शिवार वार्ता न्यूज नेटवर्क

  कुरुंदवाड / शिवार न्यूज नेटवर्क : दत्तवाड ता.शिरोळ येथे मुलीला पळवून नेऊन विवाह केल्याच्या कारणातून सासर-माहेरच्या दोन गटात झालेल्या वादातून सोमवारी रात्री झालेल्या हाणामारी प्रकरणी एका गटातील 24 तर दुसर्‍या गटातील 14 अशा 38 जणांवर येथील पोलीसात गुन्हे दाखल करण्यात आले आहेत.           दत्तवाड येथील लता अजितकुमार मटाले(वय47) यांची मुलगी ऐश्वर्या अजितकुमार मटाले हिला जगन्नाथ चव्हाण याने पळवून नेऊन विवाह केला आहे.सोमवारी रात्री 9 वाजता लता मटाले,अजितकुमार मटाले व प्रकाश मटाले हे तिघे चव्हाण यांच्या घरासमोर जावून आमची मुलगी ऐश्वर्या कुठे आहे. ते सांगा त्याचा मोबाईल नंबर तर सांगा असे विचारले असता.     संशयित आरोपी एकनाथ दत्तात्राय चव्हाण, सुशिला दत्तात्रय चव्हाण, दिनकर राऊ चव्हाण, सचिन दिनकर चव्हाण, पांडूरंग गोविंद चव्हाण,गणेश चव्हाण, केसरकर, रघुनाथ दत्तात्राय चव्हाण,योगेश चव्हाणसह अनोळखी 16 (सर्व रा. दत्तवाड ता. शिरोळ) यांनी संगनमताने जमाव करुन धक्का-बुक्की करत शिवीगाळ केली. व लाथाबुक्क्यांनी मारहाण करून प्रकाश मटाले यांना जखमी केल्याचे फिर्यादीत म...

  शिरोळ / शिवार न्यूज नेटवर्क : अनुष्का कांबळे हिच्या  वाढदिवसानिमित्त शैक्षणिक साहित्य, फळे वाटप व वृक्षारोपण असा उपक्रम राबवून अमरसिंह कांबळे यांनी सामाजिक बांधिलकी जोपासली आहे, वृक्ष संवर्धन संकल्पने बरोबरच  समाजातील होतकरू  व गरीब विद्यार्थी विद्यार्थ्यांना शैक्षणिक साहित्याचे वाटप करून आदर्शवत काम  अमरसिंह कांबळे युथ फाऊंडेशन ने केले असून हे कार्य प्रेरणादायी आहे असे मत श्री दत्त शेतकरी सहकारी साखर कारखान्याचे अध्यक्ष गणपतराव पाटील यांनी व्यक्त केले.    येथील कोल्हापूर जिल्हा युवक काँग्रेसचे उपाध्यक्ष अमरसिंह कांबळे  युथ फाउंडेशन चे संस्थापक अध्यक्ष अमरसिंह कांबळे  यांची कन्या  कुमारी अनुष्का कांबळे  हिच्या  वाढदिवसानिमित्त येथील जे के मुळीक विद्यालयातील विद्यार्थ्यांना शैक्षणिक साहित्याचे वाटप ,वृक्षारोपण व रुग्णांना फळे वाटपाचा कार्यक्रम दत्त चे चेअरमन गणपतराव पाटील यांच्या हस्ते करण्यात आला, त्याप्रसंगी ते बोलत होते, कार्यक्रमाच्या अध्यक्षस्थानी श्री दत्त साखर कारखान्याचे संचालक महेंद्र  बागी होते. प्रार...

  राहूल डोंगरे / शिवार न्यूज नेटवर्क :    अर्जुनवाड ता. शिरोळ येथे रोटेशन पद्धतीने पाणी सोडण्याचे नियोजन नसल्याने ठराविक भागापुरते नियमित आणि वेळेत पाणी सोडण्यात येते मात्र ठराविक भागात अ वेळी पाणी पुरवठा केला जातो ग्रामपंचायत ने ठराविक दिवसांनी क्रम पाळी ठेवून सर्व भागात रोटेशन पद्धतीने पाणी पुरवठा करण्यात यावा.पाण्याच्या अनियमित सोडल्याने पाणी वाटपाची समस्या अधिकच तीव्र झाली आहे. ही परिस्थिती म्हणजे मळा भागातील ग्रामस्थांच्या साठी धोक्याची घंटा आहे. अर्जुनवाड गावा मध्ये नियोजन आणि पाणी सोडण्याच्या पुरवठ्याचा प्रश्न नागरिकांना पाण्याची समस्या भेडसावत असल्याचे चित्र आहे. या प्रश्ना कडे गंभीर्याने लक्ष देउन अर्जुनवाड मधील सर्व ग्रामस्थांना समान न्याय देण्याची मागणी जोर धरू लागली आहे.

  शिरोळ / शिवार न्यूज नेटवर्क : बेळगाव जिल्ह्यातील चिकोडी येथील नॅशनल रुरल डेव्हलपमेंट फाउंडेशन व हेल्थ अँड नेचर डेव्हलपमेंट सोसायटी यांच्यातर्फे शिरोळ येथील माजी सरपंच गोरखनाथ बाबुराव माने यांना सामाजिक क्षेत्रातील विशेष कार्याबद्दल 'समाज भूषण ' पुरस्काराने सन्मानित करण्यात आले, चिकोडी येथे रविवारी महाराष्ट्र ,कर्नाटक व गोवा आंतरराज्य पुरस्कार वितरण समितीच्या वतीने हा कार्यक्रम झाला.        शिरोळचे माजी सरपंच माने यांनी राजकीय व सामाजिक क्षेत्रात गेली 40 वर्ष आदर्शवत काम केले आहे, शिरोळ गावचे उपसरपंच ते सरपंच या पदावर त्यांनी केलेले काम कौतुकास्पद असून सामान्य गोरगरीब निराधार व दुर्लक्षित घटकाना देण्यासाठी त्यांनी विशेष कार्य केले आहे या कामाची दखल घेवून बेळगाव जिल्हा आंतरराज्य पुरस्कार समितीने श्री माने यांचा गौरव केला. यावेळीमाजी केंद्रीय मंत्री श्रीमती रत्नमाला सावनूर, बेळगावचे माजी खासदार अमरसिंह पाटील, दत्त साखर कारखान्याचे संचालक व भाजपा नेते अनिलराव यादव यांच्या हस्ते कोल्हापुरी फेटा ,सन्मानचिन्ह व सन्मानपत्र देऊन आंतरराज्य सामाज भूषण पुरस्काराने ...

शिरोळ/ शिवार न्यूज नेटवर्क :  मौजे आगर तालुका शिरोळ येथील सौ. आरती महेंद्र कांबळे यांची नुकतीच पी.एस.आय. पदी निवड झाली. श्री दत्त शेतकरी सहकारी साखर कारखान्याचे चेअरमन, उद्यानपंडित गणपतराव पाटील यांच्या हस्ते त्यांचा कारखाना कार्यस्थळावर सत्कार करण्यात आला.  सौ. आरती कांबळे यांचे माहेर धरणगुत्ती. अतिशय खडतर परिस्थितीमधे त्यांनी प्राथमिक शिक्षण धरणगुत्ती येथे घेतले. तर उच्च शिक्षण जयसिंगपूर येथे घेतले. जयसिंगपूर कन्या महाविद्यालयातुन बी. ए. ही पदवी घेतली. त्यांचे वडील हे जयसिंगपूर येथील औद्योगिक वसाहतीमध्ये काम करतात. सात वर्षांपूर्वी त्यांचे लग्न मौजे आगर येथील महेंद्र दिलीप कांबळे यांच्याशी झाले. एक मुलगी झाल्यानंतर कांबळे पती-पत्नीने पी.एस.आय. होण्यासाठी स्पर्धा परीक्षा देण्यास सुरुवात केली. तीन वर्षांपूर्वी महेंद्र कांबळे यांची पी. एस. आय. पदी निवड झाली. दोन वर्षाच्या ट्रेनिंग नंतर ते आता सध्या पुणे येथे कार्यरत आहेत.  पती महेंद्र कांबळे यांच्यापाठोपाठ लगेच सौ. आरती कांबळे यांनीही पी.एस.आय. ची परीक्षा उत्तीर्ण केली. नाशिक येथे त्यांचे अकरा महिन्याचे ट्रेनिंग लवकरच सुर...

हेरवाड / शिवार न्यूज नेटवर्क : ओरिसा भुवनेश्वर येथे झालेल्या ऑल इंडिया वे नॅशनल चॅम्पीयनशिप टलिफ्टिंग स्पर्धेत हेरवाड गावचे सुपूत्र तेजस जोंधळे याने २६८ किलो वजनी गटात रौप्यपदक प्राप्त करून हेरवाड गावाच्या शिरपेचात मानाचा तुरा रोवला आहे.  सदरच्या वेटलिफ्टिंग स्पर्धा 19 मार्च ते 31 मार्च दरम्यान ओरिसा- भुवनेश्वर येथे होत आहेत या स्पर्धेत तेजस याने १२४ किलो स्नॅच व क्लीन आणि जर्क मध्ये १४४ किलो वजन उचलून राष्ट्रीय स्पर्धेत रौप्यपदक प्राप्त केले. तेजस याला प्रशिक्षक प्रदिप पाटील यांचे मोलाचे मार्गदर्शन लाभले.  तेजस याने या अगोदर वेटलिफ्टिंग स्पर्धेत भरगोस यश मिळविले आहे. आजपर्यंत त्याने राज्यस्तरीय, राष्ट्रीय स्पर्धेत आपली चमकदार कामगिरी बजावली आहे.

  शिरोळ / शिवार न्यूज नेटवर्क :  चिपरी (ता शिरोळ) येथील राजर्षी शाहू विद्या मंदिर शाळेचे केंद्र समन्वयक व मुख्याध्यापक अनिल दिनकर खिलारे यांना कोल्हापूर जिल्हा परिषदेकडून डॉ सर्वपल्ली राधाकृष्णन आदर्श शिक्षक पुरस्कार प्रदान करण्यात आला. जिल्हा परिषदेचे अध्यक्ष राहुल पाटील यांच्या हस्ते श्री खिलारे यांना कोल्हापुरी फेटा, सन्मानचिन्ह व सन्मानपत्र देऊन पुरस्काराने सन्मानित करण्यात आले.          आदर्श शिक्षक अनिल खिलारे यांनी अध्यापक के मुख्याध्यापक असा शैक्षणिक प्रवास केला असून 28 वर्ष शिक्षण क्षेत्रात काम ते कार्यरत आहेत. शैक्षणिक धोरणानुसार कर्तव्यनिष्ठ काम करण्यात त्यांची कसोटी आहे, विद्यार्थ्यांचा सर्वांगीण विकास साधण्यासाठी त्यांनी उत्कृष्ट काम केले असून शाळा व समाज यांच्यात जवळीकता निर्माण करून शैक्षणिक वातावरण निर्मिती केली केली आहे, शैक्षणिक उठाव अंतर्गत शाळा व शाळेचा परिसर सुशोभीकरण तसेच जे पी नाईक शाळा समृद्धी उपक्रमांतर्गत राजर्षी शाहू विद्या मंदिर चिपरी या शाळेचे नामकरण यासह विद्यार्थी-पालक यांच्यात सुसंवाद, गुणवत्तापूर्ण शिक्षणावर भर, पटसं...

 माजी आमदार उल्हास पाटील ; संभाजीपूर येथे उद्घाटन शुभारंभ   जयसिंगपुर / शिवार न्यूज नेटवर्क :    जिल्हा परिषदेच्या माध्यमातून माजी समाजकल्याण सभापती स्वाती सासणे यांनी विविध विकासकामे आणली आहेत. कामाचा पाठपुरावा करून उदगाव मतदारसंघाचा कायापालट केला आहे. कामाच्या माध्यमातून प्रत्येक गावाला न्याय देण्याचा प्रयत्न केला आहे. त्यामुळे त्यांना मिळालेल्या संधीचे सोने केले असल्याचे प्रतिपादन माजी आमदार उल्हास पाटील यांनी केले. ते संभाजीपुर (ता. शिरोळ) येथील विविध विकास कामांच्या उद्घाटन प्रसंगी बोलत होते.     संभाजीपुर (ता. शिरोळ) येथील २२ लाख रुपयाच्या विविध विकास कामांचा शुभारंभ व लोकार्पण सोहळा पार पडला. माजी सभापती स्वाती सासणे यांच्या निधीतून ही विकास कामे पूर्ण होत आहेत. येथील जवाहर गुमास्ता सोसायटी, पदमावती कॉलनी, वरेकर सोसायटी, विद्यानगर, ग्रामपंचायत कार्यालय येथील रस्ते, गटर्स, स्ट्रीट लाईट व सुशोभीकरणाच्या कामांचा शुभारंभ करण्यात आला. यावेळी माजी नगरसेवक पराग पाटील,शैलेश आडके उपसरपंच दिनकर कांबळे,शहरप्रमुख तेजस कुराडे, महिला आघाडी प्रमुख अर्चना भोजने, ग्र...

  राहूल डोंगरे / अर्जुनवाड :    अर्जुनवाड ता. शिरोळ येथील तीन विद्यार्थी बारामती येथे झालेल्या राज्यस्तरीय कराटे स्पर्धेत चमकदार कामगिरी करण्यात आले.     महाराष्ट्र च्या विविध भागात आज पर्यत अनेक स्पर्धा यांनी गाजवल्या आहेत. बारामती येथे उपमुख्यमंत्री चषक कराटे स्पर्धेत सार्थक विजय पाटील यांने गोल्ड आणि सिल्वर मिडल,श्रीवर्धन अमर पाटील यांनी गोल्ड मिडल,पृथ्वीराज बाबासाहेब तेरवाडे याला ब्रॉज मिडल मिळाले या सर्व विद्यार्थी यांना ओंकार सर यांचे मार्गदर्शन लाभले आहे असल्यामुळे अर्जुनवाड मध्ये सर्वत्र कौतुक होत आहे.

  जयसिंगपूर / शिवार न्यूज नेटवर्क :          येथे सोमवारी ' साई सेवन व्हेंचर्स ' या इलेक्ट्रिक बाईक शोरूमचा शुभारंभ सायंकाळी होत आहे. दत्त उद्योग सहकार समूहाचे प्रमुख गणपतराव पाटील यांच्या हस्ते आणि ष.ब्र. परमपूज्य श्री. शिवसिद्ध सोमेश्वर शिवाचार्य महास्वामीजी यांचे सानिध्य आणि आशीर्वादाने शुभारंभ होणार आहे अशी माहिती साईनाथ उद्योग समूहाचे संस्थापक अशोकराव कोळेकर व साई-सेवन व्हेंचरचे संचालक लक्ष्मण भीमाशंकर कोळेकर यांनी दिली.      या समारंभास राज्याचे आरोग्य, वस्त्रोद्योग राज्यमंत्री डॉ. राजेंद्र पाटील-यड्रावकर, माजी खासदार राजू शेट्टी, माजी आमदार उल्हास पाटील, जि. प.चे, माजी बांधकाम समिती सभापती सावकर मादनाईक, परमपूज्य देबाजे मामा-हेरवाडकर, परमपूज्य करेसिध्येश्वर पुजारी (हारुगिरी,कर्नाटक), परमपूज्य नंदूअण्णा माणगावकर (शिरोळ), साई सेवन व्हेंचरचे मॅनेजिंग डायरेक्टर राजकुमार कोळेकर, साई सेवन व्हेंचरचे संचालक बाळासाहेब कर्णवर-पाटील, आदी मान्यवर उपस्थित राहणार आहेत.   अशोकराव कोळेकर यावेळी बोलताना म्हणाले, कमी खर्च, प्रदूषण मुक्त, कमी त्रा...

  मंगराया विकास सेवा सोसायटी निवडणूक रणधुमाळी तेरवाड / शिवार न्यूज नेटवर्क : श्री मंगराया विकास सेवा सोसायटी तेरवाड या निवडणूक कार्यक्रम जाहीर झाला असून १२ जागेसाठी २४ उमेदवार निवडणूक रिंगणात उतरले असून आज सहायक निबंधक कार्यालयात चिन्हांचे वाटप करण्यात आले, यावेळी सत्ताधारी गटाला कपबशी तर विरोधी गटाला विमान हे चिन्ह मिळाले आहे. त्यामुळे उद्यापासून प्रचाराला गती येणार आहे.   सत्ताधारी गटाचा अनुसूचित जाती जमाती या गटातून राजेंद्र कांबळे यांची बिनविरोध निवड होवून सत्ताधारी गटाने आपले खाते खोलले आहे. एकूण १२ जागेसाठी २४ उमेदवार निवडणूक रिंगणात उतरले आज २५ रोजी चिन्हांचे वाटप करण्यात असून सत्ताधारी गटाला कपबशी तर विरोधी गटाला विमान हे चिन्ह मिळाले आहे. त्यामुळे उद्यापासून प्रचाराला मोठी गती येणार आहे. ४ एप्रिल रोजी मतदान होणार असून याच दिवशी मतमोजणी संपन्न होणार असल्याची माहिती सहाय्यक निबंधक कार्यालयाकडून देण्यात आली.  ज्याच्याकडे कपबशी त्याचा विजय ज्या उमेदवाराकडे कपबशी चिन्ह त्याचा विजय निश्चित असतो, हे केडीसी बँकेपासून सध्या होत असलेल्या सेवा सोसायट्यांच्या निवडणूकीत...

  कोल्हापूर / शिवार न्यूज नेटवर्क : संजय घोडावत पॉलीटेक्निकचे प्रा.संदीप राजाक्का भास्कर वाटेगावकर यांना नुकतीच शिवाजी विद्यापीठाकडून रसायनशास्त्र विषयामध्ये पीएच.डी. ही मानाची पदवी प्राप्त झाली. ''स्टडीज ऑन सिंथेसिस, प्रॉपर्टीज अँड ऍप्लिकेशन्स ऑफ डाय सेन्सिटाईझ्ड मिक्सड ट्रान्झिशन मेटल ऑक्साईड थीन फिल्म्स'' हा त्यांचा पीएच.डी.चा मुख्य विषय होता. यासाठी त्यांना त्यांचे पीएच.डी. मार्गदर्शक केआरपी कन्या महाविद्यालय, इस्लामपूर चे रसायनशास्त्र विभागाचे प्रोफेसर व विभागप्रमुख डॉ.आर.के.माने व जयसिंगपूर कॉलेजचे प्रोफेसर व एमएस्सी रसायनशास्त्र विभागाचे मुख्य समन्वयक डॉ.बी.एम.सरगर यांचे मोलाचे मार्गदर्शन लाभले. बाजारात मिळणाऱ्या सिलिकॉन सौर घटाची किंमत जास्त असून सध्या तो सामान्य माणसाला परवडणारा नाही म्हणून डॉ. वाटेगावकर यांनी रासायनिक अभिक्रिया विकसित करून अधिक कार्यक्षम रंगमिश्रित सौर घटाची निर्मिती केली आहे. हा सौर घट ढगाळ वातावरणात देखील प्रकाश शोषित करून आपली कार्यक्षमता दर्शवतो. तसेच हा सौर घट सामान्यांना परवडणारा असून दुर्गम ठिकाणी देखील याचा वापर केला जाऊ शकतो असे मत डॉ...

तेरवाड / शिवार न्यूज नेटवर्क : श्री मंगराया विकास सेवा सोसायटी तेरवाड या निवडणूक कार्यक्रम जाहीर झाला असून माघारीनंतर १२ जागेसाठी २४ उमेदवार निवडणूक रिंगणात उतरले आहेत. त्यामुळे ही निवडणूक मोठ्या चुरशीची होणार आहे.   दरम्यान अर्ज माघारीच्या आदल्या दिवशी सत्ताधारी गटाचा अनुसूचित जाती जमाती या गटातून राजेंद्र कांबळे यांची बिनविरोध निवड होवून सत्ताधारी गटाने आपले खाते खोलले आहे. आज अर्ज माघारीचा अखेरचा दिवस होता यावेळी अनेक उमेदवारांनी आपला उमेदवारी अर्ज माघारी मागे घेतला. व एकूण १२ जागेसाठी  २४ उमेदवार निवडणूक रिंगणात उतरले आहेत.  यानंतर उद्या २५ रोजी चिन्हांचे वाटप केले जाणार असून ४ एप्रिल रोजी मतदान होणार आहे. याच दिवशी मतमोजणी संपन्न होणार असल्याची माहिती सहाय्यक निबंधक कार्यालयाकडून देण्यात आली.   सोसायटीतील नाराज सभासद निवडणूक रिंगणात उतरल्यामुळे ही निवडणूक मोठ्या चुरशीची होणार आहे. उद्या चिन्हांचे वाटप करण्यात येणार असून यानंतर प्रचाराला मोठी गती येणार आहे. सत्ताधारी आणि विरोधी गटाकडून प्रचाराचा नारळ फोडला जाणार असून सभासदांचा विश्वास कोण संपादन करणार ?...

  सत्ताधारी गटाचा एक उमेदवार बिनविरोध तेरवाड / शिवार न्यूज नेटवर्क : श्री मंगराया विकास सेवा सोसायटी तेरवाड या निवडणूक कार्यक्रम जाहीर झाला असून माघारीच्या आदल्या दिवशी सत्ताधारी गटाचा अनुसूचित जाती जमाती या गटातून राजेंद्र कांबळे यांची बिनविरोध निवड झाली आहे. आज अर्ज माघारीचा अखेरचा दिवस आहे.  आरोग्य राज्यमंत्री डॉक्टर राजेंद्र पाटील-यड्रावकर यांच्या मार्गदर्शनाखाली व शाबगोंडा पाटील यांच्या नेतृत्वाखाली राजश्री शाहू शेतकरी विकास आघाडीची स्थापना करण्यात आली आहे. माघारीच्या आदल्या दिवशी सत्ताधारी गटाचा अनुसूचित जाती जमाती या गटातून राजेंद्र कांबळे यांची बिनविरोध निवड झाली होवून सत्ताधारी गटाने आपले खाते खोलले आहे. आज अर्ज माघारीचा अखेरचा दिवस आहे. त्यामुळे लागणार किती  होणार याकडे सर्वांचे लक्ष लागून राहिले आहे. त्यामुळे आणखी किती जागा बिनविरोध होणार ? याकडे सर्व सभासदांचे लक्ष लागून राहिले आहे.

  जयसिंगपूर / शिवार न्यूज नेटवर्क : उद्योग व्यवसायाचे महत्त्व ओळखून तरुण उद्योजक आकाश जगन्नाथ शिंदे (मालेकर ) या तरुणाने जयसिंगपूर येथे शिरोळ- वाडी मार्गावरील परिसरात आकाश सैन्डविच कॉर्नर या नव्याने व्यवसाय सुरू केला, या फर्म चा उदघाटन शुभारंभ जयसिंगपूर च्या माजी नगराध्यक्षा डॉ निता अभिजित माने व जयसिंगपूर चे माजी नगरसेवक पराग दादा पाटील यांच्या हस्ते करण्यात आला, प्रहार संघटनेचे जिल्हा उपाध्यक्ष व जेष्ठ पत्रकार दगडू माने कार्यक्रमाच्या अध्यक्षस्थानी होते. यावेळी बोलताना माजी नगराध्यक्ष डॉ माने म्हणाल्या, कष्ट करण्याची तयारी असली की छोट्या उद्योग व्यवसायातून मोठे करिअर करता येते, प्रतिकूल परिस्थितीवर मात करीत आकाश शिंदे यांनी या व्यवसायातून मोठी प्रगती साधावी, सॅंडविच यासह अन्य खाद्य पदार्थ विक्री करताना ग्राहकांची पसंती, गुणवत्ता व दर्जा यावर लक्ष केंद्रित केले पाहिजे असे सांगून त्यांनी आकाश सैन्डविच कॉर्नर जयसिंगपूर चे मोठे खाद्यसंस्कृतीचे दालन ठरावे अशा शुभेच्छा दिल्या.         यावेळी माजी नगरसेवक पराग पाटील व दगडू माने यांच्या हस्ते पुष्पगुच्छ देऊन उद्...

राहूल डोंगरे / शिवार न्यूज नेटवर्क :       महाराष्ट्र कर्नाटक राज्यातील लाखो भाविकांचे श्रद्धा स्थान असणाऱ्या अर्जुनवाड येथील श्री घोडगिरी बिरदेव मंदिराच्या शिखर जीर्णोद्धार साठी भाविकांकडून मदतीचा ओघ सुरूच आहे.    अर्जुनवाड चे सुपुत्र श्री श्रीमंत चौगुले यांच्या कडून रोख 80000 देणगी देण्यात आली त्याच बरोबर पुणे महानगरपालिका - सहाय्यक आयुक्त पुणेश्री संभाजी खोत यांच्या कडून 51000 हजार रुपये तसेच उदगाव येथील जैन भक्त बांधवाकडून 33910रुपयेची देणगी स्वरूपात शिखर जीर्णोद्धार समिती अर्जुनवाड यांच्या कडे सुपूर्द करण्यात आले या वेळी विष्णू चौगुले, अनिल मेडसिंगे,उदगाव येथील भक्त मंडळी आदी सर्व मान्यवर यांचा सत्कार करण्यात आला. यावेळी समस्त धनगर बांधव ग्रामस्थ वर्ग मोठया संख्येने उपस्थित होते.

  हेरवाड/शिवार न्यूज नेटवर्क :  ओरिसा भुवनेश्वर येथे झालेल्या ज्युनियर आणि सीनियर नॅशनल वेटलिफ्टिंग अजिंक्यपद 2021- 22 च्या स्पर्धेत हेरवाड हायस्कुल हेरवाड ची विद्यार्थिनी कु. भूमिका राजेंद्र मोहिते हिने 55 किलो वजनी गटात रौप्यपदक प्राप्त करून हेरवाड गावाच्या व शाळेच्या कीर्तीत भर टाकून यशाच्या शिरपेचात मानाचा तुरा रोवला आहे. सदरच्या वेटलिफ्टिंग स्पर्धा 19 मार्च ते 31 मार्च दरम्यान ओरिसा- भुवनेश्वर येथे होत असलेल्या या स्पर्धेत भूमिका मोहिते हिने 75 किलो स्नॅच व 95 किलो क्लीन आणि जर्क मध्ये 170 किलो वजन उचलून राष्ट्रीय स्पर्धेत रौप्यपदक प्राप्त केले. भूमिका मोहितेच्या यशामुळे परिसरात अभिनंदनाचा वर्षाव होत आहे.भूमिकाने दररोज खूप सराव व श्रम घेतल्यामुळेच हे यश तिला प्राप्त झाले. भूमिका ला प्रशिक्षक प्रदिप पाटील यांचे मोलाचे मार्गदर्शन लाभले.तर साने गुरुजी शिक्षण संस्थेचे अध्यक्ष रावसाहेब पाटील, संस्थेचे सचिव अजित पाटील,हेरवाड हायस्कूलच्या मुख्याध्यापिका श्रीमती माणिक नागावे , हायस्कूलचे क्रीडाशिक्षक शरद तावदारे व पालकांचे मोलाचे योगदान व मार्गदर्शन लाभले

  जयसिंगपूर / शिवार न्यूज नेटवर्क : नांदणी (ता.शिरोळ) येथील चकोते ग्रुप ऑफ इंडस्ट्रीज व गणेश बेकरीचे संस्थापक उद्योगपती श्री. आण्णासाहेब चकोते यांचा वाढदिवस गुरुवार (दि.२४ मार्च) रोजी विविध सामाजिक उपक्रमाने साजरा करण्यात येणार आहे. प्रतिवर्षाप्रमाणे रक्तदान शिबिर, वृक्षारोपण, गतिमंद मुलांना दत्तक घेणे यासह विविध सामाजिक उपक्रम राबविण्यात येणार आहेत. चकोते ग्रुपच्या माध्यामातून उद्योगपती श्री. आण्णासाहेब चकोते यांनी प्रयत्नांची शिकस्त व नावीन्याचा ध्यास, दुरदृष्टी या त्रिसुत्रीच्या बळावर उद्योग, कृषी व शैक्षणिक क्षेत्रात चकोते ग्रुपने भरारी घेतली आहे. याबरोबरच वाढदिवस हा फक्त निमित्त ठेवून सामाजिक कार्याला बळ देण्याचा विडा उचचला आहे. यातून एकाच दिवशी ३५० बसस्थानकांची स्वच्छता व रंगकाम करून एक यशस्वी पाऊल उचलले होते. यांची दखल घेवून लिमका बुक ऑफ रेकॉडमध्ये नोंद करण्यात आली आहे. त्याचबरोबर गेली पंधरा वर्षे रक्तदान शिबिरात रक्तदानाला मोठे पाठबळ मिळाले. व गतवर्षी कोरोना महामारीत काळाची गरज ओळखून आण्णासाहेब चकोते यांनी रक्तदानाचे आवाहन केले आणि त्यांच्या हाकेला प्रतिसाद देवुन या महारक्...

  शिरोळ / शिवार न्यूज नेटवर्क : लाल, पिवळा, गुलाबी, निळा अशा रंगांची मुक्त उधळण, ओळखू न येणारे चेहरे, सकाळपासून हातात रंग आणि भरलेली पिचकारी घेऊन एकमेकांना रंगवण्यात गुंतलेली बच्चेकंपनी, कुटुंबातील मुले, नातवंडांसोबत रंगून गेलेले आबालवृद्ध, मैत्रीच्या नात्याला रंगांनी अधिक गहिरे करणाऱ्या युवक-युवतींसह अवघा शिरोळ तालुका मंगळवारी रंगात न्हाला यानिमित्ताने तालुक्यातील रस्त्यांनाही वेगळाच रंग चढला होता. होळीनंतर येणाऱ्या रंगपंचमीचीमजा काही औरच असते. लहान मुले तर या दिवसाची आतुरतेने वाट पाहत असतात. गरीब-श्रीमंत, लहान-मोठा असा भेद विसरायला लावणाऱ्या आणि मनामनातील कटुता आपल्या रंगांनी पुसून टाकणाऱ्या या दिवसाला सुरुवातच झाली बच्चेकंपनीच्या किलबिलाटाने. सकाळी उठल्या-उठल्या हातात वेगवेगळे रंग घेऊन लहान मुलांनी एकमेकांना रंगवायला सुरुवात केली. दारात ठेवलेल्या बादलीतून पिचकारी भरून मित्र-मैत्रिणींना चिंब भिजवताना त्यांचा होणारा जल्लोष आणि गमती-जमती मोठ्यांनाही हसायला लावणाऱ्या होत्या. त्यांच्यासोबत रंग खेळताना मोठेही लहान झाले आणि मुलांना उत्साह दुणावला होता. रंगपंचमी वेळी कोणतीही अनुचित घटना...

  सैनिक टाकळी / शिवार न्यूज नेटवर्क : शिल्पकलेचा अद्भुत नमुना असलेल्या खिद्रापूर येथील कोपेश्वर मंदिरास अनेक ठिकाणी तडे गेले आहेत तर काही ठिकाणी मंदिराच्या पायथ्याचे दगड खचले आहेत याची वेळीच दखल घेतली नाही तर मंदिराचे अस्तित्व नष्ट होण्याची भीती निर्माण झाली आहे . यासाठी मुख्यमंत्री उद्धवजी ठाकरे, पर्यटनमंत्री आदित्यजी ठाकरे यांच्या माध्यमातून मंदिरास गतवैभव प्राप्त करून देण्यासाठी प्रयत्न करणार असल्याचे मत जिल्हाप्रमुख मुरलीधर जाधव यांनी व्यक्त केले . ते येथील मंदिर भेटी प्रसंगी बोलत होते.  यावेळी माजी आमदार उल्हासदादा पाटील म्हणाले, दोन वेळा आलेल्या प्रचंड महापुरामुळे मंदिराच्या अस्तित्वाला धोका निर्माण झालेला आहे. जागतिक दर्जाचे शिल्पकला असलेल्या या मंदिराचे अस्तित्व टिकवण्यासाठी सर्वपक्षीय नेत्यांनी प्रयत्न करणे गरजेचे असल्याचे मत व्यक्त केले. केंद्र सरकार, राज्य सरकार, पुरातत्व खाते यांचा समन्वय ठेवून लवकरात लवकर या मंदिरासाठी निधी उपलब्ध होणे गरजेचे आहे. यासाठी आपण पक्षीय पातळीवर त प्रयत्न करणार असल्याचे सांगितले .यावेळी उपजिल्हाप्रमुख मधुकर पाटील, तालुकाप्रमुख वैभव उ...

दानोळी / शिवार न्यूज नेटवर्क :               शेती पंपाच्या मोटर पेटीत करंट उतरल्याने शॉक बसून येथील विशाल पाटील-नांद्रे या युवकाचा मृत्यू झाल्याची घटना घडली आहे.              येथील नांद्रे माळ्यातील विशाल चवगोंडा पाटील-नांद्रे (वय-20) हा युवक सकाळी साडे आठ वाजता शेतातील बोअर ची मोटर सुरु करण्यासाठी गेला होता. त्याने मोटर पेटीच्या हँडेलला हात लावला आणि तो तेथेच चिकटला. हि बाब लक्षात येताच शेजारील शेतकऱ्यांनी काठी च्या सहायाने त्याला बाजूला केले पण तोंडातून फेस येऊ लागला. दरम्यान रुग्णालयात त्याला मृत घोषित करण्यात आले. विद्युत निरीक्षक जयश्री पाटील यांनी पहाणी केली असता सर्व्हिस वायर मधून पेटीत करंट उतरल्याचे लक्ष्यात आले. दरम्यान जयसिंगपूर पोलिसांनी घटनास्थळी भेट देऊन पंचनामा केला. एकुलता एक असलेल्या विशालच्या पाश्चात आई, वडील, दोन विवाहित बहिणी आहेत. जयसिंगपूर येथे शवविच्छेदन करून मृतदेह नातेवाईकांच्या ताब्यात देण्यात आला. जयसिंगपूर पोलीस कर्मचारी व पोलीस पाटील प्रशांत नेजकर उपस्थित होते.

हेरवाड / शिवार न्यूज नेटवर्क : हेरवाड विकास सेवा सोसायटीच्या निवडणुकीत सत्ताधारी गटाचे १३ पैकी १३ उमेदवार निवडून आल्याने अखेर सत्ताधार्‍यानी आपला गड राखला आहे. विरोधी शेतकरी विकास परिवर्तन पॅनलचा धुव्वा उडाला आहे. सर्वच उमेदवार निवडून आल्याने हेरवाड विकास संस्थेवर सत्ताधाऱ्यांचे वर्चस्व राहिले आहे.  रविवारी सकाळी आठ वाजता मतदान प्रक्रियेला सुरुवात करण्यात आली. सकाळी ११ वाजेपर्यंत २१३ एवढे चुरशीने मतदान झाले होते. तर सायंकाळी चार अखेर ३१५ मतदारांनी आपला मतदानाचा हक्क बजावला. यानंतर लगेचच मतमोजणीला सुरुवात करण्यात आली. या अगोदर सत्ताधारी गटाचा एक उमेदवार बिनविरोध निवडणूक आला होता. मतमोजणी नंतर सत्ताधारी गटाचे १२ पैकी १२ उमेदवार निवडून आले. या निवडीनंतर सत्ताधारी गटातील उमेदवार व त्यांच्या समर्थकांनी गुलाबाची उधळण व फटाक्यांची आतषबाजी करीत आनंदोत्सव साजरा केला. यानंतर गावातील प्रमुख मार्गावरून सत्ताधारी गटाने आपल्या निवडून आलेल्या उमेदवारांची रॅली काढली. कोणतीही अनुचित घटना घडू नये यासाठी कुरुंदवाड पोलिस ठाण्याचे पोलिस उपनिरीक्षक अमित पाटील यांच्या नेतृत्वाखाली पोलिस फौजफाटा हेरवाड ...

  लगेचच मतमोजणीला होणार सुरुवात हेरवाड / शिवार न्यूज नेटवर्क : हेरवाड विविध कार्यकारी सेवा सोसाटीसाठी ३३९ पैकी ३१५ मतदारांनी आपल्या मतदानाचा हक्क बजावला आहे. या संस्थेसाठी सकाळपासूनच मोठ्या चुरशीने मतदान पार पडले. लगेचच मतमोजणीला सुरुवात होणार असून उमेदवारांनी आपले देव पाण्यात ठेवले आहेत.  गेल्या चाळीस वर्षानंतर या संस्थेची निवडणूक लागली आणि . या संस्थेसाठी सत्ताधारी स्व. सत्यापाण्णा बरगाले शेतकरी विकास पॅनेलच्या माध्यमातून १२ उमेदवार रिंगणात उतरले आहेत तर विरोधी शेतकरी विकास पॅनेलच्या माध्यमातून ११ उमेदवार रिंगणात उतरले. सत्ताधारी आणि विरोधक गटाने सभासदांना आपल्या बाजूने वळविण्यासाठी अनेक प्रयत्न केल्याचे समजते. मात्र मतदारांचा कौल काय आहे, हे या तासाभरातच समजणार आहे.  दुपारी ४ वाजेपर्यंत सुमारे ३१५ इतके मतदान झाले होते. त्यामुळे सभासदांनी ही निवडणूक मनावर घेतल्याचे दिसून येते. चार वाजून १५ मिनिटांनी मतमोजणीला सुरुवात करण्यात येणार आहे. मतमोजणी नंतरच गुलाल कुणाचा हे कळणार असल्याने मतमोजणी ठिकाणी सत्ताधारी आणि विरोधकांची गर्दी होताना दिसून येत आहे.

  आरोग्य राज्यमंत्री डॉ. राजेंद्र पाटील-यड्रावकर यांचे प्रतिपादन  हेरवाड येथे शाहू पतसंस्थेच्या इमारतीचा उद्घाटन सोहळा संपन्न हेरवाड / शिवार न्यूज नेटवर्क : ग्रामीण भागातील पतसंस्था सर्वसामान्य जनतेला उभे करण्याचे काम करते. महापूर, कोरोना या सर्व परिस्थितीवर मात करून ग्रामीण भागातील पतसंस्थांनी सभासद व कर्जदारांचे विश्वास संपादन केले आहे. याच पावलावर पाऊल ठेवून राजश्री शाहू पतसंस्था वाटचाल करीत आहे. अशा याच संस्थांच्यामुळेच सहकार क्षेत्रात शिरोळ तालुक्याचे नाव कोल्हापूर जिल्ह्यात नव्हे तर राज्यात आदर्शवत ठरले आहे. असे प्रतिपादन राज्याचे सार्वजनिक आरोग्य राज्यमंत्री डॉ. राजेंद्र पाटील-यड्रावकर यांनी केले. राजर्षि शाहू नागरी पतसंस्था शाखा हेरवाडच्या नुतन वास्तुच्या उदघाटन प्रसंगी ना. यड्रावकर बोलत होते. कार्यक्रमाच्या अध्यक्षस्थानी सरपंच सुरगोंडा पाटील होते. यावेळी सेफ डिपॉझिट लॉकर्सचे उद्‌घाटन माजी नगराध्यक्ष रावसाहेब पाटील यांच्या हस्ते करण्यात आले.  यावेळी नामदार यड्रावकर पुढे म्हणाले, आपल्या राज्याला दिलेला शब्द पाळणारा मुख्यमंत्री लाभला आहे. त्यामुळे शेतकऱ्यांच्या कर्ज...

हेरवाड विकास संस्थेसाठी उद्या मतदान  ३३९ सभासद बजावणार मतदान हेरवाड / शिवार न्यूज नेटवर्क हेरवाड विविध कार्यकारी सेवा सोसाटीसाठी गेल्या आठ ते दहा दिवसापासून सत्ताधारी आणि विरोधी गटाकडून सुरु असलेला प्रचार आज शनिवारी सायंकाळी थंडावला आहे. या काळात सताधारी आणि विरोधी गटाकडून आरोप - प्रत्यारोपाच्या फैरी झडल्याचे पहायला मिळाले. दरम्यान उद्या रविवारी सकाळी ८ ते सायंकाळी ४ वाजेपर्यंत हेरवाड विकास संस्थेच्या सभागृहात मतदान होणार आहे. आणि यानंतर लगेचच मतमोजणीला सुरुवात होणार आहे. त्यामुळे रविवार या दिवशीच उमेवारांचे देव राहणार  आहेत. हेरवाड येथील या संस्थेच्या सभागृहात या संस्थेत मतदान संपन्न होणार आहे. या संस्थेसाठी सत्ताधारी स्व. सत्यापाण्णा बरगाले शेतकरी विकास पॅनेल च्या माध्यमातून १२ उमेदवार रिंगणात उतरले आहेत तर विरोधी शेतकरी विकास पॅनेलच्या माध्यमातून ११ उमेदवार रिंगणात उतरले आहेत. सत्ताधारी गटाचा एक उमेदवार या अगोदर बिनविरोध झाला आहे.  दरम्यान, या संस्थेमध्ये तीन बुथवर मतदान होणार आहे. एका सभासदाला १२ मतदानाचा हक्क असणार आहे. याचबरोबर एकाच वेळी तिन मतदारांना मतदान करणेसाठी...

  स्वाभिमानी दूध संघाकडे आंदोलन अंकुशची मागणी शिरोळ / शिवार न्यूज नेटवर्क : राज्यातील खाजगी व सहकारी दूध संघाची शिखर संस्था असलेली दुध प्रक्रिया व्यावसायिक कल्याणकारी संघ यांनी बैठक घेऊन व दूध पावडर व अन्य पदार्थाच्या वाढलेल्या किंमती तसेच दुधाचा वाढलेला उत्पादन खर्च विचारात घेऊन 23 फेब्रुवारी 2022 रोजी गायीच्या दुधाचा खरेदी दर 2 रुपये व 13 मार्च 2022 रोजी 3 रुपये असा एकूण 5 रुपये वाढवण्याचा निर्णय घेतला होता. त्यानुसार राज्यातील दुध संघांनी दर देण्यास सुरुवातही केली आहे. आपल्या स्वाभिमानी संघाने 2 रुपये तोही 3:5 फॅट च्या पुढील दुधास वाढविले आहे असे कळते तो पुरेसा नसून खरेदी दर सरसकट 5 रुपये वाढवावा, अशा आशयाचे निवेदन आंदोलन अकुश या संघटनेच्या वतीने स्वाभिमानी दुध संघाच्या व्यवस्थापनाला देण्यात आले आहे. निवेदनात म्हटले आहे की, दुध उत्पादक शेतकऱ्यांना आता मिळणारा दर हा न परवडणारा असल्यामुळे अनेक शेतकऱ्यांनी जनावरे पाळणे बंद केले आहे आपणाकडून कमी दराने खरेदी सुरु राहिल्यास दुध उत्पादक जनावरे विकून टाकेल त्याचा परिणाम म्हणून लोकांना दुध मिळणार नाही अशी भविष्यात परिस्थिती उद्भवेल आणि...

  कुरुंदवाड / शिवार न्यूज नेटवर्क :     तेरवाड ता.शिरोळ येथे लालनगर येथे विनापरवाना देशी दारू विक्री करणाऱ्या दोन दारू आड्यावर पोलिसांनी छापा टाकून 22 हजाराचा दारूचा मुद्देमाल पोलिसांनी जप्त करत शहनाज गौस मुल्ला(वय.59), म्हैरुद्दीन नुरुद्दीन जमादार(वय.52,रा.तेरवाड) या दोघांना पोलिसांनी ताब्यात घेतले आहे.     गुरुवारी सायंकाळी 7 वाजता सुमारास संशयित आरोपी मुल्ला याच्या घरी छापा टाकला असता ती घराच्या आडोश्याला पारड्यात विनापरवाना देशी दारू विक्री करत असल्याची रंगेहाथ मिळून आली. या छाप्यात कृष्णा संत्रा देशी दारूच्या बाटल्याचे सात बॉक्स, टंगो पंच कंपनीच्या 98 बाटल्या असा20 हजाराचा मुद्देमाल पोलिसांनी जप्त केला आहे.     तर संशयित आरोपी जमादार हा देखील घराच्या आडोश्याला दारू विक्री करताना रंगेहाथ मिळून आला.त्याच्याकडून देशी दारु टँगो पंच कंपनीच्या 98 बाटल्या असा 2 हजाराचा मुद्देमाल पोलिसांनी जप्त केला आहे.

  कुरुंदवाड / शिवार न्यूज नेटवर्क :     येथील कुरुंदवाड दरम्यानच्या मजरेवाडी रस्त्यावर उस वाहतुकीच्या ट्रॅक्टरच्या चाकाखाली सापडून चालक ठार झाला आहे.सचिन भीमराय चव्हाण (वय 29, रा.जलगिरी जि. विजापूर)असे मृत ट्रॅक्टर चालकाचं नाव आहे.       दरम्यान रस्त्यावर बघ्यांनी मोठी गर्दी केली होती.घटनास्थळी सपोनि बालाजी भांगे यांनी धाव घेऊन मृतदेह शवविच्छेदनासाठी पाठवत ट्रॅक्टर व ट्रॉली जप्त करून जमाव पागवला.      सचिन चव्हाण हा आपल्या ताब्यातील ट्रॅक्टर व ट्रॉली क्र(एम एच 10,ए. वाय 4573) घेऊन ऊस भरण्यासाठी कुरुंदवाडकडे जात असताना मजरेवाडी रस्त्यावरील भबीरे मळ्या जवळ साडे अकरा वाजता सुमारास रस्त्यालगत खडी पडलेली आहे.या खडीवरून ट्रॅक्टर जम्प झाला.ट्रॅक्टरवरील चालक सचिनचा ताबा सुटल्याने ट्रॅक्टर मधून त्याने उडी मारली असता ट्रॅक्टरच्या मोठ्या चाकाखाली पडल्याने चाक पोटावरुन गेल्याने तो जागीच ठार झाला.ट्रॅक्टर रस्त्यालगतच्या प्रवीण भबीरे यांच्या घरात शिरला.घराची भीत कोसळली असून सुदैवाने घरात कोणीच नव्हते पुढील अनर्थ टळला.       हा ट्रॅक्टर कर्न...

  हेरवाड विकास सोसायटी निवडणूक रणधुमाळी हेरवाड / शिवार न्यूज नेटवर्क : संपूर्ण तालुक्याचे लक्ष लागून राहिलेल्या हेरवाड विविध कार्यकारी सेवा सोसायटीची पंचवार्षिक निवडणूक लागली असून विरोधी गटाने शेतकरी परिवर्तन पॅनेलची निर्मिती करून सभासदांच्या घरा-घरापर्यंत पोहोचून आपल्या प्रचाराला मोठी गती दिली आहे. त्यामुळे या संस्थेत शेतकरी परिवर्तन पॅनेलचे सर्व उमेदवार निवडून येतील असा विश्वास मा. तंटामुक्त अध्यक्ष गिरीश पाटील, संतुबाई दुध संस्थेचे मा. संचालक आपगोंडा शिवगोंडा पाटील यांनी व्यक्त केला आहे. 8 मार्च या माघारीच्या दिवसानंतर विरोधी गटाने शेतकरी परिवर्तन पॅनेलच्या माध्यमातून विमान हे चिन्ह घेऊन अगदी सभासदांच्या घरापर्यंत जाऊन प्रचाराला सुरुवात केली. सभासद वर्गातूनही या पॅनेलच्या प्रचाराला मोठा प्रतिसाद मिळत आहे.  दरम्यान याबाबत बोलताना गिरीश पाटील म्हणाले, सभासदांचे हित जोपासण्यासाठी आम्ही विरोधी पॅनलची निर्मिती केली आहे. प्रत्येक सभासदाला संस्थेमार्फत विविध योजनांचा लाभ मिळवून देण्यासाठी आम्ही प्रयत्नशील आहोत. याचबरोबर कर्जांचे वाटप, जास्तीत- जास्त प्रमाणात डिव्हीडंट वाटप करून सभ...

  हेरवाड / शिवार न्यूज नेटवर्क : हेरवाड विकास सेवा सोसायटी निवडणूकीच्या पार्श्वभूमीवर सत्ताधारी गटाने स्व. सत्यापाण्णा बरगाले शेतकरी विकास पॅनेलची निर्मिती करून मोठ्या ताकदीने निवडणुकीला सामोरे जात आहेत. गेल्या 40 वर्षांपासून केलेली संस्थेची प्रगती, सभासदांचा वाढता प्रतिसाद आणि सत्ताधाऱ्यांच्यावर असलेला विश्वास या बळावरच आम्ही ही निवडणूक या अगोदरच जिंकली आहे. असा ठाम विश्वास या संस्थेचे व्हा.चेअरमन वैभव पाटील यांनी व्यक्त केला.  गेल्या चाळीस वर्षानंतर प्रथमच हेरवाड विविध कार्यकारी सेवा सोसायटीची निवडणूक लागली असून सत्ताधारी गटाने स्व.सत्यापाण्णा बरगाले शेतकरी विकास पॅनलची निर्मिती केली आहे. सत्ताधारी गटाने केलेल्या प्रचाराचा शुभारंभाच्या पहिल्या दिवसापासूनच सभासदांची मोठी फौज या प्रचारात दिसून आली. त्यामुळे ही निवडणूक सत्ताधारीच जिंकणारच असा विश्वास पॅनेल प्रमुखांनी व्यक्त केला आहे. दरम्यान या संस्थेबाबत बोलताना संस्थेचे व्हाईस चेअरमन वैभव पाटील म्हणाले, सत्ताधाऱ्यांच्या काळातच संस्थेची मोठी प्रगती झाली आहे. संस्थेची टोलेजंग इमारत, दोन रेशन धान्य दुकानाच्या माध्यमातून सुरु अस...

  शिरोळ / शिवार न्यूज नेटवर्क : पंचगंगा नदी डिसेंबर महिना चालू झाले की प्रदूषित होण्यास सुरवात होते. कोल्हापूर पासून ते तेरवाड पर्यंत नदीमध्ये जयंती नाला, पंचतारांकित औद्योगिक वसाहत, गांधीनगर, लक्ष्मी इंडसट्रीयल इस्टेट, काळा ओढा, पार्वती औद्योगिक वसाहत येथील मोठ्या प्रमाणात केमिकल चे पाणी, नगरपालिकेचे मैला मिश्रित पाणी रोज नदीमध्ये विना प्रक्रिया नदीत मिसळते. जलचर प्राणी जसे की मासे वगेरे मरत चालले आहेत. इचलकरंजी सन २०१२ साली काविळ रोगाच्या साथीने ३८ लोकांना जीव गमवावा लागला आहे. मैला मिश्रित पाण्यामुळे पाण्यावर जलपर्णी, केंदाळ तयार होत चालले आहेत. केंदाळ मुळे शेतकरी बांधवांना नदीवरील मोटारी काढताना कसरत करावी लागते. तसेच नदीमध्ये मगरीचा वावर वाढल्यामुळे शेतकऱ्यांना जीव मुठीत घेऊन मोटारी कडे जावे लागते, त्यामुळे नदीतील केंदाळ काढून तेरवाड बंधार्‍याचे काम लवकरात लवकर पूर्ण करावे, अन्यथा स्वाभिमानी शेतकरी संघटनेच्या वतीने आंदोलन करण्यात येईल, असा इशारा स्वाभिमानीने पाटबंधारे विभागाला निवेदनाव्दारे दिला आहे. निवेदनात म्हटले आहे की, कोरोनामुळे ज्या वेळी सर्व उद्योग धंदे बंद होते त्याव...

  शिरोळ / शिवार न्यूज नेटवर्क : शिरोळ पंचायत समितीच्या सदस्यांची मुदत रविवारी (दि.१३) रोजी संपत असल्यामुळे सोमवारपासून पंचायत समितीमध्ये 'प्रशासकराज' सुरू झाले आहे.गटविकास अधिकारी हे पंचायत समितीचे प्रशासक असणार आहेत.त्यामुळे कारभार प्रशासकाच्या हाती जाणार आहे. यासंदर्भात ग्रामविकास विभागाच्या वतीने अधिसूचना जारी केली आहे.कोरोनामुळे अनेक निवडणुका पुढे ढकलण्यात आल्या आहेत.त्यानुसार पंचायत समितीच्या निवडणुकाही आता पुढे ढकलण्यात आल्या आहेत.शिरोळ पंचायत समितींची मुदत दि. १३ मार्च रोजी संपली आहे. त्यामुळे सोमवारपासून या पंचायत समितींवर गटविकास अधिकारी शंकर कवितके प्रशासक म्हणून काम पाहत आहेत.

  कुरुंदवाड / शिवार न्यूज नेटवर्क :       यंत्रमाग व्यावसायिकांची विजबिले जुन्या दराने वसूल करावीत तर शेतकऱ्यांच्या वीज बिलाची दुरुस्ती करून योग्य बिले वसूल करावी अन्यथा यंत्रमागाच्या धोटा आणि उसाचा कांडा हातात घेऊन रस्त्यावर उतरल्याशिवाय राहणार नाही असा खणखणीत इशारा वस्त्रोद्योग महामंडळाचे माजी अध्यक्ष पुंडलीकराव जाधव यांनी दिला आहे.        येथील यंत्रमाग व्यावसायिकांच्या वीज बिलाचे अनुदान शासनाने रद्द केल्याने बिलात भरमसाठ वाढ करण्याच्या निषेधार्थ महावितरण कार्यालयावर मोर्चा काढण्यात आला होता यावेळी वस्त्रोद्योग महामंडळाचे माजी अध्यक्ष जाधव बोलत होते. प्रतापराव होगाडे, महाराष्ट्र राज्य विणकर संघटनेचे संचालक दीपक रासनकर, जिन्नप्पा पोवार, हाजी महंमद बागवान आदी मोर्चात उपस्थित होते.        यावेळी बोलताना होगाडे म्हणाले शेतकऱ्यांना त्यांच्या वापर झालेल्या विजय पेक्षाही जादा दराची बिले देऊन शेतकऱ्यांच्या मानगुटीवर आर्थिक सुरी फिरवण्याचा प्रयत्न महावितरणने चालवला आहे.तर यंत्रमाग व्यावसायिकांच्या बाबतीत राज्य सरकार आणि महावितरणने स...

  कुरुंदवाड / शिवार न्यूज नेटवर्क :        राज्यातील प्राथमिक शिक्षकांच्या विविध मागण्या व प्रलंबित प्रश्न सोडविण्यासाठी शुक्रवारी 18 तारखेला पनवेल जिल्हा रायगड येथे होणार्‍या शिक्षण परिषद व त्रैवार्षिक अधिवेशनाला शिक्षकांनी मोठ्या संख्येने उपस्थित रहावे असे आवाहन महाराष्ट्र राज्य प्राथमिक शिक्षक संघाचे जिल्हाध्यक्ष रविकुमार पाटील यांनी आयोजित पत्रकार परिषदेत केले आहे.        पत्रकार परिषदेत पाटील पुढे म्हणाले प्राथमिक शिक्षकांची जुनी पेंन्शन योजना, पदनिश्चिती (संच मान्यता), एम एस सी आय टी मुदतवाढ आंतरजिल्हा बदली असे विविध प्रश्न सोडविण्यासाठी आणि गुणवत्तापुर्ण प्राथमिक शिक्षण देण्यासाठी कटिबध्द असणाऱ्या शिक्षकांनी मोट बांधून शिक्षणाच्या खाजगीकरणाचा बाजार उधळून लावण्यासाठी अधिवेशनात तारांकित प्रश्न उपस्थित करायचा आहे. शिक्षणाच्या गुणवत्तेचा विचार करुन गोरगरीबांच्या मुलांना शिक्षण देण्यासाठी विविध भौतिक सुविधांची संपन्नता आपल्या शाळांमध्ये आणण्यासाठी प्रयत्नपुर्वक कार्य करुन आपले क्षेत्र आबाधित ठेवण्यासाठी आपण नवी चळवळ उभारली पाहिजे त्यादृ...

शिरोळ/ शिवार न्यूज नेटवर्क :  श्री दत्त शेतकरी सहकारी साखर कारखान्याच्या वतीने घेण्यात आलेला सेंद्रीय व जैविक शेती याविषयी शेतकरी मेळावा उत्साहात फार पडला. श्री दत्त पॉलिटेक्निकच्या सभागृहात आयोजित या मेळाव्याच्या अध्यक्षस्थानी श्री दत्तचे चेअरमन, उद्यानपंडीत गणपतराव पाटील होते.   सौ. तेजा घोरपडे यांनी मधुमक्षिका पालन या विषयी सविस्तर मार्गदर्शन केले. सेंद्रिय शेती व मधुमक्षिकापालन हे एकमेकाला पूरक असून दोन्ही एकाच वेळी शेतकरी करू शकतात हे सांगून या नव्या व्यवसायातून शेतकरी मोठा नफा मिळू शकतात हे उदाहरणासह स्पष्ट केले. उद्यानपंडित गणपतराव पाटील म्हणाले, १५ एप्रिल नंतर सेंद्रीय व जैविक शेती तसेच मधुमक्षिकापालन याविषयी दत्त कारखान्याच्या वतीने कार्यशाळा आयोजित केली जाणार आहे. शेतकऱ्यांनी शेतीच्या नवनवीन तंत्रज्ञानाचा वापर केला पाहिजे. शेतीमधून अधिक उत्पादन घ्यायचे असेल तर जमिनीची सुपीकता वाढवली पाहिजे. स्वागत व प्रास्ताविक मुख्य शेती अधिकारी श्रीशैल हेगाना यांनी केले. यावेळी कारखान्याचे व्हाईस चेअरमन अरुणकुमार देसाई, संचालक रघुनाथ पाटील, भैय्यासाहेब पाटील, विजय सूर्यवंशी, प्रम...

  हेरवाड विकास सोसायटी निवडणूक रणधुमाळी हेरवाड / शिवार न्यूज नेटवर्क : सन १९४९ साली स्थापन झालेल्या हेरवाड विकास सेवा सोसायटीची निवडणूक लागली असून सत्ताधारी गटाने स्व. सत्यापाण्णा बरगाले शेतकरी विकास पॅनेल तर विरोथी गटाने शेतकरी विकास परिवर्तन पॅनेलची निर्मिती करून निवडणूकीला सामोरे जात आहेत. सत्ताधारी गटातील असणारे गुरु आणि शिष्य यांच्यामध्ये काही कारणात्सव दुरावा निर्माण झालेला होता, अखेर तालुक्यातील एका नेत्याने व हेरवाड येथील प्रमुख नागरीक यांच्या मध्यस्तीमुळे या गुरु आणि शिष्याचे मनोमीलन झाल्याचे समजते, त्यामुळे याचा थेट फटका आता विरोधी गटाला बसणार असल्याची चर्चा सभासद वर्गातून होत आहे. सन १९४९ साली काही जेष्ठ मंडळींनी स्थापन केलेल्या हेरवाड विकास सेवा सोसायटीची निवडणूक लागली आहे. या निमित्ताने सत्ताधारी गटाने स्व. सत्यापाण्णा बरगाले शेतकरी विकास पॅनेल तर विरोथी गटाने शेतकरी विकास परिवर्तन पॅनेलची निर्मिती करून प्रचार करत आहेत. दोन्ही पॅनेलचा प्रचार शुभारंभ पाहता सत्ताधारी गटाने आपली ताकद दाखवून दिली असून 'निवडणूक ही एक औपचारिकता आहे, विजय तर आमचा निश्चित आहे' असा विश्वास ...

कोल्हापूर / शिवार न्यूज नेटवर्क : सागर विलास किटे यांना नुकतीच शिवाजी विद्यापीठाच्यावतीने रसायनशास्त्रातील पीएच.डी. पदवी मिळाली. त्यांना शिवाजी विद्यापीठातील रसायनशास्त्र विभागातील प्रोफेसर डॉ. के. एम. गरडकर यांचे मोलाचे मार्गदर्शन लाभले. ''सिंथेसिस अँड कॅरॅक्टरायझेशन ऑफ मेटल ऑक्साईड नॅनोकॉम्पोजिट्स सेन्सिटाईझ्ड बाय मेटल चाल्कोजेनाईड अँड देअर ऍप्लिकेशन'' हा त्यांच्या संशोधनाचा विषय होता. डॉ. किटे यांनी विविध राष्ट्रीय, आंतरराष्ट्रीय नियतकालिकांमध्ये सात पेक्षा जास्त शोधनिबंध प्रकाशित झाले असून त्यांनी विविध परिषदा व चर्चासत्रात भाग घेतला आहे. प्रा. डॉ. के. एम. गरडकर यांच्या प्रयोगशाळेत अधिकतम कार्यक्षमतेचा सौरघट बनविला गेला आहे. यामध्ये सौर घटाची कार्यक्षमता वाढविण्यासाठी त्यांनी महागड्या रंगद्रव्याचा वापर न करता मेटल चॉकोजेनाईड चा वापर केला. रंगद्रव्य मिश्रित सौर घट हे स्थिर नसतात तसेच तेथील रंगांचे कालांतराने विघटन व्हायला सुरुवात होते तसेच त्यासाठी द्रवरूप इलेक्ट्रोलाइट लागतो ज्याच्यामुळे धातूवरती गंज निर्माण होऊन त्यांचा ऱ्हास होतो. व तसेच हे हे रंगद्रव्य अतिशय ब...

मोठ्या शक्तीप्रदर्शनाने प्रचार रॅली हेरवाड / शिवार न्यूज नेटवर्क : सन १९४९ साली स्थापन करण्यात आलेल्या हेरवाड विकास सेवा सोसायटीची निवडणूक लागली असून सत्ताधारी गटाच्या माध्यमातून सत्यापाण्णा बरगाले शेतकरी विकास पॅनलचा प्रचार शुभारंभ मोठ्या शक्तीप्रदर्शनाने उत्साहात संपन्न झाला.  यावेळी बोलताना पॅनेलचे सुकुमार पाटील म्हणाले, भारत स्वतंत्र झाल्यानंतर दोन वर्षात स्व. आलगोंडा पाटील, स्व. सत्यापाण्णा बरगाले, बाळगोंडा पाटील यांच्यासह ज्येष्ठ लोकांनी स्थापन केलेल्या या संस्थेचे आज मोठ्या वटवृक्षात रुपांतर झाले आहे. संस्थेने आजपर्यंत सभासदांचे हितच जोपासले आहे. मात्र, आज या संस्थेची निवडणूक लागली आहे. ही निवडणूक औपचारिकता असून संस्थेने सभासदांकरिता आजपर्यंत राबविलेले उपक्रम पाहता आमचे सर्वच उमेदवार भरगोस मतांनी निवडणून येतील असा विश्वास त्यांनी व्यक्त केला.  यावेळी उपस्थित मान्यवरांच्या हस्ते प्रचाराचा शुभारंभ करण्यात आला. यानंतर गावातील प्रमुख मार्गावरून प्रचार रॅली काढून शक्तीप्रदर्शन करण्यात आले. यावेळी सरपंच सुरगोंडा पाटील, सदाशिव माळी, आप्पासो जोंधळे, पायगोंडा आलासे, रामगोंडा प...

राजर्षी शाहू विकास आघाडीने जिंकल्या १३ पैकी १२ जागा जैनापूर / शिवार न्यूज नेटवर्क : येथील जैनापूर विविध कार्यकारी विकास सोसायटीच्या चुरशीने झालेल्या पंचवार्षिक निवडणुकीत राज्यमंत्री नामदार राजेंद्र पाटील-यड्रावकर समर्थक राजर्षी शाहू विकास आघाडीने १३ पैकी १२ जागा जिंकून सत्ता मिळवली, नवनिर्वाचित संचालकांनी शनिवारी सार्वजनिक आरोग्य राज्यमंत्री नामदार राजेंद्र पाटील-यड्रावकर तसेच जयसिंगपूर चे माजी नगराध्यक्ष संजय पाटील यड्रावकर यांची भेट घेतली यावेळी नवनिर्वाचित संचालकांचा राज्यमंत्री नामदार राजेंद्र पाटील-यड्रावकर उपनगराध्यक्ष संजय पाटील यड्रावकर यांनी तर महिला संचालकांचा सत्कार सौ नितु संजय पाटील यड्रावकर यांनी केला, यावेळी राजकुमार पाटील, विजय कुमार पाटील, सन्मती पाटील, विक्रम पाटील, रावसाहेब कांबळे, अमोल कांबळे, सचिन चौगुले, योगीराज कोळी आदी मान्यवर उपस्थित होते,नवनिर्वाचित संचालक मंडळ असे राजगोंडा पाटील प्रवीण पाटील प्रशांत पाटील संदीप पाटील तेजपाल पाटील सिध्दगोंडा पाटील प्रकाश पाटील सौ कांचन पाटील सौ उज्वला मगदूम आनंदा कोळी राजेंद्र कांबळे सौ सुधा कोठावळे या सर्व नवनिर्वाचित संचालका...

  कुरुंदवाड / शिवार न्यूज नेटवर्क :      युवतीसेना विस्तारक (हातकलंगले लोकसभा) अक्षया महाडीक-पावले यांच्या प्रमुख उपस्थितीत कुरुंदवाड येथे युवतीसेना पदाधिकारींचि बैठक आयोजित केली होती. युवती,महीला सबलीकरण शिबीर, उपक्रमासंबधी चर्चा करण्यात आली.       यावेळी महिला आघाडी जिल्हासंघाटीका मंगल चव्हाण,उपजिल्हासंघटीका माधुरी ताकारे,तालुकासंघाटीका रेखाताई जाधव,युवतीसेनेच्या तेजस्वीनी रजपूत,अमृता थोरवत,पल्लवी शिंदे,शुभांगी झळकी,सना शेख,वर्षा सलगर,प्रार्थना गायकवाड व युवासेनेचे जिल्हा युवाअधिकारी शिवाजी पाटील,उपजिल्हा युवाअधिकारी प्रतिक धनवडे,तालुका युवाअधिकारी निलेश तवंदकर,मंगेश पाटील,दिग्विजय चव्हाण,अमित कदम,मल्हार कुलकर्णी,प्रशांत डवरी,स्वप्निल चव्हाण उपस्थितीत होते.

  जयसिंगपूर / शिवार न्यूज नेटवर्क : कोथळी जैनापूर रोडलगत असलेल्या विहरीत बुडून जयसिंगपूर येथील जालिंदर गोविंद जाधव (वय ४७, रा. रणवीर चौक शाळा नं २ गल्ली नं १३ ) याचा मृत्यू झाला. जैनापूर हद्दीत ही घटना घडली. साहील आंकुश जाधव (वय २४, रा. रणवीर चौक शाळा नं २ गल्ली नं. १३ जयसिंगपुर ) याने फिर्याद दिली आहे. यातील मयत जालिंदर गोविंद जाधव हे ९ तारखेला रात्री ८ वा. च्या सुमारास बेपत्ता झाल्याची वर्दी जयसिंगपूर पोलीस ठाण्यात देण्यात आली होती. जालिंदर हे पाण्यामध्ये बुडुन मयत झाले असून जालिंदरला दारूचे व्यसन होते. तसेच वारंवार दारुच्या नशेत यापुर्वी आत्महात्या करण्याची धमकी देते होते असे वर्दीत म्हटले आहे. या घटनेचा अधिक तपास सहायक फौजदार सोमनाथ चळचुक करीत आहेत.

माजी केंद्रीय कृषिमंत्री शरदचंद्र पवार आणि अशोक बंग यांचा होणार सन्मान शिरोळ/ शिवार न्यूज नेटवर्क :  श्री दत्त उद्योग समूहाचे शिल्पकार, माजी आमदार, सहकारमहर्षी स्व. डॉ. आप्पासाहेब उर्फ सा. रे. पाटील यांच्या स्मृतिदिनानिमित्त देण्यात येणाऱ्या स्व. डॉ. आप्पासाहेब उर्फ सा. रे. पाटील समाजभूषण पुरस्काराचे वितरण शनिवार दि. २ एप्रिल २०२२ रोजी सायंकाळी ४ वाजता दत्त कारखाना कार्यस्थळावर होणार आहे. माजी केंद्रीय कृषिमंत्री शरदचंद्र पवार आणि अशोक बंग यांना या पुरस्काराने सन्मानित करण्यात येणार असल्याची माहिती पुरस्कार निवड समितीचे अध्यक्ष, साधना मासिकाचे संपादक विनोद शिरसाठ आणि निमंत्रक उद्यानपंडित गणपतराव पाटील यांनी पत्रकार परिषदेत दिली. यावेळी बोलताना विनोद शिरसाट म्हणाले, शिरोळ आणि परिसरातील शेतकरी आर्थिक दृष्ट्या स्वायत्त व समृद्ध व्हावा हा ध्यास घेऊन स्व. डॉ. आप्पासाहेब उर्फ सा. रे. पाटील हे सात दशके कार्यरत होते. त्यांनी शेती, सहकार, शिक्षण आदी क्षेत्रात विविध संस्थांची निर्मिती करून उल्लेखनीय कार्य केले. दि. १ एप्रिल २०१५ रोजी त्यांचे निधन झाले. त्यांच्या स्मृती चिरंतन ठेवण्यासाठी दरव...

  तेरवाड / शिवार न्यूज नेटवर्क : तेरवाड गंगापूर भागातील असंघटित शेतात मजुरी करणार्‍या तसेच बांधकाम कामगार महीला व रोजंदारीवर काम करत असलेल्या महिला यांच्याकरीता आज कै गोविंद बंडू आवळे सोशल फौडेशन तेरवाड व मातंग समाज संघटना गंगापूर यांच्या सहकार्याने आज महिला दिनानिमित्त शुभेच्छा देण्यात आल्या व भेट म्हणून ई श्रम कार्ड काढून देण्यात आले, या कार्यक्रमासाठी प्रमुख पाहुणे म्हणून डी बी एस संघटनेच्या जयसिंगपूर शहर अध्यक्ष मा.सौ.साजीदा घोरी, तर अध्यक्ष म्हणून शिवसेना जिल्हाप्रमुख सौ मंगलताई चव्हाण व प्रमुख उपस्थिती मध्ये ग्रामपंचायत सदस्या श्रीमती शोभा गोविंद आवळे व सौ विमल चव्हाण उपस्थित होत्या ,स्वागत व प्रास्ताविक उमेश आवळे यांनी केले तर महीलांसाठी शैक्षणिक, सामाजिक व व्यवसायाची माहिती घोरी मँडम यांनी मनोगतातून व्यक्त केले तर, महिलांनी अन्याय सहन न करता धाडसाने कसे पुढे जावे एकमेकींना प्रेमाने व सहकार्याची वागणुक देऊन गोडी गुलाबीने कसे रहावे या बद्दल मार्गदर्शन मंगलताई चव्हाण यांनी दिले, इ श्रम कार्ड काय आहे आणि का काढावे याची माहिती भारत मल्टीसर्व्हीस च्या प्रोप्रारायटर सौ पुजा कांबळे...

  सैनिक टाकळी / शिवार न्यूज नेटवर्क : सैनिक टाकळी येथील सर्पमित्र अमर पाटील यांनी सैनिक टाकळी मधे दुर्मिळ जातीचा हरणटोळ साप पकडला. कुमार कोळी आणि पांडूरंग कोळी यांच्या घराशेजारी आंब्याच्या झाडा वरती हा साप आढळून आला. हरणटोळ झाडांतून वस्ती करणारा साप आहे. हिरव्या रंगाचा हा साप पाने ,झाडावरच राहतो आणि जगतो, नेहमी वेलींवर किंवा फांद्यांवर दिसून येतो, जेथे जंगल घनदाट आणि उष्णता असते तेथे त्याचे वास्तव्य असते. परंतु टाकळी सारख्या नागरी वस्ती मध्ये पहिल्यांदाच दुर्मिळ साप आढळून आला आहे. अमर पाटील यांनी परिसरातील अनेक विषारी व बिनविषारी साप पकडून त्यांना सुरक्षित ठिकाणी सोडून दिले आहेत. आपली प्रतिक्रिया व्यक्त करताना अमर पाटील म्हणाले साप हा शेतकऱ्याचा मित्र असून निसर्गाचा समतोल राहायचा असेल तर भूपृष्ठावरील सर्व सजीव जिवंत राहणे गरजेचे आहे .