शिवार वार्ता न्यूज नेटवर्क

जयसिंगपूर / शिवार न्यूज नेटवर्क : कोल्हापूर जिल्हा बुद्धिबळ संघटनेच्या मान्यतेने संजय घोडावत पॉलिटेक्निक ने संजय घोडावत यांच्या वाढदिवसानिमित्त आयोजित केलेल्या भव्य एकदिवसीय खुल्या जलद बुद्धिबळ स्पर्धेत कोल्हापूरच्या अनिश गांधीने आठपैकी साडेसात गुण मिळवून अजिंक्यपद पटकावले त्याला अजिंक्यपदाचे बक्षीस म्हणून रोख सात हजार रुपये व चषक देऊन गौरविण्यात आले.अहमदनगरच्या अखिलेश नागरेने सात गुणांसह व सरस टायब्रेक गुण आधारे विजेतेपद मिळविले त्याला बक्षीस म्हणून रोख पाच हजार रुपये व चषक देऊन सन्मानित केले.सात गुण करणाऱ्या मिरजेच्या अभिषेक पाटीलला कमी टाय ब्रेक गुणामुळे तृतीय स्थानावर समाधान मानावे लागले त्याला रोख तीन हजार रुपये व चषक देऊन गौरविले. अनिकेत बापट (सातारा) व तुषार शर्मा (कोल्हापूर) त्यांचा अनुक्रमे चौथा व पाचवा क्रमांक आला. स्पर्धेचा बक्षीस समारंभ घोडावत विद्यापीठाचे कुलगुरू डॉ.अरुण पाटील यांच्या शुभहस्ते करण्यात आले. यावेळी व्यासपीठावर पॉलिटेक्निकचे प्राचार्य व्ही.व्ही.गिरी आंतरराष्ट्रीय पंच भरत चौगुले, प्रा.वंदना शहा, स्पर्धा समन्वयक व राष्ट्रीय प्रशिक्षक प्रा.संदीप पाटील व प्रशिक्ष...

  छाया : संग्रहित हेरवाड / शिवार न्यूज नेटवर्क : हेरवाड येथील जमादार मळा येथे शॉर्टसर्किटमुळे लागलेल्या आगीत आप्पा काशिम जमादार या शेतकर्‍याचे एक एकर ऊस जळून खाक झाल्याजी घटना घडली आहे. या आगीत या शेतकर्‍याचे मोठ्या प्रमाणात नुकसान झाले आहे.  दिड वर्षे कष्टाने पिकविलेल्या ऊसाला वाचविण्यासाठी शेतकरी धडपडत असताना अचानक शॉर्ट सर्किटने आग लागल्याने शेतकऱ्यांना मोठ्या आर्थिक संकटाला तोंड द्यावे लागत आहे. जळीत क्षेत्रात महावितरणची डिपी असून त्याची अवस्था दुर्देवी झाली आहे. डिपीमध्ये फ्युजाऐवजी तारांचे जाळेच अधिक आहे. खराब झालेल्या केबली तशाच अर्धवट शेतात टाकण्यात आलेल्या आहेत. जीर्ण आणि खराब ताराच फ्युज म्हणून वापरत असल्यामुळे वारंवार लोडशेडिंगमुळे तारा गरम होवून ठिणग्या पडत असतात. मात्र याकडे महाविरण विभागाने दुर्लक्ष केले आहे, आणि याचाच फटका शेतकऱ्यांना बसला आहे. त्यामुळे जळीत उसाची भरपाई महावितरणकडून मिळावी, अशी मागणी या परिसरातील शेतकरी वर्गातून होत आहे. दरम्यान या घटनेची माहिती मिळताच महावितरणचे अधिकारी तसेच तलाठी यांनी जळीत उसाचा पंचनामा केला आहे. व्हिडिओ पाहण्यासाठी येथे 👇 ...

जयसिंगपूर / शिवार न्यूज नेटवर्क : आयुष्यात कितीही मोठी संकटे आली तर डगमगून न जाता त्यावर मात करण्याचे सामर्थ्य आपल्यात हवे. चुकीच्या व्यक्तिपूढे अजिबात झुकू नका पण थोरामोठ्यांचा आशीर्वाद घ्यायला नम्र व्हायला हवे. आई वडील हे आपल्या आयुष्यातील प्रथम गुरू आहेत त्यांना कधीही विसरू नका. माझ्या अडचणीच्या काळात माझ्या पत्नीने खंबीर साथ दिली आहे. माझ्या प्रत्येक निर्णयातून माझे कुटुंबीय भक्कम उभे राहिले आहेत. माझे कुटुंबीय, हितचिंतक, ग्रुप मधील सर्व घटक यांच्या जोरावरच आजवर सफल झालो आहे असे प्रतिपादन प्रसिद्ध उद्योगपती श्री.संजयजी घोडावत यांनी केले . आपल्या ५७ व्या वाढदिवसानिमित्त आयोजित कार्यक्रमात ते बोलत होते. यावेळी व्यासपीठावरती प्रमुख पाहुणे प्रसिद्ध अभिनेते सचिन खेडेकर, अभिनेत्री प्राजक्ता माळी, सौ.नीता घोडावत, श्री.श्रेणिक घोडावत, सौ. सलोनी घोडावत, विजयचंदजी घोडावत, राजेंद्र घोडावत, आदी मान्यवर उपस्थित होते. ते पुढे म्हणाले '' कोणताही व्यवसाय सुरू केला की पहिल्याच प्रयत्नात यश मिळेलच असे नाही त्यामुळे जिद्द न हारता आपल्या ध्येयाकडे प्रामाणिक प्रयत्न करा, यश नक्की मिळेल. सर्व...

  जयसिंगपूर / शिवार न्यूज नेटवर्क : उदगांव हद्दीतील अकिवाटे इंडस्ट्रीजमधील रणजित कुलकर्णी यांच्या मालकीच्या कारखान्यातून 3 लाख 73 हजार 500 रुपयांची 498 किलो तांबे धातू चोरट्यांची चोरुन नेल्या प्रकरणी योगेश ईश्वरा पाटील रा उदगांव, निकम मळा याच्या विरोधात जयसिंगपूर पोलिसात गुन्हा दाखल करण्यात आला आहे. पोलिसांतून मिळालेली अधिक माहिती अशी की, उदगांव येथील अकिवाटे इंडस्ट्रीजमधील रणजित कुलकर्णी यांच्या मालकीचा कारखाना आहे. 1 ते 22 फेब्रुवारीच्या दरम्यान संशयित योगेश पाटील याने कारखान्यातील 3 लाख 73 हजार 500 रुपयांची 498 किलो तांबे धातू चोरुन नेल्याचे फिर्यादित म्हटले आहे. या घटनेची फिर्याद संतोष शिवाप्पा चौगुले यांनी जयसिंगपूर पोलिसात दिली आहे. या घटनेचा अधिक तपास पोलिस उपनिरीक्षक प्रमोद वाघ करीत आहेत.

जयसिंगपूर / शिवार न्यूज नेटवर्क : जयसिंगपूर शहरातील क्रांती चौकात मराठा आरक्षण आंदोलनाला पाठिंबा दर्शवण्यासाठी दुसऱ्या दिवशी रास्ता रोको करण्यात आला. सुमारे अर्धा तास चाललेल्या या रास्ता रोको आंदोलनामुळे चारही बाजूने वाहतूक ठप्प झाली होती.पोलिसांनी हस्तक्षेप करून पेटलेल्या टायरी विझवले व आंदोलकांना शांत केले.     तुमचं आमचं नातं काय जय जिजाऊ जय शिवराय, छत्रपती शिवाजी महाराज की जय, छत्रपती राजर्षी शाहू महाराज की जय, मराठा आरक्षण मिळालेच पाहिजे,असा जयघोष करीत शेकडो कार्यकर्ते क्रांती चौकात जमले. चारही बाजूने कार्यकर्त्यांनी वेढा घातला. सगळी वाहतूक थांबवण्यात आली. प्रचंड घोषणाबाजी आणि भगवे झेंडे यामुळे संपूर्ण परिसर दणाणून गेला होता.उत्साही कार्यकर्त्याने ती निषेध म्हणून टायर पेटवले. जयसिंगपुर पोलिस स्टेशनचे पोलिस उपनिरीक्षक प्रमोद वाघ पोलिस कर्मचाऱ्यांसह हस्तक्षेप करीत ते ठेवलेल्या टायरी विझवून काढून घेतल्या. आणि शांततेचे आवाहन केल्यानंतर रास्ता रोको आंदोलन स्थगित करण्यात आले.      या आंदोलनात माजी नगरसेवक चंद्रकांत जाधव घुणकीकर,  बजरंग खामकर, सागर मादनाईक...

  जयसिंगपूर / शिवार न्यूज नेटवर्क : जयसिंगपूर येथील राजीव गांधीनगर येथे किरकोळ कारणातून चाकू हल्ला करुन जखमी केल्याप्रकरणी पाच जणांच्या विरोधात जयसिंगपूर पोलिस ठाण्यात गुन्हा दाखल करण्यात आला आहे. याबाबतची फिर्याद जखमी रसुल सरताच ईराणी वय 30 रा. रेल्वे स्टेशन रोड जयसिंगपूर यांनी जयसिंगपूर पोलिसात दिली आहे. याबाबत पोलिसांतून मिळालेली अधिक माहिती अशी की, जयसिंगपूर येथील राजीव गांधी नगर येथे असगर इजाज इराणी, इन्सान इजाज इराणी, आजम भोला इराणी, अब्बास भोला ईराणी सर्व राहणार राजीव गांधीनगर जयसिंगपूर यांनी जमाव करुन यातील असगर इराणी याने रसुल ईराणी यांच्या उजव्या हाताच्या मनगटावर व डाव्या डोळ्याजवळ चाकूने वार करुन जखमी केले. तसेच इतर संशयीतांनी फिर्यादीस लाथाबुक्यांनी मारहाण करुन जखमी केल्याचे फिर्यादीत म्हटले आहे. या प्रकरणी पाच जणांच्या विरोधात जयसिंगपूर पोलिसात गुन्हा दाखल करण्यात आला असून या घटनेचा अधिक तपास सहायक फौजदार गुरव करीत आहेत.

निरंजन कांबळे / शिवार न्यूज नेटवर्क : शहराबाहेरील हॉटेल गोल्डन स्टारवर चालत असलेल्या वेश्या अड्ड्यावर शनिवारी रात्री उशिरा शहर पोलिसांच्या विशेष पथकाने छापा टाकून आठ जणांवर कारवाई केली. यामध्ये एका परदेशी महिलेचा समावेश आहे. सीपीआय संगमेश शिवयोगी यांच्या नेतृत्वाखाली ही कारवाई करण्यात आली. या कारवाईमुळे परिसरात मोठी खळबळ उडाली आहे.          हॉटेल गोल्डन स्टार येथे वेश्या व्यवसाय चालत असल्याची माहिती विशेष पोलीस पथकाला मिळाली. त्यानुसार सीपीआय शिवयोगी,शहर पोलीस ठाण्याचे उपनिरीक्षक कृष्णवेनी गुर्लहोसुर यांच्यासह पोलिस कर्मचाऱ्यांनी सापळा रचला. यावेळ मालक संजय भैरप्पा माळी (वय 35) रा. संकेश्वर,कर्मचारी अरुण जयपाल शेकन्नावर (वय 34) रा.हुकेरी व प्रशांत खंडोबा चव्हाण (वय 35) रा. पिंपळे यांच्यासह पाच महिला मिळून आल्या त्यानुसार सर्वांना ताब्यात घेऊन न्यायालयापुढे हजर केले असता न्यायालयाने पाच महिलांची बेळगाव येथील महिला सुधारगृहात तर संजय,अरुण व प्रशांत यांना अटक करून पुढील तपास चालविला असल्याची माहिती सीपीआय शिवयोगी यांनी दिली. विशेष म्हणजे यावेळी मिळुन आलेल्या पाच ...

  संग्रहित छायाचित्र कोल्हापूर / शिवार न्यूज नेटवर्क : स्वाभिमानी शेतकरी संघटनेच्या आंदोलनाच्या पार्श्वभूमीवर रात्री शेतामध्ये पाणी पाजत असताना साप ,बिबट्या , गवा , अस्वल , रानडुक्कर अशासारख्या जंगली प्राणी आढळल्यास त्यांना इजा न करता त्यांना ताब्यात घेऊन आणि जिल्ह्याच्या व तालुक्याच्या ठिकाणी असलेल्या सरकारी कार्यालयात आणून सोडावे असे आवाहन स्वाभिमानी शेतकरी संघटनेचे संस्थापक राजू शेट्टी यांनी केल्यानंतर अज्ञात शेतकऱ्यांनी रात्रीच्या वेळी शेतात पाणी पाजत असताना सापडलेला साप जिल्हाधिकारी कार्यालयात आणून सोडल्याचा धक्कादायक व्हिडिओ समोर आला आहे.  जंगली प्राण्यांची जोपासणा व संवर्धन करणे ही संपुर्ण जबाबदारी सरकारची आहे. यामुळे हे प्राणी जर चुकून आपल्या शेतात आले तर त्यांना त्यांच्या सरक्षणार्थ सरकारी कार्यालयात सोडणे आपली जबाबदारी आहे आणि ती जबाबदारी पार पडण्यासाठी काही शेतकऱ्यांनी साप पकडून जिल्हाधिकारी यांचेकडे सुपुर्द केले होते. तसेच शिरोळ तालुक्यातील तहसिल कार्यालयाच्या गेटमध्ये अज्ञात शेतकऱ्यांनी रात्रीच्या वेळी साप सोडल्याचा व्हिडीओ सोशल मिडियावर व्हायरल झाला होता ' यानंत...

इचलकरंजी / शिवार न्यूज नेटवर्क :  रात्री शेतामध्ये पाणी पाजत असताना साप, बिबट्या, गवा, अस्वल, रानडुक्कर अशासारखे जंगली प्राणी आढळल्यास त्यांना इजा न करता त्यांना ताब्यात घेऊन आणि जिल्ह्याच्या व तालुक्याच्या ठिकाणी असलेल्या सरकारी कार्यालयात आणून सोडावे असे आवाहन स्वाभिमानी शेतकरी संघटनेचे संस्थापक राजू शेट्टी यांनी केले होते. राजू शेट्टींनी केलेल्या आवाहनानंतर रात्रपाळीला पाणी पाजवत असताना सापडलेले साप अज्ञात शेतकऱ्यांनी शिरोळच्या तहसिल कार्यालयात सोडल्याची घटना शुक्रवारी रात्री उशिरा घडली. त्याचा व्हिडिओ सुद्धा समोर आला होता. त्यानंतर आज इचलकरंजी येथील महावितरणच्या अधिकाऱ्यांच्या टेबलवर साप सोडल्याची घटना घडली आहे. सरकारने दिवसा वीज देण्याबाबत तातडीने निर्णय न घेतल्यास बिबट्या, गवा, अस्वल, रानडुक्कर, मगर यासारखे प्राण्यापासून शेतक-यांच्या जीवातास धोका आहे त्यामुळे यापुढे सापडलेले जंगली प्राणी या कार्यालयात सोडण्यात येणार असा इशारा स्वाभिमानी शेतकरी संघटनेचे जिल्हाध्यक्ष वैभव कांबळे यांनी सांगितले. यावेळी अरूण मगदूम, विशाल चौगुले, संपत पवार, श्रीकांत पाटील यांच्यासह स्वाभिमानी शेतक...

शिरोळ / शिवार न्यूज नेटवर्क : स्वाभिमानी शेतकरी संघटनेच्या आंदोलनाच्या पार्श्वभूमीवर रात्री शेतामध्ये पाणी पाजत असताना साप ,बिबट्या , गवा , अस्वल , रानडुक्कर अशासारख्या जंगली प्राणी आढळल्यास त्यांना इजा न करता त्यांना ताब्यात घेऊन आणि जिल्ह्याच्या व तालुक्याच्या ठिकाणी असलेल्या सरकारी कार्यालयात आणून सोडावे असे आवाहन स्वाभिमानी शेतकरी संघटनेचे संस्थापक राजू शेट्टी यांनी केल्यानंतर शिरोळ तालुक्यातील अज्ञात शेतकऱ्यांनी शेतात पाणी पाजत असताना सापडलेला साप शिरोळ तहसील कार्यालयात सोडल्याचा धक्कादायक व्हिडिओ समोर आला आहे.  जंगली प्राण्यांची जोपासणा व संवर्धन करणे ही संपुर्ण जबाबदारी सरकारची आहे. यामुळे हे प्राणी जर चुकून आपल्या शेतात आले तर त्यांना त्यांच्या सरक्षणार्थ सरकारी कार्यालयात सोडणे आपली जबाबदारी आहे आणि ती जबाबदारी पार पडण्यासाठी काही शेतकऱ्यांनी साप पकडून जिल्हाधिकारी यांचेकडे सुपुर्द केले होते. ही घटना ताजी असतानाच शिरोळ तालुक्यातील तहसिल कार्यालयाच्या गेटमध्ये अज्ञात शेतकऱ्यांनी रात्रीच्या वेळी साप सोडल्याचा व्हिडीओ सोशल मिडियावर व्हायरल झाला आहे. त्यामुळे स्वभिमानी शेतकरी...

  शिरोळ / शिवार न्यूज नेटवर्क : संभाजीपुर येथील हॉटेल पिंगारा शेजारी मोबाईल चोरीचा छडा लावणेस शिरोळ गुन्हे शोध पथकास यश आले असून मिरज जिल्हा सांगली येथील इमदादसाहेब चांद पटेल या संशयीतास ताब्यात घेवून गुन्हयात चोरीस गेलेला ७ हजार रुपये किमतीचा रियलमी सी ११ कंपनीचा मोबाईल जप्त करून संशयित आरोपीस ताब्यात घेतले आहे. शिरोळ पोलीस ठाण्यात सुलेमान नदाफ नदाफ गल्ली जत ता. जि. सांगली यांनी गुन्हा दाखल केला आहे. सदर गुन्हयाच्या तपासाबाबत पोलीस निरीक्षक डी. एस. बोरीगिड्डे यांनी गुन्हे शोध पथकाकडील अंमलदाराना सुचना देवून गुन्हा उघडकीस आणणेबाबत सांगीतले होते. त्याप्रमाणे गुन्हयाबाबत सखोल तपास करुन मोबाईलच्या तांत्रीक माहीतीच्या आधारे सदर गुन्हयातील संशयीत इमदाद साहेबचाँद पटेल व व ३४ रा. हाजी चाँद कॉलनी मिरज ता. मिरज जि. सांगली याचा सदर गुन्हयात सहभाग असलेबाबत गुन्हे शोध पथकाची खात्री झालेने त्याला सापळा रचुन मिरज शास्त्री चौक परीसरातुन शिताफीने ताब्यात घेवून सदर गुन्हयाबाबत त्यांचे कसुन चौकशी केली असता त्यांनी गुन्हयाची कबुली दिली व गुन्हयास चोरीस गेलेला रियलमी कंपनीचा C-11 मोबाईल पोलिसांनी जप्त...

शिरोळ / शिवार न्यूज नेटवर्क : श्री पद्माराजे विद्यालयाने शाळा आणि समाज यांच्यात जवळीकतेचे नाते निर्माण केले आहे, कला ,क्रीडा सांस्कृतिक व बौद्धिक गुणवत्ता कौशल्य सिद्ध करताना या हायस्कूलने समाजाप्रती योगदानातून नवी ओळख निर्माण केली आहे, त्यामुळेच समाज भूषण पुरस्काराने विद्यालयाचा गौरव झाला, असे मत प्रहार जनशक्ती पक्षाचे जिल्हा उपाध्यक्ष दगडू माने यांनी व्यक्त केले,      येथील श्री पद्माराजे विद्यालयास इंडियन टॅलेंट सर्च आंतरराष्ट्रीय दर्जाची स्पर्धा परीक्षा यांच्यामार्फत राज्यस्तरीय समाज भूषण पुरस्कार जाहीर झाला आहे. यानिमित्त फुले- शाहू आंबेडकर विचार मंच शिरोळ तालुका व माजी विद्यार्थी यांच्या वतीने प्राचार्य सी एस पाटील यांचा सत्कार करण्यात आला, त्यावेळी श्री दगडू माने बोलत होते, माजी उपनगराध्यक्ष व नगरसेवक पै प्रकाश गावडे कार्यक्रमाच्या अध्यक्षस्थानी होते. या कार्यक्रमास उपमुख्याध्यापक तुकाराम गंगधर, पर्यवेक्षक एस बी बनकर , कलाशिक्षक पांडुरंग पोळ , अविनाश माने, बी एस गुरव, ए व्ही जाधव, वजीर गवंडी, ए डी पुजारी यांच्यासह यावेळी संभाजी भोसले, नाट्य कलाकार राजेंद्र ...

  शिरोळ / शिवार न्यूज नेटवर्क : राष्ट्रवादी काँग्रेस पक्षाचे प्रवक्ते आणि महाविकास आघाडी सरकारमधील अल्पसंख्यांक मंत्री नामदार नवाब मलिक यांना सक्तवसुली संचालनालययाच्या वतीने झालेल्या अटकेचा निषेध नोंदवताना शिरोळ तालुका राष्ट्रवादी काँग्रेस पक्षाच्या वतीने शिरोळ येथे निदर्शने करीत तहसीलदार अपर्णा मोरे धुमाळ यांना निवेदन देऊन या घटनेचा निषेध व्यक्त करण्यात आला, यावेळी बोलताना जयसिंगपूर कृषी उत्पन्न बाजार समितीचे सभापती सुभाषसिंग रजपूत यांनी केंद्रातील भारतीय जनता पार्टीच्या सरकारचा तिव्र शब्दात निषेध केला, सरकारी यंत्रणेचा दुरुपयोग करत महाविकास आघाडी सरकारमधील मंत्री आणि काँग्रेस राष्ट्रवादी व शिवसेनेच्या पदाधिकाऱ्यांना भाजपा व केंद्र सरकार नाहक त्रास देत आहे असे सांगताना, महाराष्ट्रातील महाविकास आघाडीचे सरकार अस्थिर करण्याचा त्यांचा प्रयत्न असून देश व राज्यातील वातावरण या मंडळींकडून दूषित केले जात आहे , परंतु महाविकास आघाडीचे सरकार भक्कम असून त्याला कोणताही धोका नाही असेही रजपूत शेवटी म्हणाले, शिरोळ तालुका राष्ट्रवादी काँग्रेस पक्षाचे अध्यक्ष प्रकाश पाटील टाकवडेकर, शिरोळ विधानसभा मत...

  मिरज / शिवार न्यूज नेटवर्क :     गजानन बाळासो आरगे, प्रकाश रामचंद्र भानुसे, शितल बाबुराव आरगे, रा. तुंग तालुका मिरज जिल्हा सांगली  या सर्व मेंढपाळांच्या शेळ्या मेंढ्यांचा तळ गावातीलच बाळकृष्ण पिराजी यादव यांच्या वसंतनगर वसाहतीजवळ कृष्णा नदीच्या बाजूला असणाऱ्या शेतात  बसायला होता  दि.१७/१२/२०२१ रोजी  पहाटे २ ते ३वा. दरम्यान तरसाच्या कळपाने शेळ्या मेंढ्यांसाठी लावलेली  वाघर जमिनीच्या बाजूने वाकवून  मेंढ्यांच्या कळपावर हल्ला केला होता.या हल्ल्यात  गजानन बाळासो आरगे ९ प्रकाश रामचंद्र भानुसे ७ शितल बाबुराव आरगे ३ शेळ्या जागीच ठार झाल्या होत्या .या हल्ल्याची माहिती मेंढपाळ गजानन आरगे यांनी तात्काळ यशवंत क्रांती संघटनेचे संस्थापक अध्यक्ष माननीय श्री संजय वाघमोडे साहेब व शिरोळ तालुकाध्यक्ष माननीय श्री दादासो गावडे यांना मोबाईल वरून कळविली होती. माननीय श्री संजय वाघमोडेसाहेब  दादासो गावडे घटनास्थळी हजर राहुन हल्ल्याची माहिती मा.श्री.संजय वाघमोडे साहेब यांनी  वनरक्षक सोमनाथ थोरवत व पशुसंवर्धन अधिकारी डॉ.पी पी कुलकर्णी यांना फोनवरू...

  कोल्हापूर / शिवार न्यूज नेटवर्क : संजय घोडावत विद्यापीठाकडून अध्यक्ष संजयजी घोडावत यांच्या वाढदिवसाचे औचित्य साधून दरवर्षी २८ फेब्रुवारीला कला, साहित्य, उद्योग, शिक्षण, क्रीडा व समाजसेवा या क्षेत्रात उल्लेखनीय कार्य केलेल्या व्यक्तींना ''एसजीयु आयकॉन'' हा पुरस्कार प्रदान केला जातो. यावर्षी साहित्य क्षेत्रातून सोनाली नवांगुळ, क्रीडा क्षेत्रातून अनुजा पाटील, उद्योग क्षेत्रातून दादू सलगर, शिक्षण व समाजकार्य क्षेत्रातून प्रकाश गाताडे, सामाजिक सेवा क्षेत्रातून संदीप परब यांची या पुरस्कारासाठी निवड करण्यात आली आहे तसेच या पुरस्काराचे वितरण दि.२८ फेब्रुवारी रोजी संजय घोडावत विद्यापीठ अतिग्रे याठिकाणी होणार आहे अशी घोषणा विद्यापीठाचे विश्वस्त विनायक भोसले यांनी आज केली यावेळी कुलगुरू डॉ.अरुण पाटील व प्राचार्य विराट गिरी आदी मान्यवर उपस्थित होते. सोनाली नवांगुळ यांनी साहित्य क्षेत्रात भरीव कामगिरी केली आहे. स्वतः अपंग असूनही हेल्पर्स ऑफ हॅंडीकॅप संस्थेत सोशल वर्कर म्हणून काम केले.त्यांनी अनेक पुस्तकांचे भाषांतर व स्वतंत्र लिखाण केले आहे. कोल्हापूरमध्ये जन्मलेल्या अनुजा पाटील य...

  कुरुंदवाड / शिवार न्यूज नेटवर्क :          ईडीसारख्या सूत्राचा वापर करून सरकारमध्ये कारभार करणाऱ्या नेत्यांचे चरित्र हनन करण्याचा घाट भाजपच्या मंडळीने सुरू केला आहे.अल्पसंख्यांक मंत्री नवाब मलिक यांच्यावर कारवाई करून लोक भावना दुखावण्याचा प्रकार केला आहे. ईडीचा दुरुपयोग करून बदनाम करणाऱ्यांचा निषेध करत असल्याचे माजी नगरसेवक धनपाल आलासे यांनी सांगितले.       येथील पालिका चौकात आज गुरुवारी सकाळी 11 वाजता राष्ट्रवादी काँग्रेस पक्षातर्फे भाजपने ईडीच्या माध्यमातून मंत्री नवाब मलिक यांची चौकशी लावून कारवाई करून त्यांचे चरित्र हनन केल्याच्या निषेधार्थ निदर्शने करण्यात आली.कार्यकर्त्यांनी बोंब-ठोक करत जोरदार घोषणाबाजीने परिसर दणाणून सोडला होता.      यावेळी बाळासो दिवटे, तानाजी आलासे, दिलीप बंडगर, रमेश भूजुगडे, फारूक जमादार, अल्ताफ बागवान, बंडू खराडे, कुदरत भुसारी, हर्षद बागवान. असिफ गोरी, महेश आलासे, शाहीर आवळे, आयुब मानगावे, बबलू बागवान,अकिल गोलंदाज, अजय भोसले आदी उपस्थित होते.

  जयसिंगपूर / शिवार न्यूज नेटवर्क : कोथळी (ता. शिरोळ) येथे तरुणाने आत्महत्या केल्याची घटना घडली आहे. दीपक महावीर वसगडे (वय वर्षे 34 रा.आदर्श विद्यालय जवळ कोथळी) असे आत्महत्या केलेल्या तरुणाचे नाव आहे.  ही घटना 23 फेब्रुवारी 2022 रोजी रात्री अकरा वाजण्याच्या सुमारास ते 24 फेब्रुवारी रोजी सकाळी सात वाजण्याच्या दरम्यान घडली आहे. याबाबत विजय जिन्नाप्पा वसगडे (वय वर्ष 55) राहणार कोथळी यांनी जयसिंगपूर पोलिसांमध्ये वर्दी दिली आहे आहे.दीपक वसगड़े याने राहत्या घरात आत्महत्त्या केली आहे.पोलिसानी याबाबत पंचनामा करून उत्तरीच तपासणी नंतर मृतदेह नातेवाईकांच्या ताब्यात दिला आहे.

  जयसिंगपूर / शिवार न्यूज नेटवर्क :       जेष्ठ गीतकार सुधीर मोघे व ना.धो. महानोर यांच्या निवडक लोकप्रिय मराठी गीतांचा "फिटे अंधाराचे जाळे" हा संगीतमय कार्यक्रम रविवार दि.२७ फेब्रुवारी रोजी सायंकाळी सहा वाजता सहकारमहर्षी शामराव पाटील यड्रावकर नाट्यगृह जयसिंगपूर येथे होणार आहे.        जेष्ठ भावगीत गायक स्व. अरुण दाते यांच्या भावगीतांच्या "शतदा प्रेम करावे" या कार्यक्रमाच्या उत्तुंग यशानंतर निर्माते अविनाश सूर्यवंशी यांनी "फिटे अंधाराचे जाळे" या नवीन कार्यक्रमाची निर्मिती केली आहे. जागतिक मराठी राजभाषा दिनाच्या निमित्ताने मराठीतील निवडक लोकप्रिय गीतांचा भावरंगी सोहळा रंगणार आहे.        अविनाश सूर्यवंशी हे या कार्यक्रमाचे निर्माते असून गायक मुकुंद चौगुले हे प्रस्तुतकर्ते आहेत. अत्याधुनिक ध्वनी व्यवस्था, नेत्रदीपक नेपथ्य,प्रकाश योजना असा वैशिष्ट्यपूर्ण हा कार्यक्रम असून मराठी संगीत क्षेत्रातील लोकप्रिय गीतांच्या संगीतमय प्रवासाचे दर्शन घडविणाऱ्या या कार्यक्रमास निमंत्रितांसाठी प्रवेशिका उपलब्ध करून देण्यात आल्या आहेत.    ...

  आलास / शिवार न्यूज नेटवर्क : आजच्या स्पर्धेच्या युगात आपले अस्तित्व टिकविण्यासाठी विद्यार्थ्यांनी क्षणभंगुर सुखांना बाजूला सारून ध्येयपूर्तीसाठी सातत्याने प्रयत्न करणे आवश्यक आहे. असे प्रतिपादन प्रा. तौहिद मुजावर यांनी केले. आलास ता. शिरोळ येथील सय्यद सादात एज्युकेशन सोसायटी उर्दू डी टी एड कॉलेज औरवाड व ईशाअतुल उलूम उर्दू हायस्कूल, आलास यांच्या संयुक्त विद्यमाने विद्यार्थ्यांच्यासाठी करिअर गाईडन्स प्रोग्रॅम आयोजित केला होता. त्याप्रसंगी आयोजित कार्यक्रमात ते मार्गदर्शक म्हणून बोलत होते. अध्यक्षस्थानी सांगली जिल्हा परिषदेचे निरंतर शिक्षणाधिकारी बी.एम. किल्लेदार होते. तर प्रमुख उपस्थिती म्हणून डाएटच्या अधिव्याख्याता सौ. जाधव होत्या.  ते पुढे म्हणाले की, ग्रामीण भागातील स्पर्धापरीक्षेची तयारी करणाऱ्या विद्यार्थ्यांना उत्कृष्ट ग्रंथालय, प्रशस्त अभ्यासिका व मार्गदर्शन वर्गाची सुविधा उपलब्ध करून देणे गरजेचे आहे. विद्यार्थ्यांनी सातत्यपूर्ण लेखी परीक्षेचा सराव केल्यास यशप्राप्ती होऊ शकते यासाठी महाविद्यालयीन जीवनापासूनच स्पर्धा परीक्षेच्या तयारीची सुरुवात केल्यास पदवीनंतर वेळेचा हो...

  राहूल डोंगरे / शिवार न्यूज नेटवर्क:  आज काल च्या धावपळीत पण श्री भरतेश पाटील यांच्या सारखी माणसं प्रामाणिकपणा जपत असल्यामुळे अजून ही या जगात माणुसकी जिवंत आहे हे दाखवून दिले आहे.     कर्मवीर भाऊराव पाटील नागरी सहकारी पतसंस्था अर्जुनवाड शाखेचे कर्मचारी भरतेश पाटील हे सकाळी कामावर येत असताना यांना 5000 रुपये रोख रक्कम घालवाड अर्जुनवाड रोडवर जागो जागी निदर्शनास आली त्यांनी जवळ असणाऱ्या शेजाऱ्यांना साघितलं कि मी कर्मवीर भाऊराव पाटील नागरी सहकारी पतसंस्था अर्जुनवाड शाखेत कामावर आहे ज्याची कोणाची असेल तर त्याला बँकेत पाठवा त्यानंतर संभाजी मगदूम हे शोधाशोध करीत असताना त्यांना बँकेतील कर्मचारी सापडले आहे अशी माहिती देण्यात आली बँकेत संभाजी याने चौकशी केले असता व त्यांना ती रक्कम प्रामाणिक पणे परत केले या प्रामाणिकपणा मुळे भरतेश पाटील यांचे सर्वत्र सोशल मीडिया आणि प्रत्यक्ष भेटून कौतुक होत आहे.

कुरुंदवाडमध्ये शासनाच्या परिपत्रकाची होळी कुरुंदवाड / शिवार न्यूज नेटवर्क :  एफआरपीचे दोन तुकडे करून केंद्र  राज्य सरकारने ऊस उत्पादक शेतकऱ्याच्या घरावर दरोडा टाकण्याचा प्रयत्न केला आहे.राज्य सरकारने काढलेले परिपत्रक आम्हाला अमान्य असून कारखानदारांची महाविकास आघाडी सरकारमध्ये टोळी निर्माण झाली आहे.सरकारने एफआरपी बाबत तात्काळ निर्णय बदलावा अन्यथा महाविकास आघाडी सरकारच्या मंत्र्यांना रस्त्यावर फिरू देणार नाही असा इशारा स्वाभिमानी शेतकरी संघटनेचे राज्य कार्यकारिणी सदस्य आण्णासाहेब चौगुले यांनी दिला.      येथील पालिका चौकात स्वाभिमानी शेतकरी संघटनेच्या पदाधिकारी व शेतकऱ्यांनी आज बुधवारी सकाळी 11 वाजता  एफआरपीचे तुकडे केल्याच्या परिपत्रकाची होळी करून बोंब ठोक आंदोलन करत राज्य सरकारच्या विरोधात निदर्शने केली.  केंद्र व राज्य सरकार शेतकऱ्यांची क्रूर चेष्टा करत आहे शेतकऱ्यांच्या उत्पादित शेतमालाच्या किमती चे तुकडे करून शेतकऱ्यांना आर्थिक डबघाईला आणण्याचा प्रयत्न केला जात असल्याचा संताप शेतकऱ्यांनी आपल्या भाषणातून व्यक्त केला.      यावेळी बंडू पा...

  कोल्हापूर / शिवार न्यूज नेटवर्क : महाराष्ट्र राज्य महसुल शासकीय, निमशासकीय संघटनेच्या वतीने आपल्या विविध मागण्यांसाठी 23 व 24 रोजी राज्यव्यापी संप पुकारला आहे. या संपाला बहुजन समाज पार्टीचे जिल्हाध्यक्ष महेश कांबळे व त्यांच्या कार्यकर्त्यांनी पाठींबा दिला आहे. यावेळी बोलताना जिल्हाध्यक्ष महेश कांबळे म्हणाले, महाराष्ट्र राज्य महसुल शासकीय, निमशासकीय संघटनेच्या वतीने करण्यात आलेल्या मागण्या या त्यांच्या हक्काच्या असून कर्मचारी, कामगार यांच्या उज्वल भविष्याच्या आहेत, त्यामुळे त्यांच्या मागण्या तातडीने पूर्ण करण्याची मागणी त्यांनी यावेळी केली. यावेळी बहुजन समाज पार्टी चे अकिल शेख, महादेव मुत्नाळे, राहूल पाटील, विजय कांबळे, प्रदीप कोरवी आदी कार्यकर्ते उपस्थित होते.

अजित कांबळे / शिवार न्यूज नेटवर्क :  ढोणेवाडी सारख्या ग्रामीण भागातील शेतकऱ्यांना सवलतीच्या दरात व दर्जेदार खते मिळावीत या उद्देशाने रयत संपर्क केंद्र सुरू केले आहे. शेतकऱ्यांच्या बांधापर्यत सर्व शासकीय योजना व सवलतीच्या दरात चांगली सेवा देण्यासाठी कटिबद्ध असून याचा शेतकऱ्यांना चांगला उपयोग होणार असुन शेतकऱ्यांनी याचा पुरेपूर फायदा घ्यावा असे प्रतिपादन युवा नेते उत्तम पाटील यांनी व्यक्त केले.  ते ढोणेवाडी व माणकापूर तालुका निपाणी येथे बोरगाव प्राथमिक कृषी पत्तीन संघाच्या वतीने सुरू करण्यात आलेल्या रयत सेवा केंद्राच्या उद्घाटन प्रसंगी बोलत होते .         यावेळी ढोणेवाडी येथे प्रथमता पूजन करून युवानेते उत्तम पाटील यांच्या हस्ते तर माणकापूरात ग्रामपंचायत अध्यक्षा वैशाली कुंभार उपाध्यक्ष सुनील म्हाकाळे, यांच्या हस्ते रयत केंद्राचे उद्घाटन करण्यात आले.      यावेळी उपाध्यक्ष बाळासाहेब सातपुते, प्रकाश सादळकर, राजेंद्र पाटील, राजेंद्र ऐदमाळे, सुमित रोड्ड, प्रवीण पाटील, तैमुर मुजावर, राजू गजरे, सुनिता बंकापूरे, प्रभावती पाटील, व्यव...

 कुरुंदवाड येथील रिंग रोड परिसरातील नागरिक झाले आक्रमक  कुरुंदवाड / शिवार न्यूज नेटवर्क : शिकलगार वसाहत ते एस.के. पाटील कॉलज रिंगरोड पर्यंतचा रस्ता नगरपालिकेच्या वतीने करण्यात आला आहे. कागदोपत्री हा रस्ता ६० फुटाचा आहे. मात्र, नगरपालिकेने हा रस्ता ४० फुट केले असल्याने उर्वरित २० फुट रस्ता गेला कुठे ? असा सवाल या परिसरातील नागरिकांनी केला असून सध्या बसविण्यात येणारे स्ट्रीट लाईट 60 फूट अंतरावर बसवावेत, अन्यथा आंदोलन करण्याचा इशारा या परिसरातील नागरिकांनी दिला निवेदनाद्वारे दिला आहे. याबाबत बोलताना या परिसरातील रहिवाशी सुधीर सरंजामे म्हणाले, प्रभाग क्रमांक आठ कडे नगरपालिकेने दुर्लक्ष केले असून या परिसरातील रस्तेही शंकास्पद करण्यात येत आहेत. शिकलगार वसाहत ते एस.के. पाटील रिंग रोड हा रस्ता कागदोपत्री ६० फुटाचा आहे. मात्र केवळ ४० फुटाचा रस्ता नगरपालिकेने केला आहे. मग राहिलेला २० फुट रस्ता गेला कुठे ? असा सवाल उपस्थित करून सध्या चाळीस फुटावरच स्ट्रीट लाईट बसविण्यात येत आहेत. त्यामुळे सदरचे स्ट्रीटलाइट 60 फूट अंतरावर बसवावेत तसेच सन 2004 पासून या परिसरातील गटारी करण्यात आलेल्या नाहीत...

  कोल्हापूर / शिवार न्यूज नेटवर्क : हरीश मनोहर शिंदे यांना शिवाजी विद्यापीठाच्यावतीने रसायनशास्त्रातील पीएच.डी. पदवी मिळाली आहे. त्यांना शिवाजी विद्यापीठातील रसायनशास्त्र विभागातील प्रोफेसर डॉ. के. एम. गरडकर व डॉ.बी.एस.शिर्के यांचे मार्गदर्शन लाभले. हरीश शिंदे यांनी सिंथेसिस कॅरॅक्टरायझेशन ॲंड ॲप्लिकेशन ऑफ झर्कोनियम ऑक्साईड नॅनोकॉम्पोजिट्स या विषयावर विद्यापीठाकडे शोधप्रबंध सादर केला होता. डॉ. शिंदे यांचे विविध राष्ट्रीय, आंतरराष्ट्रीय नियतकालिकांमध्ये शोधनिबंध प्रकाशित झाले असून त्यांनी विविध परिषदा व चर्चासत्रात भाग घेतला आहे. प्रा. डॉ. के. एम. गरडकर यांच्या प्रयोगशाळेत झर्कोनियम ऑक्साईड नॅनोमटेरिअल हे जगात पहिल्यांदाच वडाच्या पानापासून तयार केले आहे. झर्कोनियम ऑक्साईड अतिशय उपयोगी असून याचा वापर दातांमध्ये सिमेंट म्हणून वापर केला जातो कारण हे ऑक्साईड जैवसुसंगत असल्यामुळे शरीराला कुठलीच हानी होत नाही. हे ऑक्साईड अतिशय उच्च तापमानाला टिकत असल्यामुळे हे रिफ्रॅक्टरी मटेरियल म्हणून फरनेस मध्ये त्याचा वापर केला जातो व तसेच हाडातील झीज भरून काढण्यासाठी व हाडाच्या मजबुतीकरणासाठी याचा वा...

  कुरुंदवाड / शिवार न्यूज नेटवर्क :      कुरुंदवाड पोलीस ठाण्याच्या कार्यक्षेत्रातील दत्तवाड व शिरढोण येथे कल्याण मटका घेताना नूर काले (रा . दत्तवाड) व बाळू यशवंत चव्हाण(रा.शिरढोण, ता.शिरोळ) तसेच बुकी मालक जवाहर पाटील ( रा. कुरुंदवाड)  या तिघा विरुद्ध येथील पोलिसात गुन्हा दाखल करण्यात आला असून 3 हजार, 980 रुपये रोख रक्कम व मटक्याचे साहित्य जप्त करण्यात आले आहे.      दत्तवाड येथे नूर काळे हा हॉटेलच्या आडोश्यास उघडयावर आकड्याच्या चिठ्ठ्या देऊन पैसे घेताना रंगेहात मिळून आला त्याच्याकडून दोन हजार हजार रुपये रोख रक्कम व मटक्याचे साहित्य जप्त करण्यात आले आहे. तसेच बुकीमालक जवाहर पाटील या दोघांच्यावर गुन्हा दाखल करण्यात आला आहे.          शिरढोण येथे इचलकरंजी रस्त्यावर एका शेतातील पत्र्याच्या शेडमध्ये बाळू चव्हाण हा पैसे घेऊन आकड्याच्या चिठ्ठ्या देत असताना रंगेहात मिळून आला त्याच्याकडून 1900 रुपये रोख रक्कम व मटक्याची साहित्य जप्त करण्यात आले आहे, ही कारवाई कुरुंदवाड पोलीस ठाण्यात तर्फे करण्यात आली आहे.

  राहूल डोंगरे / शिवार न्यूज नेटवर्क : छत्रपती शिवाजी महाराज यांची जयंती अर्जुनवाड ता. शिरोळ येथे मोठ्या उत्साहात साजरी करण्यात आली .पुणे महानगर पालिकेचे माजी आयुक्त श्री संभाजी खोत यांच्या हस्ते श्रीफळ वाढवून कार्यक्रमाची सुरवात करण्यात आली त्यानंतर छत्रपती शिवाजी महाराज यांच्या प्रतिमेचे पूजन अर्जुनवाड चे माजी सैनिक श्री भरत पाटील आणि श्री सुहास बाबर यांच्या हस्ते करण्यात आले.   या कार्यक्रमाचे नियोजन शिवजयंती उत्सव समिती चे अध्यक्ष सागर पाटील,विकास हंबीरराव पाटील, अनुप पाटील, शुभम महाडिक, आशिष मोरे,आलोक पाटील ,उन्मेष पाटील दीपक मोरे मधुकर गंगधर,रणजित पाटील अभिजित पाटील संग्राम ढवळे, संप्नील ढवळे, भूषण चौगुले, वैभव बेनाडे, अक्षय गंगधर अभिषेक ढवळे ग्रामपंचायत चे सरपंच उपसरपंच सहित सर्व सदस्य, विविध संस्थेचे पदाधिकारी, शिव भक्त ग्रामस्थ मोठया संख्येने उपस्थित होते.

शिवार न्यूज नेटवर्क :  स्वराज्याच्या लढ्यातील झंझावाती महापराक्रमाची विजयगाथा आज 'पावनखिंड' सिनेमाच्या माध्यमातून प्रेक्षकांच्या भेटीला आली आहे. 'पावनखिंड' सिनेमाचे पहिले पोस्टर प्रदर्शित झाल्यापासून प्रेक्षक या सिनेमाची प्रतीक्षा करत होते. आज बहुप्रतिक्षित 'पावनखिंड' सिनेमा प्रेक्षकांच्या भेटीला आलेला आहे. पहिल्याच दिवशी सिनेमाने बॉक्सऑफिसवर धुमाकूळ घातला आहे. बऱ्याच सिनेमागृहांबाहेर हाऊसफुल्लचा बोर्ड लागला आहे.  सिनेमागृहांबाहेर हाऊसफुल्लचा बोर्ड लागल्याने अनेक सिनेप्रेमींना आज सिनेमा पाहता आला नाही. ठाणे, नवी मुंबई, पनवेल, कोल्हापूर, नाशिकसारख्या ठिकाणी सिनेमागृहांबाहेर हाऊसफुल्लचा बोर्ड लागला आहे. या सिनेमाला मिळणाऱ्या प्रतिसादामुळे प्रेक्षकांचे मराठी सिनेसृष्टीवर किती प्रेम आहे, हे पुन्हा एकदा अधोरेखित झाले आहे. 

  दत्तवाड / शिवार न्यूज नेटवर्क : हिंदवी स्वराज्य संस्थापक, रयतेचा राजा, लोक कल्याणकारी राजा शिवछत्रपती हे अखंड देशाचे प्रेरणास्थान असून, अठरापगड जातीच्या लोकांचे संघटन करून स्वराज्य स्थापन करणारे युगप्रवर्तक आहेत. शिवछत्रपतींनी ६ जून १६७४ रोजी हिंदवी स्वराज्याची स्थापना केली. १९ फेब्रुवारी हा दिवस सर्वत्र छत्रपती शिवाजी महाराजांची जयंती म्हणून सर्वत्र साजरी केली. आज दत्तवाड मध्ये शिवजयंती मोठ्या उत्साहात साजरी करण्यात आली. येथील शिवाजी चौक, दत्तवाड ग्रामपंचायत, शिव गणेश उत्सव मंडळ दत्तनगर या ठिकाणी साजरी करण्यात आली.  त्याचबरोबर दत्तवाड येथील पत्रकार मुन्नाभाई नदाफ यांनी आपल्या घरी छत्रपती शिवाजी महाराजांच्या मुर्तीस पुष्पहार अर्पण करून अभिवादन करण्यात आले.  यावेळी तंटामुक्त अध्यक्ष बाळासाहेब कोकणे, पत्रकार मिलिंद देशपांडे, चंद्रकांत बिरंणगे, बाळासाहेब धुपधाळे, बाळासाहेब कल्लोळे, चंद्रकांत लोहार, हाजी नूरमहंमद नदाफ, अली नदाफ, सलीम मुजावर, नदीम देसाई, विद्याधर कांबळे, रविंद्र कांबळे, त्याचबरोबर शिवभक्त मोठ्या संख्येने उपस्थित होते.

  गणेशवाडी / शिवार न्यूज नेटवर्क : श्री भाग्यलक्ष्मी महिला ग्रामीण पतसंस्था खूप सुंदर, व सक्षमपणे वाटचाल करीत असून संस्थेच्या अधिकाधिक प्रगतीसाठी महिलांनी छोट्या मोठ्या उद्योग व्यवसायाकडे वळले पाहिजे.त्याचबरोबर आपल्या कुटुंबाचे, आपले आरोग्य संतुलित ठेवण्याचे काम महिलांच्या हाती आहे आपल्या अवती भवती अनेक रोगांचे नैसर्गिक औषध आहेत त्याचा उपयोग करावा तर आपल्या शरीरावरील परिधान केलेल्या श्रुंगार हे सुंदर दिसण्याबरोबरच आपल्या आरोग्याच्या दृष्टीने त्यांची निर्मिती केलीय. यामुळे महिलांनी आपली भारतीय जुनी संस्कृती कायम टिकवून ठेवणे ही काळाची गरज आहे असे प्रतिपादन भारतीय संस्कृती आणि आरोग्य या विषयावर व्याख्यान देताना प्रसिद्ध व्याख्याते दत्तात्रय राजाराम पाटील यांनी केले. गणेशवाडी ता शिरोळ येथील श्री भाग्यलक्ष्मी महिला ग्रामीण बिगर शेती सहकारी पतसंस्था चावा आठवा वर्धापन दिनानिमित्त संस्थेच्या प्रांगणात मोफत सर्वरोग निदान व उपचार शिबीर तसेच भारतीय संस्कृती आणि आरोग्य त्या संयुक्त कार्यक्रमाचे आयोजन करण्यात आले होते.याप्रसंगी युवा व्याख्याते पाटील बोलत होते. कार्यक्रमास पोलीस उपनिरीक्षक इचल...

  जयसिंगपूर / शिवार न्यूज नेटवर्क :  मोटार सायकलवरुन आलेल्या चोरट्याने तरुणीच्या गळ्यातील ११ ग्रॅम वजनाची सोन्याची चेन हिसडा मारुन लंपास केली. जयसिंगपूर येथील पहिल्या गल्लीत श्रीधर सहनिवास अपार्टमेंटजवळ शुक्रवारी दुपारी अडीच वाजण्याच्या सुमारास ही घटना घडली. याबाबत संजना हेमंत आपटे (वय २३, रा. आपटे भोजनालय, शिरोळवाडी रोड, जयसिंगपूर) यांनी जयसिंगपूर पोलिसात घटनेची वर्दी दिली. याबाबत पोलिसातून मिळालेली अधिक माहिती अशी, पहिल्या गल्लीतील श्रीधर सहनिवास अपार्टमेंटजवळ संजना आपटे यांच्या गळ्यातील ३५ हजार किंमतीची सोन्याची चेन चोरट्याने हिसडा मारुन लंपास केली.२५ ते ३० वर्षे वयोगटातील चोरटा हा होंडा सीडी डिलक्स मोटारसायकलवरुन आला होता. अंगाने जाड, केसरी रंगाचा फूल हातोप्याचा शर्ट, काळ्या रंगाची पॅन्ट, पांढरे बूट, काळ्या रंगाची टोपी असे त्याचे वर्णन आहे. त्याने काळ्या रंगाचा मास्क परिधान केला होता. याबाबत संजना आपटे यांनी दिलेल्या फिर्यादीवरुन पोलिसांनी अज्ञात चोरट्याविरुध्द गुन्हा दाखल केला आहे. अधिक तपास उपनिरीक्षक पाटील करीत आहेत.

तमदलगे / शिवार न्यूज नेटवर्क : विद्यार्थी शिक्षक प्रबोधिनी जयसिंगपूर ,संचालित राष्ट्रीय विद्यालय तमदलगे येथे छत्रपती शिवाजी महाराज यांची जयंती मोठया उत्साहात साजरी करण्यात आली . छ शिवाजी महाराज यांच्या प्रतिमेचे पूजन तमदलगे मधील प्रतिष्ठीत नागरिक श्री सुजित पाटील यांचे प्रमुख उपस्थितीत करण्यात आले .विद्यार्थ्यांनी शिवाजी महाराज यांची प्रेरणा घेवून त्यांना येणाऱ्या संकटावर मात करण्यासाठी सज्ज राहण्याचा उपदेश प्रमुख पाहूण्यांनी दिला. श्री अविनाश पाटील सर यांनी छ शिवाजी महाराजांचे जीवनचरत्र सांगुन विद्यार्थ्यांनी जिद्द चिकाटी व दूरदुष्टीकोन मनामध्ये बाळगुन शिक्षण घेण्याचे सांगीतले . यावेळी विद्यालयातील पियुष परीट , नमिता पाटील , श्रेया खाडे , अंजली पाटील व जिज्ञासा पुजारी या विद्यार्थ्यांनी आपली मनोगत व्यक्त केली . या कार्यक्रमाचे सुत्रसंचालन विद्यालयातील सहा शिक्षक श्री काशिनाथ मोहनडुळे सर यांनी व आभार प्रदर्शन सौ वैशाली योगेश तेली मॅडम यांनी मानले . या कार्यक्रमास विद्यालयातील सर्व शिक्षक शिक्षकेत्तर कर्मचारी व विद्यार्थी मोठया संखेने उपस्थित होते .

  पट्टणकडोली / शिवार न्यूज नेटवर्क : पट्टणकडोली येथील उद्योजक मच्छिंद्र जाधव यांना भारतीय समाजरत्न जीवन गौरव पुरस्कार मिळाल्याबद्दल कनवाड ता. शिरोळ येथील राकेश ज्वेलर्स चे मालक राकेश गोरवाडे आणि त्रिमूर्ती हॉटेल चे मालक नेमना भगाटे यांनी सत्कार केला.      उद्योजक मच्छिंद्र जाधव यांना पुणे येथील ग्लोबल स्कॉलर फाउंडेशन या संस्थेकडून पद्मश्री नीलिमा मिश्रा यांच्या हस्ते भारतीय समाज रत्न जीवन गौरव पुरस्कार 2022 देऊन सन्मानित करण्यात आले आहे मच्छिंद्र जाधव यांनी सामाजिक कार्याच्या माध्यमातून अनेक पदे भूषवली आहेत रोटरी क्लब चे अध्यक्ष पद तसेच मराठा मंडळाचे अध्यक्ष अशा अनेक संस्था कडून तहानलेल्यांना पाणी भुकेलेल्यांना अण्णा देण्याचे कार्य केले आहे त्यांच्या या सामाजिक कार्याची दखल घेऊन त्यांना पुरस्काराने सन्मानित केले आहे त्यांना पुरस्कार मिळाल्याबद्दल कनवाड च्या राकेश ज्वेलर्सचे मालक राकेश गोरवाडे त्रिमूर्ती हॉटेल चे मालक नेमन्ना भगाटे यांनी त्यांचा सत्कार केला

  हेरवाड / शिवार न्यूज नेटवर्क : गेल्या अनेक वर्षापासून बिनविरोध निवडणूक होत असलेल्या येथील हेरवाड विविध कार्यकारी सेवा सोसायटीचा निवडणूक कार्यक्रम जाहीर झाला असून एकुण १३ जागांसाठी अर्ज दाखल करण्याच्या शेवटच्या दिवशी एकुण ३२ अर्ज दाखल झाल्याचे समजते. हेरवाड विविध कार्यकारी सेवा सोसायटीच्या पंचवार्षिक निवडणुकीसाठी निवडणूक कार्यक्रम जाहीर करण्यात आला आहे. एकूण १३ जागांसाठी ही निवडणूक होणार आहे. अर्ज दाखल करण्याच्या अखेरच्या दिवशी १३ जागांसाठी ३२ उमेदवारांनी अर्ज दाखल केल्याचे समजते. २१ फेब्रुवारी रोजी अर्जांची छाननी होणार आहे. त्यानंतर अर्ज माघारीसाठी २२ फेब्रुवारी ते ८ मार्च हा कालावधी असणार आहे. अर्ज माघारीनंतर ९ मार्च रोजी चिन्हांचे वाटप व २० रोजी मतदान होणार आहे. दरम्यान अनेक वर्षापासून या संस्थेची निवडणूक बिनविरोध होत आहे. मात्र १३ जागांसाठी ३२ अर्ज आल्याने संस्थेची निवडणूक लागण्याची शक्यता असली तरी माघारी नंतरच निवडणुकीचे चित्र स्पष्ट होणार आहे. ------------------------------ गुरु - शिष्यात होणार लढत ? संस्थेत समानता रहावी तसेच सर्वांना न्याय मिळावा या हेतूने सहा उमेदवारांचे ...

  हेरवाड / शिवार न्यूज नेटवर्क : शिरोळ तालुक्यातील हेरवाड - मजरेवाडी रोड लगत असलेल्या बाबासाहेब पाटील यांच्या उसाच्या शेतात मृतावस्थेत सांबर जातीचा प्राणी आढळला. या घटनेची माहिती वन विभागाच्या अधिकाऱ्यांना मिळताच वन विभागाच्या अधिकाऱ्यांनी घटनास्थळी येऊन मृत सांबरचा पंचनामा केला व त्याला तिथेच दफन करण्यात आले. याबाबत घटनास्थळावरून मिळालेली अधिक माहिती अशी की, हेरवाड - मजरेवाडी रोड लगत बाबासाहेब पाटील यांची शेती आहे. या शेताममध्ये गेल्या दोन दिवसापूर्वी सांबर आला होता. या प्राण्यावर दोन दिवसापूर्वी या परिसरातील भटक्या कुत्र्यांनी हल्ला करून त्या सांबरला ठार केल्याचे वन विभागाच्या अधिकाऱ्यांनी सांगितले.  दरम्यान, या घटनेची माहिती मिळताच हेरवाडचे सरपंच सुरगोंडा पाटील यांनी घटनास्थळी जाऊन तातडीने वन विभागाच्या अधिकाऱ्यांना बोलावून घेतले. यावेळी वन विभागाचे संज्योत शिरोळकर व पशुवैद्यकीय अधिकार्‍यांनी मृत सांबरचा पंचनामा केला यावेळी कुत्र्यांच्या हल्ल्यात सदरचा सांबर ठार झाल्याचे वन विभागाच्या अधिकाऱ्यांनी सांगितले. यानंतर मृत सांबरला जेसीबीच्या सहाय्याने त्या ठिकाणी खड्डा काढून दफ...

  आरोग्य राज्यमंत्री राजेंद्र पाटील-यड्रावकर यांनी दिली माहिती जयसिंगपूर / शिवार न्यूज नेटवर्क : नव्याने बांधण्यात येत असलेल्या जयसिंगपूर बसस्थानकाच्या इमारतीच्या विस्तारीकरणासाठी आणखी दोन कोटीचा निधी मंजूर झाला असल्याची माहिती सार्वजनिक आरोग्य राज्यमंत्री नामदार राजेंद्र पाटील-यड्रावकर यांनी प्रसिद्धी पत्रकाद्वारे दिली आहे, सांगली कोल्हापूर महामार्गावर जयसिंगपूर येथे असलेले जयसिंगपूर चे बसस्थानक काही वर्षापासून नव्याने बांधण्यात येत होते, त्या वेळी मंजूर झालेल्या निधीतून बस स्थानकाच्या इमारतीचा काही भाग पूर्ण झाला होता पण बसस्थानका साठी असलेली एकूण जागा व अपुरे बांधकाम यामुळे या बसस्थानकाच्या इमारतीचे विस्तारीकरण होण्यासाठी आणखी दोन कोटीचा निधी मंजूर व्हावा अशी मागणी सार्वजनिक आरोग्य राज्यमंत्री नामदार राजेंद्र पाटील-यड्रावकर यांनी 20 नोव्हेंबर 2020 रोजी परिवहन मंत्री नामदार अनिल परब यांनी राज्यमंत्री यड्रावकर यांच्या जयसिंगपूर येथील निवासस्थानी दिलेल्या सदिच्छा भेटी वेळी त्यांच्याकडे केली होती, याचाच भाग म्हणून 2021 - 22 मधील शासनाच्या विशेष योजनेतून प्रस्तावित केलेल्या कामांना फ...

  २० मार्च रोजी होणार निवडणूक हेरवाड / शिवार न्यूज नेटवर्क : गेल्या अनेक वर्षापासून बिनविरोध निवडणूक होत असलेल्या येथील हेरवाड विविध कार्यकारी सेवा संस्थेचा निवडणूक कार्यक्रम जाहीर झाला असून एकुण १३ जागांसाठी अर्ज दाखल करण्याच्या चौथ्या दिवशी एकुण २४ अर्ज दाखल झाले आहेत. उद्या शुक्रवारी अर्ज दाखल करण्याचा शेवटचा दिवस आहे.  हेरवाड विविध कार्यकारी सेवा संस्थेच्या पंचवार्षिक निवडणुकीसाठी निवडणूक कार्यक्रम जाहीर करण्यात आला आहे. एकूण १३ जागांसाठी ही निवडणूक होणार आहे. अर्ज दाखल करण्याच्या तिसऱ्या दिवसापर्यंत १४ अर्ज दाखल करण्यात आले होते. यानंतर अर्ज दाखल करण्याच्या चौथ्या दिवशी १० अर्ज दाखल झाल्यामुळे १३ जागांसाठी २४ उमेदवारांनी अर्ज दाखल केले आहेत. उद्या शुक्रवार दिनांक 18 रोजी अर्ज दाखल करण्याचा अंतिम दिवस आहे. त्यानंतर २१ फेब्रुवारी रोजी छाननी होणार आहे. त्यानंतर अर्ज माघारीसाठी २२ फेब्रुवारी ते ८ मार्च हा कालावधी असणार आहे. अर्ज माघारीनंतर ९ मार्च रोजी चिन्हांचे वाटप व २० रोजी मतदान होणार आहे. दरम्यान अनेक वर्षापासून या संस्थेची निवडणूक बिनविरोध होत आहे. मात्र १३ जागांसाठी अर...

कुरुंदवाड / शिवार न्यूज नेटवर्क : कुरुंदवाड माळभाग येथील दारू दुकान समोर दारुच्या नशेत दगडाच्या सहाय्याने एकाला पोटावर व छातीवर जबर मारहाण करून जखमी केल्याप्रकरणी पवन कित्तुरे याच्यावर कुरुंदवाड पोलीस ठाण्यात गुन्हा दाखल करण्यात आला आहे. याबाबतची फिर्याद जखमी नागेश वडर यांनी कुरुंदवाड पोलीस ठाण्यात दिली आहे. याबाबत पोलिसांतून मिळालेली माहिती अशी की, संशयित आरोपी पवन कित्तुरे व फिर्यादी नागेश वडर हे मित्र असून कुरुंदवाड माळभाग येथे असलेल्या दारू दुकानासमोर पवन कित्तूरे यांने दारूच्या नशेत नागेश वडर याच्याशी वाद घालून दगडाने त्याच्या पोटावर व छातीवर मारहाण केल्याने नागेश हा जखमी झाल्याने त्याला सांगली येथील शासकीय रुग्णालयात उपचारासाठी दाखल करण्यात आले आहे. या प्रकरणी पवन कित्तुरे याच्यावर कुरुंदवाड पोलीस ठाण्यात गुन्हा दाखल करण्यात आला असून या घटनेचा अधिक तपास सहाय्यक फौजदार विजय घाटगे करीत आहेत.

  राहूल डोंगरे / अर्जुनवाड : चिंचवाड (ता. शिरोळ ) येथील उपसरपंचासह पाच सदस्य आणि पंधरा दिवसापूर्वी सरपंचाकडे सरपंच यांच्याकडे राजीनामा दिला होता. याबाबत आज बुधवारी ग्रामपंचायतीच्या मासिक मिटिंगमध्ये सरपंचानी अवलोकन करून पुढील कार्यवाहीला मंजुरी दिली. सभेच्या अध्यक्षस्थानी प्रभारी ग्रामसेविका कटारे होते. पंधरा दिवसापूर्वी सरपंच यांच्या राजीनाम्याची मागणी करत उपसरपंचासह सहा सदस्यांनी राजीनामा दिला होता. या राजीनामावर चर्चा करण्यासाठी दोन दिवसापूर्वी मासिक सभा घेण्यात आली. ती मासिक सभा तहकूब झाल्यानंतर आज बुधवारी पुन्हा मासिक सभा घेऊन सरपंच ज्योती काटकर यांनी राजीनाम्याचे वाचन करून अवलोकन केले. गेल्या पंधरा दिवसापासून राजीनामा माघारी बाबत चर्चा होत आहे. उपसरपंच व सदस्यांना राजीनामा माघारी बाबतअनेक वेळा विचारले असून यावर कोणताही निर्णय न घेतल्यामुळे नाईलाजास्तव पुढील कार्यवाही करावी लागत असल्याचे सरपंच काटकर यांनी सांगितले. यामध्ये उपसरपंच सचिन पाटोळे, ग्रा.पं.सदस्य परमानंद उदगांवे, संदीप पाटोळे, कांचन ठोमके, सरिता गोधडे, भारती सुतार यांचा राजीनामा झाला आहे. याबाबत जिल्हाधिकारी यांच्य...

  इसाक नदाफ / दत्तवाड : दत्तवाड (तालुका शिरोळ) मध्ये आयोजित करण्यात आलेल्या एन.के. चषक २०२२ हाफ पिच डे- नाईट क्रिकेट स्पर्धेचे मोठ्या उत्साहात शुभारंभ करण्यात आला. आदित्य राजेंद्र पाटील-यड्रावकर यांच्या प्रमुख उपस्थितीत क्रिकेट स्पर्धेचे उद्घाटन करण्यात आले. यावेळी बोलताना आदित्य यड्रावकर म्हणाले, ग्रामीण भागातील युवकांच्या कलागुणांना वाव देण्यासाठी तसेच ग्रामीण भागातील युवकांना क्रिकेटच्या माध्यमातून आपली कला दर्शवण्यासाठी ही स्पर्धा एक व्यासपीठ ठरणार असल्याचे सांगितले. तसेच या क्रिकेट स्पर्धेच्या माध्यमातून तरुणांना आपली कला दर्शवण्यासाठी ची संधी निर्माण झाले असल्याचे सांगितले. यावेळी मान्यवरांच्या हस्ते स्पर्धेतील प्रथम संघाचे नाणेफेक करण्यात आले.  यावेळी राष्ट्रवादी अल्पसंख्याक विभागाचे जिल्हा उपाध्यक्ष नूर काले, सरपंच चंद्रकांत कांबळे, उपसरपंच रूपाली पोवाडी, अनिता कडाके, काशीबाई केंगारे, राखी कोळी, राहुल चौगुले, अभय चौगुले, दौलत माने, सुरेश पाटील, प्रकाश चौगुले, राजगोंडा पाटील, रफिक मुल्ला, मौला नदाफ, लाला मांजरेकर, सतीश वडर, शामराव बिरंणगे, जितेंद्र बिरंणगे त्याचबरोबर एन...

  कागल / शिवार न्यूज नेटवर्क :    गोरंबे ता. कागल येथे दिव्यांग कागल तालुका अध्यक्ष अर्जुन जाधव गावातील दिव्यांग बांधवाना शासनाच्या सर्व सेवा सवलती चा लाभ करून देण्यात यावा अशी मागणी गौरंबे गावाच्या सरपंच सौ शोभा पाटील यांना निवेदन देण्यात आले    गावातील दिव्यांग बंधू भगिनीं यांना शासनाने सानुग्रह अनुदान,5%निधी, घरकुल योजना,नविन रेशनकार्ड आणि या सारख्या अनेक योजना ग्रामपंचायत यांच्या मार्फत काटेकोर पणे अंमलबजावणी करण्यात यावी या निवेदन देते वेळी अर्जुन जाधव, नामदेव माळी, बाबासो चिक्कोडे आणि दिव्यांग महिला पुरुष मोठया संख्येने उपस्थित होते.

  कुरुंदवाड / शिवार न्यूज नेटवर्क :         महाराष्ट्र ही महामानव आणि संतांची भूमी आहे. जातीपातीच्या पलीकडे जाऊन संत रोहिदास महाराजांनी सर्वसमावेशक कार्य करत शिकवण दिली आहे. ते भक्ती चळवळीचे प्रसिद्ध संत होते त्यांची प्रेरणा आणि आदर्शाचे आपण पाईक असल्याचे प्रतिपादन जय कडाळे यांनी केले.      येथील समस्त चर्मकार समाजातर्फे संत शिरोमणी रोहिदास महाराज यांची 645 व्या जयंती निमित्त आयोजित कार्यक्रम प्रसंगी कडाळे बोलत होते.आज बुधवारी पहाटे विठ्ठल मंदिरात पुजारी शशिकांत गायकवाड यांनी काकड आरती करून संत रोहिदास महाराज यांच्या प्रतिमेला पुष्पहार अर्पण करून अभिवादन केले.    रोहिदास महाराज यांच्या पालखीचे जय कडाळे, माजी नगराध्यक्ष अक्षय आलासे यांच्या हस्ते पूजन करण्यात आले. जयंतीनिमित्त भजन,कीर्तन,पालखी मिरवणूक, महाप्रसादाचे आयोजन करण्यात आले होते.पालखी मिरवणुकीत हरिपंथ भजनी मंडळ व महिलांनी जलकलश,दुग्धकलश,अंबिलकलश घेऊन मिरवणुकीत सहभागी झाल्या होत्या.  यावेळी सुनील गायकवाड, नागेश गायकवाड(पत्रकार), विजय गायकवाड,आण्णासो गायकवाड, शामराव गायकवाड,अशो...

  बोरगाव येथे "अरिहंत" तर्फे विद्यार्थ्यांना मार्गदर्शन अजित कांबळे / बोरगाव दहावी परीक्षा हे विद्यार्थी जीवनात महत्त्वाचा घटक आहे .हे ओळखून विद्यार्थी परीक्षेत जास्त गुण मिळविण्यासाठी धडपडत असतात .परीक्षा जवळ आली की विद्यार्थी गोंधळात राहून अभ्यासाबाबत तणाव वाढून घेतात .त्यामुळे परीक्षेचे नियोजन बिघडते .तरी विद्यार्थ्यांनी तणावमुक्त राहून अभ्यास करावे व आपले ध्येय निश्चित ठरवून पुढील करिअरच्या दृष्टीने कमी वेळेत जास्त अभ्यासाला महत्त्व द्यावे असे मत अरिहंत शाळेचे चेअरमन युवा नेते उत्तम पाटील यांनी व्यक्त केले. येथील अरिहंत सभागृहात अरिहंत परिवाराच्या सहयोगाने व जितो करियर बेळगाव यांच्या मार्गदर्शनाने नववी व दहावी विद्यार्थ्यांना मार्गदर्शन शिबिराचे आयोजन करण्यात आले होते. अध्यक्षस्थानी युवा नेते उत्तम पाटील होते .तर प्रमुख वक्ते म्हणून बालचंद बाली, डॉ.राधिका कुलकर्णी, लक्ष्मण आश्टगी,जितो चे चेअरमन पुष्पक हनुमन्नवर होते. ग्रामीण भागातील विद्यार्थ्यांना योग्य मार्गदर्शन मिळत नसते. या विद्यार्थ्यांना मार्गदर्शनासाठी पालकांनाही धडपडणे गरजेचे आहे. कारण आज ग्रामीण भागातील विद्यार्...

  इसाक नदाफ / शिवार न्यूज नेटवर्क : गुरुदत्त साखर कारखान्याचे एक्झिक्युटीव्ह डायरेक्टर राहुल घाटगे यांच्या वाढदिवसानिमित्त येथील कारखाना साईट व घोसरवाड येथील मरगुबाई मंदिरामध्ये उद्या सोमवारी रक्तदान शिबिराचे आयोजन करण्यात आले आहे. राहुल घाटगे यांच्या वाढदिवसानिमित्त २०२१ मध्ये कारखाना परिसरातील विविध गावामध्ये रक्तदान शिबिराचे आयोजन करण्यात आले होते, या रक्तदान शिबिरात २०४० हून अधिक जणांनी रक्तदान करुन सामाजिक बांधिलकी जोपासली होती. याही वर्षी राहुल घाटगे यांनी सामाजिक बांधिलकी जपत आपल्या वाढदिवसानिमित्त महारक्तदान शिबिराचे आयोजन केले आहे. गेल्या वर्षभरामध्ये शिरोळ तालुक्यात रक्ताची गरज असणाऱ्या अनेक रुग्णांना तसेच कोरोना काळात अनेक रुग्णांना राहुल घाटगे यांच्या माध्यमातून २५० हून अधिक जनाना मोफत रक्त पुरवठा देऊन जीवनदान देण्यात आले. त्यामुळे अनेक जणांना या रक्तदान शिबिराचा मोठा लाभ मिळाला आहे. या वर्षी वाढदिवसानिमित्त शिरोळ . तालुक्यातील खिद्रापूर, राजापूर, राजापूरवाडी, नवे दानवाड, जुने दानवाड, अकिवाट, बस्तवाड, हेरवाड, दत्तवाड, चिंचवाड आदी ठिकाणी रक्तदान शिबिर संपन्न होऊन २२२...