकरणामुळे शिक्षण क्षेत्र हादरले आहे. परीक्षा सुरू झाल्यापासून उत्तीर्ण परीक्षार्थ्यांचे मूळ टीईटी प्रमाणपत्र तपासण्याचा पोलिसांनी शिक्षण विभागावर दबाव टाकला आहे. या पार्श्वभूमीवर राज्य सरकारने 13 फेब-ुवारी 2013 नंतर अनुदानित, अंशत: अनुदानित, विनाअनुदानित शाळांमध्ये पाचवी ते आठवीपर्यंत रुजू झालेल्या शिक्षकांचे मू...

  अजित कांबळे / शिवार न्यूज नेटवर्क :  बेडकिहाळ येथील प्राथमिक कन्नड मराठी मुलांची शाळा येथे रक्तदान शिबिर व आरोग्य शिबीर कै. बसवंत नागु शिंगाडे चॅरिटेबल ट्रस्टच्या वतीने आयोजित करण्यात आले होते. या शिबीराचे संपूर्ण आयोजन शिंगाडे चॅरिटेबल ट्रस्टचे संस्थापक अध्यक्ष डॉ. विक्रम शिंगाडे यांनी केले होते. प्रथम शिबीराच्या कार्यक्रमाचे उद्दघाटन मा. शिवाजी पाटील जेष्ठ गुरुजी, प्रकाश किनीकर जेष्ठ साहित्यिक, कार्यक्रमाचे अध्यक्ष मा. दत्तकुमार पाटील, युवा नेते बेडकिहाळ, डॉ.सुमित्रा भोसले, नंदिनी गारमेट्स च्या संस्थापिका यशस्वी उद्योजिका कोल्हापूर, अशोक झेंडे, ग्राम विकास अधिकारी बेडकिहाळ, ग्राम पंचायत अध्यक्षा सौ मेघा मोहिते, प्रा. डी.एन.दाभाडे,लातुर, शितल खोत यशस्वी उधोजक शमनेवाडी, प्रमोद पाटील, ग्राम पंचायत सदस्य बेडकीहाळ, ऍड सुदर्शन तमन्नवर चिकोडी, ऍड निरंजन कांबळे नेज, जीवन यादव,सामाजिक कार्यकर्ते आदी मान्यवरांच्या हस्ते शिबीराचे उद्घाटन करण्यात आले.        मनोगतामध्ये प्रा.डी.एन. दाभाडे म्हणाले की कार्यक्रम आयोजित करणे इतकी सोपी गोष्ट नाही. त्यासाठी खुप कष्ट घ...

कोल्हापूर / शिवार न्यूज नेटवर्क :  येथील स्पीड न्यूज-24 चॅनेल तर्फे पत्रकार दिनानिमित्त आयोजित केलेल्या कार्यक्रमात शिरोळचे ज्येष्ठ पत्रकार दगडू माने (दै पुण्यनगरी) यांना 'आदर्श पत्रकार' पुरस्काराने सन्मानित करण्यात आले, यावेळी वृत्तपत्र व शैक्षणिक क्षेत्रातील अनेक मान्यवरांनी पत्रकारांना मौलिक मार्गदर्शन केले, कोल्हापूर येथील विश्वेश्वरय्या सभागृह येथे झालेल्या कार्यक्रमाच्या अध्यक्षस्थानी निवृत्त सहायक शिक्षण उपसंचालक संपत गायकवाड होते.           यावेळी विभागीय माहिती कार्यालयाचे उपसंचालक डॉ संभाजी खराट, शिवाजी विद्यापीठ पत्रकारिता व जनसंवाद विभाग प्रमुख प्रा डॉ निशा पवार व पुण्यनगरीचे वृत्तसंपादक राजेंद्रकुमार चौगुले यांच्या हस्ते कोल्हापुरी फेटा ,सन्मानचिन्ह व पुष्पगुच्छ देऊन पत्रकार दगडू माने यांचा गौरव करण्यात आला.           शिरोळ येथील दगडू माने हे वृत्तपत्र क्षेत्रात 29 वर्षे कार्यरत आहेत, सामाजिक ,कृषी, शैक्षणिक, सांस्कृतिक अशा विविध विषयावरील लेखनाबरोबरच शोध पत्रकारिता त्यांनी जोपासली आहे, महापूर व कोरोना नैसर्गिक आपत्ती...

  दानोळी / शिवार न्यूज नेटवर्क : दानोळी (ता.शिरोळ) येथील मधला कुंभोज रोड वर असलेल्या मगदूम यांच्या घरासमोरील सांडपाण्याच्या नाल्यात असलेल्या मगरिस पकडण्यासाठी रात्री उशिरा यश आले.  गेल्या अनेक दिवसांपासून मगरीचे दर्शन होत होते ही मगर पकडण्यासाठी गेली दोन दिवस वनविभाग व प्राणी मित्रांची धडपड सुरू होती. गुरुवारी सायंकाळपासून वनविभागाने शर्तीचे प्रयत्न सुरू केले होते अखेर गुरुवारी मध्यरात्री ही मगर जेरबंद करण्यात आली.  गेल्या चार दिवसापासून ही मगर रस्त्यावर येत होती.या परिसरात लहान मुलांची शाळा,मंदिर,नागरी वस्ती यासह मळ्याभागातील नागरिकांची रहदारी आहे त्यामुळे या परिसरात भीतीचे वातावरण पसरले होते ग्रामपंचायतिच्या, वनविभागाच्या व प्राणी मित्रांच्या सहकार्याने रेस्क्यू करण्यात आले होते. सुमारे दहा तास शर्तीचे प्रयत्न करून या मगरीला पकडण्यात यश आले. या रेस्क्यू साठी अनिमल सहारा फाऊंडेशन, वनविभागाचे कर्मचारी व ग्रामस्थ यांच्या मदतीने या मगरिस पकडण्यात आले. बऱ्याच वेळेला मगरीने सापळ्यातून चुकवा देत त्यातून निसटून गेली परंतु अखेरीस तिला जेरबंद करण्यास यश आलेच. ही मगर पकडून तिचे मे...

  अजित कांबळे / शिवार न्यूज नेटवर्क :   सदलगा विभाग पत्रकार संघाची सन 2022-23 या एक वर्षाच्या सालाकरिता नूतन कार्यकारिणी जाहीर झाली यामध्ये मांगुरचे पत्रकार तानाजी बिरनाळे यांची अध्यक्षपदी येडूरचे ज्येष्ठ पत्रकार विष्णू शिंगाडे यांची उपाध्यक्षपदी सदलगा येथील पत्रकार तानाजी पवार यांची सेक्रेटरी पदी तर गळतगा येथील पत्रकार वैभव खोत यांची खजिनदार पदी बिनविरोध निवड झाली. बोरगाव येथे पार पडलेल्या पत्रकार संघटनेच्या पदाधिकाऱ्यांच्या बैठकी प्रसंगी ही निवड सर्वानुमते बिनविरोध करण्यात आली. अध्यक्षस्थानी सदलगा विभाग पत्रकार संघाचे माजी अध्यक्ष शिवाजी भोरे हे होते. प्रारंभी स्वागत व प्रास्ताविक ज्येष्ठ पत्रकार राजेंद्र कोळी यांनी केले.यानंतर नूतन पदाधिकाऱ्यांचा सत्कार माजी पदाधिकारी यांच्या हस्ते करण्यात आला.   या निवडी प्रसंगी नूतन अध्यक्ष तानाजी बिरनाळे म्हणाले की आज सर्वानुमते आमच्या नूतन पदाधिकाऱ्यांची निवड झाली असून येणाऱ्या काळात सर्वांच्या सहकार्याने पत्रकार संघटनेच्या माध्यमातून जी सामाजिक कार्य सामाजिक उपक्रम राबवता येथील ती प्रामाणिकपणे राबवण्याचा प्रयत्न करू असे सांगितले....

 कोल्हापूर येथे पत्रकार दिनी उद्या होणार मान्यवरांच्या उपस्थितीत पुरस्कार प्रदान कोल्हापूर / शिवार न्यूज नेटवर्क :  येथील स्पीड न्यूज-24 चॅनेल तर्फे आदर्श पत्रकार पुरस्कार शिरोळचे ज्येष्ठ पत्रकार दगडू माने (दै पुण्यनगरी) यांना 'आदर्श पत्रकार पुरस्कार' जाहीर झाला आहे, कोल्हापूर येथे पत्रकार दिन समारंभात आज गुरुवारी सायंकाळी 4 वाजता मान्यवरांच्या उपस्थितीत पुरस्कार प्रदान केला जाणार असून कोल्हापूर ताराबाई पार्क येथील विश्वेश्वरय्या सभागृह येथे हा समारंभ होणार आहे.       श्री दगडू माने हे वृत्तपत्र क्षेत्रात 29 वर्षे कार्यरत आहेत, सामाजिक ,कृषी, शैक्षणिक, सांस्कृतिक अशा विविध विषयावरील लेखनाबरोबरच शोध पत्रकारिता त्यांनी जोपासली आहे, कोल्हापूर जिल्हा परिषदेकडून आचार्य प्र के अत्रे सर्वोत्कृष्ट पत्रकार पुरस्काराने यापूर्वी श्री माने यांचा सन्मान झाला आहे.     कोल्हापूर येथे होणाऱ्या पुरस्कार प्रदान कार्यक्रमास प्रमुख अतिथी म्हणून विभागीय माहिती कार्यालयाचे उपसंचालक डॉ संभाजी खराट, निवृत्त सहाय्यक शिक्षण उपसंचालक संपतराव गायकवाड, डॉ निशा पवार यांच्यासह मान्...

  अजित कांबळे / शिवार न्यूज नेटवर्क : युवा नेते उत्तम पाटील यांच्या नेतृत्वाखालील नगर विकास पॅनलचे नगरपंचायत निवडणुकीत एक हाती सत्ता यावी यासाठी उत्तम पाटील गटाचे कट्टर कार्यकर्ते विजय सिदगोंडा पाटील यांनी नवस बोलले होते.बोलल्या प्रमाणे श्रीक्षेत्र धुळोबा येथे पायी चालत जाऊन आपला नवस पूर्ण केला आहे. विजय पाटील हे गावात वेल्डिंग काम करतात. गेले अनेक दशकापासून पाटील घराण्याशी ते एकनिष्ठ आहेत. प्रत्येक सामाजिक धार्मिक व सांस्कृतिक कार्यक्रमात हिरिरीने भाग घेणाऱ्या विजय पाटील हे शेतकरी कुटुंबातील एक सर्वसामान्य नागरिक आहेत. नगरपंचायत निवडणुकीत उत्तम पाटील व कुटुंबाने घेतलेले परिश्रम पाहत त्यांनीही श्री क्षेत्र धुळोबा येथे नवस मागितला होता .एक हाती सत्ता आल्यास आपण बोरगाव हून श्रीक्षेत्र धुळोबा पर्यंत पायी चालत येतो असे नवस बोलले होते .बोलल्याप्रमाणे त्यांनी बोरगाव होऊन धुळोबा येथे सुमारे 40 किलोमीटर पायी चालत जाऊन आपला नवस पूर्ण केला आहे .त्यामुळे त्यांचे सर्वत्र अभिनंदन केले जात आहे. नवस पूर्ण केल्यानंतर उद्योगपती अभिनंदन पाटील यांनी त्यांचा सत्कार केला व आपल्या कुटुंबावर असच प्रेम...

  अजित कांबळे / शिवार न्यूज नेटवर्क :  नुकत्याच पार पडलेल्या नगर पंचायत पंचवार्षिक निवडणुकीत विजयी नगर विकास पॅनलच्या सर्व नवनिर्वाचित नगरसेवकांचा आज बुधवार दिनी शुभ मुहूर्तावर नगरपंचायत कार्यालयात प्रथमताच प्रवेश करण्यात आला.दरम्यान नगरपंचायत प्रशासनाकडून सर्व नगरसेवकांचा प्रवेश प्रित्यार्थ पुष्पगुच्छ देऊन स्वागत करण्यात आले.       युवा नेते उत्तम पाटील यांच्या उपस्थित प्रवेश झालेल्या सर्व नगरसेवकांनी नगरपंचायत कार्यालयात प्रतिमेचे दर्शन घेऊन कलश पूजन केले दरम्यान नगरसेवक महिला मंडळींनी पूजाअर्चा करून शुभदिनी नगरपंचायत कार्यालयात प्रवेश केला            जनतेने ठेवलेल्या विश्वासास पात्र राहून येणाऱ्या काळात शहरातील उर्वरित सर्वच कामे पूर्णत्वाला नेऊन आपण शहराचा सर्वांगीण विकास करणार असल्याचे युवा नेते उत्तम पाटील यांनी सांगितले यावेळी त्यांच्यासोबत नगर विकास पॅनलचे सर्वहि सोळा विजेते नगरसेवक उपस्थित होते.          यावेळी नगरसेवक अभय मगदूम माणिक कुंभार,प्रदीप माळी,तुळशीदास वसवडे,दिगंबर कांबळे,पिंटू कांबळे,सौ श...