शिवार वार्ता न्यूज नेटवर्क

अनिल जासुद / शिवार न्यूज नेटवर्क : विविध धरणातुन सोडण्यात आलेल्या पाण्यामुळे शिरोळ तालुक्यातील कृष्णेच्या पातळीत दिवसभरात तब्बल सात फुटाने वाढ झाली आहे.   कृष्णा- पंचगंगेचे पाणी पात्राबाहेर पडल्याने तालुक्यातील नदीकाठावरील शेकडो एकर गवत कुरणे पाण्याखाली गेली आहेत.   गेले दोन दिवस कोयना व वारणा धरणपाणलोट क्षेत्रात अतिवृष्टी सुरु होती.यामुळे रविवारी सांयकाळनतंर दोन्ही धरणातील विसर्ग वाढविण्यात आला होता.परिणामी शिरोळ तालुक्यात काहीअंशी पावसाची उघडीप असली तरी दोन्ही नद्यांच्या पाणीपातळीत सतत वाढ होत राहीली आहे.    कृष्णेच्या पातळीत सोमवारी तब्बल सात फुटाने वाढ झाल्याने नृसिंहवाडी दत्त मंदिराला पाण्याचा पुर्ण वेढा पडला आहे.    सद्या धरणपाणलोटक्षेत्रात पाऊस प्रमाण कमी झाले आहे.यामुळे सोमवारी सांयकाळी पाच वाजता कोयना धरणाचे सहा वक्र दरवाजे साडेसहा फुटावरुन चार फुटापर्यंत खाली आणण्यात आले आहेत.यामुळे सोमवारी सकाळी सुरु असलेला एकुण ३१७४६ क्युसेक विसर्ग कमी होऊन सांयकाळी पाचनतंर तो २१८२४ क्युसेक करण्यात आला आहे.तसेच वारणा धरणातुन सुरु असलेला एकुण १४८८० विसर्ग थ...

कुरुंदवाड / शिवार न्यूज नेटवर्क :         बिहारचे मुख्यमंत्री नितीशकुमार यांनी राज्यातील पत्रकारांसाठी ऐतिहासिक निर्णय घेत, त्यांना दरमहा मिळणारे 6 हजार रुपयांचे मानधन वाढवून 15 हजार रुपयांची पेन्शन जाहीर केली आहे. तसेच, पत्रकाराच्या निधनानंतर त्यांच्या पत्नीला दरमहा 10 हजार रुपये पेन्शन देण्याचाही निर्णय घेतला आहे. याच पार्श्वभूमीवर महाराष्ट्रातील पत्रकारांसाठीही अशीच योजना तात्काळ लागू करण्यात यावी, अशी मागणी भीमशक्ती सामाजिक संघटनेचे पश्चिम महाराष्ट्र अध्यक्ष रामदास मधाळे यांनी केली आहे.        मधाळे पुढे म्हणाले की,पत्रकार हा लोकशाहीचा चौथा स्तंभ असून, समाजाला जागरूक, सुसंस्कृत व जबाबदार बनवण्यात त्यांची भूमिका मोलाची आहे. मात्र प्रत्यक्षात पत्रकारांना त्यांच्या कार्यासाठी आवश्यक त्या सुविधा, सुरक्षा वा सन्मान मिळत नाही. महाराष्ट्रातील पत्रकार अनेकदा आपला जीव धोक्यात घालून, गावपातळीपासून ते पोलीस ठाण्यांपर्यंत विविध घटनेचे वार्तांकन करत असतात. परंतु काही वेळा त्यांच्यावर अन्याय होतो, तेव्हा त्यांना ‘अ‍ॅक्रीडेशन कार्ड कुठे आहे?’ असा प्रश्न विचा...

  शिरोळ / शिवार न्यूज नेटवर्क :  जायंट्स ग्रुप शिरोळ सहेली या सामाजिक संस्थेच्या नूतन पदाधिकाऱ्यांचा पदग्रहण आणि शपथविधी सोहळा उत्साहात शिरोळ येथे संपन्न झाला.  ॲड सौ.सुशीला पवार घाटगे यांनी अध्यक्षपदाची शपथ घेतली. तसेच उपाध्यक्षपदी सौ. विजया रावण , सौ. दिप्ती काळे , तसेच इतर पदाधिकारी आणि नवीन सदस्या यांनी शपथ घेतली. या सर्व नूतन कार्यकरिणी व सदस्यांना जायंट्स फेडरेशन दोन क च्या युनिट डायरेक्टर सौ सुनीता शेरीकर यांनी शपथ दिली.  या कार्यक्रमासाठी जायंटस् फेडरेशन दोन क चे अध्यक्ष प्रशांत माळी, जायंट्स वेल्फेअर फाउंडेशनचे केंद्रीय समिती सदस्य ॲड. विलासराव पवार, फेडरेशन दोन कच्या उपाध्यक्षा डॉ.सौ. स्नेहल कुलकर्णी, फेडरेशन ऑफिसर सौ वैशाली माने तसेच विविध संस्थांचे पदाधिकारी उपस्थित होते.  कार्यक्रमाच्या सुरुवातीला दीपप्रज्वलन व जायंटस् प्रार्थना झाल्यावर मान्यवरांच्या हस्ते छत्रपती शिवाजी महाराजांच्या पुतळ्यास हार अर्पण करण्यात आला. त्यानंतर जायंटस् परिवारातील तसेच समाजातील विविध स्तरावरील ज्ञात अज्ञात इहलोकी गेलेल्या व्यक्तीना श्रध्दांजली वाहण्यात आली. स्...

  कृष्णा-पंचगंगा-दूधगंगा नद्यांच्या पातळीत झपाट्याने वाढ इसाक नदाफ / शिवार न्यूज नेटवर्क : शिरोळ तालुका आणि परिसरात सुरू असलेल्या मुसळधार पावसामुळे कृष्णा, पंचगंगा आणि दूधगंगा नद्यांच्या पाणी पातळीत झपाट्याने वाढ होत असून पुरसदृश परिस्थिती निर्माण झाली आहे. याचा थेट परिणाम तालुक्यातील सात प्रमुख बंधाऱ्यांवर झाला असून या मार्गावरील वाहतूक काही दिवसापासून पूर्णतः ठप्प झाली आहे. सध्या तेरवाड, शिरोळ, राजापूर, कनवाड-म्हैशाळ, दत्तवाड-मलिकवाड, दत्तवाड-एकसंबा आणि कोथळी-समडोळी ही सात बंधारे पाण्याखाली गेले आहेत. या बंधाऱ्यांवरून जाणाऱ्या मार्गांवरील वाहनचालकांची व स्थानिक ग्रामस्थांची गैरसोय झाली आहे. कृष्णा, पंचगंगा आणि दूधगंगा नद्यांच्या पात्रात पाणी मोठ्या प्रमाणात वाढल्यामुळे हा परिणाम झाला आहे. राधानगरी धरण पूर्ण क्षमतेने भरल्यामुळे त्यातून मोठ्या प्रमाणावर विसर्ग सुरू करण्यात आला आहे. याशिवाय कोयना धरणातूनही पाण्याचा विसर्ग सुरू असून याचा परिणाम कोल्हापूर जिल्ह्यातील नद्या आणि बंधाऱ्यांवर स्पष्टपणे दिसून येत आहे. पंचगंगा नदीवरील तेरवाड व शिरोळ बंधारे तर कृष्णा नदीवरील म्हैसाळ व राजापू...

  जयसिंगपूर / शिवार न्यूज नेटवर्क :  चोकाक (ता. हातकणंगले) येथील श्री स्वामी समर्थ रोपवाटीकेचे प्रमुख शिवाजी आकाराम पाटील यांना शेती क्षेत्रातील उल्लेखनीय योगदानाबद्दल देवभूमी राष्ट्रीय रत्न पुरस्कार देऊन सन्मानीत करण्यात आले. इन्स्टीट्यूट फॉर सोशल रिफॉर्मस ॲन्ड हायर एज्युकेशन चॅरिटेबल ट्रस्ट उत्तरप्रदेश यांच्यावतीने हा पुरस्कार प्रदान करण्यात आला. 5 जुलै रोजी हा पुरस्कार वितरण सोहळा झाला. या ट्रस्टच्यावतीने देशातील विविध क्षेत्रात उल्लेखनीय कार्य करणाऱ्या व्यक्तींची निवड करून मान्यवरांच्या हस्ते गौरविण्यात येते. शिवाजी पाटील यांनी पदवीपर्यंत शिक्षण घेतल्यानंतर नोकरीच्या मागे न धावता शेतीमध्ये नवनवे प्रयोग केले. याचबरोबर कोल्हापूर- सांगली मार्गालगत चोकाक येथे श्री स्वामी समर्थ रोपवाटीका सुरु केली. याचबरोबर शिरढोण व धरणगुत्ती तालुका शिरोळ व हरिपूर तालुका मिरज जिल्हा सांगली व नारायणगाव जिल्हा पुणे ऊस रोपवाटिकेच्या शाखा सुरू केल्या आहेत.या रोपवाटीकेच्या माध्यमातून शेतकऱ्यांना उत्तम दर्जाची ऊस रोपे उपलब्ध करून देण्याबरोबरच त्यांना मार्गदर्शन करण्याचे काम ते अविरतपणे करीत आहेत. खड...

  संदीप कोले / शिवार न्यूज नेटवर्क : हातकणंगले तालुक्यातील महात्मा गांधी विद्यालय, रुकडी येथे पाचवी ते आठवीच्या विद्यार्थ्यांसाठी पालक सभा आयोजित करण्यात आली. कार्यक्रमाची सुरुवात रयत शिक्षण संस्थेचे संस्थापक कर्मवीर भाऊराव पाटील यांच्या प्रतिमेस पुष्पहार अर्पण करून करण्यात आली. गुरुकुल संकल्पनेबाबत मार्गदर्शन गुरुकुल विभाग प्रमुख सौ. पाटील मॅडम यांनी केले. आठवी शिष्यवृत्ती परीक्षेबाबत श्री. शेलार सर यांनी माहिती दिली, तर एन.एम.एम.एस. (NMMS) परीक्षेच्या तयारीबाबत श्री. कदम यांनी सविस्तर मार्गदर्शन केले. पालक प्रतिनिधी सौ. अनुजा पाटील यांनी शाळेतील शिस्त, शिक्षकांची मेहनत आणि उपक्रमशीलता यामुळे विद्यार्थ्यांमध्ये सकारात्मक बदल दिसून येत असल्याचे स्पष्टपणे सांगितले. कार्यक्रमास उपमुख्याध्यापक श्री. जे. ए. पाटील व पर्यवेक्षक श्री. वजरीणकर सर उपस्थित होते. त्यांनी शाळेतील नवनवीन उपक्रम, विद्यार्थ्यांना भेडसावणारी आव्हाने तसेच रयत शिक्षण संस्था राबवत असलेल्या प्रकल्पांची माहिती आपल्या मनोगतातून मांडली.कार्यक्रमाचे सुत्रसंचालन सौ. बंडगर यांनी तर आभार प्रदर्शन श्री. ए. एम. पाटील सर यांनी ...

शिरोळ / शिवार न्यूज नेटवर्क : गेली ३७ वर्षे मौजे आगर येथे अंगणवाडी सेविका म्हणून शिक्षण सेवेचे कार्य केलेल्या सौ मालनताई पाटील यांनी सेवानिवृत्त समारंभात शुभेच्छारुपी आलेल्या आणि आपल्या परिवारातर्फे विद्यार्थ्यांना वह्याचे वाटप करून सामाजिक उपक्रम राबविला.  सेवानिवृत्त समारंभात सौ मालनताई पाटील यांनी हार पुष्पगुच्छ न स्वीकारता, वह्या स्वीकारून त्या वह्या विद्यार्थ्यांना देण्याचा निर्णय घेतला होता. शुभेच्छासाठी आलेल्या आणि आपल्या परिवाराकडून विकत घेऊन मौजे आगर येथील विद्यामंदिर धाकटे आगर, न्यू इंग्लिश स्कूल मौजे आगर, शिरोळातील राजाराम विद्यालय नं.२, केंद्रीय कुमार शाळा दत्तनगर, कन्या शाळा दत्तनगर शाळेतील विद्यार्थ्यांना वह्यांचे वाटप केले. यावेळी रोटरी क्लब ऑफ शिरोळ हेरिटेज सिटीचे अध्यक्ष मेजर प्रा. के. एम‌. भोसले, माजी अध्यक्ष तुकाराम पाटील (भैय्या), सदस्य चंद्रकांत भाट, यांच्यासह पाटील परिवारातील सदस्य आणि शाळेतील शिक्षक विद्यार्थी मोठ्या संख्येने उपस्थित होते.

  शिरोळ / शिवार न्यूज नेटवर्क : येथील रोटरी क्लब ऑफ शिरोळ हेरिटेज सिटीचे संस्थापक अध्यक्ष रोटे संजय पाटील (माऊली) यांची रोटरी क्लबच्या ३१७० जिल्ह्याच्या क्रीडा प्रमुखपदी निवड करण्यात आल्याचे रोटरी क्लबचे जिल्हा.प्रमुख रोटे अरुण भंडारे यांनी घोषित केले आहे.  जागतिक सामाजिक असणाऱ्या रोटरी क्लबचा ३१७० जिल्ह्यातील विविध पदाधिकाऱ्यांची निवड जिल्हाप्रमुख अरुण भंडारे यांनी घोषित केली आहे. रोटरीच्या क्रीडा विभागाची जबाबदारी रोटे संजय पाटील यांच्याकडे देण्यात आली आहे. रोटरी समुदाय सक्षम करणे, सर्वसामान्यांचे जीवनमान उंचावणे, विविध उपक्रमातून सामाजिक कार्याचा वारसा निर्माण करण्यासाठी एकत्रितपणे रोटरीची सेवा करण्यासाठी विविध पदाधिकाऱ्यांच्या निवडी करून रोटरीचे कार्य समाजासमोर आणण्यासाठी प्रयत्न करण्याचे आवाहन रोटरीचे जिल्हाप्रमुख रोटे अरुण भंडारे यांनी केले आहे. दिलेली जबाबदारी प्रामाणिकपणे पार पाडून लोकाभिमुख समाजकार्य करण्याचे आश्वासन नूतन जिल्हा क्रीडाप्रमुख रोटे संजय पाटील यांनी दिले. रोटे संजय पाटील यांच्या निवडीबद्दल त्यांचे सर्वत्र अभिनंदन होत आहे.

  जयसिंगपूर / शिवार न्यूज नेटवर्क : अतिग्रे येथील संजय घोडावत विद्यापीठाने स्वयंम-एनपीटीईएलतर्फे (IIT मद्रास) तर्फे आयोजित जानेवारी – एप्रिल २०२५ सत्रात उल्लेखनीय यश संपादन केले .'टॉप २०० अ‍ॅक्टिव्ह लोकल चॅप्टर्स' मध्ये आपले स्थान निश्चित करून 'A’ या विशेष श्रेणीत युनिव्हर्सिटीने राष्ट्रीय स्तरावर हजारो लोकल चॅप्टर्समधून निवड होऊन उल्लेखनीय स्थान मिळवले.          १९ जुलै रोजी आयआयटी मुंबई येथे हा सोहळा पार पडला. या सत्रात युनिव्हर्सिटीतून एकूण १५९९ विद्यार्थ्यांनी एनपीटीईएल कोर्सेसमध्ये सहभाग नोंदवला. त्यापैकी – २१ विद्यार्थ्यांना गोल्ड सर्टिफिकेट, ४१९ विद्यार्थ्यांना एलिट, १४२ विद्यार्थ्यांना सिल्व्हर, तर ३९२ विद्यार्थ्यांनी यशस्वीरीत्या कोर्स पूर्ण करून प्रमाणपत्रे प्राप्त केली.तसेच २० विद्यार्थी कोर्स टॉपर्स ठरले.       या यशामध्ये SPOC आणि विद्यापीठाचे कोर्स समन्वयक प्रा. निलेश विजय सबनीस यांचे योगदान अत्यंत महत्त्वाचे ठरले. त्यांना एनपीटीईएलतर्फे विशेष प्रशस्तीपत्र देऊन गौरविण्यात आले आहे. यासोबतच प्रत्येक विभागातील विभागीय समन्वयकांनी ...

  जयसिंगपूर / शिवार न्यूज नेटवर्क : रोटरी ट्रेड सिटीच्या अध्यक्षपदी डॉ. अतिक पटेल,सेक्रेटरी महेंद्र पोरवाल व खजिनदार अॅड. उदय कुलकर्णी यांची निवड करण्यात आली. हा ५ वा पदग्रहण सोहळा शनिवार दि. २६ रोजी सहकारमहर्षि शामराव पाटील यड्रावकर नाट्यगृह येथे संपन्न होणार असल्याची माहिती मावळते अध्यक्ष राकेश पारिक यांनी पत्रकार परिषदेत दिली.     रोटरी क्लब ऑफ ट्रेड सिटी गेल्या ५ वर्षापासून जयसिंगपूर शहर व परिसरात अनेक सामाजिक उपक्रम राबवित आहे. घोसरवाड येथील वृध्दाश्रम हे रोटरी क्लब ऑफ जयसिंगपूर ट्रेड सिटीच्या मदतीने चालू आहे. विविध सामाजिक उपक्रम राबविण्याने रोटरी क्लब ऑफ जयसिंगपूर ट्रेड सिटीचा मोलाचा वाटा आहे. रोटरी वर्ष १ जुलैपासून सुरू होत असून या नवीन वर्षामध्ये २०२५ पदग्रहण सोहळास पदग्रहण ऑफिसर म्हणून रोटे. डिस्ट्रिकट ३१३२ चे माजी प्रांतपाल रोटे. हरिश मोटवाणी (बीड) उपस्थित राहणार आहेत. माजी सहाय्यक प्रांतपाल रोटे. दादा चौगुले, नूतन सहाय्यक प्रांतपाल रोटे. गिरीष कुलकर्णी उपस्थित राहणार आहेत. या पत्रकार बैठकीस रोटे. डॉ. अतिक पटेल, रोटे. महेंद्र पोरवाल, रोटे. अॅड. उदय कुलकर्...

शिरोळ / शिवार न्यूज नेटवर्क : एन्व्हायर्नमेंटल क्लब ऑफ इंडिया पुणेच्या वतीने पर्यावरण क्षेत्रातील उल्लेखनीय कार्याबद्दल दिला जाणारा ‘पर्यावरण जीवन गौरव पुरस्कार’ श्री दत्त कारखान्याचे मार्गदर्शक संचालक गणपतराव पाटील यांना आज पुणे येथे प्रदान करण्यात आला. महाराष्ट्र प्रदूषण नियामक मंडळाचे अध्यक्ष सिद्धेश कदम यांच्या हस्ते पुणेरी पगडी, मानपत्र आणि स्मृतिचिन्ह फिरोदिया सभागृह, पुणे येथे आयोजित कार्यक्रमात हा पुरस्काराचे प्रदान करण्यात आला. पर्यावरण क्षेत्रात गेली 17 वर्षे एन्व्हायर्नमेंटल क्लब ऑफ इंडिया ही संस्था काम करीत असून पर्यावरण क्षेत्रात कार्यरत संस्था आणि व्यक्तींना ‘पर्यावरण भूषण’ आणि ‘पर्यावरण गौरव’ पुरस्काराने दरवर्षी सन्मानित करण्यात येते. शिरोळ तालुका आणि परिसरामध्ये वर्षानुवर्षे क्षारपड असलेली जमीन सुपीक करण्याच्या ध्येयाने गणपतराव पाटील यांनी घेतलेले कष्ट हे निश्चितच पर्यावरण क्षेत्रातील व्यक्तींसाठी प्रेरणादायी ठरणारे आहेत याचा विचार करून हा पुरस्कार प्रदान करण्यात आला आहे. या प्रसंगी एन्व्हायर्नमेंटल क्लब ऑफ इंडियाचे अध्यक्ष आमोद घमंडे, सचिव गणेश शिरोडे व खजिनदार सचिन पा...

हातकणंगले / शिवार न्यूज नेटवर्क :  हातकणंगले तालुक्यातील हिंघणगाव येथील रहिवासी संदीप शिवाजी कोळी यांच्या वैद्यकीय उपचारांसाठी मुख्यमंत्री वैद्यकीय सहाय्यता निधीतून १ लाख रुपयांची आर्थिक मदत मंजूर करण्यात आली आहे. ही मदत आमदार डॉ. अशोकराव माने (बापू) यांच्या पाठपुराव्यामुळे प्राप्त झाली असून, त्यांनी केलेल्या प्रयत्नांमुळे गरजू रुग्णास दिलासा मिळाला आहे. संदीप कोळी यांच्यावर उपचार सुरू असून, त्यांच्या आर्थिक अडचणीची दखल घेत आमदार माने यांनी संबंधित विभागाकडे पाठपुरावा केला. मुख्यमंत्री देवेंद्र फडणवीस, उपमुख्यमंत्री एकनाथ शिंदे, आणि अजित पवार यांच्या सहकार्याने मुख्यमंत्री वैद्यकीय सहाय्यता निधीतून ही रक्कम मंजूर करण्यात आली आहे. ही रक्कम थेट कॅनरा बँकेतील संबंधित रुग्णाच्या खात्यावर वर्ग केली जाणार आहे. “आयुष्य सेवा हीच ईश्वर सेवा” या ध्येयाने प्रेरित होऊन आमदार माने यांनी अद्ययावत जनसेवेचा प्रत्यय देणारे हे कार्य केले. गरजू रुग्णांच्या मदतीसाठी तत्पर राहणाऱ्या आमदार माने यांच्या पुढाकारामुळे हातकणंगले मतदारसंघात समाधान व्यक्त केले जात आहे. या निर्णयामुळे रुग्णाच्या कुटुंबावरचा आर...

  हेरवाड / शिवार न्यूज नेटवर्क : समाजातील विधवा महिलांना २५ हजाराचे अर्थसहाय्य, मुलगी जन्माला आल्यास ५ हजार आणि सर्वात महत्त्वाचे म्हणजे माळी समाजाने राबविलेला नेत्रदानाचा उपक्रम अतिशय कौतुकास्पद आहे. हे उपक्रम राबवून या समाजाने शिरोळ तालुक्यात आदर्श निर्माण केला आहे, असे प्रतिपादन आमदार राजेंद्र पाटील यड्रावकर यांनी केले.  हेरवाड येथे माळी समाजाच्या वतीने संत सावता माळी पुण्यतिथीनिमित्त आयोजित कार्यक्रमात आमदार यड्रावकर बोलत होते.  यावेळी बोलताना आमदार यड्रावकर पुढे म्हणाले, आपली व आपल्या समाजाची प्रगती करायची असेल तर वेगवेगळे उपक्रम राबवून इतरांच्या पुढे आपल्या समाजाचा आदर्श कसा निर्माण होईल यासाठी हेरवाड येथील माळी समाज कार्य करीत आहे. संत सावता माळी यांच्या विचारांचा वारसा हा समाज पुढे नेत आहे. या समाजाच्या सर्वांगीण विकासासाठी मी नेहमी अग्रेसर असेन, असे त्यांनी यावेळी बोलताना सांगितले. दि. २२ जुलै रोजी सकाळी ९ वाजता संत सावता महाराज यांच्या प्रतिमेचे पूजन करण्यात आले. त्यानंतर आयोजित रक्तदान शिबिराला युवक-युवतींनी उत्स्फूर्त प्रतिसाद दिला. "रक्तदान - श्रेष्ठदान" या उ...

कुरुंदवाड / शिवार न्यूज नेटवर्क : गणेश चतुर्थीच्या पार्श्वभूमीवर महिला, ज्येष्ठ नागरिक व भाविक प्रवाशांचा प्रवास सुलभ व किफायतशीर व्हावा, यासाठी राज्य परिवहन महामंडळाच्या कुरुंदवाड आगारातर्फे विविध तीर्थक्षेत्रांसाठी विशेष बससेवेचे नियोजन करण्यात आले आहे. ही सेवा केवळ गणेशोत्सवाच्या कालावधीत मर्यादित असणार आहे, अशी माहिती आगार व्यवस्थापक नामदेव पतंगे यांनी दिली असून भाविकांनी या सुविधेचा लाभ घ्यावा, असे आवाहन त्यांनी केले आहे. या विशेष बसगाड्या कुरुंदवाडहून थेट मालेगाव, गणपतीपुळे, नारायणगड आणि रत्नागिरी येथे सोडण्यात येणार आहेत. या मार्गासाठी संपूर्ण भाडे ९९० रुपये तर अर्धे भाडे ५०० रुपये निश्चित करण्यात आले आहे. पंढरपूर, तुळजापूर आणि अक्कलकोट या प्रमुख तीर्थक्षेत्रांसाठी बससेवा १२०० रुपयांपासून उपलब्ध आहे. अष्टविनायक दर्शनासाठी खास बसगाड्या २५०० रुपये (अर्धे भाडे १२५५ रुपये) दराने उपलब्ध करून देण्यात आल्या आहेत. याशिवाय शिर्डी, शनि शिंगणापूर, त्र्यंबकेश्वर, नाशिक, जोतिबा, महालक्ष्मी मंदिर (कोल्हापूर), वाई, महाबळेश्वर, प्रतापगड, रायगड, देहू, आळंदी आणि पुणे या ठिकाणी जाणाऱ्या बससेवांचाह...

  शिरोळ / शिवार न्यूज नेटवर्क :  मजूर टंचाईमुळे कारखाण्याना मशीन द्वारे ऊस तोडण्याचे नियोजन मोठया प्रमाणात करणे क्रमप्राप्त ठरत आहे पण उसाच्या लहान क्षेत्रात मशीनने ऊस तोडणे अशक्य व नुकसानीचे ठरत आहे त्यामुळे कारखाण्याच्या जवळ असणाऱ्या छोटया शेतकऱ्यांनी एकत्र येऊन खुद तोड खुद वाहतुकीच्या या प्रयोगात भाग घेऊन आपला फायदा करून घ्यावा असे प्रतिपादन आंदोलन अंकुश चे प्रमुख धनाजी चुडमुंगे यांनी शिरोळ येथे केले. ते काल राजाराम शाळेत ऊस उत्पादक शेतकऱ्यांच्या बैठकीत बोलत होते. बैठकीच्या अध्यक्षस्थानी स्वामी विवेकानंद मंडळाचे सचिन देशमुख होते. जवळच्या शेतकऱ्यांचा वेळेत ऊस तुटावा आणि उसाला जादा दर पण मिळावा या उद्देशाने आंदोलन अंकुशने खुद तोड खुद वाहतुकीचा प्रयोग करण्याचे ठरवले आहे या प्रयोगाची माहिती ऊस उत्पादक शेतकऱ्यांना देण्यासाठी संघटनेकडून बैठकां घेतल्या जात आहेत. या प्रयोगाविषयीं माहिती देताना चुडमुंगे पुढे म्हणाले की शेतकऱ्यांनी पूर्वी सारखे पैरा करून किंवा मजुरांच्या मदतीने स्वता ऊस तोडून घ्यायचा, संघटना तो ऊस भरून वाहतूक करणार यातून शेतकऱ्याला 300 ते 700 रुपये उसाला जादा दर मिळ...

  अनिल जासूद / शिवार न्यूज नेटवर्क : न्यू इंग्लिश स्कूल शेडशाळ येथे हिमोग्लोबिन तपासणी व एच पी व्ही लसीकरण आरोग्य केंद्र शेडशाळ यांचे मार्फत पार पडले.हसन मुश्रीफ फाउंडेशन आणि दीपिका फाउंडेशन यांच्यातर्फे एचपीव्ही लसीकरण न्यू इंग्लिश स्कूल शेडशाळ येथे गर्भाशयाच्या कर्करोगाच्या संरक्षणासाठी देण्यात आली. गर्भाशय मुखाच्या कॅन्सर संरक्षणासाठी टिकाकरण उपलब्ध करून भारतातून स्त्रियांच्या गर्भाशयाचे उच्चाटन करण्यासाठी ९ ते २६ या वयोगटातील मुलींसाठी एक डोस दिला गेला. ही लस विवाहपूर्वी घेतल्यास जास्त हितकारक आहे.ही लस अत्यंत सुरक्षित आणि प्रभावी आहे. त्यापासून कोणत्या प्रकारचा धोका नाही असे प्रतिपादन आरोग्य अधिकारी प्रियांका दशवंत यांनी केले.इयत्ता नववी व दहावीतील सोळा विद्यार्थ्यीनींना ही लस देण्यात आली. यापूर्वी सर्वांच्या पालकांची परवानगी घेण्यात आली होती. तसेच इयत्ता सातवी ते दहावीच्या सर्व विद्यार्थ्यीनींचे हिमोग्लोबिन तपासण्यात आले. यासाठी समुदाय आरोग्य अधिकारी प्रियांका दशावंत, आरोग्य सेवक सुलतान दस्तगीर मुजावर, आरोग्य सेविका पुनम भंडारे, वैदेही कोरवी व आशा वर्कर. शोभा आवळे,अक्काताई क...

  शिरोळ / शिवार न्यूज नेटवर्क : येथील इलेक्ट्रिकल कॉन्ट्रॅक्टर व युवा उद्योजक उल्हास उत्तमराव पाटील यांच्या वाढदिवसानिमित्त सामाजिक बांधिलकीतून विविध उपक्रम राबविण्यात आले. अनावश्यक खर्चाला फाटा देऊन शाळा, दवाखाना यासह वृद्धाश्रम संस्थेत झालेल्या कार्यक्रमाला मान्यवरांची उपस्थिती लाभली. दरम्यान, वाढदिवसानिमित्त उल्हास पाटील यांना सामाजिक ,राजकीय, सहकार व उद्योग क्षेत्रातील विविध मान्यवरांनी शुभेच्छा दिल्या           येथील उल्हास पाटील युवा सोशल फाउंडेशन व भैय्या ग्रुप यांच्या वतीने वाढदिवसाचे विविध कार्यक्रम घेण्यात आले. येथील राजाराम प्राथमिक शाळेतील मुलांना मध्यान भोजन देण्यात आले. जिल्हा परिषदेच्या मराठी शाळेच्या शिक्षणाची गोडी लागावी तसेच 'माझी शाळा, आदर्श शाळा ' याविषयी शिक्षक व विद्यार्थ्यांशी संवाद करण्यात आला. त्यानंतर शिरोळ ग्रामीण रुग्णालयातील रुग्णांना फळे वाटप करण्यात आले. यावेळी ग्रामीण रुग्णालयातील वैद्यकीय अधिकारी व कर्मचारी उपस्थित होते.      घोसरवाड येथील जानकी वृध्दाश्रम संस्थेला गव्हू , तेल , कडधान्य व भाजीपाला अशा ज...

   कुरुंदवाड / शिवार न्यूज नेटवर्क : नवभारत शिक्षण मंडळ सांगली संचलित श्री दत्त कनिष्ठ महाविद्यालय कुरुंदवाड या शैक्षणिक संकुलात विद्यार्थ्यांचे आरोग्य तपासणी शिबिर आयोजित करण्यात आले होते. यावेळी महाविद्यालयात शिक्षण घेत असलेल्या सर्व विद्यार्थी व विद्यार्थिनींची आरोग्य तपासणी पार पडली. या आरोग्य तपासणीसाठी वैद्यकीय अधिकारी सौ.रेखा तराळ, श्री. तुषार मधुलकर , ऐश्वर्या भब्बुरे उपस्थित होते.  या शैक्षणिक संकुलात दर्जेदार शिक्षण ,संस्कार याचबरोबर विद्यार्थ्यांच्या आरोग्याची ही काळजी घेतली जाते.दरवर्षी या प्रकारची शिबिर राबवून विद्यार्थ्यांचे आरोग्य तपासणी केली जाते .शैक्षणिक जीवन जगत असताना आरोग्य निरोगी राहणे अत्यंत गरजेचे आहे. वाढत्या वयाबरोबरच होणारे शरीरातील बदल व निष्काळजीपणा याचा धोका ऐन परीक्षेच्या काळात विद्यार्थ्यांना होत असतो.यापासून दूर राहण्यासाठी विद्यार्थ्यांना योग्य मार्गदर्शन व वेळोवेळी आरोग्य तपासणी आवश्यक असते .याच अनुषंगाने या महाविद्यालयामार्फत दरवर्षी आरोग्य तपासणी शिबिर राबविण्यात येते. महाविद्यालयाचे प्राचार्य श्री.आर जे पाटील यांच्या मार्गदर्शनाखाली अ...

शिरोळ / शिवार न्यूज नेटवर्क : महाराष्ट्र राज्याचे मुख्यमंत्री देवेंद्र फडणवीस यांच्या वाढदिवसानिमित्त शिरोळ तालुका भारतीय जनता पार्टी यांच्या वतीने व तालुक्याचे भाजपचे नेते श्री गुरुदत्त शुगर्सचे चेअरमन माधवराव घाटगे यांच्या मार्गदर्शनाखाली शिरोळ तालुक्यात विविध गावामध्ये रक्तदान शिबिराचे आयोजन करण्यात आले . दोनशेहून अधिक रक्तदात्यांनी या शिबिरात उत्स्फूर्तपणे रक्तदान केले . शिरोळ नगरपरिषद चे नगराध्यक्ष अमरसिंह पाटील यांच्यासह विविध पक्षातील कार्यकर्ते यांनी रक्तदान शिबिरास भेट देऊन शुभेच्छा दिल्या . यावेळी कोल्हापूर भाजपचे जिल्हाध्यक्ष राजवर्धन नाईक - निंबाळकर , कुरुंदवाडचे माजी नगराध्यक्ष रामभाऊ डांगे, जिल्हा परिषदचे माजी बांधकाम सभापती सावकार मादनाईक , माजी जि . प सदस्य विजय भोजे , गुरुदत्त शुगरचे संचालक शिवाजीराव माने देशमुख , शिवाजी जाधव - सांगले , माजी तालुकाध्यक्ष मुकुंद गावडे , त्याचबरोबर शिरोळ मंडळाचे अध्यक्ष महेश देवताळे , जयसिंगपूर मंडल चे सचिन ताडे , कुरुंदवाड मंडलचे रमेश चव्हाण , मिलिंद भिडे , राजेंद्र दाईगडे , रमेश यळगुडकर, सुनिल ताडे, सुभाष परीट तसेच जयसिंगपूर , शिरोळ,...

अनिल जासूद / शिवार न्यूज नेटवर्क :  शिरोळ तालुक्यांतील मिरची पिकावर थ्रीप्स रोगांचा प्रादुर्भाव झाला आहे.यामुळे मिरची उत्पादक शेतकर्‍यांना मोठा अर्थिक फटका बसला आहे. गतवर्षी मिरचीने चांगले उत्पन्न मिळवुन दिले होते.म्हणुन यावर्षीही बहुतांशी शेतकर्‍यानी मिरचीचे पिक घेतले आहे. मात्र यावर्षी  मिरचीवर नूरड्या,मुरड्या,लाला कोळी नावाच्या रोगांचा मोठ्या प्रमाणात प्रार्दुभाव झाला आहे. या रोगामुळे मिरचीला तेज,चकाकी राहत नाही.यामुळे मिरचीचा दर्जा घसरला असुन बाजारपेठेत दरही कमी मिळत आहे.वातावरणातील बदलामुळे मिरचीवर विविध रोगांचा प्रार्दुभाव होत आहे.यामुळे पिकाची योग्य वाढ झालेली नाही. वाढ न झाल्यामुळे  उत्पादन कमी मिळत आहे.    गतवर्षी उन्हाळी मिरचीच्या पिकाचे चांगले उत्पादन निघाले होते.दरही चांगला मिळाला होता.यामुळे यावर्षीही बहुतांशी शेतकरी मिरची पिकाकडे वळला.तर काहीनी आतंरपिक म्हणुन ही मिरची पीक घेतले आहे. मिरची ही एक महत्वाचे मसाले पिक असुन  भारतीय आहारात तिचा मोठ्या प्रमाणात वापर होतो.यामुळे मिरचीला वर्षभर मागणी असते. मिरचीचे पीक कोणत्याही हंगामात (उन्हाळा,पावसाळा,...

  तेरवाड / शिवार न्यूज नेटवर्क : हेरवाड ग्रामीण बिगर शेती सहकारी पतसंस्था मर्यादित, हेरवाड शाखा तेरवाड (ता. शिरोळ, जि. कोल्हापूर) या संस्थेने अवघ्या तीन महिन्यांत ५० लाख रुपयांच्या ठेवींचा टप्पा पार करून आर्थिक विश्वसार्हतेचा नवा आदर्श निर्माण केला असल्याची माहिती संस्थापक सुनिल माळी यांनी दिली.  अल्प कालावधीत मिळालेले हे यश सभासद, ठेवीदार व हितचिंतकांच्या सहकार्यामुळे शक्य झाल्याचे मत संस्थेचे अध्यक्ष सुनिल माळी संचालक व कर्मचारी यांनी व्यक्त केले असून त्यांनी सर्वांचे मन:पूर्वक आभार त्यांनी मानले आहेत. संस्थेने ठेवीदारांसाठी आकर्षक व्याजदर जाहीर केले असून ४६ दिवस ते पुढे ८ %, १५ महिने ९.५०%, १ वर्षे - ९ %, दामदुप्पट ९४ महिने, मासिक व्याज परतावा ठेव ८.५०% तर जेष्ठ नागरीकांना ०.५०% ज्यादा व्याजदर विशेष म्हणजे फक्त १० मिनिटांत सोनेतारण कर्ज मिळण्याची सुविधा असून यासाठी केवळ १% मासिक व्याजदर आकारला जातो. संस्थेने ग्राहकांसाठी अनेक सुविधा उपलब्ध करून दिल्या आहेत. त्यामध्ये RTGS, NEFT, SMS व QR कोडद्वारे व्यवहारांची सोय, महिलांसाठी व ज्येष्ठ नागरिकांसाठी विशेष योजना, दैनंदिन ठेव...

कुरुंदवाड / शिवार न्यूज नेटवर्क :        शिरोळ तालुक्यातील अकिवाट परिसरातील शेतकऱ्यांचे टोमॅटो पीक निकृष्ट रोपांमुळे संपूर्णपणे फसल्यानंतर शेतकऱ्यांनी संबंधित बियाणे कंपनी व रोपवाटिकांविरोधात तक्रार दाखल केली आहे. या पार्श्वभूमीवर कृषी विभागाच्या अधिकाऱ्यांनी नुकसानीची पाहणी करून नमुने तपासणीसाठी घेतले असून, तपासणी अहवाल आल्यानंतर आवश्यक ती कारवाई केली जाईल, असे आश्वासन अधिकाऱ्यांनी दिले आहे.     दरम्यान माजी सरपंच विशाल चौगुले आणि पंचगंगा साखर कारखान्याचे संचालक विशाल आवटी यांनी संबंधित कंपनीच्या अधिकाऱ्यांना रोखून धरत जाब विचारल्याने काही काळ तणावाचे वातावरण निर्माण झाले होते. शेतकऱ्यांना नुकसान भरपाई न दिल्यास कंपनीच्या दारात तीव्र आंदोलन करू असा इशारा माजी सरपंच चौगुले यांनी दिला.    टोमॅटो लागवडीसाठी शेतकऱ्यांनी हमी दिलेल्या रोपवाटिकांमधून रोपे विकत घेतली होती. मात्र, या रोपांची गुणवत्ता अत्यंत निकृष्ट असल्याने शेकडो एकरवरील पीक फसले असून, शेतकऱ्यांचे प्रचंड आर्थिक नुकसान झाले आहे. यासंदर्भात करण्यात आलेल्या तक्रारीनंतर उपविभागीय कृषी अधिकारी...

  शिरोळ / शिवार न्यूज नेटवर्क :   शासनाच्या राष्ट्रीय ग्राम स्वराज अभियान अंतर्गत शिरोळ तालुक्यातील १० ग्रामपंचायतींना नवीन ग्रामपंचायत इमारत बांधकामासाठी २ कोटी ५० लाख रुपयांच्या निधीला शासनाने मंजूरी दिली असल्याची माहिती आमदार राजेंद्र पाटील यड्रावकर यांनी दिली. शिरोळ तालुक्यातील ज्या गावात ग्रामपंचायत इमारत उपलब्ध नाही तसेच ग्रामपंचायत इमारत बांधकामासाठी जागा उपलब्ध आहे. त्या गावातील ग्रामस्थांनी आमदार राजेंद्र पाटील यड्रावकर यांच्याकडे नवीन इमारत बांधकामासाठी मागणी केली होती, त्यानुसार शिरोळ तालुक्यातील कोथळी, उमळवाड, शेडशाळ, शिरटी, कवठेसार, जांभळी, टाकळी, नांदणी, शिरढोण व हरोली या 10 ग्रामपंचायतींना इमारत बांधकामासाठी प्रत्येकी २५ लाखाचा निधी मंजूर केला आहे. या अगोदर शिरोळ तालुक्यातील शिरदवाड, गणेशवाडी, तेरवाड, टाकवडे, नवे दानवाड या गावातील ग्रामपंचायत इमारतीसाठी निधी मंजूर झाला होता या ग्रामपंचायतीचे काम आता पूर्ण झाले आहे. या होणाऱ्या नविन इमारतीत सरपंच, ग्रामसेवक, सहाय्यक अधिकारी यांचे स्वतंत्र कक्ष, हॉल, संगणक सुविधा, मीटिंग रूम, शौचालय, पिण्याच्या पाण्याची व्यवस्था अ...

  हेरवाड / शिवार न्यूज नेटवर्क : ग्रामीण भागातील जिल्हा परिषद शाळा या केवळ शिक्षणाचे केंद्र नसून विद्यार्थ्यांच्या गुणवत्तेचा खरा पाया याच ठिकाणी घातला जातो. येथे शिकून अनेक विद्यार्थी यशस्वी जीवन घडवत आहेत. त्यामुळे पालकांनी जिल्हा परिषद शाळांकडे सकारात्मक दृष्टिकोन ठेवावा, असे प्रतिपादन शिरोळ तालुक्याचे विस्तार अधिकारी अनिल ओमासे यांनी व्यक्त केले. शिरोळ तालुक्यातील हेरवाड कन्या विद्या मंदिराच्या विद्यार्थीनी कु. अक्षरा पाटील आणि कु. अमृता पाटील या विद्यार्थिनींचा ५ वी शिष्यवृत्ती परीक्षेत यश मिळविल्याबद्दल सत्कार करण्यात आला. यावेळी प्रमुख उपस्थितीत पंचायत समिती शिरोळचे समन्वयक शंकर बरगाले, मुख्याध्यापक सुभाष तराळ व मार्गदर्शक शिक्षिका सरिता पाटील हे उपस्थित होते. या सत्कार सोहळ्यात विद्यार्थिनींचा यशस्वी प्रवास, शिक्षकांचे मार्गदर्शन व पालकांचा पाठिंबा यांचे कौतुक करण्यात आले. अनिल ओमासे यांनी आपल्या भाषणात शिक्षणाच्या महत्त्वावर भर देत जिल्हा परिषद शाळांची गुणवत्ता, यथोचित सुविधा व गुणवंत शिक्षक यामुळेच आजही ग्रामीण भागातील विद्यार्थी राज्यस्तरीय परीक्षांमध्ये घवघवीत यश संपाद...

शिरोळ / शिवार न्यूज नेटवर्क : चांगभलं च्या गजरात येथील ग्रामदैवत श्री. मरगुबाई, श्री.अंबाबाई,श्री. संतुबाई, या देवींच्या यात्रा मंगळवारी धार्मिक आणि भक्तीमय वातावरणात उत्साहात संपन्न झाली. यात्रेनिमित्त तिन्ही.मंदिरात विविध धार्मिक कार्यक्रमासह महाप्रसादाचे वाटप करण्यात आले.  यात्रेनिमित्त श्री मरगुबाई मंदिराची स्वच्छता करण्यात आली होती. मंदिरासमोर मंडप उभारण्यात आला आहे. मंदिरावर विद्युत रोषनाई करण्यात आली आहे. मंगळवारी पहाटे देवीस महाभिषेक व पूजा करून नैवेद्य अर्पण करण्यात आला. मंदिरात नैवेद्य अर्पण व दर्शनासाठी भाविकांची दिवसभर रिघ लागली होती. सकाळी १० वाजल्यानंतर शहरातील प्रमुख मार्गावरून श्री मरगुबाई देवीची पालखी प्रदक्षिणा काढण्यात आली. पालखी प्रदक्षिणेवेळी भाविकांनी दर्शन घेत देवीची खणा-नारळाने ओटी भरली. पालखीचे उत्साहात स्वागत करण्यात आले.श्री मरगुबाई देवीची यात्रा उत्साहात साजरी करण्यासाठी धनगर समाज बांधवांनी विशेष परिश्रम घेतले.  कोळी गल्लीत असणाऱ्या श्री अंबाबाई मंदिराची यात्रेनिमित्त स्वच्छता करून विद्युत रोषणाई करण्यात आली आहे. भाविकांना सुलभ दर्शन घेता यावे या...

शिरोळ / शिवार न्यूज नेटवर्क : शिरोळ तालुक्यात पूर्वी दानोळी, उदगाव, आलास, शिरोळ, नांदणी, अब्दुललाट आणि दत्तवाड असे एकूण ७ जिल्हा परिषद मतदारसंघ होते. मात्र, २०१८ साली शिरोळ येथे नगरपरिषद स्थापन झाल्यानंतर शिरोळ मतदारसंघ रद्द झाला. त्यावेळी शिरोळमधील "अकिवाट" गण कायम राहिला होता. त्यानंतर यड्राव हा नवीन मतदारसंघ अस्तित्वात आला. या बदलामुळे मतदारसंघांची संख्या पूर्वीप्रमाणे सातच राहिली असली, तरी त्यातील गावांची मोठ्या प्रमाणावर फेरफार झाली आहे. विशेषतः अब्दुललाट, नांदणी, उदगाव व दत्तवाड या गटांमधील गावांचे पुनर्विभाजन करण्यात आले आहे. याआधी शिरोळ तालुक्यात ७ जिल्हा परिषद गट आणि १४ पंचायत समिती गण होते. दोन वर्षांपूर्वीच्या प्रस्तावित पुनर्रचनेत 'अकिवाट' व 'यड्राव' हे दोन नवीन जिल्हा परिषद गट तयार करण्यात आले होते, त्यावर आरक्षणही जाहीर करण्यात आले होते. मात्र ही रचना आणि आरक्षण पुढे रद्द करण्यात आले. आता सोमवारी नव्याने प्रारूप मतदारसंघ जाहीर झाले असून, लवकरच आरक्षणही घोषित होणार आहे. नव्याने घोषित गट व गणांची रचना पुढीलप्रमाणे : 1. दानोळी गट दानोळी गण : दानोळी,...

नूतन पदाधिकाऱ्यांचा पदग्रहण सोहळा उत्साहात  शिरोळ / शिवार न्यूज नेटवर्क :   सर्वसामान्यांचे जीवनमान उंचावण्यासाठी रोटरी क्लब या जागतिक सामाजिक संस्थेने पुढाकार घेऊन विविध उपक्रम हाती घेतले. या सामाजिक कार्याचा आदर्श घेत रोटरी क्लब ऑफ शिरोळ हेरिटेज सिटी यांनीही आपले वेगळेपण जपत आदर्शवत कार्य केले आहे. असे प्रतिपादन रोटरी क्लबचे माजी डिस्ट्रिक्ट गव्हर्नर डॉ सुरेश राशिंगकर यांनी केले.  जयसिंगपूर रस्त्यावरील हॉटेल नमोश्री येथे रोटरी क्लब ऑफ हेरिटेज सिटीच्या नूतन पदाधिकाऱ्यांचा पदग्रहण सोहळा उत्साहात संपन्न झाला. या समारंभाचे प्रमुख पाहुणे म्हणून राशिंगकर हे बोलत होते. असिस्टंट गव्हर्नर रोटे. राजेंद्र माळी, माजी असिस्टंट गव्हर्नर रोटे. विद्यासागर आडगाणे यांच्यासह मान्यवर उपस्थित होते.  पारंभी विश्वशांती प्रार्थना, राष्ट्रगीत, प्रतिमा पूजन, दीप प्रज्वलन करून या सोहळ्याची सुरुवात करण्यात आली. क्लबचे सदस्य रोटे आप्पालाल चिकोडे यांनी स्वागत केले. माजी अध्यक्ष रोटे तुकाराम पाटील (भैय्या) यांनी सन२०२४-२५ या वर्षात केलेल्या कार्याचा आढावा घेतला. प्रमुख मान्यवरांच्या हस्ते रोटरी ...

  कुरुंदवाड / शिवार न्यूज नेटवर्क : तेरवाड ता.शिरोळ येथील मंगराया विकास सेवा संस्थेस राष्ट्रीय कृषी व ग्रामीण विकास बँक तथा नाबार्डचे जिल्हा विकास अधिकारी आशुतोष जाधव यांनी भेट देवून संस्थेच्या कामाची पाहणी करुन आढावा घेतला.संस्थेचे प्रमुख शाबगोंडा पाटील व अध्यक्ष दत्तगोंडा पाटील यांनी श्री.जाधव यांचे स्वागत केले. मंगराया विकास संस्थेच्यावतीने नाबार्डच्या पॅक्स टू मॅक्स योजनेतून ट्रॅक्टर व शेती मशागतीची विविध अवजारे (अवजारे बँक ) घेण्यात आली असुन शेतकर्‍यांना किफायतशीर दरात मशागतीसाठी ही अवजारे दिली जातात.खासगी व्यावसायिकांच्या तुलनेत कमी दरात मशागत होत असल्याने शेतकर्‍यांचा फायदा होत आहे.सेवा संस्थेकडून अवजारे बँक योजना नेमकी कशापद्धतीने चालविण्यात येते.शेतकर्‍यांना त्याचा लाभ होतो किंवा कसे याबाबतचा आढावा जिल्हा विकास अधिकारी श्री.जाधव यांनी घेतला.कांही शेतकर्‍यांच्या मुलाखतीही घेतल्या व कामकाजाबद्दल समाधान व्यक्त केले. संस्थेचे प्रमुख शाबगोंडा पाटील म्हणाले,नाबार्डकडून कोल्हापूर जिल्हा मध्यवर्ती बँकेच्या माध्यमातून संस्थेला १२ लाखांचे अर्थसहाय्य अवजारे बँक योजनेसाठी मिळाले...

कुरुंदवाड / शिवार न्यूज नेटवर्क : महाराष्ट्र बहुजन शेतमजूर संघटना व शिरोळ तालुका प्रहार दिव्यांग क्रांती संघटनेतर्फे गरीब व गरजू २५ विद्यार्थ्यांना शालेय साहित्याचे वाटप करण्यात आले. पोलीस मित्र असोसिएशनचे संस्थापक अध्यक्ष युवराज मोरे व वेध फाउंडेशनच्या प्रमुख रजनीताई शिंदे यांच्या हस्ते विद्यार्थ्यांना शालेय साहित्य देण्यात आले. राष्ट्रपती पुरस्कार प्राप्त सदाशिव आंबी कार्यक्रमाच्या अध्यक्षस्थानी होते.दिव्यांग महिला आघाडी संघटनेच्या सुनिता पाटील यांनी स्वागत केले. सुशीला पुजारी यांनी प्रास्ताविक भाषणात संघटनेच्या कामकाजाची माहिती दिली.            यावेळी सदाशिव आंबी म्हणाले, दिव्यांग व्यक्तींच्या सक्षमीकरणासाठी शासना योजना आखल्या असल्या तरी त्या प्रत्यक्ष लाभार्थ्यापर्यंत पोहोचत नाहीत. दिव्यांगांच्या व्यथा व अडचणी दूर करण्यासाठी सर्वांनी संघटित होण्याची गरज आहे. दिव्यांगत्वावर मात करून स्वतःपेक्षा समाजातील गरजूंना मदत करणारी ही संघटना समाजाला नवी ऊर्जा देत आहे. मनाने अपंग झालेल्या समाजातील घटकांच्या डोळ्यात झणझणीत अंजन घालण्याचे काम सुरू असून प्रहार दिव्या...

  जयसिंगपूर शहरात प्रधानमंत्री आवास योजनेअंतर्गत घरकुल मंजुरी प्रमाणपत्रांचे वाटप जयसिंगपूर / शिवार न्यूज नेटवर्क : एकही गरीब व गरजू नागरिक हक्काच्या घरापासून वंचित राहू नये यासाठी केंद्र व राज्य शासन कटिबद्ध असून, प्रधानमंत्री आवास योजना ही त्याच दिशेने टाकलेले महत्त्वपूर्ण पाऊल आहे. या योजनेच्या प्रभावी अंमलबजावणीसाठी जयसिंगपूर नगरपालिका आणि मी स्वतः सातत्याने प्रयत्नशील आहोत,असे प्रतिपादन आमदार डॉ. राजेंद्र पाटील यड्रावकर यांनी केले. जयसिंगपूर शहरातील प्रधानमंत्री आवास योजनेअंतर्गत ४१ लाभार्थींना घरकुल मंजुरी प्रमाणपत्रांचे वाटप नुकतेच करण्यात आले. या कार्यक्रमाच्या अध्यक्षस्थानी आमदार यड्रावकर होते. यड्रावकर पुढे म्हणाले, राज्य आणि केंद्र शासनाच्या समन्वयातून राबवली जाणारी प्रधानमंत्री आवास योजना ही गरिबांसाठी दिलासा देणारी आहे. जयसिंगपूर शहरातील अनेक कुटुंबांना या योजनेच्या माध्यमातून स्वतःचे घर मिळाले आहे. या योजनेंतर्गत पात्र नागरिकांना निवारा मिळवून देण्यासाठी कोणतीही अडचण येऊ न देता सुविधा उपलब्ध करून देण्याचे काम सुरू आहे. कार्यक्रमात उपस्थित असलेल्या नगरपालिका मुख्याधिका...

संदीप कोले / शिवार न्यूज नेटवर्क :       हातकणंगले तालुक्यातील हेरले येथील जिल्हा परिषद शाळा क्रमांक दोन येथे चंदूकाका सराफ ज्वेलर्स, कोल्हापूर यांच्या वतीने गरजू विद्यार्थ्यांना शैक्षणिक साहित्याचे वाटप करण्यात आले.      या उपक्रमामुळे विद्यार्थ्यांचा शैक्षणिक प्रवास अधिक सुसह्य होईल, असे प्रतिपादन यावेळी उपस्थित मान्यवरांनी केले. या उपक्रमाचे नियोजन शाळेतील शिक्षकांनी केले होते. कार्यक्रमावेळी ग्रामपंचायत सरपंच राहुल शेटे, उपसरपंच निलोफर खतीब, शालेय व्यवस्थापन समितीचे अध्यक्ष विलास काशीद, केंद्रप्रमुख शहाजी पाटील, शाळेचे मुख्याध्यापक प्रभाकर चौगुले, चंदूकाका सराफ ज्वेलर्सचे व्यवस्थापक राजेंद्र पाटील व मार्केटिंग ऑफिसर धनंजय पाटील उपस्थित होते. तसेच शाळेतील शिक्षकवृंद, पालक वर्ग व विद्यार्थी मोठ्या संख्येने उपस्थित होते.

हेरवाड / शिवार न्यूज नेटवर्क : सोनी मराठी वाहिनीवर नुकत्याच पार पडलेल्या राज्यस्तरीय ‘कोण होणार महाराष्ट्राचा लाडका कीर्तनकार’ या स्पर्धेत कोल्हापूर जिल्ह्याचे प्रतिनिधित्व करणारे हभप ज्ञानेश्वर माने महाराज (हेरवाड) यांनी उत्तम सादरीकरण करत उपविजेतेपद पटकावले. या स्पर्धेत राज्यभरातून सुमारे २,००० कीर्तनकारांनी सहभाग घेतला होता. ऑडिशन फेरीद्वारे १०८ कीर्तनकारांची निवड करण्यात आली, त्यामध्ये कोल्हापूर जिल्ह्यातून माने महाराजांची निवड झाली. पहिल्या फेरीत त्यांनी छत्रपती शिवाजी महाराजांचे गौरवगान व संत उपकार यांचे प्रभावी सादरीकरण केले. या सादरीकरणावर परीक्षक हभप जगन्नाथ पाटील महाराज यांनी त्यांना “महाराष्ट्रातील चाणाक्ष कीर्तनकार” अशी उपमा दिली. दुसऱ्या फेरीत ७२ कीर्तनकारांमध्ये झालेल्या स्पर्धेत माने महाराजांनी नामस्मरणाचे आध्यात्मिक महत्त्व संत चोखोबारायांच्या उदाहरणातून प्रभावीपणे मांडले. प्रेक्षकांनी त्यांचे सादरीकरण डोळ्यांत पाणी आणणारे आणि मनाला भिडणारे असल्याचे मत व्यक्त केले. अंतिम फेरीत महाराष्ट्रातील टॉप ३६ कीर्तनकारांमध्ये हभप माने महाराजांनी संत ज्ञानेश्वरांच्या संजीवन समाधीवर...

दानोळी / शिवार न्यूज नेटवर्क : उपमुख्यमंत्री एकनाथ शिंदे यांनी आणलेल्या शासकिय योजनांचा लाभ घरोघरी पोहचवा . घर तिथे शिवसैनिक आणि गाव तिथे शाखा चालू करा . सर्वच स्थानिक स्वराज्य संस्थांच्या निवडणुकीत शिवसेनेचा भगवा फडकवण्यासाठी युवा शिवसैनिकांनी कामाला लागावे असे आवाहन जिल्हा युवासेना प्रमुख राकेश खोंद्रे यांनी दानोळी जि प मतदार संघाच्या आढावा बैठकीत बोलताना केले . उपजिल्हाप्रमुख सतीश मलमे यांची प्रमुख उपस्थिती होती .दानोळी जि . प . मतदार संघामधिल सर्व गावातील शिवसैनिक या आढावा बैठकीस उपस्थित होते .आगामी काळात होणाऱ्या स्थानिक स्वराज्य संस्थांच्या निवडणुकांच्या पार्श्वभूमीवर या बैठकीत सविस्तर चर्चा करण्यात आली.उपस्थितशिवसैनिकांना उपजिल्हाप्रमुख सतीश मलमे यांनीही मार्गदर्शन केले .या आढावा बैठकीस हर्षवर्धन कापसे तालुकाप्रमुख रोहित भिसे राजेंद्र चौगुले सदाशिव शिंदे वसंत नाईक उदय माने सुशांत मलमे शुभम मलमे विभागप्रमुख चेतन माने अरुण होगले अजय माने सुशांत ढेंगे अथर्व केकले सिद्धार्थ कांबळे ऋत्वीक कांबळे संदीप पवार विशाल गावडे रोशन माने अक्षय माने अनमोल कांबळे तुषार नंदीवाले आदींसह शिवसैनि...

अनिल जासूद / शिवार न्यूज नेटवर्क : गुरुपौर्णिमेनिमित्त श्री दत्त मंदिरात होणारी भाविकांची गर्दी लक्षात घेता, दर्शन व्यवस्थित पार पडावे यासाठी हिप्परगी धरणातून कृष्णा नदीत विसर्ग वाढवावा, अशी मागणी नृसिंहवाडी ग्रामपंचायतीने जिल्हाधिकाऱ्यांकडे लेखी निवेदनाद्वारे केली आहे. नृसिंहवाडी येथील श्री दत्त मंदिर गेल्या पंधरा दिवसांपासून कृष्णा नदीच्या पाण्याने वेढले गेले आहे. मंदिर परिसरात सध्याही पुराचे पाणी भरलेले आहे. त्यामुळे दर्शनासाठी येणाऱ्या भाविकांची मोठी गैरसोय होत आहे. येत्या गुरुवारी, १० जुलै रोजी गुरुपौर्णिमा असल्याने महाराष्ट्रासह कर्नाटकातून हजारो भाविक नृसिंहवाडीत येणार आहेत. या पार्श्वभूमीवर मंदिरातील पाणी लवकरात लवकर ओसरणे गरजेचे आहे. या अनुषंगाने ग्रामपंचायतीने जिल्हाधिकारी यांच्यासह शिरोळ तहसीलदार आणि शिरोळ पोलिस निरीक्षक यांना लेखी निवेदन दिले आहे. ग्रामपंचायतीचे सरपंच चेतन चंद्रकांत गवळी आणि सागर धनवडे यांनी शिरोळ पोलिस निरीक्षक यांची प्रत्यक्ष भेट घेऊन निवेदन सादर केले.

अजित कांबळे / शिवार न्यूज नेटवर्क : बोरगाव गावात मोहरम सण सर्वधर्मीय ऐक्याचे प्रतिक म्हणून दरवर्षी साजरा केला जातो. यंदाही गावातील हिंदू-मुस्लिम नागरिकांनी अत्यंत भक्तिभावाने, शांततेत व उत्साहात मोहरम साजरा केला. गावातील धनगर गेट, अपराज गेट, कुंभार गेट, कालीगेट, मिरजे गेट, माळी गल्ली, चावडी व बावा ढंग वली दर्गा परिसरात नालपिर पंज्यांची उभारणी करण्यात आली होती. या ठिकाणी आकर्षक रोषणाई करण्यात आली होती. त्यामुळे संपूर्ण गाव भक्तिमय वातावरणाने भारले होते. रविवार, दि. ६ जुलै रोजी मोहरमचा मुख्य दिवस असल्याने ढोल-ताशांच्या गजरात नालपिर पंज्यांची मिरवणूक काढण्यात आली. मिरवणूक संपूर्ण गावातून फिरत श्री क्षेत्र बावा ढंग वली दर्ग्याच्या परिसरात पोहोचली. याठिकाणी पीर पंजांची ‘गाठीभेटी’चा कार्यक्रम पार पडला. संध्याकाळच्या सत्रात पावसाची रिमझिम सुरू असतानाही, सर्व धर्मीय नागरिकांनी तांबुतावर खारीक, खोबरं, गुलाल, अबीर-बुक्का उधळून पीराचे दर्शन घेतले. मोहरमचा महत्त्वाचा भाग असलेले तांबुत विसर्जन देखील शांततेत पार पडले. सणाच्या पार्श्वभूमीवर कोणताही अनुचित प्रकार घडू नये म्हणून सदलगा पोलीस ठाण्याच्या ...

  इचलकरंजी / शिवार न्यूज नेटवर्क : मे २०२५ मध्ये घेण्यात आलेल्या CA फाउंडेशन व CA इंटरमिजिएट परीक्षांमध्ये इचलकरंजीतील गुरुकुल कॉमर्स अकॅडमीच्या विद्यार्थ्यांनी उल्लेखनीय कामगिरी करत पुन्हा एकदा संस्थेची शैक्षणिक गुणवत्ता सिद्ध केली आहे. राष्ट्रीय सरासरीपेक्षा अनेक पटीने अधिक यशप्राप्ती करत गुरुकुलने आपली शिस्तबद्ध, विद्यार्थी-केंद्रित शिक्षणपद्धती अधोरेखित केली आहे. CA फाउंडेशन परीक्षेत आर्या आमणे हिने ४०० पैकी ३३५ गुण मिळवत संपूर्ण कोल्हापूर जिल्ह्यात प्रथम क्रमांक पटकावला. विशेष म्हणजे तिने गणित विषयात ९४ गुण मिळवत विशेष कौतुक मिळवलं आहे. तिच्या यशामुळे इचलकरंजी शहराचा मान उंचावला आहे. आर्या सोबतच विश्वा नाहर (२६७), संध्या सरडा (२४५), अक्षिता सोमाणी, मितांशी दरक, मनन कसलीवाल, अनिकेत ठोंबरे आणि नवीन डागा या विद्यार्थ्यांनीही फाउंडेशन परीक्षेत यश मिळवले आहे. CA इंटरमिजिएट परीक्षेत अथर्व चौगुले याने अखिल भारतीय स्तरावर All India Rank 39 मिळवून संस्थेचे आणि शहराचे नाव उज्वल केले आहे. त्याच्या या यशामुळे गुरुकुलच्या मार्गदर्शनाची गुणवत्ता अधोरेखित झाली आहे. हर्ष भंडारी आणि रोहित पाल ...

शिरोळ / शिवार न्यूज नेटवर्क : नांदणी (ता. शिरोळ) येथील वठारे मळा परिसरात एका शेतकऱ्याच्या विहिरीतून चोरट्यांनी सबमर्सिबल मोटारपंप चोरून नेल्याची घटना घडली आहे. याप्रकरणी शिरोळ पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे. या प्रकरणी बाहुबली बाळासो माणगावे (वय ३८, व्यवसाय शेती, रा. बुबणे मळा, नांदणी) यांनी फिर्याद दिली आहे. त्यांनी त्यांच्या मालकीच्या गट क्रमांक ६४८ मधील विहिरीत बसविलेला टेक्स्मो कंपनीचा ७.५ HP क्षमतेचा, सन २०२३ मधील TSM8HZDOL मॉडेलचा, सिरीयल नंबर 68101163723 असलेला हिव्या रंगाचा सबमर्सिबल मोटारपंप अज्ञात चोरट्याने चोरून नेल्याचे फिर्यादीत नमूद केले आहे. ही घटना ५ जुलैच्या संध्याकाळी ७ ते ६ जुलैच्या पहाटे ६ या वेळेत घडली. उघड्यावर ठेवलेल्या मोटारपंपाची चोरी करून सुमारे २०,००० रुपयांचे नुकसान झाले आहे.

कुरुंदवाड येथील कृष्णा-पंचगंगा नदीच्या संगमावर चौथी पूर परिषद संपन्न कुरुंदवाड / शिवार न्यूज नेटवर्क : धरण व्यवस्थापनाचा प्रश्न केवळ तांत्रिक नसून तो सामाजिक आणि पर्यावरणीय आयामांशी जोडलेला आहे. त्यामुळे या विषयाकडे व्यापक दृष्टिकोनातून पाहणे आवश्यक आहे. अनेक अभ्यासक संस्था गेल्या काही वर्षांपासून या क्षेत्रात सखोल संशोधन करत असून त्यांनी विकसित केलेले पर्यायी निकष शासनाने गांभीर्याने विचारात घ्यावेत. कृष्णा खोऱ्यात वारंवार उद्भवणाऱ्या महापुरासारख्या आपत्तींवर प्रभावी नियंत्रण मिळवायचे असल्यास, केवळ तात्कालिक उपायांचा आधार न घेता दीर्घकालीन, शास्त्रशुद्ध आणि सर्वंकष धोरणे राबवणे अत्यावश्यक आहे. शासन, अभ्यासक संस्था आणि स्थानिक प्रतिनिधी यांच्यातील प्रभावी समन्वयातूनच या समस्येचे स्थायिक समाधान शक्य आहे, असे मत कृष्णा खोरे विकास महामंडळाचे सेवा निवृत्त कार्यकारी संचालक प्रफुल्लचंद झपके यांनी व्यक्त केले. कुरुंदवाड येथील कृष्णा-पंचगंगा नदीच्या संगमावर "आंदोलन अंकुश" संघटना आणि कृष्णा महापूर नियंत्रण नागरी कृती समिती, सांगली यांच्या संयुक्त विद्यमाने आयोजित चौथ्या पूर परिषदेत झप...

  शिरोळ / शिवार न्यूज नेटवर्क :  बोला पुंडलिक वरदे हरी विठ्ठल, श्री ज्ञानदेव तुकाराम पंढरीनाथ महाराज की जय, श्रीराम कृष्ण हरी, विठ्ठल विठ्ठल विठ्ठला हरी ओम विठ्ठला, च्या गजरात हजारो भाविकांनी येथील श्री विठ्ठल मंदिरात श्री विठ्ठल रुक्माईचे दर्शन घेतले. आषाढी एकादशीनिमित्त दर्शनासाठी मंदिरात रात्री उशिरापर्यंत भाविकांची रीघ लागली होती. विविध धार्मिक कार्यक्रमासह पालखी व दिंडी सोहळ्याचे आयोजन करण्यात आले होते.  आषाढी एकादशीनिमित्त येथील श्री विठ्ठल मंदिरात श्री विठ्ठल पांडुरंग भक्त कैवारी देवस्थान ट्रस्टच्यावतीने विविध धार्मिक कार्यक्रम पार पडले. पहाटे श्री विठ्ठल रुक्माई मूर्तीस श्री. व सौ. नरेंद्र उत्तरवार, श्री. व सौ. नरेंद्र रावराणे, श्री. व सौ.ॲड. भालचंद्र पाटील यांच्या हस्ते अभिषेक करून महापूजा करण्यात आली.  पहाटेपासूनच दर्शनासाठी मंदिरात भाविकांची रीघ होती लागली होती. येणाऱ्या सर्व भाविकांना देवस्थान ट्रस्टच्यावतीने खिचडी, केळी, राजगिरा लाडू यासह अन्य फराळाचे मोफत वाटप करण्यात आले. सायंकाळी टाळ मृदुंगाचा गजर आणि विठू नामाचा जागर करीत विठ्ठल मंदिरातून पालखी व दि...

शिरोळ / शिवार न्यूज नेटवर्क : महाराष्ट्र राज्य शासनाच्या मुख्यमंत्री प्रशासकीय गतिमानता अभियानांतर्गत एक दिवस माझ्या बळीराजासाठी हा उपक्रम शिरोळ (ता. शिरोळ) येथे उत्साहात राबविण्यात आला.  या कार्यक्रमात विविध खात्यांतील अधिकारी, कृषी तज्ज्ञ आणि प्रगतशील शेतकऱ्यांनी शेतकऱ्यांशी थेट संवाद साधत मार्गदर्शन केले. या उपक्रमात ग्राम महसूल अधिकारी एस. बी. घाटगे, प्रगतशील शेतकरी अविनाश माने, सुधीर अशोक चौगुले, किरण देशमुख, मंडळ अधिकारी आरगे साहेब, कोतवाल धामणे, अशोक चौगुले आणि सौ. बन्ने यांनी पी.एम. किसान, अँग्री स्टॅक आणि इतर कृषी योजनांबाबत माहिती दिली. योजनांचा लाभ कसा घ्यावा, अर्जाची प्रक्रिया, आणि ऑनलाईन नोंदणीसंबंधी महत्त्वाचे मुद्दे यावर सखोल मार्गदर्शन करण्यात आले. कार्यक्रमात कृषी मित्र कुरणे, महसूल सेवक धामणे शिरोळ, सहायक कृषी अधिकारी श्रीमती एस. एम. कांबळे, आणि समन्वय अधिकारी श्री. मुकेश साजगणे यांनी शेतकऱ्यांच्या शंका व अडचणी ऐकून घेतल्या. प्रमुख वक्त्या सौ. कल्पना माळी यांनी एकात्मिक कीड व्यवस्थापन (IPM) याविषयी सविस्तर माहिती देत शेतकऱ्यांनी कीटकनाशकांचा संतुलित व शास्त्रीय व...