शिवार वार्ता न्यूज नेटवर्क

  हेरवाड/शिवार न्यूज नेटवर्क हेरवाड ग्रामपंचायत निवडणूकीची रणधुमाळी सुरु झाली असून विविध प्रभागातून सत्ताधारी आणि विरोधी गटाकडून उमेदवारी अर्ज दाखल करण्याचे काम सुरु आहे. येथील प्रभाग क्रमांक 2 मधून सत्ताधारी गटाकडून सातेंद्र खुरपे, तर प्रभाग 5 मधून भोला शिंदे यांनी उमेदवारी अर्ज दाखल केला आहे. हेरवाड ग्रामपंचायत निवडणूकीसाठी दुरंगी लढत होणार असल्याने दोन्ही गटाकडून मोठी मोर्चेबांधणी सुरु करण्यात आली आहे. सातेंद्र खुरपे हे प्रगतशिल शेतकरी आहेत. त्यांचा जनमाणसात मोठा आदर आहे. तसेच गोरगरीब जनतेच्या अडीअडचणी सोडविण्यासाठी ते अग्रभागी असतात. तर भोला शिंदे हे ही प्रगतशील शेतकरी असून सामाजिक कार्यात त्यांचे मोठे योगदान आहे. तसेच तरुण वर्गाच्या अगदी जवळ ते असल्याने त्यांचे लोकमत मोठे आहे.

हेरवाड / शिवार न्यूज नेटवर्क : विरोधी गटातील नाराज विरोधी पक्षनेते सुकुमार पाटील यांनी सत्ताधारी गटाकडून प्रभाग क्रमांक ३ मधून उमेदवारी अर्ज दाखल केला आहे. त्यामुळे प्रभाग क्रमांक ३ मधील लढत रंगतदार होणार आहे. मागील पंचवार्षिक निवडणूकीत सुकुमार पाटील यांनी किंगमेकरची भूमिका बजावली होती. त्यामुळे ते विरोधी पक्षनेते बनले होते. मात्र कालांतराने सुकुमार पाटील हे नाराज होवून सत्ताधारी गटात सामील झाले. आणि पुन्हा विकास कामांच्या जोरावर त्यांनी सत्ताधारी आर.बी. पाटील गटाकडून प्रभाग ३ मधून निवडणूक लढविण्यासाठी मैदानात उतरले आहेत.

  अकिवाट / शिवार न्यूज नेटवर्क- अकिवाट ग्रामपंचायतीचा निवडणूक कार्यक्रम जाहीर झाल्यामुळे गावात राजकीय वातावरण तापले आहे. सत्ताधारी विशाल चौगुले गटाने चांगलीच व्यूहरचना आखली आहे, अशातच अनेक मातब्बर त्यांच्या बरोबर असल्याने विशाल चौगुले यांचा गट अकिवाटमध्ये जोरात आहे.  मागील पंचवार्षिक निवडणूकीमध्ये विशाल चौगुले यांनी ग्रामपंचायतीची सत्ता काबीज केली होती, आणि स्वतः सरपंच म्हणून उत्कृष्ट काम केले आहे. त्यांनी केलेल्या विकास कामाच्या जोरावर आणि त्यांच्या कारकिर्दित उभी राहिलेली ग्रामपंचायतीची शानदार इमारत तसेच गावातील जनसामान्यांचे लोकमत विशाल चौगुले यांच्या पाठीमागे असल्यामुळे त्यांचे गावात पारडे जड झाले आहे.  यंदा गावात सर्वसाधारण महिला सरपंच पदाचे आरक्षण जाहीर झाल्यामुळे गावात इच्छूकांची संख्या मात्र वाढली आहे. याच पार्श्‍वभूमीवर गावात बैठकांवर मोठा जोर आला असून उमेदवार निश्‍चित करुन उमेदवारी अर्ज भरण्याची तयारी मोठ्या प्रमाणात पहायला मिळत आहे. दरम्यान, अकिवाटमध्ये गायरान जमिन मोठया प्रमाणात असल्यामुळे गायरान मधील उमेदवार उमेदवारी अर्ज भरण्यासाठी कायदेतज्ञांचे सल्ले घेत अस...

  शिरोळ / शिवार न्यूज नेटवर्क : शिरोळ तालुक्यातील १७ 'ग्रामपंचायती निवडणूकीची अर्ज भरण्यासाठी प्रक्रिया सोमवार पासून सुरू झाली आहे. आज मंगळवारी दिवसभर सर्व्हर डाऊन असल्यामुळे इच्छूक उमेदवारांना नेट कॅफेत दिवसभर ताटकळत उभे रहावे लागले. अर्ज दाखल करण्यासाठी उद्यापासून फक्त तीन दिवस राहिल्याने इच्छूकांची घालमेल वाढल्याचे चित्र शिरोळ तालुक्यातून दिसून येत आहे.  उमेदवारांची कादपत्रे गोळा करून दमछाक झालेल्या कार्यकर्त्यांना  ऑनलाईन नामनिर्देशनपत्र भरताना सर्व्हर डाऊनचा फटका बसत आहे. दिवस दिवस इच्छूक उमेदवारांना सेतू, कॉम्प्यूटर सेंटर्सवर दिवसभर ताटकळ उभारावे लागत आहे. दररोज या अडचणी कायम असताना,  दिवसभर सर्व्हर डाउन चा फटका बसला. आतातरी पुढे तिनच दिवस राहिले असल्याने सर्व्हर वर मोठा ताण पडणार आहे. त्यामुळे आजपासून सर्व्हर काम करणार का? असा प्रश्न उपस्थित होत आहे.

  जयसिंगपूर/ शिवार न्यूज नेटवर्क :  किरकोळ कारणावरुन कोयत्याने हल्ला करुन फरार झालेला आरोपी तब्बल २४ वर्षानंतर सापडला. आसाराम धोंडीराम माळी ( वय ४५, रा. बीड) असे त्याचे नाव आहे. जयसिंगपूर येथील प्रथम वर्ग न्यायालयाने त्यास १ वर्ष कैद व १००० दंड व दंड न भरलेस पुन्हा ६ महिने कैद अशी शिक्षा सुनावली. याबाबत अधिक माहिती अशी,आरोपी आसाराम धोंडीराम माळी याने दि. ५ डिसेंबर १९९६ रोजी भूपाल विठ्ठल माने (वय ५०, रा. दानोळी) यांच्यावर किरकोळ कारणावरून कोयत्याने हल्ला केला होता. दानोळी - जयसिंगपूर मार्गावर ही घटना घडली होती. या हल्ल्यात भूपाल माने हे जखमी झाले होते. या हल्ल्याच्या घटनेनंतर आरोपी आसाराम माळी हा फरार झाला होता. भूपाल माने यांच्या फिर्यादीनंतर जयसिंगपूर पोलिसांनी आसाराम माळी याच्याविरुध्द गुन्हा दाखल केला होता. त्याच्याविरुध्द न्यायालयात दोषारोप पत्र दाखल केले होते.दरम्यान आरोपी आसाराम माळी हा तब्बल २४ वर्षानंतर पोलिसांच्या जाळ्यात सापडला. त्यानंतर न्यायालयात खटल्याचे कामकाज सुरु झाले. फिर्यादी भूपाल माने, प्रत्यक्षदर्शी साक्षीदार शिवाजी विठ्ठल माने, पंच अमोल अनिल कांबळे, डॉक्ट...

कुरुंदवाड / शिवार न्यूज नेटवर्क : बुबनाळ ( ता. शिरोळ) येथील राजश्री दिपक कबाडे ( वय : २८) या विवाहित महिलेने ओढणीने गळफास घेऊन आत्महत्या केल्याची घटना रविवारी सकाळी घडली. याबाबतची वर्दी पती दिपक मायाप्पा कबाडे यांनी कुरुंदवाड पोलिसात दिली आहे.  याबाबत पोलिसांतून मिळालेली अधिक माहिती अशी की, बुबनाळ येथे कबाडे कुटुंबिय वास्तव्यास आहे. या कुटूंबातील राजश्री कबाडे या महिलेने नैराश्यपोटी घरातील बेडरुम मधील स्लॅबच्या छताच्या हुकाला ओढणीच्या सहाय्याने गळफास घेऊन आत्महत्या केली. या घटनेची माहिती पोलिसांना मिळताच पोलिस घटनास्थळी भेट देवून घटनेचा पंचनामा केला आहे. या घटनेचा अधिक तपास पोलिस उपनिरीक्षक अमित पाटील करीत आहेत.

सुरेश कांबळे / शिवार न्यूज नेटवर्क : निवडणूक ग्रामपंचायत सदस्यांची असू दे किंवा खासदारकीची, उमेदवारी अर्ज भरताना उमेदवार शुभ-अशुभ दिवस पाहतोच. मात्र चक्क ग्रामपंचायतीच्या निवडणुकीसाठी  इच्छुक असलेले उमेदवारही अर्ज भरताना ग्रह-तारे आणि शुभ-अशुभ दिवस कोणता, हे जाणून घेण्यासाठी ज्योतिषांकडे जात असल्याचे चित्र सध्या शिरोळ तालुक्यातून दिसून येत आहे. शिरोळ तालुक्यातील १७ ग्रामपंचायतीसाठी निवडणूक कार्यक्रम जाहीर झाल्यापासून निवडणूक अर्ज भरण्यासाठी कोणत्या राशीला कोणता दिवस आणि कुठली वेळ शुभ आहे, याचं गणित जुळवण्यात गटनेते आणि उमेदवारांचा वेळ जात आहे. शुभ दिवसातील कुठल्या वेळी अर्ज भरावा, कुठल्या वेळेत तो निवडणूक अधिकाऱ्याकडे सादर करावा, अर्ज देताना पूर्वेकडे उभं राहावं की पश्चिमेकडे, इतक्या छोट्या प्रश्नांचा भडिमार होत असल्याचे चित्र शिरोळ तालुक्यातून दिसून येत आहे.

हेरवाड / शिवार न्यूज नेटवर्क : जळगांव येथे झालेल्या राज्यस्तरीय वेटलिफ्टिंग स्पर्धेत हेरवाडची कन्या भूमिका राजेंद्र मोहिते हिने सुवर्ण पदक पटकावून प्रथम क्रमांक मिळवत यश संपादन केले आहे. जळगांव येथे महाराष्ट्र स्टेट वेटलिफ्टिंग स्पर्धेचे आयोजन करण्यात आले होते, या स्पर्धेत राज्यभरातील अनेक स्पर्धक सहभागी झाले होते. या स्पर्धेत भूमिका राजेंद्र मोहिते हिने सुवर्ण पदक पटकावून यश संपादन केले आहे. या यशाबद्दल हेरवाड सह परिसरात तिचे कौतुक होत आहे. भूमिका हिने राज्यस्तरीय स्पर्धेबरोबर आंतराष्ट्रीय स्पर्धेत चमकदार कामगिरी केली आहे.    

  शिरोळ / शिवार न्यूज नेटवर्क : शिरोळ तालुक्यातील १७ ग्रामपंचायतीचा निवडणूक कार्यक्रम जाहीर झाल्यापासून शिरोळ तालुक्यातील राजकीय वातावरण भलतेच तापले आहे. गुडघ्याला बाशिंग बांधलेल्या इच्छूकांना नमवन्यासाठी विविध शैली वापरून दबाव आणण्याचा प्रकार सुरू आहे. त्यामुळे राजकीय नेत्याच्या मनातला उमेदवार निवडणुकीच्या रिंगणात उतरणार असल्याने इच्छूकांची निराशा झाली आहे. एखादा अति इच्छूक उमेदवार स्वच्छ मनाने निवडणूक लढवण्यास तयार झाला तर त्याला नमवण्यासाठी वेगवेगळे दबावगट तयार करून थांबण्याचे काम सध्या ग्रामीण भागात सुरू आहे.

शिरोळ / शिवार न्यूज नेटवर्क : शिरोळ तालुक्यातील १७ ग्रामपंचायतीचा निवडणूक कार्यक्रम जाहीर करण्यात आल्यापासून गावा - गावातील राजकीय हालचाली गतीमान झाल्या आहेत. उद्या दि. २८ नोव्हेंबर ते २ डिसेंबर अखेर अर्ज दाखल करण्याचा कालावधी आहे.  तसेच सोमवार दि. ५ डिसेंबर रोजी दाखल झालेल्या अर्जांची छाननी होणार आहे. बुधवार दि. ७ रोजी दुपारी ३ वाजे पर्यंत नामनिर्देश पत्र मागे घेण्याचा कालावधी आहे. तसेच याच दिवशी ३ नंतर चिन्ह वाटप करून उमेदवादांची यादी प्रसिद्ध करण्यात येणार आहे. या नंतर १८ डिसेंबर रोजी मतदान होणार असून २० डिसेंबर रोजी मतमोजणी होणार आहे. या गावात यंत्रणा सज्ज कवठेसार, उमळवाड, संभाजीपुर, चिंचवाड, कनवाड, हरोली, टाकवडे, अब्दुललाट, शिवनाकवाडी, लाटवाडी, हेरवाड, आकिवाट, औरवाड, राजापूर, खिद्रापूर, राजापूरवाडी, नवे दानवाड

हेरवाड / शिवार न्यूज नेटवर्क : गावातील पाणीपुरवठा योजना पूर्णत्वास नेण्यासाठी केलेला प्रयत्न, बंद असलेले प्राथमिक आरोग्य उपकेंद्र उपोषणाच्या माध्यमातून सुरू करून ग्रामस्थांच्या समस्या सोडवून गावातील जनमानसात आदरभाव राखणारे अॅड अतुल चौगुले हे सध्या सुरू असलेल्या ग्रामपंचायत पंचवार्षिक निवडणूक कोणती भूमिका घेणार ? आणि त्यांची नाराजी कोणाला भोवणार ? याकडे सर्वांचे लक्ष लागून राहिले आहे.  गेल्या पाच वर्षांमध्ये सत्ताधाऱ्यांनी जाणीवपूर्वक माझ्याकडे दुर्लक्ष केले असल्याचा आरोप खुद्द चौगुले यांनी केला असून ते विरोधी गटात सामील होण्याच्या तयारीत असल्याचे समजते. असे झाले तर सत्ताधारी गटाला दुसरा धक्का बसण्याची शक्यता आहे. अॅड. अतुल चौगुले यांनी गेल्या पंचवार्षिक निवडणुकीमध्ये आघाडी प्रमुखांची भूमिका पार पडली होती. त्यामुळे या निवडणुकीत त्यांना मोठे महत्त्व प्राप्त झाले आहे. चौगुले यांचा जुना गट असल्याने त्यांनी सातत्याने ग्रामपंचायत पंचायत समिती आदी निवडणुकांमध्ये सक्रिय सहभाग घेतला असल्याने गावाबरोबर बाहेर गावातील लोकमत त्यांच्या मागे आहे. त्यामुळे अतुल चौगुले कोणता निर्णय घेतात ? याकडे आ...

  कोल्हापूर / शिवार न्यूज नेटवर्क :  शेतकरी, कष्टकरी, कामगार यांच्या कष्टाची जाणीव असणारे हे सर्वसामान्यांचे सरकार आहे. सर्वसामान्यांचे हीत जोपासण्यासाठी या शासनाने अनेक महत्वाचे निर्णय घेतले आहेत. या पुढेही राज्याच्या सर्वसमावेशक विकासासाठी जनहिताचे निर्णय घेतले जातील अशी ग्वाही मुख्यमंत्री एकनाथ शिंदे यांनी आज दिली.   जयसिंगपूर येथील विक्रमसिंह क्रींडांगणावर आयोजित केलेल्या शेतकरी जनसंवाद मेळाव्यात मुख्यमंत्री श्री. शिंदे बोलत होते. यावेळी शालेय शिक्षण मंत्री तथा पालकमंत्री दीपक केसरकर, उद्योग मंत्री उदय सामंत, राज्य नियोजन मंडळाचे कार्यकारी अध्यक्ष राजेश क्षीरसागर, खासदार संजय मंडलिक, खासदार धैर्यशील माने, आमदार राजेंद्र पाटील-यड्रावकर, आमदार प्रकाश आबिटकर यांच्यासह मान्यवर पदाधिकारी, जयसिंगपूर व परिसरातील नागरिक उपस्थित होते.   जयसिंगपूर नगरीत आपले स्वागत ज्या पद्धतीने झाले त्यांने आपण भारावून गेलो असे सांगून मुख्यमंत्री श्री. शिंदे म्हणाले, हे सरकार सर्वसामान्यांचे असून केवळ घोषणा न करता मदत करण्याची भूमिका शासनाने स्वीकारली आहे. गेल्या चार महिन्यात सरकारने विक...

हेरवाड / शिवार न्यूज नेटवर्क : हेरवाड ग्रामपंचायत पंचवार्षिक निवडणूकीच्या पार्श्वभूमीवर मागील पंचवार्षिक निवडणूकीमध्ये किंगमेकरची भूमिका साकारणाऱ्या एकता ग्रुपच्या बैठकीकडे सर्वांचे लक्ष लागून राहिले आहे.  एकता ग्रुप हा गावातील मोठा ग्रुप समजला जातो. मागील पंचवार्षिक निवडणूकीत एकता ग्रुपने सत्ताधारी गटाबरोबर राहून प्रभाग १ व २ मधून दोन उमेदवार निवडून आणले होते. इतकेच नव्हे तर उपसरपंच पदाची संधीही त्यांना देण्यात आली होती. त्यामुळे या मंडळाला या पंचवार्षिक निवडणूकीत मोठे महत्व प्राप्त झाले आहे. या निवडणूकीत हे मंडळ कोणती भूमिका घेणार ? याकडे सर्वांचे लक्ष लागून राहिले आहे. सध्या गावात राजकीय वातावरण ढवळून निघाले आहे. वसंतराव देसाई हे दिलीप पाटील पाटील यांच्या गटाशी युती केल्याने ही निवडणूक दुरंगी होण्याची चिन्हे आहेत. सत्ताधारी आर.बी. पाटील गटानेही अंतर्गत व्यूव्हरचना आखली असल्याचे समजते. मात्र गावात एक मोठा समजला जाणारा एकता ग्रुप कोणत्या आघाडीकडे जाईल, त्या आघाडीचेच वर्चस्व राहण्याची शक्यता आहे. त्यामुळे या मंडळाच्या बैठकीकडे सर्वांचे लक्ष लागून राहिले आहे.

  इसाक नदाफ/ शिवार न्यूज नेटवर्क दत्तवाड (तालुका शिरोळ) येथील हजारो भाविकांचे श्रद्धास्थान असलेल्या श्री. महालक्ष्मी मंदिरात कार्तिक दीपोत्सव भक्तीमय वातावरणात मोठ्या उत्साहात साजरा करण्यात आला. यानिमित्त सकाळी देवीला अभिषेक घालून देवीची विधिवत पूजा करण्यात आली. सायंकाळी सात वाजता मंदिर व परिसरात भक्त मंडळ व ग्रामस्थ यांच्यातर्फे दीपोत्सव भक्तीमय वातावरणात साजरा करण्यात आला. यावेळी भाविक मोठ्या प्रमाणात उपस्थित होते. यावेळी देवीची आरती होवून प्रसाद वाटप करून दीपोत्सव संपन्न झाला. यावेळी भाविक, गावातील ग्रामस्थ, महिला उपस्थित होते.

  कुरुंदवाड / शिवार न्यूज नेटवर्क : कुरुंदवाड येथील चिलखी विभागातील दत्त मंदिरला 100 वर्ष पूर्ण झाल्याने येथील दत्त मंदिरच्या वतीने यंदा शतकमहोत्सवी श्री दत्त जयंती सोहळा आयोजित करण्यात आला आहे 29 नोव्हेंबर ते 8 डिसेंबर अखेर विविध कार्यक्रमांचे आयोजन करण्यात आले आहे. अशी माहिती शतकमहोत्सवी सोहळा समितीच्यावतीने देण्यात आली.कुरुंदवाड    येथील चिलखी विभागातील श्री. दत्त जयंती शतकमहोत्सवी सोहळ्यानिमित्त दररोज सकाळी सहा वाजता आरती व पूजा, सकाळी सात वाजता गुरुचरित्र पारायण ह.भ.प. दीपक धनाने यांचे मार्गदर्शन, दुपारी बारा वाजता आरती व नैवेद्य. मंगळवार दिनांक 29 नोव्हेंबर रोजी सकाळी सात वाजता ध्वजारोहण, कलश पूजन, दीप प्रज्वलन, ग्रंथ पूजन मा. दिगंबर शंकर पुजारी यांच्या शुभहस्ते व सदाशिव रामचंद्र जेरे पुजारी, संजय नारायण पुजारी, विनायक साळुंखे व राजू फल्ले यांच्या उपस्थितीत होणार आहे. दुपारी बारा वाजता परमात्माराज महाराज आडी यांचे प्रवचन, सायंकाळी चार वाजता गुरुमाऊली भजनी मंडळ यांचे भजन, सायंकाळी सहा वाजता ह.भ.प. डॉ. जी.आर. पालकर यांचे प्रवचन, रात्री नऊ वाजता ह.भ. प. प्रथमेश इंदु...

  जयसिंगपूर / शिवार न्यूज नेटवर्क : विद्यार्थ्यांना परदेशी जाऊन शिक्षण घेणे सोपे व्हावे व त्यासंबंधीची सर्व माहिती एकाच ठिकाणी मिळावी या हेतूने आज 26 नोव्हेंबर रोजी संजय घोडावत विद्यापीठ आणि के सी ओवर्सेस एज्युकेशन अँड एज्युलन्स एज्युकेशनल कन्सल्टंट प्रायव्हेट लिमिटेड यांच्या संयुक्त विद्यमाने घोडावत विद्यापीठात परदेशी शिक्षण मेळ्याचे आयोजन करण्यात आले आहे.            पदवी आणि पदव्युत्तर शिक्षणासाठी परदेशी जाऊ इच्छिणाऱ्या विद्यार्थ्यांना परदेशी शिक्षणासंबंधीचे माहितीपत्रक येथे उपलब्ध होणार आहे. प्रवेश प्रक्रिये संबंधी माहिती देण्यासाठी या मेळ्यामध्ये दहा परदेशी विद्यापीठांचा समावेश असणार आहे. यामध्ये कार्डीफ मेट्रोपॉलिटीन युनिव्हर्सिटी युके, अंगीला रशियन यूनिवर्सिटी युके, युनिव्हर्सिटी ऑफ चेस्टर युके, न्यूमा बिझनेस स्कूल फ्रान्स, युनिव्हर्सिटी ऑफ युरोप फॉर अप्लाइड सायन्सेस जर्मनी, युनिव्हर्सिटी ऑफ न्यू कॅस्टल ऑस्ट्रेलिया, माणितोबा इन्स्टिट्यूट ऑफ ट्रेडस अँड टेक्नॉलॉजी कॅनडा अशा परदेशी विद्यापीठांचा यामध्ये समावेश असणार आहे. त्याचबरोबर काही बँका देखील ...

हेरवाड / शिवार न्यूज नेटवर्क : हेरवाड ग्रामपंचायत पंचवार्षिक निवडणुकीचा बिगुल वाजल्याने गावात राजकीय वातावरण तापले आहे. या तापलेल्या वातावरणामध्येच काही नाराज पदाधिकारी सत्ताधारी आणि विरोधी गटात सामील झाले, मात्र वसंतराव देसाई कोणता निर्णय घेतात ? याकडे मात्र सर्वांचे लक्ष लागून राहिले होते. वसंतराव देसाई यांनी दिलीप पाटील यांच्या गटाबरोबर जाण्याचा निर्णय घेतला असल्याने सत्ताधारी गटाला मोठ्या आव्हानाला सामोरे जावे लागण्याची शक्यता आहे. सलग चार दिवस चाललेल्या बैठकीनंतर वसंतराव देसाई आणि दिलीप पाटील गटाने एकत्र येण्याचा निर्णय घेतला आहे. त्यामुळे सरपंच आमचाच आणि सर्व सदस्यही आपलेच हा पक्का इरादा करून त्यांनी निवडणूक रिंगणात येवून शड्डू ठोकला आहे. त्यामुळे सत्ताधारी आर.बी. पाटील गट कोणती व्यूव्हरचना आखणार ? याकडे सर्वांचे लक्ष लागून राहिले आहे.

  गडहिंग्लज / शिवार न्यूज नेटवर्क : गडहिंग्लज येथील केदारी रेडेकर आयुर्वेदिक महाविद्यालयाचे खो-खो खेळाडू मुजफ्फर मुल्ला व बास्केटबॉलचा खेळाडू गोपाळ सरवळे या विद्यार्थ्यांची औरंगाबाद येथे होणाऱ्या राज्यस्तरीय आंतरविद्यापीठ क्रीडा महोत्सवातील स्पर्धेसाठी विद्यापीठ संघातून निवड झाली आहे. राज्यातील सर्व वैद्यकीय महाविद्यालयातील खेळाडूंची विभागीयनिवड चाचणी स्पर्धा नाशिकमध्ये झाली. या स्पर्धेतून महाराष्ट्र आरोग्य विज्ञान विद्यापीठाचा संघ निवडला गेला. त्यात मुल्ला याची खोखो संघात तर सरवळे याची बास्केट बॉल क्रीडा प्रकारात विद्यापीठ संघात निवड झाली. औरंगाबाद येथे ३ ते ७ डिसेंबरपर्यंत या स्पर्धा होणार आहेत. निवडीनंतर संस्थेच्या अध्यक्षा श्रीमती अंजना रेडेकर, उपाध्यक्ष अनिरुद्ध रेडेकर, सचिव सुनिल शिंत्रे, प्राचार्य डॉ. विणा कंठी, उपप्राचार्य डॉ. पंकज विश्वकर्मा यांनी या विद्यार्थ्यांचा गौरव केला.

  इसाक नदाफ/ शिवार न्यूज नेटवर्क सहकार औद्योगिक क्षेत्रातील महामेरू, सहकार क्षेत्रातील महासम्राट, जनसामान्यांचा आधारवड म्हणून ज्याची अखिल महाराष्ट्रात ख्याती म्हणून राहिलेली आहे असे कै. शामराव पाटील- यड्रावकर यांची ८८ वी जयंती आज दत्तवाड येथे मोठ्या उत्साहात साजरी करण्यात आली. येथे सकाळी कै. शामराव पाटील यड्रावकर यांच्या प्रतिमेस डी. एन. सिदनाळे यांच्या हस्ते पुष्पहार अर्पण करून अभिवादन करण्यात आले. कै. शामराव पाटील- यड्रावकर हे सर्वसामान्य जनतेचे नेते होते. त्यांनी या जनसामान्य जनतेच्या जीवनात समृद्धी नांदावी त्यांचे संसार सुखामध्ये जास्तीत जास्त समृद्धी यावी म्हणून सहकारी औद्योगिक क्षेत्राच्या माध्यमातून अपार कष्ट केले आहेत. त्यामुळे ते जनसामान्यांच्या हृदयात अजरामर होऊन राहिलेले आहेत. यावेळी अभय चौगुले, राजेंद्र चौगुले, प्रकाश चौगुले, प्रभू चौगुले, श्रीपाल धोतत्रे, वर्धमान नेजे, राहुल माळगे, दादासो कांबळे, नूर काले, सचिन सिदनाळे, राहुल चौगुले त्याचबरोबर यड्रावकर ग्रुप चे कार्यकर्ते, पदाधिकारी उपस्थित होते.

आमदार यड्रावकर यांनी आयोजित केलेल्या जनसंवाद मेळाव्याला मार्गदर्शन करणार जयसिंगपूर / शिवार न्यूज नेटवर्क : महाराष्ट्र राज्याचे लोकप्रिय मुख्यमंत्री नामदार एकनाथरावजी शिंदे उद्या शुक्रवारी कोल्हापूर जिल्हा दौऱ्यावर येत असून या दौऱ्या दरम्यान सायंकाळी पाच वाजता माजी मंत्री आमदार राजेंद्र पाटील यड्रावकर यांच्या शरद सहकारी साखर कारखान्याने उभारलेल्या डिस्टिलरी प्रकल्पाचा शुभारंभ त्यांच्या शुभहस्ते होत आहे, या कार्यक्रमास वस्त्रोद्योग मंत्री नामदार चंद्रकांतदादा पाटील, कोल्हापूर जिल्ह्याचे पालकमंत्री दीपक केसरकर, उद्योग मंत्री उदय सामंत, उत्पादन शुल्क मंत्री शंभूराज देसाई, खासदार धैर्यशील माने, खासदार संजय मंडलिक, खासदार धनंजय उर्फ मुन्ना महाडिक यांच्यासह जिल्ह्यातील सर्व आमदार उपस्थित राहणार आहेत, या कार्यक्रमानंतर मुख्यमंत्री शरद सहकारी साखर कारखान्यावरुन जयसिंगपूर कडे रवाना होतील जयसिंगपूर येथे मुख्यमंत्री एकनाथरावजी शिंदे जयसिंगपूर नगरपरिषद व महाराष्ट्र शासनाच्या माध्यमातून झालेल्या विविध विकास कामांची पाहणी करतील तसेच जयसिंगपूर नगर  परिषदेच्या माध्यमातून उभारण्यात येत असलेल्या छत्र...

  बोरगांव : बोरगाव येथील मुस्लिम समाजाचे कार्यकर्ते, पावरलूम व्यावसायीक, जावेद ताजुद्दिन मोमीन यांचे बुधवार दिनांक २३ नोव्हेंबर २०२२. रोजी अल्पशा आजाराने दुःखद निधन झाले आहे. ते ५५ वर्षाचे होते. त्यांच्या पश्चात आई, पत्नी, तिन मुले, सुना नातवंडे असा परिवार आहे, जावेद मोमीन हे स्वभावाने मनमिळाऊ व्यक्तिमत्त्व होते. बोरगाव येथील पावरलूम क्षेत्रात अनेक वर्षे अत्यंत कष्टाळू व मेहनतीचे काम केले होते. त्यांच्या अकाली निधनाने सर्वत्र हळहळ व्यक्त केले जात आहे. रक्षा विसर्जन शुक्रवार दिनांक २५ नोव्हेंबर २०२२ रोजी सकाळी १० वाजता बोरगाव येथे होणार आहे.

  बोरगांव :  बोरगाव येथील कोळी समाजाचे कार्यकर्ते, केबल नेटवर्क क्षेत्रातील अतिशय हुशार व्यक्तीमत्व, फिरोज केबल नेटवर्कचे कर्मचारी, श्री बाळासाब रावसाहेब अकिवाटे. यांचे बुधवार दिनांक २३ नोव्हेंबर २०२२.रोजी अल्पशा आजाराने दुःखद निधन झाले आहे.ते ३८ वर्षाचे होते.      बाळु यांचा स्वभाव मनमिळाऊ होता, केबल कामाने बाळु सर्वत्र परिचयाचे होते. त्यामुळे केबल बाळु या नावाने ते ओळखले जात असत.    त्यांच्या पश्चात आई,पत्नि, मुलगा, भाऊ, चुलते असा परिवार आहे, त्यांच्या निधनाचे सर्वत्र हळहळ व्यक्त होत आहे.रक्षा विसर्जन गुरुवार दिनांक २४ नोव्हेंबर २०२२ रोजी सकाळी ९ वाजता बोरगाव येथे होणार आहे.

हेरवाड / शिवार न्यूज नेटवर्क : हेरवाड ग्रामपंचायत निवडणूकीच्या पार्श्र्वभूमीवर सत्ताधारी गटातील काही पदाधिकारी विरोधी गटाच्या गोटात तर विरोधी गटातील काही पदाधिकारी सत्ताधाऱ्यांच्या गोटात सामील झाल्याचे चित्र दिसून येत आहे. त्यामुळे नाराज कार्यकर्ते सोडून गेल्यामुळे दोन्ही गटाला सौम्य धक्का बसला आहे. सत्ताधारी गटातील सुधीर माळी, सुनिल माळी, देवगोंडा आलासे, पायगोंडा आलासे हे पदाधिकारी विरोधी म्हणजे दिलीप पाटील गटात सामील झाल्याची माहिती सुधीर माळी यांनी दिली. तर विरोधी गटातील किंगमेकर व विरोधी पक्षनेते सुकुमार पाटील, भोला शिंदे व रवी इंगळे हे थेट सत्ताधारी गटात सामील झाले आहेत. तसेच आणखीन काही पदधिकारी जाणार असल्याचे समजते.तसेच तंटामुक्त समितीचे अध्यक्ष बाबुराव माळी यांनी तटस्ताची भूमिका घेतली आहे.  तर इतर दोन्ही गटातील आणखी काही नाराज तयार कार्यकर्ते झाले असून त्यांनी आपली भूमिका अजूनही स्पष्ट केली नाही. या नाराज गटातील पदाधिकारी या ना त्या गटात दाखल झाल्याने सत्ताधारी आणि विरोधकांना सौम्य धक्का बसला आहे. त्यामुळे ही निवडणूक मोठी रंगतदार होणार आहे.

  तलाठी नाही ; हेरवाडची जनता 'परेशान' हेरवाड / शिवार न्यूज नेटवर्क : तलाठी कार्यालय म्हटलं की नागरिकांची ओसंडलेली गर्दी डोळ्यासमोर येते. या ना त्या कारणांनी नागरिकांना तलाठी कार्यालयात जावेच लागते. परंतु, तलाठीच येत नसतील तर कामे होणार तरी कशी? त्यामुळे आता हेरवाड नागरीक "कोणी तलाठी देता का तलाठी', अशी मागणी नागरीकांकडून होत आहे. हेरवाडमध्ये तलाठी कार्यालय आहे. गेल्या अनेक महिन्यांपासून येथे पूर्ण वेळ तलाठी नाही. हेरवाडला पूर्ण वेळ तलाठी द्यावा, अशी मागणी होत आहे.  येथील रहिवाशांना सातबारा, फेरफार, सातबाऱ्यावर नाव लावणे, उत्पन्नाचा दाखला काढणे अशा विविध महसुली कामांसाठी तलाठी कार्यालयात जावेच लागते. परंतु, या कार्यालयाचा अतिरिक्त पदभार तेरवाड येथील तलाठ्यांकडे दिलेला आला होता मात्र हे तलाठीही आठवड्यातून दोनच दिवस येत होते किंवा येत पण नव्हते.  त्यानंतर शिरढोण येथील तलाठ्यांकडे चार्ज देण्यात आला, मात्र त्या तलाठ्यांनी अंतर जास्त होत असल्यामुळे हेरवाडला येण्यास नकार दिला असल्याचे समजते, या सर्व अडचणीमुळे गावामध्ये दिवाळी झाल्यापासून तलाठीच आला नसल्याची चर्चा गावात सुरु ...

हेरवाड / शिवार न्यूज नेटवर्क :          हेरवाड ग्रामपंचायतमध्ये परिवर्तन घडविण्यासाठी वसंतराव देसाई व दिलीप पाटील यांच्या गटाच्या बैठकांना वेग आला आहे. ही बैठक यशस्वी झाली आणि हे दोन गट एकत्र आले तर सत्ताधारी गटाला मोठ्या आव्हानाला सामोरे जावे लागणार आहे.   सत्ताधारी गट केलेली विकासकामे, देशभरात गाजलेला  विधवा प्रथा बंदीचा निर्णय या जोरावर निवडणुकांना सामोरे जाणार असल्याचे समजते. तसेच विधवांच्या मागणीकडे केलेले दुर्लक्ष, विधवा महिलांचा मोर्चा, उपोषण आणि न झालेली विकास कामे हा मुद्दा पुढे आणून विरोधक निवडणूकीला सामोरे जाण्याची शक्यता आहे. इतकेच नव्हे तर युवा पिढीने जाहीर केलेली उमेदवारीही पॅनेल प्रमुखांना डोकेदुखी ठरणार आहे.                सरपंचपद अनुसूचित जाती (महिला) यासाठी राखीव आहे. सरपंचपदासाठी अनेकजण इच्छुक आहेत. सत्ताधारी गटाने सरपंच पदासाठी कमालीची गुप्तता पाळली आहे तर विरोधी गटाकडून तीन नांवे चर्चेत आहेत. त्यामुळे सरपंचपदाचे उमेदवार अजून गुलदस्त्यातच ठेवले जात आहे. तसेच नविन पॅनेलची निर्मिती ही नार...

  हेरवाड / शिवार न्यूज नेटवर्क : हेरवाड ग्रामपंचायत निवडणुकीच्या पार्श्वभूमीवर अनेक पक्ष, गटतट कामाला लागले असून इच्छुक उमेदवारांच्या मुलाखती घेण्याचे काम युद्ध पातळीवर सुरू आहे. मात्र गावात सुमारे ५०० ते ६०० एकनिष्ठ उद्धव बाळासाहेब ठाकरे यांचे शिवसैनिक कोणती भूमिका घेणार ? याकडे सर्वांचे लक्ष लागून राहिले आहे. १८ डिसेंबर रोजी ग्रामपंचायत निवडणुकीच्या पार्श्वभूमीवर मतदारांना आपल्या मतदानाचा हक्क बजावता येणार आहे. याच पार्श्वभूमीवर गावातील काँग्रेस, राष्ट्रवादी, भाजप, स्वाभिमानी शेतकरी संघटना, शिवसेना उद्धव बाळासाहेब ठाकरे, यड्रावकर गट, मनसे या पक्षाच्या कार्यकर्त्यांनी गावात हालचाली गतिमान केल्या आहेत. व विविध आघाड्याअंतर्गत चर्चा सुरू आहे. मात्र, एकनिष्ठ असलेले उद्धव बाळासाहेब ठाकरे शिवसेनेचे गावात ५०० ते ६०० कार्यकर्ते आहेत. त्यांची भूमिका काय असणार ? स्वतःचे पॅनल लावणार की कोणाबरोबर युती करणार याकडे सर्वांचे लक्ष लागून राहिले आहे.

हेरवाड / शिवार न्यूज नेटवर्क : हेरवाड गावची सत्ता युवकांच्या हातात दिल्यास नक्कीच गावचा विकास साधता येईल या हेतूने नवे पर्व युवा सर्व या टॅगलाईन खाली गावातील अनेक तरुण युवक निवडणुकीच्या रिंगणात उतरण्याची तयारी दर्शवली आहे. यापैकीच एक प्रभाग क्रमांक दोन मधून श्री इटाज पुजारी यांची अपक्ष उमेदवारी जाहीर करण्यात आली आहे. गावात ग्रामपंचायत निवडणूकीच्या पार्श्वभूमीवर आघाड्यांनी उमेदवार निवडण्यास सुरुवात केली आहे. सध्या गावात युवा वर्ग निवडणूक लढविण्यास इच्छुक असल्याचे दिसून येत आहे. तरुणांच्या हातात गांवची सत्ता आल्यास नक्कीच हेरवाडचा कायापालट होईल असे मत युवकांचे आहे. त्यामुळे प्रत्येक प्रभागात इच्छूक तरुण दिसून येत आहेत. प्रभाग क्रमांक दोन मधून श्री इटाज पुजारी यांची अपक्ष उमेदवारी जाहीर करण्यात आली असून याला जनने तून पाठींबा मिळत आहे.

वजीर रेस्क्यू फोर्सच्या जवानांनी वाचविले जीव नृसिंहवाडी / शिवार न्यूज नेटवर्क : शिरोळ तालुक्यातील श्री क्षेत्र नृसिंहवाडी येथील नदीपात्रात बुडणार्‍या दोन भाविकांना वाचविण्यात वजीर रेस्क्यू फोर्सच्या जवानांना यश आले आहे. श्री क्षेत्र नृसिंहवाडी येथे कर्नाटक राज्यातील हुबळी येथील संजय कदम व त्यांचा मुलगा सागर कदम दत्त दर्शनास आले होते. दर्शनाअगोदर कृष्णा नदीत अंघोळीसाठी ते गेले होते, यावेळी नदीच्या पाण्याचा अंदाज न आल्याने ते दोघे नदीत बुडू लागले. यावेळी तिथे असलेले वजीर रेस्क्यू फोर्सचे जवान शिवा सोनार यांनी तात्काळ नदीत उडी मारुन बुडणार्‍या बाप-लेकाचा जीव वाचविला. यावेळी अमोल निकम, प्रवीण कांबळे यांनीही बुडणार्‍या दोघांना वर काढण्यास मदत केली.

हेरवाड / शिवार न्यूज नेटवर्क : हेरवाड ग्रामपंचायत निवडणूकीसाठी सर्वच आघाड्यांच्या माध्यमातून तयारी सुरू करण्यात आली आहे. प्रभाग क्रमांक दोनसाठी सर्वसामान्य पुरुष, मागासवर्गीय महिला आणि विशेष मागास प्रवर्ग महिला असे आरक्षण पडले आहे. मात्र, प्रभाग २ मध्ये अनुसुचित जाती स्त्री व अनुसुचित जमाती स्त्री यासाठी एकही उमेदवार नसल्याने या प्रभागात आघाड्यांना दुसऱ्या प्रभागातील उमेदवार उभा करावा लागणार असल्याने गावात अशा उमेदवारांची शोधाशोध सुरु आहे. हेरवाड ग्रामपंचायत निवडणूकीसाठी सध्या गावात हालचाली गतिमान झाल्या असून कोण - कोणाबरोबर जाणार ? आणि किती आघाड्या होणार ? याकडे सर्वांच्या नजरा लागून राहिल्या आहेत. प्रभाग क्रमांक २ मधील आरक्षणामुळे सर्वच आघाडी प्रमुखांची डोकेदुखी वाढली असल्याचे चित्र दिसून येत आहे. या प्रभागामध्ये बौध्द, चर्मकार समाजाचे एकही घर नसल्याने या ठिकाणी इतर प्रभागात राहणारा उमेदवार शोधावा लागत आहे. तर कोळी समाजाचीही हिच स्थिती आहे. या प्रभागासाठी दुसऱ्या प्रभागात राहणारा उमेदवार उभा करावा लागणार आहे. त्यामुळे गावातील आघाड्या सध्या उमेदवार शोधण्याच्या कामात गुंतून असल्याचे चि...

  सुरेश कांबळे / शिवार न्यूज नेटवर्क : सलग दोन दिवस सुरू असलेल्या श्री बुवाफन महाराज उत्सव सोहळ्याची सांगता झाल्यानंतर बुधवारी (दि १६ ) पासून हजरत नूरखान बादशाह उरुसास प्रारंभ झाला आहे, बुधवारी रात्री पारंपरिक मानकरी, भाविक यांच्या उपस्थितीत हजरत नूरखान बादशाह दर्ग्यात गंधरात्र सोहळा संपन्न झाला, यावेळी दर्शनासाठी भाविकांची गर्दी झाली होती, दरम्यान आज गुरुवारी उरुसाचा मुख्य दिवस असल्याने भाविक मोठ्या प्रमाणात दाखल होत आहेत.            येथील बसस्थानक नजीक असणाऱ्या हजरत नूरखान बादशाह उरुसाला प्रारंभ झाला असून बुधवारी सकाळी दर्ग्याचे पुजारी बशीर शेख ( देवर्षी ) यांच्या हस्ते तसेच भाविकांच्या उपस्थितीत दर्ग्यामध्ये विधिवत पूजा झाली, त्यानंतर बुधवारी सायंकाळी चर्मकार समाज व पारंपारिक मानकरी, भाविक यांच्या उपस्थितीत सवाद्य मिरवणुक काढण्यात आली. रात्री आठ वाजता हजरत नूरखान बादशहास चर्मकार समाजातील मानाचा गंध लावणे व गलेफ घालणे सोहळा पार पडला.        दरम्यान, या धार्मिक सोहळ्यास चर्मकार समाजातील मानकरी नायकू माने, दगडू माने ,शिवाजी ...

  हेरवाड / शिवार न्यूज नेटवर्क : हेरवाड ग्रामपंचायत निवडणुकीच्या पार्श्वभूमीवर गावातील हालचाली गतिमान झाल्या असून सरपंच पदासह सदस्य पदासाठी अनेकांची नावे चर्चेत येत आहेत. प्रामुख्याने दिलीप पाटील यांच्या गटाकडून एडवोकेट अनिरुद्ध कांबळे यांच्या पत्नी सौ. सुजाता कांबळे, सौ.रेखा अर्जुन जाधव व सौ. सुषमा जितेंद्र माने यांची नावे समोर येत आहेत तर आर.बी. पाटील यांच्या गटाकडून उद्याप कोणत्याही उमेदवाराची चर्चा नसल्याने या गटाने कमालीची गुप्तता पाळली असल्याचे दिसते. मागील पंचवार्षिक निवडणुकीत चौरंगी लढत आपल्याला पाहायला मिळाली. यामध्ये हेरवाड ग्रामविकास आघाडी आणि राजर्षि शाहू ग्रामविकास आघाडी या बलाढय पॅनेलची लढत रंगतदार झाली होती. आणि यामध्ये राजर्षि शाहू ग्रामविकास आघाडीला जनतेने कौल दिला होता. यावर्षीही आघाडींची संख्या वाढण्याची शक्यता आहे. तरी देखील आर.बी. पाटील गट आणि दिलीप पाटील गट या दोन मोठ्या गटात ग्रामपंचायतीची निवडणूक रंगणार असल्याची चिन्हे दिसून येत आहेत.  या नविन आघाडींची चर्चा..! गांवचा सर्वांगिण विकास साधण्याच्या हेतूने युवा वर्गाला संधी देण्यासाठी गावातील क्रांती ग्रुपच...

हेरवाड / शिवार न्यूज नेटवर्क :  हेरवाड ग्रामपंचायतीची पंचवार्षिक निवडणूकीची तारीख जाहीर झाल्यामुळे गावातील स्वाभिमानी शेतकरी संघटना स्वबळावर निवडणूक लढविण्याचा निर्णय घेतला असल्याची माहिती स्वाभिमानी शेतकरी संघटनेचे युवा आघाडी तालुका अध्यक्ष बंडू पाटील यांनी दिली.  मागील पंचवार्षिक निवडणूकीमध्ये स्वाभिमानी शेतकरी संघटना हेरवाड ग्रामविकास आघाडीबरोबर राहिली होती. मात्र यावेळी स्वभिमानीने स्वतंत्र पॅनेल करुन स्वबळावर लढणार असल्याची माहिती दिल्यामुळे गावात चर्चा रंगली आहे. हेरवाड ग्रामपंचायतीसाठी लोकनियुक्त सरपंच व सदस्य असे एकुण 16 जणांची संख्या आहे. यावेळी सरपंच पदासाठी  मागासवर्गीय महिला हे आरक्षण पडले आहे. त्यामुळे इच्छूक उमेदवार नेत्यांच्या गाठीभेटी घेत आहेत. मात्र, स्वाभिमानी शेतकरी संघटना स्वबळावर निवडणूक लढविण्याचा निर्णय घेतल्यामुळे इतरांची मात्र डोकेदुखी वाढणार आहे.

  हेरवाड / शिवार न्यूज नेटवर्क : हेरवाड ग्रामपंचायत पंचवार्षिक निवडणुकीचा बिगुल वाजल्याने गावातील राजकीय व्यक्ती आणि आघाड्यांना मोठे महत्त्व प्राप्त झाले आहे. एकेकाळी गावची सत्ता पाहलेल्या आणि विकास कामांच्या जोरावर अजूनही प्रत्येक ग्रामस्थांच्या मनात घर करून राहिलेले माजी सरपंच वसंतराव देसाई त्यांची भूमिका या निवडणुकीत महत्त्वाची ठरणार आहे. या निवडणुकीत आर. बी. पाटील गट व दिलीप पाटील या दोन बलाढ्य गटाचेही लक्ष त्यांच्या भूमिकेकडे लागून राहिल्याने वसंतराव देसाई कोणता निर्णय घेतात याकडे संपूर्ण गावाचे लक्ष लागून राहिले आहे. सध्या ग्रामपंचायत निवडणुकीच्या पार्श्वभूमीवर गावात इच्छुकांची भाऊगर्दी वाढली आहे. पॅनलच्या माध्यमातून कोणाला उमेदवारी द्यायची यासाठी बैठकांच्या फेऱ्या रंगत आहेत. सध्या गावात पॅनल ची संख्या ही वाढण्याची शक्यता आहे. त्यामुळे माजी सरपंच वसंतराव देसाई हे पॅनेल लावणार का ? की कोणत्या पॅनलल सहकार्य करणार ? याकडे सर्वांचे लक्ष लागून राहिले आहे.

हेरवाड / शिवार न्यूज नेटवर्क : हेरवाड गावामधील प्रभाग क्रमांक 5 मध्ये मा.सरपंच सुरगोंडा पाटील यांच्या मार्गदर्शनाखाली मा.सदस्य अमोल कांबळे व संभाजी मस्के यांनी सुमारे 50 ते 60 लाख रुपयांची विकास कामे खेचून आणून या परिसराचा विकास साधला आहे. त्यामुळे या प्रभागातील नागरीकांतून समाधान व्यक्त होत आहे. माळभागातील बौध्द समाज बांधवांसाठी समाज मंदिरासाठी माजी मंत्री व आमदार राजेंद्र पाटील यड्रावकर यांच्या फंडातून तसेच स्विय सहाय्यक संजय कुन्नुरे यांच्या माध्यमातून 15 लाखाचा निधी मिळाला, काळम्मावाडी वसाहतीकडे जाणार्‍या रस्त्यासाठी 7 लाखाचा निधी यासह सुमारे 35 लाखाचा निधी, रस्ते, गटारीसाठी खर्च करण्यात आलेला आहे. सामान्य कुटूंबातून निवडूण आलेले अमोल कांबळे यांनी खेचून आणलेल्या कामामुळे या प्रभागाचा विकास झाला आहे. यामध्ये संभाजी मस्के यांचाही मोठा सहभाग आहे. नेहमीच माळभागातील आणि गायरानमध्ये राहणारी जनता विकासापासून वंचित राहते, मात्र, आपल्या इच्छाशक्तीच्या बळावर युवा नेतृत्व म्हणून अमोल कांबळे व जुने जाणकार व्यक्तीमत्व म्हणून संभाजी मस्के यांनी आपल्या प्रभागाचा विकास साधल्यामुळे त्यांना पुन्हा ...

  हेरवाड / शिवार न्यूज नेटवर्क : सध्या हेरवाड ग्रामपंचातीच्या पंचवार्षिक निवडणूकीची तारीख जाहीर झाल्यामुळे गावातील राजकीय वातावरण तापले आहे. त्यामुळे सत्ताधारी आणि विरोधी गटातील दोन खमके पॅनेल एकमेकाविरोधात शड्डू ठोकणार असून गावातील अन्य पुढारीही पॅनेलची तयारी सुरु केल्यामुळे हेरवाडची निवडणूक रंगतदार होणार आहे. हेरवाड ग्रामपंचायतीसाठी लोकनियुक्त सरपंच व सदस्य असे एकुण 16 जणांची संख्या आहे. यावेळी सरपंच पदासाठी इतर मार्गासवर्गीय महिला हे आरक्षण पडले आहे. त्यामुळे इच्छूक उमेदवार नेत्यांच्या गाठीभेटी घेत आहेत. मागील पंचवार्षिक निवडणूकीमध्ये हेरवाड ग्रामविकास आघाडी, राजर्षि शाहू ग्रामविकास आघाडी, ताराराणी विकास आघाडी, बहुजन विकास आघाडी या चार पॅनेलच्या माध्यमातून चौरंगी लढत पहायला मिळाली. यामध्ये हेरवाड ग्रामविकास आघाडी आणि राजर्षि शाहू ग्रामविकास आघाडी या बलाढय पॅनेलची लढत रंगतदार झाली होती. आणि यामध्ये राजर्षि शाहू ग्रामविकास आघाडीला जनतेने कौल दिला होता. यावर्षी आघाडींची संख्या वाढण्याची शक्यता आहे. याच पार्श्‍वभूमीवर गावात बैठकांना वेग आला आहे. 

अकिवाट / शिवार न्यूज नेटवर्क : अकिवाट ग्रामपंचायत पंचवार्षिक निवडणूकीची तारीख जाहीर झाल्यामुळे गावातील राजकीय वातावरण तापायला सुरुवात झाली आहे. सरपंच पद सर्वसाधारण महिलांसाठी आरक्षित असल्याने इच्छूकांची संख्या मोठ्या प्रमाणात वाढली असून उमेदवार निश्‍चित करण्याचे काम गावातील राजकीय पुढार्‍यांच्याकडून सुरु आहे.  मागील पंचवार्षिक निवडणूकीमध्ये स्वाभिमानी शेतकरी संघटना, शिवसेना आणि आवाडे गटाचे याच्या माध्यमातून पॅनेलची निर्मिती करण्यात आली होती. तसेच काँग्रेस, राष्ट्रवादी यांच्या माध्यमातून एक पॅनेल तयार करण्यात आले होते. यावेळी जनतेने संघटना, शिवसेना आणि आवाडे गटाच्या पॅनेलला कौल दिला आणि विरोधी काँग्रेस, राष्ट्रवादीला दोन सदस्यांवर समाधान मानावे लागले. तसेच सरपंच पदासाठी तीन उमेदवारापैकी स्वाभिमानी शेतकरी संघटनेचे विशाल चौगुले यांना संधी देण्यात आली होती.  यावर्षीही दोन पॅनेलच्या माध्यमातून लढत होणार आहे. सरपंच पद सर्वसाधारण महिलांसाठी आरक्षित असल्याने गावात इच्छूकांची संख्या वाढली आहे. त्यामुळे सत्ताधारी आणि विरोधी गटाकडून इच्छूक उमेदवरांच्या बैठका घेवून नांवे निश्‍चित करण्याचे...

  सुरेश कांबळे / शिवार न्यूज नेटवर्क :  हिंदू -मुस्लिम ऐक्याचे प्रतीक असलेल्या येथील ग्रामदैवत श्री बुवाफन महाराज उत्सवानिमित्त  सोमवारी सकाळी मंदिरामध्येम हापूजा व महाअभिषेक सोहळा संपन्न झाला. त्याचबरोबररा रात्री आठ वाजण्याच्या सुमारास पारंपरिक मानकरी व भाविकांच्या उपस्थितीत  गंधरात्र सोहळा पार पडला.      दरम्यान, आज मंगळवारी श्री बुवाफन महाराज उत्सवाचा मुख्य दिवस  आहे, त्यानंतर बुधवारपासून हजरत नूरखान बादशहा उरसास प्रारंभ होणार आहे, उत्सव व उरसानिमित्त 20 नोव्हेंबर पर्यंत विविध कार्यक्रमाचे आयोजन करण्यात आले आहे.           सोमवारी सकाळी श्री बुवाफन महाराज (श्री बावसिद्ध स्वामी समाधी) मंदिरात सकाळी सव्वानऊ वाजता श्रींची महापूजा व महाअभिषेक करण्यात आला, यावेळी अशोक हिरेमठ स्वामी , महातय्या हिरेमठ स्वामी, अमोल हिरेमठ स्वामी महाराज यांच्यासह श्री वीरशैव लिंगायत , माळी समाज व भक्तगण उपस्थित होते,  त्याचबरोबर  रात्री श्री बुवाफन महाराज यांच्या समाधीला गंध लावणे व मानाचा गलेफ घालने हा कार्यक्रम  झाला,  या का...

सुरेश कांबळे / शिवार न्यूज नेटवर्क : शिरोळ-अर्जुनवाड रोडवर अज्ञात मोटरसायकल धारकाने चालत जाणार्‍या महिलेला जोराची धडक दिल्याने या अपघातात महिला जखमी झाल्याची घटना घडली आहे. या प्रकरणी अज्ञात मोटरसायकल चालकाविरोधात शिरोळ पोलिस ठाण्यात गुन्हा दाखल करण्यात आला आहे. याबाबतची फिर्याद जखमी रुपाली निवास परीट वय 25 रा, टाकळी मळा अर्जुनवाड रोड शिरोळ यांनी दिली आहे. याबाबत पोलिसांतून मिळालेली अधिक माहिती अशी की, फिर्यादी रुपाली परीट या कामावरुन घरी पायी चालत जात असताना शिरोळ ते अर्जुनवाड रोडवर प्रगती इंजिनिअरिंग जवळ एका अज्ञात वाहनाने त्यांना समोरुन धडक दिली. या अपघातात परीट यांच्या हाताला, पायाला आणि चेहर्‍यावर दुखापत झाली. त्यांना येथील खासगी रुग्णालयात उपचारासाठी दाखल करण्यात आले आहे. या अपघात प्रकरणी अज्ञात मोटरसायकल स्वाराविरोधात शिरोळ पोलिस ठाण्यात गुन्हा दाखल करण्यात आला आहे.

  हेरले / शिवार न्यूज नेटवर्क : तुझ्यात जीव रंगला फेम अभिनेत्री कल्याणी कुरळे - जाधव यांचा अपघाती मृत्यू झाला. कोल्हापूर - सांगली महामार्गावर हालोंडी फाटा येथे शनिवारी रात्री अकराच्या सुमारास हा अपघात झाला. कल्याणी या हालोंडी येथील हाॅटेल प्रेमाची भाकरी येथून मोपेडने कोल्हापूरला जात असताना ट्रॅक्टरने धडक दिली. या धडकेत कल्याणी गंभीर जखमी झाल्या. उपचारासाठी त्यांना कोल्हापुरातील सरकारी दवाखान्यात दाखल केले असता त्यांचा मृत्यू झाला.  याबाबत मिळालेली माहिती अशी : तुझ्यात जीव रंगला यासह अनेक मालिका आणि चित्रपटांमध्ये काम केलेल्या मराठी  अभिनेत्री कल्याणी अभिजित जाधव यांनी पंधरा दिवसांपूर्वी कोल्हापूर - सांगली महामार्गावर हालोंडी येथील खाऊ गल्लीमध्ये प्रेमाची भाकर या नावाने आपला हाॅटेल व्यवसाय सुरू केला होता.  अभिनयासोबत स्वतःचा काहीतरी व्यवसाय करुन कल्याणी यांना स्वतःच्या पायावर उभे रहायचे होते. त्यामुळे आपल्या वाढदिवसाचे औचित्य साधून त्यांनी हॉटेल सुरु केले होते. काल रात्री त्यांनी आई - वडिल आणि मुलाला जेवणासाठी बोलावले होते. वडिल पांडूरंग पुंडलिक कुरळे ( रा. राजापुर...

अजित कांबळे / शिवार न्यूज नेटवर्क :  बोरगाव  ता निपाणी नगर पंचायत हदीतील आर के नगर येथील जाकीर सिकंदर मकानदर (वय:43) हे  बेपत्ता झाल्याची फिर्याद पत्नी जयबून मकानदार यांनी सदलगा पोलीस ठाण्यात केली आहे.    जाकीर मकानदार हा 8 नोव्हेंबर 2022 रोजी सायंकाळी सहा वाजता केस कापण्यासाठी जाऊन येतो असे सांगून घरातून निघून गेल्याने ते आज पर्यंत घरी परत आले नाहीत. नातेवाईक व इतरत्र शोधा शोध केली पण ते मिळून आले नाहीत. झाकीर हा एका पायाने अपंग असून रंग सावळा आहे .पाच फूट उंची असलेल्या झाकीर याला मराठी , कन्नड ,हिंदी अशा तीन  भाषा अवगत आहेत तो यंत्र माग कामगार आहे,. सदर व्यक्ती तीन दिवसापासून   घरातून बेपत्ता झाले आहेत.या व्यक्तिबाबत कोणाला माहिती झाल्यास सदलगा  पोलीस ठाणे किंवा मुलगा रमजान मकानदार यांच्या 9071919811 या मोबाइल नंबरशी संपर्क करण्याचे आवाहन नातेवाईक कडून करण्यात आले आहे.

सुरेश कांबळे / शिवार न्यूज नेटवर्क : भागातील कारखाने 2900 रुपये दर जाहीर करून सुरु झाले असले तरी हा दर शेतकऱ्यांना परवडणारा नसल्यामुळे शेतकरी सध्या या कारखान्यांना ऊस देण्याच्या मनस्थितीत नाही. याउलट 3050 रुपये दर जाहीर करून पंचगंगा कारखाना सुरु झाला होता तो दरही मान्य नाही म्हणून आंदोलन अंकुश ने पंचगंगा कारखान्याची वाहतूक रोखली होती.त्यावेळी व्हाईस चेअरमन श्री जयपाल कुंभोजे यांनी मध्यस्ती करून 3100 रुपये दर जाहीर करू असे सांगून वाहने सोडण्यास सांगितली होती तो शब्द त्यांनी पाळून 3100 रुपये दर जाहीर केला म्हणून आज कारखान्यावर चेअरमन पी एम पाटील व्हाईस चेअरमन जयपाल कुंभोजे, एम. डी. व शेती अधिकारी यांचा सत्कार केला. आपण चालूला 3100 केला असला तरी रिकव्हरी नुसार दुसरा हप्ता व मागील हंगामाचा दुसरा हप्ता द्यावा अशी आग्रही मागणी आंदोलन अंकुश च्या वतीने करण्यात आली. भागातील अन्य साखर कारखान्यांनी जाहीर केलेला दर वाढवून नव्याने घोषणा करावी अन्यथा आंदोलन आणखी तीव्र केले जाईल असा इशारा धनाजी चुडमुंगे यांच्याकडून देण्यात आला. यावेळी आंदोलन अंकुश चे राकेश जगदाळे दिपक पाटील अक्षय पाटील भूषण गंगावणे स...

  शिरोळ / शिवार न्यूज नेटवर्क : राष्ट्रीय काँग्रेसचे नेते आदरणीय राहुलजी गांधी यांनी सुरू केलेल्या भारत जोडो या यात्रेसाठी आमचे नेते कोल्हापूर जिल्हा काँग्रेसचे अध्यक्ष आणि कोल्हापूर जिल्ह्याचे माजी पालकमंत्री आणि माजी मंत्री माननीय आमदार सतेज उर्फ बंटी डी. पाटील साहेब यांच्या नेतृत्वाखाली ,शिरोळ तालुका काँग्रेसचे नेते आणि श्री. दत्त सहकारी साखर कारखान्याचे चेअरमन उद्यानपंडीत आदरणीय गणपतराव दादा पाटील यांच्या मार्गदर्शनाखाली ,शिरोळ तालुका काँग्रेसचे अध्यक्ष मा. श्री. सर्जेराव शिंदे, काँग्रेसचे समन्वयक मा. श्री. शेखर पाटील, जिल्हा युवक काँग्रेसचे कार्याध्यक्ष नितीन बागी, शिरोळ तालुका किसान काँग्रेसचे अध्यक्ष अमोल चौगुले, शिरोळ तालुका महिला राष्ट्रीय काँग्रेसच्या अध्यक्षा आणि शिरोळ तालुका पंचायत समितीच्या माजी सभापती सौ.मिनाज युनुसअल्ली जमादार आणि शिरोळ तालुका युवक काँग्रेसचे अध्यक्ष वसीम रमीजराजा जमादार या सर्वांच्या नेतृत्वाखाली आज शिरोळ तालुक्यातील शेकडो काँग्रेसचे कार्यकर्ते उद्या होणाऱ्या हिंगोली जिल्ह्यातील रँलीमध्ये उत्स्फूर्तपणे भाग घेण्यासाठी रवाना झाले.यावेळी आदरणीय गणपतराव...

  जयसिंगपूर / शिवार न्यूज नेटवर्क : हेरवाड ग्रामस्थांचे श्रद्धास्थान ग्रामदैवत संतुबाई मंदिराचा ब वर्गामध्ये समावेश झाला असून मंदिर परिसराच्या विकासासाठी रुपये दोन कोटीचा निधी मागणीचा प्रस्ताव शासनाकडे सादर केला आहे, लवकरच संतुबाई मंदिर परिसर विकासासाठी भरीव प्रमाणात निधी मंजूर होईल अशी माहिती माजी मंत्री आमदार राजेंद्र पाटील यड्रावकर यांनी दिली आहे, हेरवाड येथील संतुबाई मंदिर हे गावातील सर्व धर्मीयांचे श्रद्धास्थान असून या ठिकाणी प्रतिवर्षी मोठ्या प्रमाणात यात्रा भरत असते, यात्रेच्या निमित्ताने विविध कार्यक्रमांचे आयोजन केले जात असते त्याचबरोबर या मंदिराला हेरवाड ग्रामस्थांसह परिसरातील अनेक भाविक भेट देत असतात ग्रामदैवत संतुबाईच्या दर्शनाला परिसरातून हजारो भावीक येत असतात या मंदिर परिसराचा विकास व्हावा अशी भाविकांची व ग्रामस्थांची मागील अनेक वर्षापासूनची मागणी होती, सदर मंदिराचा ब वर्गामध्ये समावेश व्हावा यासाठी सातत्याने केलेल्या प्रयत्नाला यश येऊन सदर मंदिराचा ब वर्गामध्ये समावेश झालेला आहे, या मंदिर परिसराच्या विकासासाठी दोन कोटी रुपये चा प्रस्ताव शासन दरबारी सादर केला असून संत...

राजापूर / शिवार न्यूज नेटवर्क : राजापूर (ता.शिरोळ) येथे स्वयंमसिद्धी गारमेंट व महालक्ष्मी स्टेशनरिचा शुभारंभ आज गुरुवारी सकाळी ११ वाजता प्रमुख मान्यवरांच्या उपस्थितीत करण्यात येणार असल्याची माहिती निमंत्रक सविता पाटील यांनी दिली. महिलांच्या हाताला काम मिळून महिलाही स्वावलंबी बनल्या पाहिजेत आणि स्वतःच्या पायावर उभ्या राहिल्या पाहिजेत हा उद्देश डोळ्यासमोर ठेवून स्वयंमसिद्धी गारमेंट व महालक्ष्मी स्टेशनरिचा शुभारंभ करण्यात येत असल्याची माहिती सविता पाटील यांनी दिली. यावेळी पंचायत समिती शिरोळच्या तालुका अभियान व्यवस्थापक स्मिता सम्यक, प्रभाग समन्वयक निलेश डवरी, राजापूरचे माजी सरपंच दानू पाटील, सरपंच सविता संजय पाटील यांच्यासह पदाधिकारी उपस्थित राहणार आहेत.

हेरवाड / शिवार न्यूज नेटवर्क : उच्च न्यायालयाने गायरानातील अतिक्रमणे काढण्याचे आदेश दिले दिल्याने जिल्हा प्रशासनाने याची गंभीर दखल घेत कारवाईची तयारी सुरु केली असल्याने हेरवाड येथील अतिक्रमणधारकांची बैठक संपन्न झाली या बैठकीत सर्वांनी एकजुट होवून या विरोधात लढा देण्याचा निर्णय घेण्यात आला. यावेळी बोलताना सरपंच सुरगोंडा पाटील म्हणाले, अतिक्रमणाबाबत कायदे सल्लागार, सामिजिल कार्यकर्ते सर्वांनाच घेवून आम्ही लढा देवू. त्यामुळे अतिक्रमण धारकांनी घाबरुन न जाता सर्वांनी मिळून एकत्र येर्‍याचे आवाहन केले. सदरचे नागरिक हे पिढयान पिढ्या राहत आहेत त्यामुळे ते अतिक्रमण धारक असू शकत नाहीत. न्यायालयाने जो निर्णय दिला आहे, या पार्श्वभूमिवर जिल्हा प्रशासन काम करत आहे. त्यामुळे कोणीही घाबरून न जाता सर्वांनी मिळून हा लढा लढूया. अतिक्रमण धारकांच्या घराच्या खापरीला सुद्धा हात लावू देणार नसल्याचा इशारा दिला.  यावेळी अँड अनिरुद्ध कांबळे म्हणाले, हद्दवाढ करण्याची कार्यवाही प्रशासनाने वेळीत केली नाही. गावामध्ये घरे बांधणेसाठी जागा नसल्याने सामान्य माणसांनी आयुष्याची पुंजी साठवून गायरानातील मोकळ्या जागेवर छ...

अजित कांबळे / शिवार न्यूज नेटवर्क :          बोरगाव ता निपाणी येथील युवा उद्योजक,अरिहंत उद्योग समूह चे प्रमुख, अरिहंत शुगरसचे अध्यक्ष मा अभिनंदन उर्फ बच्चू पाटील यांच्या 47 व्या वाढदिवसानिमित्त निपाणी येथील समर्थ मंडळ व्यायाम शाळेच्या मैदानावर शनिवार (ता.१२)ते गुरुवार (ता.१७) पर्यंत अरिहंत ट्रॉफी आंतरराज्य फुटबॉल स्पर्धेचे आयोजन करण्यात आले आहे. विजेत्या संघाला १ लाखाचे बक्षीस देण्यात येणार असल्याची माहिती बोरगाव येथील युवा नेते उत्तम पाटील यांनी आयोजित बैठकीत माहिती दिली.           यावेळी युवा नेते उत्तम पाटील म्हणाले, बोरगाव येथील अरिहंतचे संस्थापक अध्यक्ष सहकाररत्न श्री रावसाहेब पाटील (दादा) युवा उद्योजक अभिनंदन उर्फ बच्चू पाटील यांच्या सहकाऱ्यांने आणि निपाणी फुटबॉल अकॅडमी चे अध्यक्ष धनंजय मानवी यांच्या नेतृत्वाखाली अकॅडमीचे प्रशिक्षक सचिन फुटणकर यांच्या मार्गदर्शनाखाली या स्पर्धा भरविण्यात येणार आहेत. स्पर्धेसाठी समर्थ मंडळ व्यायाम शाळेचे डॉ. चंद्रकांत कुरबेट्टी यांनी मैदान स्पर्धेसाठी खुले करून दिले आहे. निपाणी शहर आणि ग्रामीण भ...

  जयसिंगपूर / शिवार न्यूज नेटवर्क : संभाजीपूर (ता. शिरोळ) येथील ज्ञानेश्वर रामचंद्र पवार यांच्या जबड्याच्या शस्त्रक्रियेसाठी गुरुदत्त शुगर्सचे अध्यक्ष आणि कार्यकारी संचालक माधवराव घाटगे यांनी एक लाख रुपयांची मदत केली.      श्री पवार हे शेती करतात शिवाय ते घरचे कर्ते असल्याने शस्त्रक्रियेसाठी मोठी रक्कम आणायचे कुठून असा प्रश्न कुटुंबियांना पडला होता. कोरोनाच्या काळात घरातील पाच जणांना कोरोनाचे लागण झाली. यावेळीही उपचारासाठी मोठा खर्च झाला होता.      कोरोनानंतर म्यूकरमायकोसिसची लागण झाली आणि यातच जबड्याची शस्त्रक्रिया करणे गरजेचे असल्याचा वैद्यकीय निष्कर्ष पुढे आला. पवार यांची घरची परिस्थिती बेताची असल्याने श्री घाटगे यांनी त्यांना मदत करावी अशी विनंती संभाजीपूरमधील सामाजिक कार्यकर्ते राजवर्धन चव्हाण यांनी केली होती.      श्री घाटगे यांनी क्षणाचाही विचार न करता पैशाच्या मदतीचा शब्द देत आणि त्यांच्यावर शस्त्रक्रिया करणाऱ्या डॉक्टरांशी संपर्क साधून शस्त्रक्रियेची माहिती घेतली. यानंतर पवार यांच्या जबड्यावर शस्त्रक्रिया झाली. त्यांचा जबडा पूर्...